arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
प्रतिनिधिसभा र प्रदेशसभा निर्वाचनपछि कसले सरकार बनाउला ?

बाम गठबन्धन
नेपाली कांग्रेस
थाहा भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
प्रधानमन्त्री देउवाले पुत्रशोकमा रहेका प्रचण्डलाई घरमै पुगेर भेटी समवेदना व्यक्त गरे(२०७४ म‌सिर ४, सोमवार)
प्रधानमन्त्री शेरबहादुर देउवाले पुत्रशोकमा रहेका माओवादी केन्द्रका अध्यक्ष पुष्पकमल दाहाल 'प्रचण्ड'लाई घरमै पुगेर भेटी समवेदना व्यक्त गरेका छन् । एक हप्ता लामो चुनावी भ्रमण सकेर काठमाडौं फर्किएका प्रधानमन्त्री देउवाले सिधै प्रचण्ड निवास लाजिम्पाट पुगेर प्रकाशप्रति श्रद्धाञ्जली अर्पण गर्दै परिवारमा समवेदना व्यक्त गरे ।
बाजुरा मुख्य निर्वाचन अधिकृतको कार्यालयमा तालाबन्दी (२०७४ म‌सिर ३, आइतवार)
मतदान गराउनका लागि निर्वाचनमा खटिने कर्मचारीको विषयलाई लिएर बाजुरामा विवाद भएको छ ।  एमाललेले मुख्य निर्वाचन अधिकृतको कार्यालयमा आइतबार बिहान तालाबन्दी गरेको छ । कार्यालयमा तालाबन्दी भएपछि तोकिएको मतदान केन्द्रतिर हिँड्ने तयारीमा रहेका कर्मचारीहरु अलमलमा परेका छन् ।
चितवनमा 'प्रचण्ड'का पुत्र प्रकाशको शोकमा चुनाव प्रचारप्रसारका सबै कार्यक्रम स्थगित(२०७४ म‌सिर ३, आइतवार)
नेकपा (माओवादी केन्द्र)का अध्यक्ष पुष्पकमल दाहाल 'प्रचण्ड'का पुत्र प्रकाश दाहालको निधनले चितवन क्षेत्र नं ३ स्तब्ध बनेको छ । अध्यक्ष दाहालको गृह जिल्ला र चुनावी क्षेत्र भएकाले प्रकाशको निधनसँगै यहाँका सर्वसाधारण दुखित भएका छन् । चुनावी प्रचार अभियान भइरहँदा प्रकाशको निधनसँगै वाम र लोकतान्त्रिक गठबन्धनले आज सबै चुनावी प्रचारका कार्यक्रम स्थगन गरेका छन् ।
पुत्रशोकमा परेका दाहाललाई राष्ट्रपति र उपराष्ट्रपतिबाट समवेदना व्यक्त(२०७४ म‌सिर ३, आइतवार)
राष्ट्रपति विद्या भण्डारीले पुत्रशोकमा रहेका माओवादी केन्द्रका अध्यक्ष पुष्पकमल दाहाललाई भेटेर समवेदना ब्यक्त गरेकी छन् । दाहाललाई भेट्न राष्ट्रपति भण्डारी आफैं दाहाल निवास लाजिम्पाट पुगेकी थिइन् । दाहाल झापाबाट काठमाडौं फर्किएलगत्तै राष्ट्रपति भण्डारी उनलाई भेट्न दाहालको नीजि निवास लाजिम्पाट गएकी हुन् ।
पूर्व राजा ज्ञानेन्द्र शाहद्दारा प्रकाश दाहालको निधनप्रति दुःख व्यक्त(२०७४ म‌सिर ३, आइतवार)
पूर्व राजा ज्ञानेन्द्र शाहले प्रकाश दाहालको निधनप्रति दुःख व्यक्त गरेका छन् । पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहालका छोरा प्रकाशको आइतबार बिहान निधन भएको हो । पूर्वराजाका पूर्व मूख्यसचिव पशुपतिभक्त महर्जन कोटेश्वर, पेरिसडाँडास्थित माओवादी पार्टी मुख्यालय पुगेर प्रकाश दाहालको पार्थिव शरीरमा श्रद्धाञ्जलि अर्पण गरे ।
