arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
बुटवलमा पाठकको खडेरी लागेपछि 'ई-लाईब्रेरी'(२०७४ आषाढ ३०, शुक्रवार)
वि.स.२०४५ सालमा स्थापना भएको बुटवल मिलनचोक देखि केही मिटर दुरीमा रहेको रहेको ज्ञान ज्वोति पुस्तकालयमा आज भन्दा केही बर्ष पहिला थामि नसक्नु पाठक हुन्थे । पुस्तकालय खुल्ने वित्तिकै विभिन्न नयाँ नयाँ पुस्तक, जर्नल तथा म्याग्जीन पढ्नको लागि पाठकहरुको तछाड–मछाड नै हुन्थ्यो । 
पोखरा महानगरको पहिलो बजेट ४ अर्ब ३ करोड सार्वजनिक, पोखराभित्र मेट्रो रेल सञ्चालनको सम्भाव्यता अध्ययन हुने(२०७४ आषाढ २९, विहीवार)
पोखरा लेखनाथ महानगरपालिकाले आर्थिक वर्ष ०७४/०७५ का लागि ४ अर्ब ३ करोड ८२ लाख ५३ हजार ८ सय रुपैयाँको बजेट सार्वजनिक गरेको छ । महानगरपालिकाका मेयर मानबहादुर जीसीले बिहीबार पहिलो नगरसभामा उक्त बजेट प्रस्तुत गरेका हुन् । उनले बजेटसँगै नीति तथा कार्यक्रम प्रस्तु गरे ।  
तेह्रथुमका १५ भन्दा बढी बस्ती बाढी, पहिरोको उच्च जोखिममा (२०७४ आषाढ २९, विहीवार)
तेह्रथुम जिल्लाका साविकका नौ गाविसका १५ भन्दा बढी बस्ती बाढी, पहिरोको उच्च जोखिममा परेका छन् । निरन्तरको वर्षासँगै जिल्ला दैवी प्रकोप उद्धार समिति, रेडक्रस, प्रहरीलगायत संस्थाले विपद क्षेत्रको पहिचान गरी साविकका ९ गाविस पहिरोको उच्च जोखिममा रहेको निष्कर्ष निकालेका हुन् । 
राजश्व विभागका चूडामणि शर्मासहित तीनजनाविरुद्ध ११ अर्बको भ्रष्टाचार मुद्दा(२०७४ आषाढ २९, विहीवार)
अख्तियार दुरुपयोग अनुसन्धान आयोगले आन्तरिक राजश्व विभागका निलम्बित महानिर्देशक चूडामणि शर्मासहित तीन जनाविरुद्ध झन्डै रु ११ अर्ब भ्रष्टाचार गरेको अभियोगमा मुद्दा दर्ता गर्ने निर्णय गरेको छ । आयोगले कर फछ्र्याेट आयोगका दुई सदस्य लुम्बध्वज महत र उमेश ढकाललाई पनि भ्रष्टाचारको अभियोगमा बिहीबार मुद्दा दर्ता गर्ने निर्णय गरेको हो । यो आयोगको इतिहासमै सबैभन्दा ठूलो भ्रष्टाचारसम्बन्धी विषय हो ।
१५ वर्षपछि रानीबारी हत्याकान्डका दोषीलाई सर्वस्वसहित जन्मकैद(२०७४ आषाढ २८, बुधवार)
१५ वर्षपछि जिल्ला अदालत काठमाडौंले रानीबारी हत्याकान्डका अभियुक्तहरु मनराज गुरुङ र प्रमेश चौहानलाई सर्वस्वसहित जन्मकैदको फैसला सुनाएको छ । न्यायाधीश रमेशप्रसाद रिजालको इजलासले बुधबार सो हत्याकान्डका अभियुक्त गुरुङ र चौहानलाई सर्वस्वसहित जन्मकैदको फैसला सुनाएको जिल्ला अदालत काठमाडौंका श्रेष्तेदार धु्रवकुमार उप्रेतीले जानकारी दिए ।
