arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
प्रतिनिधिसभा र प्रदेशसभा निर्वाचनपछि कसले सरकार बनाउला ?

बाम गठबन्धन
नेपाली कांग्रेस
थाहा भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
ड्राईभिङ लाईसेन्सका लागि बिना आधार हचुवाको भरमा निरोगिताको प्रमाण-पत्र वितरण भईरहेको खुलासा (२०६९ भाद्र ४, सोमवार)
केही दिन अगाडी अर्घाखाँचीका सपन नेपाली सवारीचालक अनुमती पत्र(लाईसेन्स) बनाउनको लागि लुम्बिनी अञ्चल यातायात व्यवस्था कर्यालय बुटवलमा गए।शाररिक रुपमा स्वथ्य भएपनि निरोगिताको प्रमाण-पत्रका लिनको लागि  यातायात व्यवस्था कार्यालयले उनलाई लुम्बिनी मोटर ड्राईभिङ्ग स्कुल संघमा पठायो।स्वाथ्य परिक्षण गरी निरोगिताको प्रमाण-पत्र लिनको लागि त्यहा गएका सपन नेपाली अच्चमित भए ।

"मान्छे ठीक छ कि छैन भन्ने कुरा बाहिर देखेकै आधारमा निरोगिताको प्रमाणित गरिन्छ "

 कारण थियो उनाई बाहिरी शाररिक बनाबट हेरेकै आधारमा निरोगिताको प्रमाण-पत्र दिइयो।कुनै पनि चेक जाँच नै नगरी ४० रुपैया निकाल्नुस् भन्दै प्रमाण-पत्र दिए म त अच्चम परे । अर्घाखाँची डट्कम् संगको कुराकानीमा उनले भने "स्वाथ्य परिक्षण भनेर गएको कुनै पनि चेक नै नगरी प्रमाण पत्र हातमा थमाई दिए। यो एउटा उदहारण मात्र हो । यसरी हचुवाको भरमा शाररिक बनाबट हेरेको आधारमा लुम्बिनी मोटर ड्राईभिङ्ग स्कुल संघले निरोगिताको प्रमाणपत्र बाढ्न थालेको करिव ३ बर्ष भई सकेको छ ।
बाबुराम भट्टराई नेतृत्‍वको सरकारलाई अपदस्त गर्नुपर्ने नेकपा-माओवादीका रामबहादुर थापाको भनाई(२०६९ भाद्र ३, आइतवार)

नेकपा-माओवादीका महासचिव रामबहादुर थापाले राजनीतिक निकासका लागि बाबुराम भट्टराई नेतृत्‍वको सरकारलाई अपदस्त गर्नुपर्ने बताएका छन्। छिट्टै अग्रगामी शक्तिको नेतृत्‍वमा नयाँ सरकार गठन हुनुपर्ने उनको भनाई थियो। काभ्रेको बनेपामा नेकपा-माओवादीको पार्टी कार्यालय उद्‍‍घाटन गर्दै महासचिव थापाले पुरानो १२ बुँदेको औचित्य समाप्त भएको बताए। 'पुरानो १२ बुँदेको औचित्य अहिले छैन,' उनले भने, 'चाँडै नै नयाँ १२ बुँदेको सहमति गेर्नु जरुरी छ।' उनले सडकमा भएका सबै दलहरुसँग मिलेर गोलमेच सभा गर्नुपर्ने बताए। उनले गणतन्त्रवादीहरु एकता हुन अपरिहार्य रहेको स्पष्ट पारे।

