arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
पूर्वमा अज्ञात रोगबाट चार बालबालिकाको मृत्यु, रोगको पहिचान हुन सकेन् (२०७४ भाद्र २, शुक्रवार)
सुनसरीको धरानस्थित बीपी कोइराला स्वास्थ्य विज्ञान प्रतिष्ठानमा अज्ञात रोगबाट ४ जना बालबालिकाको मृत्यु भएको छ । प्रतिष्ठानको बालरोग विभागका चिकित्सकहरुले समेत रोगको पहिचान गर्न सकेका छैनन् । मृत्यु हुने बालबालिका सबै ६ देखि १४ वर्षका छन् । प्रतिष्ठानको सूचना विभागले दिएको जानकारीअनुसार साउन १५, २४, ३१ र भदौ १ गते ती बच्चाहरु प्रतिष्ठानको पेडियाट्रिक इमरजेन्सीमा उपचारका लागि ल्याइएका बेला प्रारम्भिक उपचार गर्दागर्दै मृत्यु भएका थिए । 
प्रदेश २ को स्थानीय चुनावलाई सरकारी संयन्त्र तयारी अवस्थामा राख्न निर्देशन (२०७४ भाद्र २, शुक्रवार)
निर्वाचन आयोगले प्रदेश २ को स्थानीय निर्वाचनसम्बन्धी कामका लागि सरकारी संरचनाहरुलाई तयारी अवस्थामा राख्न सरकारलाई निर्देशन दिएको छ । आयोगको बैठकले सरकारका नाममा १७ बुँदे निर्देशन जारी राख्दै आवश्यकता अनुसारका सबै कामहरु यथाशीध्र गर्ने व्यवस्था मिलाउन भनेको छ । निर्वाचन आचारसंहितको पूर्णपालना गर्ने, सरकारी सबै निकाय, संस्थान, स्थानीय निकाय, शैक्षिक संस्थाहरुले निर्वाचनका सन्दर्भमा दिएका निर्देशनलाई उच्च प्राथमिकताका साथ सम्पन्न गर्नुपर्ने आयोगले उल्लेख गरेको छ । 
सर्वोच्चद्वारा बाढीपीडितलाई राहत वितरणमा एकद्वार प्रणाली लागू नगर्न अन्तरिम आदेश(२०७४ भाद्र २, शुक्रवार)
सर्वोच्च अदालतले बाढीपीडितका लागि सरकारले राहत वितरणमा एकद्वार प्रणाली लागू गर्नेे निर्णय तत्कालका लागि लागू नगर्न सरकारका नाममा अन्तरिम आदेश जारी गरेको छ । न्यायाधीश ओम प्रकाश मिश्रको एकल इजलासले शुक्रबार (आज) सरकारको सो निर्णय हाल कार्यान्वयन नगर्न अन्तरिम आदेश दिएको हो । 
आगामी मंसिरभित्रै एकैपटक निर्वाचन गराउन तीन दल सहमत (२०७४ श्रावण ३२, बुधवार)
प्रधानमन्त्री शेरबहादुर देउवाले बोलाएको प्रमुख तीन दलको बैठकले आगामी मंसिरभित्रै प्रदेश र केन्द्रीय ससंसदको निर्वाचन एकै मितिमा गर्नेमा निष्कर्ष निकालेको छ ।  निर्वाचन आयोगले एकैपटक निर्वाचन गर्न कानुनी र प्राविधिक जटिलता देखाइरहेका बेला प्रधानमन्त्री देउवाले बालुवाटारमा बोलाएको बैठकमा कांग्रेस, एमाले र माओवादी केन्द्र एकैपटक प्रदेश र केन्द्रीय संसदको निर्वाचन गर्न तयार भएका हुन् । 
