arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
थप समाचार
आफन्तसँग एकादशीको मेला भर्न गएकी एक बालिकालाई तामाकोशी नदीले बगाउदा मृत्यु(२०६७ म‌सिर २, विहीवार)
आफन्तसँग एकादशीको मेला भर्न गएकी एक बालिकालाई तामाकोशी नदीले बगाउदा मृत्यु भएको छ । दोलखाको गुमुखोलामा नजिक तामाकोशी नदीमा  बुधबार बिहान एकादशीको मेला गएकी दोलखा जुँगुँ गाविस -८ की शिर्षा थापाको फुलपाति तार्ने क्रममा नदिले बगाउदा मृत्यु भएको ईलाका प्रहरी कार्यालय सिंगटीले जनाएको छ ।  ठूलो एकादशीका दिन गुमुखोला स्थित तामाकोशी नदीमा फुलपाती तार्ने मेला लाग्ने गर्दछ ।
भारतको नयाँ दिल्लीमा भवन भत्किँदा पुरिएर मर्नेहरूको सङ्ख्या 67, उद्धार कार्य जारी(२०६७ म‌सिर २, विहीवार)
भारतको राजधानी नयाँ दिल्लीको पूर्वी भागमा पाँच तले भवन भत्किँदा त्यसमा परी पुरिएर मर्नेहरूको सङ्ख्या आज बुधबारसम्म 67 पुगेको समाचार छ।
हैजा फैलाएको आरोपमा हेइटीबासीद्वारा शान्ति सेना विरुद्ध दोस्रो दिनपनि प्रदर्शन, हैजाका कारण मर्नेहरुको संख्या एक हजार नाघ्यो (२०६७ म‌सिर २, विहीवार)
हैजा फैलाएको आरोपमा हेइटीबाशीहरुले दोस्रो दिन पनि संयुक्त राष्ट्रसंघिय शान्ति सेनाविरुद्ध प्रदर्शन गरेका छन्।
बेलायती राजकुमार विलियमद्वारा प्रेमीका केटसँग आगामी वर्ष विवाह गर्ने घोषणा (२०६७ म‌सिर २, विहीवार)
बेलायतका दोश्रो नम्बरका राजकुमार विलियमले आगामी वर्ष विवाह गनर्ेे घोषणा गरेका छन्।
संविधान संशोधन गरेर बजेट ल्याउने विषयमा संविधानसभामा प्रतिनिधित्व गर्ने २५ दलले सहमति(२०६७ म‌सिर २, विहीवार)
संविधान संशोधन गरेर बजेट ल्याउने विषयमा संविधानसभामा प्रतिनिधित्व गर्ने अधिकांश दलले सहमति जनाएको छ । बजेट र संविधान संशोधनका विषयमा छलफल गर्न प्रधानमन्त्री माधवकुमार नेपालले बुधबार बोलाएको २७ दलको बैठकमा उक्त सहमति जुटेको हो । २७ मध्ये २५ दलले संविधान संशोधनको पक्षमा सहमति जनाएको प्रधानमन्त्रीका राजनीतिक सल्लाहकार रघुजी पन्तले बताए । नेकपा एकीकृत र दलित जनजाति पार्टीले संविधान संशोधन बिना नै बजेट ल्याउनुपर्ने धारणा राखेका थिए । बजेट र संविधान संशोधनमा सबैको समर्थन होस भन्ने अपेक्षाले प्रधानमन्त्रीबाट बैठक बोलाइएको पन्तले जनाए । सरकारले मंसिर ३ गते बजेट ल्याउने तयारी गरेको छ । बैठकपछि माओवादी नेता देव गुरुङले बजेट ल्याउने विषयमा सहमति जुटेको बताए ।
सरकारले अन्तरिम संविधानको नवौँ पटक संशोधनका लागि व्यवस्थापिका-संसदमा विधेयक दर्ता(२०६७ म‌सिर २, विहीवार)
सरकारले अन्तरिम संविधानको नवौँ पटक संशोधनका लागि व्यवस्थापिका-संसदमा बुधबार विधेयक दर्ता गराएको छ ।मन्त्रिपरिषद्को बुधबार बसेको बैठकले संविधान संशोधन गरी अध्यादेशमार्फत बजेट ल्याउने निर्णय गरेपछि संविधान संशोधनसम्बन्धी विधेयक दर्ता गरिएको जानकारी कानुन तथा न्यायमन्त्री प्रेमबहादुर सिंहले दिनुभयो । सरकारले दर्ता गराएको विधेयकमा धारा ९६, क को उपधारा (५) संशोधन गर्ने जनाएको छ । यसअघि मन्त्रिपरिषद्को बैठकले संविधान संशोधन गरी अध्यादेशमार्फत बजेट ल्याउन सहमति जुटाएको छ ।  प्रधानमन्त्री निवास बालुवाटारमा बुधबार बसेको मन्त्रिपरिषद्को बैठकले संविधान संशोधन गरेर यही मङ्सिर ३ गते व्यवस्थापिका-संसदमा चालु आर्थिक वर्षका लागि पूर्ण बजेट ल्याउने निर्णय गरेको जानकारी सरकारका प्रवक्ता एवम् सूचना तथा सञ्चारमन्त्री शङ्कर पोखरेलले दिनुभयो ।
दुईसाता सम्मको लागि उच्चस्तरीय कार्यदलको बैठक स्थगीत/दलहरूको आ-आफ्नै अडानले सहमति जुट्न सकेन (२०६७ म‌सिर २, विहीवार)
(तपाईंहरु पनि च्याट गर्न चाहनुहुन्छ भने पेजको तल पट्टी गई Sign in गर्न सक्नुहुनेछ)
सरकारले विद्युत् प्राधिकरणलाई प्रभावकारी र चुस्त बनाउन भन्दै त्यसको सांगठनिक संरचनामा फेरबदल (२०६७ म‌सिर १, बुधवार)
