arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
पूर्वी नेपालमा असोजमा भएका सवारी दुर्घटनामा परेर ४७ जनाले ज्यान गुमाए(२०७४ आश्विन ३०, सोमवार)
पूर्वी नेपालमा असोजमा भएका सवारी दुर्घटनामा परेर ४७ जनाले ज्यान गुमाएका छन् । सवारी दुर्घटनामा परेर मृत्यु हुनेको यो सङ्ख्या एक महिनाको अवधिमा सरसर्ती हेर्दा दैनिक दुई जनाको ज्यान जाने गरेको देखिन्छ ।

सिन्धुपाल्चोकलाई पूर्ण खोप सुनिश्चित जिल्ला घोषणा(२०७४ आश्विन ३०, सोमवार)
सिन्धुपाल्चोकलाई पूर्ण खोप सुनिश्चित जिल्ला घोषणा गरिएको छ । स्वास्थ्य मन्त्रालयले सन् २०१७ सम्म देशलाई पूर्ण खोपयुक्त गर्ने सिलसिलामा पूर्ण खोप राष्ट्रिय निर्देशिकाको तालिकाअनुसार बालबालिकाले सबै प्रकारको खोप लिइसकेकाले आजबाट २९औँ पूर्ण खोप सुनिश्चित जिल्ला घोषणा गरिएको हो ।
प्रधानमन्त्री देउवाद्वारा माओवादीबाट नियुक्त मन्त्रीहरुलाई हटाइदिने संकेत(२०७४ आश्विन २८, शनिवार)
प्रधानमन्त्री शेरबहादुर देउवाले माओवादीबाट नियुक्त मन्त्रीहरुलाई हटाइदिने स्पष्ट संकेत गरेका छन् । राप्रपाबाट बिनाविभागीय चार मन्त्री र चार राज्यमन्त्री नियुक्त गरेका देउवाले तिनलाई मन्त्रालय दिएर माओवादी केन्द्रका मन्त्रीलाई हटाउने संकेत गरेका हुन् । 

प्रदेश प्रमुखको सुविधा र भाषा आयोगसम्बन्धी विधेयक संसदमा पारित(२०७४ आश्विन २७, शुक्रवार)
व्यवस्थापिका-संसदको शुक्रबारको बैठकले 'प्रदेश प्रमुखको पारिश्रमिक तथा सुविधासम्बन्धी विधेयक, २०७४ 'सर्वसम्मतिले पारित गरेको छ । प्रधानमन्त्रीका तर्फबाट 'कानुन, न्याय तथा संसदीय मामिलामन्त्री यज्ञबहादुर थापाले सो विधेयक पारित गरियोस्' भनी प्रस्ताव प्रस्तुत् गरेका थिए । विधेयकमा सांसद डिल्लीप्रसाद काफ्ले र मीना पुनले राखेको संशोधन प्रस्ताव बैठकको बहुमतले अस्वीकृत गरेको छ ।
बाबुराम भट्टराईको नयाँ शक्ति आफ्नै चुनाव चिह्नबाट लड्ने(२०७४ आश्विन २७, शुक्रवार)
नयाँ शक्ति पार्टी नेपालले आगामी मंसिर १० र २१ गते हुने प्रतिनिधिसभा र प्रदेशसभाको निर्वाचनमा आफ्नै चुनाव चिह्न 'देब्रे आँखा' लिएर निर्वाचनमा सहभागी हुने निर्णय गरेको छ । पार्टीको शुक्रबार बसेको संघीय सचिवालयको विस्तारित बैठकले वाम गठबन्धनमा आबद्ध नेकपा एमाले र नेकपा माओवादी केन्द्र साझा चुनाव चिह्न प्रयोग गर्ने सहमतिको मर्मविपरीत गएको हुनाले निर्वाचनमा आफ्नै चुनाव चिह्न लिएर सहभागी हुने निर्णय गरेको नयाँ शक्ति केन्द्रीय कार्यालयले जारी गरेको विज्ञप्तिमा उल्लेख छ ।
