arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
निर्वाचन क्षेत्र निर्धारण आयोगले प्रतिवेदन बुझायो, कहाँ कति क्षेत्र?(२०७४ भाद्र १४, बुधवार)
संविधानअनुसार निर्वाचन क्षेत्र पुनर्निर्धारण गर्न सरकारद्वारा गठित निर्वाचन क्षेत्र निर्धारण आयोगले आज प्रतिवेदन बुझाएको छ। आयोगका तर्फबाट कमल नारायण दासले प्रधानमन्त्री देउवालाई प्रतिवेदन बुझाएका हुन्। २४० वटा निर्वाचन क्षेत्रलाई घटाएर १६५ मा सिमित पार्ने जिम्मा पाएको आयोगले काम सकेर बुधबार साँझ प्रधानमन्त्री निवास बालुवाटरामा प्रतिवेदन बुझाएको हो।
भाइरलका कारण कास्की कारागारमा रहेका ५० कैदी एकै पटक बिरामी(२०७४ भाद्र १३, मंगलवार)
भाइरलका कारण कास्की कारागारमा रहेका ५० कैदी एकै पटक बिरामी परेका छन् । ज्वरो आउने, रुघाखोकी लाग्ने र वान्ता आउने भएपछि भाइरलले बिरामी भएका हुन् । उनीहरूको पश्चिमाञ्चल अस्पतालमा उपचारका लागि लगेको कारगार प्रमुख हरि प्रसाद गौतमले जानकारी दिए ।
लुम्बिनी एक सातादेखि अन्धकारमय (२०७४ भाद्र १३, मंगलवार)
विश्व शान्तिको केन्द्र बुद्ध जन्मस्थल लुम्बिनी एक सातादेखि अन्धकारमय बनेको छ । धेरै भार थाम्न नसकी ट्रान्सफर्मर पड्किएपछि लुम्बिनी क्षेत्र अन्धकारमय बनेको हो । अघिल्लो शनिबार ट्रान्सफर्मर पड्किएपछि अन्धकारमय बनेको पर्यटकीय नगरी लुम्बिनी अहिलेसम्म पनि अन्धकारमय छ । लुम्बिनी आसपासका क्षेत्रमा वैकल्पिक वितरण केन्द्रबाट बिजुली पु¥याइएको भए पनि पर्यटकीय क्षेत्र भने अन्धकार छ ।
बारामा निर्वाचनको सरगर्मी ह्वात्तै बढ्यो(२०७४ भाद्र १३, मंगलवार)
सबै मधेसी दलहरु आसन्न स्थानीय तह निर्वाचनमा सहभागी हुने भएपछि बारामा निर्वाचनको सरगर्मी ह्वात्तै बढेको छ । सातायता निर्वाचन कार्यालयले सरोकारवालासँग समन्वय गरी बैठक, छलफल परामर्शलाई तीव्रता दिँदै प्राविधिक काम पनि गरिरहेको छ ।

अनेरास्वबियू छैठौंले भदौ २३ र २४ गते पाँच नम्बर प्रदेशको प्रथम भेला गर्ने(२०७४ भाद्र १२, सोमवार)
राष्ट्रिय जनमोर्चा निकटको अनेरास्वबियू छैठौंले यहि भदौ २३ र २४ गते पाँच नम्बर प्रदेशको प्रथम भेला गर्ने भएको छ ।भेला आयोजक समितिको बुटवलमा सम्पन्न भएको बैठकले प्रत्येक जिल्लामा सांगठनिक तथा बिद्यार्थी जागरण अभियान संचालन गर्नको निम्ती भदौ २३ र २४ गते दाङ्गको लालमटियामा बिशेष प्रशिक्षण भेला गर्ने निर्णय गरेको अखिल छैठौं पाँच नम्बर प्रदेश संयोजक गोपाल प्रसाद भट्टराईले बताउनुुभएको छ । 
ताप्लेजुङमा हत्यारा पत्ता लगाउन माग गदै महिला आन्दोलित(२०७४ भाद्र ११, आइतवार)
