arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
नेकपा एमाले र नेकपा माओवादी केन्द्रको संयुक्त बाम गठबन्धनको सरकार केपी शर्मा ओलीको नेतृत्वमा पाँच वर्ष चल्दा ठीक कि आधा समय अर्थात साढे २ वर्षपछि नेकपा माओवादी केन्द्रका पुष्पकमल दाहालको नेतृत्वमा पुन: आलोपालो सरकारको निरन्तरता दिन ठीक ?

आलोपालो ठीक
ओलीको निरन्तरता ठीक
थाहा भएन
हुनेवाला केही होइेन

भोट दिनुहोस् परिणाम हेर्नुहोस्
पुराना मत परिणामहरु
PropellerAds
बिज्ञापनहरु
 
राष्ट्रिय समाचार
आफूहरूको माग प्रति बेवास्ता गरिएको भन्दै बहिर्गमित जनसेनाद्धारा आन्दोलन घोषणा(२०६९ भाद्र २४, आइतवार)
लेनिन विष्ट नेतृत्वको बहिर्गमित जनमुक्ति सेनाले आफूहरूको माग प्रति बेवास्ता गरिएको भन्दै आन्दोलनका कार्यक्रम सार्वजनिक गरेको छ । आफूहरूलाई राज्यले लगाएको अयोग्यताको बिल्ला हटाउनु पर्ने, विभिन्न बाहनामा पक्राउ परेका बहिर्गमित जनसेनाको अविलम्ब रिहाई गर्नुपर्ने, विशिष्ट व्यक्तिहरूलाई दिइएको आजीवन सुरक्षा र विशेष सुविधा फिर्ता लिनु पर्ने लगायतका माग उनीहरूले राखेका छन् । राजधानीको मिडिया इन्टरनेसनलमा शनिबार पत्रकार सम्मेलन गरी दुई सताभित्र माग पूरा नभए नेपाल बन्द लगायतका संघर्षको कार्यक्रम घोषणा गरेका हुन् ।
नेपालका लागि नवनियुक्त अमेरिकी राजदूत पिटर डब्लु. बोडी कार्यभार सम्हाल्न काठमाडौंमा(२०६९ भाद्र २३, शनिवार)

नेपालका लागि नवनियुक्त अमेरिकी राजदूत पिटर डब्लु. बोडी कार्यभार सम्हाल्न आज काठमाडौं आई पुगेका छन् । काठमाडौमा कार्यरत राजदूत स्कट एच डेलिसिलाई अमेरिकाले युगान्डा पठाएपछि रिक्त रहेको स्थानमा बोडीलाई नियुक्त गरिएको हो । नवनियुक्त राजदूत बोडीले राष्ट्रपति रामवरण यादवसमक्ष भदौ २५ गते सोमबार आफ्नो ओहदाको प्रमाणपत्र प्रस्तुत गर्ने कार्यक्रम रहेको छ । यसअघि पनि काठमाडौस्थित अमेरिकी दुताबासमा कार्यरत रहेका बोडीमा नेपाली भाषाको ज्ञान रहेको बताईएको छ । बोडी यस अघि ईराकको बग्दादस्थित अमेरिकी दूतावासमा असिस्टेन्ट चीफ अफ मिसनका रुपमा कार्यरत हुनुहुन्थ्यो ।

शैक्षिक विकासका लागि शैक्षिक गुणस्तर आवश्यक: सरोकारवालाहरु(२०६९ भाद्र २३, शनिवार)
सामुदायिक विद्यालयहरुले शैक्षिक गुणस्तर प्रदान गर्न सके शैक्षिक विकासका लागि निजी विद्यालय भन्दा अझ माथि उठ्न सक्ने सरोकारवालाहरुले बताएका छन् । शिक्षा पत्रकार समुह अाचल समन्वयन समति लुम्बिनीले आयोजना गरेको सामुदायिक विद्यालयका सफल शैक्षिक अभ्यासबारेको अन्तकिर््रयामा बोल्ने अधिकांश शिक्षकहरुले केही मर्यादा कायम गर्न खोज्दा विद्यार्थीको संख्यामा कमी आउने र अंग्रेजी शिक्षाका कारणले विद्यार्थीको शैक्षिक गुणस्तरमा टेवा पुग्ने बताएका हुन । कार्यक्रममा जिल्ला शिक्षा अधिकारी झुम प्रसाद राईले सामुदायिक विद्यालयहरुको शैक्षिक गुणस्तर वर्षेनी वृद्धि हुँदै गएकाले थप शैक्षिक गुणस्तरका लागि योजनावद्ध ढंगले लाग्न आग्रह गरेका हुन ।
