arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
प्रतिनिधिसभा र प्रदेशसभा निर्वाचनपछि कसले सरकार बनाउला ?

बाम गठबन्धन
नेपाली कांग्रेस
थाहा भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
थप समाचार
एमाले निकट विद्यार्थी संगठन अनेरास्ववियुद्द्वारा उपत्यका बन्द(२०६७ पौष ९, शुक्रवार)
एमाले निकट विद्यार्थी संगठन अनेरास्ववियुले शुक्रबार मध्यान्ह १२ बजेसम्म उपत्यका बन्द गर्ने भएको छ । बिहीबार साँझ जिल्ला प्रशासन कार्यालयमा भएको वार्तामा आफ्ना कार्यकर्ता कुट्नेलाई कारबाही गर्न प्रशासन गम्भीर नभएको भन्दै १२ बजेसम्म बन्द गरिने अनेरास्ववियु उपाध्यक्ष लक्ष्मण लम्सालले जानकारी दिए । गृहमन्त्री भीम रावलले वार्ताका लागि बोलाए पनि अन्तिम समयमा उनले आफू वार्तामा बस्न नभ्याउने जानकारी दिएका थिए । वार्तामा प्रशासनका तर्फबाट काठमाडौंका प्रमुख जिल्ला अधिकारी लक्ष्मी ढकाल, एसपी रमेश खरेल तथा अखिल अध्यक्ष माधव ढुंगेल, उपाध्यक्ष लक्ष्मण लम्साललगायत बसेका थिए ।
मधेसमा सशस्त्र संघर्षको रणनीतिसहित नयाँ संगठन घोषणा गरेका राज्यमन्त्रीलाई कारबाही गर्न फोरम लोकतान्त्रिकका सभासद्हरुको माग(२०६७ पौष ९, शुक्रवार)
मधेसमा सशस्त्र संघर्षको रणनीतिसहित नयाँ संगठन घोषणा गरेका भौतिक योजना तथा निर्माण राज्यमन्त्री सञ्जयकुमार शाहलाई कारबाही गर्न फोरम लोकतान्त्रिकका सभासद्हरुले माग गरेका छन् । बिहीबार बसेको मधेसी जनअधिकार फोरम (लोकतान्त्रिक)को संसदीय दलको बैठकमा अधिकांश सभासदहरुले शाहमाथि अनुशासनको कारबाही गर्न माग गरेका हुन् । शाहले आफ्नो पक्षमा रहेका भनिएका सभासद्हरुले पनि आफूहरु पार्टी छाडेर नजाने बताएका थिए । राज्यमन्त्री शाहले मंगलबार राजधानीमा एक कार्यक्रम गरी मधेसमा सशस्त्र संघर्षको रणनीतिसहित नयाँ संगठन निर्माण गरेको घोषणा गरेका थिए ।
राजनीतिक संकट गहिरिँदै गएपछि फ्रान्सद्वारा आफ्ना नागरिकहरुलाई आइभरीकोष्ट छाड्न आह्वान (२०६७ पौष ९, शुक्रवार)
आइभरीकोष्टमा विवादास्पद राष्ट्रपतीय चुनावपछि उत्पन्न संकट गहिरिँदै जाँदा फ्रान्सले आफ्ना नागरिकहरुलाई आइभरीकोष्ट छाड्न आह्वान गरेको छ।
सन दुई हजार बाइसमा कतारमा हुने भनिएको विश्वकप फुटबल जाडो मौसममा आयोजना (२०६७ पौष ९, शुक्रवार)
