arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
प्रतिनिधिसभा र प्रदेशसभा निर्वाचनपछि कसले सरकार बनाउला ?

बाम गठबन्धन
नेपाली कांग्रेस
थाहा भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
भारतबाट नेपाल ल्याउदै गरेका ठुलो परिमाणको लागु औषध कोरेक्स र प्रोक्सी भेन ट्याबलेट सहित २ जनालाई पक्राउ(२०६९ आश्विन २०, शनिवार)
भारतबाट नेपाल ल्याउदै गरेका ठुलो परिमाणको लागु औषध कोरेक्स र प्रोक्सी भेन ट्याबलेट सहित मोरङ प्रहरीले २ जनालाई पक्राउ गरेको छ । पक्राउ पर्नेमा मोरङ झुर्किया गाविसका इव्राहिम मियां र अलवा मिया छन् । उनीहरुको साथबाट प्रहरीले कोरेक्स ८० बोतल र प्रोक्सी भेन ट्याबलेट २ सय ८८ थान बरामद गरेको छ ।
धनकुटामा पूर्वराज्यमन्त्रीको सरकारी गाडी अज्ञात समुहद्धारा तोडफोड तथा आगजनी(२०६९ आश्विन २०, शनिवार)
पूर्व अर्थराज्य मन्त्री हरिराज खेवा लिम्बूले प्रयोग गर्दै आएको अर्थ मन्त्रालय सचिवालयको सवारी साधन सदरमुकामको चुवाबोट चोकमा शुक्रवार अपरान्ह अज्ञात समुहले तोडफोड तथा आगजनी गरेको छ । सडक छेउमा बा.१ झ ८८२१ नं.को सरकारी जीप राखि लिम्बु चुवाबोटस्थित हिमचुली होटलमा बसिरहेका बखत करिब दश जनाको युवा समुहले तोडफोड तथा मटि्टतेल छर्किएर आगजनी गरेको प्रत्यक्षदर्शिले जनाएको छन् । घटनाको हालसम्म पुष्टि भएको छैन भने सम्लग्नको खोजिरहेको जिल्ला प्रहरी प्रमुख प्रनाउ शरदकुमार तामाङले जानकारी दिए ।
प्रधानमन्त्री बाबुराम भट्टराईद्धारा आगामी वैशाखमा चुनाव हुने ठोकुवा(२०६९ आश्विन २०, शनिवार)
प्रधानमन्त्री बाबुराम भट्टराईले आगामी वैशाखमा चुनाव हुने बताएका छन् । सिंहदरबारस्थित प्रधानमन्त्री कार्यालयमा शुक्रबार गएको आयोगका कार्यवाहक प्रमुख निर्वाचन आयुक्त नीलकण्ठ उप्रेती नेतृत्वको टोलीलाई प्रधानमन्त्रीले यो ठोकुवा गरेका हुन् । 'प्रधानमन्त्रीज्यूले आगामी वैशाखमा चुनाव हुन्छ । त्यसनिम्ति दलहरूसित सहमति भएको छ भन्नुभएको छ,' आयोग स्रोतले प्रधानमन्त्रीको भनाइ उद्धृत गर्दै भन्यो, 'तर कस्तो र कुन चुनाव भन्ने खुलेको छैन ।' आयोगले अब हुने निर्वाचनमा विद्युतीय मतदान यन्त्र (ईभीएम) को प्रयोग र चुनावी तयारी सम्बन्धी विषयलाई लिएर प्रधानमन्त्रीको ध्यानाकर्षण गराएको हो ।
एमालेद्धारा देशभर सरकारको विरोधमा प्रदर्शन(२०६९ आश्विन १९, शुक्रवार)

