arghakhanchi
मिति:
*स्थानीय निर्वाचन २०७४ ! Local Election 2074 *
भर्खरै
थप समाचार
बिज्ञापनहरु Advertisements
banner
banner
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
banner
 
राष्ट्रिय समाचार
दोस्रो चरणको स्थानीय निर्वाचन मिति सारेपछि कैलालीका मधेसकेन्द्रित दल खुसी(२०७४ ज्येष्ड १९, शुक्रवार)
सरकाले दोस्रो चरणको स्थानीय तहको निर्वाचन मिति सारेपछि कैलालीका मधेसकेन्द्रित दल खुसी भएका छन् । विभिन्न राजनीतिक दलबीच दुई चरणमा चुनाव गर्ने सहमति भएपछि वैशाख ३१ का लागि निर्धारण गरिएको स्थानीय तयको निर्वाचन सरकारले दोस्रो चरणअन्तर्गत् प्रदेश नम्बर-१, २, ५ र ७ का लागि जेठ ३१ गते तोकिएको थियो ।
तीन प्रदेशका निर्वाचित प्रमुख/उपप्रमुख तथा अध्यक्ष/उपाध्यक्षलाई तालिम दिइने(२०७४ ज्येष्ड १८, विहीवार)
प्रदेश नं ३, ४ र ६ का निर्वाचित नगरपालिका एवम् गाउँपालिकाका प्रमुख/उपप्रमुख तथा अध्यक्ष/उपाध्यक्षका लागि स्थानीय तहमा शासन सञ्चालनसम्बन्धी तीनदिने तालिम दिइने भएको छ । नयाँ संरचनाअनुसार स्थानीयस्तरमै व्यवस्थापिका, कार्यपालिका र न्यायपालिकाको अधिकार प्रयोग गर्ने भएपछि सङ्घीय मामिला तथा स्थानीय विकास मन्त्रालयले तीनदिने अभिमुखीकरण तालिम दिन लागेको हो ।
स्थानीय निर्वाचन सारेपछि बाराका नागरिक आक्रोशित, कृषकमाथि बेइमानी गरेको आरोप(२०७४ ज्येष्ड १८, विहीवार)
सरकारले दोस्रो चरणको स्थानीय तह निर्वाचनको मिति पटक-पटक सारेपछि बाराका नागरिक चुनाव हुनुेमा शंका गर्न थालेका छन् । सरकारले मिति सारेर मध्य असारमा निर्वाचन गर्ने घोषणा गरेकोमा आलोचनासमेत गरेका छन् । पहिलोपटक देशभर एकै चरणमा गत वैशाख ३१ गते नै स्थानीय तहको निर्वाचन गर्ने घोषणा गरेको सरकारले आफ्नो निर्णय परिवर्तन गर्दै दुई चरणमा निर्वाचन गराउने निर्णय गर्‍यो ।
भरतपुर महानगरपालिकाको मतगणनास्थलमा ९० वटा मतपत्र च्यातिएको अवस्थामा भेटिए(२०७४ ज्येष्ड १८, विहीवार)
भरतपुर महानगरपालिकाको मतगणनास्थलमा ९० वटा मतपत्र च्यातिएको अवस्थामा भेटिएको छ । माओवादी केन्द्रका कार्यकर्ताले मतपत्र च्यातेपछि उत्पन्न विवादकै बीच आज भएको च्यातिएको मतपत्र गणनाको क्रममा यस्तो भेटिएको हो । भरतपुर महानगरको १९ नम्बर वडाको मत गन्ने क्रममा माओवादी केन्द्र कार्यकर्ताले मतपत्र च्यातेका थिए । १९ नम्बर वडामा कूल २८ सय ९७ मत खसेको थियो । त्यसक्रममा १८ सय ९ मत गनिसकिएको थियो ।
