arghakhanchi
मिति:
*हिन्दूहरुको दोस्रो महान चाड शुभ दिपावली तिहार २०७४ को पावन अवसरमा सम्पूर्ण विज्ञापनदाता, पाठकवर्ग, शुभेच्छुक, संवाददाता, स्तम्भकारलगायत सम्पूर्ण देश–विदेशमा रहेका नेपाली दाजुभाइ दिदीबहिनीमा हार्दिक मंगलमय शुभकामना । - मेहर सिंह के.सी “प्रमुख” तथा अर्घाखाँचीडट्कम परिवार *
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
भट्टराईबाहेकको नेतृत्वमा बन्ने सहमतिको सरकारमा आफू पनि सहभागी हुने माओवादी मोहन वैद्य पक्षको भनाइ(२०६९ वैशाख १९, मंगलवार)
प्रधानमन्त्री बाबुराम भट्टराईबाहेकको नेतृत्वमा बन्ने सहमतिको सरकारमा आफू पनि सहभागी हुने माओवादी उपाध्यक्ष मोहन वैद्य पक्षले जनाएको छ । भट्टराई नेतृत्वको सरकारमा भने सहभागी नहुने बताएको छ । भट्टराई सरकारको राजीनामा माग्दै आएको वैद्य पक्षकी पोलिटब्युरो सदस्य पम्फा भुसालले सरकारको राजीनामापछि मात्र सहमतीय सरकारको वातावरण बन्ने बताइन् ।
अखण्ड सुदूरपश्चिमको माग राख्दै गरिएको आन्दोलनले कैलालीको जवजिवन अत्यान्तै कष्टकर(२०६९ वैशाख १९, मंगलवार)
अखण्ड सुदूरपश्चिमको माग राख्दै गरिएको आन्दोलनको चौथो दिन कैलालीको जवजिवन अत्यान्तै कष्टकर भएको छ । वन्द आव्हानकर्ताले सोमवार बजारमा रिक्सा र साईकल समेत चल्न दिएका छैनन् । आन्दोलन नेतृत्व विहीन बन्दै गएकोले जनजिवन थप कष्टकर बनेको हो । प्रेस, अस्पताल , मेडीकल, एम्वुलेन्सलाई निर्वाद चल्न दिने भनेका आन्दोलनकारीले ठाउँ ठाउँमा प्रेसका सवारी साधन माथि अवरोध सिर्जना गरेका छन् ।
नब्बे वर्ष अघिबाट पशुपन्छी काटमार बन्द गरिएको गोरखाको चुमचेत र छेकम्पारमा हिंसामुक्त घोषणा(२०६९ वैशाख १८, सोमवार)
नब्बे वर्ष अघिबाट पशुपन्छी काटमार बन्द गरिएको चुमचेत र छेकम्पार गाविस अघिल्लो साताबाट औपचारिक रूपमा हिंसामुक्त घोषणा भएका छन् । जिल्लाकै दुर्गमका यी गाविसले वैशाख १३ बाट तीन दिन महोत्सव गरी काटमार निषेध गर्दै अहिंसा क्षेत्र घोषणा गरिएको हो । दुवै गाविसको परिषद्ले समेत नियम कानुन पारित गरेर अहिंसा क्षेत्र घोषणा गरिएको चुम उपत्यका सांस्कृतिक 'स्याक्या' महोत्सव आयोजक समितिले जनाएको छ ।
मधेसी मोर्चासहित प्रमुख तीन राजनीतिक दलका बीचमा भएको वार्ता निष्कर्षविहिन(२०६९ वैशाख १८, सोमवार)
