arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
नेकपा एमाले र नेकपा माओवादी केन्द्रको संयुक्त बाम गठबन्धनको सरकार केपी शर्मा ओलीको नेतृत्वमा पाँच वर्ष चल्दा ठीक कि आधा समय अर्थात साढे २ वर्षपछि नेकपा माओवादी केन्द्रका पुष्पकमल दाहालको नेतृत्वमा पुन: आलोपालो सरकारको निरन्तरता दिन ठीक ?

आलोपालो ठीक
ओलीको निरन्तरता ठीक
थाहा भएन
हुनेवाला केही होइेन

भोट दिनुहोस् परिणाम हेर्नुहोस्
पुराना मत परिणामहरु
PropellerAds
बिज्ञापनहरु
 
थप समाचार
सुजता कोइरालाद्वारा कांग्रेस रामचन्द्र पौडेललाई उपसभापतिवाट फिर्ता हुन आग्रह(२०६७ म‌सिर १९, आइतवार)
उपप्रधान तथा परराष्ट्रमन्त्री सुजता कोइरालाले पार्टी भित्रको विवाद सभापति सुशील कोइराला र वष्रिठ नेता शेरवहादुर देउवा बसेर मिलाउनु पर्ने बताएकी छिन् । दुइ नेता बसेर जे निर्णय गर्नु हुन्छ त्यो सबैका लागि मान्य हुन्छ आइतवार विहान विराटनगर स्थित निवासमा प्रेस युनीयन मोरङले आयोजना गरेको पत्रकार भेटघाट कार्यक्रममा उनले वताइन् ।   कांग्रेसले सरकारको नेतृत्व गरी संविधान लेखन कार्यपुरा गर्नु पर्ने बेलामा पार्टीका साना तिना कुरामा अल्झन नहुने उनको भनाइ थियो । यति वेला सिंगो मुलुकको मात्र होइन अन्तर्राष्ट्रिय क्षेत्रका आँखा पनि कांग्रेस केन्द्रीत भइरहेको बेला जिम्मेवार भएर अघि बढ्नु पर्ने उनले उल्लेख गरिन । आफूले महामन्त्री पदमा उमेदवारी नहालेर गल्ती गरेको भन्दै केन्द्रीय सदस्य समेत रहेकी कोइरालाले भनीन्,  'मैले मागेको होइन, उपाध्यक्ष बनाउँछु बस भनेर सुशिल दा ले भन्नु भएको हो ।'
मोटरसाईकलको ठक्करबाट धनुषामा १० वर्षीया बालिकाको घटनास्थलमै मृत्यु(२०६७ म‌सिर १९, आइतवार)
धनुषाको ठेरा पूल नजिक शनिवार मध्यान्ह मोटरसाईकलको ठक्करबाट एक बालिकाको घटनास्थलमै मृत्यु भएको छ । जनकपुरबाट धनुषाधाम तर्फ ज ३ प ७०६७ नम्बरको मोटरसाईकलमा सवार भई जादै गरेको वेला ठेरा पूल नजिक उक्त दुर्घटना भएको थियो । दुर्घटनामा परेर अन्दुपट्टी कटरैत गाविस ८ बस्ने सुमन मण्डलकी १० वर्षीया छोरी प्रेम कुमारी मण्डलको ज्यान गएको प्रहरी उपरीक्षक दीनेश अमात्यले बताए ।
आधुनिक गित(२०६७ म‌सिर १९, आइतवार)
जती सम्झ्यो झनै नजिक बिर्सिदिए टाडा
मिलन भन्दा बिछोडमा मायाँ हुन्छ गाढा 
रौतहटको ब्रह्मपुरीमा १९ वर्षीय एक युवतीको धारिलो हतियार प्रहार हत्या(२०६७ म‌सिर १९, आइतवार)
