arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
प्रतिनिधिसभा र प्रदेशसभा निर्वाचनपछि कसले सरकार बनाउला ?

बाम गठबन्धन
नेपाली कांग्रेस
थाहा भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
थप समाचार
प्रमुख तीन दल विशेष अधिवेशनलाई अन्त्य गरेर नियमित अधिवेशन बलाउनका लागि सहमत(२०६७ पौष ८, विहीवार)
नेपाली संचारमाध्यमहरुले जनाए अनुसार प्रमुख तीन दल विशेष अधिवेशनलाई अन्त्य गरेर नियमित अधिवेशन बलाउनका लागि सहमत भएका छन् । शान्ति मन्त्रालयमा बिहीबार तीन दलबीच बसेको बैठकमा उक्त सहमति भएको हो । यसैगरी एक साता भित्र नियमित अधिवेशन बोलाउने भएपछि माओवादी विशेष अधिवेशनका लागि संसदमा दर्ता गरेको दुई प्रस्ताव फिर्ता लिन सहमत भएको हो । उसले प्रधानमन्त्रीको निर्वाचन नयाँ प्रकृयाबाट हुनुपर्ने र संसदको नियमावली संशोधन गर्नु पर्ने दुई प्रस्ताव गरेको थियो । (सहमतिपत्रको पूर्णपाठसहित)
banner
नेपाली युवतीसँग विवाह गरी १० वर्षदेखि नेपालमा रहँदै आएका दुई दक्षिण कोरियालीलाई जासुसको आशंकामा १० दिनभित्र देश छाड्न अध्यागमन विभागको निर्देशन(२०६७ पौष ८, विहीवार)
प्राप्त समाचारमा जनाइए अनुसार नेपाली युवतीसँग विवाह गरी १० वर्षदेखि यहाँ रहँदै आएका दुई दक्षिण कोरियालीलाई १० दिनभित्र नेपाल छाड्न अध्यागमन विभागले निर्देशन दिएको छ। चोय वान सप र सन ह्याकको गतिविधि शंकास्पद रहेकाले देश छाड्न भनिएको विभागले जनाएको छ। प्रहरीले यी दुवैलाई कोरियाली जासुस रहेको आशंका गरेको छ। दरबारमार्गको उडल्यान्ड व्यापारिक भवनमा कोरियन रेस्टुरेन्ट चलाउँदै आएका उत्तर कोरियाली नागरिक याङ हक एकाएक बेपत्ता भएपछि उनको अनुसन्धानका क्रममा प्रहरीले ती दुईलाई पक्राउ गरेको थियो।
बसको ठक्करबाट एक छात्राको मृत्यु भएपछि आक्रोशित बनेका विद्यार्थी तथा स्थानीयद्धारा बनेपामा अरनिको राजमार्ग अवरुद्ध(२०६७ पौष ८, विहीवार)
नेपाली संचारमाध्यमहरुले जनाए अनुसार बसको ठक्करबाट एक छात्राको मृत्यु भएपछि आक्रोशित बनेका विद्यार्थी तथा स्थानीयले बनेपामा अरनिको राजमार्ग अवरुद्ध पारेका छन् । उनीहरुले बसका चालकलाई कारवाही तथा मृतक परिवारलाई क्षतिपूर्तिको माग गरेका छन् । ना.२.ख १६१३ नम्बरको  बसले बिहीबार बिहान बनेपाको तरकारी बजार भन्ने ठाउँमा रवीओपी गाविस-१ की १८ वर्षीया गोमा दाहाललाई ठक्कर दिएको थियो ।
दुरुपयोग अनुसन्धान आयोगले छापामा मारी कारवाही अघि बढाएको डावर नेपालको उत्पादन रियल जुश बिरुद्ध भारतमा प्रदर्शन(२०६७ पौष ७, बुधवार)
