arghakhanchi
मिति:
*हिन्दूहरुको दोस्रो महान चाड शुभ दिपावली तिहार २०७४ को पावन अवसरमा सम्पूर्ण विज्ञापनदाता, पाठकवर्ग, शुभेच्छुक, संवाददाता, स्तम्भकारलगायत सम्पूर्ण देश–विदेशमा रहेका नेपाली दाजुभाइ दिदीबहिनीमा हार्दिक मंगलमय शुभकामना । - मेहर सिंह के.सी “प्रमुख” तथा अर्घाखाँचीडट्कम परिवार *
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
मिथिला राज्य सङ्घर्ष समितिको आह्वानमा मिथिला क्षेत्र बन्द(२०६९ वैशाख २४, आइतवार)
मिथिला राज्य सङ्घर्ष समितिको आह्वानमा आइतवार पनि मिथिला क्षेत्र बन्द गरिएको छ । मिथिला राज्यको माग गर्दै धर्नामा बसेका माथि गत सोमबार बम बिस्फोट गराइँदा पाँच जनाको मृत्यु भएपछि समितिद्वारा अनिश्चितकालीन मिथिला क्षेत्र बन्द आह्वान गरेको थियो । बम बिस्फोटनमा परी रन्जु झा, सुरेश उपाध्याय, झगडु मण्डल, विमल शरण दास र दीपेन्द्र दासको मृत्यु भएको थियो । बम बिस्फोटमा परी घाइते भएकामध्ये काठमाडौँको शिक्षण अस्पतालमा उपचार भइरहेको वजिर शेखको अवस्था पनि चिन्ताजनक रहेको छ ।
अखण्ड सुदूरपश्चिमको माग गर्दै थालिएको सुदूरपश्चिम बन्दले जनजिवन अत्यन्त कष्टकर र अस्तब्यस्त(२०६९ वैशाख २४, आइतवार)
आमहड्ताल लम्बिदै जाँदा धनगढीमा अखण्ड सुदुरपश्चिम हुनुपर्छ र अखण्ड हुनुहुँदैन भन्ने पक्षहरु आफ्नो शक्ति प्रदर्शन गर्ने होडबाजीमा लागेका छन्। दुवै पक्षको आफ्नो विपक्षमा रहेका सुदूरपश्चिमका नेता र सभासद्का पुत्ला जलाउने पनि होडबाजी नै चलेको छ। नौ दिनदेखि अखण्ड सुदूरपश्चिमको माग राख्दै सडकमा आन्दोलन चर्काएका छन्। तीन दिनदेखि अखण्ड सुदूरपश्चिमको पक्षमा निस्केको प्रदर्शनमा हजारौंको सहभागीता देखिएको छ।
प्रधानमन्त्री बाबुराम भट्टराईद्धारा सहमतीय सरकारमा संलग्न मन्त्रीहरुलाई शपथ ग्रहण(२०६९ वैशाख २४, आइतवार)

प्रधानमन्त्री बाबुराम भट्टराईले एकीकृत माओवादी, नेपाली कांग्रेस र तराई केन्द्रित दलहरुको मोर्चाका प्रतिनिधिहरु संलग्न मन्त्रीपरिषद गठन गरेका छन्। अर्को विपक्षी दल एमालेले शनिबार शपथ नलिएपछि सरकारले राष्ट्रिय सहमतीको स्वरुप भने लिन सकेन। माओवादी र मोर्चाबाट दुई दिनअघि राजीनामा दिएका मन्त्रीहरु नै पुन: मन्त्री बनेका छन्। नेपाली कांग्रेसका तर्फबाट महामन्त्री कृष्ण सिटौला र सूर्यमान गुरुङले मन्त्री पदको शपथ ग्रहण लिएका छन्।

प्रधानमन्त्री बावुराम भट्टराईद्धारा आकस्मिक हिमपहिरोका कारण भएको जनधनप्रति मर्माहत(२०६९ वैशाख २४, आइतवार)
