arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
नेकपा एमाले र नेकपा माओवादी केन्द्रको संयुक्त बाम गठबन्धनको सरकार केपी शर्मा ओलीको नेतृत्वमा पाँच वर्ष चल्दा ठीक कि आधा समय अर्थात साढे २ वर्षपछि नेकपा माओवादी केन्द्रका पुष्पकमल दाहालको नेतृत्वमा पुन: आलोपालो सरकारको निरन्तरता दिन ठीक ?

आलोपालो ठीक
ओलीको निरन्तरता ठीक
थाहा भएन
हुनेवाला केही होइेन

भोट दिनुहोस् परिणाम हेर्नुहोस्
पुराना मत परिणामहरु
PropellerAds
बिज्ञापनहरु
 
राष्ट्रिय समाचार
भारतमा लगेर दिदीवहिनी विक्री गर्नेलाई ३५ वर्ष कैद / पत्नीको बलत्कार पछि हत्या गराउनेलाई ३५ बर्ष कैद(२०६९ आषाढ २०, बुधवार)
श्रीमतीको हत्या गरेको ठहर गर्दै एक युवकलाई पनि जिल्ला अदालत मकवानपुरले ३५ वर्ष कैद गर्ने फैसला गरेको छ । घटनामा संलग्न तीन युवकलाई जनही ४४ वर्ष कैद गर्ने फैसलासमेत गरेको छ । जिल्ला न्यायाधीश टेकनारायण कुँवरको इजलाशले जेठी श्रीमतीको हत्या गर्न आदेश दिएको र योजना बनाएको ठहर गर्दै छतिवन ९ का ३८ वर्षीय सेतेमान बललाई कैद गर्ने फैसला गरेको हो । हत्या गर्न आदेश दिएकोमा २० वर्ष र योजना बनाएकोमा १५ वर्ष गरी ३५ वर्ष कैद गर्ने फैसला गरेको अदालतले जनायो ।
बुटवल कालिकानगरमा सवारी दुर्घटना / १ महिलाको मृत्‍यु (२०६९ आषाढ १९, मंगलवार)
सिदार्थ राजमार्ग अन्तर्गत बुटवलको कालिकानगरमा सवारी दुर्घटना भएको छ । दुर्घटनामा पारी स्कुटीमा सवार गीता पाण्डेको घटना स्थलमै मृत्‍यु भएको छ । विपरित दिशा बाट आएको ट्याक्टरको ठक्करबाट  लु १२ प ८४६६ नंको स्कुटीमा सवार गिता पाण्डेको मृत्यु भएको खुल्न आएको छ ।
हङकङ सरकारद्वारा नेपाली महिलालाई अवार्ड(२०६९ आषाढ १९, मंगलवार)
सामुदायिक सेवामा सकृय योगदान गरेवापत हङकङ सरकारले अरुणा गुरुङलाई 'चिफ एक्ज्युकेटिभ कोमेन्डेसन फर कम्युनिटी सर्भिस' अवार्डले सम्मान गरेको छ । हङकङ स्थापना दिवसको १५ औं वाषिर्कीका अवसरमा उक्त घोषणा भएको हो । घोषित अवार्ड चीनको राष्ट्रिय दिवसका दिन अक्टुबर १ मा हङकङका कार्यकारी प्रमुख (चिफ एक्ज्युकेटिभ) ले प्रदान गर्नेछन् ।सामुदायिक सेवावापत कुनै पारिश्रमिक भने नपाइने उनले जनाइन् । पेशाले उनी दुई दसक बढी समयदेखि हङकङ मुख्यालय रहेको अन्तर्राष्ट्रिय विमान कम्पनी ड्रागन एयरकी 'इनफ्लाईट सर्भिस (क्याविन क्रु) म्यानेजर' हुन् ।
आज गुरुपूणिमा देशभरमा गुरुप्रति श्रदा र सम्मान प्रकट गर्दै गुरुपूणिर्मा मनाइदै(२०६९ आषाढ १९, मंगलवार)
