arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
थप समाचार
रिपोर्टरस क्लबका ॠषि धमलाको अनौठो अन्तर्वातालाई नेपाली मिडियाले गरेको व्याख्या(२०६७ माघ १७, सोमवार)
उमेश श्रेष्ठको Mysansar नामक नेपाली ब्लगले  यस्तो नि अन्तर्वार्ता हुँदो र'छ गाँठे! भन्ने शिर्षकमा एक ब्लग समाचार बनाएको छ। भने उक्त ब्लगका पाठकहरुले अनेकौ प्रतिकृया दिएका छन । जस्ता को त्यस्तै हेर्न उक्त ब्लग समाचार भित्र गएर हेर्नुस्:-
प्रचण्ड प्रधानमन्त्री भनेर पार्टीले कुनै निर्णय गरेको छैन: एकीकृत माओवादी स्थायी समितिका सदस्य टोपबहादुर रायमाझी(२०६७ माघ १७, सोमवार)
प्रचण्ड प्रधानमन्त्री भनेर पार्टीले कुनै निर्णय गरेको छैन एकीकृत नेकपा माओवादी स्थायी समितिका सदस्य टोपबहादुर रायमाझी जुझारु क्रान्तिकारी र प्रष्ट वक्ताको रुपमा चिनिनुहुन्छ । पार्टीभित्र उपाध्यक्ष डा। बाबुराम भट्टराईका खास मान्छेका रुपमा रहनु भएका रायमाझी मध्यममार्गी नेताको रुपमा पनि परिचित हुनुहुन्छ । बौद्धिक ब्यक्तित्वका धनी रायमाझीसँग ऋषि धमलाले गर्नुभएको कुराकानीको मुख्य अंशः
पोखराबाट डुम्रे जाँदै गरेको मोटरसाइकल र यात्रुबाहक बस एक आपसमा ठोकिंदा मोटरसाइकलमा सवार एकको मृत्यु(२०६७ माघ १७, सोमवार)
प्राप्त समाचार अनुसार  पोखराबाट डुम्रे जाँदै गरेको मोटरसाइकल र विपरित दिशाबाट आउँदै गरेको यात्रुबाहक बस घाँसीकुवा ५ घाँसीकुवा बजारमा आईतबार एक आपसमा ठोकिंदा मोटरसाइकलमा सवार एकको मृत्यु भएको छ ।  ग ४ प ९४७१ नम्वरको मोटरसाइकलमा जाँदै गरेका स्याङ्जा १ दाङसिङका ४८ वर्षीय  प्रेमराज लामिछानेको उपचारको क्रममा दमौली अस्पतालमा मृत्यु भएको हो । मोटरसाइकलको पछाडी सवार सोही ठाउँका ३५ वर्षीय शिव लामिछाने गंम्भीर घाइते भएका छन् । खुट्टा, छाती र मुखमा चोट लागेका उनलाई थप उपचारको लागि पश्चिमाञ्चल क्षेत्रीय अस्पताल पोखरा पठाइएको छ ।
क्रिश्चियनहरुले शव गाड्न थालेपछि पशुपति क्षेत्रविकास कोषले रोक लगाएको भन्दै राजधानीको गौशालामा भएको प्रदर्शनमा प्रहरीद्वारा हस्तक्षेप(२०६७ माघ १७, सोमवार)
काठमाडौंबाट प्राप्त समाचार अनुसार हिन्दूहरुको पवित्र धार्मिक स्थलमा क्रिश्चियनहरुले शव गाड्न थालेपछि पशुपति क्षेत्रविकास कोषले रोक लगाएको भन्दै राजधानीको गौशाला क्षेत्रमा भएको प्रदर्शनमा प्रहरीले हस्तक्षेप गरेको छ। गौशाला चोकमा सवारी आवागमन अवरोध गरी प्रदर्शन गरिरहेका किरात राईहरुका विभिन्न संस्थाका कार्यकर्तामाथि प्रहरीले बल प्रयोग गरेको हो । सो क्रममा केही घाइते भएको बताइएको छ। सो क्रममा प्रहरीले माओवादीका दुई जना सभासदसहित केहीलाई नियन्त्रणमा लिएको बुझिएको छ। प्रहरीले लाठी, अश्रुग्यास प्रहार गरेपछि प्रदर्शनकारीहरु तितर वितर भएका थिए । आफ्नो पुर्ख्यौली थलोमा शव गाड्न पाउनुपर्ने मागसहित किरात राईसम्बद्ध विभिन्न संगठन प्रदर्शनमा उत्रिएका हुन् ।