रौतहटको ब्रह्मपुरी गाविस-९ मा १९ वर्षीय एक युवतीको हत्या भएको छ। भारतीय सीमावर्ती सहर सीतामढी माइत भएकी ममतादेवी दासको शुक्रबार राति ११ बजे धारिलो हतियार प्रहार गरी हत्या भएको  प्रहरीले जनाएको छ। ममतादेवीको हत्या पछि उनका पति महेन्द्र दास, ससुरा मन्सित  र सासू शिवकुमारी फरार छन्। दुई वर्षअघि विवाह गरी आएकी उनको दाइजोका कारण हत्या भएको हुन सक्ने प्रहरी अनुमान छ।
वाइसिएल कार्यकर्ताले आक्रमण गर्दा एमाले रुकुम जिल्ला सदस्यसहित चार व्यक्ति घाइते (२०६७ म‌सिर १९, आइतवार)
नेकपा एमाले रुकुमको कोटजहारी गाउँ कमिटीको बैठक बसिरहेको बेला वाइसिएल कार्यकर्ताले एक्कासी आक्रमण गर्दा एमाले रुकुम जिल्ला कमिटी सचिवालय सदस्य ऋषिप्रसाद शर्मासहित चार व्यक्ति घाइते भएका छन् । वाइसिएल जिल्ला कमिटी सदस्य लक्ष्मण शाहीको नेतृत्वमा आएको वाइसिएल टोलीले बैठकमा बसेकाहरुमाथि आक्रमण गरेको एमाले रुकुमले जनाएको छ । घाइते हुनेहरुमा एमाले रुकुमका कार्यकर्ता ईन्द्रबहादुर शाही, कुलबहादुर बस्याल र दिवाकर शर्मा रहेका छन् । आक्रमणकारीहरुको खोजी कार्य जारी रहेको प्रहरीले बताएको छ । घाइते चारैजनाको मिसन अस्पताल चौरजहारीमा उपचार भइरहेको छ ।
नेपालका सरकारी तथा निजी अस्पतालबाट बर्सेनि एक हजार ७०० जना भन्दा बढीको मुटुको शल्यक्रिया हुने(२०६७ म‌सिर १९, आइतवार)
नेपालका सरकारी तथा निजी अस्पतालबाट बर्सेनि एक हजार ७०० जना भन्दा बढीको मुटुको शल्यक्रिया हुने गरिएको छ । तीमध्ये सहिद गङ्गालाल हृदय केन्द्रमा  एक हजार ३००, मनमोहन मेमोरियल अस्पतालमा २००, वीर अस्पतालमा १०० तथा निजीतर्फ नर्भिक अस्पतालमा ५० र मेडिकेयर अस्पतालमा ५० जनाको मुटुको शल्यक्रिया गर्ने गरिन्छ । नेपालका वरिष्ठ मुटुरोग विशेषज्ञ प्रा डा भगवान कोइरालाले हालसम्म १० हजार मुटु रोगीको  सफल शल्यक्रिया गरिसक्नुभएको छ । उहाँंले २६ जना गरिब र असहाय मुटुरोगीको निःशुल्क उपचार गर्नुभएको जयन्ती स्मृति प्रतिष्ठानको आयोजना तथा पद्म नरसिंहहोम हृदय सेवा विभागको प्राविधिक सहयोगमा  सञ्चालित कार्यक्रममा जानकारी दिइयो ।
वन मन्त्रालयका सात जना सहसचिव सरुवा(२०६७ म‌सिर १९, आइतवार)
वन मन्त्रालयले सात जना सहसचिव सरुवा गरेको छ । मन्त्रालयको वातावरण महाशाखाबाट कृष्णप्रसाद आचार्यलाई राष्ट्रिय निकुञ्ज तथा वन्यजन्तु संरक्षण विभागको महानिर्देशकमा सरुवा गरिएको छ । सर्वोच्चको आदेशअनुसार तत्कालीन महानिर्देशक गोपालप्रसाद उपाध्याय उपसचिवमा घटुवा भएपछि विभाग रिक्त थियो । वनस्पति विभागका महानिर्देशक डा. कृष्णचन्द्र पौडेललाई मन्त्रालयको वातावरण महाशाखामा ल्याइएको छ । यसअघि पौडेल वातावरण महाशाखाबाटै वनस्पति विभाग सरुवा भएका थिए । वन विभागका सहसचिव प्रकाश सायमीलाई वनस्पति विभागमा लगिएको छ । वन विभागको महानिर्देशकमा गोपालकुमार श्रेष्ठलाई सरुवा गरिएको छ । उनी विभागमै सामुदायिक वन महाशाखा प्रमुख थिए ।
