arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
नेकपा एमाले र नेकपा माओवादी केन्द्रको संयुक्त बाम गठबन्धनको सरकार केपी शर्मा ओलीको नेतृत्वमा पाँच वर्ष चल्दा ठीक कि आधा समय अर्थात साढे २ वर्षपछि नेकपा माओवादी केन्द्रका पुष्पकमल दाहालको नेतृत्वमा पुन: आलोपालो सरकारको निरन्तरता दिन ठीक ?

आलोपालो ठीक
ओलीको निरन्तरता ठीक
थाहा भएन
हुनेवाला केही होइेन

भोट दिनुहोस् परिणाम हेर्नुहोस्
पुराना मत परिणामहरु
PropellerAds
बिज्ञापनहरु
 
राष्ट्रिय समाचार
राष्ट्रिय जनशक्ती पार्टीका महामन्त्री केशरबहादुर विष्ट पार्टीबाट निस्कासन(२०६९ भाद्र १६, शनिवार)
राष्ट्रिय जनशक्ती पार्टीका महामन्त्री केशरबहादुर विष्ट पार्टीबाट निस्कासनमा परेका छन् । पार्टी अध्यक्ष सुर्यबहादुर थापाले आज एक विज्ञप्ति प्रकाशित गरेर पार्टी नीति र हित विपरित गतिविधी गरेको अभियोगमा पार्टीबाट निकालेको स्पष्ट पारेका छन् । स्रोतका अनुसार पार्टीको लोकतान्त्रिक गणतन्त्रको लाईन विपरित षडयन्त्र गर्दै संबैधानिक राजतन्त्र मान्ने कमल थापाले नेतृत्व गरेको राप्रपा नेपालसँग पार्टी एकता गर्ने भन्दै अभियान चलाए पछि उनी कारवाहीमा परेका हुन ।
प्रधानमन्त्री बाबुराम भट्टराई र भारतीय प्रधानमन्त्रीबीच बिना सहयोगी वान टु वान तेहरानमा भेटवार्ता(२०६९ भाद्र १५, शुक्रवार)
Iranian officials have dismissed the UN concerns over their nuclear activities
प्रधानमन्त्री बाबुराम भट्टराई र भारतीय प्रधानमन्त्रीबीच भेटवार्ता भएको छ।
पुस्तकालय जाऔं, पढ्ने बानीको विकास गरौँ भन्ने नाराका साथ आज पाँचौ पुस्तकालय दिवस मनाइँदै(२०६९ भाद्र १५, शुक्रवार)
पुस्तकालय जाऔं, पढ्ने बानीको विकास गरौँ भन्ने नाराका साथ आज पाँचौ पुस्तकालय दिवस मनाइँदैछ । सर्वसाधारणलाई पुस्तकालय प्रयोगमा रुचि जगाउने, अध्ययन संस्कृतिको विकास गर्ने र सूचना तथा ज्ञानमा आधारित समाज निर्माणको वातावरण सिर्जना गर्ने उद्देश्यका साथ यो दिवस मनाईदै छ । दिवसको अवसरमा हाजिरीजवाफ तथा निबन्ध प्रतियोगिता, चित्रकला प्रर्दशनी, रक्तदान, सरसफाइ, पुस्तक प्रदर्शनी, अभिमुखीकरण गोष्ठी आयोजना गरिएका छन् ।
राजधानीका होस्टलबाटै विद्यार्थीले लागूऔषध कारोबार गर्दै आएको खुलासा(२०६९ भाद्र १५, शुक्रवार)
 राजधानीका होस्टलबाटै विद्यार्थीले लागूऔषध कारोबार गर्दै आएको भेटिएको छ । कारोबारमा संलग्न नेपालगन्जका रोहित पुन र हुम्लाका भीम एडी लागूऔषधसहित पक्राउ परेका छन् । प्रहरीका अनुसार पुन र एडी हरेक साता नेपालगन्ज पुगेर एउटै गिरोहबाट किनी खैरो हेरोइन काठमाडौं ल्याउँथे । दुव्र्यसनीबीच नेपालगन्जको हेरोइनलाई राम्रो मानिन्छ । पक्राउपछि प्रहरीले दुबै होस्टलमा छापा मारेको थियो । ुहोस्टल त दुुव्र्यसनीको अखडा रहेछ,ु एसपी बस्नेतले भने, ुग्लोबलमा कोठाबाट लागूऔषध गनाइरहेको थियो । ओछ्यान, सिरक, डसना र सिरानी त्यस्तै फोहोर थिए ।