पाल्पाको अम्ल्यानबाट तिनाउ खोलाले बगाएर बेपत्ता भएकामध्ये तीनजनाको शव बुधबार फेला(२०७४ आषाढ २८, बुधवार)
पाल्पाको अम्ल्यानबाट गत आइतबार तिनाउ खोलाले बगाएर बेपत्ता भएकामध्ये तीनजनाको शव बुधबार फेलापरेको छ । फेलापरेकामा माथागढे गाउँपालिकाका माया गाह, बगनतकाली गाउँपालिकाका पदमबहादुर कुँवर र तानसेन नगरपालिकाकी उषा श्रेष्ठ रहेको प्रहरीले जनाएको छ ।

प्रधानमन्त्री देउवाद्वारा पुनःनिर्माणको कामलाई तीव्रता दिन निर्देशन(२०७४ आषाढ २८, बुधवार)
प्रधानमन्त्री शेरबहादुर देउवाले पुनःनिर्माणको कामलाई तीव्रता दिन निर्देशन दिएका छन् । राष्ट्रिय पुनःनिर्माण प्राधिकरण निर्देशक समितिको प्रधानमन्त्री कार्यालय सिंहदरबारमा बुधबार बसेको बैठकमा प्रधानमन्त्री देउवाले पुनःनिर्माणको कामले गति लिन नसकेको भन्दै कामलाई तीव्रता दिन निर्देशन दिए ।
बाढीपीडितलाई सेनाको राहत (२०७४ आषाढ २८, बुधवार)
   
          गत असार १७ गते महुली खोलाको बाढीबाट प्रभावित सप्तरीको मयनाकरेडी, भेडिया र पोर्ताहा तथा खाडो खोलाको बाढीबाट प्रभावित रायपुरको पौवाटोलका गरी ४ सय पीडितहरुलाई बुधबार सैनिक श्रीमती संघ (नेपाली सेना)ले राहत वितरण गरेको छ ।
दाङका व्यापारी श्रेष्ठको अपहरण–हत्यामा संलग्न युवती सहित तीनैजनालाई सार्वजनिक(२०७४ आषाढ २७, मंगलवार)
दाङ, तुलसीपुरका व्यापारी राजकुमार श्रेष्ठको अपहरणपछि हत्यामा संलग्न एक युवतीसहित तीनजनालाई पक्राउ गरिएको छ । व्यापारी श्रेष्ठलाई अपहरण गरी फिरौती माग्न संलग्न रहेको अभियोगमा दाङ, तुलसीपुरकी पूजा घर्तीलाई भारतको हिमाञ्चल प्रदेशबाट पक्राउ गरेको प्रहरीले जनाएको छ । पूजासहित हत्यामा संलग्न उनका बाबु टीकाराम घर्ती र सल्यानका मानबहादुर भण्डारीलाई पनि प्रहरीले पक्रेको छ ।
सरकारले संशोधन विधेयकलाई तत्काल निर्णयार्थ मतदानमा नलैजाने(२०७४ आषाढ २७, मंगलवार)
सरकारले संविधान संशोधन विधेयकलाई तत्काल निर्णयार्थ मतदानमा नलैजाने भएको छ । संविधान संशोधनको पक्षमा राप्रपा एक ढिक्का नहुने संकेत पाएपछि दुई तिहाई मत नपुग्ने निष्कर्षका साथ सरकारले विधेयकलाई मतदानमा नलैजाने भएको बालुवाटार स्रोतले बतायो । 
सप्तरीका धेरै क्षेत्र भारतले दशगजा क्षेत्रमै बनाएको बाँधका कारण वर्षेनि डुबानमा(२०७४ आषाढ २७, मंगलवार)