आज असार शुक्लपक्षको गुरुपूणिमा  तिथि अर्थात गुरुपूणिमा , देशभरमा गुरुप्रति श्रद्वा र सम्मान प्रकट गर्दै गुरुपूणिर्मा मनाइदैछ ।प्राचीनकालको गुरुकुल शिक्षाबाट सुरु भएको यस पर्वमा विद्यार्थीहरुले आफूलाई विद्या,विनय र शिष्टता प्रदान गर्न औपचारिक तथा अनौपचारिक रुपमा भूमिका निर्वाह गर्ने गुरुलाई सकेजति सम्मान गर्ने परम्परा चलिआएको छ । आफ्ना गुरुहरुलाई उपहार दिने वा भेटेर आजको दिन सम्मान प्रकट गर्ने परम्परा भए पनि पछिल्ला वर्षहरुमा भने विद्यार्थी र गुरुबीचको सम्वन्धको महत्व घट्दै गएको छ ।
दार्चुलाको ग्वानीमा भएको बस दुर्घटनामा ८ जनाको मृत्यू, २७ जना घाइते(२०६९ आषाढ १९, मंगलवार)
मंगलबार बिहान ५ बजेतिर दार्चुलाको ग्वानी गाविसमा भएको बस दुर्घटनामा ८ जनाको मृत्यू भएको छ । २७ जना घाइते छन् । धनगढीबाट दार्चुला जादै गरेको ना ४ ख ६६०८ नम्बरको रात्री बस ग्वानी-५ बगजीवेलामा सडकबाट दुईसय मिटर तल खसेको हो । प्रहरी र स्थानीयले उद्धार गरिरहेका छन् । घाईतेलाई अस्पताल पुर्‍याएको छ । उद्धार जारी भएकाले घाइते र मृत्यू भएकाको संख्या थप हुन सक्ने प्रहरी नायब उपरीक्षक दुवबहादुर बोकटीले बताए ।
प्राविधिक सीपको आवश्यकता बढ्दो(२०६९ आषाढ १९, मंगलवार)
काठमाडौ, १८ असार पर्याप्त जनशक्ति भएको हाम्रो देशमा प्राविधिक सीप सम्बन्धित तालिम अत्यावश्यक भएको सम्बन्धित क्षेत्रका जानकारहरुले बताएका छन् ।
सर्लाहीको मुसौलीमा बम विस्फोट, एक गम्भिर घाइते(२०६९ आषाढ १९, मंगलवार)
सर्लाही, १९ असार सर्लाही वडा नं ७ को मुसौलीमा आज विहान पे्रसरकुकर बम विस्फोट हुदाँ एक जना गम्भिर घाइते भएका छन् ।
कांग्रेस र नेकपा-माओवादीको उच्च नेतृत्वबीच सरकारलाई बजेट ल्याउन नदिन र तत्काल सरकार ढाल्न मोर्चाबन्दी(२०६९ आषाढ १८, सोमवार)
नेपाली कांग्रेस र नेकपामाओवादीको उच्च नेतृत्वबीच सरकारलाई बजेट ल्याउन नदिन र तत्काल सरकार ढाल्न मोर्चाबन्दी हुने भएको छ । कांग्रेस सभापति सुशील कोइराला निवासमा डेढ घन्टा भएको कुराकानीमा दुवै थरी नेताहरु यस्तो निष्कर्षमा पुगेका हुन् । कोइराला निवासमा आज दिउँसो माओवादी अध्यक्ष मोहन वैद्य, महासचिव रामबहादुर थापा, सचिव देव गुरुङगायत नेता पुगेका थिए । उनीहरुले कामचलाउ सरकारलाई कुनै पनि हालतमा बजेट ल्याउन नदिने र ल्याए मिलेर प्रतिवाद गर्ने सहमति समेत गरेका छन् ।
केन्द्रीय कार्यालय पेरीस डाँडाँ लगायत देशभरका जिल्ला कार्यालयमा कब्जा गर्ने नेकपा-माओवादीका गजुरेलको चेतावनी(२०६९ आषाढ १८, सोमवार)
VIDEO: नेकपामाओवादीका उपाध्यक्ष सीपी गजुरेलले प्रधानमन्त्री डा. बाबुराम भट्टराईलाई सडकबाटै बर्खास्त गर्न संयुक्त मोर्चाबन्दी बनाएर आन्दोलनमा जानुको विकल्प नभएको बताएका छन ।
सहमतिमा पूर्ण बजेट ल्याउन पहल गर्न उद्योग वाणिज्य महासंघको आग्रह(२०६९ आषाढ १८, सोमवार)