शान्ति प्रक्रियामा चार वर्ष सघाए पनि टुंगोमा नपुग्दै विदा हुन लागेका बेला राष्ट्र संघका उपमहासचिव बी लीन पास्कोले शान्ति प्रक्रियाप्रति चिन्ता प्रकट(२०६७ म‌सिर १९, आइतवार)
banner
संयुक्त राष्ट्र संघका उप महासचिव बी लीन पास्कोले नेपालको शान्ति प्रक्रिया जटिल मोडमा पुगेको बताएका छन्। दुई दिनभर राजनीतिक दलका नेताहरु, कूटनीतिक समुदाय, राष्ट्रपति र सभामुखसँग परामर्शमा व्यस्त रहेका पास्कोले शनिबार राजनीतिक दलका नेताहरुले तत्काल शान्ति प्रक्रिया टुंगोमा पुर्‍याउन काम शुरु गरिहाल्नुपर्ने सुझाव पनि दिए। शान्ति प्रक्रियामा सघाइरहेको संयुक्त राष्ट्र संघीय सहयोग मिसन अन्मिन फर्कन ठीक छ हप्ता बाँकी छ। अन्मिनको सहज फिर्ती र दलहरुलाई दबाब दिने भ्रमण सकेर जानु अघि पास्कोले पत्रकार सम्मेलन आयोजना गर्दै संवाददाताहरुसँग शान्ति प्रक्रियामा थुप्रै समय र लगानी खर्च गरिसकेको औंल्याए।
फ्रान्सका राष्ट्रपति निकोलास सार्कोजी चार दिने भारतमा भ्रमण(२०६७ म‌सिर १९, आइतवार)
फ्रान्सका राष्ट्रपति निकोलास सार्कोजीले आज भारतको दक्षिणी भागको शहर बङ्लोर पुगी भारतको चार दिने राजनैतिक भ्रमण सुरु गर्नुभयो। थाहा भएअनुसार, श्री सार्कोजीको यस पटकको भ्रमणको मुख्य उद्धेश्य भारतमा युद्ध र आणविक प्रबिधि किन्ने आशा हो। श्री सार्कोजीले पाँच तारिखका दिन नयाँ दिल्ली पुग्ने र भारतका प्रधानमन्त्री सिंह आदि नेताहरुसँग भेट-वार्ता गर्नुहुनेछ।
अफगानीस्तानमा अमेरिकी सेनाले प्राप्त गरेको प्रगति सानोः अमेरिकी राष्ट्रपति(२०६७ म‌सिर १९, आइतवार)
अमेरिकी राष्ट्रपति बराक ओबामाले अमेरिकी सेनाले ठूलो काम गरेता अफगानीस्तानमा प्राप्त गरेको प्रगति सानो र सम्पूर्ण प्रक्रिया मन्द भएको बताउनुभयो। उहाँले हिजो अफगानीस्तानको बाग्लामस्थित अमेरिकी सैनिक अखडामा अफगानीस्तानस्थित अमेरिकी सेनासँग कुराकानी गर्दै उक्त कुरा भन्नुभएको हो।
मौद्रिक संकटको सामना गर्दा मध्यमवर्ग विकासोन्मुख मुलुकको मुख्य टेवा(२०६७ म‌सिर १९, आइतवार)