एमाले केपी शर्मा ओलीद्धारा राष्ट्रपति रामबरण यादवले प्रधानमन्त्रीलाई बर्खास्त गरेर बालुवाटरबाट हटाउन सक्ने दावी(२०६९ भाद्र ३, आइतवार)
नेकपा एमालेका प्रभावशाली नेता केपी शर्मा ओलीले राष्ट्रपति डा रामबरण यादवले प्रधानमन्त्रीलाई बर्खास्त गरेर बालुवाटरबाट हटाउन सक्ने दावी गरेका छन् । सहमतिको सरकार गठन गरेर मुलुकलाई निकास दिन रिपोर्टर्स क्लब नेपालले दलहरुलाई दवाव दिने उदेश्यले सुरु गरेको अभियान अन्तर्गत गएको पत्रकारहरुको टोलिसँग कुरा गर्दै नेता ओलीले भनेराष्ट्रपतिले पहिलो पत्र पठाएर प्रधानमन्त्रीलाई कामचलाउ बनाई दिनुभयो । अब अर्को पत्र पठाएर वर्खास्त गरेर बालुवाटारबाट हटाउन सक्नु हुन्छ ।
अख्तियारको दुरुपयोग गरेको आरोपमा प्रधानमन्त्री बाबुराम भट्टराईलाई कारबाही गर्न एमाले झलनाथ खनालको माग(२०६९ भाद्र २, शनिवार)
अर्घाखाँचीडट्कमलाई प्राप्त समाचार अनुसार नेकपा एमालेका अधयक्ष झलनाथ खनालले प्रधानमन्त्री डा.बाबुराम भट्टराईलाई अख्तियार दुरुपयोग गरेको आरोपमा कारबाही गर्नुपर्ने बताएका छन् । प्राप्त समाचार अनुसार सिन्धुपाल्चोककाठमाडौं सम्पर्क मञ्चले आज राजधानीमा गरेको कार्यक्रममा बोल्दै अध्यक्ष खनालले सरकारले घोषणा गरेको निर्वाचनको मिति असंवैधानिक भएको भन्दै सार्वजनिक पदमा रहेर अख्तियारको दुरुपयोग गरेको आरोपमा प्रधानमन्त्री भट्टराईलाई कारबाही गर्नुपर्ने बताए । आफैंले घोषणा गरेको चुनाव गराउन नसक्ने प्रधानमन्त्रीले नैतिकताकै आधारमा पद छाड्नुपर्ने उनको तर्क थियो । माओवादी नेताहरुमा अति सत्तालिप्साको प्रवृति रहेको भन्दै खनालले सहमतिका लागि प्रधानमन्त्रीले पद त्याग्नु पर्नेमा जोड दिए ।
माओवादी अध्यक्ष प्रचण्डले भने : सहमति नभए अहिलेकै सरकार २० बर्ष सम्म टिक्छ(२०६९ भाद्र २, शनिवार)
एकीकृत नेकपा माओवादीका अध्यक्ष पुष्पकमल दाहाल प्रचण्डले दलहरुबीच सहमति नभए वर्तमान सरकार २० वर्षसम्म पनि जान सक्ने बताउनुभएको छ । सिराहाको लाहानमा आज भएको पत्रकार सम्मेलनमा अध्यक्ष प्रचण्डले सहमति पनि नहुने र निर्वाचन पनि नभएको अवस्थामा वर्तमान सरकारले निरन्तरता पाइरहने दाबी गर्नुभयो ।कांग्रेस र एमालेले काम चलाउ प्रधानमन्त्रीको राजीनामा माग्दै सडकबाट आन्दोलन गर्छु भन्नु हास्यास्पद भएको भन्दै प्रचण्डले नेपाली कांग्रेसका नेताहरुले मुलुकलाई २०१७ सालको अवस्थामा पुर्‍याउन खोजिरहेको आरोप लगाउनुभयो । नेपाली कांग्रेस र एमालेसंग भएको पाँचबुँदे सहमति पालना भएमात्र कांग्रेसको नेतृत्वमा सहमतीय सरकार निर्माण हुन सक्ने उहाँको भनाइ थियो ।नेपाली कांग्रेस र एमालेको सङ्घीयता विरोधी गतिविधिका कारण नै संविधानसभा विघटन भएको आरोप लगाउँदै उहाँले आफ्नो पार्टी जनआन्दोलनबाट प्राप्त उपलब्धि स्थापित गराउन क्रियाशील रहेको स्पष्ट पार्नुभयो । 
प्रधानमन्त्री भट्टराईद्वारा त्रि.बि. शिक्षण अस्पतालमा बरिष्ठता र योग्यताका आधारमा आजै डीन नियुक्त गर्न शिक्षामन्त्रीलाई निर्देशन(२०६९ भाद्र २, शनिवार)
प्रधानमन्त्री डा. बाबुराम भट्टराईले त्रिभुवन बिश्वबिद्यालय शिक्षण अस्पताल कार्यकारी परिषद्लाई बरिष्ठता र योग्यताका आधारमा आजै डीन नियुक्त गर्न शिक्षामन्त्रीलाई निर्देशन दिनुभएको छ ।शिक्षामन्त्री, उपकुलपति, डीन, रेक्टर, रजिष्टार्ड र मुख्य सचिवसँगको छलफलमा प्रधानमन्त्रीले आजै नजिता आउनेगरि निर्णय गर्न र अनसन बसिरहेका चिकित्सक डा. गोविन्द केसीको अनसन तोड्ने स्थीति बनाउन परिषद्लाई निर्देशन दिनुभएको प्रधानमन्त्रीको निजी सचिवालयले जनाएको छ ।चिकित्साशास्त्र अध्ययन संस्थानको डीन लगायतका पदाधिकारी नियुक्तिमा बरिष्ठतालाई आधार बनाउनुपर्ने र राजनीतिक भागबण्डाका आधारमा कनिष्ठलाई नियुक्त गर्ने प्रकृया रोकिनुपर्ने भन्दै चिकित्सकहरु आन्दोलनमा उत्रिएपछि प्रधानमन्त्रीले समस्या समाधानका लागि पहल थाल्नुभएको हो ।
एकीकृत माओवादी पुष्पकमल दाहाल पुनः प्रधानमन्त्री बन्ने खेलमा: मोहन वैद्य (२०६९ भाद्र २, शनिवार)