नेकपा एमालेका भ्रातृ संगठनहरुको साझा मोर्चाले शुक्रवार देशभर सरकारको विरोधमा प्रदर्शन गरेका छन् । राजधानीमा पनि एमालेले विशाल प्रदर्शन गरेको छ । रत्नपार्कबाट शुरु भएको विरोध -याली बागबजार, पुतलीसडक, भद्रकाली, शहीदगेट, बसन्तपुर, नरदेवी, असन हुँदै पुनः रत्नपार्कमै पुगेर आमसभामा परिणत भएको छ । यसअघि रत्नपार्कबाट शुरु हुन लागेको -यालीलाई सम्बोधन गर्दै एमाले अध्यक्ष झलनाथ खनालले एकीकृत माओवादी र प्रधानमन्त्री डा. बाबुराम भट्टराई सत्ता कब्जाको बाटोमा अघि वढेको आरोप लगाए । अहिलेको सरकार रहेसम्म राजनीतिक गतिरोधको निकास खोज्न सम्भव नहुने भन्दै उनले तत्काल पद छाडेर सहमतिका लागि बाटो खोल्न प्रधानमन्त्री भट्टराइलाई आग्रह गरे । प्रधानमन्त्रीले सत्ता नत्यागे आन्दोलनको आँधीबेहरी सृजना गर्ने खनालको भनाई थियो ।

थरुहट तराई पार्टीद्धारा अध्यक्ष लक्ष्मण थारुलाई साधारण सदस्य समेत नरहने गरी वर्खास्त(२०६९ आश्विन १९, शुक्रवार)
संचारमाध्यमहरुमा प्रकासित समाचार अनुसार थरुहट तराई पार्टी नेपालले पार्टी अध्यक्ष लक्ष्मण थारुलाई साधारण सदस्य समेत नरहने गरी वर्खास्त गरेको छ । थारु बिहीबार मधेसी जनअधिकार फोरम लोकतान्त्रिकमा प्रवेश गरेका थिए । थारुले थरुहट आन्दोलन प्रति ठूलो धोका र राजनैतिक गद्दारी गरेको आरोप लगाउँदै शुक्रवार देखि नै लागु हुने गरी उनलाई हटाइएको पार्टीद्वारा जारी विज्ञप्तीमा जनाइएको छ । पार्टीको कावा अध्यक्ष भानुराम थारु, बरिष्ठ नेता गोपाल दहित, महासचिव नन्द कुमार थारु लगायतका केन्दि्रय कार्यसमितिका पदाधिकारी र सदस्यहरुले शुक्रवार महेन्द्रनगरमा पत्रकार सम्मेलनको आयोजना गरी पार्टीलाई कुनै जानकारी नदिई थारुले अन्य पार्टीको सदस्यता लिएको जानकारी दिए ।
सरकारद्धारा नेपाली सेनाका ५ महासेनानीलाई सहायक रथीमा र ५ जना प्रमुख सेनानीलाई महासेनानीमा बढुवा(२०६९ आश्विन १९, शुक्रवार)
सरकारले नेपाली सेनाका ५ महासेनानीलाई सहायक रथीमा र ५ जना प्रमुख सेनानीलाई महासेनानीमा बढुवा गरेको छ । मन्त्रीपरिषदको आज बसेको बैठकले बढुवा गरेका सहायक रथीहरुमा प्रभुराम शर्मा, बिजयध्वज शर्मा, समीर शाही, सुर्वण बहादुर महत र राजु बस्नेत छन् । बस्नेतमाथि द्वन्दकालमा गम्भीर मानवअधिकार हनन् गरेको आरोप लाग्दै आएको छ । सोही आरोपका कारण यसअघि बस्नेतको बढुवा पटक पटक रोकिंदै आएको थियो भने अन्तर्राष्ट्रिय मानवअधिकार एजेञ्सीहरुले पनि बढुवा नगर्न सरकारलाई आग्रह गर्दै आएका थिए ।
एमालेद्धारा केही नेताहरुले पार्टी परित्याग गर्दैमा सिंगो पार्टीलाई कुनै असर नगर्ने दाबी, आज खुला मञ्चमा सरकार विरुद्ध विरोध सभा गर्दै(२०६९ आश्विन १९, शुक्रवार)
एमालेले भोलि  सरकार विरुद्ध विरोध सभा गर्ने