ु तीनतले होस्टलमा २५ भन्दा बढी विद्यार्थी बस्छन् । प्रहरीले सुरक्षागार्ड, अनुुशासन शिक्षक, सञ्चालक कसैलाई फेला पार्न सकेको छैन । नवजीवन होस्टलको हालत पनि उस्तै रहेको प्रहरीले जनाएको छ । थालमा लागूऔषध राखेर तलबाट लाइटरले तातो दिई सुँघ्ने गरेको देखिएको छ । त्यहाँ बाहिरका लागूऔषध प्रयोगकर्ता समेत आउने गरेको पाइएको छ । 
प्रधानमन्त्री बाबुराम भट्टराईविरुद्ध अवहेलना मुद्दा दायर(२०६९ भाद्र १५, शुक्रवार)
सचिव वृन्दा हाडाले आफ्नो सरुवा रोक्न दिएको रिटमा सर्वोच्च अदालतले अघिल्लो साता दिएको अन्तरिम आदेश कार्यान्वयन नगरेर अदालतको अवहेलना गरेको भन्दै प्रधानमन्त्री बाबुराम भट्टराईविरुद्ध अवहेलना मुद्दा दायर गरेकी छन्। सिँचाइ मन्त्रालयबाट महालेखा नियन्त्रक कार्यालय हुँदै प्रधानमन्त्री कार्यालयमा सरुवा गरिएकी हाडाले सेवानिवृत्त हुने बेला अपमानजनक सरुवा गरेको भन्दै सर्वोच्चमा रिट दिएकी थिइन्। सर्वोच्चका न्यायाधीश भरतबहादुर कार्कीको एकल इजलासले बिहीबार हाडालाई मुद्दाको अन्तिम टुंगो नलाग्दासम्म ऊर्जामा फर्काउन आदेश दिएको थियो।
सरकारले माग सम्वोधन गर्न १५ दिनको समय मागेपछि पोखरा विमानस्थलको दुई दिने आमहड्ताल फिर्ता(२०६९ भाद्र १५, शुक्रवार)
पोखरामा क्षेत्रीय अन्तर्राष्ट्रिय विमानस्थल निर्माणको काम तत्काल शुरु गर्न माग गर्दै आन्दोलनमा उत्रिएकाहरुले दुइ दिनका लागि आह्वान गरेको आमहड्ताल फिर्ता लिएका छन् । सरकारले माग सम्वोधन गर्न १५ दिनको समय मागेपछि विमानस्थल निर्माण सरोकार समितिले आमहड्ताल स्थगित गरेको हो । सरोकार समितिले भोलि विहानसम्म भने रिले अनसन जारी राख्ने बताइएको छ ।
रुपन्देहीमा अधिकतम योजनाहरुको पूर्ण बजेट खर्च हुन सकेन/वृद्ध वृदा तथा एकल महिला भत्ताको रकम धेरै फ्रिज(२०६९ भाद्र १३, बुधवार)
रुपन्देहीको देवदह गाविस वार्ड नम्वर ६ शितलनगरका ७१ वर्षीय सुरेश थापा मगर असार २७ गते वृद्ध भत्ता लिन गाउँ विकास समितिको कार्यालय पुगे । अघिल्ला वर्षहरुमा पाउँदै आएको वृद्ध भत्ता लिन गाविस कार्यालय पुगेका थापा गाविस कार्यालयबाट निराश हुदैं रित्तो हात फर्के । असार मसान्त सम्म गाविस कार्यालय पुगे बृद्ध भत्ता पाइन्छ भन्ने ठानेका उनले वृद्ध भत्ता नपाउनुको कारण गाविस कार्यालय पुगेपछि मात्रै थाहा पाए । ढिला पुगेकाले वृद्धभत्ता नपाइएको रहेछ-उनले भने । जिविसले गाउ विकास समितिलाई उपलब्ध गर्राई सकेको रकम पुनः आफ्नो कार्यालय बाट दिन नमिल्ने बताउछ । बरु समय र्घर्किएपनि गाविस सचिव सगको राम्रो समन्वयमा गाविसमा पुगेको भत्ता वापतको रकम उपलब्ध हुन सक्छ । गाविस सचिवले आफ्नो गाविसका वृद्धवृद्धा लाई चिनेको पनि हुनसक्छ ।
