arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
नेकपा एमाले र नेकपा माओवादी केन्द्रको संयुक्त बाम गठबन्धनको सरकार केपी शर्मा ओलीको नेतृत्वमा पाँच वर्ष चल्दा ठीक कि आधा समय अर्थात साढे २ वर्षपछि नेकपा माओवादी केन्द्रका पुष्पकमल दाहालको नेतृत्वमा पुन: आलोपालो सरकारको निरन्तरता दिन ठीक ?

आलोपालो ठीक
ओलीको निरन्तरता ठीक
थाहा भएन
हुनेवाला केही होइेन

भोट दिनुहोस् परिणाम हेर्नुहोस्
पुराना मत परिणामहरु
PropellerAds
बिज्ञापनहरु
 
राष्ट्रिय समाचार
शिव सेना नेपालका कार्यकर्ताद्धारा नागरिक दैनिकको कार्यालयमा आक्रमण(२०६९ पौष ५, विहीवार)
आफूलाई शिव सेना नेपालका कार्यकर्ता बताउने एक समूहले नागरिक दैनिकको काठमाडौ सुन्धारास्थित कार्यालयमा आज आक्रमण गरेको छ ।
तत्काल राजिनामा नदिने : प्रधानमन्त्री (२०६९ पौष ५, विहीवार)
प्रधानमन्त्री डाक्टर बाबुराम भट्टराईले आफुले तत्काल राजिनामा नदिने बताउनु भएको छ । आफुले राजिनामा दिंदा मुलुक संकटमा फस्ने दाबी गर्देै उहाले सत्तारुढ दलले पनि राजिनामा नदिन सुझाव दिएको उहाको भनाई छ । 
धादिङको धार्केमा ठूलो संख्यामा भकाभक कुखुराहरु मर्नुको कारण बर्डफ्लु: कृषि मन्त्रालय (२०६९ पौष ५, विहीवार)
धादिङको धार्केमा ठूलो संख्यामा भकाभक कुखुराहरु मर्नुको कारण बर्डफ्लु नै रहेको कृषि मन्त्रालय स्रोतले जनाएको छ । बर्डफ्लुका कारण रहेको पुष्टि भइसक्यो, आधिकारिक घोषण हुन बाँकी छ, नाम उल्लेख गर्न नचाहने मन्त्रालयका अधिकारीले बताए । मन्त्रालयले पत्रकार सम्मेलन गरी औपचारिक घोषणा गर्ने संभावना छ । धार्केस्थित लक्ष्मी पोखरेलको खोरमा रहेका कुखुरा मध्य ७ सय कुखुरा बुधबार डोजरको सहायताले खाडल खनेर नष्ट गरिएको थियो । केही दिन अगाडि पोखरेलकै खोरबाट केन्द्रीय पशु प्रयोगशालामा मरेका कुखुराको रोग पहिचान गर्न लगिएको थियो ।
हात्ती मार्ने प्रयास अझै सफल भएन,,आज सर्वपक्षिय वैठक हुदै (२०६९ पौष ५, विहीवार)
चितवनको माडीमा आतंक मच्चाउने धु्रवे नाम गरेको हात्ती मार्ने निकुञ्ज प्रसासन र सेनाको टोलीको प्रयास अझै सफल हुन सकेको छैन । धु्रवेलाई मार्नका लागी नेपाली सेना र प्राविधिकको टोली खटिरहेको छ । निरन्तर रुपमा निगरानी गरिरहेपनि धु्रवे निकै बाठो भएकाले गोली हानेर मार्ने प्रयास सफल हुन नसकेको निकुञ्ज प्रसासनले जनाएको छ । जंगलमा झाडी र ठुला रुख भएकाले हात्ती देख्न मुस्किल भएको निकुञ्जका रेञ्जर विष्णु थपलियाले जानकारी दिनु भयो । सो हात्तीलाई गोली लागी घाईते भएको भन्ने हल्लालाई निकुञ्जले भने पुष्टी गरेको छैन। यसैबीच धनजनको क्षती पुऱ्याउने हात्ती मार्नु पर्ने मुख्य माग राखेर आन्दोलित वनेका माडीवासीले आज भरतपुरमा सर्वपक्षिय छलफल गर्दैछन् । हिजो भरतपुरमा भएको सर्वपक्षिय वैठकमा मृतकका परिवारलाई ६ लाख दिने र परिवारका एक जना सदस्यलाई रोजगारी दिने सहमती गरेपछि सो सहमतीमा असहमती जनाएका माडीवासीले आज सदरमुकामै गएर  छलफल गर्न लागेका हुन् । 
२०६९ माघ मसान्तसम्म १८ वर्ष उमेर पुगेका सबै नागरिकलाई आउँदो निर्वाचनमा मताधिकार पाउने(२०६९ पौष ५, विहीवार)
