arghakhanchi
मिति:
*स्थानीय निर्वाचन २०७४ ! Local Election 2074 *
भर्खरै
थप समाचार
बिज्ञापनहरु Advertisements
banner
banner
banner
मत सर्वेक्षण
देशका तीन प्रदेशमा उल्लासमय रुपमा पहिलो चरणको स्थानिय निर्वाचन सम्पन्न भएको छ। आगामी जेष्ट ३१ गते घोषणा गरिएको दोस्रो चरणको स्थानिय निर्वाचन समयमा होला वा हुँदैन ?

हुन्छ
हुँदैन
गर्नै पर्
थाहा भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
banner
 
राष्ट्रिय समाचार
स्थानीय निर्वाचनको लागि २२ जिल्लाको मतपत्र छाप्ने कार्य पूरा(२०७३ चैत्र १२, शनिवार)
प्रमुख निर्वाचन आयुक्त डा. अयोधीप्रसाद यादवले आगामी वैशाख ३१ गते हुने स्थानीय तहको निर्वाचन सफल बनाएरै छाड्ने बताएका छन् । निर्वाचनको तयारीकाबारेमा विराटनगरमा शनिबार गरिएको पत्रकार सम्मेलनमा प्रमुख आयुक्त डा. यादवले स्थानीय तहको निर्वाचन ऐतिहासिक हुने दाबी गरे ।
वैशाख ३१ गते हुने स्थानीय निर्वाचनका लागि ताप्लेजुङमा ७३ वटा मतदान केन्द्र निर्धारण(२०७३ चैत्र १२, शनिवार)
वैशाख ३१ गते हुने स्थानीय तहको निर्वाचनका लागि ताप्लेजुङमा ७३  वटा मतदान केन्द्र निर्धारण गरिएको छ । जिल्ला निर्वाचन समन्वय समितिको बैठकले सो मतदान केन्द्रको टुंगो लगाएको जिल्ला निर्वाचन कार्यालयका प्रमुख गणेश अधिकारीले जानकारी दिए ।
प्यूठानको स्वर्गद्धारी जाँदै गरेको जिप दुर्घटना, एकै परिवारका ४ को मृत्यु(२०७३ चैत्र ११, शुक्रवार)
प्यूठानमा जिप दुर्घटनामा मृत्यु हुनेको सनाखत भएको छ । मृत्यु हुने सबै ललितपुर-१४ टिकेदेवलका हुन् । शुक्रबार बिहान काभ्रेको बनेपाबाट प्यूठान स्वर्गद्धारी जाँदै गरेको बा १ च १५६१ नम्बरको जिप भिंगृको रुमालेमा दुर्घटना भएको हो । जिप सडकबाट करिब २ सय मिटर तल खसेको छ । 
प्रधानमन्त्री दाहाल चीन प्रस्थान(२०७३ चैत्र ११, शुक्रवार)
प्रधानमन्त्री पुष्पकमल दाहाल एसियाका लागि बोआओ मञ्चको वार्षिक सम्मेलनको उद्घाटन समारोहमा सहभागी हुन गएराति चीनको हैनान प्रान्तको बोआओ सहर प्रस्थान गरेका छन् ।  

अब देशभर पाठेघरको मुखमा हुने क्यान्सरको निःशुल्क परीक्षण (२०७३ चैत्र १०, विहीवार)
स्वास्थ्य मन्त्रालयले यसै आर्थिक वर्षभित्रमा देशभरका ७५ ओटै जिल्लामा 'बृहत् प्रजनन स्वास्थ्य मेला' अन्तर्गत् पाठेघरको मुखमा हुने क्यान्सरको निःशुल्क परीक्षण सेवा सुरु गरेको छ । मन्त्रालयले परिवार महाशाखाअन्तर्गत् पहिलो चरणमा २० जिल्लामा गर्ने भनिएको प्रजनन स्वास्थ्य मेला बुधबार (हिजो) नुवाकोट जिल्लाबाट सुरु गरेको हो ।
स्थानीय तह निर्वाचनका लागि ७५ हजार जनालाई म्यादी प्रहरीमा भर्ना लिइने(२०७३ चैत्र १०, विहीवार)
