arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
नेकपा एमाले र नेकपा माओवादी केन्द्रको संयुक्त बाम गठबन्धनको सरकार केपी शर्मा ओलीको नेतृत्वमा पाँच वर्ष चल्दा ठीक कि आधा समय अर्थात साढे २ वर्षपछि नेकपा माओवादी केन्द्रका पुष्पकमल दाहालको नेतृत्वमा पुन: आलोपालो सरकारको निरन्तरता दिन ठीक ?

आलोपालो ठीक
ओलीको निरन्तरता ठीक
थाहा भएन
हुनेवाला केही होइेन

भोट दिनुहोस् परिणाम हेर्नुहोस्
पुराना मत परिणामहरु
PropellerAds
बिज्ञापनहरु
 
थप समाचार
पूर्व राजा ज्ञानेन्द्र शाह दुई साता लामो भारत बसाईपछि फर्किए, भारतीय नेताहरु चिन्तित रहेको उल्लेख(२०६७ म‌सिर २०, सोमवार)

'भारतका मित्रहरुले नेपालकोबारेमा चिन्ता व्यक्त गरे,' पारिवारिक विवाहको निम्तो मान्न दुई साता लामो भारत बसाईपछि सोमबार फर्किएका पूर्व राजाले भने । कस्तो चिन्ता व्यक्त गरे भनी सञ्चारकर्मीले राखेको जिज्ञासामा उनले भने, 'त्यो तपाईंहरु आफै बुझ्नुस् ।'मुस्कुराउदै पूर्व राजा ज्ञानेन्द्र शाहले नेपालको राजनीतिक अवस्थाबारे भारतीय नेताहरु चिन्तित रहेको बताए ।ज्ञानेन्द्रलाई स्वागत गर्न छोरा पारस र बुहारी हिमानी त्रिभूवन विमानस्थल पुगेका थिए । उनी निर्धारित समयभन्दा झण्डै दुई घण्टा ढिलो विमानस्थलमा उत्रिएका थिए ।

उपराष्ट्रपति परमानन्द झाद्वारा दलहरु सत्ता प्राप्तीका लागि केन्द्रीत भएकाले देशको मुख्य मुद्दा संविधान निर्माण प्रक्रिया ओझेलमा परेको उल्लेख(२०६७ म‌सिर २०, सोमवार)
उपराष्ट्रपति परमानन्द झाले दलहरु सत्ता प्राप्तीका लागि केन्द्रीत भएकाले देशको मुख्य मुद्दा संविधान निर्माण प्रक्रिया ओझेलमा परेको बताउनुभएको छ । निजी भ्रमणका लागि इलाम पुग्नुभएका झाले आज सचारकर्मीसँग कुरा गर्दै राजनीतिक दलले संविधान सभाको आढाइ बर्षको समय काम नै नगरी खेर फालेको बताउनुभयो । बाँकी ६ महिनाको समयमा संविधान निर्माणको कार्य सम्पन्न नहुने उहाँले बताउनुभयो । झगडामात्र नगरि जनताले दिएको म्याण्डेड अनुसारको काम गर्न उहँाले दलहरुलाई आग्रह गर्नुभयो । उपराष्ट्रपति झाले देशमा राष्ट्रपति शासन लाग्ने संभावना नरहेको बताउनुभयो ।
वन तथा भू-संरक्षणमन्त्री दीपक बोहरा मेक्सिकोको क्यानकुनमा आयोजना हुने जलवायु परिवर्तनसम्बन्धी राष्ट्र सङ्घीय सम्मेलनमा भाग लिन त्यसतर्फ प्रस्थान(२०६७ म‌सिर २०, सोमवार)
