arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
नेकपा एमाले र नेकपा माओवादी केन्द्रको संयुक्त बाम गठबन्धनको सरकार केपी शर्मा ओलीको नेतृत्वमा पाँच वर्ष चल्दा ठीक कि आधा समय अर्थात साढे २ वर्षपछि नेकपा माओवादी केन्द्रका पुष्पकमल दाहालको नेतृत्वमा पुन: आलोपालो सरकारको निरन्तरता दिन ठीक ?

आलोपालो ठीक
ओलीको निरन्तरता ठीक
थाहा भएन
हुनेवाला केही होइेन

भोट दिनुहोस् परिणाम हेर्नुहोस्
पुराना मत परिणामहरु
PropellerAds
बिज्ञापनहरु
 
राष्ट्रिय समाचार
नेपाल सरकारका निवर्तमान सचिव घिमिरेको विदाई तारे हाटेलबाट गरिदै(२०६९ श्रावण १९, शुक्रवार)
मुख्य सचिव माधवप्रसाद घिमिरेको आज विदाई हुँदैछ । साँझ साढे ७ बजे राजधानीको काठमाण्डुको एउटा तारे होटलमा विशेष कार्यक्रम गरेर घिमिरेको विदाई गर्न लागिएको छ । निवर्तमान सचिव घिमिरेको विदाई कार्यक्रममा प्रधानमन्त्री डा बाबुराम भट्टराई,उपप्रधान तथा परराष्ट्रमन्त्री नारायणकाजी श्रेष्ठ, उपप्रधान तथा गृहमन्त्री विजयकुमार गच्छादार, लगायतका सरकारी विशिष्ठ अधिकारीहरु सहभागी हुने कार्यक्रम तय भएको छ । पदावधि सकिनुअघि घिमिरे हाल विदामाबसेका छन् बस्नुभएको छ ।
रुसको मास्कोस्थित रेड स्क्वायरमा रहेको लेनिनको पार्थिव शरीर हटाउने रुसी निर्णय फिर्ता हुनुपर्ने माग गर्दै हस्ताक्षर सङ्कलन अभियान (२०६९ श्रावण १९, शुक्रवार)
नेपाल क्रान्तिकारी युवा सङ्घले रुसको मास्कोस्थित रेड स्क्वायरमा रहेको महान नेता लेनिनको पार्थिव शरीर हटाउने रुसी सरकारको निर्णय फिर्ता हुनुपर्ने माग गर्दै हस्ताक्षर सङ्कलन अभियान थालेको छ । भक्तपुर दरबार स्क्वायरमा बिहीबार एक कार्यक्रमबीच अभियान थालनी गरियो । कार्यक्रममा बोल्दै सङ्घका केन्द्रीय सचिव प्रकाशले लेनिन रुसी जनताका नेता मात्र नभई विश्व सर्वहारा वर्गका महान पथप्रदर्शक भएको बताउँदै लेनिनको समाधिस्थल बन्द गर्न खोज्नु इतिहास मेट्ने दुःस्साहस भएको बताउनुभयो ।
एनआरएनएका सदस्यद्धारा सम्पादकलाई ज्यान मार्ने धम्की/अर्घाखाँची डट्कमद्धारा घोर भत्सर्ना (२०६९ श्रावण १९, शुक्रवार)
arghakhanchi
मुलुकको शक्तिकेन्द्रसम्म आफ्नो पहुँच भएको भन्दै एक एनआरएनएका सदस्यले अनलाइनअखबार डटकमका सम्पादकलाई ज्यान मार्ने धम्की दिएका छन् । अहिले अमेरिकामा रहेको र आफु सोही स्थानमा भएपनि पैसा खर्च गरेकै भरमा नेपालमा गुण्डा परिचालन गरेर ज्यान मार्न समेत सक्ने भन्दै उनले आफ्नो समाचार गलत भएको व्यहोरा सहितको खण्डन लेख्न धम्की दिएका हुन् । यसैबिच एनआरएनएको आड्मा पत्रकारलाई मार्ने धम्की दिँदै पत्रकारिता जगतलाई नै चुनौती दिएका अधिकारीको धम्कीको अर्घाखाँची डट्कम् पनि घोर भत्सर्ना गर्दछ। 
झाडापखालाबाट गोरखाको प्रोकमा आठ जनाको मृत्यु /मृत्‍यु हुनेको सख्या बड्ने अनुमान(२०६९ श्रावण १८, विहीवार)