वर्षायाम सुरु भएसँगै तराईका जिल्ला डुबानमा पर्न थालेका छन् । वर्षौंदेखि डुबानको समस्या खेप्दै आएका तराईका बासिन्दाले नदी नियन्त्रण गर्न पटक-पटक सरकारलाई आग्रह गरे पनि ठोस पहल नहुँदा सास्ती खेप्न बाध्य छन् । पछिल्लो समय सप्तरीका अधिकांश गाउँ बाढीको चपेटमा परेका छन् ।
संविधान संशोधनमा सघाउन सत्तारुढ दलले राखेको प्रस्ताव एमालेद्दारा अस्वीकार(२०७४ आषाढ २७, मंगलवार)
संविधान संशोधनमा सघाउन सत्तारुढ दलले राखेको प्रस्ताव एमालेले अस्वीकार गरेको छ । प्रधानमन्त्री शेरबहादुर देउवासहित प्रमुख तीन दल नेपाली कांग्रेस, एमाले र माओवादी केन्द्रका नेताहरुको प्रधानमन्त्रीको सरकारी निवास बालुवाटारमा बसेको बैंठकमा सत्तारुढ दलले संसदमा बिचाराधीन रहेको संविधान संशोधनमा सघाउन एमालेसँग आग्रह गरेको थियो ।

पुनः संविधान संशोधन प्रस्ताव पारित हुन नदिने एमालेको निर्णय(२०७४ आषाढ २६, सोमवार)
प्रमुख प्रतिपक्षी दल नेकपा एमालेले सहमतिविपरीत सत्ता गठबन्धनद्वारा पुनः संविधान संशोधनको चर्चा चलाएको भन्दै त्यसलाई पारित हुन नदिइने स्पस्ट पारेको छ । पार्टी केन्द्रीय कार्यालय धुम्बाराहीमा सोमबार सम्पन्न स्थायी कमिटी बैठकले यही असार १४ गते सम्पन्न दोस्रो चरणको स्थानीय तह निर्वाचनमा अनेकौं प्रतिकूलता भएपनि पार्टी पहिलो शक्तिकारुपमा स्थापित हुन सकेकामा सन्तोष व्यक्त गरेको पार्टी सचिव प्रदीप ज्ञवालीद्वारा जारी विज्ञप्तिमा उल्लेख छ ।
सुनसरीको धरान उपमहानगरपालिकामा एमाले विजयी(२०७४ आषाढ २६, सोमवार)
स्थानीय तह दोस्रो चरणको निर्वाचनअन्तर्गत् सुनसरीको धरान  उपमहानगरपालिकामा नेकपा एमाले विजयी भएको छ । सोमबार राति घोषित परिणामअनुसार धरान उपमहानगरको प्रमुखमा एमाले उम्मेदवार तारा सुब्बा र उपप्रमुखमा पनि एमालेकै मञ्जु भण्डारी निर्वाचित भएका हुन् ।
पेटमा ट्युमर भएर सफल शल्यक्रिया गरिएकी बालिकाको मृत्यु(२०७४ आषाढ २६, सोमवार)
कान्तिबाल अस्पतालले शल्यक्रिया गरी पेटबाट ट्युमर निकालेको एक बालिकाको मृत्यु भएको छ । पेटमा हुने रेट्रोपोरिटोनियल टोराटोमा ट्युमर भएर शल्यक्रिया गरिएकी प्यूठान घर भएकी १० वर्षीया शिला नेपालीको मृत्यु भएको हो ।
नारायणगढ-मुग्लिन सडकखण्डमा रातिको समयमा यातायात आवागमन बन्द(२०७४ आषाढ २५, आइतवार)
पहिरोको जोखिम बढेपछि नारायणगढ-मुग्लिन सडकखण्डमा  रातिको समयमा यातायात आवागमन बन्द गरिने भएको छ । नारायणगढ-मुग्लिन सडक आयोजनाले सूचना जारी गर्दै मुग्लिनदेखि जलवीरेसम्मको सात किलोमिटर क्षेत्र पहिरोको बढी जोखिममा देखिएका कारण रात्रिकालीन समयमा सवारी आवागमन जोखिमयुक्त भएकाले आवागमन बन्द गर्नुपरेको जनाएको छ ।