विश्वभरका व्यवसायीक फुटबल खेलाडीहरुको संघ फिफ्प्रोले सन दुई हजार बाइसमा कतारमा हुने भनिएको विश्वकप फुटबल जाडो मौसममा आयोजना गर्नुपर्ने निर्णय गरेका छन्। गर्मी मौसममा खाडी मुलुक कतारको तापक्रम पचास डिग्री सेल्सियसको आसपासमा रहने हुनाले फुटबल खेल्न निकै अप्ठ्यारो पर्ने फिफ्प्रोले जनाएको छ। विश्व फुटबलको सर्वोच्च संस्था फिफाका प्रमुख सेप ब्लाटरले जुनजुलाइमा आयोजना हुँदै आएको विश्व कप फुटबललाई जनवरीमा सार्न सक्ने सम्भावना रहेको बताएका छन्।
दक्षिण कोरियाली सेनाद्बारा योन प्योङ्ग टापुमा समुद्री सुटिङ्ग तालिमको आयोजना(२०६७ पौष ९, शुक्रवार)
दक्षिण कोरियाको रक्षा मन्त्रालयका अनुसार दक्षिण कोरियाली सेनाले आज बीस तारिख दिउँसो योन प्योङ्ग टापुमा समुद्री सुटिङ्ग तालिमको आयोजना गरेको छ। हाल सो सुटिङ्ग तालिम सम्पन्न भइसकेको छ।
मस्को र वासिंटनबीचको परमाणु हतियार कटौति सन्धीलाई अमेरिकाको माथिल्लो सदन सिनेटद्वारा अनुमोदन (२०६७ पौष ९, शुक्रवार)
अमेरिकाको माथिल्लो सदन सिनेटले मस्को र वाशिंगटनबीच भएको परमाणु हतियार कटौती सम्बन्धी स्टार्ट सन्धि अनुमोदन गरेको छ।
उखुको मूल्य बढाउनु पर्ने माग गर्दै सर्लाहीका किसानहरुले पूर्व पश्चिम राजमार्ग अबरुद्ध(२०६७ पौष ९, शुक्रवार)
उखुको मूल्य बढाउनु पर्ने माग गर्दै किसानले बिहीबार सर्लाहीको हरिऔनमा एक घण्टा पूर्व पश्चिम राजमार्ग अबरुद्ध पारेका छन् । गतबर्ष कायम मूल्य भन्दा प्रतिक्विण्टल १ सय १ रुपैयाँ घटाएर यसबर्ष चिनी उद्योगले उखु किन्ने प्रस्ताब गरेपछि किसान आन्दोलनमा उत्रिएका हुन् । हातमा उखुको लाँक्रा बोकेर गाउँ गाउँबाट उखु किसान आन्दोलन सफल पार्न सडकमा आएका थिए । उखु किसानले गरेको जामका कारण सड्कमा सयौं सवारी रोकिएका थिए । 
माओवादीद्वारा शान्ति प्रक्रिया, संविधान निर्माण टुंगोमा नपुगेको निश्कर्ष निकाल्दै राष्ट्रसंघीय मिसन अनमिनको म्याद थप्नका लागि सुरक्षा परिषद्सँग पत्रचार गर्ने(२०६७ पौष ९, शुक्रवार)
banner
शान्ति प्रक्रिया, संविधान निर्माण टुंगोमा नपुगेको निश्कर्ष निकाल्दै राष्ट्रसंघीय मिसन (अनमिन)को म्याद थपका लागि एकीकृत माओवादीले पत्रचार गर्ने भएको छ। बिहीबार बसेको पदाधिकारी बैठकले अनमिन म्याद थपका लागि राष्ट्रसंघीय सुरक्षा परिषद्सँग पत्राचार गर्ने निर्णय गरेको हो। पुस मसान्तसम्म अनमिनको अन्तिम म्याद यसअघि थप गरिएको थियो। नेपाल सेनालाई अनुगमनबाट झिक्नु पर्ने सर्त सहित अनमिनको म्याद थप गर्न कांग्रेस सहमत भइसकेको छ। माओवादी अनमिन गएपछि शान्ति प्रक्रिया निश्कर्षमा नपुग्ने जिकिर गर्दै आएको छ।
सिद्धार्थ राजमार्गको वुटवल-तानसेन सडक खण्डमा भएको जीप दुर्घटनामा ५ को मृत्यु, ३ जना घाइते (२०६७ पौष ९, शुक्रवार)