पूर्व पश्चिम राजमार्गअन्तर्गत झापामा भारतीय ट्रकको ठक्करबाट दुईजनाको मृत्यु/ चितवनमा बसको छतबाट खसेर एक जनाको मृत्यु / दोलखामा युवतीको हत्यामा संलग्न युवक पक्राउ(२०६७ माघ १७, सोमवार)
प्राप्त समाचार अनुसार  पूर्व पश्चिम राजमार्गअन्तर्गत झापाको सुरुङ्गा-२ स्थित जुकेकल्भर्टमा भारतीय ट्रकको ठक्करबाट दुईजनाको मृत्युभएको छ । डव्ल्यु वि ७१-ए ०४४१ नम्बरको मालबाहक भारतीय ट्रकको ठक्करबाट गम्भीर घाइते भएका झापा सतासीधाम-१ का १८ वर्षीय विनोद शेर्मा र सोही स्थानका ३० वर्षीय राजकुमार शेर्माको उपचारका क्रममा मृत्युभएको हो । पश्चिमतर्फ जाँदै गरेको सो भारतीय सवारी साधनले हिजो बिहान ओभरटेक गर्ने क्रममा सोही दिशातर्फ जाँदै गरेको मे २ प ८६९४ नम्बरको मोटरसाइकललाई ठक्कर दिँदा गम्भीर घाइते भएका मोटरसाइकलमा सवार शेर्माद्वयलाई उपचारका लागि बिपी कोइराला स्वास्थ्य विज्ञान प्रतिष्ठान धरान लगिएको थियो ।
अस्थायी शिक्षकहरुद्वारा स्थायी गर्नुपर्ने मागसहित देशैभरका जिल्ला शिक्षा कार्यालयहरुमा धर्ना(२०६७ माघ १७, सोमवार)
अस्थायी शिक्षकहरुलाई प्रक्रिया पूरा गरी स्थायी गर्नुपर्ने मागसहित आन्दोलनरत अस्थायी शिक्षक आन्दोलन समितिले आज देशैभरका जिल्ला शिक्षा कार्यालयहरुमा धर्ना सुरु गरेका छन् । देशैभरका अस्थायी शिक्षकहरुले आज विहान १० देखि ३ बजेसम्म जिल्ला शिक्षा कार्यालयहरुमा धर्ना दिने अस्थायी शिक्षक आन्दोलन समितिले जनाएको छ । व्यवस्थापिका संसदले २०६३ सालभित्र नियुक्त भएका शिक्षकहरुलाई छुट्टै प्रतिस्पर्धा गरी स्थायी गर्ने विधेयक पारित  भइसकेको अवस्थामा प्रमाणीकरणको बेला सभामुखले खुल्ला प्रतियोगिता उल्लेख गरी त्रुटी गरेकोले त्यसलाई सच्याउन पनि आन्दोलनरत शिक्षकहरुले माग गरेका छन् ।
नेपाली जनप्रगतिशील मंच,यू.ए.ई. द्वारा श्रीमती सरु थापा(मगर) लाई दोसल्ला ओढाएर सम्मानित(२०६७ माघ १७, सोमवार)
यही मिति २०११/०१/२९ का दिन नेपाली जनप्रगतिशील मंच, यू.ए.ई.को अबुधाबी क्षेत्रीय समितिको भेला संम्पन्न भएको छ |  बिशेष  गरि बिगत लामो समय देखि नेपाली जनप्रगतिशील मंच यू.ए.ई.को अबुधाबी क्षेत्रीय समितिमा कोषाअध्यक्ष को कार्यभार समाल्दै यू.ए.ई.का विभिन्न सास्कृतिक कार्यक्रमहरुमा जनबादीगीत र नेपाली लोकगीतहरु समेत गाएर जनमासलाई आफ्नो मिठो स्वरले मन्त्र मुग्ध पार्दै आउनु भएकी क्रान्तिकारी बिचारमा प्रतिबद्द कलाकार तथा समाजसेबी श्रीमती सरु थापा(मगर) लाई संगठनका महासचिब श्याम परियार र केन्द्रिय सल्लाहकार संयोजक पिताम्बर पोख्रेल ले संगठनको  तर्फबाट दोसल्ला ओढाएर सम्मानितगर्नु भएको थियो |
नयाँ संविधान जारी हुन नसके मुलुकमा भयङ्कर दुर्घटना हुने र त्यस दुर्घटनालाई दलहरुले रोक्न नसक्ने(२०६७ माघ १७, सोमवार)