निर्वाचन आयोगले २०६९ माघ मसान्तसम्म १८ वर्ष उमेर पुगेका सबै नागरिकलाई आउँदो निर्वाचनमा मताधिकार दिने भएको छ । निर्वाचन ऐन, कानुन संशोधन प्रस्तावमा उक्त मितिलाई उमेर सीमा तोकिएको हो । सरकारले वैशाखमा निर्वाचन गर्ने भनेअनुसार तयारी गरिएको आयोगका पदाधिकारीले जनाएका छन् । 'वैशाखमा चुनावका लागि तयारी गर्न निर्देशन पायौं,' कार्यवाहक प्रमुख निर्वाचन आयुक्त दोलखबहादुर गुरुङले कान्तिपुरसित भने, 'मुख्यतः संविधान, ऐन, कानुनका बाधा फुकाउन, निर्वाचन मिति घोषणा गर्न र आयुक्त छिटो नियुक्ति हुनुपर्छ भनेर सरकार र राष्ट्रपतिज्यूको ध्यानाकर्षण गराइसकेका छौं ।'
राजनीतिक गतिरोध अन्त्य गरी सहमतिको सरकार बनाउन प्रमुख दलका शीर्ष नेताहरुबीच पटक-पटक अनौपचारिक छलफल (२०६९ पौष ५, विहीवार)
राजनीतिक गतिरोध अन्त्य गरी सहमतिको सरकार बनाउन प्रमुख दलका शीर्ष नेताहरुबीच पटक-पटक अनौपचारिक छलफल भएको छ । एकीकृत माओवादीका अध्यक्ष पुष्पकमल दाहाल, कांग्रेस सभापति सुशील कोइराला र एमाले अध्यक्ष झलनाथ खनाल तथा एमाले वरिष्ठ नेता माधवकुमार नेपालबीच आज विहानैदेखि पटकपटक छलफल भएको हो । विहान नयाँ बानेश्वरस्थित एक जना ब्यापारीको घरमा एमाओवादी अध्यक्ष प्रचण्ड, कांग्रेस सभापति कोइराला, एमाले अध्यक्ष खनाल र एमाले बरिष्ठ नेता नेपालबीच गोप्य वार्ता भएको थियो । अपरान्ह प्रचण्ड निवासमा उनीबीच छलफलको थियो ।
काठमाडौँ उपत्यकासहित देशभर अत्यधिक चिसो, जनजीवन बढी प्रभावित(२०६९ पौष ४, बुधवार)
काठमाडौँ उपत्यकासहित देशभर आज अत्यधिक चिसो बढेको छ। चिसोका कारण उपत्यका र तराई क्षेत्रको जनजीवन बढी प्रभावित बनेको छ । उपत्यकामा हुस्सु लाग्न सुरु भएको छ। बिहान कलेज जाने विद्यार्थी र तरकारी व्यापारी यसबाट बढी प्रभावित भएका छन्। आजबाट उपत्यकामा हुस्सु लाग्न सुरु भएको र उपत्यकासहित देशभर चिसो बढेको मौसमविद् राजेन्द्रप्रसाद श्रेष्ठले बताए । उनका अनुसार उपत्यकामा एकसातासम्म हुस्सु लाग्ने र त्यसपछि पानी पर्न सक्छ। तराईमा तुँवालो र हुस्सु लम्बिने भएकाले चिसो अझै बढ्नेछ।
आतंक मच्चाउंदै आएको ध्रुवेलाई तत्काल मार्न माग गर्दै चितवनमा प्रदर्शन(२०६९ पौष ३, मंगलवार)
चितवनको माडी क्षेत्रमा आतंक मच्चाउंदै आएको जंगली हात्ती मार्न गाविसले कुनै पहल नगरेको भन्दै स्थानीय वासिन्दाले गर्दी गाविसको कार्यालयमा तोडफोड गरेका छन् । उनीहरुले कार्यालयमा रहेका कागजपत्र र फर्निचर पनि जलाउनुका साथै इलाका प्रहरी कार्यालयमा पनि तोडफोड गरेका छन् । माडीवासीको प्रदर्शनका कारण माडी क्षेत्र आज दिनभर तनाब ग्रस्त बनेको छ । त्यस क्षेत्रमा आंतक मच्चाउंदै आएको ध्रुवे नामको हात्तीलाई तत्काल मार्न माग गर्दै उनीहरुले गत आईतबारदेखि प्रदर्शन गर्दै आएका हुन् ।
द्वन्द्व प्रभावित व्यक्ति परिवार तथा संरचनाको लगत संकलन कार्यदलले तयार पारेको प्रतिवेदनमा मृतक एवं बेपत्ता भनिएका ३ हजार ९ सय व्यक्तिहरु जीवितै रहेको पुष्टि(२०६९ पौष ३, मंगलवार)
नेपाल सरकारले बेपत्ता भएका र मरिसकेका व्यक्तिहरुको सूचिमा राखेका ३ हजार ९ सय मानिस जिउँदै फेला परेका छन् ।शान्ति मन्त्रालयअन्तर्गतको द्वन्द्व प्रभावित व्यक्ति परिवार तथा संरचनाको लगत संकलन कार्यदलले तयार पारेको प्रतिवेदनमा मृतक एवं बेपत्ता भनिएका ३ हजार ९ सय व्यक्तिहरु जीवितै रहेको पुष्टि भएपछि शान्ति मन्त्रालयले धेरै वर्ष लगाएर तयार पारेको द्वन्द्वपीडितहरुको प्रतिवेदन झुठको पुलिन्दामा परिणत भएको छ ।सशस्त्र द्वन्द्वका क्रममा प्रभावित भएकाहरुको विवरण संकलन गर्ने जिम्मा पाएको कार्यदलको प्रतिवेदनमा समावेश गरिएको विवरण झुठो प्रमाणित भएपछि शान्ति मन्त्रालयले यसलाई तुरुन्त सच्याउन निर्देशन दिएको छ । कार्यदलको प्रतिवेदनमा समावेश विवरण गलत पाइएपछि सच्याउन निर्देशन दिएका छौं, -मन्त्रालयका उपसचिव प्रेमप्रसाद सञ्जेलले भन्नुभयो ।