गुणस्तर र उत्पादन मितिका विषयलाई लिएर अख्तियार दुरुपयोग अनुसन्धान आयोगले छापामा मारी कारवाही अघि बढाएको डावर नेपालको उत्पादन रियल जुश बिरुद्ध भारतमा प्रदर्शन भएको छ । नेपालमा उत्पादन भएको उक्त जुशको ठूलो परिमाण भारत निर्यात हुने गर्दथ्यो । निर्धारित मिति मन्दा धेरै अघि जुस उत्पादन गरेर भण्डारण गरेको सूचनाको आधारमा सोमबार बारास्थित उदयोगमा छापा मार्दा सही ठहरिएपछि ७४ हजार कार्टुन जुशलाई आयोगले सील गरेको छ । त्यसको प्राविधिक जाँच बुधबारदेखि सुरु भएको छ । भारतीय पत्रिका 'हिन्दुस्तान' ले मंगलबार रक्सौलमा भारतीयहरुले गरेको प्रदशनवारे समाचार प्रकाशित गरेको छ ।
व्यवस्थापिका संसद्को विशेष अधिवेशनमा माओवादीले ल्याएको प्रस्तावको विपक्षमा उभिने काँग्रेस र एमालेको सहमति(२०६७ पौष ७, बुधवार)
व्यवस्थापिका-संसद्को विशेष अधिवेशनमा एनेकपा (माओवादी)ले ल्याएको प्रस्तावको विपक्षमा उभिने सहमति नेपाली काँग्रेस र नेकपा एमालेको आज बसेको बैठकले गरेको छ ।
banner
काँग्रेस उपसभापति रामचन्द्र पौडेललाई प्रधानमन्त्री बनाउन प्रधानमन्त्री नेपालले गरेको प्रस्तावको एमालेका सभासदहरुद्बारा आलोचना(२०६७ पौष ७, बुधवार)
नेकपा एमालेका सभासदहरुले काँग्रेस उपसभापति रामचन्द्र पौडेललाई प्रधानमन्त्री बनाउन प्रधानमन्त्री माधवकुमार नेपालले गरेको प्रस्तावको आलोचना गरेका छन् । विहान संसदीय दलको कार्यालय सिंहदरबारमा बसेको बैठकमा उनीहरुले पार्टीको निर्णयभन्दा माथि गएर नबोल्न प्रधानमन्त्रीको ध्यानाकषर्णण गराएका हुन् । अस्ती तीन दलको बैठकमा प्रधानमन्त्री नेपालले काँग्रेस उपसभापति रामचन्द्र पौडेललाई प्रधानमन्त्रीम सर्बसम्मत निर्वाचन गर्न प्रस्ताव गर्नुभएको थियो । उहाँको त्यो प्रस्ताव केन्द्रीय कमिटीको निर्णय विपरित हो । यस्तै बैठकले संसदको विशेष अधिवेसनमा माओवादीको प्रस्ताव विरुद्ध र प्रधानमन्त्रीका एक्ला उमेद्वार रामचन्द्र पौडेलको विपक्षमा मतदान गर्न हृवीप जारी गरेको छ ।
राप्रपा अध्यक्ष पशुपति शमसेर राणाद्बारा अनमिन गएपछि माओवादीले लडाकुलाई दुरुपयोग गर्ने आशंका व्यक्त(२०६७ पौष ७, बुधवार)

राष्ट्रिय प्रजातन्त्र पार्टीका अध्यक्ष पशुपति शमसेर राणाले अनमिन गएपछि माओवादीले लडाकुलाई दुरुपयोग गर्ने आशंका व्यक्त गरेका छन् । उनले लडाकु रेखदेखका लागि तत्काल संयन्त्र बनाउन सुझाव दिए । 'अनमिन गएपछि ३४ सय हतियारको साँचो माओवादीमा मात्र सीमित रहन्छ,' बुधबार यहाँ आयोजित कार्यकर्ता भेलामा राणाले भने, 'लडाकुको २८ वटा क्यान्टोन्मेन्ट र ३४ सय हतियार देख्ने अति संवेदनशिल संयन्त्र तीन दलले बनाउन नसकेकोले मुलुक ठूलो खतरामा जाने निश्चित छ ।'  सरकारले अनमिनको म्याद नथपेर मुलुकमा अर्को खतरा निम्त्याएको उनले बताए । 'लडाकुको रेखदेख हालसम्म अनमिनबाट भएको तर उनीहरुको संख्या न त अनमिनलाई थाहा छ न त अरु कसैलाई नै,' उनले भने ।