झाडापखाला महामारी रोग नियन्त्रणका लागि रसुवाका तीन स्थानमा औषधि भण्डारण(२०७४ आषाढ २५, आइतवार)
वर्षायाममा हुनसक्ने झाडापखाला महामारी रोग नियन्त्रणका लागि रसुवाका तीन स्थानमा औषधि भण्डारण गरिएको छ । जिल्ला स्वास्थ्य प्रमुख डा.झलक शर्मा गौतमले दक्षिणी रसुवाको कालिकास्थान मध्यभागमा धुन्चे र उत्तरी क्षेत्रको स्याफ्रुबेँसीमा महामारी रोग रोकथामका आवश्यक औषधि भण्डारी गरिसकिएको र पाँचजना चिकित्सक जिल्लास्तरमा तैनाथ राखिएकाले उपचारको सवालमा जस्तोसुकै परिस्थिति आएपनि जिल्लावासी आत्तिनु पर्ने अवस्था नरहेको बताए ।
संसद् बैठकमा कर्मचारी समायोजन विधेयक- २०७३ विधेयक प्रस्तुत(२०७४ आषाढ २५, आइतवार)
संविधानअनुसार सङ्घ, प्रदेश र स्थानीय तहमा कर्मचारीको समायोजन गर्न आवश्यक भन्दै कर्मचारी समायोजन विधेयक, २०७३ विधेयक प्रस्तुत गरिएको छ । व्यवस्थापिका-संसद्को  बैठकमा प्रधानमन्त्री एवम् सामान्य प्रशासनमन्त्री शेरबहादुर देउवाका तर्फबाट उपप्रधानमन्त्री एवम् शिक्षामन्त्री गोपालमान श्रेष्ठले उक्त विधेयक प्रस्तुत गरेका हुन् ।
दाङबाट रुकुम जाँदै गरेको बस सल्यानमा दुर्घटना, दुई जनाको मृत्यु, २५ बढी यात्रु घाइते (२०७४ आषाढ २५, आइतवार)
दाङबाट रुकुम जाँदै गरेको यात्रु बस सल्यानमा दुर्घटना हुँदा दुई जनाको मृत्यु भएको छ । दुर्घटनामा २५ जनाभन्दा बढी यात्रु घाइते भएका छन् । घाइतेमध्ये चार जनाको अवस्था गम्भीर रहेको छ । मृतकको सनाखत हुन सकेको छैन । इलाका प्रहरी कार्यालय लुहामका अनुसार ना ४ ख ५७५४ नम्बरको बस सल्यानको त्रिवेणी गाउँपालिकाको टुनिबोट नजिक सल्ले खोलामा दुर्घटना भएको हो ।
नवलपरासीलाई दुईवटा जिल्ला बनाउन प्रधानमन्त्री देउवा सकारात्मक(२०७४ आषाढ २४, शनिवार)
संविधानले दुइ प्रदेशमा बिभाजन गरेको नवलपरासीलाई दुईवटा जिल्ला बनाउन प्रधानमन्त्री शेरबहादुर देउवा सकारात्मक देखिएका छन् । नवलपरासीमा दुइ चरणमा स्थानिय तहको निर्वाचन सम्पन्न भएको १० दिन पछि दुईवटा जिल्ला बनाउन र तत्काल दुइवटा जिल्ला समन्वय समितिको निर्वाचन गर्न माग गदै शनिबार भेटेको नवलपरासीको सर्वदलीय प्रतिनिधि मण्डललाई प्रधानमन्त्रीले सकारात्मक आश्वासन दिएका छन् । 
एमालेले संविधान संशोधनको प्रस्ताव अगाडि बढ्न नदिने(२०७४ आषाढ २४, शनिवार)