- नेपाली संचारमाध्यमहरुले जनाए अनुसार सिद्धार्थ राजमार्गको वुटवल-तानसेन सडक खण्डमा शुक्रवार विहान भएको जीप दुर्घटनामा ५ जनाको मृत्यु भएको छ । गुल्मीको तुराङ्गबाट वुटवल हिडेको जीप विहान ४ बजे मस्याम गाविसको केरावारीमा दुर्घटना हुंदा ३ जना घाइते भएका छन् ।
एमाले निकट विद्यार्थी संगठन अनेरास्ववियुले आव्हान गरेको उपत्यका बन्द सकियो (भिडियो सहित) (२०६७ पौष ९, शुक्रवार)
संचारमाध्यमहरुले जनाए अनुसार एमाले निकट विद्यार्थी संगठन अनेरास्ववियुले आव्हान गरेको उपत्यका बन्द सकिएको छ ।
तीन लाख २५ हजार नक्कली भारतीय नोट सहित दुई जनालाई पक्राउ(२०६७ पौष ९, शुक्रवार)
जिल्ला प्रहरी कार्यालय बागलुङले नक्कली भारतीय नोट सहित दुई जनालाई विहीवार साँझ पक्राउ गरेको छ । बानपा १ रामरेखाबाट प्रहरीले तीन लाख २५ हजार नक्कली भारतीय नोट सहित पर्सा छप्कैया ३ का ३७ बर्षीय हिरालाल कर्ण र भारतको रक्सौलका ४० बर्षीय जगत गुप्तालाइ पक्राउ गरेको हो । नियमित चेकजाँच गर्ने क्रममा प्रहरीले बा ३८ प ८५५३ नम्बरको मोटरसाइकलमा सवार गुप्ताको साथबाट दुई लाख ३२ हजार ५ सय र कर्णको साथबाट ९२ हजार ५ सय रुपैयाँ बरामद गरिएको प्रहरी निरीक्षक कृष्णप्रसाद अर्यालले बताए ।
चितवनमा फेरि पारस-रुवेल प्रकरण सेलाउन नपाउँदै फायरिङ(२०६७ पौष ९, शुक्रवार)
नेपाली संचारमाध्यमहरुले जनाए अनुसार  चितवनको मेघौलीस्थित वाइल्ड लाइफ रिसोर्टमा बिहीबार राति फायरिङ भएको छ । खाना खाँदै गरेका ग्राहकहरुबीच आपसमा भएको झगडामा एक राउण्ड फायरिङ भएको हो ।  निकुञ्ज क्षेत्रको यस रिसोर्टमा हतियार लैजान पाइँदैन । रिसोर्टमा भएको फायरिङबारे जिल्ला प्रहरी कार्यालयले गृह मन्त्रालयमा खबर गरेको स्रोतले जनाएको छ । दुई साता अघि चितवनकै टाइगर टप्स रिसोर्टमा पूर्वयुवराज पारस शाहले रुवेल चौधरीमाथि गोली चलाएका थिए । शाहलाई दुई दिन थुनामा राखेर धरौटीमा रिहा गरेलगत्तै चितवनमा फेरि फायरिङ भएको हो ।
राष्ट्रसंघ महासभाद्वारा आइभरीकोष्टको औपचारिक राष्ट्रपतिको रुपमा त्यहाँका विपक्षी दलका नेता अलासेन ओटारालाई मान्यता (२०६७ पौष ९, शुक्रवार)
राष्ट्रसंघ महासभाले आइभरीकोष्टको राष्ट्रपतिको रुपमा त्यहाँका विपक्षी दलका नेता अलासेन ओटारालाई औपचारिक मान्यता दिएको छ।
मुम्बईमा चारजना शङ्कास्पद आतङ्कारी घुसेको प्रहरीको दाबी(२०६७ पौष ९, शुक्रवार)