स्थानीय तह निर्वाचनका लागि ७५ हजार जनालाई म्यादी प्रहरीमा भर्ना लिइने भएको छ । गृह मन्त्रालयले सबै तयारी पूरा गरिसकेकाले मन्त्रिपरिषद्ले स्वीकृत गर्नासाथ भर्ना आह्वान गरिनेछ । गृह प्रवक्ता बालकृष्ण पन्थीका अनुसार शुक्रबार सार्वजनिक सूचना निकालेर भर्नाका निम्ति दर्खास्त आह्वान गरिनेछ । ५५ दिनको नियुक्ति पाउने म्यादी प्रहरीले नेपाल प्रहरीका जवानसरह तलबसुविधा बुझ्नेछन् । 
देशभरका पुनःसंरचित ७४४ स्थानीय तहलाई एक करोडकादरले ७४४ करोड अनुदान निकासा(२०७३ चैत्र ९, बुधवार)
अर्थ मन्त्रालयले देशभरका पुनःसंरचित ७४४ स्थानीय तहलाई एक/एक करोडकादरले ७४४ करोड अनुदान निकासा गरेको छ । उक्त रकम स्थानीय तहले भौतिक पूर्वाधार विकासमा खर्च गर्ने जनाइएको छ । नयाँ बनेका गाउँपालिका, नगरपालिका, उपमहानगरपालिका र महानगरपालिकाको पूर्वाधार विकासका लागि एक करोडकादरले रकम निकासा गरिएको उपप्रधान तथा अर्थमन्त्री कृष्णबहादुर महराले जानकारी दिएका हुन् ।
अर्घाखाँचीका प्रकाश राना बुटबल उप-महानगरपालिकाको मेयरमा उठने(२०७३ चैत्र ९, बुधवार)
स्थानीय तहको  निर्वाचन नजिकिदै जाँदा देशभर चुनाबि चहलपहल बढेर गएको छ । गाउँटोल बस्ती-बस्तिमा समेत चुनावी चहलपहल बढेको स्थानियबासीले बताउने गरेका छन । अाजभोलि चुनावी प्रचारका लागि नेताहरु दैनिक गाउँमा जाने र अाफ्नो पक्षमा लबिङ गर्ने भित्र भित्र मत काग्ने गरेका छन । चुनाब नजिकिदा गाउँमा चहलपहल बढेर गएको छ । चुनावी चर्चा अहिले बढि गाउँमा छ ।
 
पश्चिमी वायु बाटो बदल्दै पूर्वतिर सर्दै आएकाले मौसममा छिनछिनमा बदलाव(२०७३ चैत्र ८, मंगलवार)
पश्चिमी वायु बाटो बदल्दै पूर्वतिर सर्दै आएकाले मौसममा छिनछिनमा बदलाव आइरहेको मौसमविद्हरुले विश्लेषण गरेका छन् । चिसो सकिने र गर्मी सुरु हुने दोसाँधमै दुई/तीन वटा मौसमी प्रणाली/गतिविधि उत्पन्न भएका कारण मौसममा फेरबदल आएको महाशाखाको भनाइ छ ।  उपत्यकाको वायुमण्डल छेकिनुमा प्रदूषणलाई पनि एउटा कारण मान्छन् विशेषज्ञहरु । 
पछिल्लो समय बालबालिकामा हुने ब्लड क्यान्सरको जोखिम बढ्दै(२०७३ चैत्र ८, मंगलवार)
पछिल्लो समय बालबालिकामा हुने ब्लड क्यान्सरको जोखिम बढ्दै गएको छ । के कारणले ब्लड क्यान्सर हुन्छ भन्ने कारण पत्ता लाग्न नसक्दा बिरामीको संख्या बढ्दै गएको चिकित्सकहरु बताउँछन् । यदि तपाईको बच्चा हिड्दा हिड्दै थाक्न, कमजोर हुन थाल्यो, जोर्नी र जोर्नीको आसपासको ठाउ दुख्यो, तौल अस्वभाविक रुपमा घट्दै जाने, समय समयमा ज्वरो आउने जस्ता लक्षण देखा पर्न थाल्यो भने विचार पुर्‍याउनु होला, तपाईको बच्चालाई कतै ब्लड क्यान्सर त भएको छैन !