भरतपुर नगरपालिकामा च्यातिएका मतपत्रको संख्या यकिन गरी प्रतिवेदन पठाउन आयोगको निर्देशन(२०७४ ज्येष्ड १८, विहीवार)
निर्वाचन आयोगले भरतपुर नगरपालिका-१९ को मतगणनाका क्रममा च्यातिएर नस्ट भएका मतपत्रको संख्या यकिन गरी प्रतिवेदन पठाउन चितवनका मुख्य निर्वाचन अधिकृतलाई निर्देशन दिएको छ । आयोगको बुधबार बसेको बैठकले च्यातिएका मतको स्पस्ट यकिन विवरण प्राप्त नभएको भन्दै यस्तो निर्देशन दिएको हो ।

बहुमतीय प्रक्रियाबाट सरकार गठनको प्रक्रिया आरम्भ(२०७४ ज्येष्ड १८, विहीवार)
सहमतीय सरकार गठनका लागि राष्ट्रपति विद्यादेवी भण्डारीले दलहरुलाई दिएको समयसीमा बुधबार राति सकिएसँगै बहुमतीय प्रक्रियाबाट सरकार गठनको प्रक्रिया आरम्भ हुनेछ ।दलहरुको आग्रहमा सहमतीय सरकार गठनका लागि राष्ट्रपतिले समय थप्नसक्ने व्यवस्था भएपनि त्यस्तो सम्भावना नरहेकाले अब बहुमतीय प्रक्रियाबाटै सरकार गठन हुने निश्चितजस्तै बनेको छ ।
निर्वाचन सार्ने निर्णय गरेपछि निर्वाचन आयोग अन्योलमा(२०७४ ज्येष्ड १६, मंगलवार)
सरकारले जेठ ३१ गतेका लागि तय गरेको स्थानीय तह दोस्रो चरणको निर्वाचन असार ९ गतेका लागि सारेको छ । सोमबार निर्वाचन सार्ने निर्णय गरेपनि सरकारले मंगलबार साँझसम्म निर्वाचन आयोगलाई औपचारिक जानकारी गराएको छैन । यसले गर्दा निर्वाचन आयोगलाई भने अन्योल थपेको छ ।
धनकुटा नगरपालिकामा कांग्रेसद्वारा उम्मेदवार घोषणा(२०७४ ज्येष्ड १६, मंगलवार)
नेपाली कांग्रेसले धनकुटा नगरपालिकाको प्रमुखमा दिनेश आठपहरिया र उपप्रमुखमा रेणु श्रेष्ठलाई उम्मेदवार बनाएको छ । आसन्न दोस्रो चरणको स्थानीय तह निर्वाचनका लागि मंगलबार धनकुटामा कार्यक्रम गरी उम्मेदवारहरुको नाम घोषणा गरिएको हो ।
भरतपुरमा छानबिन टोलीद्वारा दलका प्रमुखसँग छट्टाछुट्टै छलफल(२०७४ ज्येष्ड १६, मंगलवार)
भरतपुर महानगरपालिकाको मतगणनाकाक्रममा आइतबार राति मतपत्र च्यातिएको विषयमा निर्वाचन आयोगले गठन गरेको छानबिन टोलीले मंगलबार बिहानैदेखि जिल्लाका राजनीतिक दलका प्रमुखसँग छुट्टाछुट्टै भेट गरी घटनाकोबारेमा जानकारी लिएको छ । आयोगले सहन्यायधिवक्ता गीताप्रसाद तिम्सिनाको संयोजकत्वमा गृह मन्त्रालयका सहसचिव महेश आचार्य र प्रहरी नायब महानिरीक्षक केदारमान सिंह भण्डारी सदस्य रहेको छानबिन टोली गठन गरेको थियो ।
बाजुराको कोल्टी विमानस्थलमा नेपाली सेनाको विमान दुर्घटना, पाइलटको मृत्यु, दुईजना घाइते(२०७४ ज्येष्ड १६, मंगलवार)