जिल्लाको दुर्गम प्रोक गाउँ विकास समितिमा एक महिनाभित्र झाडापखालाका कारण आठ जनाको मृत्यु भएको छ ।आठ जनाको ज्यान जाँदासम्म पनि स्थानीयवासीले स्वास्थ्य संस्थामा खबर नगरेका कारण मृत्यु हुनेको सङ्ख्या बढ्ने अनुमान गरिएको छ । घटनाबारे थाहा पाएर आज दिउँसो सिर्दीवासबाट स्वास्थ्यकर्मीको टोली त्यसतर्फ लागेको छ ।यस गाविस-४ मा पछिल्लोपटक एक साताभित्र दुई जनाको मृत्यु भएको छ । मृत्यु हुनेमा फूर्वा लामा र छन्डी लामा रहेकी छिन् । मृत्यु हुने दुवै ६० वर्ष उमेरका रहेको प्रोकस्थित नामरुङबाट स्थानीय ठाकुर दोर्जेले जानकारी दिनुभयो । असार महिनाको दोस्रो सातादेखि प्रोकको वडा नं. ६ र ७ को छाक र क्वाक गाउँमा फैलिएको झाडापखालाका कारण यस् स्थानमा छ जना बालबालिकाको मृत्यु भैसकेको उहाँले बताउनुभयो ।
माओवादी महाधिवेशन आयोजक समिति टोली जम्बो २ सय ५१ सदस्यीय हुने /२ सय ३१ को नाम टुंगो लाग्यो - कार्यबिभाजन शनिवार मात्र गरिने(२०६९ श्रावण १८, विहीवार)
आकांक्षीहरुको संख्या धेरै भएपछि एकीकृत नेकपा माओवादीले महाधिवेशन आयोजक समिति जम्बो बनाउने भएको छ । पार्टी कार्यालय पेरिसडाँडामा बिहीवार बसेको महाविधेशन आयोजक समितिको वैठकले समिति बिस्तार गरि २ सय ५१ सदस्यीय बनाउने निर्णय गरेको हो ।यसअघि १ सय ७५ सदस्यीय आयोजक समिति बनाउने प्रस्ताव गरेपनि नेताहरुले आफ्नो क्षेत्रको नपरेको तथा वरिष्ठलाई नसमेटेको भन्दै असन्तुष्टि जनाएका थिए । सबै पक्षलाई समेट्नु पर्ने भएकाले आयोजक समिति जम्बो भएको नेताहरुले बताएका छन् । वैठकपछि संचारकर्मींसँग कुरा गर्दै पार्टी प्रवक्ता दीनानाथ शर्माले समितिमा रहेका नेताहरुको कार्यबिभाजन भने हुन नसकेको जानकारी दिनुभयो । २ सय ५१ मध्ये २ सय ३१ को टुंगो लागे पनि २० सदस्य टुंगो लाग्न बाँकी रहेकाले उनीहरुको नाम शनिवार बस्ने बैठकले थप्ने सहमति भएको बताइएको छ ।
झडपको विषयलाई लिएर रुकुम जिल्लामा अनिश्चितकालीन बन्द(२०६९ श्रावण १८, विहीवार)
हिजो साँझ दुई विद्यार्थी सङ्गठनबीच भएको झडपको विषयलाई लिएर रुकुम जिल्ला अनिश्चितकालीन बन्द गरिएको छ। बन्दका कारण रुकुम सदरमुकामलगायत आसपासको बजार, कलकारखाना, विद्यालय पूर्णरुपमा बन्द छ भने यातायातसमेत ठप्प छ। बन्दका कारण रुकुम जिल्ला बाहिरिने र भित्रिने यात्रु बाटामै अलपत्र परेका छन्। सदरमुकाम मुसीकोटस्थित मुसीकोट बहुमुखी क्याम्पसमा एमाओवादी निकट अनेरास्ववियु(क्रान्तिकारी)र एमाले निकट अनेरास्ववियुका विद्यार्थीबीच हिजो साँझ ६ बजेतिर झडप भएको थियो।
तीन महिना नपुग्दै मुग्लिन पुल मर्मतको माग (२०६९ श्रावण १८, विहीवार)