प्रधानमन्त्री बावुराम भट्टराईले माछापुच्छे गाविसमा भएको आकस्मिक हिमपहिरोका कारण भएको जनधनप्रति दुःख व्यक्त गर्दै सबैलाई संयम हुन आह्वान गरेका छन् । प्रधानमन्त्रीले आज विज्ञप्ती जारी गरेर विहान ९ वजेर ५५ मिनटमा कास्की जिल्ला माछापुच्छे गा.वि.स. वडा नम्वर ९ स्थित सेती नदीमा वर्षा एवं हिमपहिरोको कारणले आकस्मिक आएको बाढीबाट आफू मर्माहत भएको जनाएका छन् । उनले पछिल्लो जानकारी अनुसार बगेर १३ जनाको असामयिक निधन हुनुका साथै कैयौं वेपत्ता र ठूलो धनमालको क्षति भएको जनाएका छन् । घटनाबाट आफू दुःखद एवं मर्माहत तुल्याएको जनाएका छन् । 
हिमपहिरो "हिमताल विष्फोट" का कारण नभएको विशेषज्ञहरुको विश्लेषण(२०६९ वैशाख २४, आइतवार)
अन्नपूर्ण हिमश्रृंखलाको माछापुच्छ्रे क्षेत्रमा शनिवार विहान गएको हिमपहिरो 'हिमताल विष्फोट' का कारण नभएको विशेषज्ञहरुले प्रष्ट्याएका छन् । हिमतालको बाँध अकस्मात फुट्न गई त्यससँगै ठूलो परिमाणमा पानी बाहिर निस्किई तल्लो तटिय क्षेत्रमा बाढी आउनु हिमताल फिष्फोट (ग्ल्यासियर लेक आउटब्रष्ट फ्ल्ड) हो । तर माछापुच्छ्रेमा त्यस्तो नभएको जानकारहरुको विश्लेषण छ ।
प्रधानमन्त्री बाबुराम भट्टराईद्धारा सहमतीय सरकारका ११ मन्त्री पदको शपथ ग्रहण, माओवादी र कांग्रेसका मन्त्रीहरुको मन्त्रालय पछि तोकिने(२०६९ वैशाख २३, शनिवार)
प्रधानमन्त्री बाबुराम भट्टराईले सहमतीय सरकारका ११ मन्त्री नियुक्त गरेका छन् । माओवादी, कांग्रेस र संयुक्त लोकतान्त्रिक मधेसी मोर्चाका ती मन्त्रीको शनिबार साँझ नै सपथ ग्रहण भएको छ । नवनियुक्त मन्त्रीमा माओवादीका पाँच, कांग्रेसका दुई र मधेसी मोर्चाका चार छन् । माओवादीबाट नारायणकाजी श्रेष्ठ, वर्षमान पुन, पोस्टबहादुर बोगटी, टोपबहादुर रायमाझी र दीनानाथ शर्माले सपथ लिए । उनीहरु यसअघिको माओवादी-मोर्चा गठबन्धनमा पनि मन्त्री थिए ।
राष्ट्रिय सहमतिको सरकारका लागि मन्त्रिपरिषद् गठन (२०६९ वैशाख २३, शनिवार)
प्रधानमन्त्री बाबुराम भट्टराईले राष्ट्रिय सहमतिको सरकारका लागि आज(शानिबार) मन्त्रिपरिषद् गठन गर्ने तयारी गरेका छन् । उनले कांग्रेस तथा एमालेसंग मन्त्रीहरुको नाम मागेका छन् । माओवादी,कांग्रेस,एमाले र मधेशी मोर्चाबीच भएको सहमति अनुसार आजसम्ममा सबै दलको सहभागिता रहनेगरी मन्त्रिमण्डल गर्ने प्रधानमन्त्रीले पहल थालेका छन् । पाँच बुँदे सहमति अनुसार सरकालाई आजै पूर्णता दिई बेलुकी ५ बजे सपथ ग्रहणको समय तोकिएको प्रधानमन्त्रीको निजी सचिवालयले जनाएको छ ।
कांग्रेस केन्द्रीय सदस्य मिनेन्द्र रिजालले देउवा क्याम्प छोडर सभापति सुशील कोइराला क्याम्पमा प्रवेश (२०६९ वैशाख २३, शनिवार)