यो पापी संसारमा(२०६७ पौष ७, बुधवार)
फर्केर  घर  आउन  पाइन  म  हे आमा
यो  संसारबाट तिमी  बिदा  हुने  बेलामा
फर्की आउने छु एक दिन  हाम्रो  गाउँमा
मृत्यु परन्तु फेरी भेट हुने छ त्यो ठाउँमा
बटुवा बनी घुम्दै आए (गीत) (२०६७ पौष ७, बुधवार)
रुपै राम्रो पुर्णिमाको  जून झैँ
लजालु  तिम्रो  आनी   बानी
हराए  म  तिम्रो  नयन   मै
झनै  लोभ  लाग्दो   जवानी
दलका सभासदहरुद्बारा परराष्ट्र सेवाका नयाँ अधिकृतहरुलाई भारतमा तालिम लिन पठाउने निर्णय स्थगित गर्न सरकारसँग माग(२०६७ पौष ७, बुधवार)
विभिन्न दलका सभासदहरुले परराष्ट्र सेवाका नयाँ अधिकृतहरुलाई भारतमा तालिम लिन पठाउने निर्णय स्थगित गर्न सरकारसँग माग गरेका छन । उनीहरुले परराष्ट्र सेवाका दर्जनौ अधिकृतलाई एकैपटक भारतमा तालिम लिन पठाउँदा उनीहरुको बे्रन वास हुने र कार्यसम्पादनमा प्रभाव पर्ने भन्दै भारतमा तालिम लिन पठाउने निर्णय स्थगन गर्न माग गरेका हुन । व्यवस्थापिका संसद अन्तर्गतको अन्तराष्ट्रिय सम्बन्ध समितिको बैठकमा माओवादी नेता सीपी गजुरेलले दर्जनौ अधिकृतलाई परराष्ट्र सम्बन्ध सम्बन्धी संवेदनशील विषयमा तालिम लिन पठाउनु राष्ट्रिय हित प्रतिकुल हुने बताउनुभयो ।
एमआरपी जारी गर्ने सम्बन्धमा बिदेश स्थित दुतावास द्वारा जारी अपिल(२०६७ पौष ७, बुधवार)

दूतवासद्वारा जारी गरिएको सूचनामा भनिएको छ नेपाल सरकारको निर्णय बमोजिम अब उप्रान्त मेशिन रिडेवल राहदानी  Machine Readable Passport (MRP) जारी गरिने भएकोले परराष्ट्र मन्त्रालय र विदेशस्थित सबै नेपाली कुटनीतिक नियोगहरुबाट २०६७ साल पौष ५ गतेदेखि हस्तलिखित राहदानीहरु र पुस्तिका प्रकार (Book Type) को यात्रा अनुमति पत्र ( Travel Document) जारी नगरिने व्यहोरा सम्बन्धित सबैको जानकारीको लागि यो सूचना प्रकाशित गरिएको छ । साथै मेशिन रिडेवल राहदानीहरु अब उप्रान्त नेपाल सकार, परराष्ट्र मन्त्रालय, केन्द्रीय राहदानीको कार्यालयले मात्र जारी गर्न सक्ने भएकोले साविकमा जस्तो विदेशस्थित नेपाली राजदूतावासहरु अथवा कुनै पनि नेपाली कुटनीतिक नियोगहरुबाट राहदानी जारी हुन नसक्ने व्यहोरा पनि जानकारी गराइन्छ । अतः २०६७ साल पौष ५ देखि नयां राहदानीको लागि आवेदन गर्ने नेपाली नागरिकहरुले निम्न बमोजिमका कुराहरुमा ध्यान दिई तोकिएको रित पुर्याई दरखास्त पेश गर्नु पर्नेछ ।यसै क्रममा अर्घाखाँची टाईम्स यूएई कार्यालय मा प्राप्त पत्र यस् अनुसार छ ।