पुष्पकमल दाहाल प्रचण्ड पुत्र प्रकाश दाहालको निधन(२०७४ म‌सिर ३, आइतवार)

पुर्व प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डपुत्र प्रकाश दाहालको निधन भएको छ । गम्भीर बिरामी परेपछि काठमाडौंस्थित नर्भिक अस्पतालमा अचेत अवस्थामा पुर्‍याइएका प्रकाशको निधन भएको एक चिकित्सकले जानकारी दिए । पुष्पकमल दाहाल लगायत काठमाडौं आइपुगेपछि केही समयपछि घोषणा गर्ने ती चिकित्सकले बताए । चुनावी अभियानमा झापामा रहेका पुष्पकमल दाहाल, प्रकाशकी दिदी रेणु दाहाल काठमाडौं आउँदै छन् । नेकपा माओवादी केन्द्रका प्रवक्ता पम्फा भुसालले दुखद घटना भएको भन्दै डाक्टरको सूचना पर्खीरहेको बताइन् । 

निर्वाचन आयोगद्दारा निर्वाचन नजिकिँदै जाँदा उम्मेदवारमाथि एकपछि अर्को गर्दै भइरहेका आक्रमणप्रति चिन्ता व्यक्त(२०७४ म‌सिर २, शनिवार)
निर्वाचन आयोगले निर्वाचन नजिकिँदै जाँदा उम्मेदवारमाथि एकपछि अर्को गर्दै भइरहेका आक्रमणप्रति चिन्ता व्यक्त गरेको छ । आयोगले शान्तिपूर्ण ढंगबाट निर्वाचन प्रचार-प्रसारको व्यवस्था मिलाउनसमेत सरकारसँग आग्रह गरेको छ । आयोगका प्रवक्ता नवराज ढकालले सुरक्षा चुनौती थपिएपनि निर्वाचन कार्यक्रम प्रभावित गर्ने तहमा नभएको बताए ।
रौतहटमा वाम गठबन्धनको भेला भेला भईरहेको स्थानमा बम विस्फोट, ८ जना घाइते(२०७४ म‌सिर २, शनिवार)
रौतहटको चन्द्रपुर नगरपालिका-५ स्थित राधाकृष्ण मन्दिरनजिक शनिबार गराइएको बम विस्फोटमा परी ८ जना घाइते भएका छन् । वाम गठबन्धनको ५ नम्बर वडा भेला सम्पन्न भएर खाजा खान हलबाट बाहिरिनेक्रममा बम विस्फोट गराइएको थियो । चन्द्रनिगाहपुरको धार्मिकस्थल राधाकृष्ण मन्दिरकै हलमा वाम गठबन्धनले भेला गरेका थिए ।
उम्मेदवारमाथि शृंखलाबद्ध आक्रमणका घटना, दलहरु आरोप-प्रत्यारोपमा उत्रिए(२०७४ म‌सिर २, शनिवार)
आसन्न प्रदेशसभा र प्रतिनिधिसभा सदस्य निर्वाचनलाई लक्षित गर्दै सरकारले मुलुकभरको सुरक्षा अवस्था सुदृढ तुल्याएको दाबी गरिरहँदा उम्मेदवारमाथि शृंखलाबद्ध आक्रमणका घटना भइरहेका छन् । उम्मेदवारमाथि ठाउँठाउँमा आक्रमण हुँदा मुख्य दलहरु भने आरोप-प्रत्यारोपमा उत्रिएका छन् भने सुरक्षा निकायले यसलाई अझै सामान्यरुपमा लिएको छ ।
हुम्लामा हिमपात शुरु, निर्वाचन प्रभावित हुनसक्ने(२०७४ म‌सिर १, शुक्रवार)
 हिमाली जिल्ला हुम्लामा आज बिहानैदेखि हिमपात शुरु भएको छ । हिमपातका कारण निर्वाचन प्रभावित हुनसक्ने देखिएको छ । हिमपातले जाडो ह्वात्तै बढाएको छ । जिल्ला सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको छ । लगातार हिमपात भइरहे हुम्लामा मंसिर १० गते हुने निर्वाचन प्रभावित हुने देखिन्छ ।