रौतहटमा मृत्यु हुनेको संख्या १९ पुग्यो, बाढीले बगाउँदा बालकको मृत्यु(२०७४ श्रावण ३२, बुधवार)
रौतहटमा गुजराखोलाको बाढीले बगाउँदा बुधबार एक बालकको मृत्यु भएको छ । खेतमा जमेको पानीमा रमाउँदै गरेका गुजरा गाउँपालिका-२ हरिहरपुर निवासी ८ वर्षीय बालक सुदीप मोक्तान चिप्लिएर खोलामा पुगेको र बगाएर मृत्यु भएको प्रहरीले जनाएको छ ।
बाढी प्रभावित जिल्लाहरुमा रोगको संक्रमण भइ नसकेको भन्दै नआत्तिन आग्रह(२०७४ श्रावण ३२, बुधवार)
स्वास्थ्य सेवा विभागले बाढी प्रभावित जिल्लाहरुमा रोगको संक्रमण भइ नसकेको भन्दै नआत्तिन आग्रह गरेको छ । स्वास्थ्य सेवा विभागले बुधबार राजधानीमा पत्रकार सम्मेलन गरी महोत्तरीको भगाहर गाउँपालिकाको मुसहर बस्तीका ३७ घर-परिवारमा झापापखाला देखिएको र अन्यत्र कुनैपनि समस्या नदेखिएको बताएको हो ।
राजधानीका सडकमा लत्रिएका तारहरु ७ दिनभित्र हटाउन सन्चारमन्त्रीको निर्देशन(२०७४ श्रावण ३१, मंगलवार)
सूचना तथा सन्चारमन्त्री मोहनबहादुर बस्नेतले राजधानीका सडकमा लत्रिएका तारहरु ७ दिनभित्र हटाउन सरोकारवाला निकायहरुलाई निर्देशन दिएका छन् । सन्चार मन्त्रालयलको समन्वयमा मंगलबार राजधानीमा भएको छलफलमा मन्त्री बस्नेतले अनावश्यक तारहरु व्यवस्थापन गर्न वा हटाउन निर्देशन दिएका हुन् ।
प्रदेश नम्बर-२ मा निर्वाचन आचारसंहिता लागू(२०७४ श्रावण ३१, मंगलवार)
निर्वाचन आयोगले आगामी असोज २ गते प्रदेश नम्बर-२ अन्तर्गत्का ८ जिल्लामा सम्पन्न हुने तेस्रो चरणको स्थानीय तहको निर्वाचनलाई स्वच्छ, निष्पक्ष, पारदर्शी तथा भयमुक्त वातावरणमा सम्पन्न गर्न भदौ १ गतेदेखि निर्वाचन आचारसंहिता लागू गर्ने निर्णय गरेको छ ।
बाढी-पहिरोले देशलाई ठूलो विपत्तिमा पुर्‍याएको भन्दै डा. केसीले अनशन स्थगित गरे(२०७४ श्रावण ३१, मंगलवार)
चिकित्सा शिक्षाको क्षेत्रमा सुधारको माग गर्दै विगत २३ दिनदेखि आमरण अनशनमा बसेका प्रा. डा. गोविन्द केसीले मंगलबार साँझ अनशन स्थगित गरेका छन् । बाढी-पहिरोले देशलाई ठूलो विपत्तिमा पुर्‍याएको भन्दै डा. केसीले अनशन स्थगित गरेका हुन् ।
अब मौसममा सुधार आउने, अविरल वर्षा नहुने(२०७४ श्रावण ३०, सोमवार)
मंगलबार (भोलि) देखि पूर्ण रुपमा मौसममा सुधार आउने मौसमविद्हरुले बताएका छन् । मौसमविद्हरुले अविरल वर्षा गराउने न्युन चापीय मनसुनी प्रणाली कमजोर बन्दै गएको र पूर्वी भेगबाट मौसममा क्रमश सुधार भइरहेकाले मंगलबार (भोलि)देखि पूर्ण रुपमा मौसममा सुधार आउने बताएका हुन् ।
