arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
कपिलवस्तुको बुद्धभूमि नगरपालिकामा कांग्रेस विजयी(२०७४ आषाढ २०, मंगलवार)
कपिलवस्तुको बुद्धभूमि नगरपालिकामा कडा प्रतिस्पर्धाकाबीच नेपाली कांगे्रसले जित हासिल गरेको छ । जिल्लाको ठूलो बुद्धभूमि नगरपालिका प्रमुखमा कांग्रेस उम्मेदवार केशव श्रेष्ठ विजयी भएका हुन् ।
गोरखाको बारपाकमा पखालाबाट एकजनाको मृत्यु, स्वास्थ्यकर्मी परिचालन(२०७४ आषाढ २०, मंगलवार)
गोरखाको सुलिकोट गाउँपालिका-२ बारपाकमा पखालाबाट एक बालकको मृत्यु भएको छ । विगत दुई सातादेखि बारपाकमा पखाला फैलिएको हो, स्थानीय शिक्षक गौतम गुरुङले भने, बारपाकको कोजे गाउँका १५ महिने बालक अमृत घलेको मृत्यु भएपछि पखाला फैलिएको घटनाबाहिर आएको हो ।

इन्धनको मुल्य घट्यो (२०७४ आषाढ १८, आइतवार)
आयल निगमले आइतबार राती १२ बजेदेखि लागु हुनेगरी इन्धनको मुल्य घटाएको छ । अन्तर्राष्ट्रिय बजारमा इन्धनको मुल्य घटेपछि यहाँ पनि मुल्य घटाएको हो । निगमका बिक्री बितरण विभागका निर्देशक एवम् प्रबक्ता सिताराम पोखरेलका अनुसार खाना पकाउने ग्यासमा प्रतिसिलिन्डर २५ रुपैयाँ, पेट्रोलमा २ रुपैयाँ, डिजेलमा २, मटितेलमा २  र हवाई इन्धनमा प्रतिलिटर ४ रुपैयाँ घटाइएको छ ।
प्रधानमन्त्री देउवाद्दारा आगामी माघ ७ भित्रै सबै तहको निर्वाचन मूख्य प्राथमिकता रहेको उल्लेख (२०७४ आषाढ १८, आइतवार)
प्रधानमन्त्री शेरबहादुर देउवाले आगामी माघ ७ गतेभित्र सबै तहको निर्वाचन गराएर मुलुकलाई स्थायित्व र विकासको मार्गमा अगाडी बढाउनु सरकारको पहिलो प्राथमिकता रहेको बताएका छन् । त्रिभुवन विश्वविद्यालय सभाको वार्षिक बैठकमा प्रधानमन्त्री देउवाले संविधानको सफल कार्यान्वयन सरकारको प्राथमिकतामा रहेको भन्दै सबै पक्षलाई सहयोग गर्न अपील गरे ।
कैलालीको धनगढी उपमहानगरपालिकाको मतगणना पुनः स्थगित(२०७४ आषाढ १८, आइतवार)
कैलालीको धनगढी उपमहानगरपालिकाको मतगणना पुनः स्थगित भएको छ । १७ नम्बर वडाको मतगणना सुरु गर्ने क्रममा एउटा बुथमा मुचुल्काभन्दा ३ वटा मतपत्र बढी भेटिएपछि मतगणना स्थगित भएको हो । त्यसैगरी अर्को एउटा बुथको मुचुल्कै हराएको पाइएपछि दलका प्रतिनिधिहरुले असन्तुष्टि जनाएका थिए ।
प्रदेश नम्बर ५ का १५ विद्यालय नमुना विद्यालय घोषित, रुपन्देहीबाट कालिका, शान्ती,पशुपती, रामनेरश, खुदावगर र प्रगति मावि छनौट (२०७४ आषाढ १८, आइतवार)