कर्णालीको जुम्लामा पहिलोपटक नसर्ने रोगसम्बन्धी 'पेन प्याकेज' कार्यक्रम सुरु(२०७४ म‌सिर १, शुक्रवार)
कर्णालीको जुम्लामा पहिलोपटक नसर्ने रोगसम्बन्धी 'पेन प्याकेज' कार्यक्रम शुक्रबारबाट सुरु भएको छ । स्वास्थ्यकर्मी र सरोकारवालाहरुलाई नसर्ने रोगसम्बन्धी आवश्यक जानकारी गराउने उद्देश्यले स्वास्थ्य मन्त्रालय, स्वास्थ्य सेवा विभाग र प्राथमिक स्वास्थ्य सेवा पुनर्जागरण महाशाखा टेकुको आयोजनामा जिल्लास्तरीय अभिमुखीकरण कार्यक्रम शुक्रबार जुम्लामा गरिएको छ ।
विद्यालयमा मतदान केन्द्र राख्नु निर्वाचन आयोगको बाध्यता:- प्रमुख निर्वाचन आयुक्त(२०७४ म‌सिर १, शुक्रवार)
प्रमुख निर्वाचन आयुक्त डा. अयोधीप्रसाद यादवले विद्यालयमा मतदान केन्द्र राख्नु निर्वाचन आयोगको बाध्यता भएको बताएका छन् । राजनीतिक दल र उम्मेदवारहरुलाई 'विद्यालय शान्ति क्षेत्र हुन्' भन्ने भावनाको पालना गर्न दबाब दिने उद्देश्यले विभिन्न ९ ओटा संघ–संस्थाले शुक्रबार राजधानीमा गरेको कार्यक्रममा डा. यादवले सरोकारवाला निकायले अरु कुनै विकल्प नदिएकाले विद्यालयमा छिर्नु आयोगको बाध्यता भएको उनको भनाइ थियो ।
देशैभर मौसम बदली, चिसो महसुस(२०७४ कार्त्तिक ३०, विहीवार)
पश्चिमी न्यून चापीय प्रणालीको असरले बिहीबार देशको अधिकांश भेगमा बदली भएको छ । पश्चिमी न्यून चापीय प्रणालीका साथै उत्तर पश्चिम बंगालको खाडीमा विकसित भएको बलियो खालको न्यून चापीय प्रणालीले नेपालमा पनि असर गरेको मौसमविद् सुवास रिमालले बताए । मौसम बदलीसँगै बिहीबार काठमाडौं उपत्यकामा चिसो महसुस गरिएको छ ।
जाजरकोटमा भिरबाट लडेर आमा-छोराको मृत्यु(२०७४ कार्त्तिक ३०, विहीवार)
जुम्लाबाट जाजरकोट वारेकोट गाउँपालिका वडा नम्बर ३ स्थित आफ्नो घर आउँदै गरेका आमा-छोरोको बिहीबार बिहान मृत्यु भएको छ । जुम्लाको टोप्लाबाट वारेकोट गाउँपालिका वडा नम्बर ३ पारामुलसाम फर्कने क्रममा ३५ वर्षीय आमा पशुपति शाही र उनका ११ वर्षीय छोरा दीपेन्द्र शाहीको मुलसाम लेकमा लडेर मृत्यु भएको स्थानीयवासीले जानकारी दिएका छन् ।
सर्लाहीका तीन वटा गाउँपालिकाका विद्यालय शिक्षकले तलव नपाएको भन्दै पठनपाठन ठप्प(२०७४ कार्त्तिक २९, बुधवार)
सर्लाहीका तीन वटा गाउँपालिकाका विद्यालयको पठनपाठन ठप्प भएको छ । कौडेना, बसबरिया र पर्सा गाउँपालिकाभित्रका विद्यालयका शिक्षकले तलव नपाएको भन्दै धर्ना दिन सदरमुकाम मलंगवा गएपछि पठनपाठन ठप्प भएको हो । सरकारले पछिल्लो पटक थप गरेका यी तीन गाउँपालिकामा पर्ने विद्यालयका शिक्षकले साउनदेखिको तलव पाउन सकेका छैनन् ।
आसन्न प्रतिनिधि र प्रदेश सभा निर्वाचनका लागि कञ्चनपुरका ८६ मतदान केन्द्र अति संवेदनशील(२०७४ कार्त्तिक २९, बुधवार)