निर्वाचनको विरोधमा रहेका मधेसकेन्द्रित दलसहित ४० दल जिल्ला निर्वाचन कार्यालय पर्सामा दर्ता(२०७३ चैत्र ८, मंगलवार)
निर्वाचनको विरोधमा रहेका मधेसकेन्द्रित दलसहित ४० दल जिल्ला निर्वाचन कार्यालय पर्सामा दर्ता भएका छन् । आउँदो वैशाख ३१ गते स्थानीय तहको निर्वाचनका लागि मधेसकेन्द्रित दलसहित ४० दलले जिल्ला निर्वाचन कार्यालयमा दल दर्ता गराएका हुन् ।
२८ मुलुकका सैनिक पाँचखालमा, १५ दिने अभ्यास चल्ने(२०७३ चैत्र ७, सोमवार)
विश्व शान्ति स्थापनाका लागि सहभागी हुने २८ ओटा मुलुकका सैनिकहरु १५ दिने शान्ति अभ्यासका लागि काभ्रेको पाँचखालमा जम्मा भएका छन् । 
राप्रपाको प्रदर्शनमा काठमाडौंमा अश्रुग्यास प्रहार स्ठिती तनाब पूर्ण (२०७३ चैत्र ७, सोमवार)
पार्टीको विधानबाट हिन्दू धर्म र राजसंस्था शब्द हटाएको विरोधमा राष्ट्रिय प्रजातन्त्र पार्टी (राप्रपा)ले गरेको प्रदर्शनमा तनाव भएको छ । 
आयोगको निर्णय पुनर्विचार गर्न माग गर्दै सोमबार दिउँसो बहादुर भवनस्थित निर्वाचन आयोग घेराउ गर्न गएको राप्रपाको ठूलो समूहले प्रहरी घेरा तोड्ने प्रयास गरेपछि लाठी चार्ज र अश्रुग्यास प्रहार गर्‍यो ।             
संवैधानिक र कानुनी आधारमा राप्रपाको विधानबाट हिन्दूराष्ट्र हटाइयो : आयोग (२०७३ चैत्र ६, आइतवार)
निर्वाचन आयोगले संवैधानिक र कानुनी आधारमा राप्रपाको विधानबाट हिन्दूराष्ट्र र राजसंस्था भन्ने शब्द हटाएको तर्क दोहोर्‍याएको छ । निर्वाचन आयोगले संवैधानिक र कानुनी आधारमा राप्रपाको विधानबाट हिन्दूराष्ट्र र राजसंस्था भन्ने शब्द हटाएको तर्क दोहोर्‍याएको छ । स्थानीय निर्वाचनबारे आइतबार राजधानीमा गरिएको पत्रकार सम्मेलनमा आयोगका प्रमुख आयुक्त डा. अयोधीप्रसाद यादवले संवैधानिक व्यवस्थाअनुसार नै काम गरेको जिकिर गरे ।
स्थानीय तह निर्वाचनका लागि आजदेखि मतपत्र छापिदैं(२०७३ चैत्र ६, आइतवार)
निर्वाचन आयोगले स्थानीय तह चुनावका लागि आजदेखि मतपत्र छाप्दै छ । जनक शिक्षा सामग्री केन्द्रले १ करोड ६० लाख हाराहारीमा मतपत्र छाप्ने छ । प्रमुख आयुक्त अयोधीप्रसाद यादवसहित आयोगका पदाधिकारीले भक्तपुरको सानोठिमीस्थित जनक शिक्षा सामग्री केन्द्रको स्थलगत निरीक्षण गरेपछि आजदेखि मतपत्र छाप्न लागिएको हो । मतपत्र छाप्न करिब ५ सय मेट्रिक टन कागज खपत हुने अनुमान छ । आयोगले खोजेजस्तै कागज केन्द्रले व्यवस्थापन गरेको छ । सबै मतपत्र छापिन ४० देखि ४२ दिन समय लाग्ने बताइएको छ ।
निर्वाचन कुनै शक्तिले पनि अब रोक्न सक्दैन : उपप्रधानमन्त्री थापा (२०७३ चैत्र ६, आइतवार)
