arghakhanchi
मिति:
*स्थानीय निर्वाचन २०७४ ! Local Election 2074 *
भर्खरै
थप समाचार
बिज्ञापनहरु Advertisements
banner
banner
banner
मत सर्वेक्षण
देशका तीन प्रदेशमा उल्लासमय रुपमा पहिलो चरणको स्थानिय निर्वाचन सम्पन्न भएको छ। आगामी जेष्ट ३१ गते घोषणा गरिएको दोस्रो चरणको स्थानिय निर्वाचन समयमा होला वा हुँदैन ?

हुन्छ
हुँदैन
गर्नै पर्
थाहा भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
banner
 
राष्ट्रिय समाचार
मधेसी मोर्चासहितको तीन दल र बन्दकर्ता जनजाति महासंघबीच भएको वार्ता निष्कर्षहीन(२०६९ ज्येष्ड ८, सोमवार)
मधेसी मोर्चासहितको तीन दल र बन्दकर्ता जनजाति महासंघबीच भएको वार्ता निष्कर्षहीन भएको छ । भर्खरै सम्पन्न वार्तामा राजनीतिक दलहरुले बन्द फिर्ता लिन आह्वान गर्दै आन्दोलनकारीको मागप्रति लचिलो दृष्टिकोण राखेका थिए । तर, बन्दकर्ताले आन्तरिक छलफलका लागि समय मागेपछि ३ बजेसम्मका लागि वार्ता स्थगित भएको छ । प्रमुख दलका शिर्ष नेताहरुले जनजातिले उठाएको मागप्रति सकारात्मक धारणा राखेपछि बन्दकर्तालाई अब के निर्णय लिने भनेर फसाद परेको छ ।
राष्ट्रपति यादवद्धारा प्रमुख दलका शीर्ष नेताहरुसंग गम्भीर छलफल(२०६९ ज्येष्ड ८, सोमवार)
संविधान जारी गर्ने म्याद छ दिनमात्रै बाँकी रहँदा राष्ट्रपति रामवरण यादवले प्रमुख तीन दल र मधेसी मोर्चाका शीर्ष नेतासँग संविधान निर्माण प्रक्रिया बारे जानकारी लिएका छन्। त्यसैगरी उनले प्रधानमन्त्री बाबुराम भट्टराईसँग पनि आजै भेट गरेका छन्। भेटपछि उपप्रधानमन्त्री तथा गृहमन्त्री एवं मधेसी मोर्चाका अध्यक्ष विजयकुमार गच्छदारले जेठ १४ भित्र जसरी भए पनि संविधान ल्याउन आज जसरी भए पनि सहमति गर्न राष्ट्रपतिले सुझाव दिएको बताए।
अक्सिजन ग्यासको अभाब /आकस्मिक सेवा बाहेक सबै सेवा बन्द / बिरामी अलपत्र (२०६९ ज्येष्ड ८, सोमवार)
अर्घाखाँची जगता ४ कि निरु महत्रालाई सुत्केरी ब्यथाले च्यापेपछी शनिबार बुटवल ल्याइयो । उहालाई बन्दै बन्दका बिच एम्बुलेन्समा राखेर यहाँ ल्याइएको हो । एम्बुलेन्समा चर्को मुल्य तिरेर लुम्बिनी अञ्चल अस्पतालमा ल्याइ उहालाई भर्ना गरियो । त्यस्तै दाङका सन्दिप पाण्डेलाई एपेण्डिक्स भएपछी आइतबार बुटवल ल्याइयो । एम्बुलेन्समा १२ हजार भाडा तिरेर उहालाई बुटवल ल्याइएको हो । २४ घण्टा भित्र उपचार नपाए एपेण्डिक्स बिरामीको अप्रेशन नगरिए मृत्यु हुन्छ । यस् क्षेत्रमा निरनतर १२ दिन यता बन्द छ । बन्दका कारण अक्सिजन ओसार पोसार गर्न सकिएको छैन डा. खत्रीले भन्नुभयो । उहाले भन्नुभयो " यस् क्षेत्रमा रिफिलिङ गर्ने भाजुरत्न इन्जिनियरिङ्ग हो , अहिले बन्दले गर्दा त्यो पनि बन्द भएकोले अस्पतालमा समेत ग्यासको अभाब भएको छ।"    
