arghakhanchi
मिति:
*स्थानीय निर्वाचन २०७४ ! Local Election 2074 *
भर्खरै
थप समाचार
बिज्ञापनहरु Advertisements
banner
banner
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
banner
 
राष्ट्रिय समाचार
बाबुराम भट्टराई सरकारले सवारी साधनमा भाडा बढाउने(२०६९ आषाढ १५, शुक्रवार)
यातायात व्यवस्था विभागले सार्वजनिक सवारी साधनको भाडा बढाउने निर्णय गरेको छ । विभागले डिजेलबाट चल्ने यात्रुवाहक सवारी साधन भाडा ३ दशमलव ७५ प्रतिशत र मालबाहकमा ४ देखि ४ दशमलव ५ प्रतिशतले भाडा बढाउने निर्णय गरेको छ । विभागले निर्णयलाई आइतवार यातायात मन्त्रालयमा पठाउने भएको छ । मन्त्रालयबाट विभागको निर्णयमा सहमती भए पछि नया भाडादर लागु हुनेछ । तिन महिनाको अवधिमा डिजेलको मुल्य उच्चदरले बढेकाले भाडा बढाउन लागिएको विभागले जनाएको छ । यसअघि गत चैतमा पनि सार्वजनिक सवारीको भाडा बढाइएको थियो ।
अवकास प्राप्त माओवादी लडाकुहरु नेकपा माओवादी(बैद्य पक्ष) तर्फ(२०६९ आषाढ १४, विहीवार)
अवकास प्राप्त माओवादी लडाकुहरु मध्ये अधिकांस नेकपा माओवादी(बैद्य पक्ष) तर्फ संगठित हुन थालेका छन् । संस्थापन पक्षको कृयाकलाप प्रति असन्तुष्ट रहँदै आएका लडाकुहरु खुलेरै संगठित हुन थालेका हुन् । गाउँ गाउँमा छरिएर रहेका पूर्व लडाकु साथीहरुसँग भेटघाट तिब्र पारिएको हाल जिल्ला स्वम्सेवकका जिल्ला अध्यक्ष पदम केसी (जुझारु)ले बताए ।
कीर्तिपुररमा प्रधानमन्त्री भट्टराईलाई नेविसंघ र अनेरास्वियूका विद्यार्थीद्धारा कालो झन्डा(२०६९ आषाढ १४, विहीवार)

त्रिभुवन विश्वविद्यालय दिवसको समारोहलाई सम्बोधन गर्न कीर्तिपुर पुगेका प्रधानमन्त्री बाबुराम भट्टराईलाई नेविसंघ र अनेरास्वियूका विद्यार्थीले कालो झन्डा देखाएका छन्। त्रिविको कूलपति समेत रहेका प्रधानमन्त्री भट्टराई आउने थाहा पाएपछि विद्यार्थीले कालो झन्डा देखाउने तयारी गरेका थिए। प्रधानमन्त्रीलाई कालो झन्डा देखाउने ८ जना नेविसंघ कार्यकर्तालाई प्रहरीले पक्राउ गरेको नेविसंघ नेता रञ्जित कर्णले बताए। यता त्रिपन्नौँ वार्षिक दिवसका अवसरमा प्रधानमन्त्री भट्टराईले विश्वविद्यालय हाताभित्र झन्डोत्तोलन गरेका छन्।

सरकारले दलहरुबीच सहमति भए सहमतिकै आधारमा नभए वैकल्पीक उपायबाट भएपनि पूर्ण बजेट नै ल्याउने(२०६९ आषाढ १४, विहीवार)