नेपाली काँग्रेसका पश्चिमाञ्चल क्षेत्रका कांग्रेस महासमिति सदस्यहरुको दुई दिने भेला आजदेखि पाल्पाको तानसेनमा सुरु(२०६९ भाद्र २२, शुक्रवार)
नेपाली काँग्रेसका पश्चिमाञ्चल क्षेत्रका कांग्रेस महासमिति सदस्यहरुको दुई दिने भेला आजदेखि पाल्पाको तानसेनमा सुरु हुँदैछ । दुई दिने भेलामा पश्चिमाञ्चलको १६ जिल्लाका २ सय ४५ महासमिति सदस्यको सहभागिता रहने छ ।भेलाको पार्टी सभापति सुशील कोइरालाले उद्घाटन गर्ने कार्यक्रम छ । भेलाले पार्टीलाई मजबुद बनाउने र संगठन सुदृढीकरणमा सहयोग पुग्ने नेताहरुको भनाइ छ । भेलामा पार्टी र संगठनका अगुवा कार्यकर्ताले निर्वाह गर्ने भूमिका, केन्द्रको रणनीति तथा भावी योजनाको बारेमा स्पष्ट पारिने पाल्पा जिल्ला सभापति बिरबहादुर रानाले जानकारी दिनुभयो ।
नेपालको एमाओवादीलाई अमेरिकाले विश्व आतकंकारी समुहबाट हटायो (२०६९ भाद्र २१, विहीवार)
अमेरिकाले एकीकृत माओवादीले ८ वर्षपछि आतंककारी सूचिबाट बिहीबार हटाएको छ।यूएस डिपार्टमेन्ट अफ दी ट्रेडरीले आइतबार एमाओवादी लाई आतंककारी सूचिबाट हटाएको औपचारिक जानकारी गराएको छ।तत्कालिन विद्रोही माओवादीलाई सन् २००४ देखि अमेरिकाले निरन्तर आतंककारी सूचिमा राख्दै आएको छ।"यूएस डिपार्टमेन्ट अफ दी ट्रेडरीले"जारी गरेको प्रेस विज्ञप्ती सहित..काठमाडौंस्थित अमेरिकी सेन्टरमा आक्रमण भएपछि माओवादी आतंककारी सूचिमा थियो।अमेरिकारले आतंककारी सूचिबाट हटाउने तयारी गरे पनि भ्रातृ संगठन योङ कम्युनिष्ट लिग (वाईसीएल)का गतिविधि र शिविरमा रहेका उसका लडाकुबाट आएका युद्धको धम्कीले पछि हट्दै आएको थियो।दुई वर्षअघि नेपाल आएका दक्षिण तथा मध्य एसिया मामिला सम्बन्धि अमेरिकी प्रमुख उपसहायक मन्त्री प्याट्रिक मुनले पनि सूचिबाट हटाउन एमाओवादी ले 'हिंसा र आतंक' त्याग्नुपर्ने शर्त राखेका थिए।

भट्टराई सरकारले पेट्रोलियम पदार्थमा गरेको भारी मूल्यबुद्धिको बिरोधमा बिद्यार्थी संगठनद्धारा देशभरचक्काजाम र प्रदर्शन(२०६९ भाद्र २१, विहीवार)

सरकारले पेट्रोलियम पदार्थमा गरेको भारी मूल्यबुद्धिको बिरोधमा नौ बिद्यार्थी संगठनले आज बिहान एक घण्टा चक्काजाम र देशभर प्रदर्शन गरेका छन् । उनीहरुले राजधानी लगायत देशभरीका शहरका मुख्य चोकमा बिहान ९ बजेदेखि १० बजेसम्म एक घण्टा चक्काजाम गरे । युवा विद्यार्थीको चक्का जामका कारण राजधानी लगायत देशभरको यातायात एक घण्टा ठप्प भएको थियो । विद्यार्थीहरुले राजधानीको अमृत साइन्स, रत्नराज्य, त्रिचन्द्र, पशुपति, मिनभवन, शंकरदेवलगायत क्याम्पस अगाडि विरोध प्रदर्शन गरेका थिए ।

सहमती भए संविधानसभा पुनःस्थापना नभए चुनावमै जाउ : कांग्रेस(२०६९ भाद्र २१, विहीवार)
