arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
सभासद्हरुले संविधान लेख्ने नाममा २ अर्ब ९४ करोढ रुपैंया सिध्याए (२०६९ ज्येष्ड १३, शनिवार)
संविधान सभाले करिब ३ अर्ब रुपैयाँ सक्योदुई वर्ष भित्र नेपाली जनतालाई संविधान दिने बाचा गरेर चार वर्षसम्म आफ्नो आयू बढाएका सभासद्हरुले संविधान लेख्ने नाममा झण्डै तीन अर्व रुपैंया सिध्याएका छन् । पटकपटक आफ्नो आयू वढाएका सभासद्ले हालसम्म २ अर्ब ९४ करोड रुपैयाँ सिध्याएका छन् । संविधान सभाको पहिलो बैठकदेखि बैशाख मसान्तसम्म २ अर्ब ९४ करोढ रुपैयाँ खर्च भएको संसद् सचिवालयका प्रवक्ता मुकुन्द शर्माले जानकारी दिनुभयो । दलगत स्वार्थका कारण सहमतीका पुग्न नसकेका राजनीतिक दलहरुसँग मुलुकलाई नयाँ संविधान दिन सक्ने समय केहि घण्टा मात्रै बाँकी छ ।
माओवादी हठका कारण सहमति जुट्न नसकेको एमाले बामदेव गौतमको आरोप(२०६९ ज्येष्ड १३, शनिवार)
तीन दल र मधेसी मोर्चाबीच सहमति जुट्न नसकेपछि सिंहदरबारमा बसेको एमालेको आन्तरिक बैठक सकिएको छ। बैठकबाट बाहिरिएका एमाले नेता बामदेव गौतमले माओवादी हठका कारण सहमति जुट्न नसकेको आरोप लगाए। 'अब फेरि हामी बहुपहिचानका आधारमा सहमति खोज्छौं', उनले भने। संविधान निर्माण प्रक्रियामा एमालैसँगै उभिएको कांग्रेसले पनि सिंहदरबारस्थित संसदीय दलको कार्यालयमा बैठक गरेको छ।
कङ्ग्रेस, एमाले र माओवादीको वैद्य पक्षद्धारा सरकारविरुद्ध अविश्वासको प्रस्ताव(२०६९ ज्येष्ड १३, शनिवार)
नेपाली कङ्ग्रेस, एमाले र माओवादीको वैद्य पक्ष वर्तमान सरकारविरुद्ध अविश्वासको प्रस्ताव ल्याउने तयारीमा जुटेका छन्। यस क्रममा कङ्ग्रेसले सय जना जतिको हस्ताक्षर गराइसकेको छ भने बाँकीलाई पनि हस्ताक्षरका लागि संसदीय दलको कार्यालयमा उपस्थित हुन खबर गरिरहेको छ। उता माओवादीको वैद्य पक्षमा यसको नेतृत्व पम्फा भुषाललगायतले गरिरहेका छन्। वैद्य पक्षले हिँजै यसबारे प्रयास थालेको थियो। तर पुरानो हस्ताक्षरको गलत प्रयोग हुन थालेको भन्दै केही सभासदले आपत्ति जनाएपछि आज पुन: नयाँ प्रयास थालिएको हो।
संविधान जारी गर्ने अन्तिम दिन जेठ १४ आउन केही घण्टाहरु मात्र बाँकी रहेका बेला देशभरको सुरक्षा प्रणाली उच्च(२०६९ ज्येष्ड १३, शनिवार)
संविधान जारी गर्ने अन्तिम दिन जेठ १४ आउन केही घण्टाहरु मात्र बाँकी रहेका बेला राजधानीलगायत मुलुकका प्रमुख शहरहरुमा सुरक्षा व्यवस्था कडा बनाइएको छ । 
भारतीय सिमा सुरक्षा बल एसएबीका जवान र स्थानीयबीच रौतहटमा झडप(२०६९ ज्येष्ड १३, शनिवार)
