arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
प्रतिनिधिसभा र प्रदेशसभा निर्वाचनपछि कसले सरकार बनाउला ?

बाम गठबन्धन
नेपाली कांग्रेस
थाहा भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राष्ट्रिय समाचार
कांग्रेसको घोषणापत्रमा माओवादी केन्द्र 'अवसरवादी', एमाले 'राष्ट्रिय एकता र समृद्धिको बाधक'(२०७४ कार्त्तिक १३, सोमवार)
नेपाली कांग्रेसले निर्वाचन घोषणापत्र सार्वजनिक गर्ने भएको छ । आसन्न प्रतिनिधिसभा र प्रदेशसभा सदस्य निर्वाचनका लागि पार्टीले केन्द्रीय तहमा घोषणापत्र तयार गरेको र मंगलबार (भोलि) सार्वजनिक गर्न लागिएको कांग्रेस केन्द्रीय कार्यालयले जनाएको छ ।
निर्वाचन आयोगद्वारा सर्वोच्चमा लिखित जवाफ पेस, छुट्टा-छुट्टै मतपत्र छपाइ सुरु भएको जानकारी(२०७४ कार्त्तिक १३, सोमवार)
निर्वाचन आयोगले मतपत्र छपाइ सम्बन्धमा सर्वोच्च अदालतले गरेको फैसलाको सोमबार लिखित जवाफ दिएको छ । आयोगले सोमबार छुट्टा-छुट्टै मतपत्र छपाइसम्बन्धी अदालतको अवहेलना मुद्दामा लिखित जवाफ पेस गर्दै छुट्टा-छुट्टै मतपत्र छपाइ सुरु भएको जानकारी दिएको हो ।
उदयपुरमा जिप दुर्घटना हुँदा ९ जनाको मृत्यु, दुईजना घाइते (२०७४ कार्त्तिक १३, सोमवार)
उदयपुरमा एक यात्रीबहाक जिप दुर्घटना हुँदा ९ जनाको मृत्यु भएको छ । अरु दुईजना घाइते भएका छन् । कटारीबाट ओखलढुंगाको सदरमुकाम जाँदै गरेको ना१ज ३४०४ नम्बरको टाटासुमो जिप सोमबार दिउँसो उदयपुरको ठाँटी भन्ने स्थानमा रहेको भीरबाट खसेर दुर्घटना हुँदा ९ जनाको घटनास्थलमा नै मृत्यु भएको हो ।
गुल्मीमा माइक्रोबस दुर्घटना, ९ जनाको मृत्यु, ८ जना गम्भीर घाइते(२०७४ कार्त्तिक १३, सोमवार)
बुटवलबाट गुल्मीको तम्घास जाँदै गरेको माइक्रोबस गुल्मी दरबार गाउँपालिका-४ बीरबास नजिकै  दुर्घटना भएको छ । दुर्घटनामा परी ९ जनाको मृत्यु भएको छ भने ८ जना गम्भीर घाइते भएका छन् । केही घाइतेको अवस्था गम्भीर रहेको प्रहरीले जनाएको छ । 
तेह्रथुममा चुनावी तयारी सुरु, ६ हजार नयाँ मतदाता, ४ मतदान केन्द्र थपिए(२०७४ कार्त्तिक १२, आइतवार)
दोस्रो चरणमा प्रतिनिधिसभा र प्रदेशसभा सदस्यको निर्वाचन हुने पूर्वी पहाडी जिल्ला तेह्रथुममा चुनावी तयारी सुरु भएको छ । मुख्य निर्वाचन अधिकृतको कार्यालय स्थापना भएसँगै निर्वाचनको तयारीका काम धमाधम सुरु भएका छन् । जिल्ला निर्वाचन कार्यालयले मतदाता नामावली, मतदान केन्द्र, मतदानस्थललगायत विषयको अन्तिम टुंगो लगाएको छ ।
