arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
प्रतिनिधिसभा र प्रदेशसभा निर्वाचनपछि कसले सरकार बनाउला ?

बाम गठबन्धन
नेपाली कांग्रेस
थाहा भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
चिकित्सकले आन्दोलन थालेपछि शिक्षण अस्पतालको सेवा ठप्प(२०६९ आषाढ २४, आइतवार)
पदाधिकारी नियुक्तिको मागसहित चिकित्सकले आन्दोलन थालेपछि त्रिभुवन विश्वविद्यालय अन्तर्गतको शिक्षण अस्पतालको सेवा ठप्प भएको छ । आकस्मिक बाहेकका सेवा सुचारु हुन नसक्दा सेवाग्राही मारमा परेका छन् । सरकारले मागबारे चासो नदिँदा आमरण अनशनमा बसेका प्राध्यापक चिकित्सक गोविन्द केसीको अवस्था गम्भीर बन्दै गएको छ । चिकित्साशास्त्र अध्ययन संस्थानमा करिब नौ महिनादेखि रिक्त डिन, तीनजना सहायक डिन, क्याम्पस चिफ, सहायक क्याम्पस चिफ लगायतका पदमा पदाधिकारी नियुक्तिबारे सरकारले चासो दिएको छैन । ( चिकित्सक डा.गोविन्द केसीले चार दिनदेखिको आमरण अनशन तोडे)
पाल्पामा एकैपटक ४ शिशुको जन्म / जन्मिएका चार शिशु मध्ये दुईको मृत्यु(२०६९ आषाढ २४, आइतवार)
पाल्पामा शनिबार एकैपटक चार शिशुको जन्म भएको छ।पाल्पा छेर्लुग ३ की राधिका भट्राईले शनिबार बेलुकी ९ बजे मिसन अस्पताल तानसेनमा दुई छोरी र दुई छोराको जन्म दिनुभएको थियो।जन्मिएका चार शिशु मध्ये दुईको ज्यान गएको छ । मिसन अस्पताल तानसेनका अनुसार ५ सय ५० ग्राम र एक केजीका दुई शिशुको गएराति ज्यान गएको हो ।आमा र बाँकी २ शिशुको स्वास्थ्य अवस्था भने अहिले सामान्य रहेको अस्पतालले जनाएको छ।

परिवर्तनका लागि नयाँ पार्टी आवश्यक राई(२०६९ आषाढ २४, आइतवार)
काठमाडौं, २३ असार एमाले उपाध्यक्ष अशोक राईले परिवर्तका लागि मुलुकमा नयाँ पार्टी आवश्यक रहेको बताएका छन्।
बजेटका विषयमा प्रधानमन्त्री र विजुच्छेबीच छलफल(२०६९ आषाढ २४, आइतवार)
भक्तपुर, २४ असार बजेटका बारेमा समहति जुटउन प्रधानमन्त्री बाबुराम भट्टराई र नेपाल मजदुर किसान पार्टीका अध्यक्ष नारायणमान विजुक्छुबीच भुटवार्ता हुँदैन ।
नेपाल विद्यार्थी संघको महाधिवेशन पुसको अन्तिम सातामा(२०६९ आषाढ २४, आइतवार)

एक महिनाअघि पुनर्गठन भएपछि बसेको नेपाल विद्यार्थी संघको पहिलो केन्द्रीय समिति बैठकमा पुस अन्तिम साता महाधिवेशन गर्ने प्रस्ताव पेस भएको छ। अध्यक्ष रञ्जित कर्णले असार मसान्तदेखि प्रक्रिया सुरु गरी पुस मसान्तसम्म महाधिवेशन गर्ने प्रस्ताव गरेका हुन्। कांग्रेस केन्द्रीय समितिले चार महिनाअघि ६ महिनाभित्र नेवि संघको महाधिवशन गर्ने गरी तयारी समिति गठन गरे पनि आन्तरिक विवादले एक महिनाअघि मात्र समितिले पूर्णता पाएको थियो। पार्टीका वरिष्ठ नेता शेरबहादुर देउवा पक्षीय सदस्यले समिति गठनप्रति असहमति जनाउँदै सामूहिक राजीनामा गरेका थिए। 'असारदेखि प्रक्रिया सुरु गर्ने गरी पुस मसान्तसम्ममा महाधिवेशन गर्न प्रस्ताव गरेका छौं,' कर्णले शनिबारको बैठकपछि नागरिकसँग भने, 'यसको अन्तिम टुंगो केन्द्रीय समिति बैठकले लगाउनेछ।'