उपप्रधान एवं स्थानीय विकास मन्त्री कमल थापाले स्थानीय तहको चुनाव अब कुनै पनि शक्तिले रोक्न नसक्ने बताएका छन् विराटनगर विमानस्थलमा आइतबार सञ्चारकर्मीहरुसँग कुरा गर्दै मन्त्री थापाले सरकार र निर्वाचन आयोगले निर्वाचनको तयारी तिव्र गतिमा गरिरहेकाले कुनै पनि हालतमा निर्वाचन स्थगित नहुने बताए ।
हिन्दु राष्ट्र र राजसंस्था पार्टीको बिधानबाट हटाउने निर्णय पुनर्विचार नगरे सत्ताबाट बाहिरिने राप्रपाको चेतावनी(२०७३ चैत्र ५, शनिवार)
राष्ट्रिय प्रजातन्त्र पार्टीका अध्यक्ष कमल थापाले निर्वाचन आयोगले हिन्दु राष्ट्र र राजसंस्था पार्टीको बिधानबाट हटाउने निर्णय पुनर्विचार नगरे सत्ताबाट बाहिरिन बाध्य हुने चेतावनी दिएका छन्।  अध्यक्ष थापाले पार्टीको विचारमाथि नै प्रतिबन्ध लगाउने गरी निर्वाचन आयोगको निर्णय आएको जिकिर गर्दै पुनर्विचार नभए आफू उपप्रधानमन्त्री पद त्याग गर्न पनि तयार रहेको स्पष्ट पारे।  
स्थानीय तह कार्यान्वयन आएसँगै धनकुटाका ग्रामिण क्षेत्रका बासिन्दा उत्साहित(२०७३ चैत्र ५, शनिवार)
स्थानीय तह कार्यान्वयन आएसँगै धनकुटाका ग्रामिण क्षेत्रका बासिन्दा उत्साहित बनेका छन् । तर भौतिक पूर्वाधार र कर्मचारी अभाव तथा सेवा सुविधा अभावका कारण कार्यान्वयन प्रक्रिया प्रभाबकारी बन्न सकेको छैन । धनकुटामा तीन नगरपालिका र चार गाउँपालिका गरि कुल सात स्थानीय तहको निर्धारण गरिएको छ ।
भारतको बिहार र दरभंगामा मजदुरी गर्दै आएका ३३ जना नेपाली बालबालिकाको उद्धार(२०७३ चैत्र ५, शनिवार)
केन्द्रीय बालकल्याण समितिले भारतको बिहार र दरभंगामा मजदुरी गर्दै आएका ३३ जना नेपाली बालबालिकाको उद्धार गरेको छ । समितिले शनिबार राजधानीमा पत्रकार सम्मेलन गरी उद्दार गरिएका बालबालिकालाई सार्वजनिक गरेको हो । बालमजदुरको रुपमा काम गर्दै आएका उनीहरुलाई भारतको सेवा संकल्प र निर्देश बालगृहको सहयोगमा उद्धार गरिएको हो ।
भूकम्पले क्षतिग्रस्त सिन्धुलीका सामुदायिक विद्यालयका भवन अझै पुनर्निर्माण हुन सकेन्(२०७३ चैत्र ३, विहीवार)
२०७२ साल वैशाखमा गएको शक्तिशाली भूकम्पले क्षतिग्रस्त सिन्धुलीका सामुदायिक विद्यालयका भवन अझै पुनर्निर्माण हुन सकेका छैनन् । सिन्धुलीका २ सय ५६ वटाभन्दा बढी सामुदायिक विद्यालय पुनर्निर्माण हुन नसक्दा पठन-पाठन अस्तब्यस्त बनेको छ । भूकम्पले विद्यालयका भवन भत्किएपछि बाँसको टाटीले बनाइएका टहरामा पठनपाठन सञ्चालन गरिँदा विद्यार्थी तथा शिक्षक शिक्षिकामा स्वास्थ्य समस्या देखिन थालेको छ ।
देशभर लोडसेडिङ पूर्णरुपमा अन्त्य(२०७३ चैत्र ३, विहीवार)