मुम्बईमा चारजना शङ्कास्पद आतङ्कारी घुसेको भारती प्रहरीले दाबी गरेका छन्। भारतको आर्थिक राजधानी मानिने मुम्बईमा लुकेका ती चार आतङ्कवादीहरू आतङ्कवादी समूह लस्कर ए तोइबाका लडाकू भएको बुझिएको छ।
उत्तर पश्चिमी पाकिस्तानमा सेना र विद्रोही लडाकुबीच भएको भिडन्तमा एघार सैनिक र चौबीस जना लडाकुको मृत्यु (२०६७ पौष ९, शुक्रवार)
अफगानिस्तानका सीमा क्षेत्रमा पर्ने उत्तर पश्चिमी पाकिस्तानमा सेना र विद्रोही लडाकुबीच भएको भिडन्तमा परी एघार जना सैनिक र चौबीस जना लडाकुको मृत्यु भएको छ।
अख्तियारद्वारा जहाज खरिदका लागि एयर बसलाई दिएको बैनामा अनियमितता गरेको भन्दै वायु सेवा निगमका कार्यकारी अध्यक्षविरुद्ध मुद्दा दायर(२०६७ पौष ९, शुक्रवार)
संचारमाध्यमहरुले जनाए अनुसार अख्तियार दुरुपयोग अनुसन्धान आयोगले जहाज खरिदका लागि एयर बसलाई दिएको बैनामा अनियमितता गरेको भन्दै वायु सेवा निगमका कार्यकारी अध्यक्ष सुगतरत्न कंशाकारविरुद्ध मुद्दा दायर गरेको छ । आयोगले वायु सेवा निगमका कार्यकारी अध्यक्ष कंशाकारसहित ६ जनाविरुद्ध विशेष अदालतमा मुद्दा दायर गरेको हो । अख्तियारले कंशाकारसहित महाप्रबन्धक राजु केसी, गणेश ठाकु, कामु निर्देशक ज्ञानेन्द्रपुरुष ढकाल, मयुरशमसेर राणा र केशवराज शर्माविरुद्ध मुद्दा दायर गरेको हो । अख्तियारले कंशाकारलाई बिगो बापतको ५ करोड ७३ लाख रुपैयाँ बैना व्याजसहित लिन र १० बर्ष जेल सजाय दिन माग गरेको छ।
प्रधानमन्त्री माधवकुमार नेपापलद्वारा संसदको अधिवेशन अविलम्ब बोलाउने विचार व्यक्त(२०६७ पौष ९, शुक्रवार)
संचारमाध्यमहरुले जनाए अनुसार प्रधानमन्त्री माधवकुमार नेपापलले संसदको अधिवेशन अविलम्ब बोलाउने बताएका छन् । संविधानसभाका ठूला तीन दलबीच सात दिन भित्र नियमित अधिबेशन बोलाउने सहमित पछि बिहीबार बिशेष अधिवेशन अन्त्य गरिएको थियो । शुक्रबार बुटवलमा औद्यौगिक व्यापार मेला तथा कृषि एवं पर्यटन पर्वद्धन महोत्सवको उद्‌घाटन गर्दै प्रधानमन्त्री नेपालले सहमतिको बाटो खोल्न आवश्यक रहेकाले त्यसको लागि संसदको अधिवेशन बोलाउन सरकार दृढ रहेको बताए ।
राजश्व ठगी गरेको आशंकामा काठमाडौं स्थित पेप्सीको कारखाना तथा विक्री कक्षमा छापा (२०६७ पौष ९, शुक्रवार)
संचारमाध्यमहरुले जनाए अनुसार राजश्व ठगी गरेको आशंकामा राजश्व चुहावट नियन्त्रणका लागि गठित कार्यदलले सोमबार पेप्सीको कारखाना तथा विक्री कक्षमा छापा मारेको छ । पेप्सीकोलास्थित कारखाना तथा बालुवाटारस्थित पेप्सीको विक्री कक्षमा शुक्रबार दिउँसो एकै समयमा छापा मारेर कार्यदलले सील गरेको छ ।