सरकारले दलहरुबीच सहमति भए सहमतिकै आधारमा नभए वैकल्पीक उपायबाट भएपनि पूर्ण बजेट नै ल्याउने बताएको छ । प्रधानमन्त्री डाक्टर बाबुराम भट्टराईले बजेट नल्याए राजनीतिसँगै आर्थिक क्षेत्र पनि प्रभावित हुने भएकाले पूर्ण बजेट नै अनिवार्य रहेको बताएका छन् । बजेटका विषयमा छलफल गर्न गएको उद्योग बार्णिज्य महासंघको टोलीसँग प्रधानमन्त्री भट्टराईले सहमतिमै बजेट ल्याउने विषयमा दलहरुलाई दवाव दिन महासंघलाई आग्रह गरे । बजेट नियमित प्रक्रिया भएकाले सरकार कामचलाउ भइसकेकाले बजेट ल्याउन मिल्दैन भन्ने भनाईमा कुनै तुक नरहेको पनि प्रधानमन्त्रीले बताए ।
शरदसिंह भण्डारीद्धारा नेतृत्वमा नयाँ पार्टी राष्ट्रिय मधेश समाजवादी पार्टी गठन(२०६९ आषाढ १४, विहीवार)
शरतसिंह भण्डारीले नयाँ पार्टी गठन गरेका छन् । भण्डारीको नेतृत्वमा गठन भएको पार्टीको नाम राष्ट्रिय मधेश समाजवादी पार्टी रहेको छ । बुधवारदेखि राजधानीमा सुरु सम्मेलनले पार्टीको नाम र झण्डा तय गरेको हो । पार्टीको झण्डा माथिल्लो भागमा सेतो र तल्लो भागमा हरियो रङ हुनेछ । झण्डा मै हरियो रङबाट सेतो भागतिर सूर्यदय भइरहेको अंकित हुनेछ । मधेशबाट क्रान्ति पहाड हुँदै हिमालतिर फैलिएको संकेतस्वरुप सूर्यदय राखिएको हो । विहीवार पत्रकार सम्मेलन गरी नाम, झण्डा, विधान र घोषणा पत्र जारी भण्डारीले बताए । नयाँ पार्टी घोषणा गर्न भण्डारीले बुधवार र विहीवार राजधानीमा राष्ट्रिय राजनीतिक सम्मेलन आयोजना गरेका छन् ।
मन्त्रिपरिषद्का झन्डै आधा मन्त्रीले सम्पत्ति विवरण बुझाएनन्(२०६९ आषाढ १४, विहीवार)
मन्त्रिपरिषद्का झन्डै आधा मन्त्रीले सम्पत्ति विवरण बुझाएका छैनन् । नियुक्त भएको १५ दिनमा आफ्नो र परिवारको नाममा रहेको सम्पत्ति विवरण अनिवार्य बुझाउनुपर्ने स्थापित परम्परा भए पनि १८ मध्ये आठ मन्त्रीले नबुझाएका हुन् । मन्त्रिपरिषद्को बेवसाइटमा प्रधानमन्त्री बाबुराम भट्टराईसहित ११ जनाले मात्र सम्पत्ति विवरण बुझाएको उल्लेख छ । तत्कालीन प्रधानमन्त्री गिरिजाप्रसाद कोइरालाका पालामा २०४८ सालमा मन्त्रिपरिषद्ले नीतिगत निर्णय गरी प्रधानमन्त्री र मन्त्रीहरूले पदमा बहाली भएको १५ दिनमा अनिवार्य रूपमा सम्पत्ति विवरण बुझाउने परम्परा बसालिएको थियो ।
चार महिनाअघि काठमाडौंको बबरमहलमा तीन जना मारिने गरी गराइएको वम काण्डका नाईके पाँचथरबाट पक्राउ(२०६९ आषाढ १३, बुधवार)