काठमाडौं । नेकपा एमालेले केही नेताहरुले पार्टी परित्याग गर्दैमा सिंगो पार्टीलाई कुनै असर नगर्ने दाबी गरेको छ ।
पूर्व गृहसचिव पद्मप्रसाद पोखरेललाई भ्रष्टाचारी ठहर (२०६९ आश्विन १८, विहीवार)
पूर्व गृहसचिव पद्मप्रसाद पोखरेललाई  विशेष अदालतले भ्रष्टाचारी ठहर गरेको छ । उनलाई भ्रष्टाचारी ठहर गर्दै अदालतले डेढ वर्ष कैद सजाय र ५८ लाख ५९ हजार रुपैँया बिगो र त्यति नै जरिवाना हुने फैसला सुनाएको हो ।
अदालतका अध्यक्ष गौरीबहादुर कार्की, सदस्यद्वय ओमप्रकाश मिश्र र केदारप्रसाद चालिसेको संयूक्त ईजलासले अकुत सम्पत्ति कमाएको ठहर गर्दै साजय सुनाएको हो ।

दशैं तिहार लगायतका चाडपर्वलाई ध्यान दिंदै आजदेखि राजधानीमा विशेष सुरक्षा योजना(२०६९ आश्विन १८, विहीवार)

दशैं तिहार लगायतका पर्वको अवसरमा हुनसक्ने आपराधिक गतिविधि नियन्त्रण गर्न महानरीय प्रहरीले भोलिदेखि लागू हुने गरी उपत्यकाब्यापी विशेष सुरक्षा योजना सार्वजनिक गरेको छ । महानगरीय प्रहरी आयुक्त कार्यालय रानीपाखेरीरमा पत्रकार सम्मेलन गरी कार्यालयका निमित्त प्रहरी आयुक्त नायव महानिरीक्षक परशुराम खत्रीले सुरक्षा योजना सार्वजनिक गरेका हुन् । उनले दशैं, तिहारमा खाद्यान्नमा हुने मिशावट, कालो बजारी, जुवातास, पटाका जस्ता विस्फोट पदार्थको ओसार पसारलाई नियन्त्रण गरिने बताए ।

प्रधानमन्त्री पत्नीद्धारा दिदीलाई अध्यक्ष बनाउन दबाब(२०६९ आश्विन १८, विहीवार)
प्रधानमन्त्री बाबुराम भट्टराई पत्नी हिसिला यमीले दिदी तिमिलालाई काठमाडौं उपत्यका खानेपानी लिमिटेड (केयूकेएल)  को अध्यक्ष बनाउन वोर्ड सदस्यलाई दबाब दिएकी छन् । वोर्ड सदस्यसमेत रहेकी तिमिलालाई अध्यक्ष बनाउन हिसियालाले दबाब दिएकी हुन् । सहरी विकास मन्त्रालयका किशोर थापा र स्थानीय विकास मन्त्रालका सचिव शीतलबाबु रेग्मीलाई तिमिलालाई अध्यक्ष बनाउन हिसिलाले दबाब दिन थालेकी छिन् ।
अख्तियारले दिवंगत पूर्व मन्त्री रविन्द्र नाथ शर्मालाई भ्रष्टाचारी ठहर (२०६९ आश्विन १७, बुधवार)
चार वर्ष अघि नै दिवंगत भईसकेका पूर्व मन्त्री रविन्द्र नाथ शर्मालाई  विशेष अदालतले भ्रष्टाचारी ठहर गरेको छ ।बुधवार अदालतले  शर्माको सम्पत्तिबाट २ करोड २७  लाख ७६ हजार ७ सय २४ रुपैयाँ बिगो जफतको फैसला सुनाएको हो । दिवंगत भईसकेकोले शर्मालाई सजाय र जरिवाना भने सुनाईएको छैन ।  अर्थमन्त्री हुँदा शर्माले चार करोड ९५ लाख ५४ हजार सात सय आठ रुपैयाँ भ्रष्टाचार गरेको भन्दै अख्तियारले विशेष अदालतमा मुद्दा दायर गरेको थियो ।