मुग्लिन पुलमा दुर्घटना बढेपछि मुग्लिन र आँबुखैरेनीका युवाहरुले पुल मर्मतको माग राख्दै बुधबार एक घण्टा पुल अवरुद्ध पारेका छन्। पुलको पाता अड्काउन प्रयोग गरिएको नटबोल्ट उक्किएर र पातामा चिप्लिएर दिनहुँ दुर्घटना हुन थालेपछि स्थानीय युवाले पुल मर्मतको माग राख्दै सडक अवरुद्ध पारेका हुन्। पातामा चिप्लिएर र पुलको पाता उप्केर दिनहुँ पुलमा थुपै दुर्घटना हुने गरेका छन्, स्थानीय युवा रवि थापाले भने, यो महिनामा मात्र २७र२८ जनाको हात खुट्टा भाँचिसकेको छ।
नेपाली सेनाका बलाधिकृत रथी गौरव शमसेर राणा कामु प्रधानसेनापतिमा नियुक्त(२०६९ श्रावण १८, विहीवार)
सरकारले नेपाली सेनाका बलाधिकृत रथी गौरव शमसेर राणालाई कामु प्रधानसेनापति नियुक्त गरेको छ ।मन्त्रिपरिषद्को बुधबार साँझ बसेको बैठकले साउन २६ गतेदेखि राणालाई कामु प्रधानसेनापति नियुक्त गरेको सञ्चार मन्त्री राजकिशोर यादवले जानकारी दिए । प्रधानसेनापति छत्रमानसिंह गुरुङ भदौ २४ गतेदेखि बिदामा बस्दैछन् । गुरुङले भदौ २४ गते अवकास पाउँदैछन् ।प्रधानसेनापति बनाउनकै लागि सरकारले जेठ दोस्रो साता राणालाई बलाधिकृत रथीमा स्थानान्तरण गरेको थियो । प्रधानसेनापति गुरुङको पदावधि सकिएपछि भदौ २५ गते राणाले सेनाको जिम्मेवारी सम्हाल्नेछन् ।
एकीकृत माओवादीद्धारा एकसय ७५ सदस्यीय महाधिवेशन आयोजक केन्द्रीय समिति बनाउने निर्णय(२०६९ श्रावण १७, बुधवार)
एकीकृत नेकपा(माओवादी)ले एकसय ७५ सदस्यीय महाधिवेशन आयोजक केन्द्रीय समिति बनाउने निर्णय गरेको छ । पार्टी मुख्यालय पेरिसडाँडामा आज बसेको महाधिवेशन आयोजक समितिको बैठकमा अध्यक्ष पुष्पकमल दाहार्ल प्रचण्डले एकसय ७५ सदस्यीय महाधिवेशन आयोजक केन्द्रीय समिति बनाउने प्रस्ताव पेस गर्नुभएको प्रवक्ता दिनानाथ शर्माले जानकारी दिनुभयो । महिला, दलित, मधेसी, जनजातिलाई पहिलो प्राथमिकतामा राख्दै केन्द्रीय समिति विस्तार गर्ने मापदण्ड तयार पारिएको प्रवक्ता शर्माले उल्लेख गर्नुभयो ।
अर्बौं ठग्ने युनिटीका अध्यक्ष काशीराम गुरुङ पक्राउ/कारागार जाँदै गर्दा भने-'अब नयाँ हैसियतमा भेट्छु' (२०६९ श्रावण १७, बुधवार)
नेटवर्किङ व्यवसायका नाममा सार्वसाधारणबाट करिव ४ अर्ब ठगी गरेको फरार युनिटी लाइफ इन्टरनेशनलका अध्यक्ष काशीराम गुरुङलाई प्रहरीले पक्राउ गरेको छ । महानगरीय प्रहरी परिसर ललितपुरबाट गएको विशेष टोलीले गुरुङलाई बुधबार विहान करिव साढे ६ बजेतिर इलामको पशुपतिनगर क्षेत्रबाट पक्राउ गरेको हो । महानगरीय प्रहरी परिसर ललितपुरले बुधबार नै उनलार्इ ललितपुर ल्याएर पत्रकार सम्मेलन गरी सार्वजनिक गरेको छ ।युनिटीलाई वैधानिकता प्रदान गर्नेबारे छलफल गर्न बाग्लुङ आउने क्रममा गुरुङलाई पक्राउ गरिएको प्रहरी बरिष्ठ उपरीक्षक राजेन्द्रमान श्रेष्ठले जानकारी दिनुभयो ।

दलहरुबीच सहमति नबने सरकारले चैतमा अर्को निर्वाचनको मिति तोक्ने शान्ति मन्त्री टोपबहादुर रायमाझीको भनाई(२०६९ श्रावण १७, बुधवार)
