arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
नेकपा एमाले र नेकपा माओवादी केन्द्रको संयुक्त बाम गठबन्धनको सरकार केपी शर्मा ओलीको नेतृत्वमा पाँच वर्ष चल्दा ठीक कि आधा समय अर्थात साढे २ वर्षपछि नेकपा माओवादी केन्द्रका पुष्पकमल दाहालको नेतृत्वमा पुन: आलोपालो सरकारको निरन्तरता दिन ठीक ?

आलोपालो ठीक
ओलीको निरन्तरता ठीक
थाहा भएन
हुनेवाला केही होइेन

भोट दिनुहोस् परिणाम हेर्नुहोस्
पुराना मत परिणामहरु
PropellerAds
बिज्ञापनहरु
 
थप समाचार
नयाँ संविधानमा विवादित विषय टुङ्गो लगाउन बसेको २८ दलको बैठकले कुनै सहमति जुटाउन सकेन(२०६७ पौष १८, आइतवार)
संचारमाध्यमहरुले जनाए अनुसार   नयाँ संविधानमा विवादित विषय टुङ्गो लगाउन आइतबार बसेको २८ दलको बैठक कुनै सहमति जुटाउन सकेन  । बैठकमा न्याय प्रणाली र नागरिकताका विषयमा छलफल भएको थियो । यसअघि उच्चस्तरीय कार्यदलको बैठकमा प्रधानन्यायाधी लगायत सर्वोच्चका अन्य न्यायाधीशको नियुक्तिका विषयमा भएको सहमतिमा कतिपय दलहरुले आपत्ति जनाएका छन् । त्यस विषयमा दलहरुबीच छलफल जारी रहेको छ । त्यस्तै,अंगिकृत नागरिकताका प्रावधानका विषयमा दलहरुबीच कुरा मिल्न सकेको छैन ।banner
पत्रकार महासङ्घको राष्ट्रिय महाधिवेशन आगामी वैशाख २० गते काठमाडौँमा गर्ने निर्णय(२०६७ पौष १८, आइतवार)
नेपाल पत्रकार महासङ्घको राष्ट्रिय महाधिवेशन आगामी वैशाख २० गते काठमाडौँमा गर्ने निर्णय गरिएको छ ।जनकपुर र जलेश्वरमा सम्पन्न केन्द्रीय समितिको बैठकले उक्त निर्णय गरेको हो । बैठकले महासङ्घको जिल्ला शाखाको अधिवेशनअन्तर्गत मध्यपश्चिमाञ्चलका जिल्ला शाखाहरुको माघ २७, पूर्वाञ्चलका जिल्ला शाखाहरुको फागुन १, मध्यमाञ्चलका जिल्ला शाखाहरुको फागुन ४, पश्चिमाञ्चलका जिल्ला शाखाहरुको फागुन ७ र सुदूरपश्चिमाञ्लका जिल्ला शाखाहरुको फागुन १० गते जिल्ला अधिवेशन गर्ने निर्णयसमेत गरिएको छ ।
बुटवलमा पेस्तोल देखाएर साँढे २९ लाख रुपियाँ लुटियो(२०६७ पौष १८, आइतवार)
बुटवलको अमरपथस्थित लक्ष्मी ब्याङ्कको गेटबाट साँढे २९ लाख रुपियाँ लुटिएको छ। जम्मा गर्न लगिँदै गरेको उक्त रकम कालो स्पिलिण्डर मोटरसाइकल चढेर आएका दुई जनाले पेस्तोल देखाएर लुटेका थिए। उक्त रकम औद्योगिक समूह गोयन्का ग्रुपका कर्मचारी सन्दीप शर्माले जम्मा गर्न ल्याएका थिए। अहिले प्रहरीले व्यापक चेकजाँच सुरु गरेको छ। पैसाको ब्याग लुटेलगत्तै लुटेराहरु सोही मोटरसाइकलमा भागेका थिए।
मधेश क्रान्ति फोरम नामको अलग्गै संगठन खोल्ने फोरमका नेता हटाइए(२०६७ पौष १८, आइतवार)
मधेसी जनअधिकार फोरम, नेपाल (लोकतान्त्रिक)ले सो पार्टीका केन्द्रीय सदस्य सञ्जयकुमार साहलाई सम्पूर्ण जिम्मेबारीबाट हटाएको छ । पार्टीको राजनीतिक समितिको बैठकले साहलाई केन्द्रीय सदस्यसँगै पार्टी सङ्गठन विभागको सदस्य, मधेसी युवा फोरम (लोकतान्त्रिक) को इन्चार्ज पदसमेतबाट हटाउने सर्वसम्मत निर्णय गरेको कुरा पार्टीद्वारा जारी विज्ञप्तिमा उल्लेख छ । बैठक पार्टी अध्यक्ष विजयकुमार गच्छदारको अध्यक्षतामा बसेको थियो ।
नेपाली दुतावास कुवेत माथि प्रश्नै प्रश्न,दुतावासकै कर्मचारीहरुको मिलेमतो म्यानपावर तस्करी सँग-राजन रिमाल(२०६७ पौष १८, आइतवार)