चार महिनाअघि काठमाडौंको बबरमहलमा तीन जना मारिने गरी गराइएको बम विस्फोटको जिम्मेवारी सञ्चारमाध्यम मार्फत लिने देवराज लामा भनिने राजकुमार तामाङलाई प्रहरीले गएराति पाँचथरको लुङरुप्पा गाविसबाट नियन्त्रणमा लिएको छ । क्षेत्रीय प्रहरी कार्यालय विराटनगरले आज पत्रकार सम्मेलन गरी तामाङलाई सार्वजनिक गरेको हो । पाँचथर गएपछि नेशनल उपनाम राखेका तामाङले किरात जनवादी वर्कर्स र माओवादीका पूर्व लडाकुसँग मिली संगठन विस्तार गरिरहेको प्रहरीले पत्रकार सम्मेलनमार्फत जनाएको छ ।
नेपालमा हिरासतमा दिइने यातनाको क्रम बढ्दै गएको अध्ययन सार्वजनिक(२०६९ आषाढ १३, बुधवार)
हिरासतमा दिइने यातनाको क्रम बढ्दै गएको एक अध्ययनले देखाएको छ । 'नेपालमा महिलामाथिको यातना, कानुनी अस्पष्टता र महिला पीडाप्रति राज्यको उदासीनता' विषयक प्रतिवेदन सार्वजनिक गर्दै वकालत मञ्चले उक्त तथ्य जनाएको हो । राष्ट्रसंघीय यातना पीडित सहायतार्थ दिवसका अवसरमा सोमबार उक्त प्रतिवेदनलाई यातना पीडित कल्पना भण्डारीले सार्वजनिक गरेकी हुन् । प्रतिवेदनअनुसार सन् २०१० को पहिलो छ महिनामा यातनाका घटना पहिलेको तुलनामा ७ प्रतिशतले वृद्धि भएको थियो भने दोस्रो ६ महिनामा १३.३ प्रतिशतले बढेको देखाएको छ ।
एमाओवादीका पुष्पकमल दाहालले प्रधानमन्त्री भट्टराईले दलहरुका सम्बन्धमा दिएको अभिब्यक्तिप्रति असन्तुष्टि (२०६९ आषाढ १३, बुधवार)
एमाओवादी अध्यक्ष पुष्पकमल दाहालले प्रधानमन्त्री बाबुराम भट्टराईले दलहरुका सम्बन्धमा दिएको अभिब्यक्तिप्रति असन्तुष्टि जनाएका छन् । उनले सो विषयमा प्रधानमन्त्री भट्टराईसँग कुरागर्ने जनाएका छन् । दाहालले भट्टराईको पछिल्लो अभिब्यक्ति आफूसँग सल्लाहनै नगरेर राखेको बताएका छन् । कांग्रेस उपसभापति रामचन्द्र पौडेलेको स्वास्थ्य अवस्थाका बुझ्न शिक्षण अस्पताल महारजागञ्ज पुगेका दाहालले भट्टराईले दिएका अभिब्यक्ति आफू र पार्टीसँगको सल्लाहमा नआएको बताए । भेटपछि सञ्चारकर्मीसँग कुरागर्दै उनले भने, प्रधानमन्त्रीले म सँग कुनै सल्लाह गर्नु भएको छैन ।
आगामी निर्वाचनमा विद्युतीय यन्त्रद्वारा मतदान गराउने व्यवस्था(२०६९ आषाढ १३, बुधवार)
निर्वाचन आयुक्त डा अयोधीप्रसाद यादवले आगामी निर्वाचनमा आयोगले विद्युतीय यन्त्रद्वारा मतदान गराउने व्यवस्था गर्न लागेको बताएका छन् । राजविराजमा मंगलबार आयोजित अन्तर्क्रियामा आयुक्त डा यादवले निर्वाचनलाई विश्वसनीय, तटस्थ, स्वच्छ र छिटोछरितो बनाउने लक्ष्यअनुरुप आयोगले यसो गर्न लागेको जानकारी दिए । उनले संसारका राम्रा निर्वाचनमध्ये नेपालको निर्वाचन आयोग बनाउने ध्येयका साथ विद्युतीय यन्त्रद्वारा मतदान गराउने व्यवस्था गर्न खोजिएको पनि बताए ।