नेकपा-माओवादीका अध्यक्ष मोहन वैद्यले एकीकृत माओवादी अध्यक्ष पुष्पकमल दाहाल पुनः प्रधानमन्त्री बन्ने खेलमा लागेको बताएका छन्। संघीय लोकतान्त्रिक गठबन्धन निर्माण गरेर दाहाल त्यस्तो खेलमा लागेको उनले बताए। पार्टी केन्द्रीय कार्यालय बुद्धनगरमा सञ्चारकर्मीहरूसँग शुक्रबार वैद्यले सत्ता टिकाउन गठबन्धन बनाएको बताए। रिपोर्टस् क्लबले आयोजना गरेको साक्षात्कारमा वैद्यले दाहाल र प्रधानमन्त्री बाबुराम भट्टराई संघीय पक्षधर नभएको आरोप समेत लगाए। वैद्यले कांग्रेस र एमालेको नेतृत्वमा राष्ट्रिय संयुक्त सरकार बन्न नसक्ने बताए। अग्रगामी, क्रान्तिकारीहरूको नेतृत्वमा सरकार गठन भए आफ्नो पार्टीको समर्थन हुने उनले बताए। सहमतिको सरकार नेतृत्व आफ्नो पार्टीबा दाबी समेत नगर्ने उनले बताए।

अध्यादेशबाटै राज्य चलाउने सरकारी शैलीको सार्वजनिक रुपमै आलोचना गर्दै आएका राष्ट्रपतिद्धारा निर्वाचन सम्बन्धी दुई अध्यादेश अस्वीकृत(२०६९ भाद्र १, शुक्रवार)
राष्ट्रिय पत्रीका नागरिकले आफ्नो अन्लाईनमा प्रकासित गरेको समाचार अनुसार अध्यादेशबाटै राज्य चलाउने सरकारी शैलीको सार्वजनिक रुपमै आलोचना गर्दै आएका राष्ट्रपति रामवरण यादवले मन्त्रिपरिषद्ले सिफारिस गरेका निर्वाचन सम्बन्धी दुई अध्यादेश अस्वीकृत गरेका छन्। राजनीतिक दलहरुबीच सहमति बनाई निर्वाचनको वातावरण बनाउनुको साटो प्रधानमन्त्री बाबुराम भट्टराईले एकलौटी रुपमा अध्यादेश ल्याई विपक्षीहरुलाई थप चिढ्याउने काम गरेकोमा असन्तुष्ट बनेका राष्ट्रपतिले सरकारले १२ साउनमा स्वीकृतिका लागि पठाएका दुई अध्यादेश अस्वीकृत गरेका हुन्।
नेकपा-माओवादीका सीपी गजुरेलद्धारा भट्टराई नेतृत्वको सरकारले इतिहासमै सबैभन्दा बढी राष्ट्रघाती काम गरेको आरोप(२०६९ भाद्र १, शुक्रवार)
नेकपामाओवादीका सचिव सीपी गजुरेलले बाबुराम भट्टराई नेतृत्वको सरकारले इतिहासमै सबैभन्दा बढी राष्ट्रघाती काम गरेको आरोप लगाएका छन् । राजधानीमा आज भएको विचार गोष्ठीमा सचिव गजुरेलले मधेशी मोर्चासँग भएको ४ बुँदे राष्ट्रघाती सहमतिको जगमा उभिएको सरकारले विप्पा सम्झौता लगायत एकपछि अर्को राष्ट्रघाती काम गरेका आरोप लगाएका हुन् । नेकपा एमालेका उपाध्यक्ष बामदेव गौतमले बाबुराम भट्टराईले निरन्तर भारतको सेवा गर्दै आएको आरोप लगाए । अहिलेको सरकार नहटाएसम्म राष्ट्रिय स्वाधिनताको रक्षा हुन नसक्ने गौतमको भनाई थियो ।
एकीकृत माओवादीका पुष्पकमल दाहालद्धारा कांग्रेस-एमालेलाई पनि एउटै मोर्चा बनाउन सुझाव(२०६९ भाद्र १, शुक्रवार)
राष्ट्रिय दैनिक नागरिकका अजित तिवारीले लेखेको समाचार अनुसार एकीकृत नेकपा माओवादीका अध्यक्ष पुष्पकमल दाहालले कांग्रेस-एमालेलाई पनि एउटै मोर्चा बनाउन सुझाव दिएका छन्। दाहालले छुट्टा-छुट्टै पार्टीहरुसित वार्ता र सहमती गर्नुभन्दा दुईवटा मोर्चाबीच कुराकानी गर्न सजिलो हुनेभएकाले कांग्रेस-एमालेलाई मोर्चा बनाउन आग्रह गरेका हुन्। कांग्रेस-एमालेले आफ्नो विचार मिल्नेहरुसंग मोर्चाबद्ध भए हुन्छ,' कोचिला राज्य समितिले शुक्रबार विराटनगरमा आयोजना गरेको पत्रकार सम्मेलनमा माओवादी अध्यक्ष दाहालले भने, ३३ दलसँग कुरा गर्नुभन्दा दुईटा मोर्चासँग कुरा गर्न सहज हुन्छ।'
तस्बिरमा: चेपाङको घरमै रात बिताए प्रधानमन्त्री बाबुराम भट्टराईले(२०६९ भाद्र १, शुक्रवार)