मधेसी मोर्चासहित प्रमुख तीन राजनीतिक दलका बीचमा भएको सोमबारको वार्ता विना निष्कर्ष टुंगिएको छ । संविधान जारी गर्न २८ दिन मात्र बाँकी रहँदा दलहरू शासकीय स्वरूप र संघीयतामा सहमत हुन सकेका छैनन् । बैठक स्थलबाट बाहिरिँदै एमाले अध्यक्ष झलनाथ खनाले भने, 'विवाद समाधानमा भन्दा सबैले आआफ्नै डम्फु बजाउनतिर लागेकाले कुनै निकास निस्कन सकेन, बरु सहमति भन्दा विमतिको बाटो पो बलियो देखियो ।'
अदालत र पत्रकार आक्रमणपछि झण्डै वर्ष दिनदेखि फरार युथ फोर्सका इन्चार्ज पर्शुराम बस्नेतद्धारा मोरङ अदालतमा आत्मसमर्पण(२०६९ वैशाख १८, सोमवार)
अदालत र पत्रकार आक्रमणपछि झण्डै वर्ष दिनदेखि फरार युथ फोर्स मोरङका इन्चार्ज पर्शुराम (कृष्ण) बस्नेतले सोमबार जिल्ला अदालत मोरङमा आत्मसमर्पण गरेका छन्। अदालत परिसर पुगेका बस्नेतले आफ्ना कानुन व्यवसायीहरुको सल्लाहअनुसार पत्र बुझी बयान दिइरहेका छन्। ताजा रिपोर्टअनुसार बस्नेतले नागरिककर्मी खिनाथ ढकालमाथिको आक्रमण बारेको बयान सकेका छन्। अदालत आक्रमण बारे बस्नेतको बयान चलिरहेको छ।
१० प्रदेश प्रस्तावको विरोधमा गरिएको कञ्चनपुर बन्द कार्यक्रम स्थगन(२०६९ वैशाख १८, सोमवार)
एकीकृत नेकपा (माओवादी)ले प्रस्ताव गरेको जातीय पहिचान सहितको राज्य पुनःसंरचनाअन्तर्गत १० प्रदेश प्रस्तावको विरोधमा गरिएको कञ्चनपुर बन्द कार्यक्रम स्थगन गरिएको छ । आन्दोलनरत पक्षको बैठकले आदिवासी जनजाति तथा थारू समुदायसित छलफल गरेर साझा एजेन्डा तय गर्न लागि जारी अनिश्चितकालीन बन्द स्थगन गरेको जनाइएको छ ।
जनकपुर विष्फोटमा चार जनाको मृत्यु(२०६९ वैशाख १८, सोमवार)
जनकपुरको रामानन्द चोकमा आज बिहान अज्ञात समूहले विष्फोट गराउदा स्थानीय चार जनाको मृत्यु भएको छ । विष्फोटमा परेर मृत्यु हुनेमा जनकपुर नगरपालिका८ का विमल शरण, कलाकार रञ्जु झा, सुरेश उपाध्याय र झगरु मण्डलको मृत्यु भएको प्रहरीले जनाएको छ । ज २ प ९३९५ नम्वरको मोटरसाईकलमा सवार एक जनालाई प्रहरीले बम विष्फोट गराएको आशंकामा पक्राउ गरेको छ । बिहान करिव साढे १० बजे भएको विष्फोटमा केही सर्वसाधारण घाईते भएका छन् ।
अबको संबिधानमा राष्ट्रिय जनावर गाई नै हुनुपर्ने कांग्रेसको प्रस्ताव(२०६९ वैशाख १८, सोमवार)
नेपाली कांग्रेसले अबको संबिधानमा पनि राष्ट्रिय जनावर गाई नै हुनुपर्ने प्रस्ताव गरेको छ । संबिधानमै गाई राष्ट्रिय जनावर हो भनेर उल्लेख नगरिए संबिधान घोषणालगत्तै खुलामखुल्ला गाई काटन सुरु हुने र त्यसले धार्मिक दंगा 
नेपालले गरे म्याद थप्ने कुरो(२०६९ वैशाख १८, सोमवार)
