arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
निर्वाचन आयोगद्वारा प्रदेश नम्बर-१, ५ र ७ को निर्वाचनको कार्यतालिका पुनः परिवर्तन(२०७४ आषाढ १, विहीवार)
निर्वाचन आयोगले प्रदेश नम्बर-१, ५ र ७ को निर्वाचनको कार्यतालिका पुनः परिवर्तन गरेको छ । सरकारको अनुरोधमा आयोगले तीनओटा प्रदेशको निर्वाचनको मनोनयनपत्र दर्ता यही असार ४ गतेका लागि सारेको हो । यसअघि, दोस्रो चरणको स्थानीय तह निर्वाचनको उम्मेदवारी दर्ता असार २ गते गर्ने कार्यतालिका रहेको थियो ।
प्रदेश नम्बर-२ र ५ का ११ जिल्लामा निर्वाचन नगर्न माग गर्दै सर्वोच्चमा रिट(२०७४ आषाढ १, विहीवार)
प्रदेश नम्बर-२ र ५ का ११ जिल्लामा निर्वाचनसम्बन्धी कुनैपनि काम-कारबाही नगर्न आदेशको माग गर्दै बिहीबार सर्वोच्च अदालतमा रिट निवेदन दायर भएको छ । प्रधानमन्त्री तथा मन्त्रिपरिषदको कार्यालय, संघीय मामिला तथा स्थानीय विकास मन्त्रालय, व्यवस्थापिका-संसद, निर्वाचन आयोगलगायतलाई विपक्षी बनाइ अधिवक्ता सुनिलकुमार पटेल र कपिलवस्तु निवासी सुनिलकुमार चौहानले बिहीबार निवेदन दायर गरेका हुन् ।
प्रदेश नम्बर २ को निर्वाचन सार्ने सरकारको निर्णय राष्ट्रिय जनता पार्टीलाई अमान्य(२०७४ आषाढ १, विहीवार)
राष्ट्रिय जनता पार्टीले प्रदेश नम्बर २ को निर्वाचन सार्ने सरकारको एकतर्फी निर्णय भएको भनेको छ । राजपाले मधेश, थरुहटका अन्य जिल्लामा असार १४ मै गरिने निर्वाचन मान्य नहुने समेत जनाएको छ । 
यस वर्षको मनसुन सुरु, सक्रिय हुन केही दिन लाग्ने(२०७४ आषाढ १, विहीवार)
यस वर्षको मनसुन सुरु भएको छ । यस वर्ष तीन दिन ढिलो गरी मनसुन सुरु भएको हो । यद्यपि, गत वर्षको तुलनामा भने यो अलिक चाँडो नै सुरु भएको हो । मनसुन सुरु भएसँगै धान रोप्न कृषकहरुलाई चटारो पनि बढ्नेछ ।
बुटवल उपमहानगरपालिका, देवदह र तिलोत्तमा नगरपालिकामा काँग्रेस र माओवादी केन्द्रबीच तालमेल (२०७४ ज्येष्ड ३१, बुधवार)
 स्थानीय तहको दोस्रो चरणको निर्वाचनका लागि रुपन्देहीको बुटवल उपमहानगरपालिका, देवदह नगरपालिका र तिलोत्तमा नगरपालिकामा नेपाली काँग्रेस र नेकपा माओवादी केन्द्रबीच तालमेल भएको छ।
सीमावर्ती भारतको जोगवनीमा गुडिरहेको रेलबाट किचिएर तीन नेपालीको मृत्यु(२०७४ ज्येष्ड ३१, बुधवार)
सीमावर्ती भारतको जोगवनीमा गुडिरहेको रेलबाट किचिएर मंगलबार तीन नेपालीको मृत्यु भएको छ । मृत्यु हुनेमा मोरङको कदमाहा-८ का २५ वर्षीय रमेश शर्मा, जुडीघाट-८ का १६ वर्षीय राजु ऋषिदेव र धनुषा सिग्याहीमडानका २६ वर्षीय विनोद यादव रहेको सीमा प्रहरी कार्यालय जोगवनीका प्रहरी नायब निरीक्षक फिरोज चौधरीले जानकारी दिए ।
कालिकोटको जितेगडाबाट महेन्द्रनगर जाँदै गरेको बस दुर्घटना, १० जनाको मृत्यु(२०७४ ज्येष्ड ३१, बुधवार)