ताप्लेजुङको निघुरादिनकी सिर्जना कुरुम्बाङ थलङको हत्याको विषयलाई प्रहरीले गम्भीरताका साथ नलिएको भन्दै ताप्लेजुङका महिला आन्दोलित भएका छन् । गत असार ३० गते घरनजिकैको मकैबारीमा मृत अवस्थामा भेटिएकी सिर्जनाको हत्यारालाई अहिलेसम्म प्रहरीले पत्ता लगाउन नसकेको भन्दै अन्तरपार्टी महिला सञ्जाल नेतृत्वका महिलाहरु आन्दोलित बनेका हुन् ।
खोटाङमा भाइरल ज्वरोका बिमारीहरुको चाप(२०७४ भाद्र ११, आइतवार)
जिल्ला अस्पताल खोटाङमा भाइरल ज्वरोका बिमारीहरुको चाप बढेको छ । मौसम परिवर्तन भएसँगै जिल्ला अस्पतालमा शरीर दुख्ने, अधिक ज्वरो आउने, खाना खान मन नलाग्ने, टाउको दुख्नेलगायतका लक्षण देखिने भाइरल ज्वरोका बिरामीको चाप बढेको हो ।
संखुवासभामा ८ हजारभन्दा बढी नयाँ मतदाता थपिए(२०७४ भाद्र ११, आइतवार)
हिमाली पहाडी जिल्ला संखुवासभामा ८ हजारभन्दा बढी नयाँ मतदाता थपिएका निर्वाचन कार्यालय खाँदबारीले जनाएको छ । प्रदेशसभा र प्रतिनिधिसभा निर्वाचनका लागि निर्वाचन आयोगले संकलन गरेको फोटोसहितको मतदाता नामावलीमा ८ हजार ५७८ जनाले नयाँ नामावली दर्ता गराएका छन् ।
बबईको तटीय क्षेत्रमा त्रास कायमै (२०७४ भाद्र १०, शनिवार)
बारबर्दिया डुग्रवाका राजाराम चौधरी आकाशमा बादल लाग्नासाथ झस्किन्छन् । पानी पर्ने र फेरि बाढी आउने चिन्ताले उनलाई सताउँछ । गुलरिया नगरपालिकास्थित बालापुरका दयाराम थारूले पनि पानी पर्नासाथ बाढीको डरले सताउने गरेको बताए । साउन २८ मा आएको बाढीको पीडामा रहेका तटीय क्षेत्रका बासिन्दालाई फेरि बाढी आउने हो कि भन्ने डरले सताउने गरेको छ । बबईमा जलस्तर घटे पनि तटीय क्षेत्रका बासिन्दा पानी परेको दिन जाग्राम बस्न बाध्य छन् ।
सोलुखुम्बुमा भालु नियन्त्रणको माग गर्दै जनप्रतिनिधिलाई दर्जनौं निवेदन(२०७४ भाद्र १०, शनिवार)
लामो समयको अन्तरालमा जनप्रतिनिधि पाएका नागरिकले जनप्रतिनिधिबाट कति धेरै अपेक्षा गर्छन् भन्ने कुरा सोलुखुम्बुका विभिन्न गाउँमा भालु नियन्त्रणका लागि स्थानीयवासीले दर्जनौँ निवेदन दिएको कुराबाट पुष्टि हुन्छ । यसबेला जिल्लाको विभिन्न वडा कार्यालयमा भालुलगायत जंगली जनावर नियन्त्रण गरिपाउँ भन्ने निवेदनको चाङ लाग्न थालेको छ ।
निर्वाचन आयोगद्वारा स्थानीय निर्वाचनमा दल पदाधिकारीको दस्तखतको नमूना पेस गर्न आग्रह (२०७४ भाद्र ९, शुक्रवार)