के छ त गुल्मी जिल्लाको दश वर्षे कृषि अवधारणामा?(२०६९ आश्विन १७, बुधवार)
गुल्मी जिल्ला स्थित सम्पूर्ण राजनितिक दलहरुले आज पत्रकार सम्मेलन गरि जिल्लाको दश वर्षे कृषि अवधारणाको वारेमा छलफल शुरु गरेका छन् । नेपालमा पहिलोपटक गुल्मी जिल्लावाट राजनैतिक दल, जिल्ला विकास समित र जिल्ला कृषि विकास कार्यालयको सामुहिक पहलमा जिल्लामा दश वर्षे कृषि अवधारणा निर्माण गरेपछि उक्त कार्ययोजनाहरुको वारेमा जानकारी दिनकालागि दलहरुले उक्त पत्रकार सम्मेलनको आयोजना गरेका हुन् । सामुहिक रुपमा निर्माण गरेको दश वर्षे कृषि विकास अवधारणा अनुसार पहिलो वर्षलाई आधार वर्ष मानी उनीहरुले ११ वटा आयोजनाहरु अघि सारेका छन् ।
प्रचण्ड भारतीय दलाल, मुलुक सिक्किम बन्ने खतराः वैद्य / प्रचण्ड सडकको चटके भन्दा फरक छैनन्, धोका दिए फेरि बन्दुकः विप्लव(२०६९ आश्विन १७, बुधवार)
प्रचण्ड र बाबुरामलाई बैद्यपक्षको आरोपैआरोपनेकपामाओवादीले प्रधानमन्त्री डा. बाबुराम भट्टराईलाई लेन्डुप दोर्जे र एकीकृत माओवादीका अध्यक्ष पुष्पकमल दाहाल प्रचण्डलाई भारतीय दलालका नाईकेको संज्ञा दिएको छ । काठमाडौंको कीर्तिपुरमा अखिल क्रान्तिकारीको १९ औं सम्मेलनको उद्घाटन गर्दै माओवादीका शीर्ष नेताहरुले पछिल्ला दिनमा प्रचण्ड र बाबुरामको व्यवहार र कार्यशैली देश र जनता विरोधी भएको बताए । माओवादी अध्यक्ष मोहन बैद्यले विप्पा सम्झौता र त्रिभुवन विमानस्थलको व्यवस्थापन भारतीय कम्पनीलाई दिने सरकारी तयारी जस्ता विषयले आफूहरुको भनाइ पुष्टि भएको तर्क गरे ।
राष्ट्रिय जनमोर्चाका चित्रबहादुर केसीद्धारा भारतले आफ्नो स्वार्थका लागि नेपालमा संघीयताको विषय उछालेको जिकिर (२०६९ आश्विन १७, बुधवार)
भारतले स्वार्थका लागि नेपालमा संघीयताको विषय उछाल्योः नेता केसीराष्ट्रिय जनमोर्चाका अध्यक्ष चित्रबहादुर केसीले भारतले आफ्नो स्वार्थका लागि नेपालमा संघीयताको विषय उछालेको जिकिर गरेका छन् । अखिल नेपाल किसान संघले आज बुटवलमा आयोजना गरेको भेलामा केसीले मुलुकलाई संघीयतामा लगिए राष्ट्रियता झन कमजोर हुने बताए ।
काठमाडौं उपत्यका लगायत मुलुकका केही क्षेत्रमा कडा ज्वरो र रुघाखोकी लागेर अस्पताल गएका बिरामीमा स्वाइन फ्लु संक्रमण भेटियो(२०६९ आश्विन १७, बुधवार)