आदिवासी जनजाति संयुक्त संघर्ष समितिले गरेको बन्दको दोस्रो दिन पनि देश भरको जन जीवन ठप्प (२०६९ ज्येष्ड ८, सोमवार)
आदिवासी जनजाति संयुक्त संघर्ष समितिले गरेको बन्दको दोस्रो दिन सोमबार  राजधानी लगायत मुलुकभरको जनजीवन ठप्प भएको छ । जातीय पहिचानसहितको राज्यको माग गर्दै गरिएको बन्दमा बिहानैदेखि यातायात, व्यापारिक प्रतिष्ठान, शिक्षण संस्था, उद्योग कलकारखाना र बजार पूर्णरूपमा बन्द भएका छन् । प्रदर्शनकारीले ठाउँ-ठाउँमा नारा जुलुस गरेका छन् ।


देशभर संचारमाध्यम माथि भएको आक्रमण-तोडफोडको चौतर्फी निन्दा र दुःख व्यक्त(२०६९ ज्येष्ड ८, सोमवार)
नेपाली काँग्रेसले आदिवासी जनजातिले आइतवार आह्वानमा गरेको बन्दका क्रममा सूचना सङ्कलन गरिरहेका पत्रकारमाथि भएका दुर्व्यवहार तथा सञ्चारगृहका सवारी साधनहरुको तोडफोड भएकोमा दुःख व्यक्त गरेको छ ।
सञ्चारमाध्यममाथि आक्रमण: नवलपरासीका पत्रकार हात भाँचिदिए / कङ्ग्रेस विमलेन्द्र निधिको निवासमा तोडफोड(२०६९ ज्येष्ड ७, आइतवार)
संयुक्त थारु संघर्ष समितिले नवलपरासीको डण्डास्थित थारु संग्रहालयमा आयोजना गरेको विरोध सभाको समाचार संकलन गरेर फकिर्दै गरेका नवलपरासीका पत्रकार हरि शर्माको थारु कार्यकर्ताले हात भाँचिदिएका छन्। पत्रकार शर्मा अन्नपूर्णपोष्ट, इमेज च्यानललगायतका सञ्चारमाध्यममा कार्यरत छन्। नेपालगंजमा आदिवासी जनजाति महासंघका अध्यक्ष राजकुमार लेखीले आफ्नो पक्षमा समाचार नआए पत्रकार र सञ्चारमाध्यम जलाउन सक्ने बताइरहँदा उनकै कार्यक्रमको समाचार लेख्न हिँडेका शर्मामाथि आक्रमण भएको हो।
भिडियोमा रिपोर्टर्स क्लवमा तनाव, प्रहरी हस्तक्षेप, पत्रकारलाई बाँकी नराख्ने चेतावनी(२०६९ ज्येष्ड ७, आइतवार)
VIDEO: नेपाल आदीबासी जनजाती महासंघका महासचिव आङकाजी शेर्पाले रिपोर्टर्स क्लब नेपालका अध्यक्ष ऋषि धमला र सम्पूर्ण पत्रकारलाई ठेगान लगाउने धम्कि दिएका छन ।
बुटवलको लुम्बिनी अञ्चल अस्पतालमा बिरामी अलपत्र, अक्सिजनको समेत अभाब (२०६९ ज्येष्ड ७, आइतवार)