संसद बैठकमा राष्ट्रियसभा गठन र चिकित्सा शिक्षा विधेयक पारित गर्न असफल(२०७४ आश्विन २७, शुक्रवार)
संविधान जारी गरेपछि व्यवस्थापिका-संसदमा रुपान्तरित भएको व्यवस्थापिका-संसदको अवधि शनिबार (भोलि) सकिने भएको छ । २०७० सालमा भएको संविधानसभाको दोस्रो निर्वाचनपछि २०७२ असोजसम्म संविधानसभाकोरुपमा र त्यसपछि संसदकोरुपमा रहेको विधायिका शनिबारदेखि औपचारिकरुपमा सकिन लागेको हो ।
गोरखामा अनुदानबाट २,६६४ भूकम्प प्रतिरोधी घर निर्माण सम्पन्न(२०७४ आश्विन २६, विहीवार)
सरकारले दिएको अनुदान लिएर गोरखामा दुई हजार ६६४ ओटा भूकम्प प्रतिरोधी घरको निर्माण सम्पन्न भएका छन् । राष्ट्रिय पुनःनिर्माण प्राधिकरण जिल्ला समन्वय समितिको सचिवालय गोरखाका प्रमुख शिव पौडेलका अनुसार ६१ हजार लाभग्राहीमध्ये ५४ हजार ६२७ जनाले पहिलो किस्ता अनुदान बुझिसकेका छन् । यस्तै, नौ हजार ६९३ जनाले दोस्रो किस्ता रकम तथा दुई हजार ६६४ जनाले तेस्रो किस्ता रकम बुझेका छन् । 
विद्यार्थी संगठनद्वारा शिक्षा ऐन नवौं संशोधन विधेयक-२०७४ कार्यन्वयनमा जान नदिने निर्णय (२०७४ आश्विन २६, विहीवार)
संयुक्त विद्यार्थी संगठनले शिक्षा ऐन नवौं संशोधन विधेयक-२०७४ कार्यन्वयनमा जान नदिने निर्णय गरेको छ । नौ विद्यार्थी संगठनको बिहीबार बसेको संयुक्त बैठकले संशोधनमार्फत अयोग्य शिक्षकलाई स्थायी गर्न थालिएको र त्यसले लाखौं बालबालिकाको भविष्य बिगार्ने जनाउँदै कार्यान्वयनमा जान नदिने निर्णय गरेको अनेरास्ववियु (क्रान्तिकारी) काउपाध्यक्ष सुरेन्द्र बस्नेतले बताए ।
प्रदेश नम्बर-७ को राजधानी दिपायल नै कायम हुनुपर्ने भन्दै डोटीवासी आन्दोलित (२०७४ आश्विन २६, विहीवार)
प्रदेश नम्बर-७ को राजधानी दिपायल नै कायम हुनुपर्ने भन्दै डोटीवासी आन्दोलित भएका छन् । यसैक्रममा बिहीबार दिपायलमा र्‍यालीसहित कोणसभाको आयोजना गरिएको छ । कोणसभालाई सम्बोधन गर्ने अधिकांश वक्ताहरुले दिपायललाई प्रादेशिक राजधानी कायम नगरिए कडा आन्दोलनमा उत्रने चेतावनी दिए ।

लोकसेवा आयोगद्वारा रिक्त कर्मचारी पदपूर्तिका लागि दर्खास्त आह्वान सुरु(२०७४ आश्विन २५, बुधवार)
लोकसेवा आयोगले रिक्त कर्मचारी पदपूर्तिका लागि दर्खास्त आह्वान सुरु गरेको छ । कर्मचारी समायोजन ऐन संसदबाट पारित भएपछि आयोगले सरकारलाई चाहिने कर्मचारीे पदपूर्ति बुधबारबाट सुरु गरेको आयोगका सूचना अधिकारी देवीप्रसाद सुवेदीले जानकारी दिए ।
