arghakhanchi
मिति:
भर्खरै
थप समाचार
बिज्ञापनहरु Advertisements
banner
banner
banner
मत सर्वेक्षण
आउँदो वैशाख ३१ गते घोषित स्थानीय तहको निर्वाचन तोकिएको समयमा होला कि नहोला ।

हुन्छ
हुँदैन
गर्नुपर्छ
मतलब भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
banner
 
थप समाचार
युनिटी लाइफ इन्टरनेसनद्वारा कारोबार लुकाउन विदेशी इन्टरनेट सेवा प्रयोग (२०६७ ज्येष्ड ६, विहीवार)
युनिटी लाइफ इन्टरनेसनका संचालकहरूले आफ्नो कारोबार लुकाउन विदेशी कम्पनीको इन्टरनेट सेवा प्रदायकसँग सेवा लिएको फेला परेको छ।

नेपालमा गुणस्तरीय सेवा दिने इन्टरनेट सेवा प्रदायक हुँदाहुँदै युनिटीले विदेशी कम्पनीबाट सेवा लिएर आफ्नो आर्थिक कारोबार गोप्य राख्न खोजेको हो।

वेलायती महारानी इलिजावेथ द्वितीय समक्ष नेपालका राजदूत सुरेशचन्द्र चालिसेले ओहदाको प्रमाणपत्र पेश (२०६७ ज्येष्ड ६, विहीवार)
संयुक्त अधिराज्यका लागि नेपालका राजदूत सुरेशचन्द्र चालिसेले वेलायती महारानी इलिजावेथ द्वितीय समक्ष वकिंघम राज प्रसादमा आफ्नो ओहदाको प्रमाणपत्र पेश गरेका छन्। समारोहमा वेलायती परराष्ट्र मन्त्रालयका सचिव, डिप्लोमेटिक कोरका मार्सल चार्ल्स ग्रे तथा राजदरवार एवं परराष्ट्र मन्त्रालयका उच्च पदाधिकारीहरुको उपस्थिति थियो।
सहमति एवम शान्ति सम्झौतामा उल्लेखित लडाकु समायोजनमा कांग्रेसको पुरानै अडान(२०६७ ज्येष्ड ६, विहीवार)
नेपाली कांग्रेसले सुरक्षा अंगको स्थापित मापदण्ड, संयुक्त राष्ट्र संघको रोहवरमा भएका सहमति एवम शान्ति सम्झौतामा उल्लेखित प्रावधान बाहेक माओवादी लडाकुलाई समायोजन गर्न नसकिने बताएको छ । कांग्रेसको तर्फबाट माओवादी लडाकुको रेखदेख, पुनःस्थापना र समायोजन समितिमा प्रतिनिधित्व गर्ने सदस्य र पार्टी पदाधिकारीहरुबीच बिहीबार भएको छलफलले पुरानो अडान दोहोर्‍याएको हो । कार्यबाहक सभापति सुशील कोइरालाको निवासमा भएको बैठकपछि कांग्रेस प्रवक्ता अर्जुननरसिंह केसीले भने, 'बृहत शान्ति सम्झौता, सुरक्षा अंगको स्थापित निश्चित मापदण्ड र यूएनको रोहवरमा गरिएको सहमति बाहेक माओवादी लडाकुलाई समायोजन गर्न सकिदैन भन्ने हाम्रो अडान हो ।'
सुरक्षा परिषद्द्वारा संविधानसभाको म्याद नथपिए उत्पन्न हुन सक्ने अवस्थालाई ध्यानमा राखेर सुरक्षा निकायलाई तयार रहन निर्देशन (२०६७ ज्येष्ड ६, विहीवार)