घरेलुकामदारको कारण बाट आपसी संबन्ध ओझेलमा परेको अबस्थामा दुई देशको संम्बन्ध विकास गरि  काम को शिलसिलामा कुवैत आई बेपत्ता हुनेहरुको खोजिनिति गरि (यानजी शेर्पा कृष्णा तामांग,लक्ष्मी तामंग,प्रेमकला घिमिरे,शम्झना धामी,चन्द्रकुमारी राइ,रेखा माया गुरुंग,कोपिला दाहाल र तारा देवी भट्टराई,शान्तिमाया दोङ ) सरकारलाई प्रतिवेदन पेश गर्नु पर्ने हो तर यो भएन कहाँ छन यिनीहरु ?दुतावासकै कर्मचारीहरुले नेपालका मेन पावर हरुलाई शिफारिस गरि मेन पावर बाट रकम असुली गरेका कुराहरु खुली सकेका छन । यो दुतावास हो कि मेन पावर ? अझ यहीका एजेण्टहरु सँग मिलेमतो गरेर आधारात सम्म दुताबासमा एजेण्टहरुका काम गरेका कुराहरु पनी खुलेका छन । अब भन्नुस यो भट्टराई निवास  की दुतावास ? यदि दुतावास हो भने दुतावासको टेलीफोन किन उढ्दै उठेन भन्ने जन गुनासो किन आउछ ? फेरि भन्नोस दुतावास आउने अनपढ महिलाहरुलाई किन गाली गलौज गरी अपशव्द बोलिन्छ ?

भारतको नोएडामा एक भारतीय सहित नेपाली हत्याकाण्डमा दोषी मानिएका दुई जना नेपालीलाई सिबिआईद्धारा सफाइ(२०६७ पौष १८, आइतवार)
world news
मे २००८ मा उत्तर प्रदेशको नोएडा, भारतमा भएको हेम राज, आरुशी हत्याको घटनाबाट भारतको सबै भन्दा ठुलो जाच व्युरो सिबिआई ( केन्द्रिय अनुसन्दान व्युरो)ले आफ्नो हात निकाली उक्त घटनाको छानबिनलाई बन्द गने निर्णय गरेको छ।
नयाँवर्ष मनाउने क्रममा अत्यधिक मदिरा सेवन बाट २ नेपालीको मलेसियामा मृत्‍यु /मेडिकल फेल भएपछी १ नेपाली घर फर्के(२०६७ पौष १८, आइतवार)

बैदेशिक रोजगारीको सिलसिलामा मलेसियामा आएका २ नेपालीको नयाँसाल मनाउने क्रममा मृत्‍यु भएको छ । मृत्‍यु हुने ति २ नेपाली एक जना तमाङ र अर्को एक जना मगर समुदायका हुन । उनिहरुको नेपालको घर ठेगाना खुल्न सकेको छैन । २०१० लाई बिदै र २०११ लाई स्वागत गर्ने भन्दै उनिहरु कार्यरत कम्पनीकै क्याम्पमा रहेको कोठामा मनोरन्जनका लागि अत्यधिक मदिरा सेवान गर्नाले मृत्‍यु भएको मलेसिया बाट अर्घाखाँची टाईम्सको यूएई कार्यालयमा प्राप्त समाचारमा जनाईएको छ । यसैबिच आज भन्दा १ महिना अगाडी काठमाडौं स्थित लक्की मेनपावरबाट मलेसिया आइपुगेका बिरमान तामांग आएको पहिलो चोटिको मेडिकल चेकअफमा नै अनफिट भई यहि २८-१२-२०१० तारिक को दिन स्वदेश फर्किएका छन।