पूर्वप्रधानमन्त्री एवं एमालेका वरिष्ठ नेता माधवकुमार नेपालले राज्य पुनर्संरचनासहितका मुख्य विषयमा सहमति जुटाउन भएको ढिलाइका कारण जेठ १४ मा संविधान जारी गर्न नभ्याउने अवस्था आए म्याद थपको विकल्पमा जानेबारे गृहकार्य भइरहेको संकेत गरेका छन् । 
चालकसित लिने ट्राफिक जरिवाना अब बैंकबाट लिईने(२०६९ वैशाख १८, सोमवार)
महानगरीय ट्राफिक प्रहरी महाशाखाले चालकसित लिने जरिवाना अब बैंकबाट लिने भएको छ । हाते रसिद प्रयोग गर्दा आर्थिक अनियमितताको आरोप खेपेपछि महाशाखाले यस्तो व्यवस्था गर्न लागेको हो । बैंकमा भौचर भरेर पैसा तिरेको रसिद देखाएपछिमात्रै ट्राफिकले नियन्त्रणमा लिएको सवारी, लाइसेन्स वा कागजात उपलब्ध गराउनेछ ।
भ्रष्टाचारी ठहर भई कैद सजाय भोगिरहेका पूर्वमन्त्री चिरञ्जीवी वाग्ले कैदमुक्त(२०६९ वैशाख १८, सोमवार)
Photo8
सर्वोच्च अदालतबाट भ्रष्टाचारी ठहर भई कैद सजाय भोगिरहेका पूर्वमन्त्री तथा नेपाली कांग्रेसका नेता चिरञ्जीवी वाग्ले कैदमुक्त भएका छन् ।
प्रस्तावित १० प्रदेशको खाका पार्टीको आधिकारिक प्रस्ताव नभई पुष्पकमल दाहालको व्यक्तिगत भएको माओवादी सिपी गजुरेलको भनाई(२०६९ वैशाख १७, आइतवार)
एकीकृत नेकपा माओवादीका सचिव सिपी गजुरेलले पार्टी अध्यक्ष पुष्पकमल दाहालले प्रस्तावित १० प्रदेशको खाका पार्टीको आधिकारिक प्रस्ताव नभएको बताएका छन्। सो प्रस्ताव अध्यक्षको व्यक्तिगत भएको उनले बताए। संयुक्त राष्ट्रिय जनआन्दोलन समितिद्वारा आयोजित जनसभामा उनले १० प्रदेशको प्रस्ताव पार्टी अध्यक्षको व्यक्तिगत प्रस्ताव भएको उल्लेख गरेका हुन्। दस प्रदेशको प्रस्तावमा मिथिला प्रदेशलाई गायब गर्नुप्रति रोष प्रकट गर्दै उनले मिथिला प्रदेशबिनाको संविधान आफूहरुलाई मान्य नहुने स्पष्ट पारे।
संविधान लेखनका विवादित विषयमा सहमति जुटाउने उद्धेश्यले प्रमुख दलका नेताहरुबीच भएको छलफल निष्कर्षविहिन(२०६९ वैशाख १७, आइतवार)
संविधान लेखनका विवादित विषयमा सहमति जुटाउने उद्धेश्यले प्रमुख दलका नेताहरुबीच आज भएको छलफल पनि विना निष्कर्ष स्थगित भएको छ । विहान र दिउँसो गरी दुइ चरणमा बसेको वैठकमा शासकीय स्वरुप, राज्य पुनर्संरचनाका साथै राष्ट्रिय सरकार गठनको विषयमा छलफल भएको नेताहरुले बताएका छन् ।
संविधान निर्माणका विवादित विषयमा सहमति नजुटेपछि संविधानसभाको बैठक स्थगित(२०६९ वैशाख १७, आइतवार)
संविधान निर्माणका विवादित विषयमा सहमति नजुटेपछि आज (आइतबार) बस्ने भनिएको संविधानसभाको बैठक स्थगित भएको छ । संविधानसभा भवनमा टाँसिएको सूचनामा आगामी वैशाख १९ गते मंगलबार बैठक बस्ने जनाइको छ । यसअघि पनि दुई पटकसम्म सूचना टाँस गरी बैठक स्थगित गरिएको थियो । संघीयता र शासकीय स्वरुपमा दलहरुबीच सहमति हुन सकेको छैन ।