राष्ट्रिय सुरक्षा परिषद्ले जेठ १४ पछि संविधानसभाको म्याद नथपिए उत्पन्न हुन सक्ने अवस्थालाई ध्यानमा राखेर नेपाली सेनालगायतका सुरक्षा निकायलाई प्रभावकारी रुपमा परिचालन गर्ने निर्णय गरेको छ । बिहीबार बसेको परिषद्को बैठकमा सेना, सशस्त्र प्रहरी बल, नेपाल प्रहरी र राष्ट्रिय अनुसन्धान विभागका प्रमुखहरुलाईसमेत बैठकमा बोलाई उत्पन्न हुन सक्ने परिस्थितिका लागि तयार रहन निर्देशन दिएको हो । बैठकले बैशाख १८ गते सत्ता कब्जा गर्ने माओवादीको रणनीतिलाई विफल बनाएकोमा सुरक्षा निकायको प्रशंसा गर्दै धन्यवादसमेत दिएको थियो ।
जेठ १४ सम्म सहमति नभए पनि संविधानसभा रिक्त नहुने:- माओवादी दाहाल (२०६७ ज्येष्ड ६, विहीवार)
माओवादी अध्यक्ष पुष्पकमल दाहालले जेठ १४ सम्म सहमति नभए पनि संविधानसभा रिक्त नहुने बताएका छन्। 'केही समय संविधानसभा निष्क्रिय हन्छ तर खारेज नै हुँदैन'- उनले भने। दाहालले सहमतिबाट मात्रै संविधानसभाको म्याद थपिने बताउँदै जेठ १५ गते सडकबाट जनसंविधान नभई पार्टीको मस्यौदा संविधान घोषणा गर्ने पनि बताएका छन्। 'हामीले जनसंविधान घोषणा गर्ने भनेर मिडियामा आएका कुरा सबै सत्य होइनन्'- धुलिखेलमा सञ्चारकर्मीसँग कुरा गर्दै दाहालले थपे। 'जेठ १४ गतेसम्म संविधान बनेन भने हामीले १५ गते संविधानको मस्यौदा सार्वजनिक गर्नेमात्र हो तर हाम्रो पार्टीको मस्यौदालाई सबैले मान्नुपर्छ भन्ने होइन'- दाहालले प्रष्ट पारे।
पाकिस्तानको दक्षिण शहर कराचीमा भएको आतङ्कमा परी 23जनाको मृत्यु(२०६७ ज्येष्ड ६, विहीवार)
पाकिस्तानको दक्षिण बन्दरगाह शहर कराचीमा हिजो उन्नाईस तारिखका दिन पटक पटक गरी आतङ्ककारी आक्रमणका घटना भएको छ। हालसम्म यसबाट 23जनाको मृत्यु हुनुका साथै 20जना भन्दा बढी घाइते भएका छन्।   उक्त आक्रमणका घटना सबभन्दा पहिले 18तारिख रातिदेखि शुरु भई हिजो रातिसम्म चल्दै आएको थियो। कराचीका दश वटा भन्दा बढी स्थानहरुमा यी आक्रमण भएका छन्। आक्रमण भएका क्षेत्रहरुमा सबै पसलहरु बन्द गर्न बाध्य भएका छन्।
"चेवनान" नामको सैनिक जहाज उत्तर कोरियाको टारपेडोको आक्रमणमा परी डुबेको(२०६७ ज्येष्ड ६, विहीवार)
दक्षिण कोरियाको "चेवनान" नामको सैनिक जहाज पानी भित्र रहेको उत्तर कोरियाको टारपेडोको आक्रमणमा परेर विस्फोटनमा परेको तथ्य दक्षिण कोरियाको "चेवनान" नामको सैनिक जहाज सम्बन्धी सैनिक र जनता संयुक्त जांचबुझ दलले आज 20 तारिखका दिन सार्वजनिक गरेको औपचारिक नतिजा अनुसार ठहर लिएको छ। संयुक्त जांचबुझ दलले प्रतिबेदनमा जनाए अनुसार- खोजेर पाइएका विभिन्न सामानहरुको प्रमाणको बिश्लेषण गरी तथा सो जहाजका भाग्यमानी जिवित व्यक्तिहरुको प्रमाण अनुसार ती सबै कुराले उक्त नतिजा प्रमाण गरेका छन्।