नेपाली सेनाको एक कार्गो विमान बाजुराको कोल्टी विमानस्थलमा मंगलबार अवतरणकाक्रममा दुर्घटना हुँदा पाइलट नेपाली सेनाका महासेनानी कैलाश गुरुङको मृत्यु भएको छ । विमानमा पाइलट गुरुङसहित तीनजना सवार थिए ।
मोरङमा चुनावी घरदैलो अभियान तिब्र(२०७४ ज्येष्ड १६, मंगलवार)
स्थानीय तहको निर्वाचन आउन केही दिन मात्र बाँकी रहँदा मोरङका राजनीतिक दलहरुले घरदैलो अभियानलाई तिव्रता दिएका छन् । जिल्ला निर्वाचन कार्यालयले पनि निर्वाचनको आवश्यक तयारी गरिरहेको छ । तर, अपांगता भएका मतदातामा भने आफूहरुले मतदान गर्न नपाइने हो कि भन्ने चिन्ता छाएको छ ।
आर्थिक वर्ष २०७३/२०७४ को बजेटमा सरकारी कर्मचारीहरुको तलव बढेन(२०७४ ज्येष्ड १६, मंगलवार)
आर्थिक वर्ष २०७३/२०७४ को बजेटमा सरकारले सरकारी कर्मचारीको तलब बढाएन। सोमबार अर्थमन्त्री कृष्णबहादुर महराले संसदमा बजेट भाषण गर्दै सरकारी कर्मचारीको तलब वृद्धिबारे कुनै जानकारी नगराएका हुन्।
बजेटमार्फत स्थानीय तहलाई व्यापक अधिकार(२०७४ ज्येष्ड १५, सोमवार)
व्यवस्थापिका-संसद्मा सोमबार (आज) उपप्रधानमन्त्री तथा अर्थमन्त्री कृष्णबहादुर महराले प्रस्तुत गरेको आव ०७४/०७५ को बजेटमा स्थानीय तहमा व्यावसायिक कृषि उत्पादन, बाली तथा उत्पादन, कृषि बजार पूर्वाधार निर्माण सहयोग र मत्स्य विकास कार्यक्रमलाई सञ्चालन अधिकार दिइएको छ ।
संघीयता अनुसार गाउँ-नगरमा छुट्टै बजेट व्यवस्था(२०७४ ज्येष्ड १५, सोमवार)
व्यवस्थापिका-संसदको बैठकमा प्रस्तुत् गरेको आर्थिक वर्ष २०७४/७५ बजेटमा गाउँपालिकालाई न्यूनतम् रु १० करोड र अधिकतम् रु ३९ करोड, नगरपालिकालाई न्यूनतम् रु १५ करोड र अधिकतम् रु ४३ करोड, उपमहानगरपालिकालाई न्यूनतम् रु ४० करोड र अधिकतम् रु ६३ करोड र महानगरपालिकालाई न्यूनतम् रु ५६ करोड र अधिकतम् रु एक अर्ब २४ करोड अनुदान प्राप्त गर्ने व्यवस्था गरिएको हो ।
बजेटको लक्ष्य ७.२ प्रतिशतको आर्थिक वृद्धि(२०७४ ज्येष्ड १५, सोमवार)
सरकारले प्रस्तुत गरेको आगामी आव २०७४/०७५ को बजेट कार्यान्वयनबाट आर्थिक क्रियाकलापमा उल्लेख्य विस्तार भई ७.२ प्रतिशतको आर्थिक वृद्धिदर हासिल हुने उल्लेख गरेको छ । उपप्रधान तथा अर्थमन्त्री कृष्णबहादुर महराले सोमबार (आज) आगामी आवको बजेट प्रस्तुत गर्दै मुलुकमा आर्थिक परिचालनमा उल्लेख्य प्रगति भई तीव्र आर्थिक विकास हुने जिकिर गरे ।
भरतपुर महानगरपालिकामा माओवादी प्रतिनिधिहरूले मतपत्र च्यातेर अवरोध खडा गरे, गणना रोकियो(२०७४ ज्येष्ड १५, सोमवार)
