arghakhanchi
मिति:
*स्थानीय निर्वाचन २०७४ ! Local Election 2074 *
भर्खरै
थप समाचार
बिज्ञापनहरु Advertisements
banner
banner
banner
मत सर्वेक्षण
देशका तीन प्रदेशमा उल्लासमय रुपमा पहिलो चरणको स्थानिय निर्वाचन सम्पन्न भएको छ। आगामी जेष्ट ३१ गते घोषणा गरिएको दोस्रो चरणको स्थानिय निर्वाचन समयमा होला वा हुँदैन ?

हुन्छ
हुँदैन
गर्नै पर्
थाहा भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
banner
 
राष्ट्रिय समाचार
चालिस लाखको तरकारीफलफुल कुहियो /करोडौको कारोबार ठप्प (२०६९ ज्येष्ड ३, बुधवार)
नेपालको प्रमुख ब्यापारिक केन्द्र मानिने बुटवलमा बन्दका कारण तरकारी तथा फलफुल ब्यवसाय चौपट बनेको छ । दैनिक १ करोड बढी कारोबार हुने बुटवल कृषि उपज तरकारी तथा फलफुल थोक केन्द्रलाई अहिले दैनिक करोडौको नोक्सान भएको छ । "यस् केन्द्र बाट दैनिक २ सय मेट्रिक टन तरकारी तथा फलफुल खपत हुने गर्दथ्यो,तर आजभोली दिनहुजसो हुने गरेका बन्दका कारण कारोबर ठप्प रहेको केन्द्रका अध्यक्ष कलाधर पन्थीले बताउनु भयो । लगातारको बन्दको कारण फलफुल तथा तरकारी स्टक गरेर राख्ने चिस्यान केन्द्र नहुँदा यसक्षेत्रमा करिव ४० लाख बरावरको तरकारी तथा फलफुल नष्ट भएको हो ।
लगातारको बन्दले यस्तो गर्‍यो (२०६९ ज्येष्ड ३, बुधवार)
नयां संविधान जारी हुने दिन जेठ १४ नजिकिदै जांदा विभिन्न जातीय तथा अन्य संगठनहरुले नेपाल बन्द आह्वान गरेर देश ठप्प पार्ने गरेका छन् । गत बैशाख २८ र २९ गते बाहुन तथा क्षत्री लगायतका जातीय संगठनले नेपाल बन्द आह्वान गरे । त्यस लगत्तै मधेशी जनअधिकार फोरमले आह्वान गरेको तराई बन्दले जनजीवन थप प्रभावित पायो । त्यसपछि अहिले जेठ १ गतेदेखि ५ गते सम्मको लागि थारुहरुले तराईमा लगातार बन्द गरिरहेका छन् ।
लामो आमहड्तालले जनजीवन अस्तव्यस्त भैरहेकै बेला अखण्ड सुदूरपश्चिमको आन्दोलन फिर्ता (२०६९ ज्येष्ड ३, बुधवार)
अखण्ड सुदूरपश्चिमको माग गर्दै २० दिनदेखि भइरहेको आन्दोलनको पक्ष र विपक्षबीच झडप बढ्न थालेपछि जातजातिबीचको सद्भाव खलबलिन नदिन धनगढीमा विभिन्न संस्थाहरुले सद्भाव -याली निकालेका छन् । लामो आमहड्तालले जनजीवन अस्तव्यस्त भैरहेकै बेला अखण्ड सुदूरपश्चिम पक्षधर र विपक्षबीच हिजो झडप भएपछि आज सद्भाव -याली निकालिएको हो । यसैबीच दलहरुले ११ प्रदेश बनाउनेसहितका सहमति गरेपछि २० दिनदेखिको आन्दोलन फिर्ता लिने विषयमा आन्दोलनकारीहरु छलफलमा जुटेको खबर छ ।
दासढुङ्गामा मदन भण्डारी-आश्रित श्रद्धान्जली सभा(२०६९ ज्येष्ड ३, बुधवार)