अर्घाखाँची जगता ४ कि निरुमहत्रालाई सुत्केरी ब्यथाले च्यापेपछी शनिबार बुटवल ल्याइयो । उहालाई बन्दै बन्दकाबिच एम्बुलेन्समा राखेर यहाँ ल्याइएको हो । एम्बुलेन्समा चर्को मुल्य तिरेर लुम्बिनी अञ्चल अस्पतालमा ल्याइ उहालाई भर्ना गरियो । त्यस्तै दाङका सन्दिपपाण्डेलाई एपेण्डिक्स भएपछी आइतबार बुटवल ल्याइयो । एम्बुलेन्समा १२ हजार भाडातिरेर उहालाई बुटवल ल्याइएको हो । २४ घण्टा भित्र उपचार नपाएएपेण्डिक्स बिरामीको अप्रेशन नगरिए मृत्‍यु हुन्छ ।

प्रधानमन्त्री भट्टराईद्धारा आदिवासी जनजातिले आह्वान गरेको बन्दका क्रममा प्रेसमाथि गरिएको आक्रमणप्रति खेद ब्यक्त(२०६९ ज्येष्ड ७, आइतवार)
प्रधानमन्त्री डा. बाबुराम भट्टराईले आदिवासी जनजातिले आह्वान गरेको बन्दका क्रममा प्रेसमाथि गरिएको आक्रमणप्रति खेद ब्यक्त गरेका छन् । उनले नेपाल पत्रकार महासंघका अध्यक्ष शिव गाउँलेलाई टेलीफोन गरी खेद ब्यक्त गरेका हुन् । गाउँलेका अनुसार प्रधानमन्त्री भट्टराईले प्रेस र पत्रकारका सुरक्षाका लागि सुरक्षाकर्मीलाई संवेदनशील हुन निर्देशन दिइसकेको पनि उल्लेख गरेको छ । साथै महासंघका तर्फबाट क्षतिको विवरण पठाउन आग्रह गर्दै प्रधानमन्त्रीले राज्यले क्षतीपूर्ती दिने बताएका छन् ।
शान्ति तथा पुन:निर्माण मन्त्री टोपबहादुर रायमाझीद्धारा आदिवासी जनजाति र नेवा: समितिलाई बार्ताका लागि आह्वान (२०६९ ज्येष्ड ७, आइतवार)
शान्ति तथा पुन:निर्माण मन्त्री टोपबहादुर रायमाझीले आदिवासी जनजाति संयुक्त संघर्ष समिति र नेवा: संघर्ष समितिलाई बार्ताका लागि आह्वान गरेको छ । आइतवार दिउँसो मन्त्रालयमा पत्रकार सम्मेलन गरी आन्दोलनकारीलाई बार्ताका लागि आह्वा गरिएको हो ।
अन्तरिम संविधान २०६३ बाह्रौं पटक संसोधन गरी संविधानसभाबाट एकमुष्ट रुपमा नयां संविधान पारित ढोका खुल्यो(२०६९ ज्येष्ड ७, आइतवार)
अन्तरिम संविधान २०६३ बाह्रौं पटक संसोधन गरी संविधानसभाबाट एकमुष्ट रुपमा नयां संविधान पारित ढोका खोलिएको छ । अन्तरिम संविधानको मौजुदा प्रावधान अनुसार नयाँ संविधानका हरेक धारा पारित गर्ने समय छोटो भएकाले छोटो प्रकृयाबाट संविधान पारित गर्नका लागि अन्तरिम संविधानको धारा ७० संसोधन गरिएको हो । संविधान संसोधन विधयेक संसदमा पेश भएको ७२ घण्टा संसोधन हाल्ने समय दिनु पर्ने प्रावधान भए पनि समय अभावका कारण नियम निलम्बन गरेर संविधान संसोधन विधेयक पारित गरिएको हो ।
व्यवस्थापिका संसदको बैठकमा आज संविधानको धारा ७० संशोधन(२०६९ ज्येष्ड ६, शनिवार)