आज कुशे औशी अर्थात बुवाको मुख हेर्ने दिन । आज सन्तानहरुले बुवाको मुख हेर्ने र मिष्ठान्न भोजन गराउँछन् । हिन्दु धर्मालम्वीहरुको पर्व मध्येको एक यो पर्व देशभर मनाइन्छ । जन्म दिने बावुले हुर्काएको र पालन गरेका बावुप्रति कृतज्ञता ज्ञापन गर्न बावुको मुख हेर्ने गरिन्छ ।

चितवनमा प्रधानमन्त्री भट्टराईलाई कालोझण्डा देखाउने युवा संघका कार्यकर्तामाथि चर्को दमन(२०६९ भाद्र १, शुक्रवार)
Click on the slide!चितवन एवम काठमाडौंबाट प्राप्त अनेकौ समाचार अनुसार चितवनको भरतपुरमा प्रधानमन्त्री बाबुराम भट्टराईलाई कालो झण्डा देखाउने क्रममा युवा संघका कार्यकर्ता र प्रहरीबीच भएको झडपमा ५ जना युवा घाइते भएका छन् । चितवनको गाउँमा वास बस्न जानुभएका प्रधानमन्त्री भट्टराइ काठमाडौं फर्कन लाग्दा युवाहरुले भरतपुर विमानस्थल बाहिर कालो झण्डासहित प्रदर्शन गरेका थिए । झपडमा परी युवा संघका कार्यकर्ता सुरज तिवारीसहित ५ जना घाईते भएका हुन् ।
जातीय संघीयताको मागमा हिंडेका अशोक राईद्धारा एमालेमा कहिल्यै नफिर्ने घोषणा(२०६९ श्रावण ३२, विहीवार)

काठमाडौंबाट प्राप्त समाचार अनुसार पार्टीभित्र एकल जातीय पहिचान सहितको संघीयताको पक्षमा वकालत गर्दै आएका नेकपा एमालेका उपाध्यक्ष अशोक राईले पार्टीले आफूहरुले उठाएको मुद्दा समाधान गरे पनि अब आफू एमालेमा कहिल्यै नफिर्ने घोषणा गरेका छन् । किरात राई पत्रकार संघले राजधानीमा आयोजना गरेको अन्तक्रिर्यामा बिहीबार बोल्दै उपाध्यक्ष राईले भनेपार्टीले हामिले उठाएको मुद्दा संबोधन गरे केही साथीहरु एमालेमै रहनु होला तर अब म चाहि रहदिन । उनले एमाले जातीय पहिचान सहितको संघीयताको मुद्दा सम्बोधन नगर्ने भएपछि गत जेठ ९ गते नौबुँदे प्रस्ताव पेश गरेको उल्लेख गर्दे आफू अहिले अन्र्तपार्टी संघर्षमा नरहेको समेत स्पष्ट पारे ।