भरतपुर महानगरपालिकाको जारी मतगणना क्रममा अहिले मध्यरात माओवादी प्रतिनिधिहरूले मतपत्र च्यातेर अवरोध खडा गरेका छन्। मतगणनाको अन्तिम चरणमा पुगिसक्दा पनि माओवादी केन्द्र तथा नेपाली कांग्रेसकी साझा उम्मेदवार रेणु दाहालले नेकपा एमालेका देवी ज्ञवालीसँगको प्रतिस्पर्धामा मतअन्तर सोचेजस्तो घटाउन नसकेपछि माओवादी कार्यकर्ताहरू हुलदंगामा ओर्लिएका हुन्।  
दोस्रो चरणको स्थानीय चुनाव एक साता सार्ने (२०७४ ज्येष्ड १४, आइतवार)
दोस्रो चरणको स्थानीय चुनाव लगत्तै संविधान संशोधन गर्नेगरी सहमति जुटाउन आयोजित ठूला तीन दल र राजपा बैठक टुंगो नजिक पुगेको छ । प्रधानमन्त्री पुष्पकमल दाहालको सरकारी निवास बालुवाटारमा आइतबार रातिसम्म बसेको सत्ता घटक कांग्रेस, माओवादी केन्द्र, प्रमुख प्रतिपक्षी एमाले र राजपा नेताहरुबीचको बैठकमा राजपालाई ल्याउने शर्तमा एक साता चुनाव मिति सार्ने प्रस्ताव गरिएको छ । राजपा चुनावमा आउने सर्तमा प्रमुख प्रतिपक्ष एमालेपनि सरकारको प्रस्तावमा लचक देखिएको छ । 
धादिङ बस दुर्घटनामा मृतकको संख्या ४, संख्या बढ्न सक्ने(२०७४ ज्येष्ड १४, आइतवार)
धादिङको पुछारबजार-सल्यानटार सडकखण्ड अन्तर्गत निलकण्ठ-१० गोलाभन्ज्याङको भकारेमा स्कुल बस दुर्घटना हुँदा ४ जनाको मृत्यु भएको छ । तर स्कुल बसले विद्यार्थी नबोकेर यात्रु बोकको थियो । गोला भन्ज्याङबाट त्रिपुरेस्वरको खहरे बजारतर्फ जाँदै गरेको बोर्डिङ स्कूलको ग १ ख ३४०५ नम्बरको बस भकारेमा दुर्घटनामा परेको हो । 
प्रधानमन्त्रीद्वारा दोस्रो चरणको निर्वाचन निर्धारित मितिमा नै हुनेमा ढुक्क रहन सबैलाई आग्रह(२०७४ ज्येष्ड १४, आइतवार)
प्रधानमन्त्री पुष्पकमल दाहाल 'प्रचण्ड'ले स्थानीय तहको दोस्रो चरणको निर्वाचन निर्धारित मितिमा नै हुनेमा ढुक्क रहन सबैलाई आग्रह गरेका छन्।  व्यवस्थापिका-संसद्को आजको बैठकमा सरकारको नीति तथा कार्यक्रममाथि उठेका प्रश्नको जवाफ दिँदै प्रधानमन्त्री दाहालले आफू र आफ्नो पार्टीलाई मात्र केन्द्रमा राखेको-हेरेको भए सबैलाई जोडेर स्थानीय तहको निर्वाचनमा जान सकिँदैन थियो भन्दै देशको आवश्यकता र संविधान कार्यान्वयनका लागि आफूले यस्तो कदम चालेको स्पष्ट पारे।  
आसन्न स्थानीय दोस्रो चरणको निर्वाचनका लागि महोत्तरी जिल्लामा सेना खटाइयो(२०७४ ज्येष्ड १४, आइतवार)
आसन्न स्थानीय तहको दोस्रो चरणको निर्वाचनका लागि महोत्तरी जिल्लामा नेपाली सेना खटाइएको छ । यही जेठ ३१ गते हुने निर्वाचनलाई लक्ष्य गर्दै महोत्तरीका पाँच स्थानमा नेपाली सेनाको शिविर स्थापना गरिएको जिल्ला सुरक्षा समितिका प्रमुख एवं प्रजिअ वीरेन्द्र यादवले बताए ।