भट्टराई नेतृत्वको सरकारलाई वर्खास्त गरेर राष्ट्रपतिले अविलम्व सहमतिको सरकार गठन गर्नुपर्ने एमालेका नेता भीम रावलको भनाइ (२०६९ पौष ३, मंगलवार)
एमालेका नेता भीम रावलले प्रधानमन्त्री बाबुराम भट्टराई नेतृत्वको सरकारलाई वर्खास्त गरेर राष्ट्रपतिले अविलम्व सहमतिको सरकार गठन गर्नुपर्ने बताएका छन् ।धनगढीमा आज विहान पत्रकारसँग कुरा गर्दै नेता रावलले प्रधानमन्त्री भट्टराईले एकलौटी र स्वेच्छाकारी ढंगले काम गरेर देशलाई मुडभेडको अवस्थामा पुराएको आरोप लगाए । बाबुराम भट्टराईका कारण मुलुक जटिलता तर्फ उन्मुख भएको छ, उनले भने, राष्ट्रपतिले दलहरुलाई साथमा लिएर सहमतिको राष्ट्रिय सरकार गठन गर्नुपर्छ ।उनले प्रधानमन्त्री भट्टराईले आफ्नै पार्टी अध्यक्षको कुरा नमानेर एकलौटी रुपमा शासन गर्न खोजेको उल्लेख गरे । भट्टराईकै कारण दलहरुबीच भएको सहमति कार्यान्वयन हुन नसकेको नेता रावलको भनाई थियो ।वैशाखमा चुनाव हुन नसक्ने बताउँदै नेता रावलले जेठ वा कात्तिकमा चुनाव गर्ने गरी पूर्व प्रधानन्यायधीशको नेतृत्वमा ६ महिनाका लागि चुनावी सरकार गठन गर्न सकिने उल्लेख गरे ।
सहमतीय सरकार गठनका लागि दलहरु असफल - प्रमुख दलका शीर्ष नेताले राष्ट्रपति डा.रामवरण यादवसँग पाँचौ पटक सयमय थपिदिन आग्रह(२०६९ पौष ३, मंगलवार)
प्रमुख दलका शीर्ष नेताले राष्ट्रपति डा.रामवरण यादवसँग सहमतीय सरकार गठनका लागि पुनः समय माग गरेका छन् ।राष्ट्रपति कार्यालय शीतल निवासमा आज विहान भएको भेटबार्तामा प्रमुख चार दलका शीर्ष नेताहरुले पाँचौ पटक समय माग गरेका हुन् । उनीहरुले सहमतीय सरकार गठनका लागि समय अपुग भएको भन्दै तीनदेखि पाँच दिनको समय माग गरेका हुन् ।सहमतिका लागि पुनः तीनदेखि पाँच दिनको समय राष्ट्रपतिसँग माग गरेका छौं, उनले भने । 
प्रधानमन्त्रीले सहमतिको वातावरण विगारेको काँग्रेसको आरोप, दलहरुवीच सहमति हुने सम्भावना क्षीण(२०६९ पौष २, सोमवार)
नेपाली काँग्रेसले सहमतीय सरकार निर्माणका लागि प्रधानमन्त्री डा. बाबुराम भट्टराई बाधक बनेको आरोप लगाएको छ । महाराजगञ्जस्थित सभापति सुशील कोइरालाको निवासमा सोमवार बसेको काँग्रेस पदाधिकारीको वैठकले काँगेस र एमाओवादीवीच आइतवार भएको सहमतिवाट पछि हटेर प्रधानमन्त्रीले राजीनामा दिन अस्वीकार गरेकाले सहमतिको वातावरण फेरि बिग्रिएको निष्कर्ष निकालेको हो ।वैठकपछि सञ्चारकर्मीहरुसंग कुराकानी गर्दै काँग्रेस नेता डा रामशरण महतले एकीकृत माओवादीका उपाध्यक्ष समेत रहेका वर्तमान प्रधानमन्त्री बाबुराम भट्टराईले एमाओवादीसंग भएको सहमतिलाई अस्वीकार गर्दै राजीनामा नदिने वताएपछि सहमतिको वातावरण तत्कालका लागि बिग्रिएको वताउनुभयो । उहाँले भन्नुभयो,प्रचण्डजीसंग आइतवार भएको छलफलमा जुन सहमति भएको थियो, त्यो सहमति प्रधानमन्त्रीले नमानेपछि सहमति नजिक पुगेका दलहरुवीच फेरि केही  दुरी वढ्न थालेको छ । यसले मुलुकलाई हित गर्दैन ।
राजपरिषद् स्थायी समितिका सभापति केशरजंग रायमाझीको ९३ वर्षको उमेरमा निधन(२०६९ पौष २, सोमवार)
 
राजपरिषद् स्थायी समितिका सभापति केशरजंग रायमाझीको ९३ वर्षको उमेरमा निधन भएको छ।