दलहरुबीच सहमति बन्न नसके सरकारले अगामि चैतमा संविधानसभाको अर्को निर्वाचनको मिति तोक्ने शान्ति तथा पुनःनिर्माण मन्त्री टोपबहादुर रायमाझीले बताएका छन् । उनले दलहरुबीच सहमति नभएसम्म निर्वाचन हुन नसके पनि सरकारले नियमित प्रक्रियाबाट आगामी चैतमा निर्वाचन गर्ने बताए । राजधानीमा बुधबार आयोजिन साक्षात्कारमा उनले चैतमा पनि निर्वाचन हुन नसके फेरि मंसिरमा निर्वाचनको घोषणा गर्ने तयारी सरकारले गरिरहेको बताए । त्यसका लागि दलहरुबीच सहमति समेत भई सकेको मन्त्री रायमाझीले खुलासा उनले गरे ।
नेपाल भ्रमणमा रहेका भाजपका वरिष्ठ नेता सिन्हाद्धारा कांग्रेस शुशिल कोइरालासँग भेटघाट(२०६९ श्रावण १७, बुधवार)
नेपाल भ्रमणमा रहेका भारतीय जनता पार्टीका वरिष्ठ नेता यसवन्त सिन्हाले कांग्रेस सभापति शुशिल कोइरालासँग भेटघाट गरेका छन् । बुधबार महाराजगंज स्थित कोइराला निवासमा उनीहरुबीच छलफल भएको हो । भेटमा नेपालको पछिल्लो राजनीतिक गतिरोध र प्रयासमा भइरहेका पहल लगायतमा सिन्हाले चासो राखेका कोइरालाका सहयोगीले जनाएका छन् ।
एलएलसीको पुरक परीक्षा आज बाट सुरु/देशभरबाट एकलाख २४ हजार परीक्षार्थी सहभागि(२०६९ श्रावण १७, बुधवार)
एलएलसीको पुरक परीक्षा आजदेखि सुरु भएको छ ।यसवर्ष सबभन्दा बढी गणित विषयमा, त्यसपछि अंग्रेजी र विज्ञान विषयका परीक्षार्थी रहेका छन् । परीक्षा बिहान ८ बजे सुरु भएको परीक्षा ११ बजे सम्पन्न हुने छ । परीक्षाको पहिलो दिन आज विद्यार्थीहरुले अनिवार्य अँग्रेजीको परीक्षा दिए । कार्यालयले गत चैतमा भएको एसएलसी परीक्षामा बढीमा दुई विषयसम्म अनुतीर्ण हुने परीक्षार्थीका लागि मौका परीक्षाका रुपमा आजदेखि पूरक परीक्षा संचालन गरेको हो ।

पूर्वमन्त्री खुमबहादुर खड्काको भ्रष्टाचार सम्बन्धी मुद्दाको फैसला साउन ३० मा हुने(२०६९ श्रावण १६, मंगलवार)

पूर्वमन्त्री खड्काको भ्रष्टाचार मुद्दाको फैसला साउन ३० माकांग्रेस नेता एवं पूर्वमन्त्री खुमबहादुर खड्काको भ्रष्टाचार सम्बन्धी मुद्दाको फैसला साउन ३० मा हुने भएको छ । सार्वजनिक पदको दुरुपयोगगरी अकुत सम्पत्ति आर्जनगरी भ्रष्टाचार गरेको अभियोग सम्बन्धी मुद्दाको अन्तिम फैसला साउन ३० गते हुने भएको हो । सर्वोच्च अदालतमा सोमबार र मंगलबार भएको बहस सकिएपछि न्यायाधीशद्धय कल्याण श्रेष्ठ र वैद्यनाथ उपाध्यायको इजलासले साउन ३० गते अन्तिम फैसला गर्ने तय भएको छ । पूर्वमन्त्री खड्का विरुद्ध अख्तियार दुरुपयोग अनुसन्धान आयोगले २०५९ कार्तिक ४ गते विशेष अदालतमा भ्रष्टाचार मुद्दा दायर गरेको थियो ।

आफ्नी श्रीमतीसँग अवैद्य शारिरीक सम्बन्ध राखेको भेटेपछि हत्या (२०६९ श्रावण १६, मंगलवार)