नेपाल विद्युत् प्राधिकरणले माध्यामिक शिक्षा परीक्षालाई केन्द्रबिन्दुमा राखेर मुलुकभर नै विद्युत्भार कटौती पूर्णरुपमा अन्त्य गरेको छ । विगत तीनदिनदेखि परीक्षणका रुपमा विद्युत्भार कटौती अन्त्य गरेको भए पनि प्राधिकरणले भने विहिबार (आज) साँझदेखि औपचारिक रुपमा नै विद्युत्भार कटौतीको अन्त्य गरेको जनाएको हो ।
स्थानीय निर्वाचन अवधिभर व्यक्तिका नाममा रहेका हातहतियार बुझाउन निर्देशन(२०७३ चैत्र ३, विहीवार)
कानुन बमोजिम अनुमति प्राप्त गरेका व्यक्तिका नाममा रहेका बन्दुक, पेस्तोलजस्ता हातहतियार निर्वाचन अवधिभर जिल्ला प्रशासन कार्यालय वा नजिकको प्रहरी कार्यालयमा अनिवार्य रुपमा बुझाउन जिप्रका काठमाडौँले अनुरोध गरेको छ । काठमाडौँका प्रजिअ हिमनाथ दवाडीले आज जारी गरेको सूचनामा बैशाख ३१ गते हुने स्थानीय तहको निर्वाचनलाई लक्षित गरी निर्वाचन अवधिभर मदिरा तथा मदिराजन्य पदार्थको अवैध उत्पादन तथा बिक्री वितरणमा समेत पूर्ण बन्देज लगाइएको उल्लेख छ ।
एमालेद्वारा सहिद गौतम परिवारलाई पाँच लाख र दुई छोरीलाई ल्यापटप सहयोग(२०७३ चैत्र ३, विहीवार)
नेकपा एमालेले कञ्चनपुरमा भारतीय सीमा सुरक्षा बलको गोली लागी मारिएका गोविन्द गौतमको परिवार पाँच लाख रुपैयाँ सहयोग गरेको छ। पार्टी अध्यक्ष केपी शर्मा ओलीले कञ्चनपुर एमाले अध्यक्ष तारा लामा तामाङमार्फत गौतम परिवारलाई पाँच लाखको चेक हस्तान्तरण गरेका हुन्।
      
सत्ता पक्ष र मधेसी दलहरु द्वन्द्व र हिंसा फैलाउने प्रयासमा: ओली(२०७३ चैत्र ३, विहीवार)
नेकपा एमाले अध्यक्ष केपी शर्मा ओलीले सत्ता पक्ष र मधेसी दलहरु देशमा नयाँ खाले द्वन्द्व र हिंसा फैलाउने प्रयासमा लागिपरेको आरोप लगाएका छन् । मेची महाकाली अभियान अन्तर्गत कैलालीको धनगढीमा आयोजित सभालाई सम्बोधन गर्दै ओलीले जातीय हिंसा, साम्प्रदायिकता घृणा र द्वेश फैलाउने गम्भीर षडयन्त्र भइरहेको आरोप लगाएका हुन् । निर्वाचन र संशोधनको कुनै सम्बन्ध छैन,  ओलीले भने,  संविधान संशोधन मार्फत पहाड र तराइलाई अलग पार्ने प्रयास स्वरुप सरकार र अन्य दलहरु गम्भीर षडयन्त्रमा लागेका छन् ।
स्थानीय तहलाई सात अर्ब ४४ करोड बजेट दिने निर्णय(२०७३ चैत्र २, बुधवार)
सरकारले हालै सञ्चालनमा आएका देशभरका सात सय ४४ स्थानीय तहलाई सात अर्ब ४४ करोड रुपैयाँ बजेट दिने निर्णय गरेको छ । 

प्रधानमन्त्रीद्वारा सीमांकन बाहेकका विषय टुंगो लगाएर स्थानीय निर्वाचनमा सहभागी हुन मधेसी मोर्चालाई पुनः आग्रह(२०७३ चैत्र २, बुधवार)