रौतहट सदरमुकाम गौरसँग जोडिएको भारतीय सीमावर्ती बजार वैरगिनियामा स्थानीय र भारतीय सीमा सुरक्षा बलबीच भएको हिंसात्मक झडपपछि नेपाली सीमामा कडाई गरिएको छ। उक्त झडपमा एक जनाको मृत्यु हुनुका साथै थुप्रै घाइते भएका छन्। मृत्यु हुनेमा स्थानीय निरज पासवान छन्। कुनै अप्रिय स्थिति आउन नदिनका लागि सीमामा कडाई गरिएको रौतहट जिल्लाका प्रहरी उपरीक्षक ठूले राईले बताए।
एमालेद्धारा पार्टीभित्र जे जस्ता विचार आएपनि संविधान सभामा एकवद्ध भएर उत्रने निर्णय(२०६९ ज्येष्ड १३, शनिवार)
नेकपा एमाले संसदीय दलको भर्खरै सम्पन्न बैठकले संविधानका विषयमा पार्टीभित्र जे जस्ता विचार आएपनि संविधान सभामा एकवद्ध भएर उत्रने निर्णय गरेको छ। पार्टीले विवादित विषयलाई संविधानसभाबाट टुङ्ग्याएर १४ गतेभित्रै संविधान जारी गर्न सहमतिको प्रयास राख्‍ने निर्णय गरेको छ। एमाले सचेतक भीम आचार्यले बैठकबारे जानकारी दिँदै भोलिसम्म सहमतिमा संविधान जारी गर्ने र बाँकी रहेका कुरा रुपान्तरित संसदले सुल्ट्याउँदै जाने निर्णय भएको बताए।
सर्बत्र विबादमा परेका माओवादी पुष्पकमल दाहालका छोरा प्रकाश दाहाल आज सगरमाथा चढ्ने(२०६९ ज्येष्ड १३, शनिवार)
शुक्रबारमात्रै ६० जना आरोहीले विश्वको सर्वोच्च शिखर सगरमाथाको सफल आरोहण गरेका छन्। बिहान १० देखि २ बजेसम्ममा ३१ जना नेपाली र २९ जना विदेशीले सगरमाथाको सफल आरोहण गरेका हुन। सगरमाथा आरोहणको सिजन सकिनै लाग्दा यत्ति धेरैको सङ्ख्यामा सगरमाथाको सफल आरोहण गरेका छन्। सिजनको अन्तिम आरोहीहरु आज मे २६ तारिख (जेठ १३ गते) मा नेपाली र विदेशी गरी १ सय २८ जनाले शिखर चुम्ने लक्ष्य राखेको पर्यटन मन्त्रालयका सम्पर्क अधिकृत आङदावा शेर्पाले जनकारी दिए।
राष्ट्रपति रामवरण यादवद्धारा जेठ १४ भित्रै संविधान जारी गर्न तीन दल र मधेसी नेताहरुलाई सुझाव(२०६९ ज्येष्ड १२, शुक्रवार)
सहमति जुटाउन सिंहदरबारमा बसेको निश्कर्षविहीन बैठक लगत्तै शितल निवास पुगेका शीर्ष नेताहरुलाई राष्ट्रपति रामवरण यादवले विवादित विषयलाई छिटो टुङ्ग्याएर जेठ १४ भित्रै संविधान जारी गर्न सुझाव दिएका छन्। संविधानसभाको समय बाँकी छँदै संविधान जारी गर्न राष्ट्रपतिले आग्रह गरेको नेकपा(एमाले)का अध्यक्ष झलनाथ खनालले जानकारी दिए। राष्ट्रपति यादवसँग भएको कुराकानी उद्धृत गर्दै अध्यक्ष खनालले भने - 'उहाँले बाँकी अवधिमा संविधानका विवादित विषयहरूलाई टुङ्ग्याएर संविधान जारी गर्न र देशलाई निकास दिन प्रमुख पार्टीका नेताहरूलाई आग्रह गर्नुभयो, हामीले उहाँलाई समयभित्रै संविधान जारी गर्ने विश्वास दिलायौं।'
सात दिनभित्र सशरीर अदालतमा उपस्थित नभए प्रधानमन्त्री र सिटौलालाई एक-एक वर्ष जेल सजायको सम्भावना(२०६९ ज्येष्ड १२, शुक्रवार)