मोहन वैद्यद्धारा नेपालको विग्रदाँ स्थितिलाई निकास दिने तेस्रो शक्ति नेकपा-माओवादी जन्मिएको दावी(२०६९ आषाढ २३, शनिवार)
नेकपामाओवादीका अध्यक्ष मोहन वैद्य किरणले नेपालको विग्रदाँ स्थितिलाई निकास दिने तेस्रो शक्ति नेकपामाओवादी जन्मिएको दावी गरेका छन् । शनिबार रिपोर्टर्स क्लब नेपालमा डा. चन्द्रमान वज्राचार्यद्वारा लिखित किन पिरोल्दै भारत नेपाललाई पुस्तकको विमोचन गर्दै अध्यक्ष वैद्यले भने नेपाली काँग्रेस र एमालेको समीकरण सत्ता प्राप्तिको लागि भएको र एमाओवादी र मधेशी मोर्चाबीचको समीकरण सत्ता जोगाउनको लागि भएकोले देश बरबादीतिर धकेलिएको भन्दै देशलाई संकटकालीन अवस्थाबाट मुक्ति दिनका लागि तेस्रो शक्ति नेकपामाओवादी जन्मिएको दावी गरे ।
अविरल वर्षाको कारण आएको पहिरोको कारण पाल्पावुटवल सडकखण्ड अवरुद्ध(२०६९ आषाढ २३, शनिवार)
अविरल वर्षाको कारण आएको पहिरोको कारण पाल्पावुटवल सडकखण्ड अवरुद्ध भएको छ ।
पूर्व राजा ज्ञानेन्द्र शाहाको ६६ औ जन्मजयन्ती भव्यताका साथ मनाईदै(२०६९ आषाढ २३, शनिवार)
पूर्व राजा ज्ञानेन्द्र शाहाको ६६ औ जन्मजयन्ती भव्यताका साथ मनाईदै छ । जन्मोत्सवको अवसरमा आज सर्वसाधारणको लागि निर्मल निवास खुल्ला गरिएको छ । पूर्व राजा ज्ञानेन्द्रलाई शुभकामना दिन विहानै देखि सर्वसाधरणको निर्मल निवासमा घुइचो लागेको छ । शुभकामना व्यक्त गर्न राप्रपा नेपालका अध्यक्ष कमल थापा लगाएत शुभचिन्तकहरु निर्मल निवास पुगेका थिए ।
नेवि सङ्घले विदेशी नाम राखेरका निजी विद्यालय तथा कलेजहरुको होर्डिङबोर्ड हटाउन थाल्यो(२०६९ आषाढ २३, शनिवार)

विदेशी र भड्किलो नाम राखेर विद्यार्थीहरुलाई अन्यौलमा राखेको भन्दै नेपाल विद्यार्थी सङ्घले निजी विद्यालय तथा कलेजहरुको होर्डिङबोर्ड हटाउन थालेको छ। सङ्घले आज बिहान नयाँबानेश्वर र पुरानो बानेश्वरका होर्डिङबोर्ड हटाएको हो। विदेशी नामबाट राखिएका शैक्षिक संस्थाहरुको होडिङबोर्ड हटाउने कार्यक्रमअनुसार उक्त बोर्ड हटाइएको सङ्घका सभापति रञ्जित कर्णले जानकारी दिए। उनले आज बिहान काठमाडौँको नयाँबानेश्वरमा रहेको पाँच विद्यालय तथा कलेजका विदेशी नाम रहेका तथा भड्किलोरुपमा प्रचार गरिएका होर्डिङ बोर्डहरु हटाएको जानकारी दिए।