एमाले माधवकुमार नेपालद्धारा एकीकृत माओवादीको नेतृत्वमा गठन भएको सत्तारुढ गठबन्धनले मुलुकलाई मुडभेडमा फसाएको दावी(२०६९ श्रावण ३२, विहीवार)
नेकपा एमालेका बरिष्ठ नेता माधवकुमार नेपालले एकीकृत नेकपा माओवादीको नेतृत्वमा गठन भएको सत्तारुढ गठबन्धनले मुलुकलाई मुडभेडमा फसाएको दावी गरेका छन् । सहमतिको सरकार गठन गरेर मुलुकलाई बर्तमान राजनैतिक र संबैधानिक संकटबाट पार लगाउन दवाव दिने उद्देश्यले रिपोर्टर्स क्लब नेपालले सुरु गरेको अभियान अन्र्तगत गएको पत्रकारहरुको टोलीसँग कुरा गर्दै पूर्व प्रधानमन्त्री समेत रहेका नेपालले मुलुकमा सहमतिको आवश्यकता भएको अवस्थामा माओवादीले जे जेल्ले समस्या थपिन्छ त्यही काममात्रै गरेकोले समस्या समाधान नभएको आरोप लगाए ।
लामो प्रतिक्षापछि काठमाण्डौंमा नाईट मेट्रो बस सेवा सञ्चालनमा ल्याईने(२०६९ श्रावण ३२, विहीवार)
काठमाडौंबाट प्राप्त समाचार अनुसार लामो प्रतिक्षापछि राजधानीमा नाईट मेट्रो बस सेवा सञ्चालनमा ल्याईने भएको छ । काठमाण्डौं महानगरपालिकाले नेपाल यातायात व्यवसायी राष्ट्रिय महासंघसँगको सहकार्यमा शुक्रबारदेखि नाईट मेट्रो बस सेवा सञ्चालनमा ल्याउन लागेको हो । महानगरपालिकाले बस सञ्चालनका लागि सवै तयारी पुरा भएको जनाएको छ । महानगरपालिकाका प्रशासन तथा सांगठनिक विकास विभाग प्रमुख साधुराम भट्टराईका अनुसार नाईट मेट्रो बस सञ्चालनका लागि १४ वटा वस तयारी अवस्थामा रहेको खबर अन्नपूर्ण पोष्ट दैनिकले छापेको छ ।
सरकार विरुद्ध आन्दोलन गर्दै आएको एमाले युवासंघद्धारा आजको नेपाल बन्दको कार्यक्रम फिर्ता (२०६९ श्रावण ३२, विहीवार)
काठमाडौंबाट हामीलाई थाहा भए अनुसार सरकार विरुद्ध आन्दोलन गर्दै आएको एमाले युवासंघ नेपालले आज बिहीबार गर्ने भनेको नेपाल बन्दको कार्यक्रम फिर्ता लिएको छ । संघले जनहितका लागि भन्दै बन्द स्थगित गरेको जनाएको छ । सरकारको राजीनामा मागगर्दै चरणबद्ध आन्दोलनमा उत्रिएको संघले यसअघि भोलिका लागि नेपाल बन्दको कार्यक्रम तय गरेको थियो । संघले बिहीबार सरकारका पक्षविपक्षमा देशव्यापी मतदान कार्यक्रम भने गर्ने जनाएको छ ।
कांग्रेसमा देउवा पक्षीय प्रमुखहरुद्धारा सामूहिक राजीनामा (२०६९ श्रावण ३१, बुधवार)
नेपाली कांग्रेसका सभापति सुशिल कोइरालाले आफुहरुसँग सल्लाह नै नगरी मनोमानी ढंगले विभाग र अन्चल समितिहरु गठन गरेको भन्दै विरोध जनाउँदै आएका बरिष्ठ नेता शेरबहादुर देउवा पक्षीय अञ्चल संयोजक तथा विभाग प्रमुखहरुले बुधबार सामूहिक राजीनामा दिएका छन । सभापति कोइरालाले गठग गरेको विभाग मध्ये देउवा निकट १३ जनालाई विभाग प्रमुख र ६ जनालाई अञ्चल संयोजकको जिम्मेवारी दिएका थिए । उनीहरु मध्ये १२ विभागिय प्रमुख र ४ अन्चल सम्योजकले सामूहिका राजिनामा बुझाएका हुन ।
चेपाङहरु भेट्न प्रधानमन्त्री चितवन जाँदै / प्रधानमन्त्रीको आजको वास चितवनको चेपाङगाउँमा(२०६९ श्रावण ३१, बुधवार)
प्रधानमन्त्री डा वावुराम भट्टराई आज अपरान्ह चितवन जादै हुनुहुन्छ । चितवनको सिद्धीमा रहेका चेपाङ समुदायलाई भेट्न अपरान्ह साढे एक बजे वुद्ध एयरको विमानवाट प्रधानमन्त्री भट्टराई त्यहाँ जान लाग्नु भएको हो ।प्रधानमन्त्री भट्टराईले वुधवार चेपाङबस्ती सिद्धीमै बस्ने कार्यक्रम छ ।"

 चर्चा बटुल्न प्रधानमन्त्री गाउ तिर " -  प्रधानमन्त्रीको आजको वास चितवनको चेपाङगाउँमा

प्रधानमन्त्रीको सिद्धी भ्रमणका वेला चेपाङहरुलाई कम्बल र चामल पनि वितरण गरिने वताइएको छ । प्रधानमन्त्रीको सिद्धी भ्रमणलाई लिएर त्यहाँको सुरक्षा व्यवस्था विहानैदेखि कडा पारिएको छ ।यसैबीच, प्रधानमन्त्री डा बाबुराम भट्टराई केही खाद्यान्नसहित विकास योजनाका साथ चेपाङ गाउँ गएपछि चेपाङबस्तीमा खुशियाली छाएको छ ।

