arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
नेकपा एमाले र नेकपा माओवादी केन्द्रको संयुक्त बाम गठबन्धनको सरकार केपी शर्मा ओलीको नेतृत्वमा पाँच वर्ष चल्दा ठीक कि आधा समय अर्थात साढे २ वर्षपछि नेकपा माओवादी केन्द्रका पुष्पकमल दाहालको नेतृत्वमा पुन: आलोपालो सरकारको निरन्तरता दिन ठीक ?

आलोपालो ठीक
ओलीको निरन्तरता ठीक
थाहा भएन
हुनेवाला केही होइेन

भोट दिनुहोस् परिणाम हेर्नुहोस्
पुराना मत परिणामहरु
PropellerAds
बिज्ञापनहरु
 
राष्ट्रिय समाचार
बझाङको चैनपुरमा सडक अतिक्रमण गरेर बनाइएका संरचना हटाउन सुरु(२०७४ पौष १२, बुधवार)
बझाङ सदरमुकाम चैनपुरमा सडक अतिक्रमण गरेर बनाइएका संरचना हटाउन सुरु भएको छ । जयपृथ्वी नगरपालिकाले नगरपालिका क्षेत्रभित्र सडक अतिक्रमण गरेर बनाइएका संरचना हटाउन थालेको हो । बर्र्षौंदेखि सडक मिचेर बनाइएका घरटहरा हटाउन नगरपालिकाले आग्रह गर्दै आए पनि स्थानीयले अटेर गरेका कारण भत्काउन थालिएको मेयर विरेन्द्र खड्काले जानकारी दिए ।
दाङको तुल्सीपुरका तीन वडा जोड्ने झोलुङ्गे पुल निर्माणसँगै स्थानीय हर्षित(२०७४ पौष ११, मंगलवार)
तुल्सीपुर नगरपालिकाका तीन वडा जोड्ने झोलुङ्गे पुल निर्माणसँगै यहाँका स्थानीय हर्षित भएका छन् । पातु खोलामा पुल नहुँदा वर्षेनी आवतजावतमा समस्या भोगेका स्थानीयले पातुखोलमा पुल निर्माणसँगै आफूहरुलाई सहजता भएको बताएका छन् । जिल्ला समन्वय समिति, दाङद्वारा सञ्चालित पुल परियोजनाअन्तर्गत तुल्सीपुर-३, ७ र ९ नं वडा जोड्ने पातुखोलाको पातुखोला घाट झोलुङ्गे पुल निर्माणसँगै सोमबार सञ्चालनमा समेत आएको छ ।
ताप्लेजुङको दोभानस्थित तमोर नदीमाथिको मोटरेवल पुल निर्माणको काम पुनः सुरु (२०७४ पौष ११, मंगलवार)
ताप्लेजुङको दोभानस्थित तमोर नदीमाथिको मोटरेवल पुल निर्माणको काम पुनः सुरु भएको छ । विभिन्न कारण देखाउँदै आठ वर्षदेखि निर्माण हुन नसकेको मोटरेबल पुलको काम मंसिर अन्तिम साताबाट सुरु भएको हो । तमोर करिडोरको उत्तरी ढोका मानिएको पुल फागुन मसान्तसम्ममा सक्ने गरी काम थालिएको तमोर करिडोर आयोजनाका प्रमुख कुबेर नेपालीले जानकारी दिए ।
नेपाल जेसीजको नयाँ नेतृत्वकोलागी अध्यक्षमा रामग्राम र इटहरी जेसीजका पुर्व अध्यक्षबीच भिडन्त(२०७४ पौष ११, मंगलवार)
नेपाल जेसीजको ४४ औं महाधिवेसन भैरहवामा जारी छ । महाधिवेसनमा नेपालभरीका १३८ शाखाका करिब १ हजार ५ सय जना मतादाताले मतदान गर्दैछन् । एक पद अध्यक्षकोलागी २ जना चुनाबी मैदानमा छन् । अध्यक्षकोलागी रामग्राम जेसीजका पुर्व अध्यक्ष श्रीधर बस्याल र इटहरी जेसीजका पुर्व अध्यक्ष महेश पौडेलबीच प्रतिसपर्धा हुने भएको छ ।