वीरगञ्जस्थित एफएम रेडियोका प्रबन्ध निर्देशकको भारतमा हत्या(२०६९ आषाढ २३, शनिवार)
पुर्व वीरगञ्जबाट प्रकासित हुने अन्लाईन संचारमाध्यममा उल्लेख भए अनुसार वीरगञ्जस्थित रेडियो बिन्दास एफएमका प्रबन्ध निर्देशक सन्तोष गुप्ताको भारतमा हत्या भएको छ। रक्सौल बैंकरोड (भारत) निवासी गुप्तालाई गए राति ढाका चिरैया भन्ने स्थानमा अज्ञात समुहले हत्या गरेको हो। समाचार अनुसार भारतीय प्रहरीका अनुसार बिहारको पुर्वी चम्पारण जिल्लाको ढाका चिरैयास्थित फुलबारीमा आज बिहान गुप्ता मृत अबस्थामा फेला परेका हुन्।
माओवादी लडाकुद्धारा समायोजन प्रक्रियाको विरोध, शिविर वाहिर निस्केर नाराजुलुस(२०६९ आषाढ २२, शुक्रवार)
काठमाडौंमा प्रकासित हुने अनेकौ पत्रपत्रीकाहरुका अनुसार चितवनको शक्तिखोर स्थित माओवादी लडाकुको तेश्रो डिभिजनमा समायोजन रोजेका लडाकुहरुले समायोजन प्रक्रियाको विरोध गरेका छन् । विरोध स्वरुप उनीहरुले शिविर वाहिर निस्केर नारा जुलुस समेत गरेका छन् । सेनामा भर्ती गर्दा सम्माजनक व्यवहार नभएको भन्दै पुर्व लडाकुहरु विरोध स्वरुप शिविर वाहिर निस्केर नाराजुलुस गरेका हुन् । ३ सय भन्दा वढि लडाकुहरु वाहिर निस्केर प्रर्दशन गरेपछि समायोजन प्रक्रिया अवरुद्ध भएको छ । उनिहरुले शिविरको मुल गेटमा पत्रकार सम्मेलन गरी विभिन्न ७ वुदे माग समेत अगाडी सारेका छन् ।
मधेसवादी दल एवम जनजाति समुहहरुद्धारा नयाँ पार्टी बनाउने(२०६९ आषाढ २२, शुक्रवार)
संचारमाध्यमहरुले उल्लेख गरे अनुसार तराई मधेस लोकतान्त्रिक पार्टीको बिहीबार बसेको केन्द्रीय कार्य समितिको बैठकले मधेसमा एउटै मधेसवादी दल हुनुपर्ने जनाउँदै संयुक्त लोकतान्त्रिक मधेसी मोर्चामा यसको औपचारिक प्रस्ताव प्रस्तुत गर्ने निर्णय गरेको छ । तमलोपा महामन्त्री सर्वेन्द्रनाथ शुक्लका अनुसार, मधेसमा एउटै मधेसवादी दल हुनु पर्ने अभियानलाई मुर्त रुप दिन विभिन्न मधेसवादी दल र व्यक्तिहरुसँग वार्ता गर्न पार्टिले तीन सदस्यिय वार्ता टोली समेत गठन गरेको छ ।
एमाले माधवकुमार नेपालद्धारा असन्तुष्ट जनजाति र मधेसी नेताहरु कुनै पनि हालतमा पार्टी छाडेर बाहिर नजाने दाबी (२०६९ आषाढ २२, शुक्रवार)
प्राप्त कान्तिपुर पत्रीकामा प्रकासित समाचार अनुसार नेकपा एमाले वरिष्ठ नेता माधवकुमार नेपालले असन्तुष्ट जनजाति र मधेसी नेताहरु कुनै पनि हालतमा पार्टी छाडेर बाहिर नजाने दाबी गरेका छन् । पार्टी भित्रको विवाद आपसमै साम्य हुने उनको दाबी थियो । एमाले भित्रकै जनजाति, आदिवासी तथा मधेसी नेताहरुले पार्टीमाथि 'संघीयता विरोधी' को आरोप लगाइरहेकाबेला जनकपुर अञ्चलस्तरीय कार्यकर्ता प्रशिक्षणमा शुक्रबार नेपालले यस्तो विचार राखेका हुन् ।