बेलायतका अन्तर्राष्ट्रिय विकाससम्बन्धी राज्यमन्त्री एलन डङ्कन नेपालको तीनदिने औपचारिक भ्रमणमा(२०६९ आषाढ १३, बुधवार)
doncanबेलायतका अन्तर्राष्ट्रिय विकाससम्बन्धी राज्यमन्त्री एलन डङ्कन नेपालको तीनदिने औपचारिक भ्रमणका क्रममा मंगलबार आइपुगेका छन् । त्रिभुवन अन्तर्राष्ट्रिय विमानस्थलमा रासससँग सङ्क्षिप्त कुरा गर्दै उनले नेपालको गरिबी न्यूनीकरणमा आफ्नो मुलुकले गरेको सहयोगको समीक्षाका साथै भावी रणनीति तय गर्न भ्रमण फलदायी हुने बताए । नेपालका राजनीतिक दलका शीर्ष नेताहरूसँग बेग्लाबेग्लै भेटेर राजनीतिक सहमतिमा पुग्न उनीहरूलाई अनुरोध गर्ने उल्लेख गर्दै उनले विकास परियोजनामा सघाइरहेका बेलायती सङ्घसंस्थाका प्रतिनिधिसँग पनि भेटवार्ता गर्ने कार्यक्रम रहेको बताए ।
मातृका यादव अध्यक्ष रहेको नेकपा माओवादीमा फूट(२०६९ आषाढ १२, मंगलवार)
मातृका यादव अध्यक्ष रहेको नेकपा माओवादीका २८ जिल्ला सेक्रेटरीहरुले नयाँ संयुक्त क्रान्तिकारी मोर्चा गठन गरेका छन् । पार्टी अध्यक्ष यादवको नेतृत्वमा एकाधिकारबादी, मनोगत र गोलचक्करवादी चिन्तन भएको आरोप लगाउँदै उनीहरुले माओवादीबाट अलग भएको बताएका छन् । मंगलबार पत्रकार सम्मेलन गरेर उनीहरुले २०५२ सालमा सुरु भएको जनयुद्ध चुनवाङ वैठक हुँदै १२ बुँदै दिल्ली सम्झौतामा लगेर जनयुद्धको अवसान गराएको र कथित बृहत शान्ति सम्झौतासम्म आईपुग्दा माओवादी पार्टीको अस्तित्व समाप्त पछि यादवको नेतृत्वमा नयाँ जनवादी क्रान्ति सम्पन्न गर्ने मुल उद्देश्यका साथ नयाँ पार्टीको गठन भए पनि यादवको संकिर्ण स्वभाव, फूट परस्त स्वभाव र वैज्ञानिक अडान नभएको कारण आफूहरुले नयाँ मोर्चा गठन गर्नुपरेको दावी गरेका छन् ।
प्रधानमन्त्री भट्टराईको निर्वाचन भएर अर्को संसद् आउँदासम्म आफ्नो राजीनामा नआउने धारणाप्रति विपक्षी दलहरूले कडा आपत्ति(२०६९ आषाढ १२, मंगलवार)
प्रधानमन्त्री बाबुराम भट्टराईको निर्वाचन भएर अर्को संसद् आउँदासम्म आफ्नो राजीनामा नआउने धारणाप्रति विपक्षी दलहरूले कडा आपत्ति जनाएका छन् । आफू हटेमा माघ १९ को घटनाक्रम पुनरावृत्ति हुने भनी दिएको अभिव्यक्ति प्रधानमन्त्रीको सत्तालिप्साको पराकाष्ठा भएको उनीहरूको ठहर छ । प्रधानमन्त्रीले राजनीतिक र संवैधानिक शून्यताको फाइदा उठाएर सत्ता कब्जाको अभ्यास थालेको भन्दै विपक्षी दलहरूले राजनीतिक सहमतिविपरीत राजीनामा दिन्न भन्नु उनकै बालहठ रहेको बताए ।
वर्षासंगै नदीमा जलप्रवाह बढेपछि अब दैनिक ५ घण्टामात्र लोडसेडिङ हुने(२०६९ आषाढ १२, मंगलवार)