यसवर्ष अमेरिकाको आर्थिक विकास सो अघि दिइएको अनुमानको तुलनामा राम्रो - अमेरिकी संचय समिति(२०६७ ज्येष्ड ६, विहीवार)
अमेरिकी संचय समितिले हिजो एउटा आर्थिक प्रतिवेदन प्रकाशित गर्दै यसवर्ष अमेरिकाको आर्थिक विकास यस अघि गरिएको अनुगमनको तुलनामा राम्रो छ।  अमेरिकी संचय समितिद्वारा आज सार्वजनिक प्रतिवेदनअनुसार, यसवर्ष अमेरिकी आर्थिक वृद्धिदर 3.2 देखि 3.7 प्रतिशतसम्म पुग्नेछ। अमेरिकी संचय समितिले प्रतिवेदनमा हालै अमेरिकी अर्थतन्त्रमा अझ बढी पुनःरुत्थान भएको उल्लेख गरेको छ।
प्रधान मन्त्रीद्वारा संविधान सभाको एक वर्ष म्याद थप्ने तयारीबारे राष्ट्रपतिलाई जानकारी, दाहालसँग टेलिफोनमा कुराकानी(२०६७ ज्येष्ड ६, विहीवार)
प्रधान मन्त्री माधवकुमार नेपालले राष्ट्रपति डा. रामवरण यादवलाई संविधान सभाको म्याद एक वर्ष थप्न अन्तिरम संविधान संशोधनको प्रक्रिया अगाडि बढाइएको जानकारी गराएका छन्। प्रधान मन्त्री नेपालले समयमा नै संविधान बन्न नसकेकाले म्याद थपका लागि संसदमा प्रस्ताव दर्ता गरेको जानकारी गराए। नियमित भेटमा राष्ट्रपति यादव र प्रधान मन्त्री नेपालबीच मुलुकको राजनीतिक अवस्थाबारे छलफल भएको थियो। प्रधानमन्त्री नेपालले निधारित मितिमा संविधान बन्न नसकेका कारण सरकारले नेपालको अन्तरिम संविधान- २०६३ मा आठौं संशोधन विधेयक व्यवस्थापिका-संसद्मा पेस गरेको जानकारी दिएको प्रधान मन्त्रीका प्रेस सल्लाहकार विष्णु रिजालले जनाएका छन्।
आरोहणको क्रममा मृत्यु भएका स्वीस पर्वतारोहीको शव एक बर्षपछि निकालियो(२०६७ ज्येष्ड ६, विहीवार)
नेपाल इन्भेष्टमेन्ट बैंकको मुख्य प्रायोजन रहेको एक्सटि्रम एभरेष्ट एक्सपिडीसनको टोलीले गत वर्ष सगरमाथा आरोहणको क्रममा मृत्यु भएका स्वीस पर्वतारोही गियानी गोल्ट्जको शव पनि निकालेको छ । टोलीले यसअघि लोहोत्से आरोहरणका क्रममा हालै मृत्यु भएका रुसी पर्वतारोही डुकानोभ सर्गेइको शव ल्याएको थियो । 'डेथ जोन' भनिने ८ हजार मिटरभन्दा माथिको भागमा सफाई गरी कम्तिमा २ हजार किलोग्राम फोहर ल्याउने गरी मे को पहिलो साता अभियान सुरु भएको थियो । त्यहाँ रहेका केही शव पनि ल्याउने लक्ष्य लिइएको थियो ।
राजेशपायल राईको गीतमा नाच्ने मन छ: अभिनेत्री अरुणिमा लम्साल (२०६७ ज्येष्ड ६, विहीवार)