अनमिनले प्रयोग गर्दै आएका उपकरण तथा गाडीहरु नेपाल सरकारलाई ऋण सहयोगका रुपमा हस्तान्तरण गर्न सकिने अनमिन भनाइ(२०६७ पौष ७, बुधवार)
राष्ट्रसंघीय मिसन अनमिन प्रमुख करिन ल्यानग्रेनले अनमिनले प्रयोग गर्दै आएका उपकरण तथा गाडीहरु नेपाल सरकारले ऋण सहयोगका रुपमा लिन सक्ने र पछि त्यसलाई सहयोगका रुपमा हस्तान्तरण गर्न सकिने बताएकी छिन्। अनमिन तीन सातापछि नेपालबाट बाहिरिँदै छ। प्रधानमन्त्री माधवकुमार नेपालसँग ल्यानग्रेनले प्रधानमन्त्रीकै कार्यकक्षमा गरेको भेटमा अनमिनले प्रयोग गर्दै आएको उपकरण गाडी लगायतका सामग्री हस्तान्तरण तथा राष्ट्रसंघीय राजनीतिक मामिला सम्बन्धी उपमहासचिव वि लिन पास्कोले संयुक्त राष्ट्रसंघको सुरक्षा परिषद्‍मा गरेको 'ब्रिफिङ'का सम्बन्धमा कुराकानी भएको थियो।
आइभरी कोष्टमा विवास्पद राष्ट्रपतिले गरेको मागलाइ बेवास्ता गर्दै राष्ट्र संघद्धारा शान्ति सेना तैनाथ राख्ने निर्णय (२०६७ पौष ७, बुधवार)
अफ्रीकी राष्ट्र आइभरीकोष्टमा गत महिना सम्पन्न विवास्पद निर्वाचनमा पराजित घोषाणा गरिएका राष्ट्रपति लउरेन्ट बाग्बोले त्यहाँ तैनाथ राष्ट्र संघिय सेना फिर्ता हुन गरेको मागका बावजूद विश्वका शक्ती राष्ट्रहरुले त्यहाँ तैनाथ राष्ट्र संघिय मिशनको समयावधी विस्तार गर्ने निर्णय गरेका छन्।
मास्टर ब्लाष्टर सचिन तेण्डुलकरको टेष्ट क्रिकेटमा पचासौं सतक पूरा (२०६७ पौष ७, बुधवार)
मास्टर ब्लाष्टर सचिन तेण्डुलकरले टेष्ट क्रिकेटमा पचासौं सतक पूरा गरेका छन्। दक्षिण अफ्रिकासँगको पहिलो टेष्टको चौथो दिन दोस्रो इनिङमा सतक प्रहार गर्दै भारतीय व्याट्सम्यान तेण्डुलकरले टेष्ट सतक संख्या पचास पुर्‍याएका छन्। तेण्डुलकरपटि अष्ट्रेलियन कप्तान रिकि पोन्टीङको नाममा सर्वाधिक उनानचालिस टेष्ट सतकको रेकर्ड छ। यसै इनिङमा ३७ वर्षीय तेण्डुलकरले चौध हजार पाँच सय टेष्ट रन पनि पूरा गरेका छन्।
राष्ट्रपति यादवले श्रीलंकाली राष्ट्रपतिलाई नेपालको समस्या समाधान गर्न मध्यस्थता गरेको भन्ने श्रीलंकाली विदेशमन्त्री दावीका सम्बन्धमा त्यहाँका मन्त्रीले माफी मागे(२०६७ पौष ७, बुधवार)
