arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
प्रतिनिधिसभा र प्रदेशसभा निर्वाचनपछि कसले सरकार बनाउला ?

बाम गठबन्धन
नेपाली कांग्रेस
थाहा भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
अशोक राईद्धारा जातीय पार्टी घोषणा(२०६९ म‌सिर ७, विहीवार)
नेकपा एमाले पूर्व उपाध्यक्ष अशोक राईको अध्यक्षतामा एकल जातीय पहिचान पक्षधरहरुको 'सङ्घीय समाजवादी पार्टी' बिहीबार घोषणा भएको छ । राजधानीको नयाँबजारस्थित नेपा: ब्याङकेटमा पार्टी घोषणा गरिएको हो । नयाँ पार्टीमा एमाले छाडेका नेता कार्यकर्ताको बाहुल्यता छ भने कांग्रेसका पूर्व नेता दुर्गामणि देवानसहितका नेताहरुसमेत सहभागी छन् । ९८ सदस्यीय तदर्थ कार्यसमिति सहित बनेको पार्टीमा ८ जना उपाध्यक्ष, १ जना महासचिव, ३ जना उपमहासचिव र ५ जना सचिव छन् ।
आगामी वैशाखमा पनि संविधानसभाको निर्वाचन हुन नसक्ने एमाले झलनाथ खनालको ठोकुवा(२०६९ म‌सिर ७, विहीवार)
नेकपा एमालेका अध्यक्ष झलनाथ खनालले आगामी वैशाखमा पनि संविधानसभाको निर्वाचन हुन नसक्ने बताउनु भएको छ । एमाले मूख्यालय बल्खुमा आयोजित कार्यक्रममा उहाँले बैशाखमा गर्ने भनिएको निर्वाचन पनि मंसिर ७ कै घोषणा झैं हुने ठोकुवा गर्नुभयो । निर्वाचनका लागि आवश्यक पर्ने संवैधानिक तथा कानूनी जटिलता नफुकाई एकलौटी रुपमा घोषणा गरिएको निर्वाचन हुनै नसक्ने खनालको भनाइ थियो ।
नेकपा-माओवादीद्धारा भृकुटी पेपरको कारखाना कब्जा(२०६९ म‌सिर ७, विहीवार)
नेकपा-माओवादीले  नवपरासीको गैंडाकोटस्थित भृकुटी पल्प एण्ड पेपरको कारखानामा पार्टीको झण्डा गाडेको छ । सो पार्टी सम्वद्ध राष्ट्रिय जनस्वयंम सेवक समितिले उद्योगहरुको निजीकरण र भ्रष्टचार विरुद्ध शुरु गरेको अभियान अन्तर्गत भृकुटी पेपरको कारखानामा झण्डा गाडिएको हो । विगत केही समयदेखि बन्द रहेको कागज कारखाना सरकारी स्वामित्वमै सञ्चालन गर्नुपर्ने समितिका अध्यक्ष उदयबहादुर चलाउनेले बताए ।
सर्वोच्च अदालतद्धारा राष्ट्रपतिसँग सरकारले पठाएका अध्यादेशहरु रोकेको बारेमा कारण दिन आदेश(२०६९ म‌सिर ६, बुधवार)
सर्वोच्च अदालतले राष्ट्रपति कार्यालयसँग सरकारले पठाएका अध्यादेशहरु किन रोकेको हो ? त्यसको कारण दिन आदेश दिएको छ । संविधान विपरित अध्यादेशहरु रोकेर राखेको भन्दै राष्ट्रपति डा. रामवरण यादवविरुद्ध परेको रिटमा न्यायाधीश सुशीला कार्कीको एकल इजलासले कारण देखाउ आदेश जारी गरेको हो । सर्वोच्चले कारण देखाउ आदेश जारी गर्दै उक्त रिटलाई अग्राधिकार पनि दिइएको छ । १५ दिनभित्र लिखित जवाफ दिन पनि विपक्षीहरुको नाममा आदेश जारी भएको छ । सरकारले ४ वटा अध्यादेश पठाएको लामो समय भइसक्दा पनि संविधान अनुसार अनुमादन नगरी आलटाल गरेको भन्दै अधिवक्ता उद्धवप्रसाद चौलागाईले हिजो रिट दायर गरेका थिए ।