निर्वाचन आयोगले असोज २ गते हुने स्थानीय तहको निर्वाचनमा सम्बन्धित दलको पदाधिकारीको दस्तखतको नमूना पेस गर्न आग्रह गरेको छ । प्रमुख निर्वाचन आयुक्त अयोधीप्रसाद यादवको अध्यक्षतामा बिहीबार बसेको बैठकले यस्तो निर्णय गरेको हो । आयोगले उम्मेदवारको मनोनयनको औपचारिक पत्र प्रदान गर्न अधिकार पाएको सम्बन्धित दलको पदाधिकारीको नाम, थर र निजको दस्तखतको नमूना आयोगको केन्द्रीय कार्यालय कान्तिपथ काठमाडौँमा भदौ १३ गतेसम्म बुझाउन दलहरुलाई सूचितसमेत गरिएको आयोगका प्रवक्ता सूर्यप्रसाद शर्माले जानकारी दिए ।  
एमालेद्वारा प्रदेशसभा निर्वाचन प्रयोजनका लागि निर्वाचन आयोगमा दल दर्ता(२०७४ भाद्र ९, शुक्रवार)
नेकपा एमालेले प्रदेशसभा निर्वाचन प्रयोजनका लागि निर्वाचन आयोगमा दल दर्ता गरेको छ । एमाले उपाध्यक्ष बामदेव गौतमको नेतृत्वको टोली शुक्रबार आयोग पुगेर दल दर्ता गरेको हो । दल दर्तापछि उपाध्यक्ष गौतमले नेकपा एमाले प्रदेश निर्वाचनका लागि उत्साहका साथ लागिपरेको बताए ।
देउवाले मुलुकको शीर झुकाएको ओलीको आरोप(२०७४ भाद्र ९, शुक्रवार)
नेकपा एमालेका अध्यक्ष केपी शर्मा ओलीले प्रधानमन्त्री शेरबहादुर देउवाले मुलुकको शीर झुकाएको आरोप लगाएका छन् । भारत भ्रमणका क्रममा प्रसंगविहीन ढंगले संविधानको कुरा उठाएर देशको शीर झुकाएको उनले टिप्पणी गरेका हुन् । उपचारका लागि थाइल्यान्ड जानुअघि शुक्रबार त्रिभुवन अन्तर्राष्ट्रिय विमानस्थलमा पत्रकारहरुसँग ओलीले प्रधानमन्त्री देउवाले भारतमा संसदले गरेको फैसलाको धज्जी उडाएकाले देशको स्वाभिमानमा नै ठेस पुगेको उल्लेख गरे ।
प्रदेश नम्बर-२ को स्थानीय निर्वाचनको तयारी अन्तिम चरणमा(२०७४ भाद्र ८, विहीवार)
आगामी असोज २ गते हुने प्रदेश नम्बर-२ को स्थानीय तह निर्वाचनको तयारी अन्तिम चरणमा पुगेको छ । निर्वाचन आयोगले निर्वाचन अधिकृत तोक्नेदेखि मतपत्र छपाउनेसमेतको काम सम्पन्न गरिसकेको छ । तर, केही दिनअघि आएको बाढीले सडकहरु भत्काएपछि गाउँगाउँमा निर्वाचन सामग्री पुर्‍याउन कठिन भएको निर्वाचन आयोगले जनाएको छ ।
नेपाल र भारतबीच ८ वटा विषयका समझदारीपत्रमा हस्ताक्षर(२०७४ भाद्र ८, विहीवार)
नेपाल र भारतबीच ८ वटा विषयका समझदारीपत्रमा हस्ताक्षर भएको छ । नेपाल र भारतका प्रधानमन्त्री शेरबहादुर देउवा र नरेन्द्र मोदीको उपस्थितिमा बिहीबार समझदारीपत्रमा हस्ताक्षर र आदान-प्रदान गरिएको हो ।
काठमाडौंपछि मोरङमा ८२ हजार नयाँ मतदाताका लागि नाम दर्ता(२०७४ भाद्र ६, मंगलवार)