प्रधानमन्त्री बाबुराम भट्टराई असंलग्न आन्दोलनको १६ औं शिखर सम्मेलनमा भाग लिन तेहरानमा प्रस्तान(२०६९ भाद्र १३, बुधवार)
प्रधानमन्त्री बाबुराम भट्टराई इरानको राजधानी तेहरानमा हुने असंलग्न आन्दोलनको १६ औं शिखर सम्मेलनमा भाग लिन आज त्यसतर्फ प्रस्तान गरेका छन। यही भदौ १४ देखि १५ गतेसम्म तेहरानमा हुने सम्मेलनमा भाग लिन १४ सदस्यीय टोलीको नेतृत्व गर्दै उनी त्यसतर्फ जानु गएका हुन। प्रधानमन्त्रीले भ्रमण उपलब्धिपुर्ण हुने विस्वास ब्यक्त गरे। तेहरान प्रस्थान गर्नु अघि त्रिभुवन अन्तराष्ट्रिय विमानस्थलमा सञ्चारकर्मीसंग कुरा गर्दे उनले नेपालको परराष्ट्र नीतिको सफलताका लागि भ्रमण महत्वपूर्ण हुने दाबी गरे।
पोखरामा क्षेत्रीय अन्तर्राष्ट्रिय विमानस्थल निर्माणको लागि दवाव दिन थालिएको आन्दोलन सशक्त बन्दै(२०६९ भाद्र १२, मंगलवार)
पोखरामा क्षेत्रीय अन्तर्राष्ट्रिय विमानस्थल निर्माणको लागि दवाव दिन थालिएको आन्दोलन सशक्त बन्दै गएको छ । सरकारले पोखरेलीहरुलाई वार्तामा आउन आह्वान गरेपनि काइते पारामा गरिएको वार्ताको आह्वान गर्ने सरकारसंग कुनै वार्ता नगर्ने भन्दै पोखरेलीहरुले थप दवाव मूलक कार्यक्रम सार्वजनिक गरेका हुन् । प्रमुख दलका शीर्ष नेताहरुसहित सरकारले आफ्नो मागको सम्बोधन गरेमात्र आन्दोलन रोकिने सरोकार समितिले जनाएको छ । यता विमानस्थल निर्माणको लागि दवाव दिन पोखरा विमास्थल गेट अगाडी थालिएको रिले अनसन आज छैठौं दिनपनि जारी छ ।
प्रधानमन्त्री बाबुराम भट्टर्राईद्धारा देशवासीका नाममा सम्वोधन, आफ्नो कार्यकालमा ठूला उपलब्धी हासिल भएको दाबी(२०६९ भाद्र १३, बुधवार)
विपक्षी दलहरुले राजीनामा माग गरिरहेका बेला प्रधानमन्त्री डाक्टर बाबुराम भट्टर्राईले देशवासीका नाममा सम्वोधन गर्दै आफ्नो कार्यकालमा ठूला उपलब्धी हासिल भएको दाबी गरेका छन् ।
तेहरानमा हुने असंलग्न आन्दोलन नामको सोह्रौं सम्मेलनमा सहभागी हुन प्रधानमन्त्री भट्टराई भोली इरान जाने(२०६९ भाद्र १२, मंगलवार)
तेहरानमा हुने असंलग्न आन्दोलन (नाम) को सोह्रौं सम्मेलनमा सहभागी हुन प्रधानमन्त्री बाबुराम भट्टराई बुधबार इरान जाने भएका छन् । समाचार अनुसार परराष्ट्र मन्त्रालयले जारी गरेको विज्ञप्तिअनुसार बिहीबार सुरु हुने दुईदिने सम्मेलनमा प्रधानमन्त्री भट्टराईले 'विश्वव्यापी साझा सुशासनद्वारा दिगो शान्ति' विषयमा नेपालको धारणा राख्ने छन् । मंगलबार सुरु हुने मन्त्रीस्तरीय बैठकमा सहभागी हुन परराष्ट्रमन्त्री नारायणकाजी श्रेष्ठ सोमबारै प्रस्थान गरिसकेका छन् । अमेरिका, बेलायतलगायत पश्चिमेली राष्ट्रले उक्त सम्मेलनमा नेपालको सहभागिता नहोस् भन्ने चाहेका थिए । सार्वभौम र स्वतन्त्र मुलुकको कूटनीतिक मान्यताअनुसार सम्मेलनमा भाग लिन लागिएको परराष्ट्रमन्त्री श्रेष्ठले बताए ।