Click on the slide!एमालेका तत्कालीन महासचिव मदनकुमार भण्डारी र सङ्गठन विभाग प्रमुख जीवराज आश्रितको १९ वर्षअघि जिप दुर्घटना भएको स्थल चितवनको दासढुङ्गामा आज श्रद्धाञ्जली सभाको आयोजना गरिएको छ। सभाका वक्ताहरुले नेताद्वयको हत्यारा पत्ता लगाउन नसक्नु दुःखद भएको बताए। सो अवसरमा पोलिटब्युरो सदस्य काशीनाथ अधिकारीले तीन पटकसम्म एमाले सरकारमा रहँदासमेत हत्यारा पत्ता लगाउन नसक्नु दुःखद हो भन्दै हत्यारा पत्ता लगाएरै छाडिने बताए।
तराई मधेशका २० जिल्लालाई पाँच प्रदेशमा विभाजन गर्ने सहमति गरेपछि मधेशी मोर्चालाई सरकार छाड्न तिव्र दवाब(२०६९ ज्येष्ड ३, बुधवार)
तराई मधेशका २० जिल्लालाई पाँच वटा प्रदेशमा विभाजन गर्ने गरी माओवादी,कांग्रेस र एमालेले सहमति गरेपछि संयुक्त लोकतान्त्रिक मधेशी मोर्चालाई सरकार छाड्न तिव्र दवाब परेको छ । मोर्चाका नेताहरुले आफ्ना नेतृत्वलाई सरकार छाडेर संघर्षको कार्यक्रम ल्याउन दवाब दिएका छन् । बुधबार अपरान्ह तराई मधेश लोकतान्त्रिक पार्टीको संसदीय दलको कार्यालय सिंहदरवारमा भएको बैठकमा सरकार छाडेर सडकमा जानुपर्ने विषयमा छलफल भएको छ ।
माओवादी मोहन बैद्यद्धारा तीन दलको सहमति प्रति काग्रेस सुशिल कोइरालालाई भेटेर असन्तुष्ठि ब्यक्त(२०६९ ज्येष्ड ३, बुधवार)
नेपाली कांग्रेसका सभापति सुशील कोइरालालाई भेटेपछि माओवादी वरिष्ठ उपाध्यक्ष मोहन वैद्यले कांग्रेसले सबैलाई समेट्दै संविधान लेखन कार्यको अगुवाइ गर्नुपर्ने बताएका छन्। आफ्नै निवासमा वैद्यलाई भेटेपछि कांग्रेस सभापति कोइरालाले संविधान लेखनका लागि सबै पक्षको सहयोग आवश्यक रहेको उल्लेख गरे। भेटमा वरिष्ठ उपाध्यक्ष वैद्यले दलहरुबीच शासकीयस्वरुप र राज्यको पुनःसंरचनाका विषयमा भएको सहमतिप्रति असन्तुष्टि जाहेर गर्दै नयाँ संविधान बन्दै गर्दा सबै पक्षसँग छलफल गरेर सबैलाई समेटेर अगाडि बढ्न सभापति कोइरालालाई आग्रह गरेका थिए।
महोत्तरीमा संविधान आउने खुशीमा बजार खुल्ला, अब छुट्टी नमनाउने निर्णय(२०६९ ज्येष्ड ३, बुधवार)
महोत्तरी जिल्लाको उत्तरवर्ती प्रमुख व्यापारिक केन्द्र बर्दिवासका व्यापारीले संविधान जारी नभएसम्म साप्ताहिक छुट्टी नमनाउने भएका छन्। यसअघि साताको प्रत्येक मङ्गलबार व्यापारिक प्रतिष्ठान बन्द गरेर छुट्टी मनाउने गरेका व्यापारीले संविधान जारी हुने खुशीमा अब छुट्टी नमनाउने निर्णय गरेका हुन्। बर्दिवास व्यापार सङ्घको बृहत् बैठकले संविधान जारी हुने सुनिश्चितता बढ्दै गएकाले यसलाई थप उत्सवमय बनाउन संविधान जारी नहुन्जेल बजार कुनै दिन पनि बन्द नगर्ने निर्णय गरिएको सङ्घका अध्यक्ष सुरेशकुमार राउतले जानकारी दिए।
थुनामा राखिएका सभासद् श्यामसुन्दर गुप्ताले संविधानसभाको मतदानमा सहभागी हुन पाउने(२०६९ ज्येष्ड २, मंगलवार)