धादिङ्गबाट प्राप्त समाचार अनुसार एकीकृत नेकपा माओवादीका उपाध्यक्ष डा बाबुराम भट्टराईले जेठ १४ गते सम्म नयाँ संविधान जारी हुन नसके मुलुकमा भयङ्कर दुर्घटना हुने र त्यस दुर्घटनालाई राजनीतिक दलहरुले रोक्न नसक्ने चेतावनी दिनु भएको छ । धादिङ्गको मैदीमा रहेको संस्कृति साधारण उच्च माध्यमिक विद्यालयको स्वर्ण महोत्वस समारोहमा सहभागी हुन पुग्नु भएका उपाध्यक्ष भट्टराईले त्यस्को संकेत नेपाली जनताले झापडको रुपमा ब्यक्त गर्न थालिसकेको दावी गर्नुभयो । उहाँले भन्नुभयो -नेपाली जनताले नेताहरुमाथि झापड हानेर त्यस्तो दुर्घटनाको संकेत गरिरहेका छन् । शान्ति र संविधानलाई सुनिश्चत गर्न सकिएन भने जे पनि हुन सक्छ । मुलुकमा शान्ति र संविधानलाई समयमै तार्किक परिणतीमा पुर्याउन सहमतिको राष्ट्रिय संयूक्त सरकारको विकल्प नभएको मा जोड दिदै त्यसकोलागी सबै आधारमा माओवादी नेतृत्वको विकल्प नभएको दावी गर्नुभयो ।
कवि हरि मानन्धर विवशको असूचित विम्ब ध्वनि कबितासङ्ग्रह विमोचित(२०६७ माघ १७, सोमवार)
इजरायलमा रहनु भएका कवि हरि मानन्धर विवशको असूचित विम्ब-ध्वनि कबितासङ्ग्रह शनिबार काठमाडौंको कमलादीमा अवस्थित नेपाल प्रज्ञा प्रतिष्ठानको सभाकक्षमा विमोचन गरिएको छ ।  विमोचनमा वरिष्ठ कवि तुलसी दिवसद्धारा पुस्तक विमोचित गरि सार्वजनिक गरिएको  थियो ।
राजनीतिक संकट जारी: तीन दलले बैठकमा सत्ता बाहेक अरु कुनै पनि विषयमा छलफल गर्न चाहेनन(२०६७ माघ १७, सोमवार)
काठमाडौंबाट प्राप्त समाचार अनुसार शान्ति प्रकृया र सहमतीय सरकार निर्माणको बिषयमा छलफल गर्न बसेको तीन दलीय शीर्ष बैठक आधा घण्टामै टुङ्गिएको छ । आफुले पाएमात्र सबै कुरा मिल्ने अडानमा नेताहरु रहेकाले सहमतीय सरकारको संभावना सकिएको छ । 'हामीले हाम्रो नेतृत्वमा सहमतीको सरकार बन्नु पर्ने बतायौं, तर, अरु दलहरुले आआफ्नो अडान छाडेनन्' माओवादी उपाध्यक्ष नारायणकाजी श्रेष्ठले संवाददाताहरुसंग भने, 'दुई पक्षीय छलफलहरुमा केही सहमति भएमात्र फेरी तीन दलको बैठक बस्ने हो ।' माओवादी, काँग्रेस र एमाले नेताहरुले सरकारको नेतृत्वमा दावी गरेपछि बैठकमा शान्तिप्रकृयाका बारेमा छलफल नै हुन सकेन । यसले दलहरु सत्ता बाहेक अरु कुनै पनि विषयमा छलफल गर्न नचाहेको स्पष्ट भएको छ । माओवादीले विना सर्त सरकारको नेतृत्व आफुलाई सुम्पनु पर्ने अडान राखेको छभने काँग्रेस र एमाले सरकारको नेतृत्व आफुले नपाउने हो भने माओवादीले लडाकु समायोजनको खाकामा सहमति जनाएर काम सुरु गर्नुपर्ने अडान राखेका छन् ।
banner
banner
संवैधानिक समितिद्वारा नयाँ संविधानको मस्यौदा लेखनअघि बढाउन विशेषज्ञहरूसँग परामर्श सुरु(२०६७ माघ १६, आइतवार)
संवैधानिक समितिले नयाँ संविधानको मस्यौदा लेखनअघि बढाउन विशेषज्ञहरूसँग शनिबार परामर्श थालेको छ । समितिका सभापति निलाम्बर आचार्यले शनिबार संवैधानिक कानुनका ज्ञाताहरूसँग परामर्श गरेका हुन् । नयाँ संविधानमा रहने विषयबारे दलहरूबीच सहमति भएका र हुन बाँकी विषयगत समितिका सात प्रतिवेदन संविधानसभाले संवैधानिक समितिमा पठाएको तेस्रो दिन समितिले परामर्श थालेको छ । संविधानसभाको बुधबारको बैठकले सहमति हुन बाँकी विषयमा विवाद मिलाउन र सहमति भएकामा संविधानको प्रारम्भिक मस्यौदा लेखन अघि बढाउन संवैधानिक समितिलाई जिम्मेवारी दिएको थियो । संविधानसभाले दिएको जिम्मेवारीअनुसार सहमति भइसकेका विषयलाई अघि बढाउन परामर्श थालेको सभापति आचार्यले बताए । 