बुटवल मेलामा विद्यार्थीहरुको उदाहरणिय काम सिस्नु र सिन्कीको 'सुप' र कुल्चे बर्गर बेच्दै (२०७४ पौष ११, मंगलवार)
केही महिला पहिला बुटवल वहुमुखी क्याम्पस विएस्सी द्धितिय बर्षमा अध्ययन गर्ने ३ जना विद्यार्थीहरुको मनमा अनौठो प्रकृतिको सञ्चार भयो । रितु बन्जाडे, मनिसा भुषाल र आश्वीनी कुमार गुप्ता अध्यायन अनुसारको रोजगारी नपाएपछि एउटा जुक्ती निकाले । जुक्तीमा उनीहरुले स्वदेशमा नै उतापदन भएको कच्चा पदार्थ प्रयोग गरी केही नयाँ गर्ने  सोच बनाए ।
बहुचर्चित 'गल्छी-त्रिशूली-मैलुङ-स्याफ्रुबेँसी-रसुवागढी' सडक योजनाको काम १० प्रतिशत मात्र(२०७४ पौष ९, आइतवार)
  राष्ट्रिय गौरवको आयोजनाका रुपमा विस्तार भइरहेको बहुचर्चित 'गल्छी-त्रिशूली-मैलुङ-स्याफ्रुबेँसी-रसुवागढी' सडक योजनाको काम एक वर्षमा १० प्रतिशत मात्र निर्माण भएको छ । एक्काइस महिनाभित्र पूरा गर्ने सम्झौता भए पनि काम सुरु भएको एक वर्षमा १० प्रतिशत विस्तार एवं स्तरोन्नति भएको हो । 
कांग्रेसद्वारा आधिकारिक उम्मेदवारलाई हराउन लागेको भन्दै पूर्वमन्त्रीसहित १२ जनालाई कारबाही(२०७४ पौष ९, आइतवार)
स्थानीय तह निर्वाचनमा पार्टीका आधिकारिक उम्मेदवारलाई हराउन लागेको भन्दै नेपाली कांग्रेस पर्सा क्षेत्र नं ४ ले पूर्वमन्त्री सुरेन्द्र चौधरीसहित १२ जनालाई कारबाहीको सिफारिस गरेको छ । क्षेत्र नं ४ का क्षेत्रीय सभापति मृत्युञ्जयकुमार श्रीवास्तवले वीरगञ्जमा पत्रकार सम्मेलनको आयोजना गरी पार्टी पर्साका पूर्वजिल्ला सभापतिसमेत रहेका चौधरीसहित १२ जनालाई १५ वर्षका लागि पार्टीबाट निष्काशन गर्न सिफारिश गरेको जानकारी दिए ।
कालिकोटमा पुनः कफ्र्यु जारी(२०७४ पौष ९, आइतवार)
स्थानीय प्रशासनले कालिकोटमा आज पनि कफ्र्यु जारी राखेको छ ।हिजो दिउँसो ३ बजेदेखि लगाइएको कफ्र्यु आज बिहान दुई घण्टा हटाएर पुनः लगाइएको हो । जिल्ला प्रशासन कार्यालयले आज बिहान ८ बजेदेखि १० बजेसम्मका लागि कफ्र्यु हटाएको थियो ।
प्रदेशसभाको समानुपातिकतर्फको मतपरिणाम र दलहरुले पाएको सिट संख्या सार्वजनिक(२०७४ पौष ७, शुक्रवार)
निर्वाचन आयोगले प्रदेशसभाको समानुपातिकतर्फको मतपरिणाम र दलहरुले पाएको सिट संख्या सार्वजनिक गरेको छ । शुक्रबार बसेको निर्वाचन आयोगको बैठकले सिट संख्या बाँडफाँटको अन्तिम टुंगो लगाएको हो । 'सेन्टलक' विधिअनुसार प्रदेशसभाका २२० समानुपातिक सिटमध्ये नेकपा एमालेले सबैभन्दा बढी ७५ सिट पाएको छ भने नेपाली कांग्रेसले ७२ सिट पाएको छ ।