यस क्षेत्रमा नमुना विद्यालयको रुपमा रहेको कालिका माध्यमिक विद्यालय  बुटवल-१० कालिकानगरलाई नेपाल सारकराले औपचारिक  रुपमा नमुना विद्यालय घोषणा गरेको छ । विद्यालयका प्रध्यानाध्यापक घनश्याम पाठकका अनुसार कालिका मा वि बुटवल शिक्षा मन्त्रालयको आषाढ १४ गतेको निर्णयअनुसार नमुना बिद्यालय घोषणा भएको हो । 
बुटवल उपमहागरमा एमालेको छैठौं जित(२०७४ आषाढ १८, आइतवार)
बुटवल उपमहानगरपालिकामा नेकपा एमालेले वडाअध्यक्षमा लगातार छैठौ पटक जित दर्ता गरेको छ । गत बुधवार भएको स्थानिय तह निर्वाचनको मतपरिणाम आउने क्रम संगै नेकपा एमलेले लगातार वडा अध्यक्ष सहित वहुसंख्यव वडा सदस्यमा समेत आफ्नो पटटड जमाउन सफल भएको हो । 
प्रमुख निर्वाचन आयुक्तद्वारा प्रतिनिधिसभा र प्रदेश चुनाव एकै चरणमा गर्न नसकिने स्पष्ट (२०७४ आषाढ १७, शनिवार)
प्रमुख निर्वाचन आयुक्त अयोधीप्रसाद यादवले प्रतिनिधिसभा र प्रदेश चुनाव एकै चरणमा गर्न नसकिने स्पष्ट पारेका छन् । कानूनी, संवैधानिक र व्यवस्थापकीय दृष्टिकोणले दुवै चुनाव एकैपटक गर्न नसकिने यादवको धारणा छ । मतदाता नामावलीको दृष्टिकोणले, व्यवस्थापकीय दृष्टिकोणले र संवैधानिक दृष्टिकोणल पनि एकै चरणमा दुई वटै निर्वाचन कुनै पनि हालतमा गर्न सकिंदैन, उनले भने, बरु ग्याप थोरै समयमा राख्न सकिन्छ ।
कन्चनपुरको पुर्नवास नगरपालिकामा मतगणनाकाक्रममा तनाव सिर्जना, सेना परिचालन(२०७४ आषाढ १७, शनिवार)
कन्चनपुरको पुर्नवास नगरपालिकामा मतगणनाकाक्रममा तनाव सिर्जना भएको छ । शनिबार दिउँसो ४ बजेतिर मतगणना भइरहेकाबेला फर्जी मतगणना भइरहेको भन्दै नेपाली कांग्रेस र माओवादी केन्द्रलगायतका दलहरुले विरोध गरेपछि त्यहाँको स्थिति तनावपूर्ण बनेको 
तेह्रथुमको म्याङ्लुङमा पहिरोले पुरिएर एकै परिवारका तीन जनाको मृत्यु (२०७४ आषाढ १७, शनिवार)
तेह्रथुमको म्याङ्लुङ नगरपालिका-५ आम्दिममा पहिरोले पुरिएर एकै परिवारका तीन जनाको मृत्यु भएको छ । पहिरोबाट अन्य तीन जना घाइते भएका छन् । घरमाथिबाट खेतमा सिंचाईका लागि लगेको कुलो भत्किएर पहिरो जाँदा घर पुरिएको थियो ।
सुनसरीमा मतगणना जारी(२०७४ आषाढ १६, शुक्रवार)
सुनसरी जिल्लाको पछिल्लो मतगणनाको नजिताअनुसार १२ स्थानीय तहमध्ये धरान उपमहानरपालिका, इटहरी उपमहानगरपालिका तथा इनरुवा र बराह नगरपालिकामा नेपाली काङ्ग्रेसले अग्रता लिएको । ती स्थानीय तहमा नेकपा एमालेले दोस्रो स्थानमा देखिएको छ ।
पहिरो गएपछि नारायणगढ-मुग्लिन सडकखण्ड अवरुद्ध(२०७४ आषाढ १६, शुक्रवार)
चितवनको इच्छाकामना गाउँपालिका वडा नम्बर ६ कालिखोलामा पहिरो गएपछि नारायणगढ-मुग्लिन सडकखण्ड अवरुद्ध भएको छ । बिहान सवा ८ बजे पहिरो खसेपछि सडक अवरुद्ध बनेको जिल्ला ट्राफिक कार्यालय चितवनले जनाएको छ । सडक अवरुद्ध हुँदा कयौं सवारी साधन बीचबाटोमै रोकिँदा यात्रु अलपत्र परेका छन् ।