राष्ट्रिय सहमति कायम गर्ने विषयमा प्रचण्ड, नेपाल र सिटौलावीच गोप्य छलफल(२०६९ पौष २, सोमवार)
राष्ट्रिय सहमति कायम गर्ने विषयमा एकीकृत नेकपा माओवादीका अध्यक्ष पुष्पकमल दाहाल प्रचण्ड, एमाले बरिष्ठ नेता माधव कुमार नेपाल र काँग्रेस महामन्त्री कृष्ण प्रसाद सिटौलावीच छलफल भएको छ । माओवादी अध्यक्ष प्रचण्डको निवास लाजिम्पाटमा सोमवार विहान भएको छलफलमा भएका सहमतिलाई लिपिबद्ध कसरी गर्ने भन्नेवारे कुराकानी भएको छ ।तीन नेतावीच भएको छलफलमा आजसाँझसम्म पनि सहमतिलाई लिपिबद्ध गर्न नसकिए राष्ट्रपतिलाई पुनः समय थप लगाउने वा अरु कुनै उपाय खोज्ने भन्ने विषयमा समेत छद्धलफल भएको स्रोतले जनाएको छ । राजनीतिक सङ्कटको समाधानका लागि आजै साँझ बस्ने प्रमुख दलहरुको बैठकले सहमति जुटाउने प्रचण्डका सहयोगी शिव खकुरेलले जानकारी दिनुभयो ।तीन नेतावीच राष्ट्रिय सहमतिको सरकार, निर्वाचनका लागि आवश्यक पर्ने ऐन कानुनको व्यवस्था, संवैधानिक निकायमा नियुक्ति, सत्य निरुपण आयोगको गठनलगायतका विषय पनि छलफल भएको थियो ।
प्रमुख दलको बैठकमा सहमतिको मस्यौदामाथि छलफल गरिने/पाँचौंपटक म्याद थप्न राष्ट्रपतिलाई आग्रह गर्ने तयारी(२०६९ पौष २, सोमवार)
नयाँ प्रधानमन्त्री छान्न राष्ट्रपतिले दिएको चौथो चरणको समय आज बेलुका ४ बजे सकिँदैछ । सहमतिको नजिक पुगेको बताइरहेका प्रमुख राजनीतिक दलहरुको संयुक्त बैठक राष्ट्रपतिले दिएको म्याद सकिने समय पारेर आजै अपरान्ह नयाँ बानेश्वरमा बस्ने भएको छ ।बिहान प्रचण्डनिवास बालुवाटारमा माओवादी अध्यक्ष प्रचण्ड, एमाले नेता कमाधवकुमार नेपाल र कांग्रेस महामन्त्री कृष्णप्रसाद सिटौलावीच भएको छलफलपछि प्रमुख दलको संयुक्त बैठक बस्ने सहमति भएको हो । केही दिनयता भएका अनौपचारिक छलफलपछि सहमतिको आधारपत्र समेत तयार भैसकेको दाबी नेताहरुले गरेका छन् । सहमतिपत्रको सोही मस्यौदा माथि आज बेलका बस्ने बैठकमा छलफल गरिने नेताहरुले बताएका छन् ।सहमतिको मस्यौदामा के छ भन्ने नेताहरुले अहिलेसम्म गोप्य राखेका छन् । नेताहरुले सहमतिको नजिक पुगिएको बताए पनि राष्ट्रपतिले दिएको चौथो समयसीमाभित्रै प्रधानमन्त्रीको नाम दिनेबारे भने दलहरु असमर्थ भएकाले पाँचौंपटक म्याद थप्न राष्ट्रपतिलाई आग्रह गर्ने गृहकार्यसमेत भैरहेको बुझिएको छ ।
बाक्लो कुहिरो, हुस्सु र चिसो हावा - जाडोका कारण महोत्तरीको जनजीवन प्रभावित, चिसोका कारण दुई जनाको मृत्यु(२०६९ पौष २, सोमवार)
दुई दिनदेखि एक्कासी बढेको जाडोका कारण महोत्तरीको जनजीवन प्र्रभावित भएको छ। जाडोकै कारण दुई जनाको ज्यानसमेत गएको छ। जिल्लाको मटिहानी-९ मा एक जना मागी खाने नाम नखुलेका अन्दाजी वर्ष ७५ को वृद्धको मृत्यु भएको छ। त्यसैगरी सदरमुकाम जलेश्वर-१ मा मामा घर आइबसेका भारत सितामढी निवासी रामबाबु साहको ७ वर्षीय छोरा जीवन साहको चिसोका कारण मृत्यु भएको जिल्ला प्रहरी कार्यालय महोत्तरीले जनाएको छ। बाक्लो कुहिरो, हुस्सु र चिसो हावाले गर्दा विगत दुई दिनदेखि महोत्तरीको यातायात, कार्यालय, बजार, कलकारखाना र शिक्षण संस्था समेत प्रभावित भएको छ।
रेडियो जागरण बुटवलको छैठौं बार्षिक उत्सव, विश्वासिलो वातावरण नबनेसम्म राजिनामा नआउने मन्त्री रायमाझीको भनाई(२०६९ पौष २, सोमवार)
Photo8