 कालिकोटको जितेगडाबाट महेन्द्रनगर जाँदै गरेको ना४ख २९९८ नम्बरको एक यात्रीबहाक बस बुधबार दैलेखको आठबीस नगरपालिका–४ को नैनाल सडकखन्डमा दुर्घटना कम्तीमा हुँदा १० जनाको मृत्यु भएको छ ।
राजपाको आन्दोलनमा सीके राउत र भूमिगत संगठनहरुले सघाउनसक्ने आशंका, सुरक्षा व्यवस्था कडा(२०७४ ज्येष्ड ३०, मंगलवार)
स्थानीय निर्वाचनको विरोध गर्दै राष्ट्रिय जनता पार्टी (राजपा) नेपालले गरेको आमहड्तालमा घुसपैठ हुनसक्ने भन्दै नवलपरासी जिल्ला सुरक्षा समितिले सुरक्षा सर्तकतासहित जिल्लामा निगरानी बढाएको छ । 
फोरम-नयाँ शक्तिद्वारा रुपन्देहीमा उम्मेदवारको नाम सार्वजनिक (२०७४ ज्येष्ड ३०, मंगलवार)
आगामी असार १४ गते हुने स्थानीय तहको निर्वाचनका लागि संघीय समाजवादी फोरम नेपाल र नयाँ शक्ति पार्टी नेपालले रुपन्देहीमा उम्मेदवारहरुको नाम सार्वजनिक गरेका छन् । संयुक्तरुपमा चुनावी मैदानमा उत्रिएका फोरम र नयाँ शक्तिले मंगलबार भैरहवामा पत्रकार सम्मेलन गरी स्थानीय तहका प्रमुख र उपप्रमुखका नाम सार्वजनिक गरेका हुन् ।
कांंग्रेसले केही जिल्लाका उम्मेदवारको नाम टुंगो लगाउन सकेन(२०७४ ज्येष्ड ३०, मंगलवार)
नेपाली कांंग्रेसले दोस्रो चरणको स्थानीय तह निर्वाचनका लागि केही जिल्लाका उम्मेदवारको नाम आज पनि टुंगो लगाउन सकेन । पार्टी केन्द्रीय कार्यालय सानेपामा बसेको नेपाली कांंग्रेस कार्यसम्पादन समितिको बैठकले सबै जिल्लाको नाम टुंग्याउने भने पनि नेताहरुबीच विवाद बढेपछि टुंग्याउन नसकेको हो ।
बर्दियाको स्थानीय निर्वाचनमा ५३ वटा मतदानस्थललाई अतिसंवेदनशील(२०७४ ज्येष्ड ३०, मंगलवार)
बर्दिया जिल्लाको स्थानीय निकाय निर्वाचनमा ५३ वटा मतदानस्थललाई अतिसंवेदनशील मानिएको छ । भारतसँग जोडिएको सीमावर्ती क्षेत्र, बासगढीलगायतका ठाउँलाई अतिसंवेदनशील क्षेत्रका रुपमा लिएका प्रहरी उपरीक्षक भरतबहादुर बोहोराले जनाए । ती स्थानमा सुरक्षा व्यवस्था अत्यन्त कडा पारिएको छ । 
राजपाको धम्कीबाट आत्तिनु पर्दैन्, मधेसमा निर्वाध ढंगबाट चुनाव हुन्छ : उपेन्द्र यादव(२०७४ ज्येष्ड २९, सोमवार)
संघीय समाजवादी फोरमका अध्यक्ष उपेन्द्र यादवले राष्ट्रिय जनता पार्टी(राजपा)को आन्दोनलको धम्कीबाट आत्तिनु नपर्ने बताएका छन् । सर्लाहीको नवलपुरमा आज(सोमबार) आयोजित पत्रकार सम्मेलनमा यादवले तराइ मधेशमा चुनाव गर्न कसैले रोक्न नसक्ने र निर्वाध ढंगबाट चुनाव सम्पन्न हुने दाबी गरे ।
झापामा ढिलो गरी चुनावी सरगर्मी एकाएक सुरु(२०७४ ज्येष्ड २९, सोमवार)
एमाले र कांग्रेसका दुई शीर्ष नेताको गृहजिल्ला झापामा ढिलो गरी चुनावी सरगर्मी सुरु भएको छ । उम्मेदवारका आकांक्षीको व्यवस्थापन गर्न नसक्दा दलहरू प्रचार अभियानमा जुट्न सकिरहेका थिएनन् ।