राष्ट्रपति यादवद्धारा विपक्षी दलहरुलाई साथमा लिएर बजेट ल्याउन सरकारलाई सुझाव(२०६९ आषाढ २२, शुक्रवार)
राजधानीबाट नेपाली संचारमाध्यमहरुले लेखेका समाचार अनुसार राष्ट्रपति डा. रामवरण यादवले विपक्षी दलहरुलाई साथमा लिएर बजेट ल्याउन सरकारलाई सुझाव दिएका छन। समाचार अनुसार उपप्रधान तथा गृहमन्त्री विजयकुमार गच्छदारसँगको भेटमा राष्ट्रपति यादवले दलहरुको विवादकाबीच बजेट ल्याए सबैलाई अप्ठ्यारोपर्ने बताएका थिए। त्यसक्रममा शितलनिवासमा विहान भएको भेटमा गृहमन्त्री गच्छदारले पूर्ण बजेट नल्याउँदा पर्ने अप्ठ्यारोबारे जानकारी गराएका थिए।
सुकुम्बासीलाई आफ्नो क्षेत्रमा राख्न लागेको भन्दै ललितपुर बन्द(२०६९ आषाढ २२, शुक्रवार)
काठमाडौंबाट प्राप्त समाचार अनुसार वाग्मती करिडोरबाट हटाइएका सुकुम्बासीलाई आफ्नो क्षेत्रमा राख्न लागेको भन्दै विरोधमा उत्रिएका ललितपुर सुन्दरीघाट मलपोखरीका बासिन्दाले आज बिहानै देखि ललितपुर बन्द गराएका छन । प्राप्त समाचार अनुसार बन्दको प्रभाव चक्रपथको ललितपुर क्षेत्रमा बढी परेको छ भने अरु ठाउँमा सामान्य रहेको प्रहरीले जनाएको छ । बन्दकर्ताले धोबिघाट क्षेत्रमा जुलुस समेत निकालेका छन् । साथै चक्रपथमा गाडी चल्न सकेका छैनन् भने भित्री सडकमा पनि बन्दकर्ताले गाडी चल्न अवरोध पुयाएका छन । बन्दका कारण यात्रु र सर्वसाधारणलाई सास्ती भएको छ ।
विमानस्थलको व्यवस्थापनको जिम्मा भारतिय कम्पनिलाई दिएको विरोधमा राष्ट्रिय जनमोर्चाद्धारा विरोध(२०६९ आषाढ २२, शुक्रवार)
राजधानीस्थित अन्तर्राष्ट्रिय विमानस्थलको व्यवस्थापनको जिम्मा भारतीय कम्पनीलाई दिन अगाडी बढाएको प्रक्रिया, धार्मिक गतिविधिको आडमा राजाको बढ्दो सक्रियता तथा देशमा मल खादको अभावका सम्बन्धमा पार्टीको दृष्टिकोण सार्वजनिक गर्न यो प्रेस वक्तव्य जारी गरेका छौं ।
थानकोट र चन्द्रागिरिमा केबलकार(२०६९ आषाढ २२, शुक्रवार)
२२ असार, काठमाण्डौं । काठमाण्डौं फनपार्कले करिब एक अर्व रुपैयाँको लागतमा थानकोटदेखि चन्द्रागिरिसम्म केवलकार चलाउने भएको छ । डेढ बर्ष भित्र निर्माण पुरा हुने यो केबलकार मनकामना पछि दोस्रो हो ।
नेपालमै पाइलट पेन उत्पादन तयारी (२०६९ आषाढ २२, शुक्रवार)
काठमाडौं, असार २२ जापानी कलम निर्माता पाइलट पेन कम्पनीले नेपालबाटै उत्पादन सुरु गर्ने तयारी गरेको छ। तीन दशकदेखि जापानबाट
नेपाल चेम्बर अफ कमर्सको टोलीले प्रधानमन्त्रीलाई भेट्ने(२०६९ आषाढ २२, शुक्रवार)