शान्ति तथा पुन निर्माणमन्त्री टोप बहादुर रायमाझीले दलहरुविचमा विश्वासिलो वातावरणको आधार नबनने सम्म डां बावुराम भट्टराईको सरकारले राजीनामा नदिन बताएका छन । उनले जनयुद्ध र जनआन्दोलनबाट प्राप्त भएका उपलब्धि संस्थागत र संविधान बन्ने ग्यारेन्टी नभएसम्म सरकार नछाड्ने बताए । जागरण मिडिया सेन्टरद्धारा संचालित रेडियो जागरण बुटवलको छैठौं बार्षिक उत्सवको अवसरमा बुटवलमा आयोजना गरिएको राजनितिक गत्यावरोध र मिडियाको भूमिका बिषयक कार्यक्रमलाई सम्बोधन गर्दै मन्त्री रायमाझीले यस्तो बताएका हुन ।
'हिन्दु राष्ट्र कायम गरौं'मूल नाराकासाथ राप्रपा नेपालले राम-जानकी विवाह महोत्सव(सोमवार)देखि राष्ट्रव्यापी रथ यात्रा सुरु(२०६९ पौष १, आइतवार)
'हिन्दु राष्ट्र कायम गरौं ' मूल नारासाथ राप्रपा नेपालले राम-जानकी विवाह महोत्सव(सोमवार)देखि राष्ट्रव्यापी रथ यात्रा सुरु गर्ने जनाएको छ । विवाह महोत्सवको पूर्व संध्यामा आइतबार जानकी मन्दिर प्राङ्गणमै अवस्थित लक्ष्मण मन्दिरमा रथ पूजा तथा लक्ष्य होम गरी राप्रपा नेपालका अध्यक्ष कमल थापा ले रथ यात्राको उद्घोष गरेका थिए ।थापाले मुलुकलाई सर्वधर्म सद्भाव तथा धार्मिक स्वतन्त्रता सहितको सनातन धर्म सापेक्ष हिन्दु राष्ट्र घोषणा गरिनु पर्ने मांग गरेका थिए । उनले प्रमुख चार राजनीतिक दलसंगै राष्ट्रपतिले पनि निर्वाचन नचाहेको आरोप लगाए ।
भर्खरै गठित वैद्य माओवादीको दस्तावेज बजारभरि, पुरानो पार्टी प्रचण्डको दस्तावेज कता छ अत्तोपत्तो छैन(२०६९ पौष १, आइतवार)
नेकपा माओवादीको महाधिवेशन पौष २५ देखि काठमाडौंमा हुँदैछ भने एमाओवादीको महाधिवेशन माघ २० देखि हेटौडामा । वैद्यपक्षीय माओवादीले महाधिवेशनमा पेश गर्ने दस्तावेजको मस्यौदा कार्यकर्तामाझ छलफलका लागि पठाइसकेको छ । तर, एमाओवादी अध्यक्ष प्रचण्डले अहिलेसम्म दस्ताबेज लेख्न भ्याएका छैनन् ।एमाओवादीको दस्तावेज तयार पार्ने जिम्मा यसअघि प्रचण्ड, बाबुराम भट्टराई र नारायणकाजी श्रेष्ठ तीन जनाले लिएका थिए । तर, पछिल्लो बैठकले यो जिम्मेवारी प्रचण्ड एक्लैलाई सारेको छ ।
पूर्व जनप्रतिनिधिहरुको संस्था पूर्वसांसद मञ्चले तत्काल संविधानसभाको निर्वाचन गराउन पूर्वसांसद मञ्चको माग(२०६९ पौष १, आइतवार)
पूर्व जनप्रतिनिधिहरुको संस्था पूर्वसांसद मञ्चले तत्काल संविधानसभाको निर्वाचन गराउन सरकार र राजनीतिक दलको गम्भीर ध्यानाकर्षण गराएका छन् ।मञ्चले निर्वाचनका लागि राष्ट्रिय सहमतिको सरकार गठन, निर्वाचन ऐन तर्जुमा र कानुन संशोधन, संवैधानिक आयोगका पदाधिकारीको नियुक्ति तथा निर्वाचनको मिति तोक्न अध्यादेश जारी गर्न सुझाव दिएको छ । संविधानका संरक्षक र देशवासीको अभिभावकका हैसियतले राष्ट्रपतिले दलहरुबीच सहमति बनाउन गर्नुभएको प्रयाशको सम्मान गर्दै मञ्चले अब पनि दलहरु हठ र आरोप प्रत्यारोपमै केन्दि्रत रहे परिस्थिति जटिल र भयावह बन्नसक्नेतर्फ सचेत गराएको छ ।वर्तमान राजनीतिक गतिरोध फुकाउने सन्दर्भमा मञ्चले सार्वजनिक गरेको लिखित धारणामा सार्वभौम जनताको अभिमतले दोस्रो पटक गठन हुने संविधानसभाको अधिकार र स्वतन्त्रतालाई सीमित गर्ने वा बाधा पुग्ने गरी कसैबाट पनि सर्त र बन्देज राख्न नहुने उल्लिखित छ ।मञ्चका महासचिव शङ्करनाथ अधिकारीद्वारा जारी धारणामा स्वतन्त्र, निष्पक्ष, र धाँधलीरहित मतदानको प्रबन्ध गर्न राष्ट्रिय सङ्कल्प र सक्रियताको आवश्यकतामा जोड दिइएको छ ।