दोस्रो चरणको निर्वाचनका लागि खोटाङमा उम्मेदवारको चयनपछि चुनावी माहोल तात्यो(२०७४ ज्येष्ड २८, आइतवार)
दोस्रो चरणको निर्वाचनका लागि जिल्ला जिल्लामा उम्मेदवारको चयनपछि चुनावी माहोल तातेको छ । खोटाङ जिल्लामा कांग्रेसले बल्ल उम्मेदवारको टुंगो लगाएको छ । दुई नगरपालिका र आठ गाउँपालिकाका प्रमुख तथा उपप्रमुखमा आकांक्षी बढी भएपछि विवाद चर्कंदा टिकटको छिनोफानो हुन सकेको थिएन । क्षेत्रमा टिकटको सहमति हुन नसकेपछि जिल्ला हुँदै केन्द्रमा पठाइएको थियो । 
२ नम्बर प्रदेशमा तेस्रो चरणमा चुनाव हुनसक्ने(२०७४ ज्येष्ड २८, आइतवार)
 उपप्रधानमन्त्री एवं संघीय मामिला तथा स्थानीय विकास मन्त्री विजय गच्छदारले स्थानीय तहको निर्वाचन सार्थक बनाउन २ नम्बर प्रदेशमा तेस्रो चरणमा चुनाव हुनसक्ने बताएका छन् । विराटनगरमा पत्रकारसँगको कुराकानीमा उनले राष्ट्रिय जनता पार्टीलाई दल दर्ता गरी निर्वाचन आयोगबाट चुनाव चिन्ह प्राप्त गर्ने गरी ऐन संशोधन गरेर पनि उनीहरु निर्वाचन आउने अवस्था नरहेको प्रष्ट पारेका हुन् । 
राजपा नेतृत्वको गठबन्धन पुनः आन्दोलनमा, निर्वाचनमा सहभागी नहुने(२०७४ ज्येष्ड २८, आइतवार)
राष्ट्रिय जनता पार्टी (राजपा) नेतृत्वको सङ्घीय गठबन्धनले आफ्ना माग पूरा नभएको भन्दै स्थानीय तहको दोस्रो चरणको निर्वाचनमा सहभागी नहुने घोषणा गरेको छ । गठबन्धनको आज बसेको बैठकले निर्वाचन प्रभावित गर्ने गरी तेस्रो चरणको सङ्घर्षका कार्यक्रम घोषणा गरेको छ ।
सुनसरीका सर्वसाधारण उत्साह र उमङ्गका साथ निर्वाचनको व्यग्र प्रतिक्षामा(२०७४ ज्येष्ड २७, शनिवार)
करिब २० वर्षपछि हुन लागेको स्थानीय तहको निर्वाचनमा मतदान गर्न सुनसरी जिल्लाका सर्वसाधारण उत्साह र उमङ्गका साथ असार १४ को व्यग्र प्रतिक्षामा छन् । दुई उपमहानगरपालिका, चार नगरपालिका र छ वटा गाउँपालिका भएको सुनसरीका मतदाता स्थानीय विकासका माग र आवश्यकता पूरा गर्ने उम्मेदवारलाई मतदान गर्नुपर्ने भन्दै एकापसमा सरसल्लाह गरिरहेका छन् ।
निर्वाचनलाई मध्यनजर गर्दै भारतसँग सीमा जोडिएका इलामका सीमा नाका ४८ घन्टा बन्द गरिने (२०७४ ज्येष्ड २७, शनिवार)
दोस्रो चरण अन्तर्गत स्थानीय तहको निर्वाचनलाई मध्यनजर गर्दै भारतसँग सीमा जोडिएका इलामका सीमा नाका ४८ घन्टा बन्द गरिने भएको छ । सुरक्षालाई ध्यानमा राखेर ४८ घन्टा सीमा बन्द गरिने जिल्ला सुरक्षा समितिका संयोजक तथा प्रमुख जिल्ला अधिकारी जनकराज दाहालले बताए ।
सत्ता साझेदार दल र राजपाबीचको बैठक निष्कर्षविहीन, निर्बाचनमा नजाने अडान(२०७४ ज्येष्ड २७, शनिवार)