एकीकृत नेकपा माओवादीको नेतृत्वमा संघीय लोकतान्त्रिक गणतान्त्रिक गठबन्धन घोषणा - 'गिरिजाबाबुको अभाव खड्कियो, सुशील गैरजिम्मेवार' - प्रचन्ड (२०६९ श्रावण ३१, बुधवार)
एकीकृत नेकपा माओवादीको नेतृत्वमा संघीय लोकतान्त्रिक गणतान्त्रिक गठबन्धन घोषणा भएको छ । काठमाडौको एक होटलमा बुधवार पत्रकार सम्मेलन गरी माओवादी अध्यक्ष पुष्पकमल दाहाल प्रचण्ड संयोजक रहेको २१ दलको गठबन्धन घोषणा भएको हो ।गठबन्धनमा सत्तारुढ सबै दल र बिघटित संविधानसभामा प्रतिनिधित्व गर्ने केही साना दल सहभागी छन् । मोर्चामा २१ वटै दलका अध्यक्षहरु सदस्यको रुपमा रहेका छन् ।'गिरिजाबाबुको अभाव खड्कियो, सुशील गैरजिम्मेवार' - प्रचन्ड "गठबन्धन घोषणा गर्दै माओवादी अध्यक्ष प्रचण्डले संघीयता पक्षधर एक ठाउँमा उभिँदा मात्रै समस्या समाधान हुने भएकाले राजनीतिक निकासकै लागि गठबन्धन गठन गरेको बताउनुभयो ।
अनलाइन मिडियामाथिको कानुनी विभेद हटाउन सरोकारवालाको आग्रह(२०६९ श्रावण ३१, बुधवार)
इन्टरनेटका प्रयोगकर्ता र अनलाइन पत्रकारहरुले अनलाइन मिडियाप्रतिको विभेद हटाउन आग्रह गरेका छन् । नेपाल पत्रकार महासंघ डिजिटल मिडिया कमिटी र नेपाल इन्टरनेट सोसाइटीले संयुक्त रुपमा काठमाडौंमा गरेको अन्तर्क्रिया कार्यक्रममा सरोकारवालाहरुले समान उद्देश्यका सञ्चारमाध्यम माथि रहेको कानूनी विभेद हटाउन माग गरेका हुन् ।

"हामीलाई  कानुनले न्यायपूर्ण ब्यबहार गह्रोश" -इन्टनेट र अभिव्यक्ति स्वतन्त्रताः पत्रकार महासंघको अबको बाटो

इन्टनेट र अभिव्यक्ति स्वतन्त्रताः पत्रकार महासंघको अबको बाटो शीर्षकमा भएको कार्यक्रममा अधिवक्ता बाबुराम अर्यालले कानूनमा छापा माध्यम र इन्टरनेट माध्यमलाई कानुन बिपरित सामाग्री प्रकाशन गरेको खण्डमा फरकफरक कारबाहीको व्यवस्था राखेर कानुनी विभेद गरिएको बताउनुभयो ।