कांग्रेसले संविधानका विवादित विषयमा सहमति जुटे केही दिनका लागि संविधानसभा पुनःस्थापना गर्न सकिने र त्यसपछि चुनावमा जानुपर्ने निष्कर्ष निकालेको छ । संविधानमा सहमति नजुटेचाहिँ सोझै चुनावमा जानुपर्ने उसको ठहर छ । कांग्रेस केन्द्रीय समितिको बुधबारको बैठकमा महामन्त्री कृष्णप्रसाद सिटौलाको पुनर्लिखित राजनीतिक प्रस्ताव ढिलो प्रस्तुत भएका कारण पार्टीले औपचारिक निर्णय गर्न भने बाँकी छ । प्रस्तावमाथि छलफल जारी रहेकाले पार्टीको भदौ २७ गतेको बैठकले औपचारिक निर्णय लिने प्रवक्ता दिलेन्द्र बडुले बताए । महामन्त्री सिटौलाको राजनीतिक प्रस्तावलाई नै आधार मानेर पार्टीले औपचारिक निर्णय गर्नेछ ।
अधिकारकर्मीहरुद्धारा दोषीलाई उन्मुक्ति दिने गरी सत्य निरुपण तथा मेलमिलाप र बेपत्ता सम्बन्धि अध्यादेश तयार पारिएको भन्दै विरोध(२०६९ भाद्र २१, विहीवार)
अधिकारकर्मीहरुले दोषीलाई उन्मुक्ति दिने गरी सत्य निरुपण तथा मेलमिलाप र बेपत्ता सम्बन्धि अध्यादेश तयार पारिएको भन्दै विरोध गरेका छन् । आज राजधानीमा भएको कार्यक्रममा सहभागि अधिकारकर्मीहरुले द्धन्दकालमा बेपत्ता पारिएकाको बारेमा छानविन गर्न सरकारले राष्ट्रपतिसमक्ष पेश गरेको सत्य निरुपण तथा मेलमिलाप र बेपत्तासम्बन्धी अध्यादेशमा गरिएको ब्यवस्थाप्रति आपत्ति जनाएका हुन् । कार्यक्रममा राष्ट्रिय मानव अधिकार आयोगका अध्यक्ष केदारनाथ उपाध्यायले अध्यादेशको निश्पक्षता र स्वतन्त्रतामाथि प्रश्न उठाउनुभयो ।
प्युठानमा आजबाट यातायात सेवा ठप्प, जनजीवन प्रभावित(२०६९ भाद्र २०, बुधवार)
प्युठानमा आजबाट यातायात सेवा ठप्प भएको छ । गत शुक्रबार ट्रकको ठक्करबाट मृत्यु भएका हेमबहादुर दसौदी र घाइते कमल गिरीको परिवारले उचित क्षतिपूर्ती र उपचारको माग गर्दै आजदेखि प्यूठान जिल्ला अनिश्चितकालीन बन्द गराएका हुन् । बन्दका कारण रोल्पाबाट छुटेका सवारी साधनहरु प्यूठानको भिङ्ग्री र चकचकेमा रोकिएका छन् । घटनाको विषयमा छलफल गर्न पटक पटक प्रशासनसँग आग्रह गरेपनि प्रशासनले वेवास्ता गरेको भन्दै उनीहरुले बन्दको आह्वान गरेका हुन् ।
पेट्रोलियम पर्दाथमा गरेको मुल्यबृद्धिको विरोधमा विपक्षीदलहरुका युवा विद्यार्थी संगठनको आन्दोलन जारी(२०६९ भाद्र २०, बुधवार)
पेट्रोलियम पर्दाथमा गरेको मुल्यबृद्धिको विरोधमा विपक्षीदलहरुका युवा विद्यार्थी संगठनले आन्दोलन जारी राखेका छन् । आज बिहानै देखि  काठमाडौंका क्यापस अगाडिका सडकमा प्रदर्शन गरेका छन् । बिहान केहीबेर क्याम्पस अगाडकिा सडकमा प्रदर्शन गरेका विद्यार्थीहरुले सरकारी गाडी दिनभर गुड्न नदिने बताएका छन् । जनताको ढाड सेक्ने गरि चाडबाडको मुखमा सरकारले पेट्रोलियम पदार्थको भाऊ बढाएको भन्दै उनीहरुले आन्दोलन सुरु गरेका हुन् । मुल्यबृद्धि तत्काल फिर्ता नलिए शसक्त आन्दोलनका कार्यक्रम ल्याउने युवा संघका उपाध्यक्ष निरज आचार्यले जानकारी दिनुभयो ।
कांग्रेस वरिष्ठ नेता शेरबहादुर देउवा पार्टीको कार्यबाहक सभापति पाए प्रधानमन्त्रीको दाबी छाड्न तयार(२०६९ भाद्र २०, बुधवार)