सरकारले विद्युत् प्राधिकरणलाई प्रभावकारी र चुस्त बनाउन भन्दै त्यसको सांगठनिक संरचनामा फेरबदल गरेको छ । प्राधिकरणका दुइटा मौजुदा विभागलाई खारेज गरिएको छ भने तीनवटा नयाँ विभाग खोलिएका छन् । ऊर्जामन्त्री प्रकाशशरण महतको अध्यक्षतामा बसेको विद्युत् प्राधिकरणको बोर्डले उत्पादन, प्रसारण र वितरण गरी तीन विभागलाई फोरेर दुई-दुइटा विभाग बनाइएका छन् । उत्पादनलाई फुटाई मर्मत सम्भार विभाग खडा गरिएको छ । यसअघि उत्पादन विभागले नै आयोजना र प्रसारण लाइनको मर्मतसम्भारको कार्य गथ्र्यो । उत्पादन विभागको ध्यान मर्मतमा भन्दा आयोजना निर्माणमा मात्र जाने गरेकाले छुट्टै मर्मत सम्भार विभाग खडा गरिएको बोर्डका सदस्य लेखमानसिंह भण्डारीले जानकारी दिए । प्रसारण विभागलाई समेत फुटाएर दुइटा विभाग बनाइएका छन् । उनका अनुसार एउटाले प्रसारण लाइनको निर्माणमात्र हेर्ने र अर्को विभागले मागको प्रक्षेपण गर्ने, निजी कम्पनीसित विद्युत् खरिद सम्झौता गर्नेलगायतका काम हेर्नेछ ।
नेपाल टेलिभिजनको छमछमीमा मध्यपश्चिमका एक्ला प्रतिभा(२०६७ म‌सिर १, बुधवार)
नेपाल टेलिभिजनबाट प्रसारण भइरहेको प्रतियोगितात्मक एकल नृत्य कार्यक्रम ुहेयर एण्ड केयर छमछमीुमा मध्यपश्चिमको एकजना मात्रै प्रतियागी बचेका छन् ।
प्रवासी संघ यूएई आबुधाबी क्षेत्रिय समिति द्वारा अगुवा कार्यकर्ता प्रशिक्षण कार्यक्रम सम्पन्न(२०६७ म‌सिर १, बुधवार)
गत मंगलबार युएइको राजधानी अबुधावीमा  प्रवासी नेपाली संघ युएइ क्षेत्रिय समिति अबुधावीको आयोजनामा अगुवा कार्यकर्ता प्रशिक्षण भेला सम्पन्न भएको छ ।
चीनमा जारी १६ एसियाली खेलकुदमा महिला क्रिकेटमा नेपाल जापानसँग ४५ रनले पराजित(२०६७ म‌सिर १, बुधवार)
चीनमा जारी १६ एसियाली खेलकुदमा महिला क्रिकेटमा नेपाल जापानसँग ४५ रनले पराजित भएको छ । यो पराजयसँगै नेपालको आशातित पदक पनि गुमेको छ । सेमीफाइनल प्रवेशका साथै रजत पदकको आशा गरिएको आजको खेलमा पराजित बनेपछि नेपाली महिला क्रिकेट टिम घर फर्कनेछ । गोन्जाओमा भएको खेलमा जापानले पेश गरेकेा १३६ रनको लक्ष्य पछ्याउँदै जवाफी ब्याटिङमा उत्रिएको नेपालले निर्धारित २० ओभरमा ९ विकेटको क्षतिमा ९० रन मात्र बनाउन सक्यो ।
लडाकु समायोजन गरेर शान्ति पूर्ण राजनीतिमा आउने माओवादीको कुनै योजना नै नभएको मधेसी फोरमका उपेन्द्र यादवको दावी(२०६७ म‌सिर १, बुधवार)
मधेसी जनअधिकार फोरम नेपालका अध्यक्ष उपेन्द्र यादवले लडाकु समायोजन गरेर शान्ति पूर्ण राजनीतिमा आउने माओवादीको कुनै योजना नै नभएको दावी गर्नुभएको छ । माओवादीसँग नजिक मानिनु हुने अध्यक्ष यादवले रिपोर्टर्स क्लब नेपालले बुधवार आयोजना साक्षात्कारमा भन्नु भयो-माओवादको लडाकुको समायोजन गर्ने कुनै योजना नै छैन । उनीहरु त राज्यको सेवा सुविधा लिएर शिविरमा तालिम दिएर उपयूक्त मौकामा सत्ता कब्जा गर्ने रणनीतिमा छन् । यादवले माओवादीले संसदीय ब्यवस्थालाई प्रयोग गरेर सत्ता कब्जा गर्ने रणनीतिलाई नै  केन्द्र बनाएकोले समयस्या आएको दावीसमेत गर्नु भयो ।साक्षात्कारमा उहाँले राज्य कोषबाट भत्ता खाएर शिविरमा बस्ने लडाकुहरु कुनै पार्टी विशेषको हुनै नसक्ने दावी गर्दै लडाकुहरु माओवादीको विस्तारित बैठकमा सहभागी भए त्यो शान्ति सम्झौता विरुद्ध हुने ठोकुवा गर्नु भयो ।
पौडेललाई प्रधानमन्त्रीमा चयन गर(२०६७ म‌सिर १, बुधवार)
प्रधानमन्त्रीका एक्ला उम्मेदवार रामचन्द्र पौडेललाई निर्विरोध प्रधानमन्त्रीमा चयन गर्नुको विकल्प छैन । प्रधानमन्त्रीको आठौ पटकको दौडबाट माओवादी अध्यक्ष पुष्पकमल दाहाल मैदानबाट बाहिरिएपछि एक्ला उम्मेदवार रामचन्द्र पौडेललाई निर्विरोध प्रधानमन्त्रीमा चयन गरि सरकार गठनको प्रकि्रयमा अगाडी बढनुपर्छ ।
खै युवा ?(२०६७ म‌सिर १, बुधवार)