सबैभन्दा बढी क्षति भएको सर्लाहीका बाढीपीडित किसानले अझै राहत पाएनन्(२०७४ कार्त्तिक १२, आइतवार)
सर्लाहीका किसानहरुले गत साउनमा आएको बाढीले बालीमा पुर्‍याएको क्षतिको राहत उपलव्ध गराइदिन सरकारसमक्ष माग गरेका छन् । गत साउनमा आएको बाढी र डुबानका कारण सर्लाहीमा धान, तरकारी खेती र माछा पालनामा सबैभन्दा बढी क्षति भएको थियो ।
३१ जनाको मृत्यु हुने गरी भएको बस दुर्घटनाको छानबिन गर्न समिति गठन(२०७४ कार्त्तिक १२, आइतवार)
धादिङको गजुरीमा ३१ जनाको मृत्यु हुने गरी भएको बस दुर्घटनाको छानबिन गर्न सरकारले समिति गठन गरेको छ । आइतबार गृह मन्त्रालयले तीन सदस्यीय समिति गठन गरेको हो । मन्त्रालयका सहसचिव मानबहादुर विश्वकर्माको संयोजकत्वमा गठित समितिमा नेपाल प्रहरी र सशस्त्र प्रहरीका वरिष्ठ उपरीक्षक छन् ।
बस दुर्घटनापछि सप्तरी शोकमग्न, एकै परिवारका पाँचजनाको मृत्यु(२०७४ कार्त्तिक ११, शनिवार)
सप्तरीको तिलाठी-कोइलाडी गाउँपालिका-१ तिलाठीका एकै परिवारका पाँचजनाको शनिबार बस दुर्घटनामा परी मृत्यु भएको छ । दीपावली र छठपर्व सम्पन्न गरी आइतबारदेखि कार्यालय सन्चालन हुन्छ भनेर घरबाट काठमाडौं हिँडेका सन्जीतकुमार झासहित परिवारका पाँचजनाको शनिबार बिहान धादिङको गजुरी गाउँपालिका-५ स्थित त्रिशूली नदीमा बस खसेपछि उनीहरुको सो दुर्घटनामा परी मृत्यु भएको सप्तरीको हनुमाननगर कंकालिनी नगरपालिकाका चन्दन यादवले बताए ।
सप्तरीका सबै स्थानीय तह बस दुर्घटनाको शोकमा आइतबार बन्द हुने(२०७४ कार्त्तिक ११, शनिवार)
राजविराजबाट काठमाडौं जाँदै गरेको बस शनिबार बिहान त्रिशुलि नदी खसेर दुर्घटनामा परी सप्तरीका झन्डै डेढ दर्जन व्यक्तिको मृत्यु भएपछि जिल्लाका सबै स्थानीय तहले आइतबार शोक मनाउने भएका छन् । सबै स्थानीय तहमा आइतबार एक दिनको बिदा दिने र शोक मनाउने निर्णय भएको राजविराज नगरपालिकाका प्रमुख शम्भु यादवले जानकारी दिए । सप्तरी जिल्लामा नौ नगरपालिका र नौ गाउँपालिका गरी १८ ओटा स्थानीय तह छन् ।
कम्युनिष्ट गठबन्धन राष्ट्रियताविरुद्ध षड्यन्त्र गर्न बनेको प्रधानमन्त्री देउवाको आरोप (२०७४ कार्त्तिक ११, शनिवार)
 प्रधानमन्त्री एवं नेपाली कांग्रेसका सभापति शेरबहादुर देउवाले कम्युनिष्ट गठबन्धन राष्ट्रियताविरुद्ध षड्यन्त्र गर्न बनेको आरोप लगाएका छन् । शनिबार कांग्रेसले पोखरामा आयोजना गरेको पार्टी प्रवेश कार्यक्रममा उनले कांग्रेस सधैं डर-त्रासविरुद्ध उभिने पार्टी भएको बताउँदै कम्युनिष्ट अधिनायकवादको त्रासबाट नेपाललाई मुक्त गरिने उद्घोष गरे ।