वन तथा भू-संरक्षणमन्त्री दीपक बोहरा मेक्सिकोको क्यानकुनमा आयोजना हुने जलवायु परिवर्तनसम्बन्धी राष्ट्र सङ्घीय सम्मेलनमा भाग लिन सोमबार त्यसतर्फ प्रस्थान गर्नुभएको छ। मन्त्री बोहोरा मेक्सिको गएकाले उहाँको अनुपस्थितिमा उहाँले सम्हाली आउनुभएको वन तथा भू-संरक्षण मन्त्रालयको कार्यभार प्रधानमन्त्रीको सम्हाल्नुभएका उपप्रधानमन्त्री एवम् भौतिक योजना तथा निर्माणमन्त्री विजयकुमार गच्छदार स्वयम्ले सम्हाल्नुहुने प्रधानमन्त्री तथा मन्त्रिपरिषद्को कार्यालयले जनाएको छ ।
पूर्व-सभामुख तारानाथ रानाभाटद्वारा व्यवस्थापिका संसदमा भएको घटनामा संलग्नलाई कार्वाही गर्न असंभव भएको भनाइ(२०६७ म‌सिर २०, सोमवार)

पूर्व-सभामुख तारानाथ रानाभाटले बजेट पेस गर्ने दिन मंसिर ३ गते व्यवस्थापिका संसदमा भएको घटनामा संलग्नलाई कार्वाही गर्ने संभावना गुज्रीसकेको बताउनु भएको छ ।

माओवादीद्वारा एक्कासी अन्त्य गरिएको संसदको अधिवेशन जुनसुकै हिसाबले भएपनि तत्काल बोलाउन पहल गर्ने घोषणा(२०६७ म‌सिर २०, सोमवार)
banner
प्रमुख विपक्षी नेकपा एकीकृत माओवादीले थाँती रहेको प्रधानमन्त्री चयन प्रक्रिया पुरा गर्न नियमित नसके विशेष अधिवेशन गर्न पहल गर्ने घोषणा गरेको छ। माओवादीको पदाधिकारीहरुको आइतबारको बैठकले संसदको नियमित हिउँदे अधिवेशन तत्काल बोलाउन पहल गर्ने, त्यो प्रयास सफल हुन नसके विशेष अधिवेशन डाक्न निवेदन दर्ता गर्ने निर्णय गरेको छ। बजेट पेश गर्न संसदको रोष्ट्रममा जाँदै गरेका अर्थमन्त्रीमाथि माओवादीले हातपात गरेपछि सरकारले दुइ साता अघि मध्यरातमा संसद अधिवेशन अन्त्य गरेको थियो।
जय होस रक्सी महाराजको.......(२०६७ म‌सिर २०, सोमवार)
रक्सी यो कसले बनायो
बोतल खोल्दा ठुस्स गनायो
नाक समाती ह्वात्य मुखमा खान्यायो
क्या कमाल  क्षणमै  हल्लिने  बनायो
विकिलिक्स: माओवादीद्वारा पार्टीलाई भारतले पैसा दिएको प्रमाणित गर्न चुनौती(२०६७ म‌सिर २०, सोमवार)
माओवादी सचिव सीपी गजुरेलले पार्टीलाई भारतले पैसा दिएको प्रमाणित गर्न चुनौती दिएका छन् । विकिलिक्स वेबसाइटमा भारतले नेपालका माओवादीलाई पैसा दिएको भन्ने सन्दर्भमा गजुरेलले त्यस्तो चुनौती दिएका हुन् । राजधानीमा आइतबार आयोजित कार्यक्रममा गजुरेलले गलत हल्ला भएको दाबी गरे । 'हामीले कसैसँग कुनै काम गर्न वा नगर्न कुनै रकम लिएका छैनौं,' उनले भने, 'त्यस्तो प्रमाणित भए जुनसुकै सजाय भोग्न पार्टी तयार छ ।'
इरानद्वारा छिमेकी मुलुकमाथि सशस्त्र आक्रमण नगर्ने दाबी(२०६७ म‌सिर २०, सोमवार)