व्यवस्थापिका संसदको बैठकमा आज संविधानको धारा ७० संशोधनको प्रक्रिया थालिने छ । संसद अवरोध खुलेपछि मन्त्री पोष्टबहादुर बोगटीले हिजै संसदमा नयाँ संविधान जारी गर्ने प्रक्रिया छोट्याउन अन्तरिम संविधानको धारा ७० मा संशोधनसम्बन्धि विधेयक पेश गर्नुभएको थियो । विधेयकमा छलफल भई संशोधन हुने संसद सचिवालयले जनाएको छ । मधेशी मोर्चालेको संसद अवरोध अन्त्य गरी सुचालु भएको हिजोको बैठकमा प्रधानमन्त्री डा. बाबुराम भट्टराईले जेठ १४ मा जसरी पनि संविधान जारी गर्नुको विकल्प नभएकाले अवरोध नगर्न आह्वान गर्नुभएको थियो ।
पछिल्ला तीन वर्षमा एक सय नौ नेपाली युवति भारततिर लगेर बेपत्ता भएको एक तथ्याङ्क सार्वजनिक(२०६९ ज्येष्ड ६, शनिवार)
पछिल्ला तीन वर्षमा पशुपतिनगर नाका भएर एक सय नौ नेपाली युवति वेपत्ता भएको एक तथ्याङ्कले देखाएको छ। माइती नेपालले शुक्रबार सार्वजनिक गरेको तथ्याङ्कमा दलालहरुले वैदेशिक रोजगारीको प्रलोभन देखाएर यी चेलीलाई भारततिर लगेर बेपत्ता बनाएको हुनसक्ने उल्लेख छ। उनीहरुमध्ये ३१ जना माइती नेपालको सम्पर्कमा आएका छन्। पशुपतिनगर र त्यस आसपासको बाटो हुँदै सन् २०११ मा ३० युवति हराएका थिए।
आजदेखि काठमाडौँका १२ स्थानमा सभाजुलुस गर्न नपाइने (२०६९ ज्येष्ड ६, शनिवार)
नयाँ सविधान जारी गर्ने समय नजिकिंदै गर्दा सुरक्षा संवेदनशीलतालाई दृष्टिगत गरी काठमाडौँ महानगरपालिकाभित्रका १२ स्थानमा निषेधित घोषणा गरिएको छ । काठमाडौँ जिल्लाका प्रमुख जिल्ला अधिकारी रत्नराज पाण्डेद्वारा जारी निषेधित क्षेत्रको आदेश शनिबारबाट लागू हुनेछ । यो आदेशअनुसार राष्ट्रपति कार्यायलको परिसरको प्रवेशद्वारको उत्तर दक्षिण ५० मिटर, उपराष्ट्रपतिको कार्यालयको परिसर अगाडि, प्रधानमन्त्रीको निवास क्षेत्र बालुवाटार, भद्रकाली मन्दिर रिपुमर्दन पेट्रोलपम्प अगाडिसम्म तथा माइतीघर मण्डलादेखि सिंहदरबार दक्षिण ढोका हुँदै हुनमानस्थानसम्म धर्ना, जुलुस र सभा गर्न पाइने छैन ।
मधेसी जनअधिकार फोरमका पूर्वमन्त्री अकवाल र सुरिताकुमारीबीच संसद् भवनमै हात हालाहाल(२०६९ ज्येष्ड ५, शुक्रवार)
मधेसी जनअधिकार फोरम (गणतान्त्रिक)का सभासद् एवं पूर्वमन्त्री अकवाल अहमद साह र पूर्वराज्यमन्त्री सुरिताकुमारी साहबीच संसद् भवनमै हात हालाहाल भएको छ । ११ प्रदेश पुनर्विचार गर्न उपसमितिमा निवेदन दिन अकवालले हस्ताक्षर गरेकोमा आपत्ति जनाउँदै सुरिताले कुट्ने प्रयास गरेकी थिइन् । दुवैबीच हात हालाहालको स्थिति भएपछि अन्य सभासद्ले दुवैलाई छुट्याएका थिए ।