नेकपा-माओवादीद्धारा सहमति विना आएको बजेट अध्यादेश स्वीकृत गरेर राष्ट्रपतिले संविधान उल्लंघन गरेको आरोप(२०६९ म‌सिर ६, बुधवार)

नेकपा-माओवादीले दलहरुको सहमति विना आएको बजेट अध्यादेश स्वीकृत गरेर राष्ट्रपतिले संविधान उल्लंघन गरेको आरोप लगाएको छ । अध्यक्ष बैद्य र महासचिव रामबहादुर थापाले संयुक्त रुपमा निकालेको विज्ञप्तीमा अध्यादेश स्वीकृतिको विरोध गरिएको हो । राजनीतिक दलहरुको सहमति बिना संविधानको संरक्षक र पालकको जिम्मेवारी रहेको राष्ट्रपतिबाट असंवैधानिक सरकारको अध्यादेशलाई स्वीकार गर्नु गम्भीर गल्ती मात्र होइन संविधानकै पनि गम्भीर उल्लंघन हो दुई नेताले भनेका छन् । वर्तमान सरकारको संवैधानिक हैसियत मंसिर ७ गते सकिन लागेको समयमा अध्यादेश स्वीकृतिले सरकारको आयुलाई थप ८ महिना विस्तार गरिदिएको माओवादीको ठहर छ ।

निर्वाचन आयोगले सरकारले बैशाखका लागि चुनाव घोषणा गर्दा आफूहरुसँग परामर्श नगरेको नगरेको भन्दै आपत्ति(२०६९ म‌सिर ६, बुधवार)
निर्वाचन आयोगले सरकारले बैशाखका लागि चुनाव घोषणा गर्दा आफूहरुसँग परामर्श नगरेको जनाएको छ । निर्वाचन आयोगका कार्यवाहक प्रमुख आयुक्त दोलखबहादुर गुरुङले अहिलेको घोषणामा आयोगसँग छलफल नगरेपनि मिति तोक्दा परामर्श हुनसक्छ कि भन्ने विश्वास व्यक्त गरे । उनले चुनाव हुनका लागि दलहरुबीच सहमति अनिवार्य शर्त हो भन्दै सहमति बन्न नसक्दा चुनावी वातावरण नबन्ने प्रष्ट पारे । चुनावका लागि दलीय सहमति, ऐनकानून संशोधन एवं आयोगका पदाधिकारी नियुक्त हुनु जरुरी भएको गुरुङले बताए । चुनावमा विश्वसनीय वातावरण बनाउन दलहरुबीच सहमति हुनु आवश्यक छ भन्दै उनले शान्ति सुरक्षाको प्रवन्धलगायतका विषयमा पनि सहमति जरुरी पर्ने बताए ।
राष्ट्रिय स्वाधिन्ताको लागी आल्दोलन (२०६९ म‌सिर ५, मंगलवार)
नेकपा माओबादीका केन्द्रिय सदस्य सन्तोश बुढा मगरले राष्टिय स्वाधिनताको रक्षाको लागी आन्दोलन गर्नु पर्ने बताएका छन् । सल्यानको लेक पोखरामा आयोजित आमसभामा मन्तव्य राख्दै उनले बर्तमान सरकारको बरखास्ती गरेर राष्टिय सहमतिको सरकार गठन गर्नु पर्नेमा जोड दिदै गेलमेच सम्मेलनको आयोजना गरी मुलुकमा बिद्यमान राजनितिक गतिरोधको अन्त्य गर्नु पर्ने बताए । बुढाले ए माओबादीको मुल नेतृत्व क्रान्ती छोडी संसदिय भाषमा गएका कारण एमाओबादी संग सम्बन्ध बिच्छेद गरेको बताए ।