'चार महिनामात्रै समय बाँकी भएकाले कसरी अघि बढ्ने भनेर विशेषज्ञहरूसँग परामर्श गरेको हुँ,' आचार्यले भने, 'अब संविधान लेखनबारे छलफललाई तीव्र पारिनेछ ।'
banner
banner
सूचना: जिल्ला अर्घाखाँची निवाशी श्री मेघ बहादुर बेलबासेको छोरा,  नेत्र बहादुर बेलबासे सिद्दारा गाबिस ३ मा बस्नेको नागरिकता दिल्लीबाट चंदिगढ़ा जाने क्रममा भेटिएकोले सम्बन्धित व्यक्तिलाई यो फोन नम्बरमा सम्पर्क गर्न अनुरोध गरिन्छ 00919958343839
पुनर्गठित माओवादी मातृका यादवद्वारा आफ्नो दल मानसिक रुपमा हतियार उठाउन तयारी गरिरहेको उल्लेख(२०६७ माघ १६, आइतवार)
प्राप्त समाचार अनुसार पुनर्गठित माओवादीका अध्यक्ष मातृका यादवले आफ्नो दल मानसिक रुपमा हतियार उठाउन तयारी गरिरहेको बताएका छन । शनिबार कलैयामा आयोजित पत्रकार भेटघाटमा कुरा गर्दै यादवले दलले जनक्रान्ति र जनसंविधानको लागि यस्तो मानसिकता बनाएको बताए । उनले जनसंविधान नबनेसम्म नेपाली जनताले मुक्ति नपाउने समेत उल्लेख गरे । आफ्नो दलले नयाँ जनवादी क्रान्तिको लागि फागुन  १ गतेदेखि एक महिने जनजागरण अभियान समेत  देशभर थाल्ने यादवले बताए ।  देश लुट्ने तथा विदेशी दलाली गर्नेको कब्जामा संविधानसभा रहेको यादवको भनाई थियो । राजतन्त्रको अन्त्य भए पनि सामन्तवादको अन्त्य नभएको बताउँदै यादवले  देश अग्रगमनतिर नलागेको बताए ।
गन्तब्य बिनाको यात्री (२०६७ माघ १६, आइतवार)
गन्तब्य  बिनाको  यात्री  झैँ
हिंडीरहेछु गल्ली गल्ली भौतारी
आई पुगेछु यो मरुभूमिमा खोज्दै
थाकेको जिन्दगी बिसाउने चौतारी
छानामा बसेर घाम ताप्दै गरेकी बृद्धाको खसेर घटनास्थलमै मृत्यु(२०६७ माघ १६, आइतवार)
प्राप्त समाचार अनुसार घरको छानाबाट खसेर एक बृद्धाको मृत्यु भएको छ । शनिबार साँझ ४ बजेतिर  दशरथचन्द नगरपालिका १ गोठलापानीकी ८० वषिर्या जसुदेवी भट्टको छानाबाट खस्दा मृत्यु भएको हो । छानामा बसेर घाम ताप्दै गरेकी बृद्धाको करीब १० फिट अग्लो छानाबाट खसेर  घटनास्थलमै मृत्यु भएको हो ।
दुखाइनाशक सबै औषधिहरू मुटुका लागि खतरनाक(२०६७ माघ १६, आइतवार)
तपाईं दुखाइनाशक औषधि सेवनमा अभ्यस्त हुनुहुन्छ भने सावधान भइहाल्नुस् । नयाँ अनुसन्धानअनुसार पीडा शमन गर्नका लागि प्रचलित डाइक्लोफेनाक र आइबुप्रोफेन जस्ता औषधिहरू मुटु रोगका कारक बन्न सक्छन् । प्रचलित यस्ता सबै पेनकिलर औषधिहरू मुटुका लागि खतरनाक हुन्छन्, जसलाई सामान्यतः व्यक्तिहरू पीडा घटाउन उपयोग गर्छन् । यस्ता औषधिमा पारम्परिक ननस्टेराइडल एन्टिइन्फलेमेट्री र नयाँ एन्टिइन्फलेमेन्ट्रीसमेत पर्छन् । पारम्परिक डाइक्लोफेनाक र आइबुप्रोफेन औषधि गठिया र अन्य गम्भीर दुखाइका बेला सम्बद्ध रोगीहरूले प्रयोग गर्छन् ।