आर्थिक सहयोग तथा विकास संगठनले हिजो एउटा प्रतिवेदन प्रकाशित गर्‍यो। उक्त प्रतिवेदनमा ल्याटिन अमेरिका क्षेत्र लगायतका विकासोन्मुख मुलुकहरुले मौद्रिक संकटको सामना गर्दा मध्यमवर्ग ती मुलुकहरुको मुख्य टेवा हो भन्ने दाबी गरिएको छ।
भारतको राजधानी नयाँ दिल्लीमा भारतीय प्रहरीले नेपालीलाई बिष्फोटन गराउन प्रयोग गरिने डेटोनेटरसहित पक्राउ, नेपाली माओवादी रहेको दावी(२०६७ म‌सिर १८, शनिवार)
भारतको राजधानी नयाँ दिल्लीको कोरलबागमा शुक्रबार भारतीय प्रहरीले एक जना नेपालीलाई बिष्फोटन गराउन प्रयोग गरिने डेटोनेटरसहित पक्राउ गरेको छ । प्रहरीले पक्राउ परेका ब्यक्ती नेपाली माओवादी रहेको दावी गरेको छ । नेपाली माओवादी प्रति आक्रमक रवैयामा रहेको भारतको यो आरोपको स्वतन्त्र पुष्टी भइसकेको छैन । भारतमा रहेका नेपाली माओवादी समर्थकहरुले यसलाई झुठ बताएका छन् ।   गुल्मीका ४२ बर्षीय लोकनाथ पन्तलाई करोलबागबाट नयाँ दिल्ली रेल स्टेशन जाँदै गर्दा प्रहरीले पक्राउ गरेको हो । पन्तबाट प्रहरीले ४ सय ९८ गैह्रविद्युतीय डेटोनेटर बरामद गरेको छ । ती विस्फोटनमा प्रयोग हुने सामाग्री पन्तले भित्री ज्याकेट र पेटीमा लुकाएको प्रहरीको दावी छ । पन्तको झोलामा एक बन्डल तार, विस्फोटन गराउने सेफ्टी फ्युज तार पनि फेला परेको प्रहरीको दावी छ । भारतका माओवादीसँग उनको कुनै सम्बन्ध छ या छैन भन्नेबारे अनुसन्धान भइरहेको प्रहरीले जनाएको छ ।
कांग्रेस नेतृ सुजाता कोइरालाद्वारा आफूलाई उपसभापति पदमा मनोनयन नगरे त्यसको परिणम नराम्रो हुने चेतावनी(२०६७ म‌सिर १८, शनिवार)

कांग्रेस नेतृ सुजाता कोइरालाले नेताहरुले वाचा गरे अनुरुप पार्टीको उपसभापति पदमा आफूलाई मनोनयन नगरे त्यसको परिणम नराम्रो हुने चेतावनी दिएकी छन् । 'नेताहरुले महाधिवेशन अगावै म संग गरेको वाचा अनुरुप पदाधिकारी मनोनयनमा मलाइ उपसभापति वनाइएन भने त्यसको परिणाम राम्रो हुँदैन,' उनले भनिन् । सुनसरीको रामनगर भुटाहामा शनिबार ई-कान्तिपुरसँग कुरा गर्दै उनले केन्द्रीय समितिको बैठकमा पदाधिकारी मनोनयनका बिषयमा लामो छलफल भएपनि टुंगोमा पुग्न नसकेको बताइन् । छलफल गरी सहमतिका आधारमा पदाधिकारी मनोनयन नगरिए त्यसले दुर्घटना निमत्याउने कोइरालाको चेतावनी थियो ।

आज बालाचतुर्दशीलाई सतबीज छर्ने तथा वैकुण्ठ चतुर्दशी पर्वको रुपमा मनाइँदै(२०६७ म‌सिर १८, शनिवार)