नेपाल उद्योग वाणिज्य महासंघले एकीकृत माओवादीका अध्यक्ष पुष्पकमल दाहालसँग सहमतिमा पूर्ण बजेट ल्याउन पहल गर्न आग्रह गरेको छ । महासंघका पदाधिकारी र एमाओवादी अध्यक्ष दाहालवीच आज काठमाडौंमा भएको छलफलका क्रममा उद्योगी, व्यवसायीले पूर्ण बजेटमा जोड दिएका हुन् । जवाफमा अध्यक्ष दाहालले वजेट सहमतिमै आउने भन्दै आफूले त्यसका लागि पहल गरिरहेको बताए ।
आफै सरकारमा रहेको बेला एकीकृत माओवादीद्धारा चितवन जिल्ला बन्द(२०६९ आषाढ १८, सोमवार)
आफै सरकारमा रहेको बेला एकीकृत माओवादीले आज चितवन जिल्ला बन्द गराएको छ । बन्दका कारण चितवनको जनजीवन बिहानैदेखि प्रभावित बनेको छ । बन्दका कारण यातायातका साधन चल्न सकेको छैन भने शैक्षिक संस्था र बजार ठप्प बनेको छ । विहानैदेखि एकीकृत माओवादीका कार्यकर्ता चोक चोकमा बसेर प्रदर्शन गरिरहेका छन् । चितवनस्थित कार्यालय प्रयोगबारे गत शनिबार एकीकृत नेकपा माओवादी र नवगठित नेकपामाओवादीका कार्यकर्ताबीच झडप हुँदा एक दर्जनभन्दा बढी कार्यकर्ता घाइते भएका थिए भने दर्जनौ मोटरसाइकल तोडफोड भएको थियो ।
नेपाली कांग्रेसका पूर्व सभापति एवं पूर्व प्रधानमन्त्री गिरिजाप्रसाद कोइरालाको ८९ औं जन्मजयन्ती आज(२०६९ आषाढ १८, सोमवार)
नेपाली कांग्रेसका पूर्व सभापति एवं पूर्व प्रधानमन्त्री गिरिजाप्रसाद कोइरालाको ८९ औं जन्मजयन्ती आज कांग्रेसले विभिन्न कार्यक्रम गरी मनाउँदैछ । राजधानीमा जन्मजयन्तीसम्बन्धि विभिन्न कार्यक्रम गरिँदैछ । जिल्लाहरुमा पनि कार्यक्रम गरिँदै छ । भारत निर्वासनमा रहेकै बेला वि सं १९८१ सालमा कृष्णप्रसाद कोइराला र दिब्या कोइरालाको पुत्रका रुपमा बिहार राज्यको टेडी शहरमा आजकै दिन उहाँको जन्म भएको थियो । बाल्यकाल भारतमै बिताएका कोइरालाको विद्यालय शिक्षा विराटनगरमा र त्यसपछिको शिक्षा भारतमै भएको थियो ।
काठमाडौं महानगरपालिका र यातायात व्यवसायीबीच भदौ १ गतेदेखि रात्रिबस सञ्चालन गर्ने सम्झौता(२०६९ आषाढ १८, सोमवार)
काठमाडौं महानगरपालिका र यातायात व्यवसायीबीच भदौ १ गतेदेखि रात्रिबस सञ्चालन गर्ने सम्झौता भएको छ । महानगरपालिका र नेपाल यातायात व्यवसायी राष्ट्रिय महासंघबीच रत्नपार्कलाई मुख्य केन्द्रविन्दु बनाएर रात्रिबस सञ्चालन गर्ने सम्झौता भएको हो । राति ८ बजेदेखि ११ बजेसम्म बस सञ्चालन गरिनेछ । महानगरका कार्यकारी अधिकृत केदारबहादुर अधिकारीले २६ सिटभन्दा बढी क्षमताका १४ वटा बस सञ्चालन गर्ने तयारी भएको बताए । एकै प्रकारका र उस्तै रङका बस सञ्चालन गर्ने उनले बताए ।
शान्ति तथा पुनःनिर्माणमन्त्री टोपबहादुर रायमाझीद्धारा विनाविकल्प वर्तमान सरकार नहट्ने स्पष्ट(२०६९ आषाढ १७, आइतवार)