नेकपा एमालेका अध्यक्ष केपी शर्मा ओलीले सत्तापक्षले ल्याएको संविधान संशोधन प्रस्ताव देशविरोधी भएकाले कुनै पनि हालतमा आफूहरुलाई मान्य नहुने बताएका छन् । अध्यक्ष ओलीले स्थानीय तहको चुनाव नसकिएसम्म संविधान संशोधनको प्रस्ताव अगाडि बढ्न नदिने बताए ।
रुपन्देही व्यापार संघद्वारा जनप्रतिनिधिलाई सम्मान- जनताका असली प्रतिनिधि बन्न आग्रह(२०७४ आषाढ २४, शनिवार)
असार १४ गतेको स्थानीय तह चुनावमा निर्वाचित बुटवलका जनप्रतिनिधिहरुलाई रुपन्देही व्यापार संघले एक समारोहका बीच स्वागत र सम्मान गरेको छ । बुटवल उपमहानगरपालिकामा निर्वाचित जनप्रतिनिधिहरुलाई स्वागत र सम्मान गर्दै संघले बुटवलको विकासमा आफुहरु सहकार्य गर्न तयार रहेको बताएको छ । 
निर्वाचन आयोगमा मधेसवादी राष्ट्रिय जनता पार्टी दर्ता (२०७४ आषाढ २३, शुक्रवार)
विधानमा टुंगो नलागेपछि रोकिएको राष्ट्रिय जनता पार्टी (राजपा) शुक्रबार निर्वाचन आयोगमा दर्ता भएको छ । दल दर्ताका लागि राजपा अध्यक्षमण्डलका संयोजक महन्थ ठाकुरसहितका नेता निर्वाचन आयोग पुगेका थिए । प्रमुख निर्वाचन आयुक्त अयोधीप्रसाद यादवले राजपा दल दर्ताका लागि आयोग आएकोमा स्वागत र बधाई दिएका थिए ।
इटहरी उपमहानगरपालिकामा एमाले विजयी(२०७४ आषाढ २३, शुक्रवार)
इटहरी उपमहानगरपालिकाको प्रमुख पदमा नेकपा एमालेका द्वारिकलाल चौधरी २२ हजार ६८९ मत प्राप्त गरी विजयी भएका छन् । त्यसैगरी, उपप्रमुखमा पनि एमालेकै उम्मेदवार लक्ष्मी गौतम २१ हजार ८४२ मत प्राप्त गरी विजयी भएकी छन् । चौधरीका निकटतम् प्रतिद्वन्द्वी नेपाली कांग्रेसका उम्मेदवार रोहित प्रसाइँले १९ हजार ९८५ मत प्राप्त गरेका छन् ।
८७ मेगावाट क्षमताको तामाकोशी-५ जलविद्युत् आयोजनाको निर्माण शुरु(२०७४ आषाढ २३, शुक्रवार)
दोलखामा ८७ मेगावाट क्षमताको तामाकोशी-५ जलविद्युत् आयोजनाको निर्माण शुरु गरिएको छ । नेपाल विद्युत प्राधिकरणले तामाकोशी जलविद्युत् कम्पनी खडा गरी केही हप्ताअघिदेखि ८७ मेगावाट क्षमताको तामाकोशी-५ जलविद्युत् आयोजनाको निर्माण थालेको हो । माथिल्लो तामाकोसी जलविद्युत आयोजनाको विद्युत गृहमा प्रयोग भई टेलरेसबाट निस्केको पानीलाई लामाबगरको जगतबाट भूमिगत सुरुङमार्फत सुरीदोभान नजिक अर्को भूमिगत विद्युत गृह बनाइने छ, जहाँबाट ८७ मेगावाट विद्युत उत्पादन गरिने आयोजना प्रमुख नसिव प्रधानले जानकारी दिए ।