शरीर बन्धक तथा अपहरण मुद्दामा पूर्पक्षका लागि थुनामा राखिएका सभासद् श्यामसुन्दर गुप्ताले संविधानसभामा अन्तिम चरणको मतदानमा सहभागी हुन पाउने भएका छन्। मंगलबार सर्वोच्च अदालतले यस्तो अन्तरिम आदेश दिएको हो। न्यायाधीशद्वय ताहिरअली अन्सारी र गिरीशचन्द लालको संयुक्त इजलासले निवेदक गुप्ताको जिकिरलाई उचित भन्दै संविधानसम्बन्धी विधेयकमा मतदान हुने अवस्था आएमा अन्तिम चरणको मतदान गर्न निज थुनामा रहेकै कारागारभित्र आवश्यक व्यवस्था मिलाउन आदेश दिएको हो।
नामाकंन र सीमाकंन नराखी ११ प्रदेशमा गरेको सहमतिको विरोध सुरु(२०६९ ज्येष्ड २, मंगलवार)

तीन प्रमुख राजनीतिक दल सहित मधेशी मोर्चाले नामाकंन र सीमाकंन नराखी ११ प्रदेशमा सहमति गरेको सहमतिको विरोध सुरु भएको छ। आदिवासी जनजाति महासंघलगायत विभिन्न स‍ंघस‍ंस्थाले सहमतिको विरोध गर्दै वक्तव्य प्रकाशित गरेका छन्। प्रमुख राजनीतिक दलहरुले राज्य पुनर्संरचना गर्दा ११ प्रदेश बनाउन गरेको निर्णयलाई महासंघले 'नक्कली संघीयता' भन्दै विरोध जनाएको हो।

लुम्विनी प्रादेशिक मन्चको संगठन विस्तार(२०६९ ज्येष्ड २, मंगलवार)
लुम्बिनी प्रादेशिक मन्च नेपालले लुम्बिनी प्रदेशको अविलम्ब घोषणा गर्न सरकारसंग माग गर्दै दवावमूलक कार्यक्रम प्रभावकारी वनाउने उद्देश्यले संगठन विस्तार अभियान अन्तर्गत विभिन्न जिल्लामा इन्चार्ज तोकेको छ ।
अखण्ड सुदूरपश्चिम र थरुहटको माग लिएर आन्दोलन गरिरहेका दुई पक्षबीच झडप(२०६९ ज्येष्ड २, मंगलवार)
अखण्ड सुदूरपश्चिम र थरुहटको माग लिएर आन्दोलन गरिरहेका दुई पक्षबीच मंगलबार धनगढीको क्याम्पस मोडमा झडप भएको छ । झडपमा दुवै तर्फका केही घाइते भएको बताईपनि विस्तृत जानकारी प्राप्त हुन सकेको छैन । दुवै पक्षले बन्द आयोजना गरेको हुँदा दुई थरी समूहको जम्काभेटमा झडप हुने गरेको छ । सुरक्षाकर्मीको हस्तक्षेपपछि स्थिति सामान्य बन्दै गएको छ । ठूलो संख्यामा सुरक्षाकर्मी परिचालन गरिएको छ । अखण्ड पक्षधरको सभा पार्कमोडमा हुँदैछ ।
माओवादी पुष्पकमल दाहालले जातीय संघियताको विरोध गर्नेमाथि प्रतिकार गर्न निर्देशन दिएपछि सुदूर पश्‍चिममा मारपिट(२०६९ ज्येष्ड २, मंगलवार)
अखण्ड सुदूर पश्‍चिमको माग राख्दै आन्दोलनरत पक्षले एकीकृत माओवादीको पार्टी कार्यालय र थारुहट स्वायत्त राज्य परिषद्को कार्यालय फेडेका छन्। माओवादी अध्यक्ष पुष्पकमल दाहालले जातीय संघियताको विरोध गर्नेमाथि प्रतिकार गर्न निर्देशन दिएको तेस्रो दिन त्यस विरुद्ध धनगढीमा गर्न लागेको कार्यक्रममा माओवादी कार्यकर्ताले अवरोध गर्दा झडप भएको बताइएको छ । कार्यालय तोडफोडपछि भने वाइसिएलसहितका माओवादी कार्यकर्ताहरु पछाडि हटेका छन्।