कांग्रेस केन्द्रीय सदस्य मिनेन्द्र रिजालले देउवा क्याम्प छोडर सभापति सुशील कोइराला क्याम्पमा प्रवेश गरेका छन्। देउवाले शुक्रबार र शनीबार बोलाएको भेला निमन्त्रण गर्दा रिजालले आफुले क्याम्प छोडेको बताउदै आउन नसक्ने प्रतिक्रिया दिएको देउवा पक्षिय एक नेताले बताए। रिजाल पछिल्लो समय महामन्त्री कृष्णप्रसाद सिटौलासँग निकट भएका छन्।
सुदूरपश्चिम बन्दका कारण प्रहरीको स्कर्टिङ्गमा जाँदै गरेको यात्रुबस कञ्चनपुरमा दुर्घटना हुँदा दुई जनाको मृत्यु(२०६९ वैशाख २३, शनिवार)
सुदूरपश्चिम बन्दका कारण प्रहरीको स्कर्टिङ्गमा महेन्द्रनगरबाट बझाङ जाँदै गरेको यात्रुबस कञ्चनपुरको भाँसीमा दुर्घटना हुँदा दुई जनाको मृत्यु भएको छ । मृत्यु हुनेमा कञ्चनपुर भीमदत्त नगरपालिका४ का बसन्त बोहरा र बसका सहचालक छन् । दुर्घटनामा २९ जना घाइते भएका छन् । घाइतेमध्ये ७ जनाको अवस्था गम्भीर रहेको प्रहरीले जनाएको छ ।
कास्कीको माछापुच्छ्रे स्थित अन्नपूर्ण हिमशृङ्खला पग्लिएर आएको भीषण बाढीले बगाएर १३ को मृत्यु (२०६९ वैशाख २३, शनिवार)
 
भिडियो:- कास्कीको माछापुच्छ्रे गाविसस्थित अन्नपूर्ण हिमशृङ्खला पग्लिएर आएको भीषण बाढीले बगाएर एक विदेशीसहित मर्नेको संख्या १३ पुगेको छ। घटनास्थलमा उद्धारका लागि पुगेका रेडक्रसका वरिष्ठ अधिकृत खेमराज सापकोटाले मृतकको संख्या अझै बढ्नसक्ने बताएका छन्।

एमाले झलनाथ खनालद्धारा निर्धारित समयमै संविधान बन्ने-नबन्ने अझै ग्यारेन्टी गर्न सक्ने अवस्था नभएको उल्लेख(२०६९ वैशाख २३, शनिवार)
एमाले अध्यक्ष झलनाथ खनालले निर्धारित समयमै संविधान बन्ने/नबन्ने अझै ग्यारेन्टी गर्न सक्ने अवस्था नभएको बताएका छन् । एमाले तेस्रो ठूलो दल भएको र अन्य दुई ठूला दल जिम्मेवार हुने/नहुने विश्वास नभएकाले जेठ १४ भित्र संविधान बन्ने विषयमा ग्यारेन्टी गर्न नसक्ने भएको खनालले बताएका हुन् । 'संविधान निर्माणमा अझै चुनौती छ । म त्यो विषय ग्यारेन्टी गर्न सक्दिन' एमाले क्षेत्र नम्बर दुईको उद्‍घाटन गर्दै अध्यक्ष खनालले बिहीबार गोरखामा भने, 'सबैभन्दा ठूलो पार्टी माओवादी र दोस्रो ठूलो पार्टी कांग्रेसले विगतमा भएदेखिका सहमति पालना गर्ने/नगर्ने विश्वास नभएकाले ग्यारेन्टी गर्न नसकेको हुँ ।'  
समग्र मधेस एक प्रदेश हुनुपर्ने माग गर्दै सप्तरीमा मशाल जुलुस प्रदर्शन(२०६९ वैशाख २२, शुक्रवार)
समग्र मधेस एक प्रदेश हुनुपर्ने माग गर्दै आन्दोलनरत मधेस जनाधिकार फोरम नेपालले शुक्रबार साँझ सप्तरी सदरमुकाम राजविराजमा मशाल जुलुस प्रदर्शन गरेको छ ।