अरुणिमा लम्साल, अभिनेत्री- एकदमै राम्रो आवाज भएका गायक हुन् राजेशपायल राई। उनका धेरै गीत हिट हुन्छन्। फिल्ममा पनि उनले गाएको गीत धेरै हिट छन्। त्यसैले उनको गीतमा नाच्न पाउनुलाई ठूलो सौभाग्य ठान्छु। सोमबार भएको टेलिअवार्डमा पनि उनकै आवाजको 'खोली सानो हुँदैन गाईले पानी पिएर' भन्ने गीतमा नाचेँ। एकदम मौलिक र रमाइलो लाग्यो त्यो गीत। गीतमा मलाई साथ दिने हिरो दिलिप रायमाझीले पनि यसको प्रशंसा गरे।
संविधान बनाउने नाममा अरबौंको खर्च (२०६७ ज्येष्ड ५, बुधवार)
जेठ १४ गते संविधान नबन्ने निश्चित भएपछि त्यसमाथि गरिएको अरबौंको खर्चसँग दलहरुले खेलबाड गरेको आलोचकहरुले आरोप लगाएका छन्। संविधानसभा सचिवालयका अनुसार सरकारले संविधानसभाका लागि करीब डेढ अर्ब रुपैया खर्च गरिसकेको छ। तर सरकारी भन्दा गैरसरकारी खर्च दशौं गुणा बढी हुनसक्ने एउटा अनुमान छ। देशभरबाट आफ्ना नेता भेट्न आउने थलो सिंहदरबारमा मंगलबार भेटिएका केही मानिसहरुले भने, "हामीले कर तिरेको पैसा संविधान नबनेपछि त दुरुपयोग हुने भयो नि।"
वाईसीएलको एक समूहले क्याम्पमा लगेर तीन एमाले अखिल कार्यकर्तालाई कुटपिट(२०६७ ज्येष्ड ५, बुधवार)
अनेरास्ववियुका तीन सदस्यलाई मंगलबार गुणराज खनालको नेतृत्वमा आएको वाईसीएलको एक समूहले हतियार प्रयोग गरी निर्घात कुटपिट गरेका छन् । पशुपति क्याम्पसका अनेरास्ववियु सदस्य संजय दवाडी, पब्लिक युथ क्याम्पसका अनेरास्ववियु क्याम्पस कमिटी उपाध्यक्ष राजन रोकाया र सहसचिव सज्जन सिलवाललाई रड र खुकुरी प्रयोग गरी निर्घात कुटपीट गरेको घाइते दवाडीले बताए ।
जिल्लास्तरको प्रतियोगिता पनि देख्न नपाएका कैलालीका विद्यार्थीले विश्वकप हेर्ने(२०६७ ज्येष्ड ५, बुधवार)

जिल्लास्तरको प्रतियोगिता पनि देख्न नपाएका कैलालीका आठ विद्यार्थीले विश्वकप फुटबल आयोजना स्थलमा गई प्रत्यक्ष हेर्ने भएका छन् । नेपालबाट यसरी विश्वकप हेर्ने उनीहरू पहिलो विद्यार्थी हुनेछन् ।  दक्षिण अफ्रिकामा जून ११ देखि सुरु हुने विश्वकप फुटबलका दर्शक बन्ने सौभाग्यशाली यी चार छात्रा र चार छात्र कुनै सहरिया र सम्भ्रान्त परिवारका नभएर बाढीपीडित क्षेत्रका निम्नवर्गीय परिवारका हुन् ।

गोरखामा ट्रकले किचेर बालकको मृत्यु (२०६७ ज्येष्ड ५, बुधवार)
गोरखा नगरपालिका ८ लक्ष्मीबजारमा मंगलबार ट्रकले किचेर एक बालकको मृयु भएको छ ।सामान झारेर व्याक गर्ने क्रममा न्ाा.२ख.६७०५ नम्वरको मालवाहक ट्रकले किच्दा ५ बषिर्य निरज थापामगरको मृत्यु भएको प्रहरीले बताएको छ । ताक्लुङ गाउ विकास समिति घर भई नगरपालिका ८ लक्ष्मीबजारमा डेरा गरी बस्दै आएका थापाको घट्नास्थलमा मृत्यू भएको हो । थापालाई ट्रकले किच्दा टाउकोमा चोट लागेको थियो । शव पोष्टमार्टमका लागि गोरखा अस्पताल ल्याइएको प्रहरीले बताएको छ ।