मतभेदका बीच फेरि सरकारले चार वटा अध्यादेश राष्ट्रपति समक्ष पठाउने(२०६९ भाद्र ११, सोमवार)
निर्वाचन सम्बन्धी दुई अध्यादेश राष्ट्रपतिले जारी गर्न अस्विकार गरेपछि मतभेद बढिरहेको बेला फेरि सरकारले चार वटा अध्यादेश राष्ट्रपति समक्ष पेश गर्ने भएको छ । मन्त्रिपरिषद्को आज बसेको बैठकले विभिन्न चार वटा अध्यादेश राष्ट्रपतिसमक्ष पठाउने निर्णय गरेको हो । प्रधानमन्त्री कार्यालयमा जारी बैठकले बेपत्ता भएका ब्यक्तीहरुको छानविन तथा सत्य निरुपण मेलमिलाप अध्यादेश, शिक्षा ऐन आठौ संसोधन अध्यादेश, निजामती कर्मचारी ऐन तेस्रो संसोधन अध्यादेश र स्वास्थ्य सेवा ऐन चौथो संसोधन अध्यादेश राष्ट्रपति समक्ष पठाउने निर्णय गरेको स्वास्थ्य तथा जनसंख्या मन्त्री राजेन्द्र महतोले जानकारी दिए ।
करिब तीन महिनादेखि अवरुद्व माओवादी पूर्व लडाकुहरुको भर्ना, छनौट प्रक्रिया भदौ २१ गतेदेखि सुरु हुने(२०६९ भाद्र ११, सोमवार)
करिब तीन महिनादेखि अवरुद्व माओवादी पूर्व लडाकुहरुको भर्ना, छनौट प्रक्रिया यही भदौ २१ गतेदेखि सुरु हुने भएको छ । आज बसेको सेना समायोजन तथा रेखदेख र पुनःस्थापना विशेष समितिको बैठकले लडाकुको अवरुद्व छनौट तथा भर्ना प्रक्रिया विशेष समिति मातहतको सचिवालयको समन्वयमा छनौट समितिले सुरु गर्ने निर्णय गरेको हो । समायोजनको काम गर्दा लडाकुको आत्मसम्मानमा चोट नपर्ने गरी सजग भएर काम गर्ने, समायोजन प्रक्रियाबाट फर्कने लडाकुलाई स्वेच्छिक अवकास वा पुनस्थापनाको प्याकेज दिन सचिवालयलाई निर्देशन दिने।
अझै पाँच बर्ष मुलुक लोडसेडिङ्बाट मुक्त हुन नसक्ने प्रधानमन्त्री बाबुराम भट्टराईको दावी(२०६९ भाद्र ११, सोमवार)
प्राप्त समाचार अनुसार प्रधानमन्त्री बाबुराम भट्टराईले राजनीतिक नेतृत्वमा दुरगामी दुष्टिकोणको अभाव भएका कारण देशमा बिकासले गति लिन नसकेको दावी गर्नुभएको छ । राजधानीमा आयोजित कार्यक्रममा भट्टराईले ऊर्जा र जलविद्युत आर्थिक बिकासको आधार भएकाले सरकारले यस क्षेत्रमा सहयोग बढाउने बचन दिनुभयो । जलस्रोतको धनी भएर पनि लोडसेडिङको मार नागरिकले खेप्नु परेको भन्दै भट्टराईले अझै पाँच बर्ष मुलुक लोडसेडिङ्बाट मुक्त हुन नसक्ने बताउनुभयो । उहांले भारतसंग विद्युत खरिद सम्झौता गरेर यो बर्ष लोडसेडिङ् दश घण्टा भन्दा बढ्न नदिने प्रतिबद्धता ब्यक्त गर्नुभयो ।
चाडबाडको आगमनसँगै दैनिक उपभोग्य वस्तुमा एक्कासी मूल्यवृद्धि भएपछि सरकारले बजारमा हस्तक्षेप गर्ने(२०६९ भाद्र १०, आइतवार)