काठमाडौं महानगरपालिकाको मेयरमा एमालेका विद्यासुन्दर शाक्य निर्वाचित(२०७४ ज्येष्ड १४, आइतवार)
काठमाडौं महानगरपालिकाको मेयरमा एमालेका विद्यासुन्दर शाक्य निर्वाचित भएका छन् । २० वर्षअघि एमालेकै केशव स्थापितले जितेको काठमाडौं महानगरमा निर्वाचित शाक्यले आगामी पाँच वर्षसम्म नेतृत्व गर्नेछन् ।
राष्ट्रिय जनता पार्टी नेपाल निर्वाचनमा सहभागी भए मिति सार्न सकिने: कांग्रेस(२०७४ ज्येष्ड १३, शनिवार)
नेपाली कांग्रेसले राष्ट्रिय जनता पार्टी नेपाल निर्वाचनमा सहभागी भए मिति सार्न सकिने बताएको छ ।  जेठ ३१ गतेको दोस्रो चरणको निर्वाचनबारे सानेपामा कांग्रेस र राजपा नेताहरुबीचको छलफलमा यस्तो प्रस्ताव राखिएको हो । कांग्रेस नेता एवं गृहमन्त्री विमलेन्द्र निधिले राजपा सहभागी भए ऐन संशोधन र निर्वाचन मिति सार्न सकिने बताएको जानकारी दिए । 
जेठ ३१ को चुनाव सर्ने हल्लाले झापाका तीन नगरपालिकाका मतदाता चिन्तित(२०७४ ज्येष्ड १२, शुक्रवार)
जेठ ३१ को चुनाव सर्ने हल्लाले झापाका तीन नगरपालिकाका मतदाता चिन्तित बनेका छन् । गाउँपालिकाबाट नगरपालिकामा स्तरोन्नती भएका कमल, बुद्धशान्ति र झापाका मतदाताहरुले निर्धारित मितिमै चुनाव हुनुपर्ने माग गरे । उनीहरुले आफूहरु भोट खसाल्न आतुर रहेकोले चुनाव सर्ने अन्यौता हटाउन सरकारलाई आग्रह समेत गरेका छन् । 
एमालेद्वारा चार उपमहानगरपालिकामा प्रमुख र उपप्रमुखका उम्मेदवार चयन(२०७४ ज्येष्ड १२, शुक्रवार)
नेकपा एमालेको शुक्रबारको स्थायी समितिको बैठकले स्थानीय तहको दोस्रो चरणमा हुने निर्वाचनका लागि प्रदेश नम्बर-५ अन्तर्गतका चार उपमहानगरपालिकाका प्रमुख तथा उपप्रमुख पदका लागि उम्मेदवार तय गरेको छ । पार्टी अध्यक्ष केपी शर्मा ओलीको अध्यक्षतामा पार्टी संसदीय दलको कार्यालय, सिंहदरबारमा सम्पन्न बैठकले बुटवल उपमहानगरपालिकामा प्रमुख शिवराज सुवेदी र उपप्रमुख गोमा आचार्यलाई उम्मेदवार बनाएको छ ।
राजपा नेपालले चुनावमा भाग नलिने, निर्वाचनमा अवरोध गर्ने गरी आन्दोलनको घोषणा(२०७४ ज्येष्ड १२, शुक्रवार)
राष्ट्रिय जनता पार्टी नेपालसहितको संघीय गठबन्धनले दोस्रो चरणको स्थानीय तहको निर्वाचनमा अवरोध गर्ने गरी आन्दोलनका कार्यक्रम घोषणा गरेको छ । शुक्रबार राजधानीमा पत्रकार सममेलन गर्दै सो गठबन्धनका संयोजक महन्थ ठाकुरले यही जेठ १३ गतेदेखि १९ गतेसम्मका लागि आन्दोलन कार्यक्रमहरु घोषणा गरेका हुन् ।