सरकारले अनुमोदनका लागि पठाएका अध्यादेशहरु गैरकानुनी रुपमा रोकेको जिकिर गर्दै राष्ट्रपतिविरुद्ध सर्वोच्चमा रिट दायर(२०६९ म‌सिर ५, मंगलवार)

अनुमोदनका लागि पठाएका सरकारले अध्यादेशहरु गैरकानुनी रुपमा रोकेको जिकिर गर्दै राष्ट्रपति रामवरण यादवविरुद्ध सर्वोच्च अदालतमा आज रिट दायर भएको छ। अधिवक्ता उद्धवप्रसाद चौलागाइँले दर्ता गरेको रिटको सुनुवाई भोलि हुने भएको छ। रिटमा राष्ट्रपतिले नेपाल स्वास्थ्य सेवा चौथो संशोधन (अध्यादेश २०६९), शिक्षा अध्यादेश २०६९, सत्य निरुपण तथा मेलमिलाप अध्यादेश र केही नेपाल ऐन संशोधन गर्ने अध्यादेश रोक्नु गैरकानुनी भएको जिकिर गरिएको छ।

पूर्ण बजेट र संविधानसभाको निर्वाचन गर्नका लागि राष्ट्रपतिलाई सिफारिस गरेकोप्रति प्रतिपक्षी दलहरुद्धारा तीव्र आपत्ति प्रकट(२०६९ म‌सिर ५, मंगलवार)
सरकारले सहमति विपरित पूर्ण बजेट र संविधानसभाको निर्वाचन गर्नका लागि राष्ट्रपतिलाई सिफारिस गरेकोप्रति प्रतिपक्षी दलहरुले तीव्र आपत्ति प्रकट गरेका छन् । सरकार विरुद्ध आन्दोलन घोषणा गरेका कांग्रेस-एमालेसहितका १५ प्रतिपक्षी दलले पूर्ण बजेट ल्याउने र बैशाखमा निर्वाचन गर्ने सरकारको निर्णयप्रति आपत्ति जनाएका हुन । बजेट र अर्थतन्त्र सम्बन्धमा प्रतिपक्षी दलहरुले निजी क्षेत्रसँग गरेको कार्यक्रममा प्रतिपक्षी दलका नेताहरुले सरकारले सहमतिको बाटो बन्द गरेको बताएका हुन । कार्यक्रममा कांग्रेस सभापति सुशील कोइरालाले सरकार सहमतिको राजनीति तोडेर एकलौटी ढंगबाट अगाडि बढेको बताए ।
दोस्रो विश्वयुद्धमा मारिएका, बेपत्ता पारिएका ६० हजार गोरखा सैनिकको सामुहिक काजक्रिया सुरु(२०६९ म‌सिर ५, मंगलवार)
विश्व शान्ति र ब्रिटिश साम्राज्यका खातिर दोस्रो विश्वयुद्धमा मारिएका, बेपत्ता पारिएका ६० हजार गोरखा सैनिकको आजदेखि सामूहिक काजकिरिया थालिएको छ । गोरखा भूतपूर्व सैनिक संघ, गेसोको आयोजनामा मंसिर ७ गतेसम्म पश्चिम नेपालको स्याङ्जा जिल्ला फेदीखोला गाविस साल्मेडाँडामा सामूहिक काजकिरिया तथा श्रद्धाञ्जली गरिने छ । ब्रिटिशको पक्षमा युद्धमा होमिएका गोरखा पितृहरुको अझै पनि काजकिरिया समेत नभएकाले आत्माशान्ति तथा पितृउद्धारका लागि कार्यक्रम गरिएको गोसेको अध्यक्ष पदमबहादुर गुरुङले बताए ।
सरकारले बजेटसम्बन्धी अध्यादेश आजै राष्ट्रपति कार्यालयमा पेश गर्ने(२०६९ म‌सिर ५, मंगलवार)