आसन्न प्रतिनिधि र प्रदेश सभा निर्वाचनका लागि कञ्चनपुरका ८६ मतदान केन्द्र अति संवेदनशील मानिएका छन् । कञ्चनपुरको तीनतिर भारतीय सीमा पर्ने भएकाले जिल्लाका दक्षिणी र महाकाली पारीका निर्वाचन क्षेत्र खुला सीमाका कारण अति संवेदलशील मानिएका छन् ।
प्रधानमन्त्री देउवाद्दारा उम्मेदवारको सुरक्षामा ध्यान दिन सुरक्षा अधिकारीहरूलाई निर्देशन(२०७४ कार्त्तिक २९, बुधवार)
प्रधानमन्त्री शेरबहादुर देउवाले उम्मेदवारको सुरक्षामा ध्यान दिन सुरक्षा अधिकारीहरूलाई निर्देशन दिएका छन् । प्रदेश नम्बर-७ सुदूरपश्चिमस्तरीय क्षेत्रीय सुरक्षा गोष्ठीको बुधबार धनगढीमा उद्घाटन गर्दै प्रधानमन्त्री देउवाले पछिल्ला केही दिनमा प्रदेशसभा र प्रतिनिधिसभा सदस्यका उम्मेदवारमाथि सुरक्षा चुनौती बढेको भन्दै उम्मेदवारको सुरक्षामा कुनै कसर बाँकी नराख्न सुरक्षा निकायका प्रमुखहरुलाई निर्देशन दिए ।
प्रतिनिधिसभा र प्रदेशसभा निर्वाचनको चहलपहल प्रधानमन्त्री देउवाको गृहजिल्लामा बढ्दै(२०७४ कार्त्तिक २८, मंगलवार)
आसन्न मंसिर २१ गते हुने प्रतिनिधिसभा र प्रदेशसभाको निर्वाचनको चहलपहल प्रधानमन्त्री एवं नेपाली कांग्रेसका सभापति शेरबहादुर देउवाको गृहजिल्लामा बढ्दै गएको छ । विसं २०४८ देखि लगातार निर्वाचन जित्दै आएका प्रधानमन्त्री देउवा छैटौं पटक प्रतिनिधिसभा सदस्यको उम्मेदवार बनेका छन् । उनीसँग वाम गठबन्धनका तर्फबाट माओवादी केन्द्रका पोलिटब्यूरो सदस्य खगराज भट्ट चुनावी प्रतिस्पर्धामा छन् ।
तलब पाउनुपर्ने माग राख्दै रौतहटका शिक्षक विद्यालय बन्द गरेर आन्दोलनमा उत्रिए(२०७४ कार्त्तिक २८, मंगलवार)
तलब पाउनुपर्ने माग राख्दै रौतहटका शिक्षक विद्यालय बन्द गरेर आन्दोलनमा उत्रिएका छन् । जिल्ला शिक्षा कार्यालयमा धर्ना दिन जिल्लाका सबै सामुदायिक विद्यालयका शिक्षक पुगेका छन् । रौतहटको यमुनामाई गाउँपालिका र राजदेवी नगरपालिकाभित्रका सामुदायिक विद्यालयका शिक्षकले प्रथम चौमासिक तलबअन्तर्गत् गत साउन महिनादेखि तलब र दसैंखर्चसमेत नपाएकोमा जिल्ला प्रशासन कार्यालयमा धर्ना दिँदा सोमबार प्रहरीले 'दमन' गरेपछि उनीहरु विद्यालय नै बन्द गरेर धर्नामा उत्रिएका हुन् ।
संखुवासभाको सभापोखरीमा वाम गठबन्धनका उम्मेदवार सवार गाडीमाथि हातेबम प्रहार(२०७४ कार्त्तिक २८, मंगलवार)
प्रतिनिधिसभा तथा प्रदेशसभाको निर्वाचन प्रचारप्रसारका क्रममा मंगलबार बिहान सभापोखरी गाउँपालिकामा वाम गठबन्धनका उम्मेदवार सवार गाडीमाथि हातेबम प्रहार भएको छ । जिल्लामा प्रतिनिधिसभाका लागि वाम गठबन्धनका तर्फबाट नेकपा एमालेका उम्मेदवार राजेन्द्रप्रसाद गौतम, प्रदेश नम्बर १ (क) का लागि नेकपा(माओवादी केन्द्र)का उम्मेदवार पूर्णप्रसाद राई र माओवादी केन्द्रकै समानुपातिकतर्फका उम्मेदवार चेतनाथ शर्मा सवार गाडीमा बिहान १०ः०५ बजे बम प्रहार भएको हो ।