अखण्ड सुदूरपश्चिमको माग गर्दै सुदूपश्चिमवासीद्धारा लगातार तेस्रो दिन पनि सुदुर पश्चिम बन्द(२०६९ वैशाख १७, आइतवार)
अखण्ड सुदूरपश्चिमको माग गर्दै सुदूपश्चिमवासीले लगातार तेस्रो दिन आज पनि सुदुर पश्चिम बन्द गरेका छन् । अखण्ड सुदूरपश्चिमको पक्षमा रहेका उनीहरुले एकीकृत माओवादीले जातीयसहित १० प्रदेश बनाउन प्रस्ताव गरेको विरोधमा दोस्रो दिन पनि बन्द गरेका हुन् । ठूलो पार्टीले नै सुदूरपश्चिमलाई टुत्र्mयाउन खोजेको भन्दै विद्यार्थी संगठनहरुको अगुवाइमा बन्द गरिएको छ ।
एमालेले बहुपहिचानका प्रदेश नबनाउने र एकल पहिचान सहित १२ वटासम्म प्रदेश निर्माण गर्नुपर्ने प्रस्ताव(२०६९ वैशाख १७, आइतवार)
एमालेले बहुपहिचानका प्रदेश नबनाउने र एकल पहिचानमा जाने हो भने १२ वटासम्म प्रदेश निर्माण गर्नुपर्ने प्रस्ताव अघि सारेको छ । माओवादीले एउटा जातिको मात्र पहिचान झल्किने गरी 'एकल पहिचान' को सिद्घान्तअनुसार १० प्रदेशको मोडल अघि सार्दै त्यसभन्दा पछि नहट्ने संकेत देखाएपछि एमालेले संविधानसभाको विषयगत समितिको प्रतिवेदनभित्रैबाट सहमति खोज्ने गरी १२ प्रदेशको विकल्प ल्याएको हो ।
कांग्रेसद्धारा पहिचानलाई पहिलो र सामथ्र्यलाई दोस्रो प्राथमिकता दिएर सात प्रदेशको आफ्नो अवधारणा परिमार्जन(२०६९ वैशाख १७, आइतवार)
कांग्रेसले पहिचानलाई पहिलो र सामथ्र्यलाई दोस्रो प्राथमिकता दिएर सात प्रदेशको आफ्नो अवधारणा परिमार्जन गरेको छ । कांग्रेस नेता रामचन्द्र पौडेलका अनुसार प्रस्तावित प्रदेशका नाममा लिम्बु र किराँत मिलाएर कोसी प्रदेश, मिथिला र भोजपुरासहितको जनकपुर प्रदेश, नेवार र तामाङको बसोबाससहितको वाग्मती प्रदेश, तमु र मगरलाई गण्डकी प्रदेश, भेरी, राप्ती र कणर्ालीसहितको कणर्ाली प्रदेश, सेती र महाकालीसहितको खप्तड प्रदेश र थारू समुदाय तथा लुम्बिनीसहितको सिद्धार्थ प्रदेश छन् ।
माओवादी पुष्पकमल दाहालद्धारा १० वटा सङ्घीय राज्यको प्रस्तावबाट आफ्नो पार्टी पछाडि नहट्ने अडान (२०६९ वैशाख १७, आइतवार)
माओवादी अध्यक्ष पुष्पकमल दाहालले आफ्नो पार्टीले अरु राजनीतिक दलहरु समक्ष प्रस्तुत गरेको राज्य पुनःसंरचनाको प्रस्तावबाट आफ्नो पार्टी पछाडि नहट्ने बताएका छन् ।  शुक्रबार आफ्नै निवास लाजिम्पाटमा नेवाः आन्दोलनसँग सम्बन्धित अगुवाहरुसँग कुराकानी गर्दै उनले लोकतान्त्रिक मधेसी मोर्चासहित प्रमुख तीन राजनीतिक दलको संयुक्त बैठकमा १० वटा सङ्घीय राज्यको प्रस्ताव गरेको र त्यही नै वैज्ञानिक र व्यावहारिक प्रस्ताव भएकाले यसैमा अरु राजनीतिक दल पनि सहमत हुनुपर्ने बताएको उनका सहयोगी शिव खकुरेलले जानकारी दिए ।