नेपाल भारत सिमा क्षेत्रमा दुर्लभ बन्यजन्तु अर्नाको आक्रमणबाट १८ वषिर्य एक युवाको मृत्यु(२०६७ माघ १६, आइतवार)
प्राप्त समाचार अनुसार सुनसरी जिल्लाको लौकही स्थित नेपाल भारत सिमा क्षेत्रमा शनिबार अपरह्रन दुर्लभ बन्यजन्तु अर्नाको आक्रमणबाट एक युवाको मृत्यु भएको छ । मृत्यु हुनेमा लौकही गाविस २ का १८ वषिर्य मिथलेशकुमार यादव रहेका छन् । लौकही स्थित नेपाल भारत सिमामा रहेको छोटी भन्सार कार्यालय नजिकै यादवमाथि अर्नाले आक्रमण गरेको थियो । अर्नाको आक्रमणबाट गंम्भीर घाइते यादवलाई उपचारका लागि सुनसरी जिल्ला अस्पताल इनरुवा ल्याउँदै गर्दा बाटोमै मृत्यु भएको प्रहरीले जनाएको छ ।
नेपाली जनसम्पर्क समिती यूएईको दुबइ क्षेत्रिय समिती गठन(२०६७ माघ १६, आइतवार)

नेपाली जनसम्पर्क समिति यू ए इ को प्रथम अधिबेसन तथा दुबइ क्षेत्रिय समिति को गठन येही जनवरी २८ का दिन बुर दुबइ स्थित आदमैरल  प्लाजा होटेलमा सम्पन्न भएको छ अधिबेसनले मनोज कुमार श्रेष्ठको अधेक्ष्येतमा १५ सदस्य दुबइ क्षेत्रिय कार्यसमिति गठन गरेको छ समितिको उपाध्यक्षमा कृष्ण शर्मा तथा दामोधर पाण्डे  , सचिबमा गोपाल कंडेल , सहसचिबमा गोकर्न पौडेल , कोषाध्यक्षमा साङ्दोर्गे शेर्पा र सदस्यहरुमा क्रमस: राम प्रसाद अधिकारी ,अशोक तामाङ, घनश्याम खनाल , रमेश गौतम् ,दिल गुरुङ , हिरामनी पोखरेल , दीपक खत्री ,बोस तामाङ, गोविन्द चालिसे तथा सललाहाकार हरुमा क्रमस निर कुमार शर्मा , कुमार राना, तेज प्रसाद आचार्य रहनुभयेको छ।

कांग्रेस र एमालेले एकपछि अर्को सर्त तेर्स्याएपछि सहमति बन्न नसकेको माओवादी आरोप(२०६७ माघ १६, आइतवार)
काठमाडौंबाट प्राप्त समाचार अनुसार माओवादी उपाध्यक्ष नारायण काजी श्रेष्ठले कांग्रेस र एमालेले  एकपछि अर्को सर्त तेर्स्याएपछि सहमति बन्न नसकेको आरोप लगाएका छन् । उनले शान्ति प्रक्रिया सम्बन्धि तत्काल पूरा हुन नसक्ने सर्त राखेर ती दुई दलले गतिरोध लम्ब्याउन चाहेको बताए । उपाध्यक्ष  श्रेष्ठले माओवादीलाई सरकार गठन सम्बन्धमा कुनै पनि सर्त मान्य नहुने बताए । शान्ति र संविधान निष्कर्षमा पुर्याउन माओवादी नेतृत्वमा राष्ट्रिय सहमतिका सरकारको  विकल्प नरहेको भन्दै लउनले लचकतापूर्वक पेश हुन अन्य दललाई आग्रह गरे । गोकर्णमा भएको बैठकमा सहमति हुनै लागेपनि फेरी दुई दलले कुरा फेरेको उनले आरोप लगाए ।
देशभित्र बढ्दो माग र सस्तो दरभाउका कारण नेपालले भारतसँग बिजुली खरिद गर्ने २५ वर्षे सम्झौताको तयारी(२०६७ माघ १६, आइतवार)