सरकारले बजेटसम्बन्धी अध्यादेश आजै राष्ट्रपति कार्यालयमा पेश गर्ने अन्तिम कसरत गरेको छ । आर्थिक अध्यादेशको मस्यौदालाई अन्तिम रुपम दिन आज विहान बसेको मन्त्रिपरिषदको वैठक तयारी नपुगेको भन्दै स्थगित भएको छ । सिंहदरवारमा विहान बसेको वैठकमा आर्थिक अध्यादेश बारे सामान्य छलफल भएको थियो । अध्यादेशबारे राष्ट्रपतिका सल्लाहकारहरुसंग छलफल गरी टुंगोमा पुग्नुपर्ने भएकाले दिउंसो १ बजेसम्मका लागि बैठक स्थगित भएको जनाईएको छ । सरकारले आजै दुई तृतीयांश बजेट ल्याउने सम्बन्धी अध्यादेश राष्ट्रपतिसमक्ष सिफारिस गर्ने तयारी गरेको छ ।
प्रमुख ४ दलका शीर्ष नेताहरुको वैठकमा पनि प्रगति हुन सकेन(२०६९ म‌सिर ५, मंगलवार)
राष्ट्रपति डा. रामवरण यादवले मंसीर ७ गतेभित्र कुनै न कुनै सहमतिमा पुग्न दबाव दिएपछि आज साँझ बसेको प्रमुख ४ दलका शीर्ष नेताहरुको वैठकमा पनि प्रगति हुन सकेन । विहान राष्ट्रपति निवासमा भएको छलफलमा साँझ वैठक गरेर सहमति खोज्ने बताएका नेताहरु आआफ्नै अडानमा रहेका हुन् । कांग्रेस सभापति सुशील कोइारालाको निवासमा भएको बैठकमा सहमतिको सरकार गठन र बजेटबारे सामान्य छलफल मात्रै भएको थियो । बैठकपछि एमाले अध्यक्ष झलनाथ खनालले छलफल जारी रहेको बताए । तर, कांग्रेस सभापनि सुशील कोइरालाले भने कुनै सहमति हुन नसकेको बताए ।
सुख्खायामको शुरुवातसंगै मध्यमस्र्याङ्दी जलविद्युत आयोजनावाट २० मेगावाट विद्युत उत्पादन घट्यो(२०६९ म‌सिर ५, मंगलवार)
सुख्खायामको शुरुवातसंगै मध्यमस्र्याङ्दी जलविद्युत आयोजनावाट २० मेगावाट विद्युत उत्पादन घटेको छ । मस्यांङदी नदीमा पानीको वहाव कम हुन थालेपछि ७० मेगावाट क्षमताको मध्यमस्र्याङदी जलविद्युत केन्द्रवाट २० मेगावाटका दरले विद्युत उत्पादनमा ह्रास आइरहेको आयोजनाले जनाएको छ । हाल यो आयोजनाबाट ५० मेगावाट मात्रै विद्युत उत्पादन भैरहेको छ । विहान वेलुकीको केही समय पुरै क्षमतामा विद्युत उत्पादन भईरहेपनि दिउंसो र रातीको समयमा ५० मेगावाटमात्रै विद्युत उत्पादन भईरहेको मध्यमस्र्याङदी जलविद्युत केन्द्रका प्रमुख रामकुमार यादवले जानकारी दिनुभयो ।
कांग्रेस शेरवहादुर देउवाको सार्वजनिक कार्यक्रमलाई डडेल्धुराका कार्यकर्ताहरुद्धारा बहिष्कार (२०६९ म‌सिर ५, मंगलवार)
नेपाली कांग्रेसका वरिष्ठ नेता शेरवहादुर देउवाले सम्बोधन गरेको सार्वजनिक कार्यक्रमलाई डडेल्धुराका पूर्वकांग्रेस सभापतिसहित पुराना कार्यकर्ताहरुले बहिष्कार गरेका छन् । पार्टीको आन्तरिक विवादका कारण पूर्वसभापति रघुबर भट्ट लगायतका २ दर्जन नेताहरुले आज डडेल्धुरा सदरमुकाममा कांग्रेसद्धारा आयोजित आमसभा बहिष्कार गरेका हुन् । कार्यकर्ताहरुको बहिष्कारका बीच सभालाई सम्बोधन गर्दै नेता देउवाले अब सहमतीय सरकारको नेतृत्व कांग्रेसले गर्ने बताए ।