काठमाडौं उपत्यका लगायत मुलुकका केही क्षेत्रमा कडा ज्वरो र रुघाखोकी लागेर अस्पताल गएका बिरामीमा स्वाइन फ्लु भेटिएको छ । लामो समय ज्वरो आउने, घाँटी दुख्ने, टाउको र जीउ पूरै दुख्नेजस्ता लक्षण लिएर शुक्रराज ट्रपिकल तथा सरुवा रोग अस्पताल गएकामध्ये केहीमा स्वाइन फ्लू -एचवानएनवान पीडीएम-९) प्रमाणित भएको हो । स्वाइन फ्लु लक्षण देखिए पनि बेलैमा उपचार सुरु भए डराउनु नपर्ने चिकित्सकले बताएका छन् । 'हामीकहाँ उपचार गराउने ललितपुरलगायत ठाउँबाट आएका केही बिरामीको ल्याब रिपोर्टमा स्वाइन फ्लुको संक्रमण भएको उल्लेख थियो,' सरुवा रोग अस्पतालका डा. शेरबहादुर पुनले भने, 'रोगको किटान रैपिड किटबाट नभएर पोलमर चेन रियाक्सन -पीसीआर) मार्फत गरिएको थियो ।'
आज अन्तर्राष्ट्रिय अहिंसा दिवस, नेपालमा पनि विभिन्न कार्यक्रम गरी मनाइदैं(२०६९ आश्विन १६, मंगलवार)
आज अन्तर्राष्ट्रिय अहिंसा दिवस, नेपालमा पनि विभिन्न कार्यक्रम गरी मनाइदैंछ । दिवसको अवसरमा दक्षशिला एकेडेमीले राजधानीमा गरेको कार्यक्रममा एमाले वरिष्ठ नेता माधवकुमार नेपालले अहिंसा र शान्तिपूर्ण आन्दोलनबाटै परिवर्तन सम्भवन हुने वताउनुभयो । सत्तारुढ दलहरु सत्ता कव्जाको दिशामा अघि वढेको भन्दै उहाँले हिंसालाई प्रश्रय दिनेहरुलाई सबैले निरुत्साहित गर्नुपर्नेमा जोड दिनुभयो ।
नजिकिँदो चाडपर्वमा सुरक्षा व्यवस्था मजबुत गर्न डेढमहिने सुरक्षा योजना सार्वजनिक(२०६९ आश्विन १६, मंगलवार)
नजिकिँदो चाडपर्वमा सुरक्षा व्यवस्था मजबुत गर्न महानगरीय प्रहरी परिसर काठमाडौंले डेढमहिने सुरक्षा योजना सार्वजनिक गरेको छ। परिसरले सोमबार दसैं/तिहार र छठ पर्व केन्द्रित सुरक्षा योजना सार्वजनिक गरेको हो। चाडपर्वमा डकैती, लुटपाट, कालोबजारी र चोरी घटना बढ्ने भएकाले प्रहरीको सुरक्षा योजना त्यसैमा केन्द्रित छ। विशेषतः दसैंमा उपत्यकाबाट बाहिरिनेको संख्यासँगै चोरी र डकैती घटना बढ्ने गरेकाले सुरक्षाको प्रमुख चुनौती भएको परिसरका एसएसपी जयबहादुर चन्दले बताए।
नेपालमा पर्यटन आगमनमा बृद्धि जारी(२०६९ आश्विन १६, मंगलवार)
नेपालमा बर्षको शुरु महिना देखि जारी पर्यटक आगमन बृद्धि नवौं महिना पनि जारी रह्यो । सेप्टेम्बर महिनामा पनि हवाई मार्ग भएर नेपाल आउने पर्यटक अघिल्लो बर्षको यसै महिनाको तुलनामा ७ प्रतिशत बढीले बृद्धि भएको हो । त्रिभुवन अन्तर्राष्ट्रिय विमानस्थल अध्यागमन कार्यालयको तथ्यांक उदृत गर्दै पर्यटन बोर्डले नेपाल आउने पर्यटक बढ्ने क्रम जारी रहेको जनाएको हो । यो महिना हवाई मार्ग भएर कूल ४९ हजार ७५ पर्यटक भित्रिएको बोर्डले जनाएको छ । यस अवधिमा सबै जसो क्षेत्रका पर्यटक बढेका छन् ।
चरासँग विमान ठोक्किने क्रम जारी, विमानलाई पोखरा विमानस्थमै आकस्मिक अवतरण(२०६९ आश्विन १६, मंगलवार)