इरानका विदेश मन्त्री मानौचेर मोटाकिले हिजो बहराइनको राजधानी मानामामा इरानले छिमेकी मुलुकमाथि सशस्त्र आक्रमण नगर्ने कुरा वताउनुभयो। बहराइन वार्ता सम्बन्धी सातौं अन्तर्राष्ट्रिय सम्मेलनलाई सम्बोधन गर्दै श्री मानौचेर मोटाकिले उक्त कुरा वताउनुभएको हो। उहाँका अनुसार, खाडी क्षेत्रमा अवस्थित इरान तथा त्यसका छिमेकी मुलुकहरुले विश्वलाई अत्याधिक उर्जा पुर्‍याएको कारण खाडी क्षेत्रको सुरक्षाको संरक्षण गर्न निकै महत्वपूर्ण छ।
दक्षिण कोरियाले कुनै पनि सैनिक चुनौति गतिविधि नगर्न उत्तर कोरियाको चेतावनी(२०६७ म‌सिर २०, सोमवार)
उत्तर कोरियाको केन्द्रीय समाचार एजेन्सीले आज पाँच तारिख एउटा विज्ञप्ति प्रकाशित गर्दै दक्षिण कोरियाले आफ्नो सैनिक गतिविधिबाट हुने नतिजाबारे गम्भीर विचार गरेर कुनै पनि चुनौति नदिन उत्तर कोरियाले चेतावनी गरेको जनाएको छ। यस विज्ञप्तिअनुसार कोरियाली प्रायःद्बीपमा बम आक्रमण घटना भएपछि दक्षिण कोरियाले निरन्तर रुपमा अमेरिकासँग सैनिक अभ्यासको आयोजना गरेको र दक्षिण कोरियाको चारैतिर समुद्री क्षेत्रका 29 वटा ठाउँमा सैनिक तालिम चलाएको थियो।
मेक्सिकोका राष्ट्रपतिद्वारा मौसम परिवर्तन सम्बन्धी वार्ताबारे जापानको अडानको कडा शव्दमा आलोचना(२०६७ म‌सिर २०, सोमवार)
मेक्सिकोका राष्ट्रपति फेलिप कालदेरोनले हिजो मेक्सिकोको क्यानकुनमा आयोजना भएको मौसम परिवर्तन विषयक सँयुक्त राष्ट्र संघको वार्तामा जापानको कडा अडानको कडा शव्दमा आलोचना गर्दै यस वार्तामा वास्तविक प्रगति हासिल हुनका लागि जापानले अवरोध बनाएको ठहर गर्नुभयो।
जंगलमा शिकार खेल्न गएको अवस्थामा जेठा दाजुले चलाएको गोली लागी कान्छा भाइको मृत्यु(२०६७ म‌सिर १९, आइतवार)

भिमदत्त नगरपालिका- ९ मा पर्ने मटेना गाउँमा जेठा दाजुले चलाएको गोली लागी कान्छा भाइको मृत्यु भएको छ । शनिवार गाउँ नजिकैको जंगलमा शिकार खेल्न गएको अवस्थामा दाजु तिलकबहादुर चन्दले चलाएको भरुवा बन्दुकको गोली लागी भाइ ४० वर्षिय नर बहादुर चन्दको घटनास्थलमै मृत्यु भएको हो । गाउँ नजिकै सिमाबजार को ब्रह्मदेवमा रहेको प्रहरी चौकीका इन्चार्ज सइ गणेश बिष्टका अनुसार गोली लागेर भाइ नर बहादुरको मृत्यु भएपछि  बन्दुक चलाउने दाजु तिलक जंगल बाट घरमा आइ केहि रकम लिएर सिमापारी टनकपुर लागेका थिए ।

जंगलमा शिकार खेल्न गएको अवस्थामा जेठा दाजुले चलाएको गोली लागी कान्छा भाइको मृत्यु(२०६७ म‌सिर १९, आइतवार)