चाडबाडको आगमनसँगै दैनिक उपभोग्य वस्तुमा एक्कासी मूल्यवृद्धि भएपछि सरकारले बजारमा हस्तक्षेप गर्ने भएको छ। स्थानीय प्रशासन, प्रहरी, भन्सार विभाग, आन्तरिक राजस्व कार्यालय र उपभोक्ता मञ्चको संयुक्त टोलीले सोमबारदेखि अनुगमन थाल्नेछ। अनियमितता गर्नेलाई तत्काल कारबाही गरिने वाणिज्य विभागका महानिर्देशक नारायणप्रसाद बिंडारीले बताए। थोक पसल र ठूला गोदाममा संयुक्त टोलीले अनुगमन गर्ने जानकारी दिँदै उनले दोषी पाइए तत्काल प्रचलित कानुनबमोजिम कारबाही हुने बताए।
आन्दोलनरत पोखरेलीहरुको विमानस्थलको माग गर्दै चौथो दिनपनि अनशन जारी(२०६९ भाद्र १०, आइतवार)
पोखरामा अन्तर्राष्ट्रिय विमानस्थल निर्माणको माग राखेर आन्दोलनरत पोखरेलीहरुले सांकेतिक रुपमा विमानस्थल निर्माणको काम थाल्ने भएका छन् । उनीहरुले भदौ १३ गते प्रस्तावित विमानस्थलको जग्गामा सांकेतिक रुपमा निर्माण कार्य थाल्ने जनाएका छन् । विमानस्थल निर्माण कार्य अगाडि बढाउने नाममा आर्थिक चलखेल समेत भएकोे सार्वजनिक भएपछि निर्माणका लागि दवाव दिन सांकेतिक रुपमा काम थाल्न लागेको आन्दोलनकारीहरुले जनाएका छन् । विमानस्थल निर्माणको प्रारम्भिक चरणमा तारजाली र जमिन सम्याउने काममा मात्रै झण्डै ११ करोड भन्दा बढि रकम खर्च भईसकेको छ ।
कालिकोटमा फैलिएको भाइरल ज्वरोले चार बालिकाको मृत्यु, ६५ जना सिकिस्त बिरामी(२०६९ भाद्र १०, आइतवार)
कालिकोट जिल्लाको विकट खिन गाविसमा फैलिएको भाइरल ज्वरोले चार बालिकाको मृत्यु भएको छ । सदरमुकाम मान्मबाट २३ कोस पश्चिम उत्तर जुम्ला र मुगुको सिमानामा पर्ने खीन ७ र ८ छलाहा गाउँमा साउन दोस्रो सातादेखि फैलिएको भाइरल ज्वरोले चार बालिकाको मृत्यु भएको हो । ज्वरोबाट ६५ जना सिकिस्त बिरामी परेको स्थानीय कालिका निमाविका प्रधानाध्यापक मानबहादुर बुढाले बताए । उनका अनुसार मृत्यु हुनेमा वडा नं. ७ कि १४ वर्षीया साविता बुढा, वडा नं. ८ कि ५ महिनाकी ममता विश्वकर्मा, वडा नं. ७ का कपुरे विश्वकर्माकी २ वर्षीया छोरी शान्ति र सोही वडाकै चन्दन विश्वकर्माकी १ वर्षीया छोरी सरिताको मृत्यु भएको हो ।
मधेसवादी शरद सिंह भण्डारीद्धारा राज्यले विभेद गरिरहे विद्रोहबाट मधेस विखण्डनसम्म हुन सक्ने चेतावनी (२०६९ भाद्र ९, शनिवार)
प्राप्त समाचार अनुसार राष्ट्रिय मधेस समाजवादी पार्टीका अध्य तथा पूर्वमन्त्री शरद सिंह भण्डारीले मधेसमाथि राज्यले गरेको विभेद्बाट विद्रोह उत्पन्न हुनसक्ने र त्यसले मधेसलाई विखण्डन गर्नसक्ने चेतावनी दिएका छन। स्थानीय पत्रिका समूह लहान र मधेस मिडिया मिसन नेपालको संयुक्त आयोजनामा भएको पत्रकार सम्मेलनमा उनले भने अहिले पनि मधेसको मुद्दालाई गौण गरिएको छ । मधेस जाति होइन, एउटा समुदाय भएकाले आफ्नो पहिचानका लागि विद्रोह भएर विखण्डन हुन सक्दछ ।
भट्टराईको सरकार संविधान सभाको हत्यारा(२०६९ भाद्र ९, शनिवार)