सुदूरपश्चिमाञ्चललाई टुक्र्याउन नपाइने मागसहित बन्द आह्वान(२०६९ वैशाख १५, शुक्रवार)
राज्य पुनःसंरचनाका मुद्दामा राजनीतिक दलका शीर्ष नेताबीच निरन्तर बहस चलिरहेको बेला, सुदूरपश्चिमाञ्चललाई टुक्र्याउन नपाइने मागसहित बन्द आह्वान गरिएको छ । बन्दका कारण कैलालीलगायतका जिल्लामा यातायात, उद्योग व्यवसाय, शैक्षिक संस्था ठप्प हुँदा जनजीवन प्रभावित भएको छ । बन्दका क्रममा शुक्रबार यहाँ भएको प्रदर्शनमा राजनीतिक दलका कार्यकर्ता, उद्योगी व्यापारी र सर्वसाधारणले अखण्ड सुदूरपश्चिमको पक्षमा नाराबाजी गरेका छन् ।- -
केन्द्रका दुई सदन र प्रदेश सभामा पचास प्रतिशत महिला प्रतिनिधित्वको माग(२०६९ वैशाख १५, शुक्रवार)
केन्द्रका दुई सदन र प्रदेश सभामा पचास प्रतिशत महिला प्रतिनिधित्वको माग महिला अधिकारवादीहरूले गरेका छन् । उनीहरूले तीन दल र मधेसी मोर्चाबीच मंगलबार भएको प्रत्यक्षमा ५५ र समानुपातिकमा ४५ प्रतिशत सिट संख्या कायम राख्ने सहमतिको विरोधसमेत गरेका छन् । प्रत्यक्ष सिट बढी राख्दा महिला प्रतिनिधित्व कम हुनसक्ने औंल्याउँदै उनीहरूले त्यसभन्दा समानुपातिक बढी हुनुपर्ने माग अघि सारेका हुन् ।
एमाले सभासद्हरुद्धारा प्रत्यक्ष निर्वाचित कार्यकारी सरकार प्रमुख हुनुपर्ने दबाब दिन हस्ताक्षर अभियानलाई तीव्र(२०६९ वैशाख १४, विहीवार)
एमाले सभासद्हरुले नयाँ संविधानमा जनताबाट प्रत्यक्ष निर्वाचित कार्यकारी सरकार प्रमुख हुनुपर्ने मागसहित त्यसका लागि दबाब दिन हस्ताक्षर अभियानलाई तीव्र पारेको छ । मिश्रित प्रणालीअन्तर्गत प्रत्यक्ष निर्वाचित राष्ट्रपति तथा संसदबाट निर्वाचित प्रधानमन्त्री दुवैलाई अधिकार बाँड्ने गरी दुवैलाई कार्यकारी अधिकार दिने गरी अगाडि बढ्न मिल्छ भन्ने शीर्ष नेताहरूबाट आइरहेको विचारले समस्या सुल्झाउनुको सट्टा बल्झाउने चेतावनी पनि उनीहरुले दिएका छन् ।  
राजमोका चित्रबहादुर केसीद्धारा ३८५ सभासदको भेडीगोठ राज्यले थेग्न सक्दैन भन्दै मुलुकलाई रुवाण्डा बनाउन खोजेको आरोप(२०६९ वैशाख १४, विहीवार)
VIDEO: राष्ट्रिय जनमोर्चाका अध्यक्ष चित्रबहादुर केसीले ३८५ जना सभासद्‍को सङ्ख्या बनाएर मुलुकलाई रुवाण्डा बनाउन खोजेको आरोप लगाएका छन्।