भारतीय दूतावासबाट खुला हस्तक्षेप भएको शीर्ष चार दलका शीर्ष नेताको ठहर(२०६९ ज्येष्ड ५, शुक्रवार)
वीरगन्जस्थित भारतीय महाबाणिज्य दूतावासका कन्सुलर एस्.डी. मेहताले अस्ति बुधबार विभिन्न राजनीतिक दलका स्थानीय नेताहरुलाई रात्रीभोजमा आमन्त्रण गरी मधेशमा आन्दोलनको आँधी बेहरी ल्याउन गरेको आव्हान नेपालको आन्तरिक मामिलामा खुला हस्तक्षेप रहेको चार दलका शीर्ष नेताले ठहर गरेका छन् ।
गत वैशाख १८ गते जनकपुरमा गराइएको बिस्फोट शक्तिशाली र रिमोल कन्ट्रोलबाट सञ्चालित(२०६९ ज्येष्ड ५, शुक्रवार)
गत वैशाख १८ गते जनकपुरको रामानन्द चोकमा गराइएको बिस्फोट शक्तिशाली र रिमोल कन्ट्रोलबाट सञ्चालित रहेको प्रहरीले जनाएको छ । आज जनकपुरमा पत्रकार सम्मेलन गरी केन्द्रिय अनुसन्धान ब्यूरोका प्रमुख उपेन्द्रकान्त अर्यालले बिस्फोट गराइएको बम अल्ट्रा मोर्डन क्राइमको स्वरुपमा रिमोट कन्ट्रोलबाट संचालित रहेको वताउनुभयो । उहाँले रामानन्द युवा क्लबका पूर्व अध्यक्ष एवं जिल्ला विकास समितिका सह लेखापाल जीवनाथ चौधरीलाई लक्षित गरी बिस्फोट गराइएको पनि वताउनुभयो । तर, उहाँले चौधरीलाइ नै लक्षित गरि बम विष्फोट गराइनुको कारणबारे भने केहि खुलाउनु भएन ।
तराई केन्द्रित मधेसी दलहरुलाई आन्दोलन गर्न उक्साएका भारतीय कुटनीतिज्ञले दिएको अभिव्यक्तीको सर्वत्र निन्दा (२०६९ ज्येष्ड ५, शुक्रवार)
सर्वोच्च अदालत बार एसोसिएसनले नेपालको सार्वभौमसत्ता, स्वतन्त्रता र अखण्डताविरुद्ध खेदपूर्ण अभिव्यक्ति दिने भारतीय कन्सुलर एसडी मेहतालाई कूटनीतिज्ञ हुनका लागि अयोग्य घोषित गरी तत्काल फिर्ता पठाउन नेपाल सरकारसँग माग गरेको छ। उनको यो अभिव्यक्ति कूटनीतिक आचरणविरुद्ध रहेको र त्यसबाट नेपालको आन्तरिक मामिलामा प्रत्यक्ष हस्तक्षेप भएको हुँदा उक्त अभिव्यक्ति भर्त्सनायोग्य भएको पनि उसले जनाएको छ।
उन्नत तरिका अपनाउंदै रूपन्देहीका किसानहरू(२०६९ ज्येष्ड ५, शुक्रवार)
रूपन्देहीमा पछिल्लो समय इकोसिष्टम प्रणालीमार्फत व्यवसायीक पशु तथा माछा पालन थालिएको छ । जिल्लाका भित्री गाउ बनकटुवा, पर्रोहा, रुद्रपुर, छपिया, फर्सातिकर लगायतका ठाउमा इकोसिस्टम मार्फत व्यवसायिक बंगुर तथा माछापालन गरी किसानहरुले राम्रो लाभ लिइरहेका छन् ।सालझण्डीको बनकटुवामा ब्राम्हणहरुले समेत सामूहिक बंगुरपालन सुरु गरेका छन् ।  बाहुन र क्षेत्रीको ९ जनाको समूहले एउटा समितिनै बनाएर सालझण्डी गाविस अन्तरगत पर्ने उक्त स्थानमा विगत ६ महिनादेखि सामूहिक बंगुर तथा माछा पालन सुरु गरेका हुन् । सुरुमा एक-एक लाख रुपैया लगानी जुटाएर १० कठ्ठा जग्गा लिजमा लिई काम सुरु गरिएको समितिका अध्यक्ष कमल गौतमले जानकारी दिनुभयो ।