नेपाल मजदुर किसान पार्टिका केन्द्रीय सचिव शुनिल प्रजापतिले बर्तमान डा। बाबुराम भट्टराईको नेतृत्वको सरकार संविधान सभाको हत्यारा भएको आरोप लगाएकाछन् । जननिर्वाचित संविधान सभाको अवसान हुनुमा देशका प्रमुख राजानीतिक दलहरुको समेत दोषी रहेको भन्दै प्रजापतिले संविधानसभाको अवसान हुनुमा प्रमुख दोष भने बर्तमान सरकारनै भएको दावि गरे । शनिवार नेपाल मजदुर किसान पार्टि जिल्ला कार्यसमिति रुपन्देहीको आयोजनामा भएको पत्रकार भेटघाट कार्यक्रममा बोल्दै नेता प्रजापतिले संविधान सभाको अवसान पछि देश जनप्रतिनिधीहरुको विहिन भएको भन्दै बर्तमान सरकारलाई एक मिनेट पनि सत्तामा बस्ने अधिकार समेत नभएको बताए ।
रौतहटको लक्ष्मीपुर घाटमा डुंगा पल्टँदा दुईजनाको मृत्यु(२०६९ भाद्र ९, शनिवार)
प्राप्त समाचार अनुसार रौतहटको लक्ष्मीपुर घाटमा शनिबार अपराह्न डुंगा पल्टँदा दुईजनाको मृत्यु भएको छ । डुंगामा सवार करिब २ दर्जनभन्दा बढी मान्छे हराएको प्रहरीले जनाएको छ । समाचार अनुसार सर्लाहीबाट रौतहट तर्फ आउँदै गरेको डुंगा बागमती नदीमा पल्टेको थियो । डुंगामा करिब ३० जना चढेको प्रारम्भिक अनुमान छ । बेपत्ता हुनेको खोजी जारी रहेको प्रहरी उपरीक्षक ठूले राईले बताए । मृत्यु हुनेको सनाखत नभएको प्रहरीले जनायो ।
राष्ट्रपति राष्ट्रिय हित र संविधानको मर्मलाई ध्यान दिई अध्यादेशहरु जारी गर्नुपर्ने एकीकृत माओवादीका उपप्रधानमन्त्रीको भनाई(२०६९ भाद्र ९, शनिवार)
उपप्रधानमन्त्री तथा परराष्ट्रमन्त्री नारायणकाजी श्रेष्ठले राष्ट्रपति रामवरण यादवले राष्ट्रिय हित र संविधानको मर्मलाई ध्यान दिई मन्त्रिपरिषद्ले सिफारिस गरेका विभिन्न अध्यादेशहरु जारी गर्नुपर्ने बताएका छन्। आफ्नो पुल्चोकस्थित मन्त्री निवासमा केही सञ्चारकर्मीसँग कुरा गर्दै उपप्रधानमन्त्री श्रेष्ठले सरकारले विभिन्न आठ अध्यादेश सिफारिसको तयारी गरेको जानकारी दिए। स्थानीय विकासमन्त्रीको कार्यभारसमेत सम्हाल्नुभएका उपप्रधानमन्त्री श्रेष्ठले राजनीतिक अस्थिरता छ भन्दैमा विकास निर्माणका कामलाई विश्राम लाउन नहुने र सरकारले आफ्नो कामलाई निरन्तर अघि बढाइरहेको जनाए। 
अपराधमा संलग्नहरुलाई सत्य निरुपण आयोग बनाई आममाफी दिने षडयन्त्र भईरहेको भन्दै नागरिक अभियानद्धारा आपत्ति(२०६९ भाद्र ८, शुक्रवार)
हत्या, बलात्कार, बेपत्ता पार्ने जस्ता अपराधमा संलग्नहरुलाई सत्य निरुपण आयोग बनाई आममाफी दिने षडयन्त्र भईरहेको भन्दै नागरिक अभियानले आपत्ति जनाएको छ । आज राजधानीमा आयोजित अन्तरक्रियाका सहभागीहरुले आयोग बनाएर सत्यतथ्य बाहिर ल्याई कारबाही चलाइनु पर्नेमा उल्टै आममाफी दिने खेल भईरहेको भन्दै आपत्ति जनाएका हुन । अध्यादेश मार्पmत ऐन ल्याएर सरकारले आयोग गठन गर्न खोजिरहेको बेला आममाफी विरुद्ध नागरिक अभियानले जघन्य अपराध गर्नेहरुलाई कुनैपनि हालतमा माफी दिन नहुने बताएको हो ।