नेपाल विद्युत प्राधिकरणले भोलीबाट लागु हुने गरी फेरि दिनको एक घण्टाको दरले लोडसेडिङ घटाएको छ । वर्षासंगै नदीमा जलप्रवाह बढेपछि प्रधिकरणले अब दैनिक ५ घण्टामात्र लोडसेडिङ हुने गरी घटाएको हो । खपत भन्दा अझै ३ सय ७० मेगावाट बिजुली आपूर्ति कम रहेकाले लोडसेडिङ पूर्ण रुपमा भने हटाउन नसकिएको प्राधिकरणले जनाएको छ ।
डोटीको छतिवनमा भएको माइक्रो दुर्घटनामा १० यात्रुको मृत्यू(२०६९ आषाढ १२, मंगलवार)
डोटीको छतिवन गाबिस ९ रुबसकाडामा मंगलबार बिहान भएको माइक्रो दुर्घटनामा १० यात्रुको मृत्यू भएको छ । अन्य ७ जना घाइते छन् । दुर्घटनामा मृत्यू हुनेमा ८ पुरुष र २ महिला छन् । डडेल्धुराबाट महेन्द्रनगरतर्फ जाँदै गरेको से १ ख ५०२ नम्बरको हाइस माइक्रो सडकबाट पल्टिएर बिहान सबा ८ बजे दुर्घटना भएको हो । घटनास्थलमा रहेका प्रहरी चौकी बुडरका प्रहरी साहायक निरीक्षक दान सिं भाटका अनुसार माइक्रो सडकबाट २ सय मिटर तल खसेको छ ।
व्यवस्थित ढल निकास नभएकाले वर्षाको पानी जमेर जिल्ला अस्पताल सिरहा जलमग्न(२०६९ आषाढ १२, मंगलवार)
व्यवस्थित ढल निकास नभएकाले वर्षाको पानी जमेर जिल्ला अस्पताल सिरहा जलमग्न भएको छ । अस्पताल परिसर, ल्याब परीक्षण कक्ष, औषधी वितरण, यात्रु प्रतीक्षालय, ओपिडि र अन्तरङ्ग कक्षसमेत जलमग्न भएको हो । अस्पतालमा पानी जमेपछि बिरामीहरूको उपचार प्रभावित भएको अन्तरङ्ग विभागमा कार्यरत चिकित्सकहरूले बताए । पानी जमेकाले रातिको समयमा बस्न डर नसकिने भएको छ अस्पताल भर्ना भएकी सिरहा ७ की मुसहरनीदेवी यादवनीले बताइन् ।
एमालेद्धारा कांग्रेसलाई एक साताभित्र राष्ट्रिय सहमतिको सरकारका लागि प्रधानमन्त्रीको उमेदवार प्रस्तुत गर्न सल्लाह(२०६९ आषाढ ११, सोमवार)
नेकपा एमालेका सचिव शंकर पोखरेलले कांग्रेसलाई एक साताभित्र राष्ट्रिय सहमतिको सरकारका लागि प्रधानमन्त्रीको उमेदवार प्रस्तुत गर्न सल्लाह दिएका छन् । उनले कांग्रेसले त्यसो नगरे आफूहरूले वैकल्पिक प्रधानमन्त्रीको नाम अगाडि सार्ने चेतावनी पनि दिए । रिपोर्टर्स क्लबमा सोमबार सचिव पोखरेलले कांग्रेसको नेतृत्वमा कुनै विवाद नभए पनि उसले उम्मेदवारी तय नगर्ने हो भने अरू दलको नेतृत्वमा सहमति गर्न आग्रह गरे । उनले भने- यसरी कामचलाउ सरकारलाई लामो समय राखिरहन मिल्दैन ।
अविरल वर्षाका कारण सप्तकोसी नदीमा पानीको बहाव उच्च(२०६९ आषाढ ११, सोमवार)