कर्णाली अञ्चलको विकट पहाडी जिल्ला मुगुमा पहिलो पटक गाडी पुग्यो, सडकमार्ग जोडिने ७३ औं जिल्ला(२०६९ पौष १, आइतवार)
कर्णाली अञ्चलको विकट पहाडी जिल्ला मुगुमा आज पहिलो पटक गाडी पुगेको छ । कर्णाली राजमार्ग अन्तर्गत पर्ने कालीकोटको नाग्मदेखि मुगुको गमगढी सम्मको ९४ किलोमिटर सडकको ट्रयाक खोल्ने काम पूरा भएको हो । नेपाली सेनाले निर्माण गरेको सडकको आज गमगढीमा आयोजित समारोहमा प्रधानमन्त्री बाबुराम भट्टराईले उद्घाटन गरे । त्यस क्रममा प्रधानमन्त्री भट्टराइले सडकको स्तरोन्नतीका लागि सरकारले जस्तोसुकै सहयोग गर्ने बताए । प्रधानमन्त्रीले अब हुम्ला र डोल्पा जिल्ला मात्रै सडक मार्गबाट जोडिन बाँकी रहेको भन्दै ती जिल्लामा सडक पुयाउने जिम्मा पनि नेपाली सेनालाई नै दिइने बताए ।
राष्ट्रपति र अध्यक्ष दाहालबीच भेटबार्ता, सोमबार सम्म केही निकास आउँछ: - प्रचण्ड (२०६९ पौष १, आइतवार)
राष्ट्रपति डा.रामवरण यादव र एमाओवादी अध्यक्ष पुष्पकमल दाहालबीच सोमबारसम्म मुलुकलाई निकास दिने सहमति भएको छ ।राष्ट्रपति कार्यालय शीतल निवासमा आज भएको भेटमा डा.यादव र अध्यक्ष दाहालबीच भोलि सोमबार सम्म राजनीतिक निकास दिने सहमति भएको हो । भेटमा दलहरुसँग भएका वार्ता र सम्वादका बारेमा समेत परामर्श भएको थियो ।राष्ट्रपति डा.यादवसँगको भेट पछि सञ्चारकर्मीसँग कुरा गर्दै एमाओवादी अध्यक्ष दाहालले मुलुक वर्तमान अवस्थामा अगाडि बढ्न नसक्ने बताए । उनले भने, मुलुकलाई निकास दिन दलहरुका बीच अब केही न केही सहमति हुन्छ ।राष्ट्रपतिले सहमतीय सरकार बनाउँन दिएको समयसीमा भित्र मुलुकलाई राजनीतिक निकास दिने बताएका अध्यक्ष दाहालले भने, सहमतिको प्रयास भईरहेको छ, सोमबार सम्म केही हुन्छ ।एमाओवादी अध्यक्ष दाहालले मुलुकलाई कस्तो प्रकारको निकास दिने हो, त्यो भने केही बताएनन् ।
मजाक मजाकमै अपहरणको बाहना - प्रहरी हैरान-बुढाबुढी सँगै बस्न पाउँ भन्दै बिन्ती(२०६९ पौष १, आइतवार)
भ्रमणका लागि नेपाल आएका ढाका अहमेद नगरका ३४ बर्षका एमरान सिद्धकले अपहरण परेको भन्दै श्रीमतीलाई फोन र एसएमएस गरे । बंगलादेश प्रहरीमार्फत खबर पाउनासाथ उनको खोजीमा महानगरीय अपराध अनुसन्धान महाशाखाको ठूलै टोली खटियो । कलडिटेल्स बटुलिए । शंकास्पद व्यक्तिको पहिचान गर्न ठूलै दौडधुप भयो । करिब २४ घन्टाको खोजीपछि उनी अन्तराष्ट्रिय विमानस्थलमा भेटिए । सोधपुछपछि पो पत्ता लाग्यो,उनको अपहरण त नाटक रहेछ । श्रीमतीसँग मजाक गर्न उनी आफैँले पो यो हतकण्डा मच्चाएका रहेछन् । प्रहरी नमज्जासँग जिल्लिए । सोधपुछपछि सिद्धिकिलाई त्यसै छाडियो ।सिद्धिक मात्रै हैन अन्य अपहरणका घटना पनि प्रहरीकामा आउने गरेका छन् । उजुरी आएपछि अन्य काम थाँति राखेर अनुसन्धानमा खटिएको टोलीले आफ्नै साथीहरुले मजाक गरेको थाहा पाएपछि विना निष्कर्ष नै काम सकिएको भन्नु पर्ने बाध्यता रहेको छ ।
भारतका पत्रकारले बुद्ध जन्मस्थल लुम्बिनीको बारेमा भारतमा रहेको भ्रम चिर्नका लागि कलम चलाउने(२०६९ म‌सिर ३०, शनिवार)