काठमाडौं, २२ असार  यस आर्थिक वर्षको बजेट सहमति गरी समयमै ल्याउन नेपाल चेम्बर अफ कमर्सले आज प्रधानमन्त्री बाबुराम भट्टराईलाई ध्यानाकर्षण गराउने भएको छ ।
पूर्वराजा ज्ञानेन्द्र शाहको पाँच दिने धार्मिक भ्रमण सम्पन्न(२०६९ आषाढ २२, शुक्रवार)
Photo8काठमाडौंमा प्राप्त समाचार अनुसार रुपन्देही, नवलपरासी र कपिलवस्तु जिल्लाको पाँच दिने धार्मिक भ्रमण सकेर पूर्वराजा ज्ञानेन्द्र शाह काठमाडौं फर्किएका छन् । थाहा भए अनुसार पाँच दिनमा उनी तीन जिल्लाका प्रसिद्ध धार्मिक स्थलहरुमा पुगेर पूजा गरेका थिए । उनले मुलुकमा नयाँ शक्तिको उदय हुने र त्यो राजसंस्था पनि हुन सक्ने बताएका थिए । काठमाडौ फर्किनु अघि पूर्व राजा शाहले आफू बसेको होटल निवार्णामा यस क्षेत्रका उद्योगी व्यावसायी, सामाजिक संघसस्थाका प्रमुख तथा प्रतिनिधि, समाजसेवी, विभिन्न दलका कार्यकर्ता, शिक्षासेवी र सर्वसाधारणसँग भेट गरेका थिए ।
एमालेद्धारा पार्टीको विधान र पद्घति विपरीत गुटगत क्रियाकलाप गरेको भन्दै असन्तुष्ट नेताहरुसँग स्पष्टीकरण माग(२०६९ आषाढ २१, विहीवार)
राजधानी काठमाडौंबाट संचारमाध्यममा जनाइए अनुसार नेकपा एमालेले पार्टीको विधान र पद्घति विपरीत गुटगत क्रियाकलाप गरेको तथा आबाञ्छित गतिविधिमा संलग्न भएको भन्दै असन्तुष्ट नेताहरुसँग स्पष्टीकरण मागेको छ । उनीहरुलाई सात दिन भित्र पार्टीको कुन विधान, नियमावली तथा निर्णयका आधारमा गुटगत र अबाञ्छित गतिविधि गरेको प्रष्ट पार्न भनिएको छ । साथै एमाले अनुशासन आयोगको बिहीबारको बैठकले केही समयदेखि फरक विचार र असन्तुष्टिको नाममा भएका गतिविधिहरु पार्टीको निर्णय र विधानसम्मत् नरहेको ठहर गर्दै सात दिन भित्र स्पष्टीकरण सोध्ने निर्णय गरेको हो ।
रौतहटमा प्रहरीको गोली लागेर एक जनाको मृत्यु, चार जना घाइते(२०६९ आषाढ २१, विहीवार)
प्रहरीको गोली लागेर रौतहटको गरुडा बजारमा एक जनाको मृत्यु भएको छ भने चार जना घाइते भएका छन् । मृत्यु हुनेमा लक्ष्मीपुर ६ का स्थानीय रमुद प्रसाद जैसवाल रहेका छन् । गोली लागेर घाइते हुनेमा बिरुधी राय यादव, राजेश यादव, दिनेश यादव र राकेश साह रहेका छन् । घाइते मध्ये गम्भीर अवस्थामा रहेका बिरुधी राय यादवलाई थप उपचारको लागि बीरगञ्ज लगिएको छ । गत असार १४ गते भएको सडक दुर्घटनामा स्थानीय राम श्रेष्ठ राउतको मृत्यु भएको विषयमा विरोधमा उत्रीएकाहरुमाथि प्रहरीले गोली चलाएको हो ।
विपक्षी गठबन्धनद्धारा सरकारले ल्याउन खोजेको पूर्ण बजेटलाई रोक्न राष्ट्रपतिलाई ज्ञापनपत्र (२०६९ आषाढ २१, विहीवार)