शान्ति तथा पुनःनिर्माणमन्त्री टोपबहादुर रायमाझीले विनाविकल्प वर्तमान सरकार नहट्ने बताएका छन्। उनले सडकबाट राजीनामा माग्दैमा सरकार नहट्ने स्पष्ट पारे। राष्ट्रिय सरकारका लागि माग गरिएको हो भने विकल्पसहित छलफलमा आउनुपर्ने उनको तर्क थियो। राजधानीमा आयोजित साक्षात्कार कार्यक्रममा मन्त्री रायमाझीले सडकबाट राजीनामा माग्नु प्रतिपक्षको धर्म भए पनि प्रधानमन्त्रीले विना विकल्प राजीनामा नदिने बताए।
एमालेद्धारा अब बन्ने सरकारको प्रधानमन्त्रीका लागि छिटो नाम दिन कांग्रेस सुशील कोइरालालाई आग्रह (२०६९ आषाढ १७, आइतवार)
नेकपा एमालेका अध्यक्ष झलनाथ खनालले अब बन्ने सरकारको प्रधानमन्त्रीका लागि छिटो नाम दिन कांग्रेस सभापति सुशील कोइरालालाई आग्रह गर्नुभएको छ । एमाले अध्यक्ष खनाललाई भेट्न उहाँको काठमाडौं डल्लुस्थित निवासमा पुग्नु भएका कांग्रेस सभापति कोइरालासंगको छलफलपछि खनालले यस्तो बताउनु भएको हो । भेटपछि कांग्रेस सभापति कोइरालाले पार्टीमा छलफल गरेर छिट्टै नयाँ प्रधानमन्त्रीको नाम दिने बताउनु भएको थियो ।
पूर्वराजा ज्ञानेन्द्र शाह पाँच दिने धार्मिक भ्रमणका लागि भैरहवामा(२०६९ आषाढ १७, आइतवार)
पूर्वराजा ज्ञानेन्द्र शाह धार्मिक भ्रमणका लागि आइतबार भैरहवा पुगेका छन् । पाँच दिने भ्रमणका लागि भैरहहवा गएका ज्ञानेन्द्रले नवलपरासी, कपिलवस्तु र रुपन्देहीका विभिन्न धार्मिक स्थलहरुको भ्रमण गर्ने कार्यक्रम छ । भैरहवामा पूर्वराजाको भव्य स्वागत भएको छ । उनको स्वागतका लागि विभिन्न स्थानमा स्वागतद्वार बनाइएका छन् । गौतम बुद्ध विमानस्थलमा सयौं शुभेच्छुक ज्ञानेन्द्रको स्वागतका लागि पुगेका थिए ।
मधेसी जनअधिकार फोरम (गणतान्त्रिक)कमा नेतृत्व विवाद, कार्यवाहक अध्यक्ष राजकिशोर यादवलाई हटाइयो(२०६९ आषाढ १७, आइतवार)
मधेसी जनअधिकार फोरम (गणतान्त्रिक)कमा नेतृत्व विवाद फेरि चर्किएको छ । गणतान्त्रिकका कार्यवाहक अध्यक्ष राजकिशोर यादवलाई बहुमत केन्द्रीय सदस्यले हटाएको घोषणा गरेका छन् । अध्यक्ष जेपी गुप्ता भ्रष्टाचार मुद्दामा जेल परेपछि पार्टीका सहअध्यक्ष यादवलाई पार्टीको कार्यवाहक अध्यक्षको जिम्मेवारी दिइएको थियो । गुप्ताले सम्हाल्दै आएको सूचना तथा सञ्चार मन्त्रालय पनि यादवकै पोल्टामा परेको थियो । बरिष्ठ नेता राजलाल यादवले राजकिशोरले कार्यवाहक अध्यक्षको जिम्मेवारी पूरा गर्न नसकेको भन्दै हटाएको दाबी गरे । नन्दनकुमार दत्तलाई उक्त जिम्मेवारी दिइएको उनको भनाइ छ ।
उद्योग वाणिज्य महासंघले दलीय सहमतिमा बजेट ल्याउँन दबाव दिँदै(२०६९ आषाढ १७, आइतवार)
काठमाडौं, १७ असार समयमा बजेट ल्याउँन दलीय सहमति जरुरी रहेको भन्दै उद्यागी(व्यवसायिकहरुले विभिन्न दलहरुका प्रमुख नेतालाई भेट्दै छन् ।
एकीकृत माओवादी फुटेपछि पहिलोपटक प्रधानमन्त्री भट्टराईद्धारा नवगठित नेकपा-माओवादीका अध्यक्ष मोहन वैद्यसँग भेट (२०६९ आषाढ १७, आइतवार)