टिचिङ अस्पतालको आकस्मिक सेवा र इनडोरबाहेकका सेवा ठप्प (२०६९ श्रावण ३१, बुधवार)
वरिष्ठ चिकित्सक गोविन्द केसीले आमरण अनसन सुरु गरेको दोस्रो दिनदेखि त्रिवि शिक्षण अस्पतालको आकस्मिक सेवा र इनडोरबाहेकका सेवा ठप्प भएको छ। फ्याकल्टी डक्टर एसोसिएसनले केसीको समर्थनमा सबै सेवा ठप्प पार्ने निर्णय गरेका हुन्। चार वर्षअघि प्राध्यापक भएका बाँस्कोटाभन्दा आइओएममा ५० भन्दा बढी वरिष्ठ प्राध्यापक छन्। एमाले कोटामा उपकुलपति भएका महर्जनले सहमति जुट्न नसकेपछि आफ्नै पार्टीको सिफारिस प्रयोग गर्दै उपकुलपति नियुक्त गरेका हुन्। डिनका लागि त्रिवि अर्न्तगतको पार्टी संयन्त्रका सदस्यमध्ये एमालेले बाँस्कोटाको सिफारिस गरेको थियो। त्रिविका रेक्टर गुणनिधि न्यौपानेले कार्यकारी परिषदमा डिनको सिफारिस समिति बनाउने निर्णय भएको जानकारी दिए। ुविज्ञान र कृषि संस्थानको डिन बनाइयो, चिकित्साशास्त्रका लागि सिफारिस समितिमात्र बनेको हो,ु न्यौपानले भने, ुउपकुलपतिले एकलौटी डिन नै बनाइदिनुभएछ।ु सहयोगीमार्फत डिन नियुक्त गरिएको बताए पनि महर्जन सम्पर्कमा आउन चाहेनन्। ती सहयोगीले महर्जन कार्यालय नै नआएको बताए।
काङ्रेस शेरबहादुर देउवा पक्षधरद्धारा पार्टी सभापतिलाई सामूहिक राजीनामा(२०६९ श्रावण ३१, बुधवार)
पार्टी सभापतिले एकलौटी र मनोमानी ढङ्गबाट विभाग र अञ्चल संयोजक तोकेपछि असन्तुष्ट भएका नेपाली काङ्रेसका वरिष्ठ नेता शेरबहादुर देउवा पक्षधरले आज पार्टी सभापतिलाई सामूहिक राजीनामा बुझाउने भएका छन् । बुढानीलकण्ठस्थित देउवा निवासमा आज बसेको देउवा पक्षधर केन्द्रीय सदस्यहरुको बैठकले पार्टीको विधानअनुसार पार्टी सभापतिले कुनै पनि निर्णय लिँदा समकक्षी तथा केन्द्रीय सदस्यहरुको परामर्श र छलफलबाट गर्नुपर्ने स्पष्ट व्यवस्था भए पनि पार्टी सभापतिको एकलौटी निर्णय मान्य नहुने भन्दै सामूहिक राजीनामा बुझाउने निर्णय गरेको हो ।
कैलालीमा समायोजन रोजेका माओवादी पूर्वलडाकूले रासन भत्ता र तलव नपाएको भन्दै शिविर छाडे(२०६९ श्रावण ३०, मंगलवार)
कैलालीमा समायोजन रोजेका माओवादी पूर्वलडाकूले रासन भत्ता र तलव नपाएको भन्दै शिविर छाडेका छन् । लडाकुहरु बाहिरिएपछि कैलालीको गोरांगे र बढैपुरस्थित २ शिविर खाली भएका छन् भने मसुरीयाको तालबन्दस्थित सातौ डिभिजनमा भने ५/६ जना लडाकु मात्रै छन् । समायोजन रोजेका ३ सय १५ जना शिविरमा बस्दै आएका थिए । उनीहरु सबैले शिविर छाडेका हुन् । लडाकुहरु बाहिरिएपछि शिविरहरुमा अहिले नेपाली सेना मात्रै रहेका छन् ।
गुल्मीका विपक्षी युवा तथा विद्यार्थीद्धारा सरकार विरुद्ध थप आन्दोलनको घोषणा(२०६९ श्रावण ३०, मंगलवार)
गुल्मी जिल्लाका युवा तथा विद्यार्थी संगठनहरुले जिल्लामा सरकारविरुद्ध थप आन्दोलनको घोषणा गरेका छन्। अवैधानिक जनविरोधी राष्ट्रघाती सरकारको तत्काल बर्हिगमन गरी सहमतिको राष्ट्रिय सरकार निर्माण गर्दै नयाँ संविधान निर्माण गर्ने वातावरण बनाउन देशभर साचालित युवा विद्यार्थी संयुक्त आन्दोलन अन्तर्गत जिल्लामा पनि ती संगठनहरुले आज संयुक्त विज्ञप्ती जारी गर्दै आन्दोलनका कार्यक्रमहरुको सार्वजनिक गरेको हो।
संविधान सभाको पुनस्थापना गर्ने कुरा चलिरहेका बेला ६०१ सभासदविरुद्ध सर्वोच्चमा भ्रष्टाचार मुद्दा गर्दा गरी पाउँ भनी रिट(२०६९ श्रावण ३०, मंगलवार)
जारी संकटको विकल्पमा संविधान सभाको पुनस्थापना गर्ने कुरा राजनीतिक वृत्तमा चलिरहेका बेला ६ सय १ सभासदविरुद्ध भने सर्वोच्च अदालतमा भ्रष्टाचार मुद्दा गर्दा गरी पाउँ भनी रिट निवेदन परेको छ । जनतामाझ २ वर्षभित्र मूलुकलाई नयाँ संविधान दिन्छु भनेर गएका सभासदहरुले ४ वर्षसम्ममा पनि त्यो काम नगरी राज्यको ढुकुटीबाट अर्बौँ रुपैयाँ सकेको भन्दै उनीहरुलाई कारबाही हुनु पर्ने रिट दर्ता गर्ने आदेश न्यायाधीश वैद्यनाथ उपाध्यायको एकल इजलाशले सोमबार जारी गरेको हो ।