आफ्नी श्रीमतीसँग शारिरीक सम्बन्ध राखेको भेटेपछि सिसवा महेशपुर- ८ बरवाका लक्ष्मी सहनीले एक युवकको खुँडा प्रहार गरी हत्या गरेका छन् । अर्का युवक गम्भीर घाइते छन् ।सहनी नभएको मौका छोपी २८ वर्षीया आफ्नै श्रीमतीसँग शारिरीक सम्बन्ध राखेको भेटिएपछि आवेशमा खुँडा प्रहार गर्दा स्थानिय ३२ वर्षीय विनोद सहनीको मृत्यु भएको हो । सँगै भेटिएका २६ वर्षीय उमाशंकर चौधरी घाइते भएका छन् ।सहनीले श्रीमतीसँग ती दुई युवालाई राति १ बजे आपत्तिजनक अवस्थामा भेटेको बयान दिएको सशस्त्र प्रहरी बल सुरक्षा बेस उत्तरझिटकैयाका बेस प्रमुख ध्रुव प्रसाद भट्टले जानकारी दिए ।
कक्षा १ देखि १२ सम्मको शिक्षा निशुल्क हुनुपर्ने माग राखेर बिद्यार्थी संगठनहरुद्धारा उच्च माध्यमिक शिक्षा परिषदमा तालावन्दी(२०६९ श्रावण १६, मंगलवार)
नौ बिद्यार्थी संगठनले उच्च माध्यामिक शिक्षा परिषद्का सदस्य सचिव भीमलाल गुरुङ तथा उपाध्यक्ष डा. हेमकुमार मिश्रको कार्यकक्षमा ताला लगाएका छन् । कक्षा १ देखि १२ सम्मको शिक्षा निशुल्क हुनुपर्ने माग राखेर बिद्यार्थी संगठनहरुले सानो ठिमी भक्तपुरस्थित उच्च माध्यमिक शिक्षा परिषद्को कार्यालयमा सदस्य सचिव गुरुङ र उपाध्यक्ष मिश्रको कार्यकक्षमा तालावन्दी गरेका हुन् । सानो ठिमीमै सिटिइभिटि कार्यालयमा पनि नौ बिद्यार्थी संगठनले सदस्य सचिव जयबहादुर टण्डन र उपाध्यक्ष गोपाल खनाललाई दुई घण्टा कार्यालय प्रवेशमा रोक लगाएका छन् ।
नेपालमा राजनैतिक गतिरोध लम्विएको प्रति भाजपाका बरिष्ठ नेता तथा पूर्व मन्त्री यसवन्त सिन्हाको चिन्ता (२०६९ श्रावण १६, मंगलवार)
भारतीय जनता पार्टीका बरिष्ठ नेता तथा पूर्व मन्त्री यसवन्त सिन्हाले नेपालको राजनैतिक गतिविधिका बारेमा चासो राख्नु भएको छ । मंगलबार विहान प्रधानमन्त्री डाक्टर बाबुराम भट्टराईलाई भेटनुभएका सिन्हाले दलहरुबीचको पछिल्लो गतिविधि र राजनैतिक सहमतिको प्रयासका बारेमा जिज्ञासा राख्नुभएको थियो।दलहरुबीच सहमति नभई राजनैतिक गतिरोध लम्विएको प्रति उहाँले चिन्ता व्यक्त गर्नुभयो ।सिन्हाले संविधान नवनि संविधानसभा भंग भएकोको बारेमा पनि जिज्ञासा राख्नुभएको प्रधानमन्त्रीको निजी सचिवालयले जनाएको छ । जवाफमा प्रधानमन्त्री भट्टराईले दलहरुबीचको सम्बाद जारी रहेको जानकारी दिनुहुँदै चाँडै राजनैतिक गतिरोध अन्त्य हुने बताउनुभयो । सर्वोच्च अदालतले संविधानसभाको आयु बढाउने अधिकार नदिएकाले संविधान सभा भंग्ग भएको भन्दै प्रधानमन्त्रीले अव नयाँ जनादेशका आधारमा संविधान बनाउने बताउनुभयो ।

जापानमा जेल जीवनको सजाय पाएका मैनालीको मुद्दा पुनरावलोकन गर्न आदेश(२०६९ श्रावण १६, मंगलवार)