भिमदत्त नगरपालिका- ९ मा पर्ने मटेना गाउँमा जेठा दाजुले चलाएको गोली लागी कान्छा भाइको मृत्यु भएको छ । शनिवार गाउँ नजिकैको जंगलमा शिकार खेल्न गएको अवस्थामा दाजु तिलकबहादुर चन्दले चलाएको भरुवा बन्दुकको गोली लागी भाइ ४० वर्षिय नर बहादुर चन्दको घटनास्थलमै मृत्यु भएको हो । गाउँ नजिकै सिमाबजार को ब्रह्मदेवमा रहेको प्रहरी चौकीका इन्चार्ज सइ गणेश बिष्टका अनुसार गोली लागेर भाइ नर बहादुरको मृत्यु भएपछि  बन्दुक चलाउने दाजु तिलक जंगल बाट घरमा आइ केहि रकम लिएर सिमापारी टनकपुर लागेका थिए ।

भुटानी राजा जिग्मे खेसार नाम्ग्याल वाङचुककी हजुरआमा एक साता लामो नेपाल भ्रमणमा(२०६७ म‌सिर १९, आइतवार)
भुटानी राजा जिग्मे खेसार नाम्ग्याल वाङचुककी हजुरआमा आसी खेसार छेदोङ एक साता लामो भ्रमणमा १७ सदस्यीय टोलीसहित आइतबार नेपाल आइपुगेकी छन् ।
अमेरिकी सेनाको प्यासिफिक कमान्डको संयोजकत्वमा विश्वव्यापी शान्ति कार्य अभियानद्वारा सञ्चालित क्षेत्रीय तहको राष्ट्रसङ्घीय शान्ति कार्य कमान्डर तालिम सुरु(२०६७ म‌सिर १९, आइतवार)
संयुक्तराज्य अमेरिकी सेनाको प्यासिफिक कमान्डको संयोजकत्वमा विश्वव्यापी शान्ति कार्य अभियानद्वारा सञ्चालित क्षेत्रीय तहको राष्ट्रसङ्घीय शान्ति कार्य कमान्डर तालिम आइतबारबाट सुरु भएको छ । तालिमको सैनिक विनय महानिर्देशक उपरथी अनिलजङ्ग थापाले उद्घाटन गर्दै विद्यमान जटिल शान्ति स्थापना कार्यमा तालिमले मूलतः नेतृत्व तहका शान्ति सैनिकलाई आफ्नो जिम्मेवारी निर्वाह गर्न महत्वपूर्ण योगदान पुग्ने विश्वास व्यक्त गर्नुभयो । प्यासिफिक कमान्डका तालिम निर्देशक स्टेन एलिङ्सनले तालिमको महत्वबारे प्रकाश पार्नुभएको थियो । तालिममा बङ्गलादेश, कम्बोडिया, इन्डोनेसिया, मलेसिया, मङ्गोलिया, फिलिपिन्स र थाइल्यान्डका १३ जना र नेपाली सेनाका १७ जना गरी ३० जना महासनोनी, प्रमुख सेनानी र सेनानी दर्जाका अधिकृतको सहभागिता रहेको सैनिक जनसम्पर्क निर्देशनालयले जनाएको छ ।
सन् २००९ को अर्थशास्त्रतर्फको नोबेल पुरस्कार विजेता प्राध्यापक इलिनोर ओस्ट्रम चारदिने भ्रमणका लागि नेपालमा(२०६७ म‌सिर १९, आइतवार)
सन् २००९ को अर्थशास्त्रतर्फको नोबेल पुरस्कार विजेता प्राध्यापक इलिनोर ओस्ट्रम चारदिने भ्रमणका लागि आइतबार काठमाडौँ आएकी छन् ।
सन् २००९ को अर्थशास्त्रतर्फको नोबेल पुरस्कार विजेता प्राध्यापक इलिनोर ओस्ट्रम चारदिने भ्रमणका लागि नेपालमा(२०६७ म‌सिर १९, आइतवार)