२२ बर्षीया युबतीको धारीलो हतियारले घाँटी रेटेर हत्या(२०६७ ज्येष्ड ५, बुधवार)
सल्यानको पूर्वी क्षेत्रमा पर्ने रिम ४ जामुनेमा २२ बर्षीया युबतीको धारीलो हतियारले घाँटी रेटेर हत्या गरिएको छ ।  जंगलमा घास काट्न गएको बेला कमला शाहु नाम गरेकी युबतीको मंगलबार बिहान ७ बजे हत्या गरिएको हो ।
हत्याराले उनलाई जंगलमै छाडेर भागेका थिए । घर र्फकन ढिला गरेपछि खोजबीन गर्दा उनि मृत अबस्थामा भेटिएकी स्थानियबासिहरुले बताए ।
दुवईमा सडक दुर्घटनामा परेका प्रज्वल महर्जनलाई इन्सोरेन्स बाट रकम प्राप्त (२०६७ ज्येष्ड ५, बुधवार)
युएइको फारनेक र्सर्भिसिजमा सेक्युरीटी गार्डका रुपमा कार्यरत प्रज्वल महर्जन जनवरी २३/२००९ का दिन कम्पनीको काम को क्रममा जादा सडक दुर्घटनामा परि र्घाईते भएका महर्जन लाई फारनेक र्सर्भिसिज को हेड अफीस दुवई अलकुजमा फारनेक नेशनल एल एल सी कम्पनीमा आवुधावी इन्सुरेन्स कम्पनी बाट प्राप्त युएइ दिराम ५० हजार र कम्पनी को तर्फाट १५ हजार गरी ६५ हजार दिराम ने.रु १३ लाख बराबरको चेक फारनेक कम्पनी का जनरल म्यानेजर मार्क्स ओवर्र्लिन ले हस्तान्तरण गरेको यूएई तर हाल नेपालमा रहेका हाम्रा अन्तरराष्ट्रिय प्रमुख प्रतिनिधि लाई दुबइ बाट उहाका सहयोगी बाट हामीलाई यो समाचार प्राप्त भएको हो । 
अफगानिस्तानको राजधानीमा भएको बम विस्फोटमा कम्तिमा पैंसट्ठी जना हताहत(२०६७ ज्येष्ड ५, बुधवार)
अफगानिस्तानको राजधानीमा आज बिहान भएको आत्मघाती बम विस्फोटमा परी हालसम्म कम्तीमा अठार जनाको मृत्यु हुनुका साथै अरु सत्चालीस जना घाइते भएका छन्।        तालिवान सशस्त्र समूहले सो विस्फोटको जिम्मेवारी लिएको छ।
सिद्धिपुरमा नेपालकै पहिलो मानव मूत्र बैंक स्थापना(२०६७ ज्येष्ड ५, बुधवार)
मानव मूत्रको उचित व्यवस्थापन गर्न र वालीनालीमा मलखादको रुपमा प्रयोग गर्न सिद्धिपुरका किसानहरुले आफ्नै गाउँमा नेपालकै पहिलो मूत्र बैंक स्थापना गरेको छ ।रासायनिक मलको प्रयोगबाट उत्पादित कृषिजन्य खाद्यवस्तुको गुणस्तरमा कमी आउनुका साथै माटोको उर्वरा क्षमतामा पनि ह्रास आउन थाले पछि उक्त क्षेत्रका किसानहरुले खेतीका लागि मानव मूत्र प्रयोग गर्न थालेका हुन् ।
इरानद्बारा युरेनियम सघन गतिविधि अझ चलाउने कुरा दाबी(२०६७ ज्येष्ड ५, बुधवार)
इरानको परराष्ट्र मन्त्रालयका प्रवक्ता रामिन महमान पारास्टले हिजो बोल्दै इरानले युरेनियम सघन पार्ने गतिविधि अझ चलाउने कुरा दाबी गर्नुभएको छ।    इस्लामिक रिपाब्लिक न्यूज एजेन्सीले जनाएअनुसार श्री रामिनले हिजो इरान , टर्की तथा ब्राजिलबीच आणविक इन्धनको साटफेट सम्झौता सम्पन्न भएपछि पत्रकारसँग कुराकानी गर्दै उक्त कुरा बताउनुभएको हो।