एक जापानी महिलाको हत्या अभियोगमा १५ बर्ष जेल बसेर अघिल्लो महिना रिहा भएका नेपाली गोविन्दप्रसाद मैनालीको मुद्दा पुनरावलोकन गर्न टोक्यो उच्च अदालतले आदेश दिएको छ । मंगलबार भएको सुनुवाईमा न्यायाधीश मासाकाजु याकीले मैनालीको मुद्दा पुन सुनुवाई गरि अन्तिम किनारा लगाउन आज बिहान आदेश दिएका छन् । सरकारी वकिलले मैनाली दोषी रहेकाले उनको मुद्दा पुन सुनुवाई गर्न नहुने भन्दै दिएको रिटमाथि अदालतले यस्तो आदेश दिएको हो । अब मैनालीको मुद्दामाथि पुन सुनुवाई प्रकृया सुरु हुने छ ।
राष्ट्रिय जनमोर्चाका चित्रबहादुर केसीद्धारा पार्टीलाई एकजुट बनाएर लैजान नसक्ने दलहरुले मुलुकलाई संघीयतामा लगेर एकता कायम गर्न नसक्ने तर्क(२०६९ श्रावण १६, मंगलवार)
राष्ट्रिय जनमोर्चाका अध्यक्ष चित्रबहादुर केसीले पार्टीलाई एकजुट बनाएर लैजान नसक्ने दलहरुले मुलुकलाई संघीयतामा लगेर एकता कायम गर्न नसक्ने तर्क गरेका छन्। माओवादी र मधेशी दलहरुमा भएको फुटप्रति लक्षित गर्दै केसीले भने, 'आफ्नै पार्टीमा एकता कायम गर्न नसक्नेले संघीयताको चर्को नारा लगाएका छन्। जातीय आधारमा संघीयता भए मुलुकलाई एकता बनाएर लैजाने कसैसँग सामर्थ्य छैन।' गृह जिल्ला आएका केसीले राष्ट्रिय जनमोर्चाको आयोजनामा सोमबार बाग्लुङमा भएको पत्रकार भेटघाटमा यस्तो बताएका हुन्।
प्रधानमन्त्रीलाई बर्खास्त गर्न माग गर्दै सर्वोच्च अदालतमा रिट दायर(२०६९ श्रावण १५, सोमवार)
राष्ट्रपतिले प्रधानमन्त्रीलाई बर्खास्त गरी सहमतीय सरकारको आहृवानका लागि निर्देशनात्मक आदेश माग गर्दै सोमबार सर्वोच्च अदालतमा रिट दायर भएको छ । अधिवक्ताद्वय सरोजकुमार थापा र पारशमणि भट्टराईले सर्वोच्चमा रिट दायर गरेका हुन् ।
मुख्य सचिव छनौटमा वरियता मिचेको भन्दै तीन सचिवहरुद्धारा राजीनामा(२०६९ श्रावण १५, सोमवार)
प्राप्त समाचार अनुसार मुख्य सचिव छनौटमा वरियता मिचेको भन्दै सोमबार तीन सचिवले राजीनामा दिएका छन् ।
समाचार अनुसार बहालवालामध्येका बरिष्ठ निर्वाचन आयोगका सचिव शंकर कोइराला, प्रधानमन्त्री कार्यालयका कानुन सचिव त्रिलोचन उप्रेती र गृहसचिव सुशील जंगबहादुर राणाले राजीनामा दिएका हुन् । तीनै जनाले निजामति ऐनको दफा १९ मा बहालवाला सचिवमध्ये ज्येष्ठता र कार्यकुशलताको आधारमा मुख्यसचिवमा बढुवा हुनुपर्नेमा कनिष्ठलाई मुख्यसचिव बनाएको भन्दै राजीनामा दिएका हुन् ।
पूर्व विशिष्ट पदाधिकारीहरुलाई आजीवन सुविधा दिने सरकारी निर्णयको विरोधमा देशव्यापी हस्ताक्षर अभियान(२०६९ श्रावण १५, सोमवार)
पूर्व विशिष्ट पदाधिकारीहरुलाई आजीवन सुविधा दिने सरकारी निर्णयको विरोधमा नेपाल नागरिक समाजले आजबाट देशव्यापी हस्ताक्षर अभियान सुरु गर्दैछ । दिउँसो काठमाडौंको बानेश्वरबाट सुरु हुने हस्ताक्षर संकलन पर्सी १७ गतेसम्म चल्ने छ । त्यसरी संकलित हस्ताक्षर २१ गते प्रधानमन्त्री र विभिन्न राजनीतिक दलका प्रमुखलाई बुझाउने कार्यक्रम रहेको समाजका वरिष्ठ उपाध्यक्ष एवं पूर्व गृहसचिव उमेश मैनालीले जानकारी दिनुभयो । अभियानमा नागरिकस्तरबाट समर्थन बढेपछि समाजले दबाबमुलक कार्यक्रमलाई निरन्तरता दिएको हो ।