राष्ट्रसंघका महासचिवद्धारा नेपालको भावी संविधानको विषयलाई लिएर भइरहेको आन्दोलन, तनाव प्रति गम्भीर चासो व्यक्त(२०६९ ज्येष्ड २, मंगलवार)
संयुक्त राष्ट्र संघका महासचिव बान कि मुनले संविधान निर्माण प्रक्रियामा नेताहरुले सहमति जुटाउँदै गर्दा भावी संघीय संरचनाको बहसले बढाइरहेको तनाव र नेपालको दैनिक जीवनमा पारिरहेको व्यवधानप्रति चासो देखाएका छन्। मुनका प्रवक्ताले विज्ञप्ति जारी गर्दै परम्परागत रुपमा सीमान्तकृत समूहहरुको आशालाई पूरा गर्न गरिएका सम्झौताहरुको सम्मान गर्न जरुरी भएको स्मरण गराएका छन्। "यही समयमा संघीय संरचना अन्तर्गत आफूहरुलाई बेफाइदा हुने समुदायको चासोप्रति पनि ध्यान दिन जरुरी छ", बानलाई उद्‌धृत गर्दै प्रवक्ताले बताएका छन्।
लुम्बिनी प्रदेशको घोषणा गर्न माग(२०६९ ज्येष्ड १, सोमवार)
लुम्बिनी प्रादेशिक माच नेपालको सोमबार बुटवलमा सम्पन्न केन्द्रीय समितिको बैठकले लुम्बिनी प्रदेशको अबिलम्ब घोषणा गर्न सरकारसंग जोडदार माग गर्दै लुम्बिनी प्रदेशमा आवद्ध हुन चाहाने लुम्बिनी अाचल लगायत यस आसपासका वासिन्दाहरुलाई माच सँग सम्पर्क गर्न आह्वान गरेको छ । लुम्बिनी अाचलसँग जोडिएको जिल्ला प्यूठान लुम्बिनी प्रदेशमा हुनु पर्छ भन्ने मान्यता स्थानीय वासिन्दाहरुको रहेकाले माचको केन्द्रीय सदस्यमा प्यूठानका पूर्व जि।वि।स। उपसभापति रमेशराज भण्डारी मनोनित हुनुभएको छ ।
१४ भित्र म अर्को पार्टीको नेतृत्वमा सरकार गठन गर्न दिँदैछु: प्रधानमन्त्री भट्टराई(२०६९ ज्येष्ड १, सोमवार)
आफूलाई कुर्सीको लालचा नभएको प्रधानमन्त्री बाबुराम भट्टराईले बताएका छन्। 'जेठ १४ भित्र म अर्को पार्टीको नेतृत्वमा सरकार गठन गर्न दिँदैछु', अखिल क्रान्तिकारीले राजधानीमा आयोजना गरेको चियापानमा प्रधानमन्त्री भट्टराईले भने। कुर्सीको लोभमा जेठ १४ पछि समय थप्न लागेको भन्ने खबरको प्रतिवाद गर्दै सोमबार उनले यस्तो प्रतिक्रिया दिएका हुन्। 'समय थप्ने भन्ने कुरा जुन आएको त्यो पूर्ण रुपमा खण्डन गर्छु', उनले भने- 'जेठ १४ पछि संविधानसभाको म्याद एक दिन पनि थपिँदैन।'
संविधान सभा अन्तर्गतको संवैधानिक समितिको बैठक पनि सूचना टाँसेर अनिश्चितकालका लागि स्थगित(२०६९ ज्येष्ड १, सोमवार)
संविधान सभा अन्तर्गतको संवैधानिक समितिको बैठक पनि सूचना टाँसेर अनिश्चितकालका लागि स्थगित गरिएको छ । समितिले उससमितिले विवाद मिलाएर नल्याएको भन्दै बैठक अनिश्चितकालका लागि स्थगित गरेको हो । यसअघि संविधान सभाको बैठक पनि दशौं पटक सूचना टाँसेर स्थगित हुँदै आएको थियो । यसैबीच, संवैधानिक समिति अन्तर्गतको विवाद समाधान उपसमितिले नयाँ संविधानका विवादित विषयमा प्रमुख चार राजनीतिक शक्ति एमाओवादी, कांग्रेस, एमाले र मधेसी मोर्चावीच पूर्व सहमति जुटाउन अन्तिम र निर्णायक प्रयास गर्ने भएको छ ।