सैनिक जहाज डुबेको घटनाबारे दक्षिण कोरिया र अमेरिकाका नेतागण बीच टेलिफन वार्ता(२०६७ ज्येष्ड ५, बुधवार)
दक्षिण कोरियाका राष्ट्रपति लि म्युङ्ग बाकले मार्च महिनामा डुबेको सैनिक जहाजको घटनाबारे अमेरिकाका राष्ट्रपति बाराक ओबामासँग आज टेलिफोन वार्ता गर्नुभयो। दक्षिण कोरियाका राष्ट्रपति भवन चेऔं वा ताईका सम्बन्धीत व्यक्तिले उक्त कुरा जानकारी दिनुभएको हो। त्यसका साथै उहाँका अनुसार श्री लि म्युङ्ग बाक र श्री ओबामाले उक्त सैनिक जहाज डुबेको घटनाको बारेमा छलफल गर्नुका साथै दक्षिण कोरिया र अमेरिकाद्वारा ती घटना घटाउनेको संयुक्त कदम चलाइ सामना गर्ने भएका छन्।
राजनीतिक गतिरोधका कारण तनावमा रहेका माओवादी दाहाल एकान्त खोज्दै धुलिखेलमा(२०६७ ज्येष्ड ५, बुधवार)
राजनीतिक गतिरोधका कारण तनावमा रहेका एकीकृत नेकपा माओवादीका अध्यक्ष पुष्पकमल दाहाल एकान्त खोज्दै आज बिहान धुलिखेलको द्वारिकाज हिमालयन साङ्ग्रिला रिसोर्ट पुगेका छन्। दाहालका साथ उनका पुत्र प्रकाश र तामसालिङ राज्य कमिटी इञ्चार्ज अग्नि सापकोटा रहेका छन्। स्रोतका अनुसार केन्द्रीय समितिमा एजेन्डा प्रस्तुत गर्न एकान्त खोज्दै उनी त्यहाँ पुगेका हुन्। केन्द्रीय समितिको बैठक शुक्रबारदेखि बस्दैछ।
थाइल्याण्डमा प्रदर्शनकारीद्वारा आत्मसमर्पण / दुई महिनादेखि जारी आन्दोलन फिर्ता(२०६७ ज्येष्ड ५, बुधवार)
सेनाले प्रदर्शनकारी बसेको शिविर घेराऊ गरेपछि थाइल्याण्डमा सरकारविरोधी प्रदर्शनकारीहरुले बुधबार दुई महिनादेखि जारी आन्दोलन फिर्ता लिएका छन् । सरकारविरोधी प्रदर्शनकारीका नेताले सरकारसँग आत्मसमर्पण गरेका छन् । सेनाले शिविरमा घेराऊ गरेपछि प्रदर्शनकारीहरुले थप क्षति हुन नदिन आत्मसमर्पण गरेको जनाएका छन् । बुधबारमात्रै सेनाको गोली लागेर कम्तिमा पाँच प्रदर्शनकारी मारिए । ती मध्ये एक पत्रकार रहेको स्थानीय अधिकारीहरुले दाबी गरेका छन् ।
अन्तरिम संविधानमै सहमतीय र बहुमतीय प्रणालीको स्पष्ट ब्यवस्था रहेकाले संविधान संशोधन गर्नु जरुरी छैनः कांग्रेस(२०६७ ज्येष्ड ५, बुधवार)