प्रेस क्लव मुम्बईका प्रतिनिधी मण्डलले बुद्ध जन्मस्थल लुम्बिनीको बारेमा भारतमा रहेको भ्रम चिर्नका लागि कलम चलाउने प्रतिबद्धता जनाएका छन् ।नेपाल भ्रमणमा रहेको पत्रकार महासंघ रुपन्देही द्वारा बुटवलमा आयोजित भेटघाटमा उनिहरुले यस्तो प्रतिबद्धता जनाएका हुन् । भगवान गौतमबुद्धको बारेमा आफूहरुले एकेडेमिक कोर्षमा अध्ययन मात्र गर्न पाएको बताउदै प्रत्यक्ष रुपमा गौतमबुद्ध जन्मस्थलको अवकलोकन पछि आफूहरु निकै हौसिएको बताए । उनिहरुले अबलोकन भ्रमण सकेर भारत फर्केपछि नेपाल र लुम्बिनीको बारेमा सही समाचार सम्पेषण गर्ने उल्लेख गरे। ११ सदस्यिय प्रतिनिधि मण्डलको पे्रस क्लव मुम्बईका उपाध्यक्ष रोहित चन्दरवाकरले नेतृत्व गरेका थिए ।सो अबसरमा बोल्दै पे्रस क्लव मुम्बईका उपाध्यक्ष रोहित चन्दरवाकरले नेपाल प्राकृतिक तथा आर्थिक रुपले सबल रहेको बताए ।उनले संसारको शान्ती क्षेत्र लुम्बिनी भएकाले आफूहरुलाई पनि शान्तिको अनुभुत भएको बताए नेपालका संचारसंस्थाहरु निकै बलियो भएकाले समाजमा मिडियाको सहि उपस्थिती हुनुपर्ने उनको भनाई छ ।

सहमतिको सरकार बनाएर चुनावमा जान संयुक्त राष्ट्रसंघका महासचिव वान कि मुनको आग्रह(२०६९ म‌सिर ३०, शनिवार)
संयुक्त राष्ट्रसंघका महासचिव वान कि मुनले नेपालमा जारी राजनीतिक गत्यावरोधप्रति गम्भीर चासो व्यक्त गर्नुभएको छ । उहाँले भावी चुनावका लागि अनुकूल वातावरण बनाउन प्रमुख साझेदार दलहरुलाई प्रोत्साहित गर्नुभएको महासचिवका प्रवक्ताले जारी गरेको वक्तव्यमा जनाइएको छ ।महासचिव मुनले ढीलो नगरी राष्ट्रिय हितका विषयमा एकमत हुन राष्ट्रिय सहमतिको सरकार बनाउन दलहरुलाई आग्रह गुर्नभएको छ । साथै उहाँले विस्तृत शान्ति सम्झौतामा दलहरुले जनाएको प्रतिवद्धतालाई स्मरण गराउँदै जनताले पछिल्ला केही वर्षमा प्राप्त गरेका उपलब्धीको रक्षामा समेत जोड दिनुभएको महासचिवका प्रवक्ताद्वारा जारी वक्तव्यमा उल्लेख गरिएको छ ।
प्रधानमन्त्री र राष्ट्रपतिवीच भेटवार्ता/प्रचण्ड र सुशीलवीच लाजिम्पाटमा सहमतीय सरकार गठन गर्ने एवं दलहरुबीच जारी गतिरोध अन्त्यलगायतका विषयमा छलफल(२०६९ म‌सिर ३०, शनिवार)
प्रधानमन्त्री डा. बाबुराम भट्टराई र राष्ट्रपति डा. रामवरण यादववीच आज बिहान  शीतलनिवासमा भेटवार्ता  भएको छ ।भेटमा राष्ट्रपतिले सहमतिको पहल थाल्न प्रधानमन्त्रीलाई आग्रह गर्नुभैको छ भने प्रधानमन्त्रीले सहमतिका लागि बुँदागत प्रस्ताव दलहरुलाई बुझाइसकेको जानकारी राष्ट्रपतिलाई दिनुभएको छ । बिहान सवा १० बजेदेखि करिब पौने घण्टा भएको भेटमा प्रधानमन्त्री डा.भट्टराईले दलहरुवीच हालसम्म भएका सहमतिका प्रयासबारे राष्ट्रपतिलाई जानकारी गराउनु भएको थियो । सो अवसरमा राष्ट्रपति यादवले दलहरु वीच सहमति कायम गरेर छिटो भन्दा छिटो मुलुकलाई निकास दिनको निम्ति पहल गर्न प्रधानमन्त्रीलाई अनुरोध गर्नुभएको प्रधानमन्त्री कार्यालयस्रोतले बताएको छ ।प्रधानमन्त्री भट्टराईले सहमतिका लागि आफुले दलहरुलाई केही बुँदासहितको एजेण्डा प्रस्तुत गरेको राष्ट्रपतिलाई जानकारी गराउँदै छिट्टै सहमति हुने विश्वास व्यक्त गर्नुभएको बताइएको छ ।यसैबीच एकीकृत नेकपा माओवादी अध्यक्ष पुष्पकमल दाहाल प्रचण्ड र नेपाली काङ्ग्रेस सभापति सुशील कोइरालाबीच आजै बिहान भेटवार्ता भएको छ । 
प्रजातान्त्रिक शक्ति एकजुट हुनु पर्ने नेपाली कांग्रेसका शभापति शुशील कोइरालाको भनाई(२०६९ म‌सिर ३०, शनिवार)