चार राजनीतिक पक्षबीच भएको पाँच बुँदे दुनियाँलाई उल्लु बनाउने सहमति भएको भन्दै माओवादी वैद्यपक्षद्धारा गम्भीर आपत्ति र असहमति(२०६९ वैशाख २२, शुक्रवार)
माओवादीको वैद्यपक्षले गएको मध्यरातमा चार राजनीतिक पक्षबीच भएको पाँच बुँदे 'दुनियाँलाई उल्लु बनाउने सहमति' भएको बताएको छ। वैद्य पक्षका उपाध्यक्ष मोहन वैद्य र महासचिव रामबहादुर थापाले आज प्रेस विज्ञप्ति जारी गर्दै सहमतिमा गम्भीर आपत्ति र असहमति जनाएका छन्। (प्रेस वक्तव्यको पूर्ण विवरण सहित-
राष्ट्रिय सहमतिको सरकार बनाउने सहमतिमा हस्ताक्षर गरेको भोलिपल्ट एमालेमा भने सरकारमा नजानेको बहुमत(२०६९ वैशाख २२, शुक्रवार)
राष्ट्रिय सहमतिको सरकार बनाउने सहमतिमा हस्ताक्षर गरेको भोलिपल्ट एमालेमा भने सरकारमा नजानेको बहुमत देखिएको छ । पार्टी मुख्यालय बल्खुमा जारी केन्द्रीय समिति बैठकमा सरकारमा नजाने पक्षमा बहुमत देखिएको एक केन्द्रीय सदस्यले बताए । बाबुराम भट्टराई नेतृत्वको सरकारमा नजाने अडान पार्टीको पुरानै हो, ती केन्द्रीय सदस्यले भने, अडानमा शीर्ष नेताहरु कसरी च्युत हुनुभयो थाहा छैन ।
संघीयताविरुद्ध खरो उत्रिएका राजमोका चित्रबहादुर केसीलाई १५ दिनभित्रै मार्ने धम्की(२०६९ वैशाख २२, शुक्रवार)
बिहीबार बिहानै उनको मोबाइल बज्यो । राष्ट्रिय जनमोर्चा नेपालका अध्यक्ष चित्रबहादुर केसीले बुझिहाले, फोन गर्ने उही अपरिचित थियो ।  'बुझ्नु भो ?' उसले भन्यो, 'तपाईं बाँच्ने अब १५ दिनमात्रै हो ।' चित्रबहादुरले उत्तर दिए, 'मलाई कसैको धम्कीले केही फरक पर्दैन, देश टुक्र्याउन दिन्नँ ।' संघीयताविरुद्ध खरो उत्रिएका केसीलाई दर्जनौं नम्बरबाट उही मान्छेले फोन गरिरहन्छ । 'कहिले ऊ लखनउ छु भन्छ, कहिले कञ्चनपुरबाट भन्छ,' केसीले सुनाए, 'जहिल्यै मार्ने कुरो मात्रै गर्छ ।' यसरी फोन गर्नेले ठाउँ र नम्बर बदलिरहे पनि नामचाहिँ एउटै भन्छ, सुदीप यादव ।
थारु संर्घष समितीको दुई दिन तराई बन्द(२०६९ वैशाख २१, विहीवार)
थारु संर्घष समितिको आव्हानमा आज र भोली दुई दिन बैशाख २२ र २३ गतेआम हडताल सहित सम्पुर्ण थारुहट, थारवान तराईका जिल्लाहरु बन्दको घोषणा गरिएको छ ।  विहिवार संयुक्त प्रेश विज्ञप्ती जारीगरी उक्त बन्दको घोषण गरिएको हो । चितवन देखी पश्चिम काचनपुर सम्म थारुवान, थारुहट स्वायत्त प्रदेश घोषणा हुर्नुपर्ने सिराहदेखी पुर्व झापासम्म पुर्वी थारुवान, थारुहट कोचिला प्रदेशको घोषणा हुनुपर्ने पसा्र देखी मध्य तराई सिमौ्रनगढ स्वायत्त प्रदेश घोषणा गर्नुपर्ने तथा जातिय पहिचान आत्म निर्णयको अधिकार राजनैतिक अग्रधिकार स्वयत्तता भाषा उत्पीडित क्षेत्रहरुको अधिकार सहित नयु संविधान जारी गर्नुपर्ने माग सहित तराई बन्दको घोषणा गरिएको हो प्रेस विज्ञप्तीमा जनाइएको छ ।
