arghakhanchi
मिति:
*स्थानीय निर्वाचन २०७४ ! Local Election 2074 *
भर्खरै
थप समाचार
बिज्ञापनहरु Advertisements
banner
banner
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
banner
 
विश्व समाचार
उत्तर कोरियाद्वारा मिसाइल परीक्षण(२०७३ फाल्गुन १, आइतवार)
उत्तर कोरियाले मिसाइल परीक्षण गरेको छ । दक्षिण कोरियालगायत विश्व समुदायले विरोध गर्दागर्दै पनि उत्तर कोरियाले मिसाइल परीक्षण गरेको दक्षिण कोरियाली समाचार संस्था योनह्यापले जनाएको छ ।

ट्रम्पले अमेरिका प्रवेशमा रोक लगाउने नयाँ कार्यकारी आदेश जारी गर्ने(२०७३ माघ २९, शनिवार)
अमेरिकी राष्ट्रपति डोनाल्ड ट्रम्पले केही सीमित मुलुकका नागरिकलाई अमेरिका प्रवेशमा रोक लगाउने नयाँ कार्यकारी आदेश जारी गर्ने भएका छन् । ट्रम्पले यसअघि जारी गरेको यस्तै आदेश कार्यान्वयनमा भने अदालतले रोक लगाइसकेको छ । तर, नयाँ कार्यकारी आदेश कस्तो हुनेछ भन्नेबारेमा भने स्पस्ट नभएको अन्तर्राष्ट्रिय सन्चारमाध्यमहरुले जनाएका छन् । राष्ट्रपति ट्रम्पले अमेरिका प्रवेशमा रोक लगाउने नयाँ आदेशमा केही परिवर्तन हुने बताएका छन् । 
भारतको उत्तरप्रदेश राज्यमा विधानसभाका लागि पहिलो चरणको निर्वाचन(२०७३ माघ २९, शनिवार)
भारतको उत्तरप्रदेश राज्यमा  विधानसभाका लागि पहिलो चरणको निर्वाचन भइरहेको छ । राज्यको पश्चिमी क्षेत्रका १५ जिल्लाका ७३ सीटका लागि आज निर्वाचन हुन लागेको हो । नेपालसँग सीमा जोडिएको भारतीय उत्तरी राज्यमा मूलतः समाजवादी पार्टी र कांग्रेसको गठबन्धन, भारतीय जनता पार्टी र बहुजन समाज पार्टीबीच त्रिपक्षीय प्रतिस्पर्धा रहेको छ ।
फिलिपिन्सको दक्षिणी मिन्दानाओ टापुको सुरिगाओ सहरमा ६.७ म्याग्निच्यूडको भूकम्प, चारजनाको मृत्यु(२०७३ माघ २९, शनिवार)
फिलिपिन्सको दक्षिणी मिन्दानाओ टापुको सुरिगाओ सहरमा गएको ६.७ म्याग्निच्यूडको भूकम्पका कारण कम्तीमा चारजनाको मृत्यु भएको छ भने १०० जनाभन्दा बढी घाइते भएका छन् । शुक्रबार गएको भूकम्पमा कारण भवनहरु भत्किएका छन् भने खानेपानी र विद्युत् सेवा अवरुद्ध भएको छ । सहरमा रहेको विमानस्थलको धावनमार्ग भत्किएकाले हवाई उडान स्थगित गरिएको छ ।
ट्रम्पको आदेशप्रति अमेरिकी अदालतले सोध्योः मुस्लिममाथि विभेद भएको हो कि होइन ? (२०७३ माघ २६, बुधवार)
अमेरिकी पुनरावेदन अदालतले मुस्लिम बहुल सात देशका नागरिकलाई अमेरिका प्रवेशमा रोक लगाउने राष्ट्रपति डोनाल्ड ट्रम्पको आदेश मुस्लिमप्रतिको विभेद भएको हो/होइन भन्नेमा जवाफ मागेको छ ।  

भारतमा भूकम्पको धक्का, नेपालमा पनि महसुस(२०७३ माघ २५, मंगलवार)
५ दशमलव ८ म्याग्निच्युड मापन गरिएको भूकम्पको केन्द्रबिन्दु भारत देहरादुनको उत्तर पूर्व १ सय १४ किलोमिटर टाढा रुद्रप्रयागनजिक रहेको जनाइएको छ ।

अमेरिकाबासी आप्रवासी नवनिर्वाचित राष्ट्रपति डोनाल्ड ट्रम्पको शासन सुरु भएसँगै त्रसित(२०७३ माघ १५, शनिवार)
आप्रवासीको स्वर्ग मानिने अमेरिकाबासी अाप्रवासी नवनिर्वाचित राष्ट्रपति डोनाल्ड ट्रम्पको शासन सुरु भएसँगै त्रसित भएका छन्। चुनाबी अभियानमै अाप्रवासी तथा शरणार्थीप्रति कडा देखिएका उनले हालै कार्यकारी अादेश नै जारी गरेपछि त्यो त्रासको डिग्री अझ बढेको छ।