सरकारले पूर्ण आकारको बजेट ल्याउने बताइ रहेको बेला बुधबार नेपाली कांग्रेस र नेकपा एमाले सम्मिलित विपक्षी दलहरुको गठबन्धनले कामचलाउ सरकारले सिफारिस गरेको पूर्ण बजेट अध्यादेश मार्फत जारी नगर्न आग्रह गर्दै राष्ट्रपति रामवरण यादव समक्ष एक ज्ञापनपत्र बुझाएकाछन्। उनीहरु राष्ट्रिय सहमतिको सरकार गठन नहुन्जेल कुनै पनि विषयमा सहमति नहुने कुरामा अडिग छन्। उता सत्ताधारी गठबन्धनले भने सबै कुरा प्याकेजमा सहमति नभए प्रधानमन्त्रीले राजीनामा नदिने बताइ रहेको छ।
सेनामा समायोजन रोजी शिविरमा बसेका माओवादी लडाकुको भर्ना-छनौट प्रक्रिया सुरु(२०६९ आषाढ २०, बुधवार)
नेपाली सेनामा समायोजन रोजी शिविरमा बसेका माओवादी लडाकुको भर्ना तथा छनौट प्रक्रिया आजबाट सुरु हुने भएको छ । सैनिक प्रवक्ता सहायकरथी रमीन्द्र छेत्रीले सेना समायोजन विशेष समितिले तोकेको स्थानबाट भर्ना, छनौट प्रक्रियाअघि बढाइने जानकारी दिएका छन् । उक्त प्रक्रिया माओवादी लडाकुका सात मुख्य शिविरसँगै नेपाली सेनाको भरतपुरस्थित तालिम केन्द्रमा हुने बताइएको छ ।
अविरल वर्षासँगै आएको बाढीपछि सेती नदीले धार परिवर्तन गर्दा बस्ती कटान(२०६९ आषाढ २०, बुधवार)
अविरल वर्षासँगै आएको बाढीपछि सेती नदीले धार परिवर्तन गर्दा कास्की हेम्जामा एउटा घर बगाएको छ । जेठ ४ गतेको बाढीका कारण विस्थापित भएका ९ घरमध्ये कविता तिमिल्सिनाको घर बगाएको हो । मंगलवार रातीदेखि परेको पानीले सेतीमा बाढी आउँदा बस्तीतर्फ कटान सुरु भई पोखरा बाग्लुङ्ग जोडने राजमार्गको दुई सय मिटर सडक र आधा दर्जन भन्दा बढी बिजुलीका पोल बगाउने खतरा बढेको छ । हेम्जा(१, याम्दीका ५० भन्दा बढी घर पनि जोखिममा परेका छन् । बाढीले पोखरा उपमहानगरपालिकाका लागि मर्दिखोलाबाट ल्याउने खानेपानीको पाइप पनि बगाएको छ ।
प्रधानमन्त्री बाबुराम भट्टराई जातीय मोर्चा बनाएर जाने तयारीमा(२०६९ आषाढ २०, बुधवार)
एकल जातीय राज्यका विषयमा दलहरुका वीच मतभेद भईरहेका समयमा प्रधानमन्त्री बाबुराम भट्टराईले विभिन्न आदिवासी जनजाति नेताहरुसँग भेटबार्ता गरेका छन् । भेटबार्तामा एकल जातीय पहिचानको पक्षमा मोर्चा बनाएर जाने सहमति समेत भएको छ । प्रधानमन्त्री निवास बालुवाटारमा आज भएको भेटमा एकल जातीय पहिचान सहितको संघीयताका पक्षधर जनजाति नेताहरुले संयुक्त मोर्चा बनाउने सहमति गरेको जनजाति नतोहरुले बताएका छन् । भेटबार्तामा संविधानसभा पुनःस्थापना गर्न संवैधानिक आयोग गठन गर्ने वा सरकारले घोषणा गरेको निर्वाचनलाई नै निरन्तरता दिने भन्ने विषयमा समेत छलफल भएको जनजाति नेताहरुले बताए ।
मुलुकलाई अप्ठ्यारो अवस्थाबाट जोगाउन परम्परागत राजसंस्थाको उदयबाट मात्रै संभव: पूर्व राजा ज्ञानेन्द्र शाह (२०६९ आषाढ २०, बुधवार)