सर्वोच्च अदालतका तीनजना पूर्व प्रधान न्यायाधीशद्धारा सरकारबाट प्रदान गरिएको सुविधा फिर्ता(२०६९ श्रावण १५, सोमवार)
सर्वोच्च अदालतका तीनजना पूर्व प्रधान न्यायाधीशले सरकारबाट प्रदान गरिएको सुविधा आईतावार फिर्ता गरेका छन्। पूर्व प्रधान न्यायाधीशहरु मीनबहादुर रायमाझी, अनुपराज शर्मा र रामप्रसाद श्रेष्ठले सुविधा फिर्ता गरेका हुन्। उनीहरुले आज सर्वोच्च अदालतमा आफूहरूलाई प्रदान गरिएको सरकारी गाडी, इन्धन, नासुस्तरको निजी सचिव र सवारी चालक सर्वोच्च अदालतमा फिर्ता गरेको सर्वोच्चका सहायक प्रवक्ता हेमन्त रावलले बताए। हाल १६ जना पूर्व प्रधान न्यायाधीश रहेकोमा ११ जनाले सरकारी सुविधा उपभोग गर्दै आएका छन्।
अन्ततः मुख्य सचिवमा लिलामणि पौडेल(२०६९ श्रावण १४, आइतवार)

सरकारले अन्ततः लिलामणि पौडेललाई मुख्य सचिव बनाएको छ । आज बसेको मन्त्रिपरिषद् बैठकले प्रधानमन्त्री कार्यालयका सचिव पौडेललाई मुख्य सचिवको जिम्मेवारी दिएको हो । प्रधानमन्त्री डा. बाबुराम भट्टराइको प्रस्तावमा पौडेललाई हाललाई कामु मुख्य सचिवको जिम्मेवारी दिएर साउन २२ गते मुख्य सचिवमा वढुवा गर्ने निर्णय भएको हो । सत्तारुढ दलहरुबीच नै तीब्र मतभेद भएपछि आज विहान ८ बजेका लागि बोलाइएको मन्त्रिपरिषद् बैठक दिउँसो १ बजेपछि मात्र बसेको थियो । बैठकमा प्रधानन्त्री भट्टराइले पौडेललाई मुख्य सचिव बनाउने प्रस्ताव अडानकै रुपमा राखेको स्रोतले जनाएको छ ।

राष्ट्रपतिले निर्वाचन अध्यादेश स्वीकृत गरेपनि मंसिर ७ गतेभित्र निर्वाचन सम्भव नहुने प्रमुख निर्वाचन आयुक्तको स्पष्ट(२०६९ श्रावण १३, शनिवार)
कार्यवहाक प्रमुख निर्वाचन आयुक्त निलकण्ठ उप्रेतीले राष्ट्रपतिले निर्वाचन कानून सम्बन्धी दुवै अध्यादेश स्वीकृत गरेपनि मंसिर ७ गतेभित्र निर्वाचन सम्भव नहुने बताएका छन् । कास्कीको पोखरामा आज संचारकर्मीहरुसँग कुरागर्दै कार्यवहाक प्रमुख आयुक्त उप्रेतीले संविधान संशोधन नभएसम्म निर्वाचन हुन नसक्ने वताएका हुन् । अध्यादेशबाट कानुन मात्र संशोधन हुने भन्दै उप्रेतीले संविधान संशोधन नभएसम्म निर्वाचन हुन नसक्ने स्पष्ट पारे । उनले दलहरुको सहमतिमा संविधान संशोधन गर्न सकिने भन्दै संसद नहुँदा देश दुष्चक्रमा फसेको टिप्पणी गरे ।
काग्रेसको नेतृत्वमा सहमतिको चुनावी सरकार बन्ने एकीकृत माओवादीका पुष्पकमल दाहालको भनाई(२०६९ श्रावण १३, शनिवार)
एकीकृत नेकपा माओवादीका अध्यक्ष पुष्पकमल दाहाल प्रचण्डले पहिला निर्वाचनमा जाने सहमति भए वा संविधानका विवादित विषय टुङग्याएर सहमतिको सरकार बनाउने दुई विकल्प प्रस्तुत गरेका छन् । हिमालय टेलिभिजनमा आज राती नौ बजेर पाँच मिनेटमा प्रशारण हुने दि आरडी सोकालागी ऋषि धमलासँग कुरा गर्दै अध्यक्ष प्रचण्डले दुई मध्ये एक विकल्पमा सहमति भए नेपाली काग्रेसको नेतृत्वमा सहमतिको चुनावी सरकार बन्ने विश्वास ब्यक्त गरे । संविधानका विवादित विषयमा सहमति भए बढीमा एक महिनाको लागी संविधानसभा ब्यूताएर संविधान जारी गरेर नयाँ निर्वाचनमा जान सकिने समेत प्रचण्डले स्पष्ट पारे ।