सरकारद्धारा नेपाली सेना र सशस्त्र प्रहरीमा तीन उच्च अधिकृतको बढुवा, भन्सार महशुल बृद्धि गर्ने निर्णय(२०६९ वैशाख २१, विहीवार)
सरकारले नेपाली सेना र सशस्त्र प्रहरीमा तीन उच्च अधिकृतको बढुवा गर्नुका साथै पहेलो धातु सुनको भन्सार महशुल बृद्धि गर्ने निर्णय गरेको छ । सिंहदरबारमा आज बसेको मन्त्रिपरिषद बैठकले नेपाली सेनामा साधारण तर्फ रिक्त सहायक रथीमा महासेनानी प्रकाशसिंह बोगटी र सेनानी निर्माणसिंह गुरुङलाई महासेनानीमा बढुवा गरेको छ । सशस्त्र प्रहरीको अतिरिक्त महानिरीक्षकमा कृष्णकुमार तामाङलाई बढुवा गर्ने निर्णय गरेको अर्थमन्त्री बर्षमान पुनले जानकारी दिए ।
जातिय आधारमा राज्यको पुनर्संरचना गर्न नहुने भन्दै संयुक्त क्षेत्री ब्राम्हण समाजद्धारा नुवाकोट बन्द(२०६९ वैशाख २१, विहीवार)
जातिय आधारमा राज्यको पुनर्संरचना गर्न नहुने भन्दै संयुक्त क्षेत्री ब्राम्हण समाजले आज नुवाकोट बन्द गरेको छ । भौगोलिक आधारमा संघियता कायम हुनुपर्ने, बाम्हण, क्षेत्री, गिरीलगायतकालाई आदिवासी घोषणा गरिनुपर्ने, तोकिएको समयमा संविधान जारी हुनुपर्ने लगायतका मागहरु अघि सार्दै एक दिने बन्दको आव्हान गरिएको हो ।
सरकारद्धारा जनकपुर धर्नामा भएको विस्फोटमा मारिएका चार जनालाई शहीद घोषणा(२०६९ वैशाख २१, विहीवार)
सरकारले जनकपुर धर्नामा भएको विस्फोटमा मारिएका चार जनालाई शहीद घोषणा गरेको छ । मन्त्रिपरिषदको आज बसेको बैठकले जनकपुर धर्नामा बस्दा बम विस्फोटमा परी ज्यान गुमाएका रन्जु झासहित चारजनालाई शहीद घोषणा गरेको हो । बैठकले शहीद परिवारलाई दश लाख रुपैया उपलब्ध गराउने निर्णय गरेको छ ।
आज विश्व प्रेस स्वतन्त्रता दिवस(२०६९ वैशाख २१, विहीवार)
विश्व प्रेस स्वतन्त्रता दिवसका अवसरमा बिहीबार नेपाल पत्रकार महासंघले बिहान ७ बजे भृकुटीमण्डपमा विशेष भेला गरी प्रभातफेरी आयोजना गरेको छ । त्यसमा अग्रज पत्रकार, महासंघका पूर्व तथा वर्तमान पदाधिकारी, विभिन्न सञ्चार माध्यमका सञ्चारकर्मी सहभागी थिए । भृकुटीमण्डपबाट सुरु भएको प्रभातफेरी शहीद गेट, वीर अस्पताल र रत्नपार्क हुँदै त्यहीँ आएर टुङ्गएिको थियो ।
अपहरण अभियोगमा जेल परेका श्यामसुन्दर गुप्ताको निवेदन सर्वोच्च अदालतमा दर्ता(२०६९ वैशाख २१, विहीवार)