पूर्वी पहाडी जिल्लाहरुमा परेको अविरल वर्षाका कारण सप्तकोसी नदीमा पानीको सहत बढेको छ । कोसी व्यारेज नियन्त्रण कक्षका अनुसार आज बिहान सवा १० बजे कोसीमा पानीको बहाब १ लाख ३८ हजार ५ सय ४३ क्युसेक प्रतिसेकेण्ड मापन गरिएको छ । बराहक्षेत्रमा पानीको सतह बढ्दै गएकोले दिउँसो सम्ममा पानीको बहाब अझै बढन सक्ने कोसी ब्यारेज नियन्त्रण कक्षका अधिकारीहरुले जनाएका छन् ।
नवगठित नेकपा माओवादीको पोलिटब्यूरो बैठकले सीपी गजुरेललाई उपाध्यक्ष तथा देव गुरुङ र नेत्रविक्रम चन्द विप्लवलाई सचिव(२०६९ आषाढ ११, सोमवार)
नेकपा माओवादीको पोलिटब्यूरो बैठकले सीपी गजुरेललाई उपाध्यक्ष तथा देव गुरुङ र नेत्रविक्रम चन्द विप्लवलाई सचिव बनाएको छ । नवगठित नेकपा माओवादीको आइतवार बसेको पोलिटब्यूरो बैठकले सो निर्णय गरेको हो । स्थायी समितिमा पनि केही नेता बढुवा गर्न तयारी भएपनि केन्द्रिय समितिमा थप भएमात्रै पोलिटब्यूरो सदस्यलाई स्थायी समितिमा लैजाने नभए पोलिटब्यूरोलाई शक्तिशाली बनाउने तयारी भैरहेको छ । प्रचण्डले मनपरी ढंगले जिम्मेवारी दिएकोले अहिले मिलाउन समस्या बैठक स्रोतले जनाएको छ ।
"रियो प्लस टवान्टी" मा सहभागी भई प्रधानमन्त्री बाबुराम भटटराई स्वदेश फर्के(२०६९ आषाढ ११, सोमवार)
ब्राजिलको रियो दि जेनेरियोमा सम्पन्न दीगो विकाससम्बन्धी राष्ट्रसंघीय सम्मेलन "रियो प्लस टवान्टी" मा सहभागी भई प्रधानमन्त्री बाबुराम भटटराई सोमबार दिउँसो स्वदेश फर्केका छन। उनी जेट एयरवेजमा पउने तीन बजे काठमाडौं हुन। बुधबारबाट सुरु भएको सम्मेलनलाई सोही प्रधानमन्त्री भटटराईले सम्बोधन गरेका थिए । तीन दिने सम्मेलनको दोस्रो दिन उनले अल्पविकसित राष्ट्र समूह र हिमाली देशहरुको समुहलाई सम्बोधन गरेका थिए ।
आगामी मङ्सिर ७ गतेसम्म नभए चैतसम्म निर्वाचन गर्न सकिने निर्वाचन आयुक्तको भनाई(२०६९ आषाढ १०, आइतवार)
कार्यवाहक प्रमुख निर्वाचन आयुक्त नीलकण्ठ उप्रेतीले आगामी मङ्सिर ७ गतेसम्म नभए चैतसम्म निर्वाचन हुने बताएका छन्। उप्रेतीले मङ्सिर ७ गतेका लागि तोकिएको निर्वाचनको कार्यक्रममा दलहरु तयार नभए निर्वाचन असम्भव हुने बताउँदै चैतसम्म जुनसुकै हालतमा निर्वाचन गर्नुपर्नेमा जोड दिए। जिविसमा कर्मचारीसँगको भेटघाट कार्यक्रममा बोल्दै उनले संविधानसभाको दोस्रोपटक निर्वाचन गर्न संविधानमा अधिकार नदिइएको बताउँदै संविधान र ऐनको व्यवस्था भयो भने मङ्सिर ७ गते नै निर्वाचन गर्न सकिने बताएका हुन्।
पार्टी पुटाएपछि अध्यक्षको हैसियतमा नेकपा-माओवादीका अध्यक्ष वैद्यद्धारा पहिलो पटक राष्ट्रपतिलाई भेट(२०६९ आषाढ १०, आइतवार)