बझाङको जयपृथ्वी नगरपालिकाको वडा नम्बरमा ३ मा पुनः मतदान(२०७४ आषाढ १६, शुक्रवार)
बझाङको जयपृथ्वी नगरपालिकाको वडा नम्बरमा ३ मा  पुनः मतदान शुरु भएको छ । गत १४ गते भएको निर्वाचनका क्रममा नेकपा एमाले र नेपाली कांग्रेसका कार्यकर्ताबीच झडप भएपछि मतदान बिथोलिएको थियो ।
ताप्लेजुङको याङ्माबाट २ दिनदेखि मतपेटिका ल्याउन असफल(२०७४ आषाढ १५, विहीवार)
पूर्वमा चीनको नाका रहेको ताप्लेजुङको ओलाङचुगोलास्थित याङ्मा गाविसबाट दुई दिनदेखि मत पेटिका ल्याउन नसकिएको प्रमुख जिल्ला अधिकारी नरबहादुर खड्काले  जानकारी दिएका छन्। याङ्माको मौसम खराब भएपछि बुधबार र विहिबार मतपेटिका ल्याउन स्थानीय प्रशासन असफल भएको हो।
१ र ५ नम्बर प्रदेशमा एमाले अगाडि, सातमा कांग्रेस(२०७४ आषाढ १५, विहीवार)
दोस्रो चरणमा भएको तीन प्रदेशका स्थानीय तहहरूको निर्वाचनमा अहिलेसम्म नेकपा एमालेले १ र ५ नम्बर प्रदेशमा अग्रता लिएको छ। सात नम्बर प्रदेशमा नेपाली कांग्रेसले अग्रता लिएको छ।
नागरिकताको विकल्पमा यस्तो बन्दै छ राष्ट्रिय परिचयपत्र(२०७४ आषाढ १५, विहीवार)
आगामी माघ भित्रमा १ लाख १७ हजार नेपालीले बायोमेट्रिक्ससहितको राष्ट्रिय परिचयपत्र पाउने भएका छन्। गृहमन्त्रालयले सबै नेपाली नागरिकको वैयक्तिक तथा जैविक विवरणलाई एकीकृत गरी इलेक्ट्रोनिक रुपमा भण्डारण हुने गरी बायोमेट्रिक्स स्मार्ट कार्ड वितरण गर्न लागेको हो।            
प्युठानको मल्लरानी गाउँपालिका १ मा राजमोको सिंगो प्यानल विजय(२०७४ आषाढ १५, विहीवार)
प्युठानको मल्लरानी गाउँ पालिका १ मा राजमोका चिन्त बहादुर राहुमगरको सिंगो प्यानललै विजय भएको छ। ९ सय ७५ जम्मा खसेको मत मध्ये २ सय ७५ मत लिई राजमो विजय भएको हो । 
नवलपरासीको एक नगरपालिका र ३ वटा गाउँपालिकामा मतगणना सुरु(२०७४ आषाढ १५, विहीवार)
नवलपरासीको एक नगरपालिका र ३ वटा गाउँपालिकामा मतगणना सुरु भएको छ । मुख्य निर्वाचन अधिकृत कैलाश केसीका अनुसार रामग्राम नगरपालिका , प्रतापपुर ,सरावल , सुस्ता गाउँपालिकामा  मतगणना सुरु भएको हो । 
नवलपरासीको प्रतापपुर-१ ‍मा कांग्रेसको प्यानलै विजयी(२०७४ आषाढ १५, विहीवार)
नवलपरासीको प्रतापपुर गाउँपालिका वडा नम्बर १ मा कांग्रेसको प्यानल नै विजयी भएको छ। अध्यक्ष पदमा कांग्रेसका उमेद्वार मानबहादुर चौधरीले जितेका छन्। उनले ५ सय ६१ मत ल्याएर वडा अध्यक्ष जितेको निर्वाचन अधिकृत माधव ढुंगानाले  जानकारी दिए।