पुष्पकमल दाहाललाई झापड हान्ने पदम कुँवरलाई सार्वजनिक मुद्धा(२०६९ म‌सिर ४, सोमवार)
एकीकृत माओवादीका अध्यक्ष पुष्पकमल दाहाल प्रचण्डलाई सार्वजनिक कार्यक्रममा झापड हान्ने पदम कुँवरलाई प्रहरीले अनुसन्धानका लागि सात दिन थुन्ने अनुमति लिएको छ । कुँवर विरुद्ध केही सार्वजनिक अपराध ऐन अन्तर्गत मुद्धा चलाउने तयारी गरेको प्रहरीले आज ७ दिनको म्याद लिएको हो । सोही प्रकरणमा जोडेर प्रहरीले कुँवरका भिनाजु भीम भारतीलाई समेत पक्राउ गरेको छ ।
प्रचण्डलाई थप्पड हान्नु जनताको आक्रोश नभई आवेग मात्र भएको कांग्रेस शेरबहादुर देउवाको भनाइ(२०६९ म‌सिर ३, आइतवार)
नेपाली कांग्रेसका वरिष्ठ नेता शेरबहादुर देउवाले एकीकृत माओवादीका अध्यक्ष पुष्पकमल दाहाल प्रचण्डलाई थप्पड हान्नु जनताको आक्रोश नभई आवेग मात्र भएको बताउनुभएको छ । एक जनाले आवेगमा आएर थप्पड हानेको घटनालाई जनताको आक्रोश भन्न नमिल्ने भन्दै उहाँले घटनाको भत्सर्नासमेत गर्नुभयो । कैलालीको धनगढीमा पत्रकारहरुसँग उहाँले आफूहरुको आन्दोलनले बाबुराम भट्टराईलाई सरकार छाड्न बाध्य पार्ने बताउनुभयो ।
अबको प्रधानमन्त्रीको उम्मेदवार स्वतन्त्र व्यक्तिलाई खोज्न नहुने प्रधानमन्त्री भट्टराईको भनाई(२०६९ म‌सिर ३, आइतवार)
प्रधानमन्त्री बाबुराम भट्टराईले स्वतन्त्र व्यक्तिलाई अबको प्रधानमन्त्रीको उम्मेदवार खोज्न नहुने बताएका छन् । एमाओवादीनिकट पत्रकारहरूसँग शनिबार बिहान कुराकानी गर्दै उनले दलका नेताहरू नै सक्षम भएको भन्दै स्वतन्त्र व्यक्ति खोज्दै हिँड्नु गलत भएको बताए । 'हामी बहुदलीय व्यवस्थामा छौं, राजनीतिक दल र तिनका नेताहरू राज्य चलाउन सक्षम छन्,' प्रधानमन्त्रीको भनाइ उद्धृत गर्दै एक सहभागीले भने, 'स्वतन्त्र व्यक्तिलाई प्रधानमन्त्रीको उम्मेदवार खोज्नु हुँदैन । त्यसो गरियो भने निर्दलीय व्यवस्थातिर फर्किएजस्तो हुन्छ ।'
नेकपा-माओवादीका प्रमुख मोहन वैद्यद्धारा ४ दलको सहमतिमा मात्र संविधान जारी गरिए त्यसलाई च्यात्ने चेतावनी(२०६९ म‌सिर २, शनिवार)
नेकपा-माओवादीका अध्यक्ष मोहन वैद्य किरणले ठूला ४ दलको सहमतिमा मात्र संविधान जारी गरिए त्यसलाई च्यात्ने चेतावनी दिएका छन् । नेपाल सम्वत्को अवसरमा ललितपुरमा भएको तुच्चा कार्यक्रममा नेता वैद्यले एकीकृत माओवादी, नेपाली कांग्रेस, नेकपा एमाले र मधेशी मोर्चालाई संघीयता विरोधीको संज्ञा दिए । बैद्यले मुख्य ४ दलले जनताको एजेण्डासमेत छाडिसकेकाले उनीहरुको मात्र सहमतिमा बनाईने संविधान अश्विकार गरिने बताए । संविधानसभाको निर्वाचनले जनताको पक्षमा सही परिणाम नआउने र देशले निकास नपाउने पनि नेता वैद्यको भनाइ थियो ।