नेकपा-माओवादीका अध्यक्ष मोहन वैद्य सहितका नेताहरु आइतबार राष्ट्रपति रामवरण यादवलाई भेटेका छन् । पार्टी पुटाएपछि अध्यक्षको हैसियतमा वैद्यले पहिलो पटक राष्ट्रपतिलाई भेटेका हुन् । वैद्यसंगै महासचिव रामबहादुर थापा,सीपी गजुरेल, देव गुरुङ र नेत्रबिक्रम चन्दपनि राष्ट्रपतिलाई भेट्न शितल निवास पुगेका थिए । वैद्यले सरकार कामचलाउ भएकाले विकल्प खोज्न राष्ट्रपति समक्ष आग्रह गरेका छन् ।
गंभीर विरामी नेपाली कङ्ग्रेसका उपसभापति रामचन्द्र पौडेललाई आइसीयुमा(२०६९ आषाढ १०, आइतवार)
ramchandra paudelगंभीर विरामी नेपाली कङ्ग्रेसका उपसभापति रामचन्द्र पौडेललाई अझै तीन दिन सघन उपचार कक्ष (आइसीयु) मा राखी उपचार गर्नुपर्ने चिकित्सकले बताएका छन्। घाँटीको समस्या देखिएपछि आज बिहान उनलाई त्रिभुवन विश्वविद्यालय शिक्षण अस्पताल लगिएको थियो। पौडेलमा निमोनिया र उच्च रक्तचापको समस्या रहेको देखिएको वरिष्ठ फिजिसियन डा. करवीरनाथ योगीले बताए।
कालो सूचिमा पर्नबाट जोगियो नेपाल(२०६९ आषाढ १०, आइतवार)
काठमाडौ, १० असार कालो धनलाई सेतो बनाउनबाट रोक्न दुई कानुन अध्यादेशमार्फत जारी गरेपछि नेपाल कालोसूचिमा पर्नबाट जोगिएको छ । 
एसएलसी परीक्षा अनुत्तीर्ण हुने विद्यार्थीले अब टी एसएलसी अर्थात् प्राविधिक एसएलसी दिएर उच्च शिक्षा अध्ययन गर्न पाउने (२०६९ आषाढ ९, शनिवार)
एसएलसी परीक्षा अनुत्तीर्ण हुने विद्यार्थीले अब टी एसएलसी अर्थात् प्राविधिक एसएलसी दिएर उच्च शिक्षा अध्ययन गर्न पाउने भएका छन् । प्राविधिक शिक्षा तथा व्यावसायिक तालिम परिषद् (सिटिइभिटी) ले त्यस्ता विद्यार्थीलाई उच्च शिक्षा अध्ययनको अवसर प्रदान गर्न ७५ वटै जिल्लामा कार्यक्रम सञ्चालन गरेको छ । सिटिइभिटीले मुलुकभर प्राविधिक शिक्षाको विस्तार गर्न तथा एसएलसी अनुत्तीर्ण विद्यार्थीलाई लक्षित गरी यो वर्षदेखि ७५ वटै जिल्लामा एनेक्स कार्यक्रम सञ्चालनमा ल्याएको हो ।
एकीकृत माओवादीका पुष्पकमल दाहाल प्रचण्डद्धारा पार्टी फुटाउनेहरु ईतिहासको पानामा सिमित हुने चेतावनी(२०६९ आषाढ ९, शनिवार)
एकीकृत नेकपा माओवादीका अध्यक्ष पुष्पकमल दाहाल प्रचण्डले ब्यक्तिगत सनक र आवेगको भरमा पार्टी फुटाउनेहरु ईतिहासको पानामा सिमित हुने चेतावनी दिएका छन् । किर्तिपुरमा आज आयोजित सभालाई संबोधन गर्दै प्रचण्डले पार्टी फोडेर जानेलाई नेपाली जनताले साथ नदिने बताए । बैद्य पक्षलाई पार्टी एकताकोलागी आब्हान गर्दै प्रचण्डले मोहन बैद्य किरणलाई कुनै तत्वले घुमाईरहेको भन्दै घुम्न छाडेर यथार्थमा आएपछि बास्तविकता थाहाँ हुने दावी गरे । 