नेपाली संचारमाध्यमहरुमा उल्लेख भए अनुसार देशभित्र बढ्दो माग र सस्तो दरभाउका कारण नेपालले भारतसँग बिजुली खरिद गर्ने २५ वर्षे सम्झौताको तयारी गरेको छ । यसरी खरिद गरिने बिजुलीको दरभाउ तय (पीपीए) गर्नेबारे राजधानीमा दुई देशका अधिकारीबीच छलफल भइरहेको छ । नेपालले १ सय ५० मेगावाट बिजुली खरिद गर्ने तयारी गरेको छ । 'हामी पीपीएका विभिन्न पक्षबारे छलफल गरिरहेका छौं,' वार्तामा सहभागी एक अधिकारीले भने । भारतको पावर ट्रेडिङ कर्पोरेसन (पीटीसी) सँग करिब २ महिनाअघि पनि छलफल भएको थियो । सम्झौताका विभिन्न पक्षबारे छलफल भइरहे पनि दर भने तय भइसकेको छैन । प्राधिकरणले लामो समयको सम्झौता भएकाले प्रतियुनिट ४ भारु (६ रुपैयाँ ४० पैसा नेपाली रुपैयाँ) भन्दा कम दरमा सम्झौता गर्ने तयारी नेपाली पक्षको छ ।
माओवादीद्वारा सेना समायोजन र पुनःस्थापनाका विषयमा सर्त पूरा गरे सरकारको नेतृत्व दिन सक्ने कांग्रेस-एमालेको प्रस्ताव अस्वीकार(२०६७ माघ १५, शनिवार)
काठमाडौंबाट अर्घाखाँचीडट्कमलाई प्राप्त समाचार अनुसार  माओवादीले सेना समायोजन र पुनःस्थापनाका विषयमा सर्त पूरा गरे सरकारको नेतृत्व दिन सक्ने कांग्रेस-एमालेको प्रस्ताव अस्वीकार गरेको छ । उसले सरकार गठनका निम्ति कुनै पनि पूर्वसर्त स्वीकार नगर्ने औपचारिक निर्णय गरेको छ । माओवादीले सरकार गठनसँग लडाकुको 'सौदाबाजी' नगर्ने निर्णय गरेपछि उनीहरूको संख्या तोक्ने, सेना समायोजन, पुनःस्थापना मोडालिटी (खाका) र समयसीमा निर्धारण गर्ने प्रक्रिया सरकार गठनपछि मात्र अगाडि बढ्ने भएको छ ।
banner
banner
सूचना: जिल्ला अर्घाखाँची निवाशी श्री मेघ बहादुर बेलबासेको छोरा,  नेत्र बहादुर बेलबासे सिद्दारा गाबिस ३ मा बस्नेको नागरिकता दिल्लीबाट चंदिगढ़ा जाने क्रममा भेटिएकोले सम्बन्धित व्यक्तिलाई यो फोन नम्बरमा सम्पर्क गर्न अनुरोध गरिन्छ 00919958343839
'शान्ति र संविधान निर्माण नभए जेठ १४ पछि एमालेले पनि जनविद्रोह गर्छ' अभिव्यक्ति दिएको भन्दै झलनाथ खनालविरुद्घ उजुरी(२०६७ माघ १५, शनिवार)
संचारमाध्यमहरुमा उल्लेख भए अनुसार एमाले अध्यक्ष झलनाथ खनालले पार्टी नीतिविपरीत 'शान्ति र संविधान निर्माण नभए जेठ १४ पछि एमालेले पनि जनविद्रोह गर्छ' अभिव्यक्ति दिएको भन्दै उनीविरुद्घ केन्द्रीय अनुशासन आयोगमा उजुरी परेको छ । पार्टीका राष्ट्रिय प्रतिनिधि परिषद् सदस्य विदुरप्रसाद सापकोटाले अध्यक्षमाथि अनुशासनको कारबाही माग गर्दै उजुरी दिएका हुन् । गत माघ ५ गते पार्टी केन्द्रीय कार्यालयमा आयोजित स्थानीय विकास तथा भौतिक पूर्वाधार विभागको कार्यक्रममा जनविद्रोह गर्ने भन्दै दिएको अभिव्यक्ति सञ्चारमाध्यममा सार्वजनिक भएको उल्लेख गर्दै सापकोटाले त्यसैको आधारमा उजुरी गरेका हुन् ।
माओवादीद्वारा लडाकु समायोजन सम्बन्धमा नेपाली सेनाले दिएको पछिल्लो अभिव्यक्तिप्रति आपत्ति(२०६७ माघ १५, शनिवार)