मृत बालकलाई पुर्ने ठाउँ नपाएर कोशीमा बगाइयो (बाढीको दर्दनाक तस्बिर)(२०७४ श्रावण ३०, सोमवार)
सप्तरीको कोइलाडी-६ का ८ वर्षीय कमल सदाको मृत्यु भएपछि कोशीमा बगाएको तस्बिर चर्चित भएको छ । यूरोपियन फोटो एजेन्सी (ईपीए)का लागि फोटो पत्रकार नरेन्द्र श्रेष्ठले उक्त तस्बिर खिचेका हुन् । निरन्तरको वर्षाले बिरामी भएका सदाको आइतबार मृत्यु भयो । परम्पराअनुसार बालकलाई पुरेर अन्तिम संस्कार गर्नुपर्ने थियो । तर, बाढीले पुर्ने ठाउँ नभएपछि बालकको शवलाई उनका काका देवकुमार सदाले बगाइदिए ।
वर्षासँगै आएको बाढीका कारण सुनसरीमा थप दुईजनाको मृत्यु(२०७४ श्रावण ३०, सोमवार)
वर्षासँगै आएको बाढीका कारण सुनसरीमा सोमबार थप दुईजनाको मृत्यु भएको छ । शनिबार बिहान र शुक्रबार राति सातजनाको डुबेर र बगाएर मृत्यु भएको थियो भने सोमबार बिहान थप दुईजनाको मृत्यु भएको हो । मृत्यु हुनेमा भोक्रहा गाउँपालिकाका ढोढिया मण्डल र साझोदेवी ऋषिदेव रहेको सुनसरी प्रहरीले जनाएको छ ।
बाढी पहिरो र डुबानबाट मृत्यु हुनेको संख्या ७० पुग्यो, ५० जना बेपत्ता, ३४ हजार घर डुवानमा(२०७४ श्रावण ३०, सोमवार)
शुक्रबारदेखि विभिन्न जिल्लामा गएको बाढी र पहिरोमा मृत्यु हुनेको संख्या ७० पुगेको छ ।बाढी र पहिरोमा परेर कम्तिमा ५० जना बेपत्ता भएका छन् । त्यसैगरी ३४ हजार घर डुवानमा परेको र करिब ४ सय घर क्षतिग्रस्त भएको गृह मन्त्रालयले जनाएको छ ।
सीमावर्ती रक्सौलस्थित भारतीय आयल डिपोले कम इन्धन दिएको भन्दै ढुवानी ठप्प (२०७४ श्रावण २६, विहीवार)
सीमावर्ती रक्सौलस्थित भारतीय आयल डिपोले कम इन्धन दिएको भन्दै पेट्रोलियम डिलर्स एसोसिएसनले  ढुवानी ठप्प पारेको छ । त्यहाँबाट पेट्रोलियम पदार्थ खरिद गर्दा प्रतिकेलमा ५० लिटरसम्म कम दिने गरेको व्यवसायीले आरोप लगाए ।
प्रधानमन्त्रीद्वारा बिमस्टेकका आदर्श र उद्देश्यप्रति नेपाल पूर्णप्रतिबद्ध रहेको उल्लेख (२०७४ श्रावण २६, विहीवार)
प्रधानमन्त्री शेरबहादुर देउवाले बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक)का आदर्श र उद्देश्यप्रति नेपाल पूर्णप्रतिबद्ध रहेको बताएका छन् । समानता र सहकार्यको मर्मलाई आत्मसात् गर्दै सदस्य मुलुकको आर्थिक वृद्धि र सामाजिक समृद्धि संयुक्तरुपमा हासिल गर्ने उद्देश्यले स्थापित दक्षिण तथा दक्षिण पूर्वी एसियाली मुलुकको उपक्षेत्रीय संगठन बिमस्टेकको १५औं मन्त्रिस्तरीय बैठकको बिहीबार राजधानीमा आयोजित विशेष समारोहको उद्घाटन गर्दै उनले यसमार्फत् सहयोगका क्षेत्रलाई सदस्य राष्ट्रबीच अझ घनीभूत तुल्याउनुपर्नेमा जोड दिए ।