प्रधानमन्त्री देउवाको पश्चिम क्षेत्रको भ्रमण कार्यक्रम २८ गतेबाट, ८० सीट जित्ने दावी (२०७४ कार्त्तिक २७, सोमवार)
 नेपाली कांग्रेसका सभापति तथा प्रधानमन्त्री शेरबहादुर देउवाले यही कार्तिक २८ गतेदेखि पश्चिम नेपालको भ्रमण गर्नुहुने भएको छ । नेपाली कांग्रेसको केन्द्रीय निर्वाचन परिचालन समितिका संयोजक तथा नेपाली कांग्रेसका केन्द्रीय सदस्य बालकृष्ण खाँणले सोमबार नेपाली कांग्रेसको केन्द्रीय कार्यालय सानेपामा आयोजित पत्रकार सम्मेलनमा सो जानकारी दिनुभएको छ ।
लोभलालच र भोजभतेरका आधारमा मतको दुरुपयोग नगर्न प्रमुख निर्वाचन आयुक्तको सचेत(२०७४ कार्त्तिक २६, आइतवार)
प्रमुख निर्वाचन आयुक्त डा अयोधी प्रसाद यादवले लोभलालच र भोजभतेरका आधारमा मतको दुरुपयोग नगर्न सचेत गराएका छन् । प्रतिनिधिसभा र प्रदेशसभाको निर्वाचनको सिलसिलामा आइतबार धुलिखेलमा बहिरा नागरिकसँग अन्तर्क्रिया गर्दै उनले कसैको पनि डर, धम्की र दवावमा नभई भयरिहत वातावरणमा निष्पक्ष निर्वाचन हुनुपर्ने बताए ।
काठमाडौंको महाराजगञ्जस्थित प्रहरी अस्पताल सर्वसाधारणका लागि खुला(२०७४ कार्त्तिक २६, आइतवार)
काठमाडौंको महाराजगञ्जस्थित नेपाल प्रहरी अस्पताल आइतबारदेखि सर्वसाधारणका लागि पनि खुला गरिएको छ ।  प्रहरी महानिरीक्षक प्रकाश अर्यालले आइतबार सर्वसाधारणका लागि खुला भएको स्वास्थ्य सेवाको शुभारम्भ गर्दै सविधानले सुनिश्चित गरेको जनताले गुणस्तरीय स्वास्थ्य सेवा पाउने अधिकारलाई मौलिक हकका रुपमा व्याख्या गरिएकाले प्रहरीले पनि नागरिकका लागि प्रहरी अस्पताल खुला गरेको स्पष्ट गरे ।
पुष्पकमल दाहाल 'टुरिष्ट' उम्मेदवार: चितवन ३ नम्बर उम्मेदवार विक्रम पाण्डे(२०७४ कार्त्तिक २६, आइतवार)
 चितवन ३ नम्बर क्षेत्रबाट प्रतिनिधिसभा सदस्यका उम्मेदवार विक्रम पाण्डेले पूर्व प्रधानमन्त्री पुष्पकमल दाहाललाई टुरिष्ट नेताको संज्ञा दिएका छन् । भरतपुर-६ गीतानगर बजारमा लोकतान्त्रिक गठबन्धनको संयुक्त चुनावी प्रसार-प्रसार समितिको सम्पर्क कार्यालय उद्घाटन गर्दै उनले भने, चुनाव जितेका विगतका ठाउँमा विकास भएको भए जनता झुक्याउँदै हिड्नुपर्थेन, अब चितवनका जनताले साथ दिने छैनन् । 
पूर्वप्रधानमन्त्री कीर्तिनिधि विष्टको अन्येष्टि(२०७४ कार्त्तिक २५, शनिवार)
पूर्वप्रधानमन्त्री कीर्तिनिधि विष्टको निधन भएको छ । विष्टको शनिबार बिहान ज्ञानेश्वरस्थित निवासमा निधन भएको पारिवारिक स्रोतले जनाएको छ । उनी क्यान्सर पीडित थिए । विष्ट तीनपटक प्रधानमन्त्री र शाहीकालमा मन्त्रिपरिषद्‍का उपाध्यक्ष भएका थिए ।