सन् २००९ को अर्थशास्त्रतर्फको नोबेल पुरस्कार विजेता प्राध्यापक इलिनोर ओस्ट्रम चारदिने भ्रमणका लागि आइतबार काठमाडौँ आएकी छन् ।
लोडसेडिङ्ग अन्त्यका लागि सरकार र विद्युत प्राधिकरणले प्रभावकारी कदम चाल्न नसकेको भन्दै सभसदहरुद्वारा आपत्ति(२०६७ म‌सिर १९, आइतवार)
लोडसेडिङ्ग अन्त्यका लागि सरकार र विद्युत प्राधिकरणले प्रभावकारी कदम चाल्न नसकेको भन्दै सभसदहरुले आपत्ति जनाएका छन । उनीहरुले ऊर्जा मन्त्रालय र प्राधिकरणका उच्चअधिकारीको लापरवाहीका कारण देश अन्धकारमय भएको आरोप लगाए । व्यवस्थापिका संसदको सार्वजानिक लेखा समिति बैठकमा सभासदहरुले विगतमा बनाइएका योजना प्रभावकारी नभएका कारण लोडसेडिङ्ग अन्त्यका लागि नयाँ योजना बनाउनु पर्ने बताएका हुन् । एकीकृत माओवादीका सभासद नारायणप्रसाद दाहालले विद्युत प्राधिकरणको काम लोडसेडिङ्ग अन्त्य गर्नु नभई लोडसेडिङ्गको कार्यतालिका बनाउन मै सीमित रहेको बताउनुभयो । उहाँले प्राधिकरणको यही संरचनावाट लोडसेडिङ्ग अन्त्यको संभावना सकिएकाले नयाँ ढंगले सोच्नुपर्ने बताउनुभयो ।
पोइल जान पाम... पाम भन्ने गीत गाउन सुर्खेत आइपुगेकी कोमल वलीले राखेको विवाह प्रस्ताव राउटे युवाले अस्वीकार गरिदिए(२०६७ म‌सिर १९, आइतवार)
पोइल जान पाम... पाम भन्ने गीत गाउन सुर्खेत आइपुगेकी कोमल वलीले राखेको विवाह प्रस्ताव राउटे युवाले अस्वीकार गरिदिएका छन्।
सुजता कोइरालाद्वारा कांग्रेस रामचन्द्र पौडेललाई उपसभापतिवाट फिर्ता हुन आग्रह(२०६७ म‌सिर १९, आइतवार)
उपप्रधान तथा परराष्ट्रमन्त्री सुजता कोइरालाले पार्टी भित्रको विवाद सभापति सुशील कोइराला र वष्रिठ नेता शेरवहादुर देउवा बसेर मिलाउनु पर्ने बताएकी छिन् । दुइ नेता बसेर जे निर्णय गर्नु हुन्छ त्यो सबैका लागि मान्य हुन्छ आइतवार विहान विराटनगर स्थित निवासमा प्रेस युनीयन मोरङले आयोजना गरेको पत्रकार भेटघाट कार्यक्रममा उनले वताइन् ।   कांग्रेसले सरकारको नेतृत्व गरी संविधान लेखन कार्यपुरा गर्नु पर्ने बेलामा पार्टीका साना तिना कुरामा अल्झन नहुने उनको भनाइ थियो । यति वेला सिंगो मुलुकको मात्र होइन अन्तर्राष्ट्रिय क्षेत्रका आँखा पनि कांग्रेस केन्द्रीत भइरहेको बेला जिम्मेवार भएर अघि बढ्नु पर्ने उनले उल्लेख गरिन । आफूले महामन्त्री पदमा उमेदवारी नहालेर गल्ती गरेको भन्दै केन्द्रीय सदस्य समेत रहेकी कोइरालाले भनीन्,  'मैले मागेको होइन, उपाध्यक्ष बनाउँछु बस भनेर सुशिल दा ले भन्नु भएको हो ।'