राष्ट्रपति रामवरण यादवले श्रीलंकाली राष्ट्रपतिलाई नेपालको समस्या समाधान गर्न मध्यस्थता गरेको भन्ने श्रीलंकाली विदेशमन्त्री दावीका सम्बन्धमा त्यहाँका एक मन्त्रीले प्रधानमन्त्रीसित माफी मागेको एक श्रीलंकाली पत्रिकाले जनाएको छ। श्रीलंका गार्जियनको अनलाइन संस्करणमा हालै नेपाल भ्रमणमा आएका विदेश मन्त्रालयका एक उपमन्त्री निओमल परेराले श्रीलंकाली सरकारको प्रतिनिधित्व गर्दै नेपाल सरकारसमक्ष माफी मागेको उल्लेख गरेको छ। बेइजिङमा भएको भेटका क्रममा राष्ट्रपति यादवले श्रीलंकाली समकक्षी महिन्दा राजापाक्सेलाई मध्यस्थताको आग्रह गरेको दावी त्यहाँका विदेश मन्त्री जीएल पेइरिसले गरेका थिए।
प्योङयाङको चेतावनीलाई बेवास्ता गर्दै दक्षिण कोरियाद्वारा सिमा क्षेत्रमा सैनिक अभ्यास, तत्काल जवाफ नदिने उत्तरकोरियाको भनाइ(२०६७ पौष ७, बुधवार)
आफ्नो चेतावनीका बाबजुद पनि दक्षिण कोरियाली सेनाले दुईदेशको सिमा क्षेत्रको द्धिपमा गोलिवारी सहितको सैनिक अभ्यास शुरु गरेपनि उत्तर कोरियाले त्यसलाई जवाफ नदिने बताएको छ।
सत्ताधारी दुई प्रमुख घटक कांग्रेस र एमालेद्बारा माओवादीले डाकेको संसदको अधिवेशन विफल बनाउन उसको प्रस्तावका विरुद्ध एक साथ उभिने निर्णय(२०६७ पौष ७, बुधवार)
व्यवस्थापिका संसद
एकिकृत नेकपा माओवादीले डाकेको संसद अधिवेशन विफल बनाउन नेपाली कांग्रेस र नेकपा एमालेले एकसाथ उभिने निर्णय गरेका छन्। अधिवेशन शुरु हुनु अघिल्लो दिन बुधवार भएको दुई दलका शीर्ष नेतृत्वबीचको बैठकले त्यस्तो सहमति गरेको हो।
banner
माओवादी स्थायी समिति बैठक सम्पन्न:वाइसीएलको व्यारेकी संरचना भङ्ग गर्छौ 'अनमिनको म्याद थप्नुपर्छ'(२०६७ पौष ५, सोमवार)


एकीकृत नेकपा माओवादीले भातृ सङ्गठन वाइसीएलको व्यारेकी संरचना भङ्ग गर्ने भएको छ ।

कामचलाउ सरकारको निरन्तरताप्रति दातृ निकाय चिन्तित(२०६७ पौष ५, सोमवार)

दातृ निकायहरुले कामचलाउ सरकारले पाएको निरन्तरताले नेपाललाई दिँदै आएको सहयोगको भविष्यप्रति असर पुगेको ठहर गरेका छन् ।दातृ निकायहरुको प्रतिनिधित्व गर्दै फिनल्याडका कार्यबाहक राजदुतले सोमबार विहान एकीकृत नेकपा माओवादीका अध्यक्ष पुष्पकमल दाहाल प्रचण्डलाई भेटेर सहयोगको भविष्यप्रति चिन्ता व्यक्त गर्नुभएको हो ।प्रचण्डलाई भेट्न विहान नयाँबजार पुग्नु भएका फिनल्याडका राजदुतले कामचलाउ सरकारको अन्त्य गर्दै छिटो नयाँ सरकार गठनको पहल गर्न आग्रह गर्नुभएको थियो । संविधानसभाको सबैभन्दा ठूलो दलको हैसियतले माओवादीले नै गतिरोध अन्त्यको पहल गर्नुपर्ने उहाँको भनाई थियो ।

पश्चिमाञ्चल ट्याङ्कर व्यवसायी संघ बुटवल द्वारा पेट्रोलियम पदार्थको ढुवानी बन्द/विद्यार्थीको तालाबन्दी अझै खुलेन(२०६७ पौष ५, सोमवार)
पश्चिमाञ्चल ट्याङ्कर व्यवसायी संघ बुटवलले पेट्रोलियम पदार्थको ढुवानी बन्दलाई सोमबार पनि जारी राखेको छ ।