संविधानसभाको बैठक १७ गतेसम्मका लागि सूचना टाँसेर स्थागित(२०६९ वैशाख १४, विहीवार)
संविधानसभाको बैठक १७ गतेसम्मका लागि स्थागित गरिएको छ । दलहरुले नयाँ संविधानका विवादित विषयहरुमा सहमति खोज्न दुई दिन थप सम मागेका कारण संविधानसभाको बैठक सूचना टाँसेर स्थागित गरिएको हो । यषसघि तीन दिन बढाइएको समयावधीमा समेत सहमति जुट्न नसकेपछि समय थप गर्न प्रस्ताव गरिएको हो । समय थप नगरिएको भए आजदेखि संविधानसभाको बैठकमा निर्वाचनमार्फत विवादित विषयहरु टुङ्ग्याउदै लैजाने तयारी गरेको थियो ।
नेपाल- भारत सुरक्षा बैठक पोखरामा(२०६९ वैशाख १४, विहीवार)
सहसचिवस्तरिय नेपालभारत सुरक्षा बैठक पोखरामा बिहीबार दिउँसो सुरु भएको छ । यस प्रकारको नेपालभारत सुरक्षा बैठक यो नवौं हो । यसका दुई देशका सुरक्षा चासोका विषयहरुमा छलफल हुन्छ । बैठक पर्यटकीय नगरी पोखराको चाउथेस्थित फेवा प्रिन्स होटलमा भइरहेको छ । नेपाली टोलीको नेतृत्व परराष्ट्र मन्त्रालयका सहसचिव दीपक धिताल र भारतीय पक्षको नेतृत्व भारतीय विदेश मन्त्रालयका सहसचिव अखिलेश मिश्रले गरेका छन् ।
कांग्रेसद्धारा प्रतिनिधिसभा सांसद् संख्या घटाउन आग्रह गर्ने(२०६९ वैशाख १३, बुधवार)
कांग्रेस केन्द्रीय कार्यसमिति र संसदीय दलको बुधबार बसेको बैठकले प्रतिनिधिसभाका सदस्य धेरै नबनाउन र राजनीतिक स्थिरता कायम हुनेगरी शासकीय स्वरुप अवलम्बन गर्नुपर्ने निर्णयमा पुगेको छ । बैठकमा सभापति सुशील कोइरालाले राजनीतिक दलहरूको बीचमा भइरहेको छलफलका बारेमा जानकारी गराएका थिए । संविधानसभा भवन नयाँ बानेश्वरमा बसेको उक्त दलको बैठकले राजनीतिक दलहरू बीचमा प्रतिनिधिसभा सदस्यको सङ्ख्या ३२५ बनाउने भन्ने अनौपचारिक सहमतिलाई पुनरावलोकनका लागि अन्य राजनीतिक दलहरूसँग आग्रह गर्ने निर्णय गरेको पार्टीका केन्द्रीय सदस्य अर्जुननरसिंह केसीले जानकारी दिए ।
माओवादी पोलिट्ब्युरो सदस्यद्धारा पार्टी उपाध्यक्ष मोहन वैद्य समूह शान्ति र संविधान विरोधी भएको आरोप(२०६९ वैशाख १३, बुधवार)
माओवादी पोलिट्ब्युरो सदस्य हरिबोल गजुरेलले पार्टी उपाध्यक्ष मोहन वैद्य समूह शान्ति र संविधान विरोधी भएको आरोप उनले लगाए । वैद्य समूहले शान्ति पनि चाहेको थिएन, अब संविधान पनि चाहेको छैन, कोचिला राज्य माग गर्न आयोजित कार्यक्रममा बुधबार उनले भने, हामीलाई राष्ट्रघाती भन्नेहरु नै आफैं राष्ट्रघाती हुन् । वैद्य समूह १२ बुँदेदेखिकै विरोधी हो । अब तिनीहरु निमिट्यान्न हुन्छन् ।