प्रतिनिधिसभा र प्रदेशसभा चुनावका लागि जिल्लामा ८१ हजार ८ सय ६२ जनाले नयाँ मतदाताका लागि नाम दर्ता गराएका छन् । काठमाडौंपछि सबभन्दा बढी यहाँ नै नयाँ मतदाताका लागि नाम दत्र्ता भएको हो । निर्वाचन कार्यालयमा कार्यरत कर्मचारीहरुले माघ महिनादेखि शनिबार समेत बिदामा बस्न पाएका छैनन् । मतदाता नामावलीमा नाम लेखाउनेको भीडका कारण उनीहरुले बिदा नपाएका हुन् । 
मन्त्रिमन्डल ५० सदस्यीय पुग्यो (२०७४ भाद्र ६, मंगलवार)
प्रधानमन्त्री शेरबहादुर देउवाले फेरि मन्त्रिमन्डल विस्तार गरेका छन् । उनले मंगलबार आफ्नो पार्टी नेपाली कांग्रेसबाट १२ र नेपाल लोकतान्त्रिक फोरमबाट तीनजना राज्यमन्त्री थप गरेका हुन् । मन्त्रिमन्डल थपिएका राज्यमन्त्रीहरुलाई प्रधानमन्त्री देउवाले मंगलबारै पद तथा गोपनीयताको शपथग्रहणसमेत गराएका छन् ।
बाढी र डुबानका कारणले क्षति भएको भौतिक संरचनाको तत्काल निर्माण गरी जनजीवन सहज बनाउन निर्देशन(२०७४ भाद्र ६, मंगलवार)
व्यवस्थापिका-संसदको विकास समितिले हालैको बाढी र डुबानका कारणले भएको भौतिक पूर्वाधारको क्षति र निर्माणसम्बन्धी एकीकृत कार्ययोजना प्रतिवेदन समितिमा पेस गर्न सरकारलाई निर्देशन दिएको छ । हालैको अविरल वर्षापछिको बाढी, पहिरो र डुबानका कारण देशको अधिकांश ठाउँमा भौतिक संरचनामा क्षति पुग्दा जनजीवन प्रभावित भएको छ ।
विद्युत उत्पादन अनुमतिपत्रका लागि आवश्यक विवरण नबुझाउने प्रवद्र्धकहरुको दरखास्त खारेज(२०७४ भाद्र ५, सोमवार)
सरकारले विद्युत उत्पादन अनुमतिपत्रका लागि आवश्यक विवरण नबुझाउने प्रवद्र्धकहरुको दरखास्त खारेज गर्ने भएको छ । विद्युत विकास विभागले सोमबार सूचना जारी गर्दैै विद्युत उत्पादन अनुमतिपत्रका लागि दरखास्त दिएका जलविद्युत आयोजनाहरुलाई आवश्यक विवरण बुझाउन ३५ दिनको म्याद दिएको हो ।
धनगढीबाट डोटी जाँदै गरेको यात्रुबाहक बस दुर्घटना हुँदा दुईजनाको मृत्यु, २१ जना घाइते(२०७४ भाद्र ५, सोमवार)
धनगढीबाट डोटी जाँदै गरेको यात्रुबाहक बस चुरे गाउँपालिका वडा नम्बर ५ खानीडाँडामा दुर्घटना हुँदा दुईजनाको मृत्यु भएको छ । दुर्घटनामा परी २१ जना घाइते भएका छन् । मृत्यु हुनेमा जोरायल गाउँपालीका वडा नम्बर ५ का ७० वर्षीय नरबहादुर देउवा र कैलालीको जोशीपुर गाउँपालीका वडा नम्बर ५ की ४८ वर्षीया दुर्गा देवी मल्ल रहेका छन् ।
संघीय र प्रदेश संसदको निर्वाचन आगामी मंसिर १० गते एकै दिन(२०७४ भाद्र ५, सोमवार)
सरकारले संघीय र प्रदेश संसदको निर्वाचन आगामी मंसिर १० गते एकै दिन गर्ने निर्णय गरेको छ । प्रधानमन्त्री कार्यालय सिंहदरबारमा बसेको मन्त्रिपरिषद बैठकले दुबै संसदको निर्वाचन एकै चरणमा मंसिर १० गते गर्न त्यस सम्बन्धी सिफारिस निर्वाचन आयोगमा पठाउने निर्णय गरेको हो ।