प्रधानमन्त्री पुष्पकमल दाहालले सीमांकनबाहेकका अन्य विवादित विषय टुंगो लगाएर स्थानीय तहको निर्वाचनमा सहभागी हुन संयुक्त लोकतान्त्रिक मधेसी मोर्चालाई पुनः आग्रह गरेका छन् । प्रधानमन्त्री तथा मन्त्रिपरिषादको कार्यालय सिंहदरबारमा बुधबार आफूसँग भेट गर्न आएका मधेसी मोर्चाका शीर्ष नेताहरुलाई प्रधानमन्त्री दाहालले प्रदेश सीमांकनको विषय निर्वाचनपछि टुंगो लगाउने आश्वासन दिँदै तत्काल भने चुनावमा जान आग्रह गरेका हुन् । 
गाउँपालिका तथा नगरपालिकाको वडाको संख्या निर्धारण विधेयक स्वीकृत(२०७३ चैत्र २, बुधवार)
व्यवस्थापिका-संसदको बुधबारको बैठकले 'गाउँपालिका तथा नगरपालिकाको वडाको संख्या निर्धारण विधेयक, २०७३' माथि विचार गरियोस् भन्ने प्रस्ताव बहुमतले स्वीकृत गरेको छ । त्यसअघि विधेयकका सैद्धान्तिक पक्षमाथिको छलफलमा भाग लिँदै नेपाली कांग्रेसका सांसद महेश आचार्यले संविधानले गरेको व्यवस्थानुसार गाउँपालिका तथा नगरपालिकाको वडाको संख्या निर्धारण हुनुपर्नेमा जोड दिँदै नयाँ सोचका साथ स्थानीय तहलाई अधिकार दिनेगरी काम हुनुपर्ने बताए ।
मधेसी मोर्चाद्वारा सरकारलाई दिएको समर्थन फिर्ता(२०७३ चैत्र २, बुधवार)
व्यवस्थापिका-संसदको बुधबारको बैठकमा सांसद महेन्द्रराय यादवले वर्तमान सरकारलाई संयुक्त लोकतान्त्रिक मधेसी मोर्चासहितको गठबन्धनले दिएको समर्थन फिर्ता लिएको घोषणा गर्दै त्यसको औपचारिक जानकारी सभामुखलाई दिने बताएका छन् । वर्तमान सरकार गठनकाबेला मोर्चासँग भएका तीनबुँदे सहमति कार्यान्वयन नभएकाले सहमति फिर्ता लिइएको जानकारी उनले दिए ।
रामेश्वर खनालद्वारा नयाँ शक्ति पार्टीमा आफू नरहेको घोषणा(२०७३ चैत्र १, मंगलवार)
पूर्व अर्थ सचिव रामेश्वर खनालले बाबुराम भट्टराई नेतृत्वको नयाँ शक्ति पार्टीमा आफू नरहेको घोषणा गरेका छन्।  उनले मंगलबार ट्विट गर्दै पार्टीको कुनै पनि जिम्मेवारीमा आफू नरहेको जनाएका हुन्। म कुनै पार्टीमा छैन, राजनीति मेरो क्षमताको विषय रहेनछ। अब के भनुँ-उनले लेखेका छन्।  
स्थानीय तह पुनःसंरचना पारित भइ राजपत्रमा प्रकाशन भएसँगै मोरङमा स्थानीय तहहरुको नयाँ नाम र जिम्मेवारी तोकियो(२०७३ चैत्र १, मंगलवार)
स्थानीय तह पुनःसंरचना पारित भइ राजपत्रमा प्रकाशन भएसँगै मोरङमा स्थानीय तहहरुको नयाँ नाम र जिम्मेवारी तोकिएको छ । साविक जिविस र गाविसको नाम परिवर्तन भइ नगरपालिका र गाउँपालिकामा जिम्मेवारी हस्तान्तरण भएको हो । मोरङ जिल्लामा एक उपमहानगरपालिकासहित ८ नगरपालिका र ८ ओटा गाउँपालिका बनेका छन् । शुक्रबारदेखि नयाँ संरचना लागू गर्ने भनिएता पनि मोरङमा भने मंगलबारबाटमात्र लागू गरिएको हो ।