संविधानप्रति असन्तुष्ट रहँदै आएको राष्ट्रिय जनता पार्टी नेपाललाई स्थानीय तहको निर्वाचनमा सहभागी गराउन सत्ता साझेदार दलहरुले गरेको प्रयास आज पनि असफल भएको छ । प्रधानमन्त्री शेरबहादुर देउवाको पहलमा सत्ता साझेदार दल नेपाली कांग्रेस र नेकपा माओवादी केन्द्रले राष्ट्रिय जनता पार्टी नेपालका शीर्ष नेताहरुसँग आज गरेको छलफल निष्कर्षविहीन भएको छ ।
पूर्वी वायु र पश्चिमी वायुको प्रभावका कारण देशभर वर्षा जारी(२०७४ ज्येष्ड २६, शुक्रवार)
पूर्वी वायु र पश्चिमी वायुको प्रभावका कारण  देशको अधिकांश भागमा बद्लीसँगै केही स्थानमा वर्षा भएको छ । उक्त वायुको प्रभावले काठमाडौं उपत्यकासहित देशका पूर्वी र पश्चिमी भेगमा बद्लीसँगै वर्षात् भएको मौसम पूर्वानुमान महाशाखाले जनाएको छ ।
रुपन्देहीमा चुनावी चहल-पहल बढ्यो(२०७४ ज्येष्ड २६, शुक्रवार)
आगामी असार १४ गते हुने स्थानीय तह निर्वाचनका लागि रुपन्देही जिल्लामा चुनावी चहलपहल शुरु भएको छ । रुपन्देहीमा यतिबेला मौसमी पारोमात्र तातेको होइन कि चुनावी पारो पनि ह्वात्तै बढेको छ ।
संविधान संशोधन नभएसम्म चुनावमा भाग नलिने राजपा नेताहरुको अडान(२०७४ ज्येष्ड २६, शुक्रवार)
व्यवस्थापिका-संसदले निर्वाचन ऐन संशोधन गरेको भोलिपल्ट राष्ट्रिय जनता पार्टी (राजपा) नेपालले दोस्रो चरणको स्थानीय तह निर्वाचनमा पनि सहभागी नहुने बताएको। छ । शुक्रबार सप्तरी सदरमुकाम राजविराजमा विरोधसभा गरी सो पार्टीका नेताहरुले संविधान संशोधन नभएसम्म निर्वाचनमा भाग नलिने अडान दोहोर्‍याएका हुन् ।
प्रधानमन्त्री शेरबहादुर देउवाद्वारा दोस्रो चरणको निर्वाचनमा लाग्न आग्रह (२०७४ ज्येष्ड २५, विहीवार)
नवनिर्वाचित प्रधानमन्त्री शेरबहादुर देउवाले तीनवटा निर्वाचन आफ्नो सरकारको मुख्य प्राथमिकता रहेको बताएका छन् । नेपाल विद्यार्थी सङ्घले दोस्रो चरणको स्थानीय तहको निर्वाचनको पूर्वसन्ध्यामा बिहीबार पार्टी कार्यालय सानेपामा गरेको  स्थानीय निर्वाचन परिचालन विषयक अभिमुखीकरण कार्यक्रममा प्रधानमन्त्री देउवाले दोस्रो चरणको निर्वाचनमा लाग्न सबैलाई आग्रह गरे । 
सप्तकोसी नदीमा आउने बाढीको तीव्र कटानले उच्च जोखिममा बराहक्षेत्र(२०७४ ज्येष्ड २५, विहीवार)
हिन्दूहरुको आस्थाको महत्वपूर्ण धार्मिक तीर्थस्थल बराहक्षेत्र लामो समयदेखि सप्तकोसी नदीमा आउने बाढीको तीव्र कटानले उच्च जोखिममा परेको भन्दै स्थानीयवासीले मन्दिरको दीर्घकालीन सुरक्षा र संरक्षणका लागि राज्यको ध्यानाकर्षण गराउँदै आएका छन् ।
धनकुटामा असार १४ मै निर्वाचन हुनेमा सर्बसाधारण ढुक्क हुन अझै सकेनन्(२०७४ ज्येष्ड २५, विहीवार)
निर्वाचनको तयारी गरिरहेको जिल्ला निर्वाचन कार्यालय धनकुटाले ९० प्रतिशत काम सकिसकेको जनाएको छ । तर निर्वाचनको तयारी पूरा हुन लाग्दासम्म तोकिएको मिति असार १४ मै निर्वाचन हुनेमा सर्बसाधारण भने ढुक्क हुन अझै सकेका छै्नन् ।