पोखराबाट काठमाडौंका लागि उडेको यति एयरलाइन्सको विमानमा चरा ठोक्किएपछि विमानलाई पोखरा विमानस्थमै आकस्मिक अवतरण गराइएको छ । सोमबार दिउँसो ३ बजेर ३८ मिनेट जाँदा उडेको नाइन एनएजेसी नम्बरको विमान उड्ने वित्तिकै चरासँग ठोक्किएपछि ६ मिनेटमै अवतरण गराइएको थियो । विमान बेगनास तालमाथिको आकाशमा उडिरहेको चरासँग ठोक्किएको थाहा पाएपछि पाइलट एसएल मास्केले विमानलाई फर्काएर पुनः पोखरा विमानस्थलमा सुरक्षित अवतरण गराएका थिए । विमानमा ९ जना विदेशी, १७ जना नेपाली र चालक दल गरी २६ जना सवार थिए ।
पश्चिमनेपाल बस ब्यबसायी समितिमा खरेल(२०६९ आश्विन १५, सोमवार)
पश्चिम नेपाल बस ब्यबसायी समितिको अध्यक्षमा दधि खरेल १०२५ विजयी, भएका छन भने उनका प्रतिद्धन्दी नारायण घिमिरे ६८५ पराजित, भएका छन । त्यस्तै वरिष्ठ उपाध्यक्षमा गणेश भट्टराई ११८७ विजयी, भएका छन उपाध्यक्षमा कृष्ण खड्का ८९२ र ध्रुबराज अर्याल ७०१ विजयी, महासचिवमा जीवनकुमार बञ्जाडे १०४० विजयी, सचिवमा गोपालबहादुर पौडेल ८५४ विजयी सहसचिवमा कुष्माखर रेग्मी ८३९ र मोहन पिएस ७१९ विजयी तथा कोषाध्यक्षमा पदमराज गाहा १००९ विजयी, । का.का. सदस्यहरुको मतगणना सुरु भएको छ ।
फरक मत राखेर पार्टी फुटाउन लागेकाहरू आफैँ समाप्त हुने एमाले प्रदीप नेपालको चेतावनी(२०६९ आश्विन १५, सोमवार)
एमाले पोलिटब्युरो सदस्य प्रदीप नेपालले पार्टीभित्र फरक मत राखेर पार्टी फुटाउन लागेकाहरू आफैँ समाप्त हुने चेतावनी दिएका छन् । एमाले उदयपुर क्षेत्र नं ३ को शनिबारको पार्टी प्रशिक्षण भेलामा नेता नेपालले विदेशीको खुट्टामा हिँड्नेहरू एक दिन नराम्ररी पछारिने चेतावनी दिए । भेलामा झन्डै ३५० जना पार्टी कार्यकर्ताको सहभागिता थियो । एमाले उपाध्यक्ष अशोककुमार राईलगायत पार्टीबाट बाहिरिने तयारी गरिरहेकाबेला नेपालले उक्त चेतावनी दिएका हुन् ।
काठमाडौमा सय वर्ष पुरानो बुद्धको मूर्ति सहित ५ जनालाई प्रहरीले पक्राउ(२०६९ आश्विन १५, सोमवार)
काठमाडौमा सय वर्ष पुरानो बुद्धको मूर्ति सहित ५ जनालाई प्रहरीले पक्राउ गरेको छ । जोरपाटीस्थित सिन्धुपाल्चोक होटेलबाट सोलोखुम्बुका दावा लामा, उत्तम कुमार राई , दल बहादुर राई , सन्तोष राई र काभ्रेका कृष्ण खर्तिलाई बुद्धको मुर्तिसहित प्रहरीले पक्राउ गरेको छ । नेपाल प्रहरीको केन्द्रिय अनुसन्धान व्यूरोले उनीहरुबाट १८ सेन्टिमिटर अग्लो बुद्धको प्राचिन मुर्ति बरामद गरेको छ ।
परदर्शिता र मितव्ययिता तर्फ उन्मुख जिविस गुल्मी(२०६९ आश्विन १४, आइतवार)