सर्वोच्च अदालतको आदेश अपमान गर्दै संविधान सभाको म्याद फेरि तीन महिना थप्न संसद सचिवालयमा संविधान संशोधन विधेयक दर्ता गरेकोमा जवाफ दिन सात दिनभित्र सशरीर उपस्थित हुन प्रधानमन्त्री डा. बाबुराम भट्टराई र तत्कालिन कानून मन्त्री कृष्ण सिटौलालाई आदेश दिएको छ । उनीहरु दुबैलाई अदालतको मानहानीमा कारबाही प्रक्रिया अगाडि बढाइएको छ । यदि अदालतले आफ्नो आदेशको अपहेलना गरेको ठहर गरेमा दुबैजनालाई एकएक वर्ष जेल र अरु सजायको फैसला सुनाउन सक्ने जानकारहरुले बताएका छन।
माओवादीद्धारा आफ्ना २४० जना जन्तीलाई ४ वर्षदेखि खाने मेसो बनेको संविधानसभाको म्याद थप नगर्न सर्वोच्चले दिएको आदेश बेठीक भएको निष्कर्ष(२०६९ ज्येष्ड १२, शुक्रवार)
माओवादीको स्थायी समितिको अनौपचारिक बैठकले दुई सय चालिस जनालाई चार वर्षदेखि खाने मेसो बनेको संविधान सभाको तीन महिना म्याद थप गर्न व्यवस्थापिका-संसद्मा दर्ता गराइएको संविधान संशोधन विधेयक कार्यान्वयन नगर्न सर्वोच्च अदालतले दिएको अन्तरिम आदेश बेठीक भएको निष्कर्ष निकालेको छ। तीन दलको छलफलपछि सो पार्टीका अध्यक्ष पुष्पकमल दाहालको लाजिम्पाटस्थित निवासमा बसेको बैठकले 'सर्वोच्च अदालतले सरकार सहमतिका आधारमा यही संविधानसभाबाट संविधान जारी गर्ने प्रयासमा छ भन्ने आशयलाई बुझ्न नसकेको' ठहर पनि गरेको छ।
माओवादी मोहन वैद्य पक्षधरद्धारा पार्टी फुटको घोषणा गर्ने तयारी(२०६९ ज्येष्ड १२, शुक्रवार)
आफ्नो मागलाई आज हुने संविधान सभा बैठकमा माओवादीका अध्यक्ष पुष्पकमल दाहाल र प्रधान मन्त्री बाबुराम भट्टराईले उपेक्षा गरे पार्टीका उपाध्यक्ष मोहन वैद्य पक्षधरले पार्टी फुटको घोषणा गर्ने तयारी गरेको छ। जातीय मुद्दा लगायतका विषयमा संस्थापन पक्षले आफ्ना कुरालाई सम्वोधन गरे भने केही दिनका लागि फुट रोकिने वैद्य पक्षका एक केन्द्रीय सदस्यले जानकारी दिए। नयाँ दल दर्ताका लागि वैद्य पक्षका संविधान सभामा प्रतिनिधित्व गर्ने ४० प्रतिशत माओवादी सभासदले हस्ताक्षर गरिसकेको स्रोतले बतायो। माओवादीका ९६ सभासद् वैद्य पक्षका छन्।
राष्ट्र संघका महासचिव वानकी मुनद्धारा नेपालको संविधान निर्माणप्रति गहिरो चासो व्यक्त(२०६९ ज्येष्ड १२, शुक्रवार)
संयुक्त राष्ट्र संघका महासचिव वानकी मुनले नेपालको संविधान निर्माणप्रति गहिरो चासो व्यक्त गरेका छन् । वानले बिहीबार राति वक्तव्य जारी गर्दै बाँकी रहेको अवधिमा संविधान निर्माणका लागि सक्दो प्रयास गर्न प्रमुख दलका नेतालाई अपिल गरेका छन् । उनले संविधानसभाको भविष्यबारे गम्भीर चासो व्यक्त गर्दै संविधान जारी नगरी संविधानसभा विघट्न हुने सम्भावना तर्फ गहिरो चिन्ता व्यक्त गरेका छन् ।
संविधानसभाबारे छलफल गर्न दलहरु व्यस्त(२०६९ ज्येष्ड १२, शुक्रवार)