त्रिशूली नदीमा बस खस्दा मृत्यु हुनेको संख्या ३० पुग्यो (२०७४ कार्त्तिक ११, शनिवार)
पृथ्वी राजमार्गअन्तर्गत् धादिङको गजुरी गाउँपालिका वडा नम्बर-५ बांगेमोडस्थित त्रिशूली नदीमा एक यात्रीबहाक बस खस्दा मृत्यु हुनेको संख्या ३० पुगेको छ । मृतकमध्ये ११ पुरुष, ९ महिला, ६ बालक र तीनजना बालिका रहेको धादिङका प्रहरी उपरीक्षक ध्रुवराज राउतले जानकारी दिए । सप्तरीको राजविराजबाट काठमाडौं जाँदै गरेको ना६ख १४६७ नम्बरको बस शनिबार बिहान साढे ५ बजेतिर त्रिशूली नदीमा खसेको थियो ।
आगामी मंसिर १० गते हुने प्रतिनिधिसभा र प्रदेशसभाको निर्वाचनका लागि प्रत्यक्षतर्फको मतपत्र छाप्न थालियो(२०७४ कार्त्तिक १०, शुक्रवार)
 पहिलो चरणअन्तर्गत् आगामी मंसिर १० गते हुने प्रतिनिधिसभा र प्रदेशसभाको निर्वाचनका लागि प्रत्यक्षतर्फको मतपत्र छाप्ने कार्य सुरु भएको छ । प्रमुख निर्वाचन आयुक्त डा. अयोधिप्रसाद यादवले शुक्रबार साँझ मतपत्रको छपाइ भइरहेको भक्तपुर सानोथिमिस्थित जनक शिक्षा सामग्री केन्द्रमा पुगेर मतपत्र छपाइसम्बन्धी निरीक्षणपछि सो जानकारी दिएका हुन् ।
काठमाडौंमा रगतको अभाव, रक्तदान गर्न आह्वान(२०७४ कार्त्तिक १०, शुक्रवार)
रगतको अभाव भएको भन्दै रक्त सन्चार केन्द्रले सबै रक्तदातालाई रक्तदान गर्न आह्वान गरेको छ । चाड पर्वहरुको लामो विदाका कारण रक्त संकलनमा कमी आउँदा उपत्यकामा रगतको अभाव देखिएको रक्तसन्चार केन्द्रकी निर्देशक डा.मनिता कर्णिकारले जानकारी दिइन् ।
म्यादी प्रहरीलाई नगद मै पोशाक भत्ता(२०७४ कार्त्तिक १०, शुक्रवार)
संघीय संसद् र प्रदेशसभा निर्वाचन सुरक्षामा भर्ना गरिएका म्यादी प्रहरीले पोशाक भत्ता नगदमा नै पाउने भएका छन् । पोशाक खरिददेखि सिलाइसम्मको प्रक्रियामा आर्थिक अनियमितता हुन नदिन प्रहरी प्रधान कार्यालयले देशभरका म्यादी प्रहरीलाई तलव–भत्ता, रासन र पोशाक खर्च बापतको रकम बैंक खातामार्फत उपलव्ध गराउन लागेको हो ।

बिर्तामोडमा अनिश्चितकालीन कर्फ्यु (२०७४ कार्त्तिक १०, शुक्रवार)
झापाको बिर्तामोडमा अर्काे आदेश नभएसम्मका लागि कर्फ्यु लगाइएको छ ।झापाको अर्जुनधारा गाउँपालिका–११ का ११ वर्षीय बालक लक्ष्मण शिवाकोटीको शंकास्पद मृत्युलाई लिएर शुक्रबार स्थानीय वासिन्दा आन्दोलनमा उत्रिएपछि बढेको तनावका कारण कर्फ्यु जारी गरिएको हो ।


सर्वोच्चले अलग-अलग पानामा मतपत्र छाप्न आदेश दिएपछि निर्वाचन आयोग अन्योलमा(२०७४ कार्त्तिक ९, विहीवार)