संसद बैठकमा अन्तर्राष्ट्रिय नवीकरणीय ऊर्जा नियोगको विधानलाई अनुमोदन(२०७४ आश्विन २५, बुधवार)
व्यवस्थापिका-संसदको बुधबारको बैठकले अन्तर्राष्ट्रिय नवीकरणीय ऊर्जा नियोगको विधानलाई सर्वसम्मतिले अनुमोदन गरेको छ । जनसंख्या तथा वातावरणमन्त्री मिथिला चौधरीले सो विधानलाई अनुमोदन गरियोस् भन्ने प्रस्ताव सदनमा प्रस्तुत् गरेकी थिइन् । सो विधानको सैद्धान्तिक छलफलमाथि नेपाल मजदुर किसान पाटीका दिल्ली काफ्ले र प्रेम सुवालले भाग लिँदै विज्ञान र प्रविधिको वर्तमान युगमा नवीरकणीय ऊर्जा आवश्यक भएको बताए ।
कांग्रेसद्धारा निर्वाचनका लागि उम्मेदवार छान्न १७ सदस्यीय संसदीय समिति गठन(२०७४ आश्विन २५, बुधवार)
नेपाली कांग्रेसले आगामी मंसिरमा हुने निर्वाचनका लागि उम्मेदवार छान्न १७ सदस्यीय संसदीय समिति गठन गरेको छ । पार्टी सभापति शेरबहादुर देउवाले बुधबार संसदीय समिति गठन गरेका हुन् । कांग्रेसको विधानअनुसार संसदीय समितिले निर्वाचनमा उम्मेदवार छान्ने तथा सरकारमा जाँदा मन्त्रीहरुको नाम टुंगो लगाउने भएकाले पार्टी संरचनामा यो समितिलाई शक्तिशाली मानिन्छ ।
कांग्रेसका ६८ जिल्लाबाट प्रत्यक्ष तथा समानुपातिकतर्फका उम्मेदवार सिफारिस (२०७४ आश्विन २४, मंगलवार)
कांग्रेसका ६८ जिल्ला कार्यसमितिले प्रतिनिधिसभा र प्रदेशसभाको प्रत्यक्ष तथा समानुपातिकतर्फका उम्मेदवारको सूची केन्द्रीय कार्यसमितिमा पठाएका छन् । असोज १७ सम्म उम्मेदवारको सिफारिस गर्न निर्देशन दिईएपनि अझै ९ जिल्लाले सूची पठाएका छैनन् ।
संसदमा स्वास्थ्य बिमा विधेयक- २०७४ पारित (२०७४ आश्विन २४, मंगलवार)
व्यवस्थापिका-संसद्को मंगलबारको तेस्रो बैठकमा स्वास्थ्य बिमा विधेयक, २०७४ सर्वसम्मतिले पारित गरेको छ । स्वास्थ्यमन्त्री गिरिराजमणि पोखरेलले 'महिला, बालबालिका, ज्येष्ठ नागरिक समाज कल्याण समितिको प्रतिवेदनसहितको सो विधेयकमाथि छलफल गरियोस्' भन्ने प्रस्ताव प्रस्तुत गरेका थिए
एमालेमा निर्वाचन परिचालनको संयोजकको जिम्मेवारी केपी ओलीलाई(२०७४ आश्विन २४, मंगलवार)
नेकपा एमालेले प्रतिनिधिसभा र प्रदेशसभा सदस्य निर्वाचन परिचालनको संयोजकको जिम्मेवारी अध्यक्ष केपी शर्मा ओलीलाई दिएको छ । मंगलबार एमाले संसदीय दलको कार्यालय सिंहदरबारमा बसेको स्थायी कमिटी बैठकले निर्वाचन परिचालनको संयोजन गर्ने जिम्मेवारी ओलीलाई दिएको हो ।