काठमाडौंबाट प्राप्त समाचार अनुसार माओवादीले लडाकु समायोजन सम्बन्धमा नेपाली सेनाले दिएको पछिल्लो अभिव्यक्तिप्रति आपत्ति जनाएको छ । नेपाली सेनाले  लडाकु समायोजनको मापदण्ड तोक्न नमिल्ने भन्दै माओवादीले यस्ता अभिव्यक्तिले शान्ति प्रक्रियालाई अप्ठयारोमा पार्न सक्ने चेतावनी दिएको छ । नेपाली सेनाले शुक्रबार राजधानीमा पत्रकार सम्मेलन गरी अन्तरिम संविधानमा व्यवस्था भए अनुसार प्रमाणीकरणमा  परेका लडाकु सम्भावित समायोजनका लागि योग्य हुने भन्दै समूहगत समायोजन अस्वीकार्य हुने संकेत गरेको थियो । काठमाडौमा एक रेडियोसंग कुरा  गर्दै माओवादी प्रवक्ता दिननाथ शर्माले शान्ति प्रक्रियाकै महत्वपूर्ण अंग रहेको लडाकुको समायोजन र पुनस्थापनाबारे दलहरुबीच सहमतिको प्रयास भईरहेकै बेला सेनाबाट पछिल्लो आएको अभिव्यक्ति उपयुक्त नभएको टिप्पणी गरे ।
बैतडीमा २८ वर्षिय अधबैंसे सुत्केरी महिला घरभित्रै मृत फेला(२०६७ माघ १५, शनिवार)
प्राप्त समाचार अनुसार  बैतडीको शंकरपुर गाबिस-४ मा  माईती घरमा बस्दै आएका एक अधबैंसे सुत्केरी महिला घरभित्रै मृत फेला परेकी छन् । सित्तड घर भई माईत शंकरपुर गएर बसेकी २८ वर्षिय  पुष्पा जोशी  घरमै मृत अवस्थामा फेला परेको परिवारजनले बताएका छन् ।  एक महिनाअघि बच्चा जन्माएकी पुष्पा २० दिनदेखि मानसिक रुपमा असामान्य रहेको परिवारजनको भनाइ छ ।
भारतले कोसी ब्यारेजका सबै ढोका थुनिएपछि सुनसरीको ब्यारेज स्थित नेपाली भु-भाग डुवानमा(२०६७ माघ १५, शनिवार)

नेपाली संचारमाध्यमहरुमा उल्लेख भए अनुसार भारत बिहारको जल संसाधन मन्त्रालयको आदेसमा कोसी ब्यारेजका सबै ढोका शुक्रबारदेखि थुनिएपछि सुनसरीको ब्यारेज स्थित नेपाली भु-भाग डुवानमा परेको छ । ढोका बन्द गरिएपछि पानी बग्न नसक्दा कोसी ब्यारेजको सुनसरी क्षेत्रको पूर्वपट्टीको भाग डुवानमा परेको छ  सप्तकोसीको पुर्वी तटबन्ध अन्तरगत होचो रहेको स्थानमा तटबन्धमाथी पानीको दवाब बढेको छ । पानी नियमित रुपमा बग्न नसक्दा ब्यारेजको पूर्व उतर क्षेत्रमा लगाइएको सयौ बिगहाको गहुँबाली समेत डुवानमा परेको स्थानिय वासिन्दाहरुले जानकारी दिएका छन् । भारत सरकारले निर्माण गरिरहेको राष्ट्रिय राजमार्ग अन्तरगत बिहारको भवटियाहीमा कोसी नदीमा निर्माण गरिरहेको पुल ढलानका लागि शुक्रबारदेखि ब्यारेजका सबै ५२ वटै ढोका थुनिएको हो ।

उपचारका क्रममा जोहनेसवर्गस्थित अस्पतालमा रहेका दक्षिण अफ्रिकाका पूर्व राष्ट्रपति मण्डेला डिस्चार्ज(२०६७ माघ १५, शनिवार)
नियमित स्वास्थ्य जाँचका लागि भन्दै अस्पताल भर्ना भएका दक्षिण अफ्रिकाका पूर्व राष्ट्रपति नेलशन मण्डेला दुई दिन पछि अस्पतालबाट डिस्चार्ज भएका छन्। अस्पतालमा भर्ना भएपछि पूर्व राष्ट्रपति मण्डेलाको स्वास्थ्यका विषयमा सर्वत्र चासो बढीरहेको समयमा म48डेला अस्पतालबाट डिस्चार्ज भएको जानकारी ज्वाहानेशवर्ग स्थित मिलपार्क अस्पताल श्रोतले दिएको छ।
भारतको झारखण्डमा सुरक्षा फौज र माओवादीबीच भएको भिडन्तमा नौ जना माओवादी कार्यकर्ता मारिएको सुरक्षा अधिकारीको दाबी (२०६७ माघ १५, शनिवार)