मोटरसाईकलको ठक्करबाट धनुषामा १० वर्षीया बालिकाको घटनास्थलमै मृत्यु(२०६७ म‌सिर १९, आइतवार)
धनुषाको ठेरा पूल नजिक शनिवार मध्यान्ह मोटरसाईकलको ठक्करबाट एक बालिकाको घटनास्थलमै मृत्यु भएको छ । जनकपुरबाट धनुषाधाम तर्फ ज ३ प ७०६७ नम्बरको मोटरसाईकलमा सवार भई जादै गरेको वेला ठेरा पूल नजिक उक्त दुर्घटना भएको थियो । दुर्घटनामा परेर अन्दुपट्टी कटरैत गाविस ८ बस्ने सुमन मण्डलकी १० वर्षीया छोरी प्रेम कुमारी मण्डलको ज्यान गएको प्रहरी उपरीक्षक दीनेश अमात्यले बताए ।
आधुनिक गित(२०६७ म‌सिर १९, आइतवार)
जती सम्झ्यो झनै नजिक बिर्सिदिए टाडा
मिलन भन्दा बिछोडमा मायाँ हुन्छ गाढा 
रौतहटको ब्रह्मपुरीमा १९ वर्षीय एक युवतीको धारिलो हतियार प्रहार हत्या(२०६७ म‌सिर १९, आइतवार)
रौतहटको ब्रह्मपुरी गाविस-९ मा १९ वर्षीय एक युवतीको हत्या भएको छ। भारतीय सीमावर्ती सहर सीतामढी माइत भएकी ममतादेवी दासको शुक्रबार राति ११ बजे धारिलो हतियार प्रहार गरी हत्या भएको  प्रहरीले जनाएको छ। ममतादेवीको हत्या पछि उनका पति महेन्द्र दास, ससुरा मन्सित  र सासू शिवकुमारी फरार छन्। दुई वर्षअघि विवाह गरी आएकी उनको दाइजोका कारण हत्या भएको हुन सक्ने प्रहरी अनुमान छ।
वाइसिएल कार्यकर्ताले आक्रमण गर्दा एमाले रुकुम जिल्ला सदस्यसहित चार व्यक्ति घाइते (२०६७ म‌सिर १९, आइतवार)
नेकपा एमाले रुकुमको कोटजहारी गाउँ कमिटीको बैठक बसिरहेको बेला वाइसिएल कार्यकर्ताले एक्कासी आक्रमण गर्दा एमाले रुकुम जिल्ला कमिटी सचिवालय सदस्य ऋषिप्रसाद शर्मासहित चार व्यक्ति घाइते भएका छन् । वाइसिएल जिल्ला कमिटी सदस्य लक्ष्मण शाहीको नेतृत्वमा आएको वाइसिएल टोलीले बैठकमा बसेकाहरुमाथि आक्रमण गरेको एमाले रुकुमले जनाएको छ । घाइते हुनेहरुमा एमाले रुकुमका कार्यकर्ता ईन्द्रबहादुर शाही, कुलबहादुर बस्याल र दिवाकर शर्मा रहेका छन् । आक्रमणकारीहरुको खोजी कार्य जारी रहेको प्रहरीले बताएको छ । घाइते चारैजनाको मिसन अस्पताल चौरजहारीमा उपचार भइरहेको छ ।
नेपालका सरकारी तथा निजी अस्पतालबाट बर्सेनि एक हजार ७०० जना भन्दा बढीको मुटुको शल्यक्रिया हुने(२०६७ म‌सिर १९, आइतवार)