           
कश्मीर हिमपहिरोमा परि कम्तिमा १० जना भारतीय सैनिकको मृत्यु(२०७३ माघ १३, विहीवार)
भारत प्रशासित कश्मीरमा पाकिस्तानसंग सीमा जोडिएको क्षेत्रमा गएको हिमपहिरोमा परि कम्तिमा १० जना भारतीय सैनिकको मृत्यु भएको छ । श्रीनगरबाट २ सय किलोमिटर दूर्गम गेरेज क्षेत्रमा सेनाको दुई वटा शिविर हिमपहिरोको चपेटामा परेको बताइएको छ ।
थाइल्यान्डको दक्षिणी क्षेत्रमा भीषण वर्षापछि आएको बाढीमा परी कम्तीमा १२ जनाको मृत्यु(२०७३ पौष २३, शनिवार)
थाइल्यान्डको दक्षिणी क्षेत्रमा भीषण वर्षापछि आएको बाढीमा परी कम्तीमा १२ जनाको मृत्यु भएको छ । बाढीका कारण धेरै गाउँहरु डुबानमा परेको त्यहाँका अधिकारीहरुले बताएका छन् ।
सिरियामा गराइएको कारबम विस्फोटमा परी कम्तीमा ४३ जनाको मृत्यु (२०७३ पौष २३, शनिवार)
सिरियामा विद्रोही नियन्त्रित अजाज सहरमा शनिबार गराइएको कारबम विस्फोटमा परी कम्तीमा ४३ जनाको मृत्यु भएको छ । टर्कीको सीमानजिक भएको विस्फोटमा अरु धेरै घाइते भएका छन् । सिरियामा रुस र टर्कीको पहलमा गरिएको युद्धविरामकाबीच यो विस्फोट भएको हो । विस्फोटको जिम्मा कसैले लिएको छैन ।
बुरुन्डीका वातावरणमन्त्रीको गोली हानी हत्या(२०७३ पौष १७, आइतवार)
अफ्रिकीमुलुक बुरुन्डीका वातावरणमन्त्री इमानियोल निपोन्कुराको गोली हानी हत्या भएको छ । नयाँवर्षको कार्यक्रमका लागि आफ्नो घर जाँदै गर्दा निपोन्कुरामाथि गोली प्रहार भएको प्रहरीले जनाएको छ ।
टर्कीको इस्तानबुलस्थित एक रात्री क्लब आतंकवादी आक्रमण हुँदा कम्तिमा ३५ जनाको मृत्यु(२०७३ पौष १७, आइतवार)
टर्कीको इस्तानबुलस्थित एक रात्री क्लब आतंकवादी आक्रमण हुँदा कम्तिमा ३५ जनाको मृत्यु भएको छ । सान्टा क्लजको पोशाकमा रहेका आक्रमणकारीले रेना रात्री क्लबमा प्रवेश गरी आक्रमण गरेको अन्तर्राष्ट्रिय सञ्चारमाध्यमहरुले जनाएका छन् ।
बंगलादेशका एक सांसदको गोली हानी हत्या(२०७३ पौष १७, आइतवार)
बंगलादेशका एक सांसदको गोली हानी हत्या भएको छ । सत्तारुढ अवामी लिग पार्टीका सांसद मन्जुरुल इस्लामको हत्या भएको हो । उत्तरी क्षेत्र गैबन्धा जिल्लामा तीन जना बन्दुकधारीले सांसद इस्लामको घरमै पसेर गोली हानी हत्या गरेका हुन् ।
युगान्डाको लेक अल्बर्टमा एक डुंगा दुर्घटना हुँदा ३० जनाको डुबेर मृत्यु(२०७३ पौष १२, मंगलवार)
युगान्डाको लेक अल्बर्टमा एक डुंगा दुर्घटना हुँदा ३० जनाको डुबेर मृत्यु भएको छ । स्थानीय फुटबल टिम र समर्थकहरु चढेको डुंगा दुर्घटना भएको हो । दुर्घटनामा परेका १५ जनाको उद्दार गरिएको छ । 
ब्ल्याक सीमा दुर्घटना भएको रुसी विमानका सबै ९२ जना यात्रुको मृत्यु(२०७३ पौष १०, आइतवार)
ब्ल्याक सीमा दुर्घटना भएको रुसी विमानका सबै यात्रुको मृत्यु भएको रुसी अधिकारीहरुले जनाएका छन् । रुसी रक्षा मन्त्रालयका अनुसार विमानमा सवार ९२ जना कै मृत्यु भएको हो ।
फिलिपिन्सको पूर्वी किनारातिर क्रिसमसको दिन भीषण आँधी आउनसक्ने सरकारले चेतावनी(२०७३ पौष ९, शनिवार)