राम्रै थियो नेपाल त्यो

जनता सबै ठिकै थिए

के पुगेन कसलाई यहाँ

सारा शान्ति लगि दिए

भारतको दिल्ली माँ देउसी भैलो समापन समारोह सम्पन्न(२०६७ म‌सिर १, बुधवार)

लुम्बिनी गौतम बुध चेरिटेबल ट्रस्ट को आयोजना मा भारत को राजधानी नया दिल्ली मा लामो समय देखि बसों बॉस गर्दै आया का नेपाली हरु लाइ गोलबंद गरी ''कला साहित्य र नेपाली सास्कृतिक को बिकास गरौ, नेपाल र भारत बिच को मैत्रीपुण सम्बन्ध कायम राखौ'' भन्ने मूल नारा का साथ निकालिएको भैलोको समापन समारोह गरिएको छ । उपस्थित बिभिन्न संगठन का प्रमुख हरु लाई ट्रस्ट को लक्ष्य,र आगामी २६ जनवरीमा हुन गैरहेको'नेपाली संगतिक महा मेला २०११ ''मा नेपालका ख्याती प्राप्त राष्ट्रिय लोक दोहोरी - हास्य ब्यज्ञ- तथा अन्य धेरै कलाकार ल्याइने तथा भारतको झुक्की बस्ती माँ बसोबास गर्ने नेपाली समुदाय लाइ कम्बल,सुइटर लगायत जाडो मौसममा आबश्यक पर्ने न्यानो कपडा दीईने तथा अन्य समयमा जो कोही नेपालीलाई आइपर्ने समस्या को लागी मदद गर्ने जानकारी ट्रस्ट का अधक्ष्य तथा भारत स्थित अर्घाखाँची डट्कम् तथा अर्घाखाँची टाईम्सका भारत बिभाग प्रमुख दीपक जीसी ले बताउनु भएको   थियो ।