कांग्रेस वरिष्ठ नेता शेरबहादुर देउवाले पार्टीको कार्यबाहक सभापति पाए प्रधानमन्त्रीको दाबी छाड्ने भएका छन्। कार्यबाहक सभापति पाए कोइरालालाई प्रधानमन्त्रीमा सहयोग गर्न उनी तत्पर रहेको निकटका नेताहरूको भनाइ छ। एकीकृत माओवादी अध्यक्ष पुष्पमकल दाहालले संविधानका विवादित वियमा सहमति जुटे राष्ट्रिय सहमतिको नेतृत्व कांग्रेसलाई दिन सकिने बताइरहेका बेला कांग्रेसमा फेरि भित्रभित्रै प्रधानमन्त्री उम्मेदवारको दौड सुरु भएको हो। बाबुराम भट्टराईको बहिर्गमनको साइत कहिले जुर्ने, निश्चित नभए पनि कांग्रेसमा सभापति सुशील कोइराला, वरिष्ठ नेता देउवा र उपसभापति रामचन्द्र पौडेल भट्टराईको उत्तराधिकारी बन्ने होडमा सक्रिय छन्।
त्रिभुवन विश्वविद्यालयमा विइ र वि आर्कका प्रश्न पत्र परीक्षा हुनु अगाडि नै बाहिर ल्याउने १४ जनालाई पक्राउ(२०६९ भाद्र २०, बुधवार)
त्रिभुवन विश्वविद्यालय अन्तर्गत ईञ्जिनियरिङ अध्ययन संस्थानले लिएको विइ र वि आर्कको प्रवेश परिक्षाको प्रश्न पत्र परीक्षा हुनु अगाडि नै बाहिर ल्याउने १४ जनालाई प्रहरीले पक्राउ गरेको छ । केन्द्रीय अनुसन्धान व्युरोले आज पत्रकार सम्मेलन गरी सिग्मा प्रेस सानेपाका लोकेन्द्र विष्ट र सिद्धार्थ लामा सहित परिक्षार्थीहरुलाई पक्राउ गरिएको जानकारी दिएको हो । गत साउन २७ गते शनिबार पुल्चोक इञ्जिनियरिङ कलेजमा शैक्षिक वर्ष २०६९०७० को परीक्षा संचालन हुनु अघि नै फेसबुकमा समेत प्रश्न पत्र सार्वजनिक भएको थियो । परीक्षार्थीहरुले १५ देखि ५० हजार रुपैयाँमा प्रश्नपत्र खरिद गरेको देखिएको प्रहरीले जनाएको छ ।
एसएलसी पुरक परीक्षाको नतिजा सार्वजनिक, ६२.४ प्रतिशत बिद्यार्थी उत्तीर्ण(२०६९ भाद्र १९, मंगलवार)
परीक्षा नियन्त्रण कार्यालय सानोठिमी भक्तपुरले मंगलबार एसएलसी पुरक परीक्षाको नतिजा सार्वजनिक गरेको छ । परीक्षामा ६२ दशमलव ४ प्रतिशत विद्यार्थी उत्तिर्ण भएका छन् ।पुरक परीक्षामा देशभर बाट १ लाख २४ हजार विद्यार्थी सहभागी भएका थिए । जसमध्ये ७५ हजार ७ सय ४२ जना उत्तीर्ण भएका छन । गत चैत्रमा भएको एसएलसी परीक्षामा बढीमा २ विषयमा अनुतिर्ण भएकाहरुले मौका परीक्षा दिएका हुन् । परिक्षा गत साउन १७ गतेदेखि २४ गतेसम्म भएको थियो ।नतिजा हेर्न http://slc.ntc.net.np/slc2068sup.php किल्क गर्न सकिने छ । 
दलहरुलाई राष्ट्रपति यादवले निश्चित समय सीमा सहित अल्टिमेटम दिनु पर्ने फोरम नेपालका उपेन्द्र यादवको भनाई(२०६९ भाद्र १९, मंगलवार)
मधेसी जनअधिकार फोरम नेपालका अध्यक्ष उपेन्द्र यादवले मुलुकलाई जारी राजनीतिक र संबैधानिक गतिरोधबाट निकाल्नकोलागी दलहरुलाई राष्ट्रपति डा रामबरण यादवले निश्चित समय सीमा सहित अल्टिमेटम दिनु पर्ने बताएका छन् । रिपोर्टर्स क्लब नेपालले मंगलबार आयोजना गरेको साक्षात्कारमा यादवले संरक्षक र पालकको हैसियतले पनि मुलुकलाई असफल हुन बाट जोगाउन पहल गर्नु राष्ट्रपतिको कर्तब्य हुने स्मरण गराए । उनले भने अब ढिला गर्नु हुँदैन । राष्ट्रपतिले दलहरुलाई स्पष्ट समय तोकेर यति समयसम्म सहमति गरेर आउनुस भनेर अल्टिमेटम दिनु पर्छ । उहाँ यसरी चुप लागेर बस्न मिल्दैन । अब नयाँ सरकार तयार पारेर अगाडि बढ्नु पै पर्छ ।