एनआरएन दलालहरुको भर्ती केन्द्र हुनु हुँदैन -यूएईको समय सन्धर्भमा समाजसेवी कृष्ण ढकाल सँगको अडीयो अन्तर्वाता(२०६७ पौष ५, सोमवार)
विगत १७ वर्ष देखी सम्युत अरब एमिरेट्स यूएईमा कार्यरत-स्थाइ घर कास्की जिल्ला पोखरा नगरपालिका वार्ड नम्बर १५ ढुगें शाहु ,टुटुङा निवासी समाजसेवी कृष्ण ढकाल सँग हाम्रा अन्तराष्ट्रिय प्रमुख प्रतिनिधि उमाकान्त पाण्डे गाउले ले यूएईको समय सन्धर्भमा गरेको कुराकानी अडियो अन्तर्वाता जस्ताको त्यस्तै यहाँ प्रस्तुत गरिएको छ । (अडीयो अन्तर्वाता)
झापा दुहागढीका एक बृद्धले आफ्नै घरमा आगो लगाएर आत्महत्या(२०६७ पौष ४, आइतवार)
राजु अधिकारी, झापा, पुस ४- झापा दुहागढी-३ का एक बृद्धले आफ्नै घरमा आगो लगाएर आत्महत्या गरेका छन्। ५५ वर्षे पदम ढकालले घरमा लगाएको आगोमा आफूलाई पनि जलाएका हुन्। आइतबार बिहान घरमा कोही नभएको मौका छोपेर घरमा आगो लगाएका उनले ढोका थुनेर आफूलाई पनि भित्रै राखेका थिए। प्रहरीका अनुसार फुसको छाप्रो भएकाले आगो झोस्नासाथ हुर्हुरी बलेकाले ढकालको उद्धार गर्ने अवसर कसैले पाएनन्।
गोविन्द वियोगी पत्रकारिता पुरस्कार वरिष्ठ पत्रकार भैरव रिसाल र भरत भूर्तेल, मरणोपरान्तलाई दिने निर्णय (२०६७ पौष ४, आइतवार)
सम्पादक समाज नेपालले यस वर्ष गोविन्द वियोगी पत्रकारिता पुरस्कार वरिष्ठ पत्रकार भैरव रिसाल र गोविन्द वियोगी विशेष पत्रकारिता पुरस्कार भरत भूर्तेल (मरणोपरान्त)लाई दिने निर्णय गरेको छ ।
मधेसी जनअधिकार फोरमले आफ्ना नेताहरुले पार्टी फुटाउने प्रचारबाजी गरेको आरोप(२०६७ पौष ४, आइतवार)
मधेसी जनअधिकार फोरमले पार्टी फुटाउने षड्यन्त्रस्वरुप केही नेताले प्रचारबाजी गरेको जनाएको छ । आइतबार बसेको संसदीय दलको बैठकले त्यसबारे छानबिन गरी दोषिलाई कारबाही गर्न केन्द्रीय समितिलाई आग्रह गरेको छ । संसदीय दलको आग्रहबमोजिम केही दिनभित्र छानबिन समिति गठन गरी त्यसले दिएको सुझावअनुसार कारबाही हुने फोरम अध्यक्ष उपेन्द्र यादवले जानकारी दिए । फोरमभित्र कुनै मतभेद नभएको यादवले दाबी गरे । 'सवै एक भएर अघि बढ्नुपर्नेमा हामीबीच एकमत छ,' उनले भने । यादवसँग असन्तुष्ट नेताहरु छुट्टै पार्टी निर्माणको कसरत गरिरहेको समाचार सार्वजनिक भएकाबेला फोरमभित्र कारबाहीको प्रसङ्ग उठेको हो ।
नक्कली राहदानी बनाएर साउदी अरब पुर्‍याउन लागिएका दुई युवतीको उद्धार(२०६७ पौष ४, आइतवार)