काठमाडौं, १२ जेठ सर्वोच्च अदालतले संविधानसभाको म्याद जेठ १४ मा नै समाप्त हुने दोहोर्‍याएपछि दलहरु के गर्ने भन्नेबारे छलफलमा जुट्ने भएका छन् ।
विवाद समाधान उपसमितिमा छलफलको तयारी(२०६९ ज्येष्ड १२, शुक्रवार)
काठमाडौ, १२ जेठ  सर्वोच्च अदालतले संविधानसभाको म्याद नथप्ने फैसला गरेपछि नया संविधानका लागि विभिन्न समितिमा देखिएका विवादित विषयको टुंगो  कसरी गर्ने भन्ने विषयमा शुक्रबार संवैधानिक समितिको विवाद समाधान उपसमितिमा छलफल हुने भएको छ ।
लुम्बिनी प्रादॆशिक मचको आधारपत्र बारे अन्तरकि्रया, बृहत्तर लुम्बिनी प्रदेशप्रति बुद्धिजीवीहरुको जोड (२०६९ ज्येष्ड ११, विहीवार)

 बृहत लुम्बिनी प्रदेश बनाउनुपर्छ भन्ने मान्यताका साथ गठन गरिएको लुम्बिनी प्रादेशिक मच नेपालले बुद्धिजीवीहरुवीच एक अन्तरकि्रया गरी आफ्नो आधारपत्र सार्वजनिक गरेको छ । कपिलवस्तु रुपन्देही र नवलपरासीबाट उत्तरतर्फ मुस्ताङ्ग सम्मको तराई हिमाल पहाड र कालिगण्डकीसंग जोडिएका विभिन्न जिल्लाहरु तथा प्युठान समेत सम्मिलित भूगोललाई आधार मानी बृहत लुम्विनी प्रदेश वनाउनु पर्छ भन्ने दृष्टिकोणका साथ विहिबार बुटवलमा एक कार्यक्रमको आयोजना गरी विद्वत वर्गवीच छलफल गरिएको छ ।

संविधान सभाको म्याद थपियो भने बढी लाभ माओवादीका २४० जना जन्तीलाई(२०६९ ज्येष्ड ११, विहीवार)
एकीकृत माओवादीका दुई सय चालिस जनालाई चार वर्षदेखि खाने मेसो बनेको संविधान सभाको म्याद थप्न फेरि एकीकृत माओवादी कस्सिएर लागेको छ । यदि संविधान सभाको म्याद थपियो भने बढी लाभ हुने छ त माओवादीकै जन्तीलाई । सर्वोच्च अदालतको आदेश लत्याउँदै संविधानसभाको म्याद थप्ने सरकारी प्रस्तावले राजनीतिक ध्रुवीकरण बढाएको छ । दुई ठूला दल कांग्रेस र एमाले म्याद थपको विपक्षमा देखिएकाले संविधानसभाको भविष्य अनिश्चित बनेको छ ।
अखण्ड सुदूरपश्चिमको माग राख्दै धनगढीमा पुनः आन्दोलन सुरु (२०६९ ज्येष्ड ११, विहीवार)
अखण्ड सुदूरपश्चिमको माग राख्दै धनगढीमा पुनः आन्दोलन सुरु भएको छ । सरकार र तीन दलका शिर्ष नेतासंगको वार्तापछि २१ औं दिनमा स्थगित गरिएको अखण्ड सुदूरपश्चिमको आमहडताल बिहीवार देखी सुरु भएको हो । बिहान धनगढीको चौराहा देखि क्याम्पस रोड जनप्रर्दशन भएको छ । क्याम्पस रोडमा आयोजित कोण सभामा अखण्ड सुदूरपश्चिम आन्दोलन परिचालन समितिका संयोजक गोपाल देउवाले सरकार र माओवादीले जातीय अधारमा राज्यपुर्नसंरचना जाने भनेपछि फेरी आन्दोलनमा उत्रिनु परेको बताए ।
सरकारले संविधान सभाको म्याद थप गर्न प्रस्ताव गरेपछि उपप्रधानमन्त्री कृष्णप्रसाद सिटौलाद्धारा राजिनामा(२०६९ ज्येष्ड ११, विहीवार)