नेकपा माओवादी समानान्तर सरकारका लागि युद्धकालीन जनसत्ता फेरि ब्युँताउने तयारीमा(२०६९ भाद्र १९, मंगलवार)
नेकपा माओवादीले समानान्तर सरकारका लागि युद्धकालीन जनसत्ता फेरि ब्युँताउने तयारी गरेको छ । राजधानीमा जारी केन्द्रीय समिति बैठकमा अधिकांश नेताले दबाब दिएपछि त्यस्तो तयारी भएको हो । एमाओवादीले सशस्त्र युद्धका बेला गठन गरेको जनसत्ता ध्वस्त गरेको आरोप लगाउँदै आएको उसले समानान्तर सरकारका रुपमा जनसरकार बनाई केन्द्रदेखि गाउँस्तरसम्म आफ्नै ढंगको शासन चलाउने रणनीति बनाएको हो । यस्तो जनसरकार तत्काल बनाउने कि पुसमा हुने महाधिवेशनपछि भन्नेमा भने निर्णय भएको छैन ।
इलाका प्रहरी कार्यालय बुटवलले पक्राउ गरेका १२ गाडी नक्कली(२०६९ भाद्र १९, मंगलवार)
इलाका प्रहरी कार्यालय बुटवलले रुपन्देही जिल्ला र जिल्लाको आसपासमा विभिन्न गल्ती देखाइ पक्राउ गरेका गाडीहरु सोमबार पत्रकार सम्मेलन गरि र्सार्वजनिक गरेको छ।इलाका प्रहरी कार्यालयका प्रहरी नीरिक्षक  रामेश्वर कार्कीले र्सार्वजनिक गरेका हुन् । पक्राउ पर्नेमा अधिकांश महेन्द्रा कम्पनीका गाडी छन् । बलेरो क्याप, मारुती सुजुकी, हुण्र्डाई सेन्ट्रो रंग एफ.आर. लगायतका गाडीहरु र्सार्वजनिक भएका हुन् ।कार्कीका अनुसार अनुसन्धान पश्चात नक्कली प्रमाणित भएका सवारी साधनहरु १२ वटा रहेको र सक्कली प्रमाणित भएका सवारी साधनहरु ३ वटा मात्र रहेको बताए । 
पार्टी फुटेपछिको सम्पत्तिबारे एकीकृत माओवादी र नेकपा-माओवादी बीच सैद्धान्तिक सहमति(२०६९ भाद्र १९, मंगलवार)
पार्टी फुटेपछिको सम्पत्तिबारे एकीकृत माओवादी र मोहन वैद्य नेतृत्वको नेकपा-माओवादी बीच सैद्धान्तिक सहमति भएको छ । एमाओवादी अध्यक्ष पुष्पकमल दाहाल र माओवादी अध्यक्ष मोहन वैद्यसहितका दुवै पार्टीको कार्यदलले सम्पत्ति विवाद टुंग्याएको हो । पार्टी कमिटीको पोजिसनअनुसार सम्पत्ति बाँडफाट गर्ने सहमति भएको कार्यदल सदस्य एवं वैद्य माओवादीका सचिव देवप्रसाद गुरुङले जानकारी दिए । वैद्य माओवादीले सम्पत्तिको ६० प्रतिशत हिस्सा खोज्दै आएको थियो । 'फाइनल हुन बाँकी छ,' गुरुङले भने, 'छिट्टै टुंग्याउने गरी गृहकार्य गरेका छौं ।'
गणतन्त्रवादी नेता रामराजाप्रसाद सिंह गम्भीर अवस्थामा(२०६९ भाद्र १८, सोमवार)
गणतन्त्रवादी नेता रामराजाप्रसाद सिंहलाई महाराजगञ्जस्थित त्रिभुवन विश्वविद्यालय शिक्षण अस्पतालमा भर्ना गरिएको छ । ७७ बर्षिय सिंह मृगौला र हाड तथा नसा सम्बन्धी रोगबाट पीडित छन् । उनको स्वास्थ्य अवस्था गम्भीर रहेको जनाइएको छ । सिंह राष्ट्रपति चुनावमा नेकपा माओवादीका तर्फबाट उम्मेद्वार बनेका थिए ।
शिविरबाट विदा भएका लडाकुको बांकी रकम आगामी कार्तिक महिना भित्र दिईसक्ने निर्णय(२०६९ भाद्र १८, सोमवार)