देउवा नेतृत्वको सरकारका सात प्राथमिकता (२०७४ ज्येष्ड २४, बुधवार)
प्रधानमन्त्री शेरबहादुर देउवा नेतृत्वको सरकारले संविधान कार्यान्वयनसहित आफूले गर्नुपर्ने कामको प्राथमिकताक्रम निर्धारण गरेको छ । राष्ट्रपतिसँग शपथलगत्तै बुधबार बसेको मन्त्रिपरिषदको पहिलो बैठकले संविधान कार्यान्वयन सम्बद्ध विषयवस्तुलाई तीव्र गतिमा अघि बढाउने कामलाई पहिलो प्राथमिकतामा राखेको हो । 
पूजाको भतेर खाँदा झापामा २७ जना बिरामी(२०७४ ज्येष्ड २४, बुधवार)
पूजाको भतेर खाँदा बुधबार (आज) झापा शिवसताक्षी नगरपालिका-१० स्थित माइधारका २७ जना बिरामी परेका छन् । स्थानीय नेत्र दाहालको घरमा भतेर खाएपछि सबै एकैसाथ बिरामी परेका हुन् । माइधारका स्वास्थ्यकर्मी दीपक पौडेलले भतेर खाएकालाई लगातार बान्ता हुने, पखाला चल्ने र पेट दुख्ने समस्या देखिएको बताए ।
प्रधानमन्त्री शेरबहादुर देउवाद्वारा तीन उपप्रधानमन्त्रीसहित सात सदस्यीय मन्त्रिपरिषद गठन(२०७४ ज्येष्ड २४, बुधवार)
प्रधानमन्त्री शेरबहादुर देउवाले तीन उपप्रधानमन्त्रीसहित सात सदस्यीय मन्त्रिपरिषद गठन गरेका छन् । नवगठित मन्त्रिपरिषदमा विजयकुमार गच्छदार, कृष्णबहादुर महरा र गोपालमान श्रेष्ठलाई उपप्रधानमन्त्रीसहित क्रमशः संघीय मामिला तथा स्थानीय विकास, परराष्ट्र र शिक्षा मन्त्रालयको जिम्मेवारी दिइएको छ ।
शेरबहादुर देउवालाई भारतीय प्रधानमन्त्री मोदीद्वारा टेलिफोन गरि बधाई तथा शुभकामना ब्यक्त(२०७४ ज्येष्ड २३, मंगलवार)
प्रधानमन्त्री चुनिएको केही बेरमा नै शेरबहादुर देउवालाई भारतीय प्रधानमन्त्री नरेन्द्र मोदीले टेलिफोन गरि बधाई तथा शुभकामना ब्यक्त गरेका छन् । भारतीय प्रधानमन्त्री मोदीले टेलिफोन गर्दै उनलाई कार्यकालको शुभकामना दिंदै आउँदा दिनमा गर्नुपर्ने कार्यको सफलताको कामना गरेका उनका स्वकीय सचिव भानु देउवाले   जानकारी दिए । मोदीजीले यहाँको कार्यकालमा नेपाल भारत सम्वन्ध थप उचाईमा पुग्ने विश्वास ब्यक्त गर्नुभयो, उनले भने । 
निर्वाचनविरोधी गतिविधि बढ्न थालेपछि नेपाल-भारत सीमा सुरक्षामा उच्च सतर्कता(२०७४ ज्येष्ड २३, मंगलवार)
नेपाल-भारत खुला सीमानामा हुने सम्भावित घटनालाई ख्याल गरी सुनसरी प्रहरीले सीमा क्षेत्रको सुरक्षामा उच्च सतर्कता अपनाएको छ । पूर्वी तराईका जिल्लाहरुमा निर्वाचनविरोधी गतिविधि बढ्न थालेपछि सुनसरीका सीमावर्ती क्षेत्रमा व्यापकरुपमा प्रहरी परिचालन गरिएको छ । खुला सिमानाको मौकाछोपी अवैध हातहतियारको ओसारपसार गरी निर्वाचनविरोधी गतिविधि हुनसक्ने भन्दै प्रहरीले सीमा क्षेत्रमा विशेष निगरानी र सुरक्षा जाँच कडाइमा गरिएको हो ।