२०१० मा नेपालका राजनीतिक तथा सामाजिक क्षेत्रमा चर्चित काण्डहरु(२०६७ पौष १७, शनिवार)
सन् २०१० नेपालको राजनीतिक तथा सामाजिक क्षेत्रमा धेरै चर्चित काण्डहरु बनाएर गयो। एक वर्षका अवधिमा सबैभन्दा ठूला स्क्यान्डलहरुमा रहे- पारस गोलीकाण्ड, मेसिन रिडेवल पासपोर्ट र माओवादी टेप प्रकरण।
२०१० का ५ राजनीतिक घटना(२०६७ पौष १७, शनिवार)
संविधान बन्ने नबन्ने निश्चित नभइरहेको अवस्थामा मुलुकमा राजनीतिक घटनाक्रमको विकास हुनु सामान्य नै हो तर २०१० ले नेपाली राजनीतिमा आशाका किरण र निरासाका बादल दुवै छाडेर गएको छ।
राष्ट्रियतामा संकट परेको भन्दै कांग्रेसले राष्ट्रिय जागरण अभियानमा(२०६७ पौष १७, शनिवार)
प्राप्त समाचार अनुसार शान्ति प्रक्रिया र लोकतन्त्रमाथि खतरा बढेकाले राष्ट्रियतामा संकट परेको भन्दै  शुक्रबारबाट कांग्रेसले राष्ट्रिय जागरण अभियान सुरु गर्दैछ ।
अन्मिनद्वारा नेपालबाट बाहिरिनुअघि सेना, हतियार अनुगमन सम्झौता तथा समन्वय समितिको हैसियत प्रष्ट पार्न आग्रह(२०६७ पौष १७, शनिवार)
banner
अन्मिन नेपालबाट बाहिरिनु अगाडि नै कम्तीमा सेना तथा हतियार अनुगमन सम्झौता तथा संयुक्त अनुगमन तथा समन्वय समितिको हैसियतबारे प्रष्ट पार्न नेपालस्थित राष्ट्रसंघीय निकाय अन्मिनकी प्रमुखले आग्रह गरेकी छिन्।
banner
मकवानपुरको विकट खैराङ गाविसमा बाघले आतङ्क मच्चाउन थालेपछि एक चेपाङ परिवार विस्थापित(२०६७ पौष १७, शनिवार)
दस दिनदेखि गाउँमा बाघले आतङ्क मच्चाउन थालेपछि मकवानपुरको विकट खैराङ गाविसको एक चेपाङ परिवार विस्थापित भएको छ । बाघकै डरले गाउँका ४० बिद्यार्थी स्कुल गएका छैनन् ।
घरजग्गाको कारोवारमा ७० प्रतिशतको गिरावट / गाविसको जग्गा दर्ता शुल्क ५० प्रतिशत बढ्यो(२०६७ पौष १७, शनिवार)
प्राप्त समाचार अनुसार सरकारले राजधानी काठमाडौंलगायत बाहिर २९ जिल्लाका विभिन्न गाविसमा जग्गा खरिदमा लाग्ने रजिष्ट्रेशन दस्तुर पचास प्रतिशत बढाएको छ। नगरपालिका भएका जिल्लामा नगरपालिका क्षेत्र आसपास र नगरपालिका नभएका जिल्लामा सदरमुकाम र आसपासका व्यवसायिक महत्वका गाविसमा रजिष्ट्रेशन दस्तुर बढाइएको हो। आर्थिक अध्यादेश २०६७ ले गाविसमा लाग्दै आएको २ प्रतिशत रजिष्ट्रेशन दस्तुरलाई बढाएर ३ प्रतिशत बनाएको छ। अहिले गाविसमा २ प्रतिशत र नगरपालिकामा ४ प्रतिशत रजिष्ट्रेशन दस्तुर लाग्ने व्यवस्था छ।
सरकारद्वारा माघ १ गतेपछि अनमिनको आवश्यकता नरहने स्पष्ट पार्दै फिर्तीपछि सेना तथा हतियार अनुगमन कार्य विशेष समितिले हेर्ने जानकारी(२०६७ पौष १७, शनिवार)
प्राप्त समाचार अनुसार सरकारले माघ १ गतेपछि नेपालमा अनमिनको आवश्यकता नरहने स्पष्ट पार्दै अनमिन फिर्तीपछि सेना तथा हतियार अनुगमन कार्य विशेष समितिले हेर्ने जनाएको छ। एकीकृत माओवादीले एकतर्फी रूपमा अनमिनको समयावधि थप्न संयुक्त राष्ट्रसंघलाई पत्र पठाएको भोलिपल्ट शुक्रबार सरकारले नेपालस्थित राष्ट्रसंघीय मिसन (अनमिन) प्रमुख करिन लनग्रेनलाई पत्र पठाई उक्त जानकारी दिएको हो।
पर्यटनका लागि सँगसँगै भन्ने नाराका साथ आजदेखि नेपाल पर्यटन वर्ष २०११ सुरु(२०६७ पौष १७, शनिवार)
banner
पर्यटनका लागि सँगसँगै, भन्ने नाराका साथ आजदेखि नेपाल पर्यटन वर्ष सन् २०११ सुरु भएको छ । दश लाख पर्यटक भित्राउने लक्ष्यसहित सुरु भएको पर्यटन वर्षको औपचारिक उदघाटन भने पौष ३० गते गरिने छ ।
banner
आफ्नै पार्टीका झलनाथको प्रधानमन्त्री बन्ने मोहले मुलुकले सरकार नपाएको एमाले केपी ओलीको आरोप(२०६७ पौष १७, शनिवार)