गुल्मीको रुरु गाउँपालिकामा एमालेको अग्रता(२०७४ आषाढ १५, विहीवार)
गुल्मी जिल्लाको रुरु गाउँपालिकामा २ सय मतगणना हुँदा नेकपा एमालेका अध्यक्ष उम्मेदवार नीलकण्ठ गौतमले अग्रता लिएका छन्।  उनको मत १सय ४७ आएको निर्वाचन अधिकृत कोशलराज शर्मा तिमिल्सिनाले जानकारी दिए।
सोलुखुम्बुको नेचा-सल्याङ गाउँपालिका-६ तिङ्लामा शून्य मतदान(२०७४ आषाढ १४, बुधवार)
सोलुखुम्बुको नेचा-सल्याङ गाउँपालिका-६ तिङ्लामा बुधबार शून्य मतदान भएको छ । स्थानीय तह पुनःसरचना आफ्नो अनुकूल नभएको भन्दै उनीहरुले विरोधस्वरुप मतदान गरेका छैनन् । नेचा-सल्याङ-६ तिङ्लाका पाँचओटै मतदान केन्द्रमा खटिएका कर्मचारीले बिहान ७ बजेदेखि साँझ ५ बजेसम्म मतपेटिका राखेर मतदान प्रक्रिया अगाडि बढाएपनि सो समयभित्र मतदानका लागि केन्द्रमा कोही पनि नआएको निर्वाचन अधिकृत आनन्दराज पन्तले जानकारी दिए ।
दाङमा दश ठाउँमा मत गणना हुने(२०७४ आषाढ १४, बुधवार)
दश स्थानीय तह भएको दाङमा दश ठाउँमा मत गणना गर्ने प्रवन्ध मिलाइएको छ। जिल्ला निर्वाचन कार्यालय दाङका अधिकारी विजय कुमार कार्कीका अनुसार दुई उपमहानगपरपालिकाको सम्बन्धित उपमहानगरपालिकाहरुको सभाहलमा र लमही नगरपालिकाको नगर समितिको सभाहल रातो डाँडामा मतगणनाको प्रवन्ध गरिएको छ।
गुल्मीमा मतदान उत्साह र शान्तिपूर्ण रुपमा सम्पन्न, ७३ प्रतिशत मतदान(२०७४ आषाढ १४, बुधवार)
गुल्मीमा मतदान उत्साह र शान्तिपूर्ण रुपमा सकिएको छ । मतदान शुरु हुनै लाग्दा बुधवार विहान केही केन्द्रहरुमा पानी परेपनि दिउँसोबाट मौसम सुधार भएपछि मतदाता थप उत्साही भएर मतदानमा सहभागी भएका थिए । २ सय ४० केन्द्रमा रहेका १ लाख ८० हजार ७ सय ७५ मतदाता मध्ये ७३ प्रतिशत भन्दा बढीले मतदान गरेका छन् । मुख्य निर्वाचन अधिकृत मतृकाप्रसाद मरासेनीले जिल्लाभरबाट ७३ प्रतिशत भन्दा बढी मतदाता उत्साहपूर्वक सहभागी भएको बताए । 
रोल्पामा मतपेटिका जल्यो, मत खसाल्दा केमिकल प्रयोग गरी आगजनी गराइएको आशंका(२०७४ आषाढ १४, बुधवार)
रोल्पाको रोल्पा नगरपालिका वडा नम्बर १० भनभनेस्थित जनता आधारभूत विद्यालयमा रहेको मतदान केन्द्रमा एक मतपेटिकामै आगलागी भएको छ । करिब डेढ सय मत खसेको मतपेटिकामा आगलागी भएको हो । कुनै मतदाताले मत खसाल्ने क्रममा केमिकल प्रयोग गरेकाले आगलागी भएको हुनसक्ने आशंका प्रहरीले गरेको छ । 
प्रधानमन्त्री देउवाद्वारा डडेल्धुरामा मतदान(२०७४ आषाढ १४, बुधवार)