अविरल वर्षाका कारण आएको बाढीले सप्तरीका दर्जनौं गाउँ जलमग्न(२०७४ आषाढ २१, बुधवार)
केही दिनदेखि परेको अविरल वर्षाका कारण आएको बाढीले सप्तरीका दर्जनौं गाउँ जलमग्न भएका छन् । खाँडो नदी, बिगुल, त्रियुगा, महुली र सुन्दरीलगायतका खोलामा बाढी आउँदा कञ्चनरुप नगरपालिका, तिरहुत गाउँपालिका, रुपनी गाउँपालिका, तिलाठी कोइलाडी गाउँपालिका, कृष्णासवरण गाउँपालिकालगायतका दर्जनौं गाउँका १ हजार ५ सयभन्दा बढी घर डुबानमा परेका छन् ।
निर्वाचन आयोगद्धारा प्रदेशसभा र संसदीय चुनावका लागि सरकारसँग कानुन माग(२०७४ आषाढ २१, बुधवार)
स्थानीय तहको दोस्रो चरणको चुनाव अन्तिम चरणमा पुगेसँगै निर्वाचन आयोगले प्रदेशसभा र प्रतिनिधिसभा सदस्य निर्वाचनका लागि चासो देखाएको छ । तर, ७ माघभित्रै सबै चुनाव सम्पन्न गर्ने गरी तयारी थाल्न आयोगलाई कानुनी समस्या भएको छ । निर्वाचन आयोगले प्रदेश, राष्ट्रियसभा र संसदको चुनावको मिति तोक्न र आवश्यक ऐन-कानुन र क्षेत्र निर्धारण आयोगको प्रतिवेदन दिन सरकारसँग आग्रह गरेको छ ।
बर्दियामा माओवादी पहिलो, एमाले दोस्रो, कांग्रेस तेस्रो(२०७४ आषाढ २१, बुधवार)
बर्दियामा स्थानीय तह निर्वाचनको सम्पूर्ण मतगणना सकिएको छ । मतपरिणामअनुसार बर्दियामा माओवादी केन्द्र पहिलो, नेकपा एमाले दोस्रो र नेपाली कांग्रेसले तेस्रो स्थान हासिल गरेका छन् । ८ ओटा स्थानीय तह रहेको बर्दियाका सबै तह जित्ने दाबी गर्दै आएका नेकपा एमाले र नेकपा माओवादी केन्द्रले सोचजस्तो नतिजा हात पार्न सकेनन् ।

कपिलवस्तुको कृष्णनगर नगरपालिकाको प्रमुखमा स्वतन्त्र उम्मेदवार रजतप्रताप शाह विजयी(२०७४ आषाढ २०, मंगलवार)
कपिलवस्तुको कृष्णनगर नगरपालिकाको प्रमुखमा स्वतन्त्र उम्मेदवार रजतप्रताप शाह विजयी भएका छन् । शाह ७ हजार १७८ मत प्राप्त गरी विजयी भएका हुन् । उनका निकटतम् प्रतिद्वन्द्वी माओवादी केन्द्रका शिवप्रसाद कलवारले ३ हजार ८० मत प्राप्त गरे ।
सन् २०३०सम्म एचआइभी/एड्स विश्वबाटै उन्मूलन गर्ने लक्ष्यअनुरुप नेपालमा पनि न्यूनीकरण गर्ने तयारी(२०७४ आषाढ २०, मंगलवार)
नेपालमा सरकारी तथा गैरसरकारी संस्थाले एचआइभी/एड्स न्यूनीकरणका लागि प्रयास गरेपनि सोचेअनुरुप प्रभावकारी हुन नसकेको बताएका छन् । यहाँ मंगलबार (आज) आयोजना गरिएको एचआइभी/एड्स न्यूनीकरणका लागि सञ्चारमाध्यमको भूमिका विषयक अन्तरक्रियामा एचआइभी एड्स न्यूनीकरणका लागि कार्यक्रम धेरै सञ्चालन गरेपनि प्रभावकारी हुन नसकेको बताइएको हो ।