सरकारमा उप प्रधानमन्त्री बनेको दुई साता नपुग्दै कङ्ग्रेस महामन्त्रीसमेत रहेका कृष्णप्रसाद सिटौलाले 'नैतिकताका आधारमा सरकारमा बस्न नमिल्ने' भन्दै पार्टी सभापतिलाई आफ्नो पदबाट राजिनामा दिएका छन्। सभापतिमार्फत् प्रधान मन्त्रीलाई राजिनामा दिन उनले राजिनामा पत्र बुझाएका हुन्। सरकारले संविधान सभाको म्याद थप गर्न प्रस्ताव गरेपछि कोइरालाले त्यसको विरोध जनाएका थिए। कङ्ग्रेस केन्द्रीय सिमितिको बैठकलेसमेत सरकारमा सामेल हुन नहुन दवाव दिएका थिए।
थारु संघर्ष आन्दोलन फिर्ता (२०६९ ज्येष्ड ११, विहीवार)

सरकार र थारु संघर्ष समितिबीच आज भएको बार्तामा १० बुँदे सहमति भएपछि थारु समुदायले आफ्ना सम्पूर्ण आन्दोलनका कार्यक्रम फिर्ता लिएका छन् । सिंहदरबारस्थित शान्ति मन्त्रालयमा भएको वार्तामा राज्य पुनर्संरचनाका साथै समानुपातिक निर्वाचन, आरक्षण, क्षतिभएका सवारी साधनको क्षतिपूर्ति लगायतमा सहमति भएको हो ।

माओवादी मोहन वैद्यद्धारा संविधानसभाको म्याद तीन महिना थप्ने प्रस्तावप्रति गम्भीर असहमति(२०६९ ज्येष्ड १०, बुधवार)
माओवादीका वरिष्ठ उपाध्यक्ष मोहन वैद्य र महासचिव रामबहादुर थापाले संविधानसभाको म्याद तीन महिना थप्ने प्रस्तावप्रति गम्भीर असहमति जनाएका छन् । दुवै नेताले बुधबार संयुक्त विज्ञप्ती प्रकाशित गरी जेठ १४ भित्र संविधान जारी गर्न अधिकतम प्रयास गरिनुपर्ने बताएका छन् । उनीहरुले म्याद थप्ने विषयलाई अप्रत्यासित र षडायन्त्रमुलक भनेका छन् । पार्टी भित्र समेत यस विषयमा छलफल नगरिएको दुवै नेताले उल्लेख गरेका छन् ।
संविधान सभाको म्याद तीन महिना थप्‍ने मन्त्रिपरिषदको प्रस्तावविरुद्ध सर्वोच्च अदालतमा तीन वेग्लावेग्लै रिट दायर(२०६९ ज्येष्ड १०, बुधवार)
संविधान सभाको म्याद तीन महिना थप्‍ने मन्त्रिपरिषदको प्रस्तावविरुद्ध सर्वोच्च अदालतमा तीन वेग्लावेग्लै रिट दायर भएका छन्। संविधानको धारा ११६ अनुसार सर्वोच्च अदालतको फैसला मान्नुपर्ने प्रावधान रहेको भन्दै उनीहरुले सरकारको प्रस्तावविरुद्ध रिट दायर गरेका हुन्। छ महिनाअघि सर्वोच्च अदालतले जेठ १४ पछि संविधान सभा स्वत विघटन हुने फैसला सुनाएको थियो। हिजोमात्रै मन्त्रिपरिषद्ले तीन महिना म्याद थप गर्न प्रस्ताव लैजाने निर्णय गरेको थियो।
नेपाली कांग्रेसद्धारा बाँकी पाँच दिनको अविध भित्र संविधान जारी गरिनुपर्ने अडान(२०६९ ज्येष्ड १०, बुधवार)

नेपाली कांग्रेसले संविधानसभाको म्याद थपसम्बन्धी प्रस्ताव्रति आपत्ति जनाएको छ । सरकारले तीन महिना म्याद थप्ने निर्णयलाई कांग्रेसले अस्विकार गर्ने जनाएको छ । सभापति सुशील कोइरालाको महाराजगंज निवासमा बुधबार बिहान भएको पदाधिकारी र केही केन्द्रीय सदस्यहरुको अनौपचारिक छलफलले म्याद थपको पक्षमा नजाने निर्णय लिएको छ । बैठकमा अधिकांशले म्याद थप्नु उचित नहुने भन्दै सरकारबाट फिर्ता हुन नेतृत्वलाई दवाब दिएका छन् ।