प्रदेशसभा र प्रतिनिधिसभा सदस्य निर्वाचनका लागि एउटै पानामा मतपत्र छाप्ने अन्तिम तयारीमा रहेको निर्वाचन आयोगलाई सर्वोच्च अदालतले अलग-अलग पानामा मतपत्र छाप्न आदेश दिएपछि मंसिर १० र २१ का लागि तोकिएको निर्वाचन नै अलमलमा परेको छ । अदालतको आदेशबमोजिम मतपत्र छापेर तोकिएको मितिमा निर्वाचन गर्न निकै कठिन छ भने अर्कोतिर अदालतको आदेश मन्नैपर्ने बाध्यता पनि छ ।
माओवादी केन्द्रका प्रचन्डद्दारा समयभित्रै निर्वाचन नभए संसद स्वतः पुनःस्थापना हुने उल्लेख(२०७४ कार्त्तिक ९, विहीवार)
नेकपा माओवादी केन्द्रका अध्यक्ष पुष्पकमल दाहालले तोकिएको समयमा प्रतिनिधिसभा र प्रदेशसभाको निर्वाचन नभएमा व्यवस्थापिका-संसद स्वतः पुनःस्थापना हुने बताएका छन् । लक्ष्मण पन्तले लेखेको 'आधुनिक नेपालको इतिहास (वि.सं. १७४३-१९५५)' पुस्तक बिहीबार राजधानीमा विमोचन गर्दै अध्यक्ष दाहालले संविधानतः संसदको अवधि आगामी माघ ७ गतेसम्म भएपनि निर्वाचनको मनोनयन प्रक्रिया सुरु भएकाले संसद विघटन भएको तर मंसिर १० र २१ गते तोकिएको निर्वाचन नभएमा स्वतः संसद पुनःस्थापना हुने दाबी गरे ।
नारायणगढ-मुग्लिन सडकखन्ड निर्माणका लागि पुनः दिउँसो यातायात रोकेर काम थालिने(२०७४ कार्त्तिक ८, बुधवार)
नारायणगढ-मुग्लिन सडकखन्ड निर्माणका लागि पुनः दिउँसो यातायात रोकेर काम थालिने भएको छ । नारायणगढ मुग्लिन सडक आयोजना प्रमुख चन्द्रनारायण यादवकाअनुसार छठपर्वपछि मानिसको आवत-जावत कम भएसँगै सडक रोकेर काम गरिने छ । कात्तिक १५ गतेतिरबाट दिउँसो सवारी आवागमन रोक्नका लागि स्थानीय प्रशासनसँग छलफल गरिँदैछ ।

झापामा डेंगुको संक्रमण फैलियो, एक महिलाको मृत्यु, ३ सय ४१ संक्रमित(२०७४ कार्त्तिक ८, बुधवार)
डेंगुको संक्रमणबाट झापामा एक महिलाको मृत्यु भएको छ । अर्जुनधारा नगरपालिकाकी ३५ वर्षीया सुनिता बरालको उपचारका क्रममा मृत्यु भएको हो । जनस्वास्थ्य कार्यालयका महामारी रोग फोकल पर्सन कुलबहादुर पौडेलले समयमा उपचारको पहुँचमा पुग्न नसक्दा ती महिलाको मृत्यु भएको बताए ।
कांग्रेसमा दोस्रो चरणको निर्वाचनका लागि उम्मेदवारी चयन प्रक्रिया शुरु(२०७४ कार्त्तिक ८, बुधवार)
नेपाली कांग्रेसले दोस्रो चरणको निर्वाचनका लागि उम्मेदवारी चयन प्रक्रिया शुरु गरेको छ । कांग्रेस संसदीय बोर्डको आज प्रधानमन्त्री निवास वालुवाटारमा बसेको बैठकले उम्मेदवारी टुंगो लगाउने विषयमा छलफल शुरु गरेको छ । बैठकले सकेसम्म चाँडै उम्मेदवारहरुको नाम सार्वजनिक गर्ने निर्णय गरेको छ । 