संशोधित शिक्षा ऐन खारेजीको माग गर्दै सर्वोच्चमा रिट निवेदन दर्ता(२०७४ कार्त्तिक २४, शुक्रवार)
संशोधित शिक्षा ऐन खारेजीको माग गर्दै सर्वोच्च अदालतमा रिट निवेदन दर्ता गरिएको छ । आठौं संशोधनका प्रावधान नै लागू नगरी नवौं संशोधन गरी अस्थायी शिक्षकलाई आन्तरिक प्रतिस्पर्धा गराएर स्थायी गरिने व्यवस्था गरेको भन्दै रिट दर्ता गरिएको हो । यो संशोधनका कारण स्थायी अध्यापक अनुमतिपत्र लिएका सात लाखभन्दा बढी व्यक्ति प्रतिस्पर्धाबाटै बन्चित हुने भन्दै नवौं संशोधित शिक्षा ऐन खारेज गर्न शुक्रबार नवबुद्ध नगरपालिकाका शिवप्रसाद पाण्डेले रिट निवेदन दिएका हुन् ।
झापा क्षेत्र नं १ मा वाम गठबन्धन र कांग्रेसबीच कडा प्रतिस्पर्धा हुने(२०७४ कार्त्तिक २४, शुक्रवार)
प्रतिनिधिसभा सदस्य निर्वाचनका लागि झापा क्षेत्र नं १ मा वाम गठबन्धन र नेपाली कांग्रेसबीच कडा प्रतिस्पर्धा हुने भएको छ । वाम गठबन्धनबाट नेकपा माओवादी केन्द्रका सुरेन्द्रकुमार कार्की र कांग्रेसबाट विश्वप्रकाश शर्माले उम्मेदवारी दिएका छन् । अगामी मंसिर २१ गते हुने प्रतिनिधिसभा सदस्य निर्वाचनको समय नजिकिँदै जाँदा दुबै उम्मेदवारले जनताका घर दैलो कार्यक्रमलाई तिव्रता दिएका छन् ।
कपिलवस्तुमा लोकतान्त्रिक र बामगठबन्धनबीच कडा प्रतिस्पर्धा हुने (२०७४ कार्त्तिक २४, शुक्रवार)
आगामी मंसिर २१ गते दोस्रो चरणअन्तर्गत हुने प्रतिनिधि र प्रदेश सभा निर्वाचनमा कपिलवस्तुमा दुई दलको चुनावी भिडन्त हुने देखिएको छ । कपिलवस्तुमा २४ वटा दल चुनावी मैदानमा उत्रिए पनि मूख्यतः लोकतान्त्रिक र बामगठबन्धनबीच कडा प्रतिस्पर्धा हुने भएको हो ।
प्रदेशसभा र प्रतिनिधि सभा निर्वाचनसम्बन्धी निर्देशन पूर्णपालना गर्ने सरकारको प्रतिबद्धता(२०७४ कार्त्तिक २३, विहीवार)
सरकारले प्रदेशसभा र प्रतिनिधि सभा निर्वाचनसम्बन्धी निर्देशन पूर्णपालना गर्ने प्रतिबद्धता जनाएको छ। निर्वाचन आचारसंहिता सरकारबाटै उल्लंघन भइरहेको गुनासो आइरहँदा नेपाल सरकारका मुख्य सचिव लोकदर्शन रेग्मीले निर्वाचन आयोगको निर्देशन पालना गरेर निर्वाचनको कामलाई प्रभावकारी बनाउन अझै दृढतापूर्वक लागि पर्ने प्रतिबद्धता जनाए।
मंसिर १० गते हुने पहिलो चरणको निर्वाचनको लागि प्रत्यक्षतर्फको मतपत्र सार्वजनिक(२०७४ कार्त्तिक २३, विहीवार)
 निर्वाचन आयोगले मंसिर १० गते हुने  पहिलो चरणको निर्वाचनको लागि प्रत्यक्षतर्फको मतपत्र सार्वजनिक गरेको छ । ३२ जिल्लामा हुने ३७ प्रतिनिधिसभा निर्वाचन क्षेत्र तथा ७४ प्रदेशसभा निर्वाचन क्षेत्रको मतपत्र सार्वजनिक भएको हो ।
http://go.oclaserver.com/afu.php?zoneid=1465736