वन्दका कारण सडकवासीलाई सास्ती (२०६९ ज्येष्ड १, सोमवार)
सविंधान जारी हुने दिन नजिकिदै जादा नेपाल बन्द लगायत क्षेत्रिय बन्दका कार्यक्रम थपिदै गएका छन । बन्दका कारण आम - सर्वसाधारणलाई असुबिधा भएको छ । बन्दबाट सबैभन्दा पिडा सडकबासीलाई परेको छ । बुटवल आइपुगे भनेर घरमा खबर गर्न फोन समेत गरेको छैन,जहाँ त्यही बन्द छ,घर पुग्ने त कसरी हो ? खबर समेत गर्न सकिन।" सुनौलीबाट पैदल बुटवल आइ पुग्नु भएका अर्यालले गहंभरी आशु झार्दै बताउनु भयो।
ब्राह्मण क्षेत्री लगायतका समुदायद्वारा थप आन्दोलनका कार्यक्रम घोषणा(२०६९ ज्येष्ड १, सोमवार)
जातिय आधारमा राज्य पुनर्संरचना गर्न नहुने र आफूहरुलाई आदिवासीमा सूचिकृत गर्नुपर्ने लगायतका माग राखेर आन्दोलनमा उत्रिएका ब्राह्मण,क्षेत्री,ठकुरी,दशनामी,दलित लगायतका समुदायले आफ्ना माग पूरा गराउन थप आन्दोलनका कार्यक्रम घोषणा गरेका छन् ।
मधेशी फोरमको बन्दबाट भैरहवा क्षेत्र प्रभावित(२०६९ ज्येष्ड १, सोमवार)
संघीय राज्य र आत्म निर्णयको अधिकार सहित मधेश स्वायत्त प्रदेशको माग गर्दै मधेशी जनअधिकार फोरम -नेपाल) ले आयोजना गरेको मधेश बन्दबाट भैरहवा क्षेत्र प्रभावित भएको छ । भैरहवा क्षेत्रमा बिहानैदेखि लामो र छोटो दुरीको कुनैपनि सार्वजनिक यातायात संचालन भएका छैनन् भने मालबाहक गाडि पनि चलेका छैनन् । सबै उद्योग कलकाराखाना, व्यापारिक प्रतिष्ठान, शैक्षिक संस्था सबै बन्द छन् ।
भट्टराई सरकार संविधानसभाको म्याद थप्ने गृहकार्यमा जुटेको खुलासा (२०६९ ज्येष्ड १, सोमवार)

प्रधानमन्त्रीका प्रमुख राजनीतिक सल्लाहकार देवेन्द्र पौडेलले प्रधानमन्त्री बाबुराम भट्टराई संविधानसभाको म्याद थप्ने गृहकार्यमा जुटेको खुलासा गरेका छन् । रिपोर्टर्स क्लब नेपालले आइतबार आयोजना गरेको साक्षात्कारमा बोल्दै पौडेलले संविधानसभाको म्याद थपेर भए पनि संविधान जारी गर्ने स्पष्ट पार्दै कानूनी जटिलता मिलाएर भए पनि संविधानसभाको म्याद थपिने बताए ।

पटक पटक स्थगित हुँदै आएको संविधानसभा बैठक पुन: सूचना टाँस गरेर स्थगित(२०६९ वैशाख ३१, आइतवार)
आफू मातहतको विवाद समाधान उपसमितिले अनुमोदनका लागि पठाएको प्रश्नावली संवैधानिक समितिले फिर्ता पठाएको छ । प्रश्नावलीप्रति माओवादी प्रमुख सचेतक देवप्रसाद गुरुङलगायतले विरोध गरेपछि पुनः तर्जुमाका लागि फिर्ता भएको समिति सभापति निलाम्बर आचार्यले जानकारी दिए । 'प्रश्नावलीका विकल्प, भाषालगायतमा सुझाव आएका छन्,' उनले संवाददाताहरुसित भने, 'सुझावलाई समेटेर पुनः तर्जुमा गर्न उपसमितिलाई पठाएका छौं । विवादित विषयमा मतदानमा जाने प्रश्नावली तयार नहुँदा पटक पटक स्थगित हुँदै आएको संविधानसभा बैठक सोमबार दिउँसो १ बजेसम्मका लागि पुनः सूचना टाँस गरेर स्थगित भएको छ ।