एकीकृत माओवादी फुटेपछि पहिलोपटक प्रधानमन्त्री बाबुराम भट्टराईले नवगठित नेकपामाओवादीका अध्यक्ष मोहन वैद्यसँग भेट गरेका छन् । दुई माओवादीका कार्यकर्ताबीच देशका विभिन्न ठाउँमा भीडन्त भइरहेकाबेला एकीकृत माओवादीका उपाध्यक्षसमेत रहेका भट्टराईले वैद्यलाई भेटेका हुन् । शनिबार राति वैद्य निवास गोंगबुमा भएको भेटमा पार्टी एकता, राजनीतिक गतिरोधको निकासलगायतका विषयमा छलफल भएको प्रधानमन्त्रीका स्वकीय सचिव विश्वदीप पाण्डेले जानकारी दिए ।राजनीतिक निकासका लागि परामर्स गरिरहेका प्रधानमन्त्रीले शनिबार साँझ नै मधेसी जनअधिकार फोरम नेपालका अध्यक्ष उपेन्द्र यादवसँग भेट गरे ।
माओवादी र काँग्रेसले देशलाई अगुवाई गर्ने अवस्था सकिएको झलनाथ खनालको भनाई(२०६९ आषाढ १६, शनिवार)
नेकपा एमालेका अध्यक्ष झलनाथ खनालले माओवादी र काँग्रेसले देशलाई अगुवाई गर्ने अवस्था सकिएको बताएका छन । माओवादीले उग्रबामपन्थको र काँग्रेसले यथास्थितिवादको प्रतिनिधित्व गर्ने भएकाले ती दुई पार्टीले अब राष्ट्रको प्रतिनिधित्व गर्ने समय सकिएको उहाँले बताए । उग्रपन्थ र दक्षिणपन्थ विरुद्धको संघर्षलाई जारी राख्दै अब एमाले नयाँ उदीयमान शक्तिको रुपमा स्थापित हुने खनालले ठोकुवा गरे ।
सरकारले सयौंको संख्यामा प्रहरी परिचालन गरी काठमाडौको लाजिम्पाट-बुढानीलकण्ठ सडक विस्तार(२०६९ आषाढ १६, शनिवार)
लैनचौरबुढानीलकण्ठ सडक विस्तार गर्न सरकारले लगायो विहानैदेखि डोजरसरकारले आज विहानैदेखि काठमाडौको लाजिम्पाटबुढानीलकण्ठ सडक विस्तार थालेको छ । ठूलो संख्यामा प्रहरी उतारेर सरकारले सडक किनाराका घरटहरा भत्काएको छ । सडक विस्तारका लागि पटकपटक भएका प्रयास स्थानीयवासीको अवरोधका कारण विफल भएपछि आज विहानै सयौंको संख्यामा प्रहरी परिचालन गरी बाटो विस्तार थालिएको हो । उपत्यका विकास प्राधिकरणले महाराजगञ्जस्थित नारायणगोपाल चोक र लैनचौरको खानी विभाग अगाडिबाट डोजर लगाएर घर भत्काइएको हो ।
एकीकृत माओवादी र नव गठित नेकपा-माओवादीका कार्यकर्ताबीच चितवनमा झडप(२०६९ आषाढ १६, शनिवार)
एकीकृत नेकपा माओवादी र नव गठित नेकपामाओवादीका कार्यकर्ताबीच चितवनमा झडप हुँदा पाँच जना घाईते भएका छन् । घाईते हुनेमा नेकपामाओवादी समर्थित होमबहादुर खड्का र लालसिंह सिंहलगायत छन् । चितवन पार्टी कार्यालय वैद्य पक्षीय माओवादीको नियन्त्रणमा रहेकोमा आज एकीकृत नेकपा माओवादीले कार्यालय लिन खोजेपछि झडप भएको बताइएको छ । एकीकृत माओवादीले आज सोही कार्यालयमा जनवर्गीय संगठनको अन्तरक्रिया गर्न खोजेपछि तनाव भएको हो ।
राष्ट्रिय सहमतिको निम्ति कांग्रेसले गरेको प्रस्तावलाई सत्तारुढ मधेसी मोर्चाका दुई घटकका नेताहरुद्धारा अस्वीकार(२०६९ आषाढ १६, शनिवार)