अपहरण अभियोगमा जेल परेका श्यामसुन्दर गुप्ताले सभासदका हैसियतमा संविधानसभाको बैठकभित्र सहभागी हुन दिएको निवेदनलाई सर्वोच्च अदालतले बुधबार दर्ता गरेको छ । यसअघि सर्वोच्च प्रशासनले निवेदनलाई दरपीठ (दर्ता गर्न अस्वीकार) गरेको थियो । निवेदन दरपीठ भए त्यसविरुद्ध इजलासमा सोझै उजुरी दिन सकिने कानुनी व्यवस्था छ ।
अखण्ड सुदूरपश्चिमको मागलाई जनमतसंग्रहबाट टुङगाउन आग्रह(२०६९ वैशाख २०, बुधवार)
सुदूरपश्चिमका सभासद र अगुवा नेताहरुले प्रधानमन्त्री सहित प्रमुख दलका शीर्ष नेतृत्वसँग आफ्ना मागका बारेमा जनमतसंग्रह गर्न आग्रह गरेका छन् । काठमाडौंमा आज भएको प्रधानमन्त्री सहित शीर्ष नेताहरुसँगको छलफलका क्रममा सुदूरपश्चिमका सभासद र नेताहरुले आफूहरुको अखण्ड सुदूरपश्चिमको मागलाई जनमतसंग्रहबाट टुङगाउन आग्रह गरेको नेताहरुले बताएका छन् । उनीहरुले माग पुरा गराउन अझै कडा आन्दोलन गर्नुपरेपनि गर्न तयार रहेको उल्लेख गरेका छन् ।
जनकपुरको रामानन्द चोकमा फेरि बम विस्फोट(२०६९ वैशाख २०, बुधवार)
जनकपुरको रामानन्द चोकमा आज फेरि बम विस्फोट भएको छ। विस्फोटको आवाज सुनिएको क्षेत्रलाई प्रहरीले घेराहाली अनुसन्धान थालेको छ। अनुसन्धानमा संलग्न प्रहरीका अनुसार अहिलेसम्म कुनै क्षति भएको पाइएको छैन। दुई दिन दिनअघि सोही चोकमा भएको विस्फोटमा ४ को मृत्यु भएको थियो।
पत्रकारलाई नियमित रुपमा पारिश्रमिक नदिने संचार गृहहरुलाई कारवाही गर्न सरकारको ध्यानाकर्षण(२०६९ वैशाख २०, बुधवार)
नेपाल पत्रकार महासंघले श्रमजिवी पत्रकार ऐन लागू नगर्ने र पत्रकारलाई नियमित रुपमा पारिश्रमिक नदिने संचार गृहहरुलाई कारवाही गर्न सरकारको ध्यानाकर्षण गराएको छ । पत्रकार तथा कर्मचारीलाई नियमित रुपमा न्यूनतम पारिश्रमिक नदिने रेडियो तथा टेलिभिजनहरुको प्रसारण अनुमतिपत्र नविकरण नगर्न माग गर्दै महासंघले आज संचारमन्त्री राजकिशोर यादवको ध्यानाकर्षण गराएको हो ।
अखण्ड सुदूरपश्चिमको माग राख्दै आह्वान गरेको बन्द यथावत रहेपछि जवजिवन थप कष्टकर (२०६९ वैशाख १९, मंगलवार)
अखण्ड सुदूरपश्चिमको माग राख्दै आह्वान गरेको बन्द पाँचौं दिन पनि यथावत रहेपछि जवजिवन थप कष्टकर बनेको छ ।
माओवादी सीपी गजुरेलद्धारा आफ्नै पार्टीका पुष्पकमल दाहाल गद्दार भएको आरोप लगाउदै पार्टीबाट हटाएरै छाड्ने उद्‍घोष(२०६९ वैशाख १९, मंगलवार)
माओवादी सचिव सीपी गजुरेलले आफ्नै पार्टीका अध्यक्ष पुष्पकमल दाहाल गद्दार भएको बताएका छन्। उनले समायोजनको नाममा लडाकु बुझाएर गद्दारी गरेको आरोप पनि उनले लगाए। प्रचण्डलाई पार्टीबाट हटाएरै छाड्ने पनि उद्‍घोष गरे। गजुरेलले जेठ १४ मा जनपक्षीय संविधान आउँदैन भन्दै त्यो बनिबनाउ आउने र जनताको संविधान नआउने ठोकुवा पनि गरे।