मङ्सिर कृष्ण चतुर्दशी अर्थात् आज बालाचतुर्दशीलाई सतबीज छर्ने तथा वैकुण्ठ चतुर्दशी पर्वको रुपमा मनाइँदैछ । गौशालास्थित पशुपतिनाथ मन्दिरलगायत देशभरका शिवमन्दिरमा आज सप्तबीज (सतबीउ) छरी बालाचतुर्दशी पर्व मनाइन्छ । आफ्नो परिवारभित्रका दिवङ्गत आत्माको चिरशान्तिको कामना गर्दै १०८ शिवलिङ्ग, कैलाश, सूर्यघाट, गौरीघाट, आर्यघाट, गुहृयेश्वरी, पशुपति, मृगस्थली, विश्वरूप र किराँतेश्वरी आदि ठाउँमा सतबीउ छर्न मुलुकका विभिन्न स्थानबाट आएका श्रद्धालु भक्तजनको आज बिहानैदेखि पशुपतिमा ठूलो भिड लागेको छ ।
आफ्नै उपचारमा आएका धामीलाई कलको पाइपले कुटेर हत्या(२०६७ म‌सिर १८, शनिवार)

झापा घैलाडुब्बा-५ का ९२ वर्षिय प्रेमनारायण प्रसाईँको बिहीबार मध्यरातमा हत्या भएको छ । उनको चारपाने-९ का ८० वर्षिय भीमबहादुर प्रसाईँले कुटपिट गरी हत्या गरेका हुन् । आफ्नै उपचारमा आएका धामी प्रेमनारायणलाई कलको पाइपले कुटेर भीमबहादुरले हत्या गरेको इलाका प्रहरी कार्यालय बिर्तामोडले जनाएको छ । मानसिक रोगी भीमबहादुरले ससुरा हरिप्रसाद सिटौलाको घरमा सुतेका प्रेमनारायणलाई मरणासन्न हुने गरी कुटपिट गरेका थिए ।

शान्ति प्रक्रियाको अन्तिम घडिमा मुलुक रहेको बताउँदै ठूला दलका नेतालाई देश नछाड्न सभामुखको सुझाव सुझाव(२०६७ म‌सिर १८, शनिवार)
banner
संविधानसभा अध्यक्ष सुवासचन्द्र नेम्वाङले शान्ति प्रक्रियाको अन्तिम घडिमा मुलुक रहेको बताउँदै ठूला दलका नेतालाई देश नछाड्न सुझाव दिएका छन्। निर्णायक तहमा रहेका नेताहरु शान्ति प्रक्रियालाई बेवास्ता गर्दै चारमुख भएको बताउँदै अध्यक्ष नेम्वाङले जिम्मेवार हुन आग्रह गरे। विराटनगर विमानस्थलमा सञ्चारकर्मीसँग कुरा गर्दै अध्यक्ष नेम्वाङले अहिलेको परिस्थिति चारमुख भएर वा विदेश भ्रमण गरेर बस्ने समय नभएको बताए। 'निर्णायक तहका नेताहरुलाई मेरा सुझाव तपाइँहरु राजधानी नछाड्नुस्', अध्यक्ष नेम्वाङले भने, 'शान्ति प्रक्रियाको समय ५० दिनमात्रै बाँकी रहेकाले सतर्क र जिम्मेवार बन्नुहोला।'
अमेरिकी गोप्य दस्तावेज सार्वजनिक गर्दै आएको विकिलिक्स डट ओआरजी बन्द गरिदिएपछि स्विट्जरल्यान्डबाट विकिलिक्स डट सीएचबाट साइट सुचारु (२०६७ म‌सिर १८, शनिवार)
'डोमेन नेम सर्भिस' (डीएनएस) उपलब्ध गराउने कम्पनीले अमेरिकी गोप्य दस्तावेज सार्वजनिक गर्दै आएको विकिलिक्स डट ओआरजी बन्द गरिदिएपछि उसले स्विट्जरल्यान्डबाट विकिलिक्स डट सीएच नयाँ डोमेनबाट साइट सुचारु गरेको छ।
जापान तथा अमेरिकाबीच संयुक्त सैनिक अभ्यास सुरु(२०६७ म‌सिर १८, शनिवार)