प्रधानमन्त्री शेरबहादुर देउवाले आज स्थानीय तहको निर्वाचनमा गन्यापधुरा गाउँपालिका-१ रुवाखोलाको असिग्राम उच्च मावि मतदान केन्द्रमा मतदान गरेका छन् । बिहान ८ः०७ बजे प्रधानमन्त्री देउवाले सो केन्द्रबाट मतदान गरेका हुन् । प्रधानमन्त्रीसँगै उनकी धर्मपत्नी डा आरजु राणा देउवाले पनि सोही मतदान केन्द्रबाट मतदान गरिन् ।
बाजुराको गुम्बा गाउँ मतकेन्द्रमा निर्वाचन सम्पन्न(२०७४ आषाढ १४, बुधवार)
बाजुराको हिमाली गाउँपालिका-१ मा रहेको एक मतकेन्द्रमा बिहान ११ बजे नै मतदान सकिएको छ । तीस मतदाता रहेको गुम्बागाउँ मतदान केन्द्रका २८ जनाले मतदान गरेको प्रहरी निरीक्षक जगदीश भट्टले बताए । 
बुधबार हुन लागेको स्थानीय निर्वाचनको सबै तयारी कैलालीमा पूरा(२०७४ आषाढ १३, मंगलवार)
बुधबार हुन लागेको स्थानीय तहको निर्वाचनको सबै तयारी कैलाली जिल्लामा पूरा भएको छ । क्षेत्रीय निर्वाचन कार्यालय धनगढीका प्रमुख मोहनप्रसाद अर्यालले निर्वाचनको सबै तयारी पूरा भएको जानकारी दिए। बुधबारको निर्वाचनका लागि जिल्लाका सबै मतदानस्थलमा मंगलबार मतदान केन्द्र (बुथ) निर्माण भएका छन्।
मतदानको समयमा भारी वर्षा हुने, बिहानै भोट मतदाताहरुलाई सुझाव(२०७४ आषाढ १३, मंगलवार)
मौसमविद्हरुले बुधबार हुने दोस्रो चरणको स्थानीय तह निर्वाचनमा सहभागी हुने मतदातालाई वर्षाबाट जोगिन सामग्रीको जोहो गर्न आग्रह गरेका छन् । उनीहरुले मतदानको समयमा वर्षा हुनसक्ने सम्भावना रहेको भन्दै वर्षाबाट जोगिएर मतदान गर्ने गरी आवश्यक सामग्रीको जोहो गर्न मतदाताहरुलाई सुझाव दिएका हुन् ।

दोस्रो चरणको स्थानीय तह निर्वाचनको सम्पूर्ण तयारी पूरा, बिहान ७ बजेदेखि अपराह्न ५ बजेसम्म मतदान हुने(२०७४ आषाढ १३, मंगलवार)
निर्वाचन आयोगले बुधबार हुने दोस्रो चरणको स्थानीय तह निर्वाचनको सम्पूर्ण तयारी पूरा भएको जनाएको छ । मंगलबार पत्रकार सम्मेलन गरी प्रमुख आयुक्त डा. अयोधीप्रसाद यादवले दोस्रो चरणअन्र्तगत् बुधबार निर्वाचन हुने १, ५ र ७ नम्बर प्रदेशका ३५ जिल्लाका ३३४ स्थानीय तहमा निर्वाचनको सबै तयारी पूरा गरिएको जानकारी दिए ।
प्रदेश विभाजनको नारा लगाउनेहरु यो चुनावमा पत्तासापः ओली (२०७४ आषाढ ११, आइतवार)

कृष्ण खनाल
बुटवल । नेकपा (एमाले) का अध्यक्ष केपी शर्मा ओलीले पहाड र तराईबीच विभाजन गराउने षड्यन्त्र चिर्न एमालेलाई विजयी गराउन आव्हान गर्नुभएको छ । बुटवल उपमहानगरपालिकाको ट्राफिक चोकमा आयोजित विशाल चुनावी सभामा सम्बोधन गर्दै उहाँले आफ्नो नेतृत्वको सरकारलाई हठात् परिवर्तन गरेर वर्तमान सत्ता गठबन्धनले प्रदेश नं. ५ को तराई र पहाडलाई टुक्राउने गरी संविधान संशोधन प्रस्ताव ल्याए पनि एमालेको प्रतिकारका कारण त्यो प्रस्ताव स्थगन भएको बताउनुभयो ।