स्थानीय तहको निर्वाचनपछि प्रदेश नं ७ सुदूरपश्चिममा एक लाखभन्दा बढी नयाँ मतदाता थपिए(२०७४ भाद्र ३, शनिवार)
स्थानीय तहको निर्वाचनपछि प्रदेश नं ७ सुदूरपश्चिममा एक लाखभन्दा बढी नयाँ मतदाता थपिएका छन् । गत साउन १ गतेदेखि फोटोसहितको नयाँ मतदाता नामावली संकलन कार्यक्रमअन्तर्गत सुदूरपश्चिमका नौवटै जिल्लामा गरी एक लाख १५ हजार ३२ जना नयाँ मतदाता थपिएको यहाँका जिल्ला निर्वाचन कार्यालयले जनाएका छन् । 
मनसुनी न्यूनचापीय क्षेत्रको प्रभावले देशभर बदली भएसँगै वर्षा, भोलिबाट मौसम सुधार (२०७४ भाद्र ३, शनिवार)
मनसुनी न्यूनचापीय क्षेत्रको प्रभावले शनिबार (आज) देशभर बदली भएसँगै केही स्थानमा वर्षा भएको छ । उक्त प्रणालीका कारण देशको मध्य भेगमा वर्षा भएको मौसम पूर्वानुमान महाशाखाले जनाएको छ । मनसुनी न्यूनचापीय रेखा नेपालबाट विस्तारै सर्दै गरेको र मध्य भेगमा न्यूनचापीय क्षेत्रको विकासले काठमाडौं उपत्यकासहित आसपासका जिल्लामा वर्षा गराएको मौसमविद् बरुण पौडेलले जानकारी दिए । 
राष्ट्रपति भण्डारीसँग शीर्ष नेताको छलफल(२०७४ भाद्र ३, शनिवार)
राष्ट्रपति विद्यादेवी भण्डारीले तराई-मधेशका डुबान, पहिरो, व्यवस्थापिका-संसदमा प्रस्तुत संविधान संशोधन तथा परराष्ट्र नीतिका विषयमा चासो लिई यी विषयमा प्रमुख तीनदलका शीर्ष नेतालाई ध्यानाकर्षण गराएकी छन् । उनले डुबान तथा पहिरो क्षेत्रमा खोज, उद्धार तथा राहतलाई उच्च प्राथमिकता दिन, पीडितलाई स्थायी आवासको प्रबन्ध मिलाउन, ती क्षेत्रमा रोगको संक्रमण फैलिन नदिन र क्षतिको उचित मूल्यांकन गर्दै पुनःस्थापनाका कार्यक्रम शीघ्र सञ्चालनमा ल्याउन सत्ता साझेदार प्रमुख दुई दल तथा प्रमुख प्रतिपक्षीदलका शीर्ष नेतालाई सामूहिक रुपमा आग्रह गरिन् ।
पूर्वमा अज्ञात रोगबाट चार बालबालिकाको मृत्यु, रोगको पहिचान हुन सकेन् (२०७४ भाद्र २, शुक्रवार)
सुनसरीको धरानस्थित बीपी कोइराला स्वास्थ्य विज्ञान प्रतिष्ठानमा अज्ञात रोगबाट ४ जना बालबालिकाको मृत्यु भएको छ । प्रतिष्ठानको बालरोग विभागका चिकित्सकहरुले समेत रोगको पहिचान गर्न सकेका छैनन् । मृत्यु हुने बालबालिका सबै ६ देखि १४ वर्षका छन् । प्रतिष्ठानको सूचना विभागले दिएको जानकारीअनुसार साउन १५, २४, ३१ र भदौ १ गते ती बच्चाहरु प्रतिष्ठानको पेडियाट्रिक इमरजेन्सीमा उपचारका लागि ल्याइएका बेला प्रारम्भिक उपचार गर्दागर्दै मृत्यु भएका थिए । 