माओवादी लडाकुको रेखदेख, समायोजन र पुनस्थापना सम्बन्धि विशेष समितिको वैठकले शिविरबाट विदा भएका लडाकुको बांकी रकम आगामी कार्तिक महिना भित्र दिईसक्ने निर्णय गरेको छ । नयाँ वानेश्वरस्थित समितिको कार्यालयमा बसेको बैठकले शान्ति प्रक्रियाका कामहरु टुग्याउने काम तीब्र पार्ने निर्णय गरेको हो । यस अघि स्वेच्छिक अबकाश रोजेका लडाकुहरुले पाउने आधा रकम भुक्तानी लगिसकेको अबस्थामा बांकी रकम पनि भुक्तानी दिने निर्णय गरेको हो । विशेष समितिले लडाकुका शिविरहरुमा रहेका भौतिक सम्पतिको विवरण संकलन कार्य पनि तत्काल थाल्ने निर्णय गरेको छ ।
सडक निर्माणका लागि भारत गएका ७ नेपाली मजदुरको पहिरोमा पुरिएर मृत्यु(२०६९ भाद्र १८, सोमवार)
सडक निर्माणका लागि भारत गएका ७ जना नेपाली मजदुरको दुई दिन अगाडि पहिरोमा पुरिएर मृत्यु भएको छ । पिथौरागढ जिल्लाको धार्चुला देखि ५० किलोमिटर उत्तर डरग्राम दर्मा एरियामा पाड्वा ग्राम सडक निर्माणमा संलग्न बैतडीको बिशालपुर र शर्माली गाविसका ७ जना शनिबार साँझ पुरिएका हुन । घटनामा चार जना घाइते भएका छन् । मृत्यु हुनेमा बिशालपुर-२ रोकटाका ४३ वर्षीय मानध्वज लुहार, ३५ वर्षीय बिसनराम लुहार, ३२ वर्षीय श्यामराम भूल, ४० वर्षीय सन्तोष लुहार, ३० वर्षीय रामीराम लुहार, शर्माली-७ का २५ वर्षीय बीरेन्द्रराम सोनी र ४९ वर्षीय झुप्पुराम सोनीको मृत्यु भएको जिल्ला प्रहरी कार्यालय दार्चुलाले जनाएको छ ।
बाबुराम भट्टराई सरकारद्धारा पेट्रोलियम पदार्थको मूल्यमा निरन्तर बृद्धि, ग्यासमा ५५ रुपियाँ, पेट्रोलमा ५ रुपियाँ बढ्यो(२०६९ भाद्र १८, सोमवार)
काठमाडौंबाट प्राप्त समाचार अनुसार नेपाल आयल निगमको सञ्चालक समितिको आइतबार बसेको बैठकले पेट्रोलियम पदार्थको मूल्य बढाएको छ। अन्तर्राष्ट्रिय बजारमा बढ्दो भाउसँगै मासिक घाटा एक अर्ब १७ करोड नाघेपछि भाउ बढाउनु परेको सञ्चालक समितिले बताएको छ। समाचार अनुसार निगमले सबैभन्दा बढी भाउ खाना पकाउने ग्यासमा बढाएको छ। ग्यास प्रति सिलिन्डर ५५ रुपियाँले बढेको छ। त्यसैगरी पेट्रोलमा प्रति लिटर ५ रुपियाँ र मट्टितेल र डिजेलमा प्रति लिटर चार रुपियाँ बढेको छ।
१२ कक्षाको रिजल्ट सार्वजनिक ,३८.५८ बिधार्थी उतिर्ण, प्रवीणता प्रमाणपत्र तह (आईकम) द्वितीय वर्षको परीक्षाफल प्रकाशित(२०६९ भाद्र १८, सोमवार)
उच्च माध्यमिक शिक्षा परिषद्ले व्यवस्थापन, मानविकी र शिक्षा संकायको कक्षा १२ को परीक्षाफल आज सार्वजनिक गरेको छ।  परीक्षामा ३८ दशमलव ५८ प्रतिशत, अर्थात ८९ हजार १ सय २५ विद्यार्थी उत्तिर्ण भएका छन् । गत वैशाखमा भएको परीक्षामा २ लाख ३० हजार ९ सय ६४ परीक्षार्थी सहभागी भएका थिए । परिषद्का अनुसार ५ सय १५ को परीक्षा रद्ध गरिएको छ भने १० परीक्षार्थीको परीक्षाफल स्थगित गरिएको छ ।यसैगरी आशिकतर्फ ३६ दशमलव ४५ प्रतिशत अर्थात ४७ हजार ४ सय ४० परीक्षार्थी उत्तिर्ण भएका छन् ।