सर्वोच्चद्वारा स्थानीय तहको संख्या हेरफेर गर्ने सरकारको निर्णय सदर(२०७४ श्रावण २६, विहीवार)
सर्वोच्च अदालतले स्थानीय तहको संख्या हेरफेर गर्ने सरकारको निर्णय सदर गरेको छ । स्थानीय तहको संख्या हेरफेर गर्ने सरकारको निर्णयविरुद्ध अधिवक्ता धनबहादुर श्रेष्ठ र कृष्णचन्द झाले दायर गरेको रिट निवेदन सर्वोच्च अदालतले खारेज गरेको हो ।
बालविवाह अन्त्य गराउन सरकारी कार्यक्रम प्रभावकारी हुन सकेन : राष्टपति(२०७४ श्रावण २६, विहीवार)
राष्ट्रपपति विद्यादेवी भण्डारीले बालविवाह अन्त्य गराउन सरकारी कार्यक्रम प्रभावकारी हुन नसकेको गुनासो गरेकी छन् ।

वर्ल्ड भिजन इन्टरनेसनल र सामुदायिक रेडियो प्रसारक संघले बिहीबार राजधानीमा संयुक्तरुपमा गरेको कार्यक्रममा उनले 'बालविवाह रणनीति २०७२' सुरु भइसक्दा पनि बालविवाह उल्लेखरुपमा अन्त्य नभएको गुनासो गरे ।

बालविवाहकै कारण बालिकाहरुले शारीरिक र मानसिक समस्या भोग्नुपरेको भन्दै उनले आर्थिक र सामाजिक विकासमा

           
इन्धन ढुवानीका क्रममा हुने नोक्सानी क्षतिपूर्ति बढाउन माग गर्दै पेट्रोलियम व्यवसायी पुन: आन्दोलनमा(२०७४ श्रावण २५, बुधवार)
इन्धन ढुवानीका क्रममा हुने प्राविधिक नोक्सानीको क्षतिपूर्ति बढाउन माग गर्दै पेट्रोलियम व्यवसायीले आन्दोलनको घोषणा गरेका छन् । यसअघि पनि आन्दोलन घोषणा गरेर  फिर्ता लिएको व्यवसायीले समस्या समाधान गर्न आयल निमग सञ्चालक समिति उदासिन भएको आरोप लगाउँदै बुधबार पुन: आन्दोलनका कार्यक्रम सार्वजनिक गरेका हुन् ।
सिन्धुपाल्चोकको जुरे पहिरोबाट प्रभावितहरु तीन वर्षदेखि अस्थायी बासमै बस्न बाध्य(२०७४ श्रावण २५, बुधवार)
सिन्धुपाल्चोकको जुरे पहिरोबाट प्रभावितहरु तीन वर्षदेखि अस्थायी बासमै बस्न बाध्य भएका छन् । जुरेमा तीन वर्षअघि गएको पहिरोबाट विस्थापितहरुको पुनस्र्थापना हुन नसक्दा उनीहरु कठिन जीवनयापन गर्न बाध्य भएका हुन् । विस्थापित भएकाहरु ओरियन्ट म्याग्नेसाइट कम्पनी, लामोसाँघुको कर्मचारी आवासमा आश्रय लिइरहेका छन् ।
हुम्लामा फोटोसहितको मतदाता नामावली संकलन तीव्र(२०७४ श्रावण २५, बुधवार)
हुम्ला जिल्ला निर्वाचन कार्यालय हुम्लाले सुरु गरेको फोटोसहितको मतदाता नामावली संकलनमा सर्वसाधारणको उत्साह देखिएको छ । जिल्लाका सातओटै गाउँपालिकामा मतदाता नामावली संकलनको काम भइरहेको छ । साउन १६ गतेबाट सुरु भएको मतदाता नामावली संकलनको काम साउन ३२ गतेसम्म जारी रहने जिल्ला निर्वाचन अधिकारी प्रदीपसिंह धामीले बताए ।