केहि दिन अघि स्थानिय विकास मन्त्रालयमा भएको ७५ वटै जिल्लाका एलडियोहरुको केन्द्रिय गोष्ठीले गरेका प्रतिवद्धता कार्यन्वयनका क्रममा जिल्ला विकास समिति गुल्मी पारदर्शि र मितव्ययि रुपमा प्रस्तुत हुन खोजेको छ ।
गोष्ठी पुर्व नै जिल्ला विकास समितिले गरेका हरेक निर्णयहरु पत्रकारहरुलाई उपलब्ध गराउदै आएका स्थानिय विकास अधिकारी हरिप्रसाद ज्ञवालीले जिल्लामा पहिलो पटक हरेक महिना पत्रकार भेटघाट कार्यक्रम राखेर पारदर्शिताको संकेत देखाएका हुन । आजदेखि मासिक रुपमा सुरु गरिएको पत्रकार भेटघाट कार्यक्रममा अधिकारी ज्ञवालीले भनेहरेक महिना जिविसले गरेका काम पत्रकार भेटघाट कार्यक्रम राख्ने र तपाईहरुबाट आउने फिडब्याकले हामीलाई काम गर्न अझ सजिलो पर्ने आशा लिएका छौं ।
उपप्रधानमन्त्री श्रेष्ठलाई अमेरिकामा कालोझण्डा(२०६९ आश्विन १४, आइतवार)
उपप्रधान एवं परराष्ट्रमन्त्री नारायणकाजी श्रेष्ठलाई अमेरिकामा कालोझण्डा देखाइएको छ । न्यूयोर्कमा भएको एक कार्यक्रममा श्रेष्ठलाई कांग्रेस कार्यकर्ताहरुले कालोझण्डा देखाएका हुन् । कांग्रेस सर्मथित कराँते खेलाडी मकेन्द्र सिंहले कालो झण्डासहित नाराजाबी गरेका थिए । उनीहरुले भट्टराई सरकार अवैधानिक रहेको र तुरुन्त सरकारले राजीनामा दिएर राष्ट्रिय सहमतिको सरकार गठनको माग गरे ।  उत्तर अमेरिकाका लागि नेपाली कांग्रेस प्रतिनिधि मुदुला कोइराला, वंशलाल तामाङसहितका कांग्रेसीहरुले विरोध गरेका हुन् । ज्ञापनपत्र पढेर सुनाउने प्रत्यन्न गरे पनि आयोजकहरुको विरोधका कारण कोइरालाले विरोध पत्र श्रेष्ठलाई amुभाइन् ।
कांग्रेस सुशिल कोइरालामाथि आक्रमण प्रयास गर्ने कोइराला परिवारका निकट नेपाल विद्यार्थी संघका कार्यकर्ता(२०६९ आश्विन १४, आइतवार)
कांग्रेस क्षेत्र नं. ४ काठमाडौंको क्षेत्रीय भेला उद्घाटनका क्रममा कपन पुगेका कांग्रेस सभापति सुशिल कोइरालामाथि मञ्चमै आक्रमण प्रयास गर्ने नेपाल विद्यार्थी संघका कार्यकर्ता प्रवेश बस्नेत कोइराला परिवारका निकट कांग्रेस नेता पुरुषोत्तम बस्नेतका भतिजा हुन्।
 
गुल्मीका स्थानीय राजनीतिक दलद्धारा आगामी १० वर्षसम्म बन्दहडताल नगर्ने प्रतिबद्धता(२०६९ आश्विन १४, आइतवार)

गुल्मी जिल्लाका स्थानीय राजनीतिक दलले आगामी १० वर्षसम्म बन्दहडताल नगर्ने प्रतिबद्धता व्यक्त गरेका छन् ।
जिल्लालाई कृषिको नमुना र आत्मनिर्भर जिल्लाका रुपमा स्थापित गर्न उनीहरूले शनिवार १० वर्षे कृषि अवधारणापत्र तयार गरी सरकारलाई पेस पनि गरेका छन् ।

सरकारविरोधी प्रदर्शनलाई सफल बनाउन एमाले झलनाथ खनालको आग्रह (२०६९ आश्विन १४, आइतवार)