रुपन्देहीमा पेट्रोलियम पदार्थको कृत्रिम अभाब(२०६९ ज्येष्ड ५, शुक्रवार)
लगातार परेको बन्दका कारण रुपन्देहीमा पेट्रोलियम पदार्थको अभाब भएको छ । बन्दका कारण सवारीसाधन नचले पनि अत्यन्त जरुरीका साधनका लागि आवश्यक पर्ने डिजेल पेट्रोलको अभाब सुरु भएको छ । त्यस्तै घर घरमा खाना पकाउन प्रयोग गरिने एलपी ग्यासको समेत कृत्रिम अभाब हुन लागेको छ । जेष्ठ १४ सम्म लगातार बन्द हुने सकेंत पाएका ब्यापारीहरुले गोदाम भरेर स्टकमा राखी महगोंमा बिक्री गर्ने उद्देस्यले ग्यास लुकाइ राखेका कारण ग्यासको अभाब भएको हो ।बजारमा ग्यास पाउन छाडेपछी उपभोत्ता मर्कामा परेका छन । व्यवसायीले भाउ बडाउनका लागि ग्यास लुकाएर राख्ने गरेको उपभोत्ता हित सम्रक्षण मन्च रुपन्देहीका अध्यक्ष नर्बु लामाले बताउनु भयो । व्यवसायीले उपभोत्तासग जुन सिलिण्डर छ त्यो आफुहरु सँग नभएको भन्दै उच्च मुल्यमा नयाँ सिलिण्डर भिराउने गरिरहेको समेत उहाले बताउनुभयो। उहाले भन्नुभयो "बन्दको समयमा उपभोत्तालाई पर्ने असुबिधा बुझेर ब्यापारीहरुले कालो बजारी गर्छन् , तर अनुगमन गर्ने सरकारी निकाय मौन छ"। 
राष्ट्रिष प्रजातन्त्र नेपालको एक दिने बन्दका कारण जनजीवन प्रभावित(२०६९ ज्येष्ड ५, शुक्रवार)
राष्ट्रिष प्रजातन्त्र पार्टी नेपालको एक दिने बन्दका कारण राजधानी उपत्याका लगायत विभिन्न स्थानको जनजीवन प्रभावित भएको छ । राष्ट्रिय अखण्ताका लागि भन्दै गरिएको बन्दका कारण राजधानीमा ठूला भाडाका सवारी साधनहरु चलेका छैनन् । ट्याक्सी, मोटरसाइकल तथा निजी सवारी साधनहरु भने दिउँसो चलिरहेको देखिएको छ । भाडाका ठूला गाडी नचल्द गन्तव्यतर्फ जाँदै गरेको यात्रुहरु हिंडी रहेका छन् । मूल सडकका पसलहरु नखुलेको तथा शैक्षिक संस्थाहरु बन्द रहेपनि भित्री बजारहरु निर्वाध रुपमा चलेका छन् ।
ब्राह्मण क्षेत्री पनि आदिवासी, अनिश्चितकालीन नेपाल बन्दको कार्यक्रम फिर्ता(२०६९ ज्येष्ड ४, विहीवार)