राष्ट्रिय जनमोर्चा बागलुङद्दारा प्रतिनिधी सभा र प्रदेशसभाका लागि पार्टीका तर्फबाट उम्मेदवारी सिफारिस (२०७४ आश्विन २३, सोमवार)
राष्ट्रिय जनमोर्चा बागलुङले आगामि मंसिरमा हुने प्रतिनिधी सभा र प्रदेशसभाका लागि पार्टीका तर्फबाट उमेदवारीका लागि नाम सिफारिस गरी पाठाएको छ । प्रतिनिधि सभा सदस्यका लागी क्षेत्र नम्बर १ वाट अमर थापा, कृष्ण अधिकारी र लिलादेवी शर्मा र २ वाट घनश्याम न्यौपाने, धर्मबहादुर कुवर र रुनमाया थापागरी ६ जनाको नाम सिफरिस गरेको छ । 
सरकारद्धारा भूकम्पपीडितका लागि घर निर्माण गर्न बिनाधितो ऋण दिने निर्णय(२०७४ आश्विन २३, सोमवार)
भूकम्पपीडितहरुले सरकारी अनुदानमा बन्दै गरेको घर नै धितो राखेर थप तीन लाख रुपैयाँसम्म निब्र्याजी ऋण लिन पाउने व्यवस्था सरकारले गरेको छ । मन्त्रिपरिषदको सोमबार बसेको बैठकले सामूहिक जमानीमा निब्र्याजी ऋण उपलब्ध गराउने कार्यविधि संशोधन गर्दै अब धितो जमानीबाट निब्र्याजी ऋण उपलब्ध गराउने व्यवस्था गरिएको अर्थमन्त्री ज्ञानेन्द्रबहादुर कार्कीले जानकारी दिए ।
काठमाडौंमा निर्माण व्यवसायी महासंघका अध्यक्ष गौचनमाथि गोली हानी हत्या(२०७४ आश्विन २३, सोमवार)
नेपाल निर्माण व्यवसायी महासंघका अध्यक्ष शरदकुमार गौचनको अज्ञात समूहले गोली हानी हत्या गरेको छ । सोमबार दिउँसो काठमाडौंको नयाँबानेश्वर, खरिबोटस्थित घरबाट निस्कनेक्रममा गाडीमा रहेका गौचनमाथि अज्ञात व्यक्तिले गोली हानेका थिए । गौचन चढेको गाडीको अगाडिबाट उनीमाथि तीनओटा गोली हानिएको थियो ।
तानसेन-बुटवल सडकखन्डको सिद्धबाबा क्षेत्रको सडक फेरि बन्द हुने(२०७४ आश्विन २२, आइतवार)
सिद्धार्थ राजमार्ग अन्तर्गत तानसेन-बुटवल सडकखन्डको सिद्धबाबा क्षेत्रको सडक फेरि बन्द हुने भएको छ । सोमबार बिहान १० देखि दिउँसो ४ बजेसम्म मर्मत हुने भएपछि तानसेन-बुटवल सडकखन्डको सिद्धबाबा क्षेत्रका सडक बन्द हुने भएको ट्राफिक प्रहरी प्रमुख प्रवीण आचार्यले जानकारी दिए ।

माथेमा प्रतिवेदन अनुसारको चिकित्सा शिक्षा ऐन पास गराएरै छाड्ने डा. गोविन्द केसीको अठोट(२०७४ आश्विन २२, आइतवार)
चार दिनदेखि आमरण अनसनमा बसेका वरिष्ठ चिकित्सक डा. गोविन्द केसीले माथेमा प्रतिवेदन अनुसारको चिकित्सा शिक्षा ऐन पास गराएरै छाड्ने अठोट ब्यक्त गरेका छन् । ५ सूत्रीय माग राखेर १३ औँ पटक अनशनमा बसेका डा. केसीले माथेमा प्रतिवेदन अनुसार ऐन नबने जनताले राजनीतिक दल र दलका नेताहरुलाई कारबाही गर्ने दाबी गरे ।