स्थानीय तहको संख्या बढाउने निर्णय कार्यान्वयन नगर्न सर्वोच्चको अन्तरिम आदेश(२०७४ ज्येष्ड १२, शुक्रवार)
स्थानीय तहको संख्या बढाउने निर्णय कार्यान्वयन नगर्न सर्वोच्च अदालतले अन्तरिम आदेश दिएको छ । स्थानीय तहको संख्या बढाउने निर्णय विरूद्ध धनबहादुर श्रेष्ठसहितका तीन जनाले दायर गरेको रिटविरूद्ध न्यायाधीश सपना मल्ल प्रधान र ईश्वरप्रसाद खतिवडाको इजलासले संविधानको धारा २९५ अनुसार आयोगले मात्र स्थानीय तहको संख्या बढाउन सक्ने ठहर गरेको छ ।
काठमाडौं महानगरको अन्तिम मतपरिणाम आउने तयारीमा, एमालेको अग्रता कायमै(२०७४ ज्येष्ड ११, विहीवार)
काठमाडौँ महानगरपालिकामा अब आठ वटा वडाको मात्र मतपरिणाम आउन बाँकी रहँदा नेकपा(एमाले)को अग्रता कायमै छ । बत्तीस वडा रहेको सो महानगरमा २४ वडाको नतिजा सार्वजनिक भइसक्दा एमालेका विद्यासुन्दर शाक्यले ५२ हजार ३९० मत प्राप्त गरेका छन् ।
पार्टी दर्ता गरेर चुनाव चिन्ह दिए आफूहरु चुनावमा जान तयार: राष्ट्रिय जनता पार्टी(२०७४ ज्येष्ड ११, विहीवार)
राष्ट्रिय जनता पार्टीका अध्यक्ष महन्थ ठाकुरले निर्वाचन आयोगले पार्टी दर्ता गरेर चुनाव चिन्ह दिए आफूहरु चुनावमा जान तयार रहेको बताएका छन्। संघीय समाजवादी फोरम नेपालका अध्यक्ष उपेन्द्र यादव र नेपाल लोकतान्त्रिक फोरम पार्टीका अध्यक्ष विजय गच्छदारसँगको छलफलमा राजपा अध्यक्ष ठाकुरले चुनाव चिन्ह नभएकोले निर्वाचनमा जान नसकिने बाध्यता स्पष्ट पारेका छन्।
पोखरा लेखनाथ महानगरपालिकाको मेयरमा एमालेका मानबहादुर जिसीको जित निश्चित(२०७४ ज्येष्ड ११, विहीवार)
आज सांझसम्म झण्डै ९० प्रतिशत मतगणना भईसकेको छ । ९० प्रतिशत मतगणना हुँदा पोखरा लेखनाथ महानगरपालिकाको मेयरमा नेकपा एमालेका मानबहादुर जिसीको जित निश्चित देखिएको छ । ३३ मध्ये २९ वटा वडाको मत परिणाम आउँदा जिसी कांग्रेसका उम्मेद्वार रामजी कुँवर भन्दा ११ हजार ९ सय २ मतले अघि रहेका छन् ।
जेठ ३१ गते हुने दोस्रो चरणको निर्वाचनका लागि सुनसरीका चार स्थानमा सेना परिचालन (२०७४ ज्येष्ड ११, विहीवार)
जेठ ३१ गते हुने दोस्रो चरणको स्थानीय निर्वाचनका लागि सुनसरीका विभिन्न चार स्थानमा नेपाली सेना परिचालन गरिएको छ । जिल्ला सुरक्षा समितिको निर्णयअनुसार सुनसरीको देवानगन्ज, धरान, इनरुवा र दुहबीमा नेपाली सेनाको गुल्म स्थापना गरी सेना परिचालन गरिएको हो ।