भारतको झारखण्ड राज्यको जंगलमा सुरक्षा फौज र माओवादीबीच भएको भिडन्तमा कम्तीमा नौ जना माओबादी मारिएको जानकारी त्यहाँको प्रहरीले दिएको छ। समाचारमा जनाइए अनुसार मारिने व्यक्ति माओबादीबाट टुक्रिएको एक छुट्टै समूहका हुन्। लातेहार जिल्लाको लोहुर जंगलमा भएको भिडन्त गएराति एक बजेदेखि विहानसम्म भएको प्रहरीले बताएको छ। बेतला राष्ट्रिय उद्यान अन्तर्गत पर्ने यो क्षेत्रमा माओबादीको बलियो पकड रहेको बताइन्छ। गत वर्ष यसै इलाकामा माओबादीहरुले यात्रुबाहक बस नियन्त्रणमा लिएका थिए।
शान्ति र संविधानको सुनिश्चितता भए माओवादी नेतृत्वको सरकार स्वीकार्य हुने एमाले झलनाथ खनालको भनाइ(२०६७ माघ १५, शनिवार)
 काठमाडौंबाट प्राप्त समाचार अनुसार नेकपा -एमाले) का अध्यक्ष झलनाथ खनालले शान्ति र संविधानको सुनिश्चितता भए एकीकृत -माओवादी) नेतृत्वको सरकार स्वीकार्य हुने बताउनुभएको छ । नेकपा -एमाले) उपत्यका पेसागत बुद्धिजीवी विशेष कमिटीको प्रथम जिल्ला प्रतिनिधि परिषद् बैठकको आज यहाँ उद्घाटन गर्दै उहाँले भन्नुभयो- सहमति भए जसको नेतृत्व पनि स्वीकार्य हुन्छ, त्यो सहमति निर्दिष्ट आधारमा हुनुपर्छ, शान्ति र संविधानको सुनिश्चितताका लागि माओवादीले निश्चित कुरामा आश्वस्त पार्छ भने उसको नेतृत्व स्वीकार्य हुन्छ । अध्यक्ष खनालले प्रधानमन्त्री निर्वाचनको नयाँ प्रक्रियाको थालनीसँगै आगामी माघ २० देखि २३ भित्र मुलुकले नयाँ प्रधानमन्त्री पाउने सम्भावना भए पनि देशी-विदेशी प्रतिगामी तत्वहरुबाट नेपाललाई अस्थिर बनाउने षडयन्त्र भइरहेको तथ्यतर्फ प्रमुख जिम्मेवार दलहरु सचेत हुनुपर्छ भन्नुभयो ।
हिसात्मक प्रर्दशन बढ्दै गएपछि इजिप्टका राष्ट्रपति मुबारकद्वारा सरकार विघटन, आफुले भने सत्ता नछाड्ने स्पष्टोक्ति(२०६७ माघ १५, शनिवार)
आफू विरुद्धको प्रदर्शन बढ्दै गएपछि इजिप्टका राष्ट्रपति होस्नि मुबारकले सरकार विघटन गरेका छन्। तर, आफू भने सत्ताबाट नहट्ने मुबारकले स्पष्ट पारेका छन्। इजिप्टको राजधानी कायरोलगायत देशब्यापी रुपमा मुबारकको राजिनामाको माग गर्दै फैलिएको विरोध प्रदर्शन अझ शशक्त बनेपछि मुबारकले सरकार भंग गरेका हुन्।
मोरङको होक्लाबारीका एक पुरुष गहुँबारीमा मृत फेला(२०६७ माघ १५, शनिवार)
प्राप्त समाचार अनुसार मोरङको होक्लाबारीका एक पुरुष शनिबार बिहान गहुँबारीमा मृत फेला परेका छन् । होक्लाबारी-६ का ४१ वर्षीय प्रेम किस्कु बयरबन गाविसको वडा २ मा रहेको स्थानीय बासिन्दाको गहुँबारीमा मृत फेला परेका हुन् । गाउँलेले खबर गरेपछि प्रहरीले घटनाबारे अनुसन्धान सुरु गरेको जनाएको छ । उनको शरीरभरि निलडाम र घाउ पाइएकाले कसैले कुटपिट गरी हत्या गरेको हुनसक्ने अनुमान प्रहरीले गरेको छ ।
नेपाली समाज यूएईको अध्यक्षमा कृष्ण ढकाल निर्विरोध निर्वाचित(२०६७ माघ १५, शनिवार)
संयूक्त अरब ईमिरेट्स यूएई मा रहेका नेपालीहरुको साझा संस्था नेपाली समाज यूएईको निर्वाचन हिजो बरदुबईको एभरेष्ट इन्टरनेशनल होटलमा सम्पन्न भएको छ।उक्त निर्वाचनमा नेपाली समाजका भू.पू. अध्यक्ष कृष्ण ढकाल सर्वसम्मत निर्विरोध निर्वाचित हुनु भएको छ।
http://go.oclaserver.com/afu.php?zoneid=1465736