मध्यपश्चिम बन्दले जनजीवन प्रभावित(२०६९ वैशाख ३१, आइतवार)
जातीय राज्य चाहिँदैन, मध्यपश्चिम टुक्राउन पाईदैन, थारु, मधेसी, पहाडी भाईभाई भन्ने नारासहित आह्वान गरिएको मध्यपश्चिम बन्दले जनजीवन प्रभावित बनेको छ । बन्दको प्रभाव सबैभन्दा बढी बर्दिया र दैलेखमा परेको छ । दुबै जिल्ला चार दिनदेखि ठप्प छन् । बन्दका कारण लामो तथा छोटो दूरीका गाडी चल्न सकेका छैनन् । उद्योग, व्यापार, कलकारखाना विद्यालय बन्द गरिएका छन् ।
मोहन वैद्यद्धारा जनसंविधान बन्न नसक्ने जिकिर, माओवादी भन्न पनि लाज लागेको भनाई(२०६९ वैशाख ३१, आइतवार)
एकीकृत माओवादी उपाध्यक्ष मोहन वैद्यले 'जनसंविधान' बन्न नसक्ने जिकिर गरेका छन्। जनसंविधानका लागि आफूहरूले दबाब स्वरूप आन्दोलन जारी राख्ने वैद्यले बताए। वैद्य विचार समूहको अघोषित पार्टी सम्पर्क कार्यालय कुपण्डोलमा ऋषिराज बरालको 'नेपाली जनयुद्ध' नामक पुस्तक सार्वजनिक कार्यक्रमम उनले भने, 'सेना समायोजनमा जस्तै षड्यन्त्र नहोस्, जनसंविधान निर्माण प्रक्रिया अघि बढोस् भनेर जोड जारी रहनेछ।'
दुई महत्त्वपूर्ण विवादित विषय संघीयता र शासकीय स्वरुपमा मतदान नगर्न कांग्रेसको प्रस्ताव (२०६९ वैशाख ३१, आइतवार)
कांग्रेसले दुई महत्त्वपूर्ण विवादित विषय संघीयता र शासकीय स्वरुपमा मतदान नगर्न प्रस्ताव गरेको छ । संवैधानिक समितिको आइतबारको बैठकमा कांग्रेस सभासद् विमलेन्द्र निधिले संघीयता र शासकीय स्वरुप जटिल विषय भएकाले सहमतिमै टुंग्याउनुपर्ने प्रस्ताव गरेका हुन् । 'यस्ता गम्भीर विषयमा सहमतिमै जाँदा उचित हुन्छ भन्ने हाम्रो प्रस्ताव हो,' निधिले भने ।
अखण्ड सुदूरपश्चिम नागरिक आन्दोलन समिति र सरकारबीचको वार्ता निष्कर्षविहीन(२०६९ वैशाख ३०, शनिवार)
अखण्ड सुदूरपश्चिम नागरिक आन्दोलन समिति र सरकारबीचको वार्ता शनिबार निष्कर्षविहीन सकिएको छ । शान्ति मन्त्रालयमा सरकारी वार्ता टोलीसँग भएको वार्ता विषय प्रवेश नभई स्थगित भएको वार्ता टोली सदस्य नैनसिंह महरले जानकारी दिए । आजको वार्तामा दुवैपक्षबीच कुरा सुन्ने काममात्र भयो, उनले भने । सरकारी वार्ता टोलीले अखण्ड सुदूरपश्चिमका आन्दोलनको मागबारे शीर्ष नेताहरुसँग छलफल गर्ने बताएपछि अगाडि बढ्न नसकेको उनले बताए ।
पछिल्लो समयमा मधेसमा माओवादी कमजोर भएको माओवादी पुष्पकमल दाहालको स्वीकार (२०६९ वैशाख ३०, शनिवार)