न्यायाधीशको पारिश्रमिक तथा सेवा सुविधा सम्बन्धी दुईवटा विधेयक पास(२०७४ आश्विन २२, आइतवार)
संसदले न्यायाधीशको पारिश्रमिक तथा सेवा सुविधा सम्बन्धी दुईवटा विधेयक पास गरेको छ । आइतबार बसेको बैठकले प्रधानन्यायाधीश र सर्वोच्च अदालतका न्यायाधीशहरुको पारिश्रमिक तथा सेवा सुविधा सम्बन्धी विधेयक पास गरेको हो । उच्च र जिल्ला अदालतको न्यायाधीशहरुको पारिश्रमिक, सुविधा र सेवाका अन्य सर्त सम्बन्धी विधेयक २०७४ पनि संसदबाट सर्वसम्मतिले पारित भएको छ ।

सर्वोच्चद्वारा आयल निगमका विवादास्पद कार्यकारी निर्देशक खड्कालाई नहटाउन आदेश (२०७४ आश्विन २२, आइतवार)
सर्वोच्च अदालतले आयल निगमका विवादास्पद कार्यकारी निर्देशक गोपाल खड्कालाई तत्कालका लागि पदबाट नहटाउन अन्तरिम आदेश जारी गरेको छ ।  न्यायाधिश पुरुषोत्तम भण्डारीको एकल इजलासले खड्कालाई हटाउने मन्त्रिपरिषदको निर्णय तत्कालका लागि कार्यान्वयन नगर्न आदेश दिदै उनलाई हटाउनुको कारण पेश गर्न सरकारलाई आदेश दिएको हो । 

सोलुखुम्बुका प्रमुख तीन दलद्वारा उम्मेदवार सिफारिस(२०७४ आश्विन २१, शनिवार)
जिल्लाका प्रमुख तीन दल नेपाली कांग्रेस, नेकपा एमाले र नेकपा माओवादी केन्द्र सोलुखुम्बुले प्रदेश र प्रतिनिधिसभाका लागि उम्मेदवारको नाम केन्द्रमा सिफारिस गरेका छन् । एमाले सोलुखुम्बुको बुधबारदेखि जारी बैठकले प्रतिनिधिसभा र प्रदेशसभाको उम्मेदवार सिफारिस गर्ने निर्णय गरेको हो ।

वाम एकताको सहमति एमालेबाट सर्वसम्मतरुपमा अनुमोदित(२०७४ आश्विन २१, शनिवार)
नेकपा एमालेको शनिबार बसेको स्थायी कमिटी बैठकले नेकपा माओवादी केन्द्र र नयाँ शक्ति पार्टी नेपालसँगको चुनावी तालमेल र एकताको सहमतिलाई सर्वसम्मतरुपमा अनुमोदन गरेको छ । यही असोज १७ गते एमाले र ती दुई दलबीच भएको सहमतिलाई वाम एकताको सन्दर्भमा ऐतिहासिक घटना भएको भन्दै बैठकले त्यसको कार्यान्वयनमा दृढताका साथ लाग्ने निर्णय गरेको छ ।

भारतमा पक्राउ परेका देवनारायण रिहा(२०७४ आश्विन २१, शनिवार)
अपहरण मुद्दामा भारतीय कारागारमा परेका सप्तरीको तिलाठी-कोइलाडी गाउँपालिका-१ निवासी देवनारायण यादव र उनका छोरा अजय यादव शनिबार रिहा भएका छन् । भारत, विहार राज्यको वीरपुरस्थित न्यायालयका सहायक न्यायाधीश अभिषेक रञ्जनको एकल इजलासले सामान्य तारेखमा उनीहरुलाई रिहा गरेको हो ।