प्राप्त समाचार अनुसार  एमाले नेता केपी ओलीले कसैलाई प्रधान मन्त्री मोहकै कारण मुलुकले सरकार पाउन नसकेको बताएका छन्। आफ्नै पार्टीका अध्यक्ष झलनाथ खनालको नाम नलिई उनले भने- कसैलाई प्रधान मन्त्री बन्न रहर लाग्यो भन्दैमा देशलाई अन्योलमा पार्न पाइँदैन।

अनमिनको नेपालमा रहेको भूमिकालाई निरन्तरता दिन सकिने गगन थापाको भनाई(२०६७ पौष १७, शनिवार)

संचारमाध्यमहरुले जनाए अनुसार  नेपाली कांग्रेसका केन्द्रीय सदस्य गगन थापाले अनमिनको नेपालमा रहेको भूमिकालाई निरन्तरता दिन सकिने बताएका छन्। कांग्रेस र एमालले सम्मिलित सरकारले अनमिनलाई विदाई गर्ने निर्णय गर्दा कांग्रेसकै युवा नेता थापाले यस्तो बताएका हुन्।

बाँकेको नेपाल-भारत सीमा बजारमा घरायसी सामान लिन गएकी १८ वर्षीया युवती पाँच दिनदेखि बेपत्ता (२०६७ पौष १७, शनिवार)

बाँके जिल्लाको नेपालभारत सीमाको भारतीय बजार रुपैडिहामा घरायसी सामान लिन गएकी नेपालगन्जकी एक युवती पाँच दिनदेखि बेपत्ता भएकी छन् ।