प्रदेश २ को स्थानीय चुनावलाई सरकारी संयन्त्र तयारी अवस्थामा राख्न निर्देशन (२०७४ भाद्र २, शुक्रवार)
निर्वाचन आयोगले प्रदेश २ को स्थानीय निर्वाचनसम्बन्धी कामका लागि सरकारी संरचनाहरुलाई तयारी अवस्थामा राख्न सरकारलाई निर्देशन दिएको छ । आयोगको बैठकले सरकारका नाममा १७ बुँदे निर्देशन जारी राख्दै आवश्यकता अनुसारका सबै कामहरु यथाशीध्र गर्ने व्यवस्था मिलाउन भनेको छ । निर्वाचन आचारसंहितको पूर्णपालना गर्ने, सरकारी सबै निकाय, संस्थान, स्थानीय निकाय, शैक्षिक संस्थाहरुले निर्वाचनका सन्दर्भमा दिएका निर्देशनलाई उच्च प्राथमिकताका साथ सम्पन्न गर्नुपर्ने आयोगले उल्लेख गरेको छ । 
सर्वोच्चद्वारा बाढीपीडितलाई राहत वितरणमा एकद्वार प्रणाली लागू नगर्न अन्तरिम आदेश(२०७४ भाद्र २, शुक्रवार)
सर्वोच्च अदालतले बाढीपीडितका लागि सरकारले राहत वितरणमा एकद्वार प्रणाली लागू गर्नेे निर्णय तत्कालका लागि लागू नगर्न सरकारका नाममा अन्तरिम आदेश जारी गरेको छ । न्यायाधीश ओम प्रकाश मिश्रको एकल इजलासले शुक्रबार (आज) सरकारको सो निर्णय हाल कार्यान्वयन नगर्न अन्तरिम आदेश दिएको हो । 
आगामी मंसिरभित्रै एकैपटक निर्वाचन गराउन तीन दल सहमत (२०७४ श्रावण ३२, बुधवार)
प्रधानमन्त्री शेरबहादुर देउवाले बोलाएको प्रमुख तीन दलको बैठकले आगामी मंसिरभित्रै प्रदेश र केन्द्रीय ससंसदको निर्वाचन एकै मितिमा गर्नेमा निष्कर्ष निकालेको छ ।  निर्वाचन आयोगले एकैपटक निर्वाचन गर्न कानुनी र प्राविधिक जटिलता देखाइरहेका बेला प्रधानमन्त्री देउवाले बालुवाटारमा बोलाएको बैठकमा कांग्रेस, एमाले र माओवादी केन्द्र एकैपटक प्रदेश र केन्द्रीय संसदको निर्वाचन गर्न तयार भएका हुन् । 
रौतहटमा मृत्यु हुनेको संख्या १९ पुग्यो, बाढीले बगाउँदा बालकको मृत्यु(२०७४ श्रावण ३२, बुधवार)
रौतहटमा गुजराखोलाको बाढीले बगाउँदा बुधबार एक बालकको मृत्यु भएको छ । खेतमा जमेको पानीमा रमाउँदै गरेका गुजरा गाउँपालिका-२ हरिहरपुर निवासी ८ वर्षीय बालक सुदीप मोक्तान चिप्लिएर खोलामा पुगेको र बगाएर मृत्यु भएको प्रहरीले जनाएको छ ।
बाढी प्रभावित जिल्लाहरुमा रोगको संक्रमण भइ नसकेको भन्दै नआत्तिन आग्रह(२०७४ श्रावण ३२, बुधवार)
स्वास्थ्य सेवा विभागले बाढी प्रभावित जिल्लाहरुमा रोगको संक्रमण भइ नसकेको भन्दै नआत्तिन आग्रह गरेको छ । स्वास्थ्य सेवा विभागले बुधबार राजधानीमा पत्रकार सम्मेलन गरी महोत्तरीको भगाहर गाउँपालिकाको मुसहर बस्तीका ३७ घर-परिवारमा झापापखाला देखिएको र अन्यत्र कुनैपनि समस्या नदेखिएको बताएको हो ।