सर्वोच्चद्दारा निर्वाचनको मतगणनाका क्रममा स्वच्छता नभएको भन्दै दायर भएका मुद्दामा लिखित जवाफ पेश गर्न आदेश जारी(२०७४ पौष ७, शुक्रवार)
सर्वोच्च अदालतले निर्वाचनको मतगणनाका क्रममा स्वच्छता नभएको भन्दै दायर भएका मुद्दामा सात दिनभित्र लिखित जवाफ पेश गर्न आदेश जारी गरेको छ । प्रधानन्यायाधीश गोपाल पराजुली र न्यायाधीश दीपकराज जोशी, ओमप्रकाश मिश्र, चोलेन्द्र शम्शेर जवरा र दीपककुमार कार्कीको संवैधानिक इजलासले सात दिनभित्र लिखित जवाफ पेस गर्न आदेश दिएको हो । 
एमाले र माओवादी केन्द्रले सरकारको नेतृत्व आलोपालो गर्ने(२०७४ पौष ७, शुक्रवार)
माओवादी केन्द्रका अध्यक्ष पुष्पकमल दाहालले अब सरकारको नेतृत्व आलोपालो गर्ने सहमति भएको खुलासा गरेका छन् । शुक्रबार प्रेस सेन्टर चितवनले भरतपुर विमानस्थलमा गरेको पत्रकार भेटघाटमा बोल्दै उनले नेकपा एमालेका अध्यक्ष केपी शर्मा ओली र आफूबीच सरकारको नेतृत्व आलोपालो गर्ने सहमति भएको दाबी गरे ।

डडेलधुराको भीमदत्त राजमार्गमा यात्रुबाहक बस दुर्घटना !(२०७४ पौष ७, शुक्रवार)
डडेलधुरा /( अर्घाखाँचीडट्कम)बाजुराबाट धनगढी जाँदै गरेको मालिका यातायातको ना ५ ख ७८९ नम्बरको
बस डडेलधुराको भीमदत्त राजमार्गमा पर्ने मेलखर्कमा बिहान ५ बजे दुर्घटना भएको छ,
प्रदेश–५ को राजधानी बुटवलबाहेक अन्यत्र नतोक्न एमालेको चेतावनी, बुटवलमा औद्योगिक प्रदर्शनी सुरु(२०७४ पौष ६, विहीवार)
बुटवलमा १४औं राष्ट्रिय औद्योगिक प्रदर्शनी कृषि, प्रविधि तथा पर्यटन महोत्सव बिहीबारदेखि सुरु भएको छ । महोत्सवको उद्घाटन गर्दै उपराष्ट्रपति नन्दबहादुर पुनले उद्योग नीतिमा सुधारको खाँचो औंल्याए । आन्तरिक उत्पादन वृद्धि गर्नुपर्नेमा उनको जोड थियो । यस्तै, नेकपा एमालेका उपमहासचिव विष्णु पौडेलले ५ नम्बर प्रदेशको राजधानी बुटवलबाहेक अन्यत्र तोके विगतमा बुटवलमा उत्रिएको जनसागरलाई स्मरण गर्न चेतावनी दिए ।
सर्लाहीमा प्रदेश नम्बर-२ को राजधानी बनाउन माग गर्दै हरिवनमा र्‍याली(२०७४ पौष ६, विहीवार)
सर्लाहीमा प्रदेश नम्बर-२ को राजधानी बनाउन माग गर्दै बिहीबार हरिवनमा र्‍याली निकालिएको छ । चर्तुभूजेश्वर जनता बहुमुखी क्याम्पस सुखेपोखरीदेखि हरिवनबजारसम्म विद्यार्थीहरुले र्‍याली निकालेका हुन् । र्‍यालीलगत्तैको कोणसभामा सर्लाही क्षेत्र नम्बर-३ को प्रदेशसभा 'क'बाट नवनिर्वाचित सांसद डिल्लीप्रसाद उप्रेतीले प्रदेशका ८ जिल्लामध्ये बीचभागमा पर्ने तथा जिल्लामा प्रशस्त मात्रामा सार्वजनिक जग्गा पनि भएकाले राजधानी बनाउन उपयुक्त रहेको तर्क गरे ।