सत्तापक्षीय दलहरु आवद्ध रहेको संघीय लोकतान्त्रिक गणतान्त्रिक गठबन्धनले अन्य दलसँग वार्ता प्रक्रिया थाल्ने (२०६९ भाद्र ८, शुक्रवार)
प्राप्त समाचार अनुसार सत्तापक्षीय दलहरु आवद्ध रहेको संघीय लोकतान्त्रिक गणतान्त्रिक गठबन्धनको पहिलो बैठकले एकीकृत माओवादी अध्यक्ष पुष्पकमल दाहाल प्रचण्डको संयोजकत्वमा ९ सदस्यीय सचिवालय गठन गरेको छ । माओवादी पार्टी कार्यालय पेरिस डाँडामा बसेको बैठकले अझ सशक्त भएर अगाडि बढ्ने निर्णय गर्दै प्रचण्डको संयोजकत्वमा सचिवालय गठन गरेको हो । प्रचण्ड गठबन्धनको संयोजक पनि हुनुहुन्छ । यसैबीच गठबन्धनले भदौ १९ गते राजनीतिक निकासका लागि सर्वपक्षीय अन्तक्र्रियासमेत गर्ने निर्णय गरेको छ ।
 
सिँचाइ मन्त्रालयकी सचिव वृन्दा हाडालाई साविककै पदमा काममा लगाउन सर्वोच्चको अन्तरिम आदेश(२०६९ भाद्र ८, शुक्रवार)
काठमाडौंबाट प्राप्त समाचार अनुसार केही दिनअघि प्रधानमन्त्री तथा मन्त्रिपरिषद्को कार्यालयमा काजमा खटाइएकी सिँचाइ मन्त्रालयकी सचिव वृन्दा हाडालाई साविककै पदमा काममा लगाउन सर्वोच्च अदालतले अन्तरिम आदेश जारी गरेको छ । समाचार अनुसार न्यायाधीश डा भरतबहाहादुर कार्कीको एकल इजलासले सो आदेश जारी गर्दै विपक्षी प्रधानमन्त्री तथा मन्त्रिपरिषद्को कार्यालय, मुख्यसचिव, सिँचाइ मन्त्रालय र सामान्य प्रशासन मन्त्रालयका नाममा कारण देखाउ आदेश पनि जारी गरेको छ ।
काठमाडौँ लगायत देशभर भूकम्पको धक्का महसुस(२०६९ भाद्र ८, शुक्रवार)
काठमाडौंबाट प्राप्त समाचार अनुसार देशका विभिन्न भागमा विहिबार राति सवा १० बजे भूकम्पको हल्का धक्का महसूस भएको छ। राजधानी काठमाडौँमा पनि भूकम्प धक्का महसुस गरिएको छ। यसैगरी अमेरिकी भूगर्भ सर्भेले दिएको जानकारी अनुसार थवाङ नजिकै केन्द्रबिन्दू रहेको ५ म्याग्निच्युडको भूकम्प गएको उल्लेख गरेको छ। देशका संचारमाध्यमहरुले उल्लेख गरे अनुसार विहिबार राती सवा १० बजे देखी १०:३२ को बिचमा आएको भूकम्पबाट कुनै ठुलो क्षति नभएको जनाइएको छ।
एकीकृत माओवादीले विगत लामो समयदेखि अवरुद्ध रहेको सेना समायोजन प्रक्रियालाई अगाडि बढाउने(२०६९ भाद्र ७, विहीवार)
एकीकृत नेकपा (माओवादी)ले विगत लामो समयदेखि अवरुद्ध रहेको सेना समायोजन प्रक्रियालाई अगाडि बढाउने भएको छ । पार्टी केन्द्रीय कार्यालय पेरिसडाँडामा पार्टी पदाधिकारीसहित पूर्व जनमुक्ति सेनाका उच्च कमान्डरहरुसँगको छलफलमा एमाओवादीले सो निर्णय गरेको हो । पार्टी अध्यक्ष पुष्पकमल दाहाल, उपाध्यक्ष एवम् प्रधानमन्त्री डा बाबुराम भट्टराईसहित पदाधिकारीको बैठकले एकदुई दिनभित्रै सेना समायोजनको कामलाई अगाडि बढाउने निर्णय गरेको पूर्व जनमुक्ति सेना नेपालका प्रवक्ता चन्द्रप्रकाश खनालले जानकारी दिनुभयो ।