मोरङमा आसन्न प्रतिनिधिसभा र प्रदेशसभा सदस्य निर्वाचनका लागि मतदान केन्द्र थपिए(२०७४ कार्त्तिक ७, मंगलवार)
मोरङमा आसन्न प्रतिनिधिसभा र प्रदेशसभा सदस्य निर्वाचनका लागि मतदान केन्द्र थपिएको छ । मतदानस्थल भने स्थानीय तह निर्वाचनकैलाई कायम गरिएको छ । मोरङमा ३०० मतदानस्थलमा ८९ ओटा मतदान केन्द्र थपिएको हो । क्षेत्रीय निर्वाचन कार्यालय विराटनगरकाअनुसार थप गरिएको मतदान केन्द्रसहित मोरङमा मतदान केन्द्रको संख्या ७५८ पुगेको छ । यसअघि, स्थानीय तह निर्वाचनमा मोरङमा ६६९ ओटा मतदान केन्द्र थिए ।
चिकित्सा शिक्षा अध्यादेश जारी, १० वर्षसम्म नयाँ मेडिकल कलेज खोल्न प्रतिबन्ध(२०७४ कार्त्तिक ६, सोमवार)
सरकारले चिकित्सा शिक्षा अध्यादेश जारी गरेको छ । चिकित्सा शिक्षामा सुधारको माग गर्दै १४ पटकसम्म अनशन बसेका प्रा.डा.गोविन्द केसीसँगको सहमति अनुसार नै सोमबार सरकारले अध्यादेश जारी गरेको हो । अध्यादेश अनुसार काठमाडौं उपत्यकामा अब १० वर्षसम्म नयाँ मेडिकल कलेज खोल्न पाइने छैन भने कुनै पनि विश्वविद्यालयले पाँच ओटाभन्दा बढी मेडिकल कलेजलाई सम्बन्धन दिन पाउने छैनन् ।
पार्टी नीतिविपरीत उम्मेदवारी दर्ता गराएका नेता तथा कार्यकर्तालाई उम्मेदवारी फिर्ता लिन वाम गठबन्धनको आग्रह(२०७४ कार्त्तिक ६, सोमवार)
पार्टी नीतिविपरीत उम्मेदवारी दर्ता गराएका नेता तथा कार्यकर्तालाई उम्मेदवारी फिर्ता लिन वाम गठबन्धनले आग्रह गरेको छ । बृहत् लक्ष्यका साथ चुनावी तालमेल र पार्टी एकताकोसमेत निर्णय भएको दाबी गर्दै गठबन्धनमा सहभागी नेकपा एमाले र नेकपा माओवादी केन्द्रले बागी उम्मेदवारी दिएका जुनसुकै उम्मेदवारले तोकिएको समयभित्र नलिएमा कारबाही गर्ने चेतावनी दिएको छ ।
मंसिर १० गते ३२ जिल्लामा हुने प्रतिनिधिसभा र प्रदेशसभा सदस्यमा ४१ जना महिला उम्मेदवार(२०७४ कार्त्तिक ६, सोमवार)
पहिलो चरणमा मंसिर १० गते ३२ जिल्लामा हुने प्रतिनिधिसभा तथा प्रदेशसभा सदस्य निर्वाचनका लागि ४१ जना महिलाले उम्मेदवारी दिएका छन् । यसमध्ये प्रतिनिधिसभामा १८ र प्रदेशसभाका लागि २३ जना महिला छन् । निर्वाचन आयोगका अनुसार कूल ३२३ ले प्रतिनिधिसभा र ४८४ जनाले प्रदेशसभा सदस्यका लागि उम्मेदवारको मनोनयन पत्र दर्ता भएको छ ।
पर्वतमा आगामी मंसिर २१ गते हुने प्रदेश र प्रतिनिधिसभा निर्वाचनको माहौल दिन प्रतिदिन बढ्दै (२०७४ कार्त्तिक ५, आइतवार)