रुसी राष्ट्रपति दिमित्री मेदभेदेवले शाहरुख खानको फिल्म 'रा वन'को सुटिङस्थल अवलोकन(२०६७ पौष ९, शुक्रवार)
भारतीय संचारमाध्यमहरुले जनाए अनुसार रुसी राष्ट्रपति दिमित्री मेदभेदेवले शाहरुख खानको फिल्म 'रा वन'को सुटिङस्थल अवलोकन भारत भ्रमणमा रहेका रुसी राष्ट्रपति दिमित्री मेदभेदेवले शाहरुख खानको फिल्म 'रा वन'को सुटिङस्थल अवलोकन गरेका छन्। बुधबार साँझ उनले मुम्बईमा फिल्मका कलाकार शाहरुख र सम्पूर्ण प्राविधिकसँग भलाकुसारी समेत गरे।
प्रमुख तीन दलका सचेतकहरुद्वारा सर्वोच्च अदालतका न्यायाधिस माथि महाअभियोग लगाउनु पर्ने सुझाव(२०६७ पौष ९, शुक्रवार)
प्राप्त समाचार अनुसार प्रमुख तीन दलका संसदीय दलका मुख्य सचेतकहरुले सर्वोच्च अदालतका न्यायाधिस रणबहादुर बममाथि महाअभियोग लगाउनु पर्ने विषयमा प्रमुख दलविच राजनीतिक सहमति हुनु पर्ने सुझाव सभामुख सुवास नेम्वाङ्गलाई दिएका छन् । सभामुख नेम्वाङ्गले आज आफ्नै कार्यालयमा बोलाएको बैठकमा मुख्य सचेतकहरुले कुनै दल विशेषले यसलाई अगाडि बढाउन उपयुक्त नहुने भन्दै प्रमुख राजनीतिक दलहरुले सहमति गरेर प्रकि्रयालाई अगाडि बढाउनु पर्ने सुझाव दिएका थिए ।
नवलपरासी सुनवलका १३ वर्षिय बालक तीन दिनदेखि बेपत्ता(२०६७ पौष ९, शुक्रवार)
यहाँका एक बालक तीन दिनदेखि वेपत्ता भएका छन् । नवलपरासी जिल्लाको सुनवल  ४ का  १३ वर्षिय बालक तीन दिनदेखि बेपत्ता भएका हुन् । सुनवल निम्न माध्यमिक विद्यालयमा कक्षा ७ मा अध्ययन गर्ने गोपाल कुँवर तीन दिन देखि बेपत्ता भएको परिवारिक श्रोतले जनाएको छ  । पुस ७ गते विहान १० बजे विद्यालय जाने क्रममा बाटोबाटै बेपत्ता भएका कुँवर अझै सम्म फेला पर्न नसकेको उनका बुवा परदेशी कुँवरले बताएका छन् । 
रक्तिमद्वारा एक महिने सांस्कृतिक अभियान गर्ने(२०६७ पौष ८, विहीवार)
जनवादी सांगीतिक कार्यक्रम मार्फत सर्वहारा वर्गीय सांस्कृतिक आन्दोलन संचालन गर्दै आएको रक्तिम सांस्कृतिक अभियानको दोस्रो राष्ट्रिय भेला तथा प्रशिक्षण  कार्यक्रम बुटवलमा सम्पन्न भएको छ । रक्तिम सांस्कृतिक अभियानले सोमबार बुटवलमा पत्रकार सम्मेलन गरी उक्त कुराको जानकारी गराइएको हो ।
यूएईमा नेपालीको नयाँ तथ्याकं:पुग्यौ दुई लाख १३ हजार,६ महिने भिशा ब्यान्ड खुल्ला(२०६७ पौष ८, विहीवार)

