सिरियाका राष्ट्रपति बसर अल असदले सिरियाको भविष्य सिरियाली जनताको हातमा रहेको भन्दै सिरियाको मामिलामा हस्तक्षेप नगर्न चेतावनी दिएका छन् ।

पाकिस्तानमा शनिवार सम्पन्न संसदीय चुनावमा जीतको दाबी गरेका पूर्व प्रधानमन्त्री नवाज सरिफले नयां सरकार गठनका लागि छलफल थालेका छन् । यद्यपी औपचारिक मत परिणाम भने सार्वजनिक भैसकेको छैन् ।

चीनको सिन्झआङ प्रान्तमा भएको झडपमा २१ जनाको मृत्यु भएको छ।मृत्यु हुनेमा १५ सुरक्षाकर्मीसमेत रहेका छन् । सुरक्षाकर्मीले सर्वसाधारणको घरमा रहको हतियार खोजीका क्रममा एक समूहले आक्रमण गरेका थिए ।

बंगलादेशको राजधानी ढाकामा ८ तले घर भत्किँदा कम्तीमा १ सयको मृत्यु भएको छ । ६ सयलार्इ उद्धार गरिएपनि अझै केही मानिस भग्नावशेसमा फसेको आशंका गरिएको छ ।   

  

संयुक्त राज्य अमेरिकाको बोस्टनमा भएको विस्फोटको घटना सेलाउन नपाउँदै टेक्सस राज्यमा अर्को विस्फोट भएको छ । टेक्सस राज्यस्थित मल कारखानामा भएको बिस्फोटमा दर्जनौं घाइते भएका छन् । बिस्फोटका कारण कारखानानजिक रहेको एक नर्सिङ होममा पनि क्षति पुगेको छ ।