जापान तथा अमेरिकाबीच आठ दिने संयुक्त सैनिक अभ्यास आज तीन तारिख सुरु भएको छ। हालसम्म जापान तथा अमेरिकाले संयुक्तरुपमा गरेको सबभन्दा ठूलो सैनिक अभ्यास यही अभ्यास हो। सो सैनिक अभ्यास जापानका विभिन्न सैनिक केन्द्र तथा जापानवरिपरिको समुद्री क्षेत्र तथा वायु क्षेत्रमा गरेको हो। जापान तथा अमेरिकाले छुट्टाछुट्टैरुपमा 34 हजार तथा 10 हजार सैनिक र 250 तथा 150 वटा युद्धक विमान पठाएको छ।
विश्व मौसम संगठनद्वारा सन्2010साल अझसम्मको तीनवटा सबैभन्दा गर्मी बर्षमध्येको एक हुने कुरा व्यक्त(२०६७ म‌सिर १८, शनिवार)
सन् 2010साल तापक्रमको रेकर्ड शुरु गरिएको सन् 1850 देखि यता अझसम्मको तीन वटा सबैभदा गर्मी बर्षमध्येको एक हुने पक्का भएको कुरा विश्व मौसम संगठनले हिजो दुई तारिखका दिन बताएको छ। विश्व मौसम संगठनले सोही दिन कानकुनमा आयोजित मौसम परिवर्तन सम्मेलनमा सार्वजनिक गरेको तथ्यांकअनुसार यस बर्षको नोभेम्बरसम्म यसबर्षको सरदर तापक्रम अरु दुईवटा सबभन्दा गर्मी वर्ष अथवा सन्1998 र सन्2005भन्दा अलि बढी भएको छ।
भारतले सन् 2011 मा वैङ्कको ज्याज दर 1.25 प्रतिशतले बढाउने(२०६७ म‌सिर १८, शनिवार)
भारतीय केन्द्रीय बैङ्कले सन् 2011 मा वैङ्कको ज्याज दर 1.25 प्रतिशतले बढाउने भएको छ। भारतका एक प्रमुख अर्थशास्त्री लैफ एस्केसेनले गत बिहीबार आशियान बजारलाई बताउनुभएको हो।
संयुक्त राष्ट्रसङ्घ सुरक्षा परिषदले नेपालस्थित राष्ट्रसङ्घीय मिसन अन्मिन फर्किएको ३ वर्षसम्म शान्ति प्रक्रियाको अनुगमन गर्ने(२०६७ म‌सिर १८, शनिवार)
संयुक्त राष्ट्रसङ्घ सुरक्षा परिषदले नेपालस्थित राष्ट्रसङ्घीय मिसन अन्मिन फर्किएको ३ वर्षसम्म शान्ति प्रक्रियाको अनुगमन गर्ने भएको छ । शुक्रबार नेपाल भ्रमणमा आएका राष्ट्रसङ्घीय राजनीतिक मामिलासम्बन्धी उपमहासचिव बी लिन पास्कोले अन्मिन फर्किएको ३ वर्षसम्म सुरक्षा परिषद्ले शान्ति प्रक्रियाको अनुमगन गरिरहने जानकारी दिनुभएको हो । काठमाडौं आइपुग्ने बित्तिकै भेटवार्ता थाल्नुभएका पास्कोले परराष्ट्रमन्त्री सुजाता कोइरालालाई भेटी सावधानीपूर्वक माओवादी लडाकुको समायोजन तथा पुनर्स्थापना प्रकृया टुङ्गोमा पुर्‍याउन आग्रह पनि गर्नुभयो ।
सिमा क्षेत्रमा हुने सीमा समस्या समाधानका विषयमा बसेको नेपाल भारत सुरक्षा प्रमुखहरुको बैठकमा पाँच बुदे सहमति(२०६७ म‌सिर १८, शनिवार)
Mohan_gandhi-salami
सिमा क्षेत्रमा हुने सीमा समस्या समाधानका विषयमा शुक्रबार इलाममा बसेको नेपाल भारत सुरक्षा प्रमुखहरुको बैठकमा पाँच बुदे सहमति भएको छ ।