नेपाली कांग्रेसले अन्तरिम संविधानमै सहमतीय र बहुमतीय प्रणालीको स्पष्ट ब्यवस्था रहेकाले त्यस बिषयमा संविधान संशोधन गरिरहनुनपर्ने बताएको छ । माओवादीले सहमतीय प्रणालीमा मात्रै सरकार निर्माण हुने गरी संविधान संशोधन हुनुपर्ने माग राख्नु औचित्यहीन रहेको कांग्रेसले बताएको छ । 'संविधानको धारा ३८ को १ मा सहमतीय सरकार र २ मा बहुमतीय सरकारको स्पष्ट ब्यवस्था छ', कांग्रेस कार्यवाहक सभापति सुशील कोइरालाको निवासमा बुधबार बसेको केन्द्रीय पदाधिकारीको अनौपचारिक बैठकपछि प्रवक्ता अर्जुननरसिंह केसीले संवाददाताहरुसँग भने, 'सहमति हुन नसके देश सरकारविहीन त भएर बस्दैन नि ।
क्याविन-रेष्टुरेन्टमा १ सय ९५ किशोरी यौन व्यवसायमा संलग्न भएको तथ्याङ्क सार्वजनिक(२०६७ ज्येष्ड ५, बुधवार)
इटहरीमा बग्रेल्ती खुलेका क्याविन-रेष्टुरेन्टमा १ सय ९५ किशोरी यौन व्यवसायमा संलग्न भएको तथ्याङ्क सार्वजनिक गरिएको छ। बुधबार सार्वजनिक गरिएको तथ्याङ्कअनुसार यस क्षेत्रमा सञ्चालित झण्डै २ सय क्याविनरेष्टुरेन्टमा १२ देखि २५ वर्ष उमेरका किशोरी यौन व्यवसायमा संलगन छन्। २५ वर्षमाथिका भने दर्जनौं महिला कामदार यौन व्यसायमा संलग्न छन्। तर यकिन तथ्याङ्क छैन्। उप्का नेपालले सार्वजनिक गरेको तथ्याङ्कमा आदिवासी समुदायका ७०, बाहुन २२ र अन्य समुदायका ८ प्रतिशत किशोरी यौन व्यवसायमा संलग्न छन्।
सम्पूर्ण राजनीतिक दल सत्ता राजनीति र मतान्तर त्यागेर सहमतिमा पुग्न ज्यादै अबेर - मानव अधिकार आयोग(२०६७ ज्येष्ड ५, बुधवार)
पूर्व निर्धारित समय अर्थात् आउँदो जेठ १४ भित्र संविधानसभाबाट नेपालको संविधान नबन्ने कुरा पक्का भईसक्यो। पर्याप्त समय हुँदाहुँदै पनि शान्ति र संविधान निर्माणका निम्ति कर्तव्यनिष्ठ भएर लाग्नु पर्ने ऐतिहासिक संविधानसभा झण्डै विघटनको सङ्घारमा उभिन पुगेको छ। यो नेपाल राष्ट्र र सम्पूर्ण जनताका निम्ति दुर्भाग्यको कुरा हो। निर्धारित समयमा संविधान निर्माण गर्न नसक्नुको अलावा सरकार र राजनीतिक दलहरू दीगो शान्ति निर्माण र सशस्त्र द्वन्द्वकालमा भएका मानवअधिकार हनन्का विषयवस्तुमा पनि न्याय सम्पादन गर्न असफल सिद्ध भएका छन्। राजनीतिक दलहरूले राष्ट्र र जनता समक्ष गरेका बचनबद्धताको योभन्दा ठाडो उल्लङ्घन र जनादेशको उपहास र अनादर अरु हुन सक्दैन। यसका निम्ति नेपालका प्रमुख राजनीतिक दलहरूले जनसमक्ष क्षमाप्रार्थी हुनुपर्ने अवस्था आएको छ।
रगतकै नाता दाजु बहिनीको हुने भयो बिहे (२०६७ ज्येष्ड ५, बुधवार)