बैदेशिक रोजगारका लागि केही बर्ष अघी देखीनै केन्द्र बिन्दु बन्दै गरेको खाडी मुलुक सम्युत्त अरब एमिरेट्स संयुक्त अरब इमिरेट्स (युएइ)मा नेपाली कामदार जाने क्रम गत एक सालमा करिव दोब्बरले बढेको पाइएको छ । बैदेशीक रोजगार बिभागका अनुसार युएईमा गत असार मसान्तसम्म श्रम अनुमति लिएर काम गर्न आउनेको शख्या दुई लाख १३ हजार पुगेको छ।भिभागका अनुसार यो तथ्याकं गत असार मसान्त सम्मको हो।यूएईमा यस् अघी डेढलाख नेपाली कार्यरत रहेको तथ्याक दुतावासले दिएको थियो ।यहाँ नेपाली हरु दक्ष तथा अर्ध दक्ष गरी बिभिन्न पेशामा सम्लग्न  छन । झन हालका दिनमा यहाँ ब्यवसाय गर्ने नेपालीको शख्या बढीरहेको पाइएको छ।समाचार स्रोतलाई आधार मान्ने हो भने २०११ जनवरी १ देखी २ दुई बर्षे श्रम अनुमती मात्र रहने छ । दुई वर्ष कामगरे पछी अन्य कम्पनी परिवर्तन वा आफुले चाहेको कम्पनीमा भिशा कामदार स्वयमले अघिल्लो भिशा स्पोन्सरको अनुमती बिना नै आफ्नो कम्पनी तथा भिसा परिवर्तन गर्न पाउने ब्यबस्था गरिएको छ । 

रुसी राष्ट्रपति दिमित्र मेदभिदेव भारतको दुइ दिने भ्रमणका क्रममा नयाँ दिल्लीमा, आणविक तथा रक्षा सम्बन्धी सम्झौता हुने (२०६७ पौष ८, विहीवार)
रुसी राष्ट्रपति दिमित्र मेदभिदेव भारतको दुइ दिने भ्रमणका क्रममा नयाँ दिल्ली पुगेका छन्। भारत भ्रमणका क्रममा राष्ट्रपति मेदेभिदेवले भारत सँग अर्बौ डलरका आणवकि तथा रक्षा सम्बन्धी सम्झौतामा हस्ताक्षर गर्ने अपेक्षा गरिएको छ।
सरकारले गरेको मूल्य अभिवृद्धि करमा दर्ता अनिवार्यको व्यवस्थाको साना तथा मझौला होटल तथा रेष्टुरा सञ्चालकहरूद्बारा विरोध(२०६७ पौष ८, विहीवार)
सरकारले गरेको मूल्य अभिवृद्धि करमा दर्ता अनिवार्यको व्यवस्थाको साना तथा मझौला होटल तथा रेष्टुरा सञ्चालकहरूले विरोध गरेका छन् । आर्थिक अध्यादेश २०६७ ले भ्याटको प्रचलित दफा १० मा संशोधन गरि सरकारले महानगरपालिका र उपमहानगरपालिकाभित्र गरिने कुनै पनि कारोवार मूल्य अभिबृद्धि करको दायरामा पारेको छ । अध्यादेशबाट आएको बजेटमार्फत गरिएको नयाँ व्यवस्थाअनुसार यस्ता व्यवसायीलाई दर्ताका लागि आउन आन्तरीक राजस्व कार्यालयले स्थानीय सञ्चारमाध्यममार्फत सूचना दिने क्रम सुरू गरेलगतै व्यवसायीले विरोध जनाएका हुन् ।
कपिलवस्तुमा १११ बर्ष जेल सजाय भुक्तान गर्न बाँकी एक थुनुवा पक्राउ(२०६७ पौष ८, विहीवार)
सय बर्ष बढी जेल सजाय भएको सुन्नु भएको छ । अहिले यहाँ एक सय ११ बर्ष जेल सजाय भुक्तान गर्न बाँकी एक थुनुवा पक्राउ परेका छन् । उनी हुन् जिल्लाको बिद्यानगर-९, खैरीका ४९ बर्षे गोली भन्ने जाकिर हुसेन मियाँ । डाँका, खुन डाँका र गौ बध लगायत ५ मुद्दामा गरी उनलाई कपिलवस्तु जिल्ला अदालतबाट एक सय ११ बर्ष कैद तोकिएको छ । ५ फरक फरक मुद्दामा उनलाई तोकिएको कैद सजाय जोड्दा एक सय ११ बर्ष पुगेको हो । त्यस्तै २० लाख २ हजार जरिबाना तोकिएको छ ।