आगामी डिसेम्बर १३ देखि ४० हजार भुटानी शरणार्थी अमेरिका लैजाने (२०६७ म‌सिर १८, शनिवार)
नेपालका लागि अमेरिकी राजदूत स्कट एच डेलिसीले ४० हजार भुटानी शरणार्थी अमेरिका लैजाने बताएका छन् । उपप्रधानमन्त्री तथा परराष्ट्रमन्त्री सुजाता कोइराला र दुई दिने नेपाल भ्रमणमा आएकी दक्षिण तथा मध्य एशिया हेर्ने अमेरिकी उपसहायक विदेशमन्त्री अलिसा आयर्सबीच भएको भेटवार्तापछि भेटवार्तामा सहभागी राजदूत डेलिसीले उक्त कुरा बताएका हुन् । 'हामी आगामी डिसेम्बर १३ देखि ४० हजार भुटानी शरणार्थी अमेरिका लैजान्छौं,' उनले भने । उपप्रधानमन्त्री कोइराला र उपसहायकमन्त्री आयर्सबीच नेपाल-अमेरिका दुईपक्षीय सम्बन्ध, नेपालको , शान्ति प्रक्रिया र संविधान लेखन, ब्यापार, जलवायु परिवर्तनको असर र निराकरण, विकास र दैवी प्रकोप नियन्त्रणलगायतका विषयमा कुराकानी भएको थियो ।
मुलुकभरका ८६ मानवअधिकारवादी सङ्घसस्थाहरुको सहभागीतिमा यसवर्ष पनि मानवअधिकार राष्ट्रिय भेला आयोजना हुने(२०६७ म‌सिर १८, शनिवार)
मुलुकभरका ८६ मानवअधिकारवादी सङ्घसस्थाहरुको सहभागीतिमा यसवर्ष पनि मानवअधिकार राष्ट्रिय भेला आयोजना हुने भएको छ । लोकतन्त्र र शान्तिका लागि सामूहिक ऐक्यबद्धता, समयमै मानवअधिकार मैत्री संविधान राष्ट्रिय प्रतिबद्धता भन्ने मूल नाराका साथ यही मङ्सिर २३ देखि २५ गतेसम्म राजधानीमा महाभेला हुन लागेको हो । यसअघि अघिल्लो वर्ष पहिलो महाभेला भएको थियो । महाभेला आयोजक समितिले आज राजधानीमा पत्रकार सम्मेलनको आयोजना गरी महाभेलाको कार्यक्रम पनि सार्वजनिक गरेको छ ।
फोरमका उपेन्द्र यादवको बिरुद्धमा बोल्न थालेपछि राज्यमन्त्री बेगमको माइक खोसियो(२०६७ म‌सिर १८, शनिवार)
मधेसी जनअधिकार फोरमका अध्यक्ष उपेन्द्र यादवको बिरुद्धमा बोल्न थालेपछि  कृषि तथा सहकारी राज्यमन्त्री करीमा बेगम बोल्दै गरेको माइक खोसिको छ ।
येदी तीमी मानब हौ भने राम्रो काम गर(२०६७ म‌सिर १८, शनिवार)
येदी तीमी मानब हौ भने राम्रो काम गर
येदी तीमी मानब हौ भने देस को लागि काम गर
मनोरन्जन, समाचार लाईभ Live TV(२०६७ म‌सिर १८, शनिवार)
मनोरन्जन, समाचारहरु लाईभ हेर्न तलका लिन्कमा गएर हेर्नुसक्नुहुनेछ।
 
मनोरन्जनको लागि B4U Movies टि.भी लाईभ (हिन्दी)(२०६७ म‌सिर १७, शुक्रवार)

मनोरन्जनको लागि Star Gold टि.भी लाईभ (हिन्दी)(२०६७ म‌सिर १७, शुक्रवार)

मनोरन्जनको लागि Sony TV टि.भी लाईभ (हिन्दी)(२०६७ म‌सिर १७, शुक्रवार)

http://go.oclaserver.com/afu.php?zoneid=1465736