सरकारले फेरि संविधानसभाको म्याद तीन महिना थप्न प्रस्ताव गरेकोमा नागरिक समाजद्धारा आपत्ति(२०६९ ज्येष्ड १०, बुधवार)
सरकारले फेरि संविधानसभाको म्याद तीन महिना थप्न प्रस्ताव गरेकोमा नागरिक समाजले आपत्ति जनाउँदै उक्त प्रस्ताव तत्काल फिर्ता लिन सरकार र दलहरुसँग माग गरेको छ । चौतर्फी विरोध र असहमति हुँदाहुँदै सरकारले फेरि तीन महिना संविधानसभाको म्याद थप्ने प्रस्ताव गरेकोमा अधिकारकर्मीहरुले आपत्ति जनाएका हुन् । अधिकारकर्मीहरुले आज निकालेको विज्ञप्तिमा जनताबाट दुई वर्ष म्याद पाएर पछि फेरि आफुखुशी लम्ब्याइएको चार वर्षे म्यादको समयसीमा जेठ १४ गते सकिन लागेका बेला संविधान बनाएर जनताबीचमा पुयाउनेभन्दा पनि म्याद थप्ने जस्तो अप्रजातान्त्रिक निर्णय गरेकोमा आलोचना गरिएको छ ।
एमाले माधवकुमार नेपालद्धारा संविधानसभाको म्याद थपका लागी प्रधानमन्त्रीले राजिनामा दिनु पर्ने सर्त, बढीमा एक महिना सम्म थप्न सकिने स्पष्ट(२०६९ ज्येष्ड १०, बुधवार)
नेकपा एमालेका बरिष्ठ नेता माधवकुमार नेपालले संविधानसभाको म्याद थपकालागी प्रधानमन्त्री डा बाबुराम भबट्टराईले राजिनामा दिनु पर्ने सर्त अगाडि सारेका छन् । रिपोर्टर्स क्लब नेपालले बुधवार आयोजना गरेको साक्षात्कारमा पूर्व प्रधानमन्त्री समेत रहेका नेता नेपालले दुई दिनभित्रमा संविधानका सबै विवादित विषयमा सहमति गरेर प्रधानमन्त्रीले राजिनामा गरे संविधान लेखेर जारी गर्न बढीमा एक महिना सम्म संविधानसभाको म्याद थप्न सकिने स्पष्ट पारे ।
म्याद थपमा असहमति जनाउँदै राधेश्याम अधिकारीद्धारा संविधानसभा सदस्यको पदबाट राजीनामा(२०६९ ज्येष्ड १०, बुधवार)
संविधानसभाको आयु ३ महिना लम्ब्याउने कदमप्रति आपत्ति जनाउँदै संविधानसभा सदस्य राधेश्याम अधिकारीले पदबाट राजीनामा दिएका छन्। 'सरकारको उक्त कार्य लोकतन्त्र, कानुनी राज्य र राज्यका अंगहरुको शक्ति सन्तुलनमा समेत प्रतिकूल रहेको मेरो विश्वास छु', राजीनामा दिए लगत्तै उनले भने - 'यस्तो अवस्थामा संविधान सभामा रहेर काम गर्न असमर्थ रहेकाले संविधानसभा सदस्य पदबाट आजैदेखि राजिनामा दिएको हुँ।'
आदिवासी जनजाति संयुक्त संघर्ष समिति र सरकारबीच नौ बुँदे सहमति(२०६९ ज्येष्ड १०, बुधवार)