नेपालका सरकारी तथा निजी अस्पतालबाट बर्सेनि एक हजार ७०० जना भन्दा बढीको मुटुको शल्यक्रिया हुने गरिएको छ । तीमध्ये सहिद गङ्गालाल हृदय केन्द्रमा  एक हजार ३००, मनमोहन मेमोरियल अस्पतालमा २००, वीर अस्पतालमा १०० तथा निजीतर्फ नर्भिक अस्पतालमा ५० र मेडिकेयर अस्पतालमा ५० जनाको मुटुको शल्यक्रिया गर्ने गरिन्छ । नेपालका वरिष्ठ मुटुरोग विशेषज्ञ प्रा डा भगवान कोइरालाले हालसम्म १० हजार मुटु रोगीको  सफल शल्यक्रिया गरिसक्नुभएको छ । उहाँंले २६ जना गरिब र असहाय मुटुरोगीको निःशुल्क उपचार गर्नुभएको जयन्ती स्मृति प्रतिष्ठानको आयोजना तथा पद्म नरसिंहहोम हृदय सेवा विभागको प्राविधिक सहयोगमा  सञ्चालित कार्यक्रममा जानकारी दिइयो ।
वन मन्त्रालयका सात जना सहसचिव सरुवा(२०६७ म‌सिर १९, आइतवार)
वन मन्त्रालयले सात जना सहसचिव सरुवा गरेको छ । मन्त्रालयको वातावरण महाशाखाबाट कृष्णप्रसाद आचार्यलाई राष्ट्रिय निकुञ्ज तथा वन्यजन्तु संरक्षण विभागको महानिर्देशकमा सरुवा गरिएको छ । सर्वोच्चको आदेशअनुसार तत्कालीन महानिर्देशक गोपालप्रसाद उपाध्याय उपसचिवमा घटुवा भएपछि विभाग रिक्त थियो । वनस्पति विभागका महानिर्देशक डा. कृष्णचन्द्र पौडेललाई मन्त्रालयको वातावरण महाशाखामा ल्याइएको छ । यसअघि पौडेल वातावरण महाशाखाबाटै वनस्पति विभाग सरुवा भएका थिए । वन विभागका सहसचिव प्रकाश सायमीलाई वनस्पति विभागमा लगिएको छ । वन विभागको महानिर्देशकमा गोपालकुमार श्रेष्ठलाई सरुवा गरिएको छ । उनी विभागमै सामुदायिक वन महाशाखा प्रमुख थिए ।
शान्ति प्रक्रियामा चार वर्ष सघाए पनि टुंगोमा नपुग्दै विदा हुन लागेका बेला राष्ट्र संघका उपमहासचिव बी लीन पास्कोले शान्ति प्रक्रियाप्रति चिन्ता प्रकट(२०६७ म‌सिर १९, आइतवार)
banner
संयुक्त राष्ट्र संघका उप महासचिव बी लीन पास्कोले नेपालको शान्ति प्रक्रिया जटिल मोडमा पुगेको बताएका छन्। दुई दिनभर राजनीतिक दलका नेताहरु, कूटनीतिक समुदाय, राष्ट्रपति र सभामुखसँग परामर्शमा व्यस्त रहेका पास्कोले शनिबार राजनीतिक दलका नेताहरुले तत्काल शान्ति प्रक्रिया टुंगोमा पुर्‍याउन काम शुरु गरिहाल्नुपर्ने सुझाव पनि दिए। शान्ति प्रक्रियामा सघाइरहेको संयुक्त राष्ट्र संघीय सहयोग मिसन अन्मिन फर्कन ठीक छ हप्ता बाँकी छ। अन्मिनको सहज फिर्ती र दलहरुलाई दबाब दिने भ्रमण सकेर जानु अघि पास्कोले पत्रकार सम्मेलन आयोजना गर्दै संवाददाताहरुसँग शान्ति प्रक्रियामा थुप्रै समय र लगानी खर्च गरिसकेको औंल्याए।
फ्रान्सका राष्ट्रपति निकोलास सार्कोजी चार दिने भारतमा भ्रमण(२०६७ म‌सिर १९, आइतवार)