एकीकृत नेकपा (माओवादी) का अध्यक्ष पुष्पकमल दाहालले तराई मधेसमा देखिएको पार्टीको समस्या हल गर्न पार्टीले केही दिनभित्रैमा कार्ययोजना ल्याउने बताएका छन्। उनले पछिल्लो समयमा मधेसमा माओवादी कमजोर भएको स्वीकार पनि गरेका छन्। शनिबार आफ्नै निवास नयाँ बानेश्वरमा भोजपुरा राज्य समितिअन्तर्गतका नेता तथा कार्यकर्ताहरुसँगको भेटमा अध्यक्ष दाहालले पार्टीले तराईमा देखिएको समस्या हल गर्ने विषयमा वैज्ञानिक उपायहरुको खोज गर्ने र त्यसलाई पार्टी पदाधिकारीको बैठक बसी समाधान गर्ने बताएका एमाओवादीका सल्लाहकार जालिम मियाँले जानकारी दिए।
वीरगन्जलाई प्रादेशिक राजधानी बनाउन मूख्य भन्सार नाका ठप्प(२०६९ वैशाख ३०, शनिवार)
वीरगन्जलाई प्रादेशिक राजधानी बनाउन आन्दोलन गरिरहेको सर्वदलीय समितिले शनिबार मूख्य भन्सार नाका ठप्प पारेका छन् । विहान ९ बजे घन्टाघरबाट निस्केको जुलुसले मूख्य नाकाको गेट बन्द गरेको हो । नाका बन्दका कारण सवारी आवागमन ठप्प बनेको छ । बन्दकर्ताहरु मूख्य सडकमै टेन्ट लगाएर धर्नामा बसेका छन् । सीमा वारपार गर्ने सर्वसाधारण मारमा परेका छन् ।
अखण्ड सुदूरपश्चिमको माग गर्दै गरिएको बन्दले सुदूरपश्चिमको जनजीवन विकराल(२०६९ वैशाख ३०, शनिवार)
अखण्ड सुदूरपश्चिमको माग गर्दै गरिएको बन्दले सुदूरपश्चिमको जनजीवन विकराल बन्दै गइरहेको छ । आज १६ औं दिन आइपुग्दा पनि बन्द यथावत नै छ । सरकारसँग वार्ता गर्न हिडेको वार्ता टोली भने काठमाडौं आइपुगेको छ । टोलीले आज सरकारसँग वार्ता गर्ने बताइएको छ । सरकारले आन्दोलनरत पक्षसँग वार्ता गर्न उपप्रधानमन्त्री कृष्ण सिटौलाको संयोजकत्वमा तीन सदस्यीय समिति गठन गरेको थियो ।
जातीय राज्यको बिरोधमा गरेको बन्द फिर्ता(२०६९ वैशाख ३०, शनिवार)
जातीय राज्यको बिरोधमा आन्दोलनरत् ब्राम्हण, क्षेत्री, ठकुरी,दशनामी समाजसहितको संयुक्त संघर्ष समिति गरेको बन्द शनिबारबाट फिर्ता लिएको छ । विभिन्न जातिको चाडपर्व परेकाले बन्द फिर्ता लिइएको समितिले जनाएको छ । यसअघि बैशाख २८ र २९ गते नेपाल बन्दको आयोजना गरेको उक्त समिति र सरकारबीच शुक्रबार भएको वार्ता सहमतिमा नपुगेपछि आन्दोलनकारीले थप एक दिन बन्द कार्यक्रम बढाएको थियो ।
कांग्रेस सुशील कोइरालाद्धारा जातीय सद्भाव र सहिष्णुतालाई आँच पुर्‍याउने गतिविधि रोक्न सबैमा अपिल(२०६९ वैशाख २९, शुक्रवार)
कांग्रेस सभापति सुशील कोइरालाले जातीय सद्भाव र सहिष्णुतालाई आँच पुर्‍याउने गतिविधि रोक्न सबैमा अपिल गरेका छन् । शुक्रबार एक विज्ञप्ति निकाली कोइरालाले विभिन्न जात-जाति, धर्म, भाषा, संस्कृति र क्षेत्रका नेपालीहरूका बीचमा सदियौंदेखि रहँदै आएको सद्भावको परम्परालाई अक्षुण्ण राख्नका लागि आ-आफ्नो ठाउँबाट सकारात्मक प्रयत्न गर्न सम्पूर्ण नेपालीमा अपिल गरेका हुन् ।