आगामी मंसिर २१ गते हुने प्रदेश र प्रतिनिधिसभा निर्वाचनको माहौल पर्वतमा दिन प्रतिदिन बढ्दै गएको छ । निर्वाचनका लागि सबै पक्षले आ-आफ्नो तयारी थालेका छन् । निर्वाचन परिणाम आफ्नो पक्षमा पार्न जिल्लामा क्रियाशिल दलहरु सक्रिय बनेका छन् भने निर्वाचन कार्यालय पनि तयारीमा जुटेको छ ।
घरमा लगाइने १५ किसिमका रङमा मापदन्डविपरीत सिसा भेटियो, बालबालिकाको शारिरीक, मानसिक विकासमा हानी(२०७४ कार्त्तिक ५, आइतवार)
घरमा लगाइने १५ किसिमका रङमा सरकारले तोकेको मापदन्डविपरीत लेड अर्थात् सिसा मिसिएको पाइएको छ । सरकारले ९० पीपीएमभन्दा बढी लेड अर्थात् सिसा रङमा मिसाउन नपाइने मापदन्ड बनाएपनि उत्पादक कम्पनीहरुले त्योभन्दा बढी लेड राखेर रङ उत्पादन गरेको भेटिएको हो ।
प्रतिनिधिसभा तथा प्रदेशसभा सदस्य निर्वाचनका लागि उम्मेदवारी मनोनयन दर्ता शान्तिपूर्णरुपमा सम्पन्न(२०७४ कार्त्तिक ५, आइतवार)
पहिलो चरणमा आगामी मसिर १० गते हुने प्रतिनिधिसभा तथा प्रदेशसभा सदस्य निर्वाचनका लागि आइतबार ३२ जिल्लाका मुख्य निर्वाचन अधिकृत र निर्वाचन अधिकृतको कार्यालयमा उम्मेदवारी मनोनयनको दर्ता शान्तिपूर्णरूपमा भएको छ । उम्मेदवारी मनोनयन दर्ताका लागि मुख्य निर्वाचन अधिकृत र निर्वाचन अधिकृतको कार्यालयबाट विभिन्न राजनीतिक दलका उम्मेदवार तथा स्वतन्त्र उम्मेदवारले मनोनयनको फाराम लैजानाका साथै उम्मेदवारी दर्ता गर्नेक्रम सुरु भएको निर्वाचन आयोगका प्रवक्ता नवराज ढकालले जानकारी दिए ।
तिहारको अवसरमा शुभकामना दिँदै सरकारको एकमात्र लक्ष्य निर्वाचन सम्पन्न गरी संविधान कर्यान्वयन गर्नु -प्रधानमन्त्री शेरबहादुर देउवा(२०७४ कार्त्तिक ४, शनिवार)
प्रधानमन्त्री शेरबहादुर देउवाले आफ्नी बहिनी दुर्गादेवी चन्दको हातबाट शनिबार भाइटीका ग्रहण गरेका छन् ।

राष्ट्रपतिबाट भाइटीकाको उपलक्ष्यमा भाईलाई टिका प्रदान (२०७४ कार्त्तिक ४, शनिवार)
राष्ट्रपति विद्यादेवी भण्डारीले शनिबार बिहान ११ बजेर ५१ मिनेटको शुभसाइतमा आफ्ना भाइ डेगेन्द्र पाण्डेलाई टीका लगाइदिइन् ।
आज भाइटीका, बिहान ८ बजेअघि टीका लगाउन नहुने, ११ः५१ बजेको साइत उत्तम(२०७४ कार्त्तिक ४, शनिवार)
यमपञ्चक अर्थात् तिहारको पाँचौं एवम् अन्तिम दिन आज भाइटीका पर्व दिदीबहिनीले दाजुभाइलाई श्रद्धा, आस्था र निष्ठाका साथ दीर्घायु, आरोग्य र ऐश्वर्य प्राप्तिको कामना गर्दै परम्परानुसार पञ्चरङ्गी वा सप्तरङ्गी टीका लगाई मनाइँदैछ ।
http://go.oclaserver.com/afu.php?zoneid=1465736