कपिलवस्तुको बुद्धभूमि कुन्र्दे खोलामा बस दुर्घटना हुँदा १० जना घाइते(२०७४ पौष ६, विहीवार)
कपिलवस्तुको बुद्धभूमि नगरपालिका वडा नम्बर-२ कुन्र्दे खोला नजिक बिहीबार साँझ बस दुर्घटना हुँदा १० जना घाइते भएका छन् । बुटवलबाट पश्चिम कृष्णनगर जाँदै गरेको लु १ ख ९२८७ नम्बरको बस तीव्र गतिका कारण अनियन्त्रित भई बाटो छेउमा पल्टिँदा सो दुर्घटना भएको इलाका प्रहरी कार्यालय गोरुसिंघेले जनाएको छ ।
संसदमा कुनैपनि दलको बहुमत नपुग्ने(२०७४ पौष ५, बुधवार)
प्रतिनिधिसभा र प्रदेशसभा सदस्य निर्वाचनको अन्तिम परिणामले केन्द्रीय संसद प्रतिनिधिसभामा कुनैपनि राजनीतिक दलको बहुमत नपुग्ने देखाएको छ । नेपालको संविधानअनुसार गत मंसिर १० र २१ गते दुई चरणमा भएको प्रतिनिधिसभा र प्रदेशसभा निर्वाचनमा कुल २७५ सदस्यीय प्रतिनिधिसभा सदस्यका लागि निर्वाचन भएको थियो ।
काठमाडौं उपत्यकामा वायुप्रदूषणको मात्रा हदभन्दामाथि, मर्निङवाक नगर्न सुझाव(२०७४ पौष ५, बुधवार)
चिसोयाम सुरु भएसँगै उपत्यकामा अत्याधिक वायुप्रदूषण बढेको छ । काठमाडौं उपत्यकामा वायुप्रदूषणको मात्रा हदभन्दामाथि पुगिसकेको विज्ञहरुले बताएका छन् । वातावरण विभागकाअनुसार उपत्यकाका अधिकांश स्थानमा वायुप्रदूषणको तह मापदन्डभन्दा धेरैमाथि पुगेको छ । त्यसमा पनि बिहानको समयमा बढी वायुप्रदूषण हुने गरेको छ ।
बहुआयामिक विधिबाट पहिलोपटक गरिबीको मापन, प्रदेश नम्बर–६ र २ मा सबैभन्दा बढी गरिबी(२०७४ पौष ५, बुधवार)
बहुआयामिक विधिबाट पहिलोपटक गरिबीको मापन गरिएको छ । राष्ट्रिय योजना आयोगले अक्सफोर्ड विश्वविद्यालयको सहयोगमा तयार पारेको अध्ययन प्रतिवेदन बुधबार राजधानीमा सार्वजनिक गर्दै नेपालमा २८.६ प्रतिशत बहुआयामिक गरिब रहेको जनाइएको हो ।
काठमाडौं टोखामा गोली चल्यो, १ महिला घाइते(२०७४ पौष ५, बुधवार)

अहिले भर्खरै काठमाडौंको टोखामा गोली चलेको छ। गोली लागेर एक महिला घाइते भएकी छिन्।

गोली चलेलगत्तै प्रहरी घटनास्थलमा पुगेको छ। गोली जंगलबाट चलेको बताइएको छ ।

विरगञ्ज ग्यास उद्योगमा आगलागी, आगो निभाउन गएको दमकल नै जल्यो, (२०७४ पौष ५, बुधवार)
बिरगंज महानगरपालिका पर्सौनी वडा नम्बर २४ स्थित पटेलनगरमा रहेको सुपर ग्यास उद्योगमा भीषण आगलागी भएको छ। प्रहरीका अनुसार बिहान ७ बजेतिरको समयमा उद्योगमा आगलागी भएको हो।
लमजुङमा पुनःनिर्माणका लागि प्राविधिक टोली खटिए(२०७४ पौष ४, मंगलवार)