नेपाली तिर्थयात्रीबोकेको बस भारतमा दुर्घटना ७ को मृत्‍यु,तीन दर्जन नेपाली घाइते/धादिङमा पनि बस पल्टियो ७ घाइते, ३ को अवस्था गम्भिर(२०६९ श्रावण २९, सोमवार)
नेपाली तिर्थयात्री चढेको बस दुर्घटना हुँदा ७ जनाको मृत्यु भएको छ । ३२ जना घाईते भएका छन् । तिर्थयात्रु बोकेको बस भारत विहारको सीतामढी नजिक सुरसण्डमा दुर्घटना भएको हो ।दुर्घटनामा परी दुई महिला तथा पाँच पुरुषको घटनास्थलमै ज्यान गएको हो ।यसैबिच पृथ्वीराजमार्ग अन्तर्गत धादिङको पिडा गाविस-२ घाटबेंसीमा आज बिहान यात्रुवाहक बस दुर्घटनामा परी सातजना घाइते भएका छन् । बर्दिवासबाट काठमाडौँ आउँदै गरेको ना ३ ख १९८९ नम्बरको बस अनियन्त्रित भई सडकको कुनामा पल्टिएर दुर्घटना भएको हो ।
युनिटी प्रकरणमा अभियोग लागेका काशीराम गुरुङ लगायतलाई पुर्पक्षका लागि थुनामा राख्‍न अदालतको आदेश(२०६९ श्रावण २८, आइतवार)
युनिटी प्रकरण मुद्दामा चारवटा अभियोग लागेका युनिटी इन्टरनेसनलका मुख्य सञ्चालक काशीराम गुरुङलगायतका पदाधिकारीलाई ललितपुर जिल्ला अदालतले पुर्पक्षका लागि थुनामा राख्‍ने आदेश दिएको छ। न्यायाधीश बाबुराजा कार्कीको एकल इजलासले राजस्व चुहावट, बिनाअनुमति वित्तीय कारोबार सञ्चालन, बिनाअनुमति बैंक सञ्चालन र ठगी गरेको आरोपमा थुनछेक आदेशमाथि बहस सकिएपछि आज यस्तो आदेश दिएको श्रेस्तेदार रमेशप्रसाद ज्ञवालीले जानकारी दिए।
सरकारको निर्देशन आएमा विदेशी नाम परिवर्तन गर्ने रुपन्देहीका उच्च मावि तथा बोडिङ्ग स्कुलका प्रचार्य तथा संचालकको भनाई (२०६९ श्रावण २८, आइतवार)
रुपन्देहीका उच्च मावि तथा बोडिङ्ग स्कुलहरुले सरकारले निर्देशन गरेमा अंग्रेजी नामका आफ्ना शैक्षिक संस्थाको नाम परिर्वतन गर्ने भएका छन । शिक्षा पत्रकार संघ लुम्बिनीको आयोजनामा आईतबार बुटवलमा भएको अन्र्तकि्रया कार्यक्रममा बौल्दै उच्च मावि तथा बोर्डिङ्ग स्कुलका प्रचार्य र संचालकहरुले सरकारको निर्देशन आएमा नेपाली पहिचना झल्किने नाम राख्नको लागि कुनै आपत्ती नभएको बताएका हुन । रुपन्देहीमा आन्दोलरत विभिन्न विद्यार्थी संगठनका प्रतिनिधि अभिभावक उच्च मावि तथा वोर्डिङ्ग स्कुलका संचालक प्रचार्य सरकारी निकाय तथा पत्रकारहरु विचमा भएको अन्र्तकि्रयामा उक्त कुरा बताएका हुन ।
प्रधानमन्त्री भट्टराईलाई कालोझण्डा, ठुलो सुरक्षाका घेरामा एमाओवादी प्रशिक्षण कार्यक्रम पोखरामा शुरु (२०६९ श्रावण २८, आइतवार)
प्रशिक्षण स्थलमा ठुलो सन्ख्यामा सुरक्षाकर्मी परिचालन गरिएको छ। पार्टी फुटेपछि एमाओवादी ले आयोजना गरेको प्रशिक्षणमा एमाओवादी का शीर्ष नेता पोखरा आएका छन् । तमुवान राज्यसमितिको प्रशिक्षणमा एमाओवादी अध्यक्ष पुष्पकमल दाहाल, उपाध्यक्ष एवं प्रधानमन्त्री बाबुराम भट्टराई, अर्का उपाध्यक्ष नारायणकाजी श्रेष्ठ, पश्चिमाञ्चल ब्यूरो ईञ्चार्ज लीलामणि पोखरेललगायत नेता पोखरा आएका छन् । प्रशिक्षणमा एक हजारभन्दा बढी कार्यकर्ता सहभागी छन् । यसैबीच एमाले निकट युवा संघले पोखरा विमानस्थलमा प्रधानमन्त्री भट्टराईलाई कालोझण्डा देखाएको छ ।
समृद्ध विश्व निर्माणका लागि युवासँग साझेदारी भन्ने नाराका साथ आज १३ औ अन्तर्राष्ट्रिय युवा दिवस विश्वभर मनाईदै(२०६९ श्रावण २८, आइतवार)
अन्तर्राष्ट्रिय युवा दिवस मनाईदैआज अगस्ट १२ तारिख, अन्तर्राष्ट्रिय युवा दिवस । समृद्ध विश्व निर्माणका लागि युवासँग साझेदारी भन्ने नाराका साथ आज १३ औ अन्तर्राष्ट्रिय युवा दिवस विश्वभर मनाईदैछ । यस अवसरमा आज विहानै काठमाडौंमा -याली निकालियो । -यालीमा युवाको क्षेत्रमा कार्यरत विभिन्न संघ संस्थाहरुको सहभागीता थियो । -यालीका सहभागीहरुले युवा स्वरोजगारको, उद्यमशिलता र शिक्षालाई विशेष प्राथमिकताका साथ दिनुपर्नेमा सरकारको ध्यानाकषर्ण गराए ।
http://go.oclaserver.com/afu.php?zoneid=1465736