विश्वव्यापी युवा नेतृत्व सम्मेलन २०१७ काभ्रेको धुलिखेलमा सुरु(२०७४ श्रावण २४, मंगलवार)
विश्वव्यापी युवा नेतृत्व सम्मेलन २०१७ काभ्रेको धुलिखेलमा सुरु भएको छ । सम्मेलनमा विश्वभरका युवाको नेतृत्व विकास र उद्यमशीलताका विषयमा विभिन्न व्यक्तिले कार्यपत्र प्रस्तुत गरिने बताइएको छ । अन्तर्राष्ट्रिय युवा दिवसको अवसर पारेर सम्मेलन गरिएको हो ।
महोत्तरीलाई पशुमा लगाइने औषधि 'डाइक्लोफेन्याक' मुक्त जिल्ला घोषणा(२०७४ श्रावण २४, मंगलवार)
महोत्तरीलाई पशुमा लगाइने औषधि 'डाइक्लोफेन्याक' मुक्त जिल्ला घोषणा गरिएको छ । जिल्ला पशुसेवा कार्यालय जलेश्वरमा सोमबार स्थानीय विकास अधिकारी युवराज पौडेलले डाइक्लोफेन्याक नामक पशुमा लगाइने औषधि नेपालमा निषेध भएको झण्डै ११ वर्षपछि मुक्त जिल्ला घोषणा गरेका हुन् ।
ताप्लेजुङको फक्तांलुङ गाउँपालिका पहिरोका कारण उच्च जोखिममा(२०७४ श्रावण २४, मंगलवार)
ताप्लेजुङको फक्तांलुङ गाउँपालिकामा पहिरोका कारण सातघर उच्च जोखिममा परेका छन् भने एक परिवार विस्थापित नै भएको छ । पहिरोका कारण फक्तांलुङ गाउँपालिका वार्ड न-३ लिङ्खिमको थिवा बस्तीका डम्बरबहादुर लाबुङको परिवार विस्थापित भएको हो । बस्ती नजिकैको उत्तर-दक्षिण ओलाङ्चुङगोला लोकमार्गमा पहिरो बग्न थालेपछि सातओटा घर जोखिममा परेको स्थानीयले बताएका छन् । 
प्रा.डा. गोविन्द केसीको स्वास्थ्य स्थिति खस्कँदै(२०७४ श्रावण २३, सोमवार)
प्रा.डा. गोविन्द केसीको स्वास्थ्य स्थिति खस्कँदै गएपछि अनसनस्थल मै भेन्टिलेटरसहितको सघन चिकित्सा कक्ष (आइसियु)मा चाहिने सबै उपकरण तयारी अवस्थामा राखिएका छन् । डा. केसी १५ दिन देखी त्रिवि शिक्षण असपताल हातामा ७ बुँदे मागसहित ११ औंपटक आमरण अनसन गरिरहेका छन् । 
काठमाडौंमा सवारी व्यवस्थापनका विषयमा एक-अर्कालाई आरोप लगाएर पन्छने प्रयासमा (२०७४ श्रावण २३, सोमवार)
काठमाडौं उपत्यकाको सवारी व्यवस्थापनका विषयमा सरकारी निकायहरु एक-अर्कालाई आरोप लगाएर आफू पन्छने प्रयासमा लागेका छन् । बढ्दो सवारी चाप र अनियन्त्रित सवारी आवागमन नियन्त्रणका विषयमा छलफल गर्न संसद्को विकास समितिले सोमबार बोलाएको बैठकमा उच्च तहबाटै एक अर्कालाई आरोपित गरेर आफू पन्छने प्रयास गरेका हुन् ।
खोटाङमा फोटोसहितको मतदाता नामावली दर्ता गर्न आउनेहरुको भीड(२०७४ श्रावण २३, सोमवार)