सहमतीय सरकार निर्माणको लागि प्रधानमन्त्री बाबुराम भट्टराईको राजीनामाको माग गरिरहेको कांग्रेसका सभापति सुशील कोइरालाले बिहीबार र शुक्रबार मोर्चाका दुई घटकका नेताहरुसंग छलफल गरेका छन्। तर मोर्चाका नेताहरुले संघीयता र संविधानका विषयमा समझदारी नभएसम्म वर्तमान सरकार परिवर्तन गरेर सहमतिको सरकार बन्न नसक्ने बताए। राष्ट्रिय सहमतिको सरकार गठनको माग गरिरहेको नेपाली कांग्रेसका सभापति सुशील कोइरालाले शुक्रबार मोर्चाको एक घटक सदभावना पार्टीका अध्यक्ष एवं मन्त्री राजेन्द्र महतोलाई भेटेर सहमतिको आधारमा अघि बढ्न आग्रह गरेको बताइएको छ।
नेकपा-माओवादीका मोहन वैद्यद्धारा एकीकृत माओवादीसँगको सम्बन्धविच्छेदलाई स्वाभाविक रूपमा लिन आग्रह(२०६९ आषाढ १५, शुक्रवार)

नेकपा-माओवादीका अध्यक्ष मोहन वैद्यले एकीकृत नेकपा (माओवादीसँग)को सम्बन्धविच्छेदलाई स्वाभाविक रूपमा लिन आग्रह गरेका छन् । इच्छुक सांस्कृतिक प्रतिष्ठानको भवनको शुक्रबार राजधानीमा शिलान्यास गदै वैद्यले एकता, सङ्घर्ष, रूपान्तरण र सम्बन्धविच्छेद मार्क्सवादी मान्यताअनुरूप मूल नेतृत्व रूपान्तरण हुन तयार नभएपछि एकीकृत नेकपा (माओवादी)सँग सम्बन्धविच्छेद गर्दै नयाँ पार्टीको जन्म भएको प्रष्ट पारे ।

बाबुराम भट्टराई सरकारले विद्युत् महसुलमा २० प्रतिशतले मूल्य बढाउने(२०६९ आषाढ १५, शुक्रवार)
बाबुराम भट्टराई सरकारले साउनदेखि लागू हुने गरी विद्युत् महसुलमा २० प्रतिशत मूल्य बढाएको छ । विद्युत् महसुल निर्धारण आयोगले महसुल बढाउने निर्णय गरेको हो । आयोगले २० युनिटभन्दा कम खपत गर्ने ग्राहकले तिर्नुपर्ने दर भने यथावत् राखेको छ । २० युनिटभन्दा बढी उपभोग गर्नेले बिजुलीको महसुल उपभोगका अधारमा बढी तिर्नुपर्ने छ । 'साउन १ गतेदेखि औसत २० प्रतिशतका दरले बिजुली महसुल बढ्यो,' आयोगका सदस्य पशुपति मुरारकाले भने ।
तनहुँको जामुने र बाग्लुङमा अविरल बर्षापछि आएको पहिरोले ९ जना पुरिए(२०६९ आषाढ १५, शुक्रवार)
तनहुँको जामुने र बाग्लुङमा अविरल बर्षापछि आएको पहिरोले ९ जना पुरिएका छन् । तनहुँको जामुने १ ट्याम्केमा पहिरोले पुरिएर सात जनाको मृत्यु । बिहीबार साँझदेखि परेको अविरल बर्षा पछि राती आएको पहिरोले स्थानीय शाहीबहादुर बिकको घर बगाउँदा उनकी श्रीमति २४ बर्षकी रुपा बिक, छोरी आठ बर्षकी पूणिर्मा बिक र रुपाकी बहिनी देवीमाया विक रहेको जिल्ला प्रहरी कार्यालय तनहुँले जनाएको छ । सोही पहिरोमा पछि छिमेकीहरु २० बर्षकी शुष्मा विक, उनकी छोरी रेखा विक त्यस्तै १५ बर्षका दुर्गा विक र १६ बर्षकी सम्झना विक रहेको बताईएको छ ।
बाबुराम भट्टराई सरकारले सवारी साधनमा भाडा बढाउने(२०६९ आषाढ १५, शुक्रवार)