पोखरामा अन्तर्राष्ट्रिय विमानस्थल निर्माणका लागि दबाब दिन भनी थालिएको रिले अनशन स्थगित(२०६९ म‌सिर २, शनिवार)
पोखरामा अन्तर्राष्ट्रिय विमानस्थल निर्माणका लागि दबाब दिन भनी थालिएको रिले अनशन स्थगित भएको छ । विमानस्थल निर्माण सम्बन्धी नागरिक सरोकार समितिले थप शसक्त आन्दोलनको तयारी गर्न अनशन स्थगित गरिएको जनाएको छ । पोखरामा अन्र्तरािष्ट्रय विमानस्थल बनाउन दबाब दिंदै नागरिक सरोकार समितिले हवाई उडान बन्दसम्मका जस्ता कार्यक्रमहरु गरेको थियो ।
प्रचण्डलाई थप्पड: प्रचण्डसहित एकीकृत माओवादीका शीर्ष नेताहरुले अब कार्यकर्ता र समर्थकबाट फुलमाला तथा खादा नथाप्ने(२०६९ म‌सिर २, शनिवार)
एकीकृत माओवादीका अध्यक्ष पुष्पकमल दाहाल प्रचण्डसहितका शीर्ष नेताहरुले अब कार्यकर्ता र समर्थकबाट फुलमाला तथा खादा नथाप्ने भएका छन् । पार्टीको चियापान कार्यक्रममा सहभागी एक युवकले अध्यक्ष पुष्पकमल दाहाल प्रचण्डलाई थप्पड हानेपछि माओवादी नेताहरुको सुरक्षा कडा बनाउने भएको हो । पार्टी कार्यालय पेरिसडाँडामा शनिबार आयोजित नियमित पत्रकार भेटघाट कार्यक्रममा प्रवक्ता अग्नि सापकोटाले भन्नुभयो-अब हामीले यस्ता कार्यक्रममा हात मिलाउने, खादा, माला लगाउने पराम्पराको गम्भीर समिक्षा गर्नुपर्छ र नयाँ तरिकाले सोच्नु पर्छ ।
कांग्रेस-एमालेलगायतका विपक्षी दलहरूद्धारा नागरिक समाजसँग अन्तर्क्रिया(२०६९ म‌सिर २, शनिवार)
राजनीतिक गतिरोध र संवैधानिक संकट निकासका लागि आन्दोलनमा उत्रिएका कांग्रेस-एमालेलगायतका विपक्षी दलहरूले शनिबार नागरिक समाजसँग अन्तर्क्रिया गर्ने भएका छन् । शान्तिपूर्ण आन्दोलनकै कार्यक्रमअन्तर्गत उनीहरूले एमाओवादी र सरकारको रबैयाबारे जानकारी गराउँदै आफ्ना धारणा नागरिक समाजसँग राख्न लागेका हुन् । कांग्रेस केन्द्रीय कार्यालयमा दिउँसो एक बजे अन्तर्क्रिया गर्ने कार्यक्रमा छ । अन्तक्रिर्याका लागि प्रमुख पार्टीहरूले तयारी तीव्र बनाएका छन् । उनीहरूले आन्दोलनका कार्यक्रमहरू सफल बनाउन आ-आफ्ना पार्टी पंक्तिलाई निर्देशन दिएका छन् ।
पाटन अस्पतालमा स्वास्थ्यकर्मीहरुद्धारा आकस्मिक बाहेक सबै सेवा ठप्प(२०६९ म‌सिर १, शुक्रवार)