कङ्ग्रेस सुशील कोइरालाद्धारा महाधिवेशन भएको दुईवर्षपछि नयाँ १२ सहित ४२ विभागको गठन(२०६९ श्रावण १४, आइतवार)

राजधानीबाट प्राप्त समाचार अनुसार महाधिवेशन भएको दुईवर्षपछि नेपाली कांग्रेसका सभापति सुशील कोइरालाले केन्द्रीय विभाग तथा अञ्चल संयोजकहरु तोकेका छन। सभापति कोइरालाले १२ वटा विभाग थपगरी ४२ वटा विभागको संयोजक र १४ अञ्चलका संयोजकहरु तोकेका हुन। विज्ञप्ती जारीगरी कोइरालाले पार्टी प्रवक्ताको जिम्मेवारी दिलेन्द्र बडुलाई र प्रचार विभागको जिम्मेवारी डा. मिनेन्द्र रिजाललाई दिएको जनाएका हुन।

दार्चुलामा भूकम्पको धक्का महशुस, ५ रेक्टरस्केल मापन(२०६९ श्रावण १३, शनिवार)

दार्चुला जिल्लामा शनिबार भूकम्पको धक्का महशुस गरिएको छ । छिमेकीमुलुक भारतसँग सिमाना जोडिएको दार्चुलामा दिउँसो सवा ११ बजे भुकम्पको धक्का महशुस गरिएको हो । दार्चुलाबाट केही पर भारतीय क्षेत्रलाई केन्द्रविन्दू बनाएर गएको भूकम्पको झट्का ५ रेक्टरस्केल मापन गरिएको भूकम्प मापन केन्द्रले जनाएको छ ।

पाल्पाको बौघापोखराथोकमा भारतीय नम्बर प्लेटको जीप दुघर्टना, १५ जनाको मृत्यू(२०६९ श्रावण १३, शनिवार)
पाल्पाबाट प्राप्त समाचार अनुसार पाल्पाको बौघापोखराथोक गाविस जोर्तेमा भारतीय नम्बर प्लेटको जीप दुघर्टना हुँदा चालकसमेत १५ जनाको मृत्यू भएको छ । दुई जनाको अवस्था गम्भीर छन् ।समाचार अनुसार दिल्लीमा ६ दिनअघि मृत्यू भएका धनबहादुर रानाको परिवार आफ्नै घर गुल्मीको थानपति गाविस थोर्गामा काज किरियालागि जादै गर्दा सोही परिवारको दुघर्टनामा मृत्यू भएको छ । मृतक ८ महिला, चार जना बालबालिका र दुई जना पुरुष छन् । गम्भिर घाइते भएका ३० वर्षीय सत्यन्द्र राना र १० वर्षीय निलेश रानाको लुम्बिनी मेडिकल कलेज प्रभास पाल्पामा उपचार भईरहेको छ ।
प्रधानमन्त्री भट्टराईले भ्रष्टाचार न्यूनीकरणका लागि कानुन सुधार गरेर अगाडि बढ्न सरकार प्रतिबद्ध रहेकोमा जोड(२०६९ श्रावण १२, शुक्रवार)
प्रधानमन्त्री डा बाबुराम भट्टराईले भ्रष्टाचार न्यूनीकरणका लागि तर्जुमा गरिएका ऐन कानुनलाई समयसापेक्ष सुधार गरेर अगाडि बढ्न सरकार प्रतिबद्ध रहेको बताउनुभएको छ । भ्रष्टाचारविरुद्ध राष्ट्रिय अभियान, नेपालले आज प्रधानमन्त्रीकै कार्यकक्ष सिंहदरबारमा बुझाएको ज्ञापनपत्र ग्रहण गर्दै उहाँले जनताले चाहेअनुसार भ्रष्टाचारमुक्त समाज स्थापना गरी मुलुकमा सुशासनको प्रत्याभूति दिन आफू तत्पर रहेकोमा जोड दिनुभयो ।
http://go.oclaserver.com/afu.php?zoneid=1465736