नाताले दाजु(बहिनी पर्ने एउटै बाबुका सन्तानबीच बिहेको कल्पना प्रायः गरिँदैन। तर, काठमाडौंमा निकट भविष्यमै हाडनाता पर्ने केटा र केटीबीच धुमधामका साथ बिहे हुँदै छ। जे(जस्तो नाता परे पनि र जसले जे भने पनि आफ्नो प्रेमलाई दाम्पत्य जीवनमा परिणत गरिछाड्ने निर्णयमा पुगेका युवक र युवती केशरशमशेर राणाका खलक हुन्। केशरका सन्तानमध्ये बेग्लाबेग्लै आमापट्टिबाट साम्राज्यशमशेर र अरबिन्दशमशेर दुई छोरा थिए। साम्राज्यशमशेरका पाँच छोरी भए। यीमध्ये माहिली पुत्री जयाराज्यलक्ष्मीले केन्द्रविक्रम राणासँग बिहे गरिन्। केन्द्रविक्रमका जयन्द्र शाह एक छोरा छन्। यता, केशरकै अर्का पुत्र अरबिन्दकी छोरी ज्योत्स्नाले सिंह खलकसँग बिहे गरिन्। उनकी सम्पदा नाम गरेकी जेठी छोरी छन्।
युनिटीका लुम्बिनी अञ्चल अध्यक्ष प्रहरी नियन्त्रणमा (२०६७ ज्येष्ड ५, बुधवार)
युनिटी लाईफ ईन्टरनेश्ानल लिमिटेड लुम्बिनी अञ्चल शाखा कार्यालय बुटबलका २ जना प्रतिनीधीलाई आज रुपन्देही प्रहरीले नियन्णमा लिएको छ । प्रहरीले नियन्णमा लिएका हरुमा युनिटी लाईफका लुम्बिनी अाचद अध्यक्ष रोमलाल गिरी र सस्थाका प्रेसिडेन्ट पदका खेम राज रेग्मी रहेको रुपन्देही प्रहरी प्रमुख तथा प्रहरी उपरीक्षक छबिलाल बन्जाडे जोशीले बताउनु भयो ।
कचनपुरमा आगलागीबाट घर जलेर नष्ट/१७ लाख बराबरको क्षति(२०६७ ज्येष्ड ५, बुधवार)
कचनपुरको गड्डाचौकीमा एक घरमा आगलागी हुदा लाखौको क्षति भएको छ । भीमदत्तनगरपालिका ११ गड्डाचौकीमा रहेको ज्ञानु चन्दको घरमा आगलागी हुदा लाखौको धनमाल जलेर नष्ट भएको छ । घरमा आगलागी भएपछि घरमा सन्चालन भएका चारवटा पसलहरुमा रहेको सामान सबै जलेर नष्ट भएको छ । आगलागीबाट १७ लाख बराबरको क्षति भएको पीडित ज्ञानु चन्दले बताउनुभयो । प्रहरीले आगलागी कसरी भयो भन्नेबारेमा अनुसन्धान भइरहेको जनाएको छ । आज दिउसोदेखि रोल्पाको गैरीगाउँ गाविस वडा नं १ २ र ३ को बन जंगलमा भिषण आगलागी भएको छ । गैरीगाउँ गाविस वडा नं २ दुम्ला भन्ने जंगलबाट सुरु भएको आगो अझै नियन्त्रण बाहिर रहेको छ ।
निर्माणाधिन बिधालय भवन अलपत्र पारेपछी ब्यवस्थापन समितिद्वारा आन्दोलनको घोषणा (२०६७ ज्येष्ड ५, बुधवार)
तिन करोडको निर्माणाधिन बिधालय भवन अलपत्र भएपछि कपिलवस्तुको  गौतम बुद्ध उच्च माबिले  निर्माण प्रकि्रया सुचारु गराउन भन्दै पहिलो चरणको सर्घषको कार्यकम्र सार्बजनिक गरेको छ ।भारतिय राजदुतावासको  दुइ करोड अठहत्तर लाख छप्पन्न हजार आठसय पैतिस रुपैया आर्थिक सहयोगमा जिल्ला बिकास समिति कपिलवस्तु बाट  २०६४साल फागुनमा १८ महिनामा भित्र सम्पूर्ण निर्माण कार्य सम्पन्न गर्ने कालिका लम्जुघ्काली ज्वाइन्ट भैन्चर सँग  सम्झौता भएको थियो । २०६६ चैत्र मसान्तमा सम्पन्न गरी सक्नु प्रर्ने उत्त परियोजनाको हाल सम्म ६० प्रतिसत काम सम्पन्न भएको बिधालयले जनाएको छ ।