कांग्रेसद्वारा राष्ट्रिय जनमोर्चासँग प्यूठान, बाग्लुङ र अर्घाखाँचीमा मिलेर चुनाव लड्ने प्रस्ताव(२०७४ आश्विन २०, शुक्रवार)
नेपाली कांग्रेसले राष्ट्रिय जनमोर्चासित प्यूठान, बाग्लुङ र अर्घाखाँचीमा मिलेर चुनाव लड्ने प्रस्ताव गरेको छ। राष्ट्रिय जनमोर्चाका अध्यक्ष चित्रबहादुर केसीलाई शुक्रवार बालुवाटार बोलाएर प्रधानमन्त्री एवं नेपाली कांग्रेसका सभापति शेरबहादुर देउवाले मिलेर चुनाव लड्ने प्रस्ताव गरेका हुन्। 
लामो समयदेखि प्रतिक्षा गरिरहेको कर्मचारी समायोजन सम्बन्धि विधेयक व्यवस्थापिका संसदबाट पारित (२०७४ आश्विन २०, शुक्रवार)
स्थानीय सरकारले लामो समयदेखि प्रतिक्षा गरिरहेको  कर्मचारी समायोजन सम्बन्धि विधेयक  व्यवस्थापिका संसदले शुक्रबार पारित गरेको छ। यो विधेयक पारित भएसँगै स्थानीय तह र प्रदेशमा कर्मचारी समायोजनको बाटो खुला भएको छ। राष्ट्रपतिले प्रमाणित गरेसँगै यो ऐन कार्यान्वयन सुरू हुने छ।
संघीय र प्रादेशिक निर्वाचनका लागि तेह्रथुमका प्रमुख दलहरुद्वारा उम्मेदवार सिफारिस (२०७४ आश्विन २०, शुक्रवार)
संघीय र प्रादेशिक निर्वाचनका लागि तेह्रथुमका प्रमुख दलहरुले उम्मेदवार सिफारिस गरेका छन् । नेपाली कांग्रेस, नेकपा एमाले र नेकपा माओवादी केन्द्रले संघीय र प्रादेशिक निर्वाचनमा जिल्लाबाट आकांक्षी उम्मेदवारको नाम चयन गरी सिफारिस गरेका हुन् । कांग्रेसले केन्द्रीय सदस्य तथा राज्यमन्त्री सीता गुरुङलाई संघको प्रत्यक्षतर्फको उम्मेदवार बनाउन सिफारिस गरेको छ ।
प्रहरीका निवर्तमान डीआइजी नवराज सिलवाल एमालेमा प्रवेश(२०७४ आश्विन २०, शुक्रवार)
नेपाल प्रहरीका निवर्तमान डीआइजी नवराज सिलवाल एमालेमा प्रवेश गरेका छन् । शुक्रबार काठमाडौंको बुद्धनगरमा आयोजित कार्यक्रममा एमाले अध्यक्ष केपी शर्मा ओलीले सिलवाललाई पार्टी प्रवेश गराएका हुन् ।
कांग्रेसद्वारा माओवादीको सरकारमा बस्ने नैतिक आधार समाप्त भएको निष्कर्ष(२०७४ आश्विन १९, विहीवार)
नेपाली कांग्रेस कार्यसम्पादन समितिको बैठकले लोकतान्त्रिक गठबन्धनलाई अगाडि बढाउन पार्टीबाट पठाउने व्यक्तिको नाम टुंगो लगाउन सकेन । कार्यसम्पादन समितिको बिहीबार प्रधानमन्त्री निवास बालुवाटारमा बसेको बैठकमा लोकतान्त्रिक गठबन्धनलाई अगाडि बढाउन पार्टीबाट पठाउने दुई व्यक्तिकाबारेमा छलफल भएपनि नाम सिफारिस गर्न सकेन ।
http://go.oclaserver.com/afu.php?zoneid=1465736