यातायात व्यवस्था विभागले सार्वजनिक सवारी साधनको भाडा बढाउने निर्णय गरेको छ । विभागले डिजेलबाट चल्ने यात्रुवाहक सवारी साधन भाडा ३ दशमलव ७५ प्रतिशत र मालबाहकमा ४ देखि ४ दशमलव ५ प्रतिशतले भाडा बढाउने निर्णय गरेको छ । विभागले निर्णयलाई आइतवार यातायात मन्त्रालयमा पठाउने भएको छ । मन्त्रालयबाट विभागको निर्णयमा सहमती भए पछि नया भाडादर लागु हुनेछ । तिन महिनाको अवधिमा डिजेलको मुल्य उच्चदरले बढेकाले भाडा बढाउन लागिएको विभागले जनाएको छ । यसअघि गत चैतमा पनि सार्वजनिक सवारीको भाडा बढाइएको थियो ।
अवकास प्राप्त माओवादी लडाकुहरु नेकपा माओवादी(बैद्य पक्ष) तर्फ(२०६९ आषाढ १४, विहीवार)
अवकास प्राप्त माओवादी लडाकुहरु मध्ये अधिकांस नेकपा माओवादी(बैद्य पक्ष) तर्फ संगठित हुन थालेका छन् । संस्थापन पक्षको कृयाकलाप प्रति असन्तुष्ट रहँदै आएका लडाकुहरु खुलेरै संगठित हुन थालेका हुन् । गाउँ गाउँमा छरिएर रहेका पूर्व लडाकु साथीहरुसँग भेटघाट तिब्र पारिएको हाल जिल्ला स्वम्सेवकका जिल्ला अध्यक्ष पदम केसी (जुझारु)ले बताए ।
कीर्तिपुररमा प्रधानमन्त्री भट्टराईलाई नेविसंघ र अनेरास्वियूका विद्यार्थीद्धारा कालो झन्डा(२०६९ आषाढ १४, विहीवार)

त्रिभुवन विश्वविद्यालय दिवसको समारोहलाई सम्बोधन गर्न कीर्तिपुर पुगेका प्रधानमन्त्री बाबुराम भट्टराईलाई नेविसंघ र अनेरास्वियूका विद्यार्थीले कालो झन्डा देखाएका छन्। त्रिविको कूलपति समेत रहेका प्रधानमन्त्री भट्टराई आउने थाहा पाएपछि विद्यार्थीले कालो झन्डा देखाउने तयारी गरेका थिए। प्रधानमन्त्रीलाई कालो झन्डा देखाउने ८ जना नेविसंघ कार्यकर्तालाई प्रहरीले पक्राउ गरेको नेविसंघ नेता रञ्जित कर्णले बताए। यता त्रिपन्नौँ वार्षिक दिवसका अवसरमा प्रधानमन्त्री भट्टराईले विश्वविद्यालय हाताभित्र झन्डोत्तोलन गरेका छन्।

सरकारले दलहरुबीच सहमति भए सहमतिकै आधारमा नभए वैकल्पीक उपायबाट भएपनि पूर्ण बजेट नै ल्याउने(२०६९ आषाढ १४, विहीवार)
सरकारले दलहरुबीच सहमति भए सहमतिकै आधारमा नभए वैकल्पीक उपायबाट भएपनि पूर्ण बजेट नै ल्याउने बताएको छ । प्रधानमन्त्री डाक्टर बाबुराम भट्टराईले बजेट नल्याए राजनीतिसँगै आर्थिक क्षेत्र पनि प्रभावित हुने भएकाले पूर्ण बजेट नै अनिवार्य रहेको बताएका छन् । बजेटका विषयमा छलफल गर्न गएको उद्योग बार्णिज्य महासंघको टोलीसँग प्रधानमन्त्री भट्टराईले सहमतिमै बजेट ल्याउने विषयमा दलहरुलाई दवाव दिन महासंघलाई आग्रह गरे । बजेट नियमित प्रक्रिया भएकाले सरकार कामचलाउ भइसकेकाले बजेट ल्याउन मिल्दैन भन्ने भनाईमा कुनै तुक नरहेको पनि प्रधानमन्त्रीले बताए ।
http://go.oclaserver.com/afu.php?zoneid=1465736