सरकार र प्रमुख दलका शीर्ष नेताले बाहुन, क्षेत्री र सन्यासीलाई आदिवासिमा सुचिकृत गर्ने लिखित सहमति गरेपछि ब्राह्मण, क्षेत्रीलगायतका ११ जातीय समूहले आजदेखि आह्वान गरेको अनिश्चितकालीन नेपाल बन्दको कार्यक्रम फिर्ता लिएको छ। प्रधानमन्त्री बाबुराम भट्टराई, कांग्रेस सभापति सुशिल कोइराला, एमाले अध्यक्ष झलनाथ खनाल, मन्त्री एवं माओवादी नेता वर्षमान पुनले लिखित सहमतिमा हस्ताक्षर गरेपछि ती समाजले आयोजना गरेको अनिश्चितकालीन बन्द फिर्ता भएको हो।
एमालेलाई परराष्ट्र, उर्जा, कृषि र युवा तथा खेलकुद मन्त्रालयको जिम्मेवारी(२०६९ ज्येष्ड ४, विहीवार)
नेकपा (एमाले) ले वर्तमान सरकारमा पाउने मन्त्रालयको टुङ्गो लागेको छ। आज साँझ प्रमुख तीन दल र संयुक्त मधेसी लोकतान्त्रिक मोर्चाका बैठकले एमालले पाउने मन्त्रालयमा सहमति गरेको हो। बैठकपछि एमालेका अध्यक्ष झलनाथ खनालले दिएको जानकारी अनुसार एमालेले परराष्ट्र, उर्जा, कृषि र युवा तथा खेलकुद मन्त्रालयको जिम्मेवारी पाउने सहमति भएको हो। तर अन्य पार्टीहरुले पाउने मन्त्रालयका बारेमा सहमति हुन बाँकी रहेको छ।
अन्तरिम संविधान संशोधनका लागि बोलाईएको ब्यवस्थापिका संसदको ११ औं हिउंदे अधिवेशन सुरु(२०६९ ज्येष्ड ४, विहीवार)
अन्तरिम संविधान संशोधनका लागि बोलाईएको ब्यवस्थापिका संसदको ११ औं अधिवेशन आजदेखि सुरु भएको छ । संसद बैठकमा अन्तरिम संविधानको धारा ७० को संसोधन विधेयक प्रस्तुत गर्ने कार्यक्रम छ । सभामुख सुवास नेम्वाङले राष्ट्रपति कार्यालयबाट प्राप्त पत्र बढेर सुनाएपछि संसद अधिवेशन औपचारीक रुपमा शुरु भएको हो । ११ औं अधिवेशनको पहिलो बैठकमा सभामुख नेम्वाङले प्रधानमन्त्री कार्यालयबाट प्राप्त मन्त्रीहरु नियुक्तिसम्बन्धी पत्रहरु पढेर सुनाउनुभयो ।
क्षेत्री, ब्राह्मण लगायत ११ संस्थाको नेपाल बन्दले जनजीवन प्रभावित(२०६९ ज्येष्ड ४, विहीवार)
VIDEO:  । क्षेत्री, ब्राह्मण लगायत ११ संस्थाले गरेको नेपाल बन्दको पहिलो दिन काठमाडौँको जनजीवन प्रभावित भएको छ।
कांग्रेसले बाबुराम भट्टराई नेतृत्वको सरकार छोटो अवधिका लागि भएकाले थप मन्त्री नपठाउने(२०६९ ज्येष्ड ४, विहीवार)
कांग्रेसले बाबुराम भट्टराई नेतृत्वको सरकार छोटो अवधिका लागि भएकाले थप मन्त्री नपठाउने मनस्थिति बनाएको छ । पार्टीको भागमा परेको थप तीन मन्त्री छनौटका लागि कांग्रेस संसदीय दलका नेता रामचन्द्र पौडेललाई जिम्मेबारी दिएको थियो । तर, अधिकांश केन्द्रीय सदस्यहरुले दश दिनका लागि नपठाउदै राम्रो हुने सुझाव दिएपछि पौडेलले मन्त्री छनोटमा चासो दिएका छैनन ।