असहमतिलाई बहुमतीय प्रक्रियाबाट टुङ्गो लगाउन संविधान सभा नियमावली संशोधन विधेयक पारित(२०६९ वैशाख १९, मंगलवार)
संविधान सभाको बसेको बैठकले संविधान निर्माणमा रहेका असहमतिलाई बहुमतीय प्रक्रियाबाट टुङ्गो लगाउन संविधान सभा नियमावली संशोधन विधेयक पारित गरेको छ।  संशोधित नियमावली अनुसार कुनै विषयमा मतदानबाट बहुमत नआए पुनः संवैधानिक समितिमा फर्काएर सहमति खोज्ने प्रावधान रहेको जनाएको छ।
स्थानीय मन्त्री टोपबहादुर रायमाझीद्धारा माओवादी वैद्य समुह फिरन्ते विद्रोही भन्दै नेतृत्व र सरकारलाई डगमगाउन नसक्ने चेतावनी(२०६९ वैशाख १९, मंगलवार)
स्थानीय विकास मन्त्रीसमेत रहेका माओवादी नेता टोपबहादुर रायमाझीले आफ्नै पार्टीका लुटेरा, डाहाडे र अवसरखोरहरु शान्ति र संविधान भाड्न तल्लिन रहेका बताएका छन्। उनले त्यस्ता प्रवृत्तिका नेतालाई फिरन्ते विद्रोही भन्दै पार्टी नेतृत्व र वर्तमान सरकारलाई डगमगाउन नसक्ने चेतावनी दिए। १२३ औं मे दिवसको अवसरमा एकीकृत नेकपा माओवादी पाल्पाले तानसेनमा गरेको शुभकामना साट्ने कार्यक्रममा रायमाझीले पार्टीकैवैद्य समुहलाई 'भाँडहरु' को संज्ञा दिए र कार्यकर्तालाई नतर्सन ढाडस दिए।
जनकपुरमा बिष्फोटमा मारिनेहरुलाई शहिद घोषणा गरी क्षत्तिपूर्ति दिइने(२०६९ वैशाख १९, मंगलवार)
प्रधानमन्त्री डा. बाबुराम भट्टराईले जनकपुरमा हत्या भएकाहरुलाई शहिद घोषणा गरी क्षत्तिपूर्ति दिने बताएका छन् । उनले घाइतेहरुको उपचारमा सरकार लागि परेको भन्दै घटनालाई आततायीको संज्ञा दिए । घटनाले सरकारलाई गम्भीर वनाएको छ दोषीलाई कारवाही हुन्छ, उनको भनाइ थियो । मे दिवशको अवसरमा वुधवार विराटनगरको घाट खोलामा माओवादी निकट मजदुरहरुले आयोजना गरेको सभालाई सम्बोधन गर्न आएका प्रधानमन्त्री भट्टराईले जेष्ठ १४ गतेसम्म अपराधिक क्रियाकलाप बढ्न सक्ने भन्दै सुरक्षाकर्मीलाई उच्च सर्तकाता अपनाउन दिर्नेशन दिएको वताए ।
पाल्पामा भएको बस दुर्घटनामा २ जनाको मृत्यु, ३० जना भन्दा घाइते(२०६९ वैशाख १९, मंगलवार)
आज बिहान पाल्पामा भएको बस दुर्घटनामा २ जनाको मृत्यु भएको छ । दुर्घटना परी ३० जना भन्दा घाइतेको जिल्ला प्रहरी कार्यालय पाल्पाले जनाएको छ । दुर्घटना परी ३० जना भन्दा घाइतेको जिल्ला प्रहरी कार्यालय पाल्पाले जनाएको छ । पाल्पाबाट तम्घास जादै गरेको लु १ ख ३१३५ नम्बरको बस सिर्द्धार्थराजमार्गको तानसेन लामीडामा दुर्घटना भएको थियो ।