दैलेखमा फैलिएको भाईरल ज्वरोको कारण मर्नेको संख्या ६, अधिकांश मानिसहरु विरामी(२०६९ भाद्र १७, आइतवार)
दैलेखमा फैलिएको भाईरल ज्वरोको कारण मर्नेको संख्या ६ पुगेको छ । गोगनपानी गाउं विकास समिति वडा नम्बर ७ कि ३ वर्षिय वालिका वसन्ता वि.कको मृत्यु भएपछि यो बर्ष दैलेखमा भाइरल ज्वरोको कारण मृत्यु हुनको संख्या ६ पुगेको हो । शुरुमा दैलेखको लालिकाडांमा भाइरल ज्वरो फैलिएकोमा अहिले त्यो नजिकैका गोगनपानी र पिलाडी गाविसमा समेत फैलिएको हो । यि गाविसका अधिकांश मानिसहरु विरामी परेका छन् ।
राष्ट्रलाई संकटवाट जोगाउन सहमति र एकताको खांचो भएको नेतृ शुजाता कोईरालाको भनाइ(२०६९ भाद्र १६, शनिवार)

नेपाली कांग्रसकी नेतृ शुजाता कोईरालाले राष्ट्रलाई संकटवाट जोगाउन सहमति र एकताको खाचो रहेको वताउनुभएकेा छ । राष्ट्रिय सहमतिवाट राजनीतीक दलका शिर्षनेताहरु भाग्न नहुने उहाको तर्क छ । कोईरालाले संघीतामा जानुको विकल्प नभएको बताउँदै अब तत्काल सहमतिमा गएर मुलुकलाई संघीय प्रणालीमा लैजानु पर्ने बताउनुभयो । उहाले मुलुकलाई संरचनाका आधारमा यहि अवस्थामा राखिरहँदा केन्द्रीकृत शासन व्यबस्थाका कारण समग्र मुलुकको बिकास हुन नसक्ने कुरा कांग्रेसले पनि राम्रो संग बुझेकाले माओवादी र मधेशी दलहरुले संघीयता पक्षधरका नाममा मोर्चा बनाउनु दुःखद रहेको प्रतिकृया दिनुभयो ।

बुटवलको एक कोल्ड स्टोरमा विक्रिका लागि राखिएको कोकाकोलामा लेदो भेटियो(२०६९ भाद्र १६, शनिवार)
बुटवलको एक कोल्ड स्टोरमा विक्रिका लागि राखिएको कोकाकोलामा लेदो भेटिएको छ । बुटवल ११ तिनकुने स्थित आस्था कोल्ड स्टोरमा विक्रिका लागि राखिएको २ सय ५० एमएलको कोकाकोलामा अखाद्य लेदो भेटिएको हो ।बेच्नका लागि भनेर क्यारेक्टबाट कोकाकोला निकाल्दा बोतल बाहिरैबाट देखिने जमेको बाक्लो च्याउ आकारको लेदो भेटिएको कोल्ड स्टोरका संचालक राम बहादुर थापाले बताउनुभयो । गुणस्तरहिन र अखाद्य बस्तु मिसाएर सामान आउने गरेको उहाको गुनासो छ । भर्खर ब्यवसाय शुरु गरेका थापाले गुणस्तरहिन बस्तु उत्पादन गर्ने र अखाद्य बस्तु मिसाउने कम्पनीलाई कारवाही गर्न माग गरेका छन । अखाद्य र गुणस्तरहीन बस्तुकै कारण चिसो पेयपदार्थको विक्रि घटेको उहाको भनाई छ ।
६० वर्ष उमेरमाथिका ज्येष्ठ नागरिकलाई सार्वजनिक सवारी र स्वास्थ्योपचारमा ५० प्रतिशत छुट(२०६९ भाद्र १७, आइतवार)
सरकारले ६० वर्ष उमेरमाथिका ज्येष्ठ नागरिकलाई सार्वजनिक सवारी र स्वास्थ्योपचारमा ५० प्रतिशत छुट दिने भएको छ । ज्येष्ठ नागरिक र सरकारबीच भदौ १२ गते भएको सहमतिअनुसार यस्तो व्यवस्था भएको हो । महिला, बालबालिका तथा समाज कल्याण मन्त्रालय र ज्येष्ठ नागरिकबीच भएको सहमतिमा स्वास्थ्योपचारका लागि ५० प्रतिशत र सार्वजनिक सवारीमा ५० प्रतिशत सहुलियत दिने उल्लेख छ । महिला मन्त्री बद्रीप्रसाद न्यौपानेले सहमतिअनुसार कानुनी व्यवस्थालाई एक महिनाभित्र कार्यान्वयन गर्ने बताए । 'सहमति कार्यान्वयन हुनेछ,' उनले भने, 'मन्त्रालयले एक महिनाभित्र अर्को समिति गठन गरेर थप अध्ययन गरी सहमति कार्यान्वयन गर्नेछ ।'