माओवादी दाहालद्धारा शान्ति प्रकृया पुरा नहुँदै राष्ट्रसंघीय मिसनलाई धपाउन खोजेको आरोप(२०६७ पौष १७, शनिवार)
प्राप्त समाचार अनुसार माओवादी अध्यक्ष पुष्पकमल दाहालले शान्ति प्रकृया पुरा नहुँदै राष्ट्रसंघीय मिसनलाई धपाउन खोजेको आरोप लगाएका छन् । नयाँ संविधान निर्माणमा मुस्लिम समुदायको भूमिका विषयक गोष्ठीमा शनिबार भने, 'अनमिनलाई बीच बाटोबाटै धपाउने काम भएको छ ।'
सन्तनेता कृष्णप्रसाद भट्टराईको नेपाललाई सुव्यवस्थित, शिक्षित र समृद्ध मुलुकको रूपमा हेर्न चाहना(२०६७ पौष १७, शनिवार)
पूर्वप्रधानमन्त्री एवम् सन्तनेता कृष्णप्रसाद भट्टराईले सुव्यवस्थित, शिक्षित र समृद्ध  मुलुकको रूपमा आफूले नेपाललाई हेर्न चाहेको बताउनुभएको छ । सन्तनेता कृष्णप्रसाद भट्टराई प्रतिष्ठानद्वारा आज  ललितपुरको बाँडेगाउँस्थित आफ्नै आश्रममा ८७ औँ शुभजन्मोत्सवको उपलक्ष्यमा आयोजित समारोहमा उहाँले भन्नुभयो- जनताको जीवनस्तरमा सुधारसहित विश्वमै कहलिएको एसियाको धनी राष्ट्रका रूपमा नेपाललाई हेर्ने आफ्नो चाहना रहेको छ ।
गरिब नेपाल र नेपालको गरिबी(२०६७ पौष १७, शनिवार)
नेपाली महाकवि लक्ष्मीप्रसाद देवकोटाले गरिबको महिमामण्डन गरेका छन् भन्ने पनि केहीको विचार छ । एक स्फूग पद्यमा 'गरिब भन्छौ सुखको मभै"m धनी, मिल्दैन संसारभरि कतै पनि' भनेर उनले गरिबले आनो शुद्ध परिश्रमका कारण पाउने सुखको तथा सुलोचना महाकाव्यमा 'म आनो घरको राजा झुपडी नै भए पनि' भनेर पात्रकै मुखबाट गरिबको आत्मसम्मानको सुखको महिमा गान गरेका छन् ।
विचार-मञ्च: हामी किन गरिब छौँ ?(२०६७ पौष १७, शनिवार)
मुलुकमा माओवादी विद्रोह सुरू भएको एक दशक र त्यो विद्रोहलाई शान्ति प्रक्रियामा अवतरण गर्दै गणतन्त्र स्थापना भइसकेको छ । ऐतिहासिक संविधानसभाको निर्वाचन सम्पन्न गरिसक्दा पनि हामी केवल अस्थिरताबाटै गुजि्ररहेका छौं । शान्ति प्रक्रियालाई तार्किक निष्कर्षमा पुर्‍याउनु र नयाँ संविधान निर्माण गर्नु वर्तमान आवश्यकता एकातिर छ भने अर्कोतिर अवरूद्ध भएको विकास र सर्वसाधारण जनताको बिगि्रएको अवस्थालाई सुधार्ने चुनौती छ ।
उच्चस्तरिय कार्यदलको म्याद नथपिएपछि नयाँ संविधानमा देखिएको विवाद अन्त्य गर्न २७ दलको प्रयास सुरु (२०६७ पौष १६, शुक्रवार)
संचारमाध्यमहरुले जनाए अनुसार उच्चस्तरिय कार्यदलको म्याद नथपिएपछि नयाँ संविधानमा देखिएको विवाद अन्त्य गर्न २७ दलले बुधबारदेखि प्रयास सुरु गरेका छन् । सभामुख सुवास नेम्वाङको पहलमा बसेको २७ दलको बैठकले संयुक्त रुपमा विवाद मिलाउने कोशिस थालेका हुन् ।
नेपाल टेलिकमद्धारा महिनौसम्म महशुल नतिर्ने क्षेत्रीय प्रशासन लगायत जिल्लाका ३७ सरकारी कार्यालयको टेलिफोन लाइन काट्यो(२०६७ पौष १६, शुक्रवार)
प्राप्त समाचार अनुसार नेपाल टेलिकमले महिनौसम्म महशुल नतिर्ने क्षेत्रीय प्रशासन लगायत जिल्लाका ३७ सरकारी कार्यालयको टेलिफोन लाइन काटेको छ । जिल्लाभरका अधिकांश कार्यालयले झण्डै एक वर्षम्म पनि टेलिफोन महशुल नतिरेपछि सोमवारदेखि लाइन काट्न वाध्य भएको टेलिकम प्रशासन स्रोतले जनाएको छ । यस क्रममा क्षेत्रीय प्रशासन, जिल्ला प्रशासन, प्रहरी, राष्टिय अनुसन्धानलगायत कार्यालय टेलिफोन सम्पर्क विहीन हुन पुगेका छन् ।