पाटन स्वास्थ्य विज्ञान प्रतिष्ठानमा उपकुलपति संगीता भण्डारी र शिक्षाध्यक्ष सोम्या भट्टाचार्यको राजिनामा माग गर्दै आएका आन्दोलरत् स्वास्थ्यकर्मीहरुले आकस्मिक बाहेक सबै सेवा ठप्प पारेका छन् । आन्दोलनकारीले भिसी र रेक्टरको कार्यकक्षमा पनि ताला लगाएका छन् ।प्रतिष्ठानमा दक्ष चिकित्सक हुँदा हुँदै बाहिरबाट ल्याएर शिक्षाध्यक्ष नियुक्ति गरिएको बिरोधमा अस्पतालका कर्मचारी तथा स्वास्थ्यकर्मी आन्दोलनमा छन् ।
एमाओवादीका पुष्पकमल दाहालमाथि थप्पड प्रहार भएको घटनाको छानविन गर्न एआईजीको संयोजकत्वमा समिति गठन(२०६९ म‌सिर १, शुक्रवार)
एमाओवादीका अध्यक्ष पुष्पकमल दाहाल प्रचण्डमाथि सार्वजनिक कार्यक्रममा नै थप्पड प्रहार भएको घटनाको छानविन गर्न सरकारले प्रहरी अतिरिक्त महानिरीक्षक (एआईजी) नवराज ढकालको संयोजकत्वमा छानविन समिति गठन गरेको छ । महानगरी प्रहरी आयुक्तको कार्यालल प्रमुख ढकाल नेतृत्वको समितिमा अपराध अनुसन्धान ब्यूरोका प्रहरी नायव महानिरीक्षक केशबहादुर शाही महानगरीय अपराध महाशाखाका बरिष्ठ उपरीक्षक देवेन्द्र सुवेदी सदस्य रहनु भएको छ । समितिलाई एक साताको समय दिइएको गृह मन्त्रालयले जनाएको छ ।
पुष्पकमल दाहाल माथीको आक्रमण शान्ति र संविधान भाँड्ने षड्यन्त्र भएको एमाओवादी ठहर(२०६९ म‌सिर १, शुक्रवार)
प्रचण्डमाथि आक्रमण भएलगत्तै बसेको एकीकृत माओवादीको वैठकले आक्रमण षड्यन्त्रपूर्ण भएको ठहर गरेको छ । प्रचण्डको निवासमा भएको वैठकपछि एमाओवादी प्रवक्ता अग्नी सापकोटाले शान्ति र संविधानको प्रक्रिया भाँड्नका लागि यस्तो घट्ना गराइएको जिकिर गरे ।
पुष्पकमल दाहाललाई झापड हान्ने कुँवर को हुन् (२०६९ म‌सिर १, शुक्रवार)
प्रचण्डमाथि सार्वजनिक कार्यक्रममै झापड हान्ने पदम कुँवर बाग्लुङको राजकोट गाउं विकास समिति वडा नम्बर २ का वासिन्दा हुन् । राजनीतिक रुपमा कुँवरको परिवार नै माओवादी रहेको पुष्टी भएको छ । पदम कुँवर स्वयं माओवादीको युवा संगठन वाईसीएलको गाउं कमिटीका अध्यक्ष रहिसकेका हुन् ।
शुभ दिपावली तिहार-२०६९ को पावन अवसरमा विषेश च्याट(२०६९ कार्त्तिक २७, सोमवार)
तपाईं विश्वको कुनै पनि ठाउँमा हुनुहुन्छ, दोस्रो महान चाड शुभ दिपावली तिहार-२०६९ को पावन अवसरमा आफ्नो भावना, विचार, नयाँ साथी, शुभकामना इत्त्यादी साटासाट - आदानप्रदान गर्न सक्नुहुनेछ:
रेडियो अर्घाखाँची यहाँबाट ।
झिलिमिली चाड तिहारको तीन दिन मुलुकभर लोडसेडिङ नहुने(२०६९ कार्त्तिक २७, सोमवार)