सत्तारुढ मधेसी मोर्चा ११ प्रदेशको सङ्घीय संरचना बनाउने तीन ठूला दलको निर्णयप्रति तीव्र असन्तुष्टी(२०६९ ज्येष्ड ४, विहीवार)
सत्तारुढ मधेसी मोर्चाले ११ प्रदेशको सङ्घीय संरचना बनाउने तीन ठूला दलको निर्णयप्रति तीव्र असन्तुष्टी प्रकट गरेको छ। प्रधानमन्त्री निवास बालुवाटारमा आज सत्तारुढ एमाओवादीसँग भएको बैठकमा ११ प्रदेशको प्रस्तावमा पुनर्विचार नभए मधेसी मोर्चा सरकार छाडेर सङ्घर्षमा जाने चेतावनी दिएको छ। आफ्नो सहमतिबिना एमाओवादी, नेपाली काँग्रेस र नेकपा (एमाले) ले सङ्घीय प्रदेशको विषयमा एकलौटी निर्णय गरेको आरोप लगाउँदै त्यसलाई सच्याउन मोर्चाले आग्रह गरेको छ।
प्रमुख तीन दल वीच मन्त्रालय बाडफाडको विषयमा भएको छलफल विनानिष्कर्स(२०६९ ज्येष्ड ४, विहीवार)
प्रमुख तीन दल वीच मन्त्रालय बाडफाडको विषयमा भएको छलफल विनानिष्कर्स टुङगिएको छ । प्रधानमन्त्री डा बाबुराम भट्टराई नेतृत्वको सरकारले राष्ट्रिय सहमतिको रुप लिएपछि आज बिहान मन्त्रीहरुको कामको जिम्मेवारीको बारेमा सत्ता गठबन्धन दलहरुबीच कुराकानी भएको बताइएको छ । दलहरुवीच सहमति हुन नसक्दा माओवादी, काग्रेस र एमालेका तर्फबाट मन्त्री नियूक्त भएका मन्त्रीहरु जिम्मेवार विहीन बनेका छन् ।
मुख्य दलहरुले सहमति गरेपनि आफ्ना मागहरुको स्पष्ट, ग्यारेन्टी नभएको भन्दै विभिन्न समूहद्धारा बन्दको श्रृंखला शुरु(२०६९ ज्येष्ड ४, विहीवार)
मुख्य दलहरुले नयां संविधानका विषयमा सहमति गरेपनि नयां संविधानमा आफ्ना मागहरुको स्पष्ट सम्बोधन हुने ग्यारेन्टी नभएको भन्दै विभिन्न समूहहरुले बन्दको श्रृंखला शुरु गरेका छन् । ब्राम्हण, क्षेत्री, दशनामी, ठकुरी, दलित, पिछडा बर्ग लगायतले सरकारले आफ्ना मागको सुनुवाई नगरेको भन्दै भोलिदेखि अनिश्चितकालीन आमहडतालको घोषणा गरेका छन् ।
माओवादी वैद्य पक्षद्धारा तीन दलले गरेको सहमति राष्ट्र र जनविरोधी भन्दै नेपाल बन्दसम्मको कडा कार्यक्रम सार्वजनिक(२०६९ ज्येष्ड ४, विहीवार)
माओवादीभित्रको असन्तुष्ट वैद्य पक्षले साना दलहरुसँग मिलेर बनाएको मोर्चाको संयुक्त राष्ट्रिय जनआन्दोलन समितिको बुधबार बसेको बैठकले तीन दलले गरेको सहमतिको विरोधमा नेपाल बन्दसम्मको कडा कार्यक्रम सार्वजनिक गरेको छ। माओवादीनिकट जनवर्गीय संगठनको कार्यालय बुद्धनगरमा बसेको वैठकले तीन दलका शीर्ष नेताहरुले गरेको सहमतिलाई 'राष्ट्र र जनविरोधी' भन्दै स‍ंघर्षका कार्यक्रम सार्वजनिक गरेको हो।