मधेशी फोरम लोकतान्त्रिकको भ्रातृ संगठन मधेशी मुस्लिमका सम्पूर्ण सदस्यद्धारा पार्टी परित्याग गरेको घोषणा(२०६९ आषाढ ९, शनिवार)
मधेशी जन अधिकार फोरम लोकतान्त्रिकको भ्रातृ संगठन मधेशी मुस्लिम फोरम लोकतान्त्रिक केन्द्रिय समितिका सम्पूर्ण सदस्यले आज सर्लाहीमा पत्रकार सम्मेलन गरी पार्टी परित्याग गरेको घोषणा गरेको छन् । मुस्लिम फोरमका केन्द्रिय अध्यक्ष शेष अजिजले आज दिउँसो लालबन्दीमा पत्रकार सम्मेलन गर्दै आफ्नो समितिका सबै २५ जनाले मधेशी जन अधिकार फोरम लोकतान्त्रिक पार्टी परित्याग गरेको घोषणा गर्नु भएको हो ।
भट्टराई सरकारले घोषणा गरेको निर्वाचन वैधानिक: पौडेल (२०६९ आषाढ ९, शनिवार)
प्रधानमन्त्रीका प्रमुख राजनीतिक सल्लाहकार देवेन्द्र पौडेलले स्पष्ट रुपमा बहुमत प्राप्त सरकारले घोषणा गरेको निर्वाचन संबैधानिक भएको दावि गरेका छन । रिर्पार्टस क्लव लुम्बिनीद्वरा शनिवार बुटवलमा आयोजि साक्षात्कार कार्यक्रममा बोल्दै उनले बर्तमान अवस्थामा ताजा जनादेशमा जानु बाहेक अर्को विकल्प नभएको समेत बताए । संविधानसभामा प्रतिनिधित्व गर्ने ३३ दलमध्ये १९ दलको सर्मथनमा पुर्ण बहुमत प्राप्त सरकारले घोषणा गरेको निर्वाचनलाई असंवैधानिक भन्नु पुर्वाग्रह बाहेक अरु केहि हुन नसक्ने उनको तर्क छ ।
नाम मात्रैको नागरिक बडाप(२०६९ आषाढ ९, शनिवार)
घरको नक्शा प्रमाणित गर्ने काम लिएर २६ बैशाखको मध्यान्ह टण्टलापुर घाममा बुटवल- १३ कालिकानगरका रामबहादुर लम्साल नगरपालिका कार्यालय पुगे ।
भविष्यका कर्णधार मानिने स्कूले विद्यार्थीहरु लागू औषधको शिकार हुने क्रम बढ्दै गएको भन्दै सरोकारवालाहरुद्धारा चिन्ता व्यक्त(२०६९ आषाढ ९, शनिवार)
भविष्यका कर्णधार मानिने स्कूले विद्यार्थीहरु लागू औषधको शिकार हुने क्रम बढ्दै गएको भन्दै सरोकारवालाहरुले चिन्ता व्यक्त गरेका छन् । राजधानीमा मात्रै माध्यामिक तथा उच्च माध्यामिकका तहका १२ हजार विद्यार्थी लागू पदार्थको कुलतमा फसेको अनुमान गरिएको छ । लागू औषध दुव्र्यसन तथा अवैध ओसारपसार विरुद्ध अन्तर्राष्ट्रिय दिवसको अवसरमा गोरखा भूतपूर्व सैनिक संघ, उपत्यका महिला समितिले आज राजधानीमा गरेको कार्यक्रममा नार्कोनन नेपालका अध्यक्ष बसन्त कुँवरले लागू औषधको अवैध बेचबिखन गर्नेहरुले सात कक्षादेखि प्लस टु का विद्यार्थीहरुलाइ शिकार बनाईरहेको बताउनुभयो ।