नेपाली काँग्रेसका सभापति सुशील कोइरालाले प्राप्त उपलव्धी गुम्ने खतरा रहेको भन्दै प्रजातान्त्रिक शक्ती एकजुट हुनु पर्ने बताउनु भएको छ । मधेशी जनअधिकार फोरम गणतान्त्रिकका नेता नन्दनकुमार दत्तसँगको भेटमा कोइरालाले एकीकृत नेकपा माओवादी इमान्दार नभएका कारण उपलव्धी गुम्ने खतरा रहेको भन्दै प्रजातान्त्रिक शक्ती एक ठाउँमा आउनु पर्ने बताउनु भएको भेटपछि दत्तले बताउनु भयो ।कोइराला प्राप्त उपलव्धी गुम्ने चिन्तामा हुनुहुन्थ्यो, दत्तले भन्नुभयो, हामीले चिन्ता मात्रै होइन, स्पष्ट खाका सहित आउन आग्रह गर्‍यौँ । फोरम गणतान्त्रिकका नेता दत्तले मधेशका मुद्धामा काँग्रेसको धारण स्पष्ट रुपमा आउनु पर्ने बताएको जानकारी दिनुभयो ।सहमतिको सरकार गठनमा काँग्रेसलाई सहयोग गर्न कोइरालाले आग्रह पनि गर्नु भएको थियो ।
बाँकेमा दुई स्कुले बालकको अपहरण गरी हत्या गर्ने ८ दोषीहरुलाई ७८ बर्षको कैद सजाय(२०६९ म‌सिर २९, शुक्रवार)
बाँकेमा दुइ बर्षअघि दुई स्कुले बालकको अपहरण गरी हत्या गर्ने ८ दोषीहरुलाई बाँके जिल्ला अदालतले जनही ७८ बर्षको कैद सजाय सुनाएको छ । साथै अपहरण र हत्यामा सहयोग पुयाउने प्रहरी हवल्दारलाई ४४ बर्षको कैद सुनाएको छ । २०६७ साल असोजमा नेपालगञ्जका स्कुले वालकद्वय कपिल द्विवेदी र लीलाधर भट्टको अपहरणपछि हत्या गरिएको थियो । बाँके जिल्ला अदालतका न्यायाधीश शेखरप्रसाद पौडेलको ईजलाशले आज मूख्य दोषी मेराज अहमद साई र उनका मतियारहरुलाई सर्वश्वसहित जनही ७८ बर्षको कैद सजाय सुनाएको हो ।
नासाले आफ्नो वेभसाइटमा भारतीय पहाडको तस्वीर राखेर त्यसलाई सगरमाथा बताएकोमा सर्वत्र आलोचना भएपछि गल्ती सच्यायो(२०६९ म‌सिर २९, शुक्रवार)
अमेरिकी अन्तरीक्ष एजेन्सी (नासा)ले आफ्नो वेभसाइटमा भारतीय पहाडको तस्वीर राखेर त्यसलाई सगरमाथा बताएकोमा सर्वत्र आलोचना भएपछि गल्ती सच्याएको छ।नासाले आफ्नो आधिकारिक वेभसाइटमा राखेको तस्वीरलाई अन्तरीक्षबाट खिचिएको माउन्ट एभरेष्ट भनिएको थियो । तर, उक्त तस्वीर भारतको काश्मिर क्षेत्रको काराकोरम हिम श्रृंखलाको सासेर मुजताग रहेको पत्ता लागेपछि नासाले आफ्नो साइटबाट हटाएको हो।नेपालबाट कुन्द दीक्षीतले ट्वीटरमार्फत् उक्त तस्वीर सगरमाथा नभएको रहस्य खोलेपछि एक अमेरिकी अन्तरिक्ष यात्रीले सो तस्वीर सगरमाथा नभएर भारतको सासेर मुजताग भएको बताएका थिए । सामाजिक सञ्जालबाट तथ्य पत्तो लगाएपछि नासाले आफ्नो गल्ती स्वीकार गर्दै सो तस्वीर हटाएको छ ।यसबारे नासाका प्रवक्ताले स्पष्ट पार्दै भनेका छन्-यो सगरमाथा होइन । यो सासेर मुजताग हो, जुन भारतको काश्मिर क्षेत्रको काराकोरम श्रृंखलामा पर्छ ।
उपरथीको नेतृत्वमा ४,१७१ जनाको सैन्य महानिर्देशनालय बन्ने/लडाकूले पाउने पद अझै अनिश्चित, तालिम छाड्नेलाई सैनिक ऐन लाग्ने(२०६९ म‌सिर २९, शुक्रवार)
सेना समायोजन विशेष समितिको बैठकले नेपाली सेना र माओवादी लडाकूलाई समेटेर उपरथी (मेजर जनरल) को नेतृत्वमा राष्ट्र विकास, वन तथा पर्यावरण सुरक्षा तथा विपत व्यवस्थापनसम्बन्धी छुट्टै महानिर्देशनालय गठन गर्ने निर्णय गरेको छ ।बिहीबार बिहानै माओवादी लडाकूको रेखदेख समायोजन र पुनस्थापनाका लागि गठित विशेष समितिको नयाँ बानेश्वरस्थित सचिवालयमा बसेको बैठकले महानिर्देशनलाय गठन गर्ने निर्णय गरेको हो । महानिर्देशनालयमा रहने कूल ४ हजार १ सय ७१ सैनिक मध्ये २७ सय ११ नेपाली सेनाबाट र १ हजार ४ सय ६० लडाकूहरु रहने छन् । विशेष समितिको यो निर्णयपछि नेपाली सेनालाई महानिर्देशनाल निर्माणका लागि मार्गप्रशस्त भएको छ । महानिर्देशनालयका लागि छानिएका माओवादी लडाकूहरुले यसअघिबाटै तालिम शुरु गरिसकेका छन् ।
http://go.oclaserver.com/afu.php?zoneid=1465736