आदिवासी जनजाति संयुक्त संघर्ष समिति र सरकारबीच मंगलबार राती नौ बुँदे सहमति भएको छ । सहमतिसंगै आदिवासी जनजातिले जेठ १० गतेका लागि आह्वान गरेको बन्द फिर्ता लिएको छ । आदिवासी जनजातिले आयोजना गरेको तीन दिने आमहड्तालको अन्तिम् दिन मंगलबार जातीय पहिचानसहितको प्रदेशहरु निर्माण गर्नेलगायत सैद्धान्तिक विषयहरुमा सरकारले प्रतिबद्धता जनाएपछि उक्त सहमति भएको हो ।
संविधानसभाको म्याद तीन महिना थप्ने सहमतिको काँग्रेस सभापति कोइरालाद्धारा विरोध(२०६९ ज्येष्ड ९, मंगलवार)
दलहरुको बैठकमा 'रिजर्भेसन' सहित संविधानसभाको म्याद तीन महिना थप्न सहमति जनाएको काँग्रेस सभापति कोइरालाले आफ्नै निवासमा पत्रकार सम्मेलन गरी त्यसको विरोध गरेका छन् । कोइरालाले जेठ १४ भित्रै सहमति गरेर संविधान बनाउनु पर्ने भन्दै कुनैपनि हालतमा संविधानसभाको म्याद थप्न नसकिने बताएका हुन् । यसअघि दलहरुबीच बैठकपछि काँग्रेसकै नेता बिमलेन्द्र निधिले 'रिजर्भेसन' सहित तीन महिना म्याद थप्नका लागि सहमति जनाएको बताएका थिए ।
जनजाति संगठनलाई उचालेर देश ठप्प पारेका माओवादी पुष्पकमल दाहाल निवासमा भारतीय राजदुत(२०६९ ज्येष्ड ९, मंगलवार)
नयांदिल्लीबाट फर्किए लगत्तै भारतीय राजदुत जयन्त प्रसाद एकीकृत माओवादीका अध्यक्ष पुष्पकमल दाहाल प्रचण्ड निवास लाजिम्पाट छिरेका छन् । जनजाति संगठनलाई उचालेर देश ठप्प पारेको र एधार प्रदेशको सहमति भांडेको आरोप खेपिरहेका प्रचण्ड निवासमा भारतीय दूत पुग्नुलाई अर्थपूर्ण मानिएको छ ।
बन्द तेस्रो दिन पनि जारी, देशभरको जनजीवन कष्टकर बन्दै(२०६९ ज्येष्ड ९, मंगलवार)
 आदिवासी जनजाती संयुक्त संर्घष समितिले आव्हान गरेको बन्दका कारण आज तेस्रो दिन पनि देशभरको जनजीवन प्रभावित भएको छ । राजधानी लगायत देशभरका जिल्लाहरुमा सवारीका साधन गुडेका छैनन् भने उद्योग कलकारखाना, शिक्षण सस्था ठप्प रहेका छन् । सुदूर पश्चिम तथा तराईका विभिन्न जिल्लाहरुमा विगत लामोसमयदेखि विभिन्न समूहले गरेको चरणबद्ध आन्दोलनका कारण त्यहाँ जनजीवन थप कष्टकर भएको छ ।

उग्र प्रदर्शन तथा तोडफोडको घटनापछि नेताहरूका घरमा सुरक्षा व्यवस्था कडा(२०६९ ज्येष्ड ९, मंगलवार)
बृहद् मधेसी मोर्चाले आह्वान गरेको अनिश्चितकालीन मधेस बन्दको चौथो दिन सोमबार पनि जनकपुर बाजार बन्द रह्यो । पटक पटकको बन्दलाई दृष्टिगत गरी निजी तथा आवासीय विद्यालय पहिल्यैदेखि नै बन्द छन् । जनकपुर रेल्वेसहित यातायातका साधन ठप्प रहे । आइतबार कांग्रेसका पूर्व महामन्त्री विमलेन्द्र निधीको घर अगाडि गरिएको उग्र प्रदर्शन तथा ढुंगा मुढाको घटनालाई दृष्टिगत गरी स्थानीय प्रहरीले कांग्रेस सम्बद्ध सभासदह विमलेन्द्र निधी, रामसरोज यादव, रामकृष्ण यादव, महेन्द्र यादव तथा वन तथा वातावरण मन्त्री यदुवंश झाको मिल्स एरियास्थित घर अगाडि सुरक्षा व्यवस्था कडा बनाएको छ ।