मन्त्री तथा जनमुक्ति पार्टीका अध्यक्षले संघीयताको बिरोधी राजमोका चित्रबहादुर केसीलाई फाँसी दिनुपर्छ भन्ने धम्कीको घोर निन्दा(२०६९ वैशाख १३, बुधवार)
मन्त्री तथा जनमुक्ति पार्टीका अध्यक्ष एम।एस थापाले संघीयताको बिरोधीसहित राष्ट्रिय जनमोर्चाका अध्यक्ष चित्रबहादुर केसीलाई आगमी जेठ १ गते प्रतिकारत्मक स्वरुप फाँसी दिनुपर्छ भन्ने धम्कीको घोर निन्दा गरिएको छ । राष्ट्रिय जनमुक्ति पार्टीले बुधबार काठमाण्डौ रिपोटस्र क्लबमा आयोजित पत्रकार सम्मेलनमा प्रेषित वक्तव्यमा जेष्ठ १ गतेपछि संघीयता विरोधीहरुलाई फाँसी दिने धम्की दिनुका साथै राष्ट्रिय जनमोर्चाका अध्यक्ष एवं सभासद् चित्रबहादुर केसीको नाम पनि उल्लेख गरिएको थियो ।
थुनामा रहेका सभासद् श्यामसुन्दर गुप्ताले आफूलाई संविधानसभा बैठकमा भाग लिन आउने व्यवस्था मिलाउन सभामुखलाई पत्र(२०६९ वैशाख १३, बुधवार)
अपहरणको आरोपमा थुनामा रहेका सभासद् श्यामसुन्दर गुप्ताले सभामुख सुवासचन्द्र नेम्वाङलाई पत्र लेखी आफूलाई संविधानसभा बैठकमा भाग लिन आउने व्यवस्था मिलाउन लिखित निवेदन दिएका छन्। डिल्लीबजार, सदरखोरमा 'अपहरण तथा शरीर बन्धक मुद्दा' खेपिरहेका उनको पत्रलाई कारागार कार्यालयले 'कभरिङ लेटर' सहित संविधानसभा सचिवालय पठाएका हुन्।
जातीय पहिचानसहितको संघीय राज्यको माग गर्दै जनजाति महासंघद्धारा थप आन्दोलन घोषणा(२०६९ वैशाख १३, बुधवार)
जातीय पहिचानसहितको संघीय राज्यको माग गर्दै आयोजना गरेको पहिलो चरणको कार्यक्रम सकिएपछि नेपाल आदिवासी जनजाति महासंघले थप कार्यक्रमहरु घोषणा गरेको छ । महासंघका अध्यक्ष राजकुमार लेखीले मंगलबार जारी गरेको बिज्ञप्ति अनुसार यही वैशाख १५ देखि २० गतेसम्म आफुहरुले उठाएको मागका सम्बन्धमा पर्चा अपिल वितरण गर्ने, वैशाख २० देखि २९ गतेसम्म देशव्यापी विरोधसभा गरी यसका बिरुद्धमा लागेका नेताहरुको सम्बन्धमा भण्डाफोर अभियान चलाउने।
माओवादी मोहन बैद्य पक्षद्धारा वाइसीएलजस्तै जनस्वयंसेबक ब्युरो गठन(२०६९ वैशाख १३, बुधवार)
माओवादी उपाध्यक्ष मोहन बैद्य पक्षले वाइसीएलजस्तै जनस्वयंसेबक ब्युरो गठन गरेको छ । बैद्य पक्षको अघोषित केन्द्रीय कार्यालय कुपन्डोलमा भएको भेलाले स्थायी समिति सदस्य नेत्रबिक्रम चन्द इञ्चार्ज तोकी ब्युरो बनाएको हो । उपाध्यक्ष मोहन बैद्य, महासचिब रामबहादुर थापालगायतका नेताको उपस्थितिमा ब्युरो गठन गरिएको हो । केही महिना अघि यो ब्युरो गठन भए पनि वाइसीएलका नेताहरुले बिरोध गरेका कारण निश्क्रिय भएको थियो ।