फिलिपिन्सको पूर्वी किनारातिर क्रिसमसको दिन भीषण आँधी आउनसक्ने सरकारले चेतावनी दिएको छ । आँधी ल्याउने हावा प्रतिघन्टा २२२ किलोमिटर पार गर्ने गतिमा हुने अनुमान गरिएको तुफान चेतावनी केन्द्रले जनाएको छ ।
माल्टामा जबर्जस्ती अवतरण गराइएको अपहरित विमानबाट १११ यात्री सकुशल रिहा(२०७३ पौष ८, शुक्रवार)
अपहरण गरी युरोपेलीमुलुक माल्टामा जबर्जस्ती अवतरण गराइएको लिबियाको अफ्रिकिया एअरवेजको ए ३२० आन्तरिक विमानमा सवार १११ जना यात्रीहरु सकुशल रिहा भएका छन् । शुक्रबार विमानमा सवार हाते ग्रीनेड बोकेका अपहरणकारीले विमानमा सवार ८२ पुरुष, २८ महिला र एउटा बच्चा तथा ७ जना चालकदलका सदस्य रहेको विमानलाई अपहरण गरेका थिए ।
भारतमा ६ सय कैदीबन्दीको चरम यातनाका कारण मृत्यु भएको तथ्यांक सार्वजनिक(२०७३ पौष ५, मंगलवार)
भारतको विभिन्न कारागारमा पाँच वर्षभित्रमा ६ सय कैदीबन्दीको चरम यातनाका कारण मृत्यु भएको तथ्यांक सार्वजनिक भएको छ । मानवअधिकारवादी संस्था ह्युमन राइट्स वाचले सार्वजनिक गरेको १ सय १४ पृष्ठको तथ्यांकमा भारतका विभिन्न कारागारमा रहेका कैदी बन्दीलाई चरम यातना दिई मारेको उल्लेख छ । 
जर्मनीको बर्लिनमा जथाभावी लरी चलाउँदा किचिएर १२ जनाको मृत्यु(२०७३ पौष ५, मंगलवार)
जर्मनीको बर्लिन शहरस्थित एक व्यस्त बजारमा जथाभावी लरी चलाउँदा किचिएर १२ जनाको मृत्यु भएको छ । क्रिसमस बजारमा चालकले जानीजानी लरी चलाएको प्रहरीले जनाएको छ । घटनामा केही व्यक्ति घाइते भएका छन् ।
टर्कीमा रुसी राजदूतको गोली हानी हत्या(२०७३ पौष ५, मंगलवार)
टर्कीमा रुसी राजदूतको गोली हानी हत्या भएको छ । टर्कीका लागि कार्यरत रुसी राजदूत एन्ड्रे कार्लोफको अंकारास्थित आर्ट ग्यालरीको प्रदर्शनका भाषण दिने क्रममा २२ बर्षिय एक दंगा प्रहरीले गोली हानी हत्या गरेको बताइएको छ ।
भेनेजुएलामा सयको नोट फिर्ता गर्ने निर्णय स्थागित(२०७३ पौष ३, आइतवार)
भेनेजुएलामा सयको नोट फिर्ता गर्ने निर्णय स्थागित भएको छ । राष्ट्रपति निकोलस मडुरोले यो निर्णय जनवरीसम्मका लागि स्थगित गरेको बताए । बोलिभार भनिने भेनेजुयलाको मुद्राको सयको नोट हटाउने निर्णयपछि व्यापक विरोध प्रदर्शन भएको थियो । १ सय बोलिभारलाई फिर्ता गरिनुपर्ने वा त्यसको बदलामा अरु नोटहरु लिनुपर्ने भनिएपछि मानिसहरु धेरै दिन लाईनमा बस्न बाध्य भएका थिए ।
पोल्याण्डको वार्सामा प्रेस स्वतन्त्रताको माग गर्दै फेरि प्रदर्शन शुरु(२०७३ पौष ३, आइतवार)
पोल्याण्डको राजधानी वार्सामा प्रेस स्वतन्त्रताको माग गर्दै फेरि प्रदर्शन शुरु भएको छ । संसदीय गतिविधिको रिपोर्टिङमा सीमित पत्रकारलाई अनुमति दिने सरकारी योजनाविरुद्ध राष्ट्रपतीय भवनमा जम्मा भएका प्रदर्शनकारी संसद भवनतर्फ अगाडि बढेका थिए । संसदभित्र पनि विपक्षी सांसदहरुले शुक्रबारदेखि विरोध गरिरहेका छन् ।
यमनमा इस्लामिक अतिवादी संगठन आइएसले गराएको बम विस्फोटमा