सरकारले उज्यालो चाड तिहारको तीन दिन मुलुकभर लोडसेडिङ नगर्ने भएको छ । विद्युत् प्राधिकरणले बडादसैंमा जस्तै तिहार पर्वका प्रमुख तीन दिन लक्ष्मी पूजा, गोवर्धन पूजा/म्हः पूजा र भाइटीकाको दिन लोडसेडिङ नगरिने जानकारी ऊर्जा मन्त्रालयका सचिव हरिराम कोइरालाले दिए ।
घरायसी र व्यावसायिक प्रयोजनका लागि खपत हुने सिलिन्डरको रङ फरक/फरक बनाएर सहुलियतको व्यवस्था गर्नलागे पछी ग्यासको भाउ बढाउने तयारी(२०६९ कार्त्तिक २७, सोमवार)
नेपाल आयल निगमले एलपी ग्यासको मूल्य बढाउने तयारी गरेको छ । ग्यास र डिजेलमा भएको घाटाका कारण मासिक नोक्सानीमा कमी आउन नसकेपछि निगम ग्यासमा मूल्य वृद्धि गर्ने तयारीमा जुटेको हो । 
एमाओवादीद्वारा पूर्व अर्थमन्त्रीसँग परामर्श /सहमतिमा बजेट ल्याउन सुझाव(२०६९ कार्त्तिक २६, आइतवार)
पूर्व अर्थमन्त्री तथा गभर्नरहरुले राजनीतिक सहमतिमा मात्र बजेट ल्याउन सरकारलाई सुझाव दिएका छन्।एकीकृत माओवादी अध्यक्ष पुष्पकमल दाहालको निवास लाजिम्पाटमा आज विहान भएको छलफलमा उनीहरुले एकलौटी बजेट नल्याउन सुझाव दिए । राजनीतिक तहमा सहमति गरेर आउने बजेट मात्र कार्यान्वयन हुन सक्ने भएकाले बजेटमा विवाद भन्दा पनि सहमति निर्माण गर्नुपर्ने छलफलमा सहभागीहरुको सुझाव थियो।बैठकपछि पूर्वअर्थमन्त्री डा.रामशरण महत र सुरेन्द्र पाण्डेले सहमतिमै बजेट आउनुपर्ने कुरा आफूहरुले राखेको बताए । उनलीहरुले आफूहरुको सुझावमा एमाओवादी अध्यक्ष दाहाल सकारात्मक देखिएको जानकारी दिए।अर्थमन्त्री बर्षमान पुनले पनि सहमतिमै बजेट आउने बताए । उनले बजेट ल्याउनका लागि राजनीतिक सहमति अनिवार्य भएकाले शीर्ष नेताहरुबीच हुने बैठकले बजेटको विवाद अन्त्य गर्ने विश्वास व्यक्त गरे ।
रौतहटको विश्रामपुरमा वन रक्षक गस्ती टोली र काठ तस्करसँग गोली हानाहान(२०६९ कार्त्तिक २६, आइतवार)
रौतहटको विश्रामपुरमा वन रक्षक र तस्करहरुबीच आज बिहान गोली हानाहान भएको छ।सर्लाहीबाट आएका वन तस्करले विश्रामपुरको वृद्धावनबाट काठका गोलिया लैजाने क्रममा गोली हानाहान भएको फरेष्टर विमल चौधरीले जानकारी दिए ।जंगलबाट टायरगाडामा काठ लैजान लागेका समयमा फरेष्टर चौधरी नेतृत्वको टोलीले फयरिङ शुरु गरेको थियो । तस्करले समेत आफूहरुलाई फायरिङ गर्दै भागेको चौधरीको भनाई छ।तस्करलाई नियन्त्रणमा लिन वन गस्ती टोलीले २० राउण्ड गोली चलाएकोे छ । तस्करहरुले पनि १२ राउण्ड फायरिङ गरेका थिए ।तस्करहरुलाई पछ्याउँदै जाँदा वन रक्षक टोलीले पौराईवाट तीन वटा टायरगाडामा एक सय पचास क्यूफिट बराबरका ६ थान सालको गोलिया वरामद गरेको छ ।
http://go.oclaserver.com/afu.php?zoneid=1465736