नक्कली राहदानी बनाएर साउदी अरब पुर्‍याउन लागिएका दुई युवतीको उद्धार गरिएको छ । नक्कली राहदानी बनाएर दलालले भारतको दिल्लीस्थित इन्दिरा गान्धी विमानस्थलबाट साउदी अरब पठाउन लाग्दै गर्दा जाँचका क्रममा नक्कली राहदानी फेला परेपछि उनीहरुको उद्धार भएको हो । दुई महिनाअगाडि झापाको काकरभिट्टा १३ स्थित टोकला चिया बगानका दलाल कमल राईले स्थानीय १९ वर्षीया सविना दर्जी र नवलपरासी स्वाठी- ५ बनकट्टीका ओम शर्माले स्थानीय २८ वर्षीया पवित्रा क्षेत्रीलाई नक्कली राहदानी दिलाएर साउदी अरब पठाउन लागेका बेला एयरपोर्टमा ती युवती फेला परेका थिए ।
नयाँ सरकार गठनबारे देखिएको गतिरोध चार दिनभित्र अन्त्य गर्न प्रमुख तीन दल सहमत, दलीय अडान भने कायमै (२०६७ पौष ४, आइतवार)
banner
शान्ति प्रक्रिया, संविधान लेखन र सत्ता साझेदारीमा सहमति जुटाउन भन्दै आज बस्ने संसदको विशेष अधिवेशन औपचारिक मात्र बनाउने प्रमुख तीन दल बीच सहमति भएको छ। शान्ति तथा पुर्ननिर्माण मन्त्रालयमा आज भएको तीन दलका शिर्ष नेताहरुको बैठकले संसदको आजको बैठक औपचारिक मात्र बनाउने निर्णय गरेको हो। हात्तिवन र गोकर्ण रिर्सोटमा भएको विगतको सहमतिलाई निरन्तरता दिन संसदलाई आगामी आठ गतेसम्म नियमित प्रक्रियामा प्रवेश नगराउने सहमति दलहरुका बीच भएको हो।  
उत्तरपूर्वी बंगालदेशको सुर्मा नदीमा डुंगा डुब्दा सैतिस जनाको मृत्यु(२०६७ पौष ४, आइतवार)
उत्तर पूर्वी बंगालदेशमा डुंगा डुब्दा कम्तिमा ३७ जनाको मृत्यु भएको छ। अधिकारीहरुका अनुसार मालवाहक पानीजहाजसँग ठक्कर खाएर सो डुङ्गा दुर्घटना भएको हो।
अफगानिस्तानस्थित दुइ सैनिक अखडामा तालिबानिको आत्मघाती आक्रमण, कम्तिमा आठ सुरक्षाकर्मी र पाँच लडाकुको मृत्यु (२०६७ पौष ४, आइतवार)
अफगानिस्तानका तालिबानी लडाकुहरुले दुई शहरमा रहेका सैनिक अखडामा आत्मघाती आक्रमण गर्दा कम्तिमा आठ सुरक्षाकर्मी मारिएका छन्। सो क्रममा पाँच लडाकुको पनि मृत्यु भएको छ।
यूरोप महाद्धिपमा भिषण हिमपात, पोल्याण्डमा मात्र त्रियान्नब्बे जनाको मृत्यु(२०६७ पौष ४, आइतवार)
समग्र यूरोप महाद्धिप अहिले भिषण हिमपातको चपेटामा परेको छ। हिमपातका कारण पोल्याण्डमा मात्र ९३ जनाको मृत्यु भैसकेको छ भने अन्य युरोपेली मुलुकमा पनि हिमपात र विषम मौसमले मानिसको ज्यान लिएको छ।
भारतीय स्थल सेनाध्यक्ष जनरलद्वारा पुस ५ देखि ८ गतेसम्म नेपाल भ्रमण हुने (२०६७ पौष ४, आइतवार)
प्रधानसेनापति महारथी छत्रमानसिंह गुरुङको औपचारिक निमन्त्रणामा भारतीय स्थल सेनाध्यक्ष जनरल विजयकुमार सिंहले यही पुस ५ देखि ८ गतेसम्म नेपालको औपचारिक भ्रमण गर्नुहुने भएको छ ।
http://go.oclaserver.com/afu.php?zoneid=1465736