माओवादीमा पार्टीभित्रको मतभिन्नता सार्वजनिक गरेको भन्ने विषयलाई लिएर उपाध्यक्ष डा.बाबुराम भट्टराईसँग स्पष्टीकरण लिने तयारी(२०६७ पौष १६, शुक्रवार)
banner
पार्टीभित्रको मतभिन्नता सार्वजनिक गरेको भन्ने विषयलाई लिएर एकीकृत नेकपा माओवादीका उपाध्यक्ष डा.बाबुराम भट्टराईसँग स्पष्टीकरण लिने तयारी भैरहेको बताइएको छ।
banner
नेपाली काँग्रेसले ३५ औं राष्ट्रिय एकता तथा मेलमिलाप दिवस आमसभा, र्‍याली, विचारगोष्ठी कार्यक्रमसहित देशव्यापीरूपमा मनाउने(२०६७ पौष १६, शुक्रवार)
संचारमाध्यमहरुले जनाए अनुसार  नेपाली काँग्रेसले ३५ औं राष्ट्रिय एकता तथा मेलमिलाप दिवस आमसभा, विचारगोष्ठी, र्‍याली, रक्तदानलगायत सन्देशमूलक एवम् रचनात्मक कार्यक्रमसहित देशव्यापीरूपमा मनाउने भएको छ । काठमाडौँ उपत्यताकालगायत ७५ वटै जिल्लामा आफ्ना केन्द्रीय नेताहरूको उपस्थितिमा राष्ट्रिय मेलमिलाप दिवस मनाउन लागेको सो पार्टीले जनाएको छ । यसक्रममा पार्टी सभापति सुशील कोइराला विराटनगर, नेता शेरबहादुर देउवा चितवन र पार्टी संसदीय दलका नेता रामचन्द्र पौडेल सप्तरी पुगिसक्नुभएको छ ।
उत्तर पूर्वि अष्ट्रेलियामा भिषण बाढीका कारण सो क्षेत्र पूर्ण रुपले प्रभावित(२०६७ पौष १६, शुक्रवार)
उत्तर पूर्वि अष्ट्रेलियामा यो दशककै सवैभन्दा भिषण बाढीका कारण सो क्षेत्र पूर्ण रुपले प्रभावित बनेको छ। लगातार भएको भिषण वर्षाले क्विन्सल्या48ड क्षेत्र अस्तब्यस्त बनेको छ। भिषण वर्षापछिको बाढीका कारण खतरामा परेको थेओडोर शहरका सम्पूर्ण बाशिन्दालाई सुरक्षित स्थानतर्फ लगिएको उद्धार अधिकारीहरुले जनाएका छन्। यसैगरी बाढीका कारण अस्तब्यस्त बनेको क्विन्सल्या48ड क्षेत्रमा करिब १ हजार मानिसलाई सुरक्षित स्थानमा सारिएको छ।
बजाङको व्यासीमा बालुवाको ढिस्कोमा पुरिएर पाँच जनाको मृत्यु(२०६७ पौष १६, शुक्रवार)
बजाङको व्यासी गाविस�१ मा बालुवाको ढिस्कोमा पुरिएर पाँच जनाको मृत्यु भएको छ। ढिस्कोले पुरिएर अन्य  तीन जना घाइते भएका छन्। घर निर्माणमा प्रयोग गर्नका लागि बालुवा लिन गएका कडेल गाविस �३ चक्र सार्की, दिपक सार्की, कौशिल्या सार्की, चिज देवी केसी र बसन्ती सार्कीको ढिस्कोले पुरिएर मृत्यु भएको हो।
नयाँ वर्ष सन् २०११ को अवसर प्रत्क्षय उप्डेट ( लाईभ) (२०६७ पौष १६, शुक्रवार)
यहाँ नयाँ वर्ष सन् २०११ को विषेश प्रत्यक्ष लाइभ अपडेट गरिरहेका छौ ! यसमा नयाँ सूचना हेर्न तपाईँले पेज रिफ्रेस गरिरहनुपर्ने छैन। एक पटक खोलिसकेपछि यत्तिकै राखे नयाँ सूचनाहरु त्यहाँ लगातार आइरहनेछ।  No need to reload page, content updates automatically.
धनकुटा र नवलपरासीमा भएका दुर्घटनामा एक जनाको ज्यान गयो, दर्जन घाइते(२०६७ पौष १६, शुक्रवार)

धनकुटा हात्तीखर्क ७ फलैचामा गएराती ट्याक्टर दुर्घटना हुँदा एक जनाको ज्यान गएको छ भने गएराति नवलपरासीमा भएको छुट्टाछुट्टै सवारि दुर्घटनामा परि ७ जना घाईते भएका छन् । घाईतेमध्ये चारजनाको अवस्था गम्भिर रहेकोछ । हिलेबाट सिधुवा गइरहेको को १ त ६५६५ नं.को ट्याक्कटर बढी गतिका कारण अचानक अनियन्त्रित भई सडकबाट १० मिटर बायाँ गई पल्टिँदा भुकेश भजेलको घटनास्थलमै ज्यान गएको जिल्ला ट्राफिक प्रहरी कार्यालय धनकुटाले जनाएको छ ।

http://go.oclaserver.com/afu.php?zoneid=1465736