राष्ट्रिय पुनःनिर्माण प्राधीकरणमार्फत् लमजुङ आएका प्राविधिकहरु भूकम्पले भत्किएका बस्तीमा खटिएका छन् । इन्जिनियर, सब/इन्जिनियर, सहायकसहित खटिएका २५ जना प्राविधिकले भूकम्प प्रभावितले बनाएका घरको निरीक्षण र जाचँपास गर्ने, बन्दै गरेका घरमा प्राविधिक सल्लाह दिने, घर निर्माणका लागि किस्ता सिफारिस गर्ने जस्ता काम गर्नेछन् ।
बाल मृत्युदरमा सरसफाइले सकारात्मक प्रभाव(२०७४ पौष ४, मंगलवार)
आफ्ना शिशुलाई खोप लगाउन खोप केन्द्रमा आउने आमालाई सरसफाइका महत्वका बारेमा जानकारी दिँदा सकारात्मक प्रभाव देखिएको छ । शिशुलाई खोप दिइएपछि खोपकेन्द्रमा कम्तीमा पनि त्यस्ता आमा कम्तीमा आधा घन्टादेखि एक घन्टासम्ममा रहन्छन् । सो समयमा स्तनपानको महत्व, बच्चाको दिशापिसाब विसर्जन गर्दा ध्यान दिनुपर्ने कुरा, पानी उमालेर खाँदा हुने फाइदा, शिशुलाई पौष्टिक तत्वको आवश्यकता, हात धुने तरिकालगायत विषयमा जानकारी दिँदा आमा र शिशु दुवैको स्वास्थ्यमा सकारात्मक परिवर्तन आएको सोमबार जानकारी दिइएको छ ।
प्रदेश–१ को राजधानी धनकुटामा बनाउनुपर्ने माग गर्दै धर्ना(२०७४ पौष ४, मंगलवार)
प्रदेश नम्बर-१ को राजधानी धनकुटामा नै बनाउनुपर्ने माग गर्दै जनप्रतिनिधिहरुले मंगलबार काठमाडौंको माइतीघरमन्डलामा धर्ना दिएका छन् । धनकुटाबाट नवनिर्वाचित प्रतिनिधिसभा सदस्य राजेन्द्र राई, धनकुटा नगरपालिकाका मेयर चिन्तन तामाङलगायत प्रदेश सांसदहरुसमेतले धनकुटामा राजधानी बनाउनुपर्ने माग गर्दै प्रदर्शन गरेका हुन् ।
रासन भत्तामा अनियमितता गरेको भन्दै दोलखामा म्यादी प्रहरी आन्दोलित(२०७४ पौष ३, सोमवार)
म्यादी प्रहरीको खाइपाई आउने रासन भत्तामा अनियमितता गरेको भन्दै दोलखामा कार्यरत म्यादी प्रहरी आन्दोलित भएका छन् । सरकारले खानामा म्यादीलाई पनि सिपाइसरह सेवा सुविधा दिने भने पनि जिल्ला प्रहरी कार्यालय दोलखाले सुरक्षामा खटिने म्यादीलाई प्रहरीको सिपाइसरह खानाको रकम नलिएर अत्यधिक महँगो गरेको र ज्यामीको कामसमेत लगाएको भन्दै उनीहरु आन्दोलित भएका हुन् ।

प्रतिकूल मौसमका कारण आन्तरिक उडान प्रभावित(२०७४ पौष ३, सोमवार)
प्रतिकूल मौसमका कारण त्रिभुवन अन्तर्राष्ट्रिय विमानस्थलबाट हुने विभिन्न गन्तव्यका आन्तरिक उडान प्रभावित भएको छ ।कुइरो लागेका कारण भद्र्रपुर, सिमरा, भैरहवा र धनगढीको उडान रद्द गरिएको त्रिअवी आन्तरिक टर्मिनल व्यवस्थापन शाखाका प्रमुख परवेज आलम सिद्दिकीले बताए ।
दुवै निर्वाचन एकैदिन सम्पन्न गराएर अन्तर्राष्ट्रियस्तरमा नौलो रेकर्ड कायम गर्न सफल भएको प्रमुख निर्वाचन आयुक्तको जिकिर(२०७४ पौष ३, सोमवार)