फ्रान्सका राष्ट्रपति निकोलास सार्कोजीले आज भारतको दक्षिणी भागको शहर बङ्लोर पुगी भारतको चार दिने राजनैतिक भ्रमण सुरु गर्नुभयो। थाहा भएअनुसार, श्री सार्कोजीको यस पटकको भ्रमणको मुख्य उद्धेश्य भारतमा युद्ध र आणविक प्रबिधि किन्ने आशा हो। श्री सार्कोजीले पाँच तारिखका दिन नयाँ दिल्ली पुग्ने र भारतका प्रधानमन्त्री सिंह आदि नेताहरुसँग भेट-वार्ता गर्नुहुनेछ।
अफगानीस्तानमा अमेरिकी सेनाले प्राप्त गरेको प्रगति सानोः अमेरिकी राष्ट्रपति(२०६७ म‌सिर १९, आइतवार)
अमेरिकी राष्ट्रपति बराक ओबामाले अमेरिकी सेनाले ठूलो काम गरेता अफगानीस्तानमा प्राप्त गरेको प्रगति सानो र सम्पूर्ण प्रक्रिया मन्द भएको बताउनुभयो। उहाँले हिजो अफगानीस्तानको बाग्लामस्थित अमेरिकी सैनिक अखडामा अफगानीस्तानस्थित अमेरिकी सेनासँग कुराकानी गर्दै उक्त कुरा भन्नुभएको हो।
मौद्रिक संकटको सामना गर्दा मध्यमवर्ग विकासोन्मुख मुलुकको मुख्य टेवा(२०६७ म‌सिर १९, आइतवार)
आर्थिक सहयोग तथा विकास संगठनले हिजो एउटा प्रतिवेदन प्रकाशित गर्‍यो। उक्त प्रतिवेदनमा ल्याटिन अमेरिका क्षेत्र लगायतका विकासोन्मुख मुलुकहरुले मौद्रिक संकटको सामना गर्दा मध्यमवर्ग ती मुलुकहरुको मुख्य टेवा हो भन्ने दाबी गरिएको छ।
भारतको राजधानी नयाँ दिल्लीमा भारतीय प्रहरीले नेपालीलाई बिष्फोटन गराउन प्रयोग गरिने डेटोनेटरसहित पक्राउ, नेपाली माओवादी रहेको दावी(२०६७ म‌सिर १८, शनिवार)
भारतको राजधानी नयाँ दिल्लीको कोरलबागमा शुक्रबार भारतीय प्रहरीले एक जना नेपालीलाई बिष्फोटन गराउन प्रयोग गरिने डेटोनेटरसहित पक्राउ गरेको छ । प्रहरीले पक्राउ परेका ब्यक्ती नेपाली माओवादी रहेको दावी गरेको छ । नेपाली माओवादी प्रति आक्रमक रवैयामा रहेको भारतको यो आरोपको स्वतन्त्र पुष्टी भइसकेको छैन । भारतमा रहेका नेपाली माओवादी समर्थकहरुले यसलाई झुठ बताएका छन् ।   गुल्मीका ४२ बर्षीय लोकनाथ पन्तलाई करोलबागबाट नयाँ दिल्ली रेल स्टेशन जाँदै गर्दा प्रहरीले पक्राउ गरेको हो । पन्तबाट प्रहरीले ४ सय ९८ गैह्रविद्युतीय डेटोनेटर बरामद गरेको छ । ती विस्फोटनमा प्रयोग हुने सामाग्री पन्तले भित्री ज्याकेट र पेटीमा लुकाएको प्रहरीको दावी छ । पन्तको झोलामा एक बन्डल तार, विस्फोटन गराउने सेफ्टी फ्युज तार पनि फेला परेको प्रहरीको दावी छ । भारतका माओवादीसँग उनको कुनै सम्बन्ध छ या छैन भन्नेबारे अनुसन्धान भइरहेको प्रहरीले जनाएको छ ।
http://go.oclaserver.com/afu.php?zoneid=1465736