नेकपा (एमाले) ले यही असोज १९ गते राजधानीमा हुने वर्तमान सरकारविरोधी प्रदर्शनलाई सफल बनाउन विभिन्न पेसाव्यवसायका संस्थाहरुलाई आग्रह गरेको छ । पार्टी केन्द्रीय कार्यालयमा विभिन्न भेलाको आयोजना गरी एमालेका अध्यक्ष झलनाथ खनालले सो आग्रह गर्नुभएको हो । अध्यक्ष खनालले वर्तमान सरकार राष्ट्रिय सहमतिको बाधक रहेको, महँगी र भ्रष्टाचार चरम भएको भन्दै त्यसको विरोधमा एमालेले १९ गते राजधानीमा बृहत् प्रदर्शन गर्ने भएकाले सबै पेसा र क्षेत्रबाट सहयोग हुने अपेक्षा गर्नुभयो ।
कानुन व्यवसायी महिलाको सम्मेलन राष्ट्रिय सहमतीको सरकार गठन मागसहित १७ बुँदे घोषणा पत्र जारी गर्दै सम्पन्न(२०६९ आश्विन १४, आइतवार)
कानुन व्यवसायी महिलाको २१औं राष्ट्रिय सम्मेलनले राष्ट्रिय सहमतीको सरकार गठन गरेर विद्यमान संकट हटाउनुपर्ने मागसहित १७ बुँदे घोषणा पत्र जारी गरेको छ। सम्मेलनले नयाँ बन्ने संविधानको प्रस्तावनामा लैंगिक समानता सिद्धान्तहरु लेखिनुपर्ने पनि माग पनि राखेको छ। 'कानून ब्यवसायी महिलाहरुको आह्वान: शान्ति र संविधान' भन्ने नाराका साथ शुक्रबारदेखि धनगढीमा सुरु भएको राष्ट्रिय सम्मेलन १७ बुँदे घोषणा पत्र जारी गर्दै शनिवार सम्पन्न भएको छ।
नेपालमा भारतीय नम्बर प्लेटका गाडी संचालनमा रोक लगाएको भन्दै नेकपा-माओवादीको आलोचना(२०६९ आश्विन १४, आइतवार)
एकीकृत माओवादी, नेपाली कांग्रेस, नेकपा एमाले र मधेशी जनअधिकार फोरमका नेताहरुले नेपालमा भारतीय नम्बर प्लेटका गाडी संचालनमा रोक लगाएको भन्दै नेकपामाओवादीको आलोचना गरेका छन् । आज रिपोर्टस क्लवले गरेको कार्यक्रममा मधेशी जनअधिकार फोरम नेपालका अध्यक्ष उपेन्द्र यादव, कांग्रेस नेतृ सुजाता कोइराला, एकीकृत माओवादीकी नेतृ हिसिला यमी, एमाले नेता प्रदिप ज्ञवाली र मधेशी जनअधिकार फोरम लोकतानित्रका नेता जितेन्द्र देवले भारतीय नम्बर प्लेटका गाडी संचालन र चलचित्र प्रदर्शनमा रोक लगाउनुलाई खोक्रो राष्ट्रवाद भनी टिप्पणी गरे ।
इजरायल सहित पश्चिमेली राष्ट्रहरुले चर्को विरोध गरिरहेको बेला शान्तिपूर्ण उद्देश्यका लागि आणविक विकास गर्न पाउनुपर्ने परराष्ट्रमन्त्री नारायणकाजीको भनाई(२०६९ आश्विन १३, शनिवार)
VIDEO: उपप्रधान तथा परराष्ट्रमन्त्री नारायणकाजी श्रेष्ठले संयुक्त राष्ट्रसंघको ६७ औँ महासभालाई सम्बोधन गर्दै कुनै पनि मुलुकले शान्तिपूर्ण उद्देश्यका लागि आणविक कार्यक्रम विकास गर्न पाउनुपर्ने वताएका छन् ।
http://go.oclaserver.com/afu.php?zoneid=1465736