Photo8आफूले नारायहिटी छाड्दाभन्दा अहिले मुलुक गंभीर र अप्ठारो अवस्थामा पुगेको दाबी गर्दै पूर्व राजा ज्ञानेन्द्र शाहले मुलुकलाई अप्ठ्यारो अवस्थाबाट जोगाउन नयाँ शक्तिको उदयबाट मात्रै संभव हुने बताएका छन् ।  नयाँ शक्तिको उदय हुनुपर्छ, त्यो भनेको परम्परागत राजसंस्था पनि हुनसक्छ, अरु कोही पनि हुन सक्छ, उनले मंगलबार पत्रकार सम्मेलन गरी भने । उनले राजसंस्था अन्त्यको चार वर्षमा पनि कुनै उपलब्धि पाउन नसक्दा जनताले राजसंस्थाको भूमिका खोजेकोसमेत धारणा राखे । जनताले अहिले हाम्रो भूमिका केही न केही खोजेका छन्, उनले भने, धैर्य गरौं, केही समयमै हाम्रो भूमिकाबारे जनताले नै भन्नेछन् ।
भारतमा लगेर दिदीवहिनी विक्री गर्नेलाई ३५ वर्ष कैद / पत्नीको बलत्कार पछि हत्या गराउनेलाई ३५ बर्ष कैद(२०६९ आषाढ २०, बुधवार)
श्रीमतीको हत्या गरेको ठहर गर्दै एक युवकलाई पनि जिल्ला अदालत मकवानपुरले ३५ वर्ष कैद गर्ने फैसला गरेको छ । घटनामा संलग्न तीन युवकलाई जनही ४४ वर्ष कैद गर्ने फैसलासमेत गरेको छ । जिल्ला न्यायाधीश टेकनारायण कुँवरको इजलाशले जेठी श्रीमतीको हत्या गर्न आदेश दिएको र योजना बनाएको ठहर गर्दै छतिवन ९ का ३८ वर्षीय सेतेमान बललाई कैद गर्ने फैसला गरेको हो । हत्या गर्न आदेश दिएकोमा २० वर्ष र योजना बनाएकोमा १५ वर्ष गरी ३५ वर्ष कैद गर्ने फैसला गरेको अदालतले जनायो ।
बुटवल कालिकानगरमा सवारी दुर्घटना / १ महिलाको मृत्‍यु (२०६९ आषाढ १९, मंगलवार)
सिदार्थ राजमार्ग अन्तर्गत बुटवलको कालिकानगरमा सवारी दुर्घटना भएको छ । दुर्घटनामा पारी स्कुटीमा सवार गीता पाण्डेको घटना स्थलमै मृत्‍यु भएको छ । विपरित दिशा बाट आएको ट्याक्टरको ठक्करबाट  लु १२ प ८४६६ नंको स्कुटीमा सवार गिता पाण्डेको मृत्यु भएको खुल्न आएको छ ।
हङकङ सरकारद्वारा नेपाली महिलालाई अवार्ड(२०६९ आषाढ १९, मंगलवार)
सामुदायिक सेवामा सकृय योगदान गरेवापत हङकङ सरकारले अरुणा गुरुङलाई 'चिफ एक्ज्युकेटिभ कोमेन्डेसन फर कम्युनिटी सर्भिस' अवार्डले सम्मान गरेको छ । हङकङ स्थापना दिवसको १५ औं वाषिर्कीका अवसरमा उक्त घोषणा भएको हो । घोषित अवार्ड चीनको राष्ट्रिय दिवसका दिन अक्टुबर १ मा हङकङका कार्यकारी प्रमुख (चिफ एक्ज्युकेटिभ) ले प्रदान गर्नेछन् ।सामुदायिक सेवावापत कुनै पारिश्रमिक भने नपाइने उनले जनाइन् । पेशाले उनी दुई दसक बढी समयदेखि हङकङ मुख्यालय रहेको अन्तर्राष्ट्रिय विमान कम्पनी ड्रागन एयरकी 'इनफ्लाईट सर्भिस (क्याविन क्रु) म्यानेजर' हुन् ।
http://go.oclaserver.com/afu.php?zoneid=1465736