माओवादी सेनाको रेखदेख समायोजन र पुनः स्थापना सम्बन्धी विशेष समितिको म्याद ३ महिनाका लागि थप(२०६९ भाद्र ७, विहीवार)
राजधानी काठमाडौंबाट प्राप्त समाचार अनुसार सरकारले माओवादी सेनाको रेखदेख समायोजन र पुनःस्थापनासम्बन्धी विशेष समितिको समयावधि ३ महिनाका लागि थप गरेको छ । समाचार अनुसार बिहीबार बिहान बसेको मन्त्रिपरिषद् बैठकले साउन मसान्तमा सकिएको विशेष समितिको म्याद थप गर्ने निर्णय गरेको हो । त्यस्तै, विभिन्न अध्यादेश सिफारिस गर्ने विषयमा छलफल भएपनि कुनै निर्णय भने हुन नसकेको शिक्षा मन्त्री दीनानाथ शर्माले जानकारी दिए । सरकारले संवैधानिक निकायहरुमा रिक्त पद र राजदूत नियुक्ति गर्न, वेपत्ता छानविन तथा मेलमिलाप आयोग गठनका लागि अध्यादेश ल्याउने तयारी गरेको थियो ।
पोखरा विमानस्थलको हवाई उडान नै बन्द (२०६९ भाद्र ७, विहीवार)
पोखरामा अन्तर्राष्ट्रिय विमानस्थल बनाउन दवाब दिने उदेश्यले पोखरा विमानस्थलको हवाई उडान नै बन्द गरिएको छ । उडान भर्ने विभिन्न कम्पनीहरुले आजको लागि कुनै पनि टिकट बेचेका छैनन भने बेचिएका टिकट पनि यसअघि नै फिर्ता गरिसकेका छन् । विमानस्थल निर्माणमा दवाव दिने उदेश्यले सरोकार समितिले बिगत केही दिनयता चरणबद्ध आन्दोलनका कार्यक्रम गर्दै आईरहेको छ । यसैबीच आजबाट अनिश्चितकालिन रिले अनसन हुने भएको छ । बिहान १० बजेदेखि पोखरा विमानस्थल अगाडि अनसन सुरु हुनेछ । पोखरा क्षेत्रिय अन्तर्राष्ट्रिय विमानस्थल निर्माण सरोकार समितिको आयोजनामा हुने अनसनमा पोखरामा मुर्धन्य व्यक्तित्वहरुको सहभागिता रहने छ ।
नुवाकोटमा नेपाली कांग्रेसका कोइराला र देउवा पक्षका कार्यकर्ताबीच हानाहान (२०६९ भाद्र ७, विहीवार)
प्राप्त समाचार अनुसार नुवाकोटमा नेपाली कांग्रेसको भगिनी संगठन नेपाल महिला संघले आयोजना गरेको कार्यक्रममा कोइराला र देउवा पक्षका कार्यकर्ताबीच हानाहान भएको छ । जिल्ला विकास समितिको हलमा भएको कार्यक्रममा जिल्लाका नेताद्वय अर्जुन नरसिंह केसी र डा. रामशरण महत पक्षबीच हानाहान भएको हो । नुवाकोट महिला संघकी अध्यक्ष विन्दा अर्यालले कार्यक्रमको अध्यक्षता गरिरहेकोमा प्रजातान्त्रिक कांग्रेस बन्दा महिला संघको जिल्ला अध्यक्ष बनेकी कल्पना नेपालीले आफ्नो भूमिकाको बारेमा प्रश्न गरेपछि विवाद उठेको हो ।
सामाजिक रुपान्तरणमा युवा अभियानको सचेतनामुलक यात्रा आजदेखी(२०६९ भाद्र ७, विहीवार)
"समाज रुपान्तरणमा युवा अभियान" अन्तरगत युवा सन्जालले लुम्बिनी अञ्चलका सबै जिल्लामा आज बिहीवारदेखी देखि १ हप्ते सचेतनामूलक यात्रा गर्ने भएको छ ।
http://go.oclaserver.com/afu.php?zoneid=1465736