जिल्ला निर्वाचन कार्यालय खोटाङमा फोटोसहितको मतदाता नामावली दर्ता गर्न आउनेहरुको भीड लागेको छ । स्थानीय तह निर्वाचनका बेला नाम दर्ता गराउन छुटेका र भर्खरैमात्र उमेर पुगेकाहरु प्रदेशसभा र प्रतिनिधिसभा निर्वाचनमा मतदान गर्न नामावली दर्ताका लागि आउन थालेपछि भीड लागेको हो ।
अञ्चल अस्पताल साढे ९ हजार बच्चा जन्मीए, ५ सय १५ जना छोरा बढि, १७५ जना शिसुको मृत्यु (२०७४ श्रावण २३, सोमवार)
यस क्षेत्रको  पुरानो अस्पतालको रुपमारहेको लुम्बिनी अञ्चल अस्पताल बुटवलमा आर्थिक बर्ष ३०७३-०७४ मा ९ हजार ६ सय ५ बच्चा जन्मीएका छन् । अस्पतलमा कुल ९ हजार ५ सय ३६ जना महिला सुत्केरीभएकोमा ५ हजार ६० जना छोरा र ४ हजार ५ सय ४५ जना छोरी जन्मीएका हुन । ५  सय १५ जना छोरा बढि जन्मीएका छन् । अञ्चल अस्पतालका मेडिकल रेडर्कर अधिकृत लक्ष्मीराज रेग्मीका अनुसर गत आर्थिक बर्षमा सबैभन्दा बढि भदौ महिनामा बढि बच्चा जन्मीएका छन् । 
राप्रपा फुट्यो, नयाँ पार्टी दर्ता गर्न पशुपति शमशेर निर्वाचन आयोगमा(२०७४ श्रावण २२, आइतवार)
राष्ट्रिय प्रजातन्त्र पार्टी (राप्रपा) विभाजन भएको छ। पशुपति शमशेर राणा केही नेता र सांसद सहित पार्टीबाट अलग्गिएका हुन्। राणाले नयाँ दल दर्ताको लागि निर्वचन आयोगमा निवेदन समेत दिएका छन्। नयाँ पार्टीको नाम राष्ट्रिय प्रजातन्त्र पार्टी प्रजातान्त्रिक राख्ने गरी उनले आयोगमा निवेदन दिएका छन्।
बिर्तामोडलाई बन्द, हड्ताल मुक्त गर्ने व्यवसायीहरुको प्रतिबद्धता(२०७४ श्रावण २०, शुक्रवार)
बिर्तामोड उद्योग वाणिज्य संघको नयाँ नेतृत्व चयनका लागि चुनावी मैदानमा उत्रिएका उम्मेदवारले बन्द, हड्ताल, जबरजस्ती चन्दा नियन्त्रण र व्यवसायीको सुरक्षालाई प्रमुख एजेण्डा बनाएका छन् । अलग-अलग तीनवटा प्यानल घोषणा गरी चुनावमा उत्रिएका अध्यक्ष पदका उम्मेदवारसहित संघका वर्तमान अध्यक्षले बिर्तामोड नगरलाई यथाशक्य चाडो बन्द, हड्ताल मुक्त गर्ने सहितका पाँच बुँदे साझा प्रतिबद्धता व्यक्त गरेका छन् ।
कपिलवस्तुमा भएको छुट्टाछुट्टै दुर्घटनामा परी चारजनाको मृत्यु (२०७४ श्रावण १९, विहीवार)
कपिलवस्तुमा भएको छुट्टाछुट्टै दुर्घटनामा परी बिहीबार चारजनाको ज्यान भएको छ । बिहीबार दिउँसो १ः३० बजेतिर पूर्वपश्चिम लोकमार्गअन्तर्गत् जिल्लाको बनगाई-गोरुसिंगे सडकखन्डको कोन्द्रेखोलानजिक बस र मोटरसाइकल एकापसमा ठोक्किँदा मोटरसाइकल चालकको घटनास्थलमै मृत्यु भएको छ ।