माओवादीले अनमिनको म्याद थप्ने लबिङ गरिरहेका बेला अनमिन प्रमुख करिन लनग्रेन बुरुन्डीस्थित राष्ट्रसंघीय मिसन प्रमुखमा नियुक्त(२०६७ पौष ८, विहीवार)

माओवादीले अनमिनको म्याद थप्ने लबिङ गरिरहेका बेला अनमिन प्रमुख करिन लनग्रेन बुरुन्डीस्थित राष्ट्रसंघीय मिसन प्रमुख नियुक्त भएकी छन् ।

काभ्रेमा डाबर नेपालले उत्पादन गरेको रियल जुस पिउँदा एकै घरका ५ जना बेहोस(२०६७ पौष ८, विहीवार)
real juiceडाबर नेपालले उत्पादन गरेको रियल जुस पिउँदा एकै घरका ५ जना बेहोस भएका छन् । काभ्रेको शारदा बतासे गाविस ४, नौबिसेफाँटका एकै घरका सासु, बुहारी, दुइ नातिनी बेहोस भएका हुन् । बेहोस हुनेमा पाहुना आएकी एक महिला समेत रहेकी छिन् । स्थानीय ३४ वर्षिया पार्वती हुमागाईंले ३ दिन अघि श्रीमानले किनेर ल्याइदिएको रियल जुस पिएकी थिइन् । खेतमा काम गरेर थकाई लाग्यो भन्दै पार्वतीले बुधबार विहान ११ बजेतिर १ लिटरको प्याकबाट एक गिलास जुस  खाएकी उनका पति ध्रुबले बताए । उनका अनुसार जुस खानासाथ पार्वतीले टाउको दुख्यो, रिंगटा लाग्यो भन्ने समस्या बताएकी थिइन् ।
शिक्षक नियुक्तिमा अनियमितता गरेको भन्दै सङ्घीय लिम्बूवान राज्य परिषद्द्वारा इलामको क्याम्पसमा तालबन्दी(२०६७ पौष ८, विहीवार)
शिक्षक नियुक्तिमा अनियमितता गरेको भन्दै सङ्घीय लिम्बूवान राज्य परिषद्ले इलामको महेन्द्ररत्न बहुमुखी क्याम्पसमा आज तालबन्दी गरेको छ । शिक्षक नियुक्ति सुनियोजित ढङ्गबाट गरिएको भन्दै क्याम्पस प्रमुखले राजीनामा नदिए कडा आन्दोलनमा उत्रने चेतावनी लिम्बुवानले दिएको छ । तालाबन्दीका कारण बिहानैदेखि क्याम्पसको पठनपाठन अवरुद्ध भएको छ । क्याम्पस भवनका पर्खालहरुमा पनि लिम्बुवानले क्याम्पस प्रशासन होशियार, नातावाद मुर्दावादलगायतका नारा लेखेको छ भने क्याम्पस परिसरमा कालोझण्डा गाडिएको छ ।
लहानमा मोटरसाइकल ठोक्किएर खाल्डोमा खस्दा दुईजनाको मृत्यु(२०६७ पौष ८, विहीवार)
गएराति यहाँ भएको मोटरसाइकल दुर्घटनामा दुईजनाको मृत्यु भएको छ ।जिल्लाको जानकीनगर-बरियारपट्टी सडकमा द्रुतगतिमा हुइँकिएको मोटरसाइकल ठोक्किएर खाल्डोमा खस्दा दुईजनाको मृत्यु भएको प्रहरीले जनाएको छ । प्रहरीका अनुसार मोटरसाइकलमा सवार टेनुवापट्टी-७ का प्रमोद मण्डल र त्यसका चालक टेनुवापट्टी-८ का सचेन्द्र यादवको मृत्यु भएको हो ।
http://go.oclaserver.com/afu.php?zoneid=1465736