इराकमा १२ नेपालीको घाँटीरेटी निर्ममता पूर्वक हत्या गरेको आज ८ वर्ष(२०६९ भाद्र १६, शनिवार)
आजकै दिन अर्थात् २०६१ सालको भाद्र १६ गते इराक पुगेका १२ नेपालीको सुन्नी अतिवादी संगठन इस्लाम अल सुन्नाले घाँटीरेटी निर्ममतापूर्वक हत्या गरेको ८ वर्ष पुग्यो ।
सहमतीबाट मुलुकलाई निकास दिनु पर्छ: उपेन्द्र यादव(२०६९ भाद्र १६, शनिवार)
मधेसी जनअधिकार फोरम नेपालका अध्यक्ष उपेन्द्र यादवले सहमतीको आधारबाट मुलुकलाई सबै भन्दा पहिले निकास दिनु पर्ने बताउनु भएको छ । मधेसी जनअधिकार फोरम नेपाल रुपन्द्येहीले भैरहवामा आयोजना गरेको पत्रकार सम्मेलनमा यादवले मुलुक राजनैतिक , आर्थीक , संम्बैधानीक संकटमा फसेकाले पहिले मुलुकलाई निकासको बाटो दिनु पर्ने बताउनु भयो । मुलुक रहे मा राजनैतिक दल रहने र भएकाले मुलुक लाई निकास दिई राजनैतीक गतीबिधी गर्न अन्य दलहरुलाई सुझाव दिनु भयो । संबिधान निमार्ण , निर्वाचन , राजनैतीक निकास , र अन्योलपुर्ण बातावरण हटाउनका लागी पनि दलहरु बिच सहमती आबस्यक भएको उहाले बताउनु भयो ।
माओबादीले आफ्नो अडान नछाडे जति बर्ष कुरे पनि देशले राजनितीक निकास नपाउने कांग्रेसका नेता रिजालको भनाइ(२०६९ भाद्र १६, शनिवार)
नेपाली कांग्रेसका केन्द्रिय सदस्य एवं प्रचार बिभाग प्रमुख डा. मिनेन्द्र रिजालले एकिकृत माओबादीले आफ्नो अडान नछाडे जति बर्ष कुरे पनि देशले राजनितीक निकास नपाउने बताउनुभएको छ । एमाओबादिले आफू अनुकलको सिद्धान्त लाद्न खोज्दा अहिले सम्म मुलुकले निकास नपाएको भन्दै माओबादिले अडान त्यागगरे सहमति हने बताउनुभएको हो । नेपाल पे्रस युनियन अञ्चल समन्वय समिती लुम्बिनीले बुटवलमा आयोजना भेलाको उद्घाटन गदै नेता रिजालले एमाओबादीले मुलुकमा संबैधानिक रित्तता निम्त्याएर सत्ता लम्बाउने दाउमा रहेपनि आफूहरुले त्यसो हुन नदिने बताउनुभयो ।
मानव अधिकार सम्बद्ध अन्तर्राष्ट्रिय संस्थाहरूद्धारा बेपत्ता खोजबिन र सत्य तथा मेलमिलाप आयोग गठन अध्यादेश फिर्ता गर्न राष्ट्रपतिलाई आग्रह(२०६९ भाद्र १६, शनिवार)
मानव अधिकार सम्बद्ध अन्तर्राष्ट्रिय संस्थाहरूले राष्ट्रपति रामवरण यादवलाई पत्र लेख्दै बेपत्ता खोजबिन र सत्य तथा मेलमिलाप आयोग गठनसम्बन्धी अध्यादेश अन्तर्राष्ट्रिय मापदण्डअनुरूप नभएकाले फिर्ता गर्न आग्रह गरेका छन् । अन्तर्राष्ट्रिय मानव अधिकारवादी संस्था एमनेस्टी इन्टरनेसनल, हुमन राइट्स वाच, इन्टरनेसनल कमिसन अफ जुरिस्ट रिट्रायल (दण्डहीनताका विरुद्ध स्विस संघ) ले राष्ट्रपति यादवलाई शुक्रबार संयुक्त रूपमा पत्र पठाउँदै मन्त्रिपरिषद्ले भदौ १२ गते पारित गरी स्वीकृतिका लागि पठाइएको यी अध्यादेशबारे ध्यानाकर्षण गराएका हुन् ।
http://go.oclaserver.com/afu.php?zoneid=1465736