प्रमुख निर्वाचन आयुक्त डा. अयोधीप्रसाद यादवले विश्वका अरु मुलुकहरुले प्रान्त र केन्द्रको निर्वाचन एकैपटक सम्पन्न गर्न नसकेको भएपनि आफूले एकैपटकमा दुवै निर्वाचन शान्तिपूर्वकरुपमा सम्पन्न गराएको बताएका छन् । अरु मुलुकहरुले व्यवस्थापकीय दृष्टिकोणले धेरै खर्चिलो र झन्झटिलो मानेर प्रान्त र केन्द्रको निर्वाचन एकैपटक सम्पन्न गर्न नसकेको अवस्थामा नेपालले दुवै निर्वाचन एकैदिन सम्पन्न गराएर अन्तर्राष्ट्रियस्तरमा नौलो रेकर्ड कायम गर्न सफल भएको उनको जिकिर छ ।
मुसहर बस्ति निर्माण कार्यको शिल्यानास(२०७४ पौष ३, सोमवार)
सिधा कुरा जनता संगका प्रस्तोता रबि लामिछानेले आज तिलाठीमा पुगी मुसहर बस्ति निर्माण गर्ने कार्यको शिल्यानस गरेका छन् । गय राति उनले शिल्यानास गर्नको लागि आफ्नो टिम संग्ग मुसहर बस्ति यात्रा गर्ने क्रममा आफ्नो फेसबुक लाइभ बाट येसो भनेको थिए  तपाईंले दिनुभएको एक एक पैसाको हिसाब र सदुपयोग हुनेछ  हामीले मुसहर बस्ति निर्माण गर्न ढिलाई गरेता पनि अब तिब्र रुपमा  बस्ति निर्माण सुरु गर्ने  लाइभमा बताएका थिए  । आलोचनाको जवाफ हामीले गरेका प्रतिबद्दता हरुलाई पुरा गर्नु हो  तपाईंको बिश्वासलाई एक ईन्चपनि हल्लिन दिदैनौ भन्दै आएका रविले अन्तत आफ्नो जिम्बेबारी पुरा गर्ने भए ! ,
बुटवल राजधानी हुने हल्लापछि दाङमा भयो यस्तो बबाल(२०७४ पौष ३, सोमवार)
बुटवल क्षेत्रका स्थानीय नागरिकले अगुवाहरूले सामाजिक सञ्जालमार्फत बुटवललाई ५ नम्बरको राजधानी बनाउन लबिङ थालेपछि दाङमा पनि त्यस्तै सामाजिक सञ्जालहरूको प्रयोग गरि प्रदर्शन भएको हो ।
किन बढ्यो चिसो, देशभरको तापक्रम कति छ ? हेर्नुहोस्(२०७४ पौष २, आइतवार)

तापक्रम घटेसँगै काठमाडौँ उपत्यकासहित देशभर चिसो बढेको छ । शनिबार काठमाडौँकोे न्यूनतम तापक्रम २ दशमलब ८ डिग्रीमा झरेको छ । शुक्रबार ३ दशमलब ४ डिग्रीमा पुगेको थियो ।


रामेछापको खाँडादेवीमा पानीको चरम अभाव भएपछि ४ रुपैयाँ लिटर पानी खरिद गर्न बाध्य(२०७४ पौष २, आइतवार)
गाउँमा पानीको चरम अभाव भएपछि खाँडादेवी गाउँपालिका-४ पकरवासका सर्वसाधारण प्रतिलिटर ४ रुपैयाँका दरले पानी खरिद गर्न बाध्य भएका छन् । अघिल्लो वर्षसम्म प्रतिलिटर २ रुपैयाँमा पानी किनेर प्रयोग गर्दै आएका यस ठाउँ र आसपासका मानिस ट्याक्टर व्यवसायीहरुले ढुवानी मुल्य बृद्धि गरेपछि प्रतिलिटिर ४ रुपैयाँमा पानी किनेर दैनिक व्यवहार चलाउन थालेका हुन् ।
http://go.oclaserver.com/afu.php?zoneid=1465736