आज हरिवोधनी एकादशी, रेसुङ्गा क्षेत्रमा भक्तजनहरुको बिहानैदेखि घुईँचो (२०६७ म‌सिर १, बुधवार)

आज कार्तिक शुक्ल पक्षको हरिवोधनी एकादशी, हिन्दु परम्पराअनुसार दिनभर व्रत बसी वैधिक विधिअनुसार तुलसीको विवाह गरिदिने प्रचलन रहेको छ ।असार शुक्ल एकादशीका दिन व्रत बसेर घरमा रोपिएको तुलसीलाई कार्तिक शुक्ल एकादशी अर्थात् आजको दिन व्रत बसेर पूजा गरे फल प्राप्ति हुने धार्मिक विश्वास रहिआएको छ । आजको दिन तीर्थालुहरु नजिकैको जलासयमा गई स्नान गरी चोखो भई व्रत बसेर भगवान विष्णुको प्रतीक तुलसीको विशेष रुपमा पूजा गरी बिहे गरिदिने गर्दछन् ।

हिउद छिप्पिदै गर्दा आज देखी २९ घण्टा लोडसेडिङ(२०६७ म‌सिर १, बुधवार)
विद्युत् प्राधिकरणले बुधबारदेखि लोडसेडिङ समय झन्डै दोब्बर बढाएको छ । यसअघि साताको १४ घन्टा निभ्ने गरेको बिजुली अब २९ घन्टा पुगेको छ । 'बुधबारदेखि साताको २९ घन्टा लोडसेडिङ हुन्छ,' प्राधिकरण भार सम्प्रेषण केन्द्रका प्रमुख चिरञ्जीवी शर्माले भने । मध्य मस्र्याङ्दी आयोजना मर्मत भइरहेकाले लोडसेडिङ बढेको उनले बताए । यस वर्ष माघदेखि दैनिक १४ घन्टासम्म लोडसेडिङ हुने प्रक्षेपण प्राधिकरणले गरेको छ ।
दुईसाता सम्मको लागि उच्चस्तरीय कार्यदलको बैठक स्थगीत/दलहरूको आ-आफ्नै अडानले सहमति जुट्न सकेन (२०६७ म‌सिर १, बुधवार)

अर्घाखाँचीको सन्धिखर्कबाट प्रत्क्षय भिडियो लाईभ भइरहेको छ कृपया भिडियो लाईभ प्रसारण हेर्न अनुरोध गरिन्छ। भिडियो हेर्नुहोस् 

(तपाईंहरु पनि च्याट गर्न चाहनुहुन्छ भने पेजको तल पट्टी गई Sign in गर्न सक्नुहुनेछ)
सर्वदा बाङमय प्रतिस्ठान यूएई द्वारा कलाकार दिपक गुरुङ लाई अबुधाबीमा बिदाइ (२०६७ म‌सिर १, बुधवार)

सर्वदा वाङगमय प्रतिस्ठान यूएईले कलाकार दिपक गुरुङलाई मगंलबार आबुधाबीमा एक कार्यक्रमका बिच बिदाइ गरेको छ । गुरुङ पुरुष भएर पनि महिलाको भेषमा आफ्नो न्रित्यु तथा अन्य बिभिन्न कला प्रदशन गर्ने कलाकारको रुपमा यूएईका स्थानिय कलाकार हुन । रोजगारको शिलशिलामा ०६ बर्ष अघी यूएई आएका दिपक यूएईमा रहेका बिभिन्न संघसस्थाले आयोजना गर्ने सास्कृतिक कार्यक्रममा उपस्थित भएर आफ्नो कला प्रस्तुत गर्ने गरेका थिए । 
विश्वमा सबै भन्दा प्यारो मेरो देश - चिरन्जीवी खड़का(२०६७ म‌सिर १, बुधवार)
विश्वमा सबै भन्दा राम्रो देस नेपाल हाम्रो
त्यसैमा पनि हाम्रो अर्घाखाँची झनै राम्रो  
यूएईमा प्रथम सहिद लखन थापा मगर स्मृती भलिवल खेल प्रतियोगिता सुरु(२०६७ म‌सिर १, बुधवार)


मगंलबार देखि दुबईको अलकुज स्थित बलदिया खेल मैदानमा युएईव्यापी भलिवल खेल प्रतियोगिता सुरु भएको छ। प्रथम सहिद लखन थापा मगरको स्मृतिमा नेपाली मगर संघ दुबई छेत्रीय समिती युएई द्वारा आयोजित प्रतियोगितात्मक खेलमा जम्मा २० टिमप्रतियोगिता मुस्लिम समुदायको महान पर्व बकर ईदमा हुने सार्वजनिक बिदाको अवसर पारी सन्चालन गरिएको हो

क्यानडाको टोरन्टोमा महाकवि लक्ष्मीप्रसाद देवकोटाको १०२ औँ जन्मजयन्तीको सन्दर्भमा कविगोष्ठी सम्पन्न (२०६७ म‌सिर १, बुधवार)
क्यानडाको टोरन्टोमा महाकवि लक्ष्मीप्रसाद देवकोटाको १०२ औँ जन्मजयन्तीको सन्दर्भमा कविगोष्ठी सम्पन्न भएको छ । एनआरएन क्यानडाको भाषा साहित्य विभागको आयोजनामा भएको उक्त कविगोष्ठीमा २५ जना कविले आफ्ना कविता वाचन गरेका थिए । गोपीकृष्ण काफ्ले, डा. तुलसी धरेल, कुसुम ज्ञवाली, गोविन्दिसंह रावत, मुक्ति गौतम, भावना पोखरेल, सुभाष सत्याललगायतका कविले वाचन गर्नुभएको कवितामा नेपालप्रतिको चासो हार्दिकता र लगावका प्रतीक र बिम्बको सुमधुर सङ्गम पाइन्थ्यो ।
नेपाली काग्रेसले प्रधानमन्त्रीका उम्मेदार रामचन्द्र पौडेललाई निर्विरोध निर्वाचितका लागि सहयोग गर्न गरेको आग्रहलाई एमालेद्वारा अस्वीकार(२०६७ म‌सिर १, बुधवार)

अर्घाखाँचीको सन्धिखर्कबाट प्रत्क्षय भिडियो लाईभ भइरहेको छ कृपया भिडियो लाईभ प्रसारण हेर्न अनुरोध गरिन्छ। भिडियो हेर्नुहोस् 

(तपाईंहरु पनि च्याट गर्न चाहनुहुन्छ भने पेजको तल पट्टी गई Sign in गर्न सक्नुहुनेछ)
संविधान बनाउन गम्भीर नभएको भन्दै विरोधस्वरुप देउसी-भैलो खेलेको रकम सभासदहरुलाई भत्ता(२०६७ म‌सिर १, बुधवार)
देउसी-भैलो खेलेको रकमले यहाँको खिजीफलाँटेका स्थानीयले संविधान बनाउन गम्भीर नभएको भन्दै विरोधस्वरुप सभासदहरुलाई 'भत्ता' पठाएका छन् । खिजीफलाँटेका नेपाल सांस्कृतिक घेदुङ् र साङ्गेदा फ्याफूला गुठीको संयुक्त आयोजनामा खेलिएको द्यौसी भैली कार्यक्रमबाट उठेको रकमको ६ सय १ रुपैया उनीहरुले एक जना सभासद बराबर एक रुपैयाँ पर्ने गरि मंगलबार जिल्ला प्रशासन मार्फत संसद सचिवालयको कोषमा पठाएका छन् ।
कैलालीका पत्रकारलाई नियन्त्रणमा लिइ कुटपिट गर्नुका साथै हातका औँलासमेत औँला चिरियो(२०६७ म‌सिर १, बुधवार)
कैलालीको सुख्खडबाट प्रकाशन भइरहेको घोडाघोडी साप्ताहिकका प्रकाशक पत्रकार सुशील ढुङ्गानालाई एक समूहले नियन्त्रणमा लिइ कुटपिट गर्नुका साथै हातका औँलासमेत चिरिदिएका छन् । सोमबार दिउँसो ३ बजे साढेपानी गाविसबाट समाचार सङ्कलन गरी फर्किरहेका ढुङ्गानालाई पूर्वपश्चिम राजमार्गको मोहन्याल सामुदायिक वनमा लगेर हातका औँला ब्लेडले चिर्दै कलम बढी चलाउने भन्दै कुटपिट गरेको पत्रकार ढुङ्गानाले बताउनुभयो ।
सरकारको सर्वश्वसहित जन्म कैदका अभियुक्तलाई माफी दिने निर्णय कार्यान्वयन रोक्न सर्वोच्चको आदेश(२०६७ म‌सिर १, बुधवार)
ज्यान मुद्दामा सर्वस्वसहित जन्म कैदको सजायँ पाएका धनुषा, ठेगा कचुरी गाविसका मकेश्वरदासलाई माफी दिन गरेको सरकारी निर्णय रिटको अन्तिम निर्णय नभएसम्म कार्यान्वयन नगर्न सर्वोच्च अदालतले सरकारमा नाममा मंगलवार अन्तरिम आदेश जारी गरेको छ । उक्त आदेश न्यायाधीशद्वय बलराम केसी र भरतराज उप्रेतीको संयुक्त इजलासबाट भएको हो । अभियुक्त मकेश्वरदासलाई महेन्द्र झाको हत्या गरेको अभियोगमा जिल्ला अदालत धनुषाले २०४५ साउन ११ मा मुलुकी ऐन ज्यान सम्वन्धी महलको १३ (३) नं. बमोजिम सर्बस्व सहित जन्म कैदको सजाय गरेको थियो । उक्त सजाँयलाई पुनरावेदन अदालत जनकपुरले २०४९ चैत ११ मा सदर गरेको र सर्वोच्च अदालतले पनि २०५३ असार ७ मा साधक सदर गरेको थियो ।
"ठुलो एकादशी एवम एमालेको भव्य सास्कृतिक कार्यक्रमको" सन्धिखर्कबाट"प्रत्क्षय भिडियो लाईभ(२०६७ म‌सिर १, बुधवार)
कृपया यहाँबाट महान चाड तिहारको अन्तिम "हरीवोधनी ठुलो एकादशी एवम एमालेको भव्य सास्कृतिक कार्यक्रमको" विषेश प्रत्क्षय प्रसारण "भिडियो" लाईभ हेर्न समस्या परे (भिडियो हेर्नुहोस् ) मा जानुहोला ! साथै आफ्नो सन्देश-सुझाव दिन  00977 9847156468 / 9847107161 / 9847110773 मा फोन एवम SMS गर्नुहुन अनुरोध गरिन्छ। (LIVE:- Radio Arghakhanchi)
विदेशी सेना रहेसम्म अफगानिस्तानमा शान्ति वार्ता हुन नसक्ने अफगान तालिवानका नेता ओमारको चेतावनी (२०६७ कार्त्तिक ३०, मंगलवार)
तालिवानका नेता मुल्लाह ओमारले अफ्गानिस्तानमा विदेशी सेना रहेसम्म कुनै पनि हालतमा शान्ति वार्ता हुन नसक्ने बताएका छन्।
भारतको नयाँदिल्लीमा पाँचतले भवन भत्किदा कम्तिमा साठी जनाको मृत्यु(२०६७ कार्त्तिक ३०, मंगलवार)
भारतको राजधानी नयाँदिल्लीमा एउटा पाँचतले भवन भत्किँदा साठी जनाको मृत्यु भएको छ। अहिलेसम्म भवनको भग्नावशेषमा पुरिएका एक सय चौलिस जनाको जीवितै उद्धार गरिएको छ। पूर्वी दिल्लीको ल73मीनगर इलाकामा हिजो साँझ उक्त भवन भत्किएको थियो।
चीनको सांघाइस्थित एउटा गगनचुम्बी भवनमा भएको आगलागीमा मृत्यु हुनेको संख्या बयालीस ,अन्य दर्जनौं घाइते(२०६७ कार्त्तिक ३०, मंगलवार)
चीनको सांघाइस्थित एउटा गगनचुम्बी भवनमा भएको आगलागीमा मृत्यु हुनेको संख्या बयालीस पुगेको छ। आगलागीमा परी अन्य दर्जनौं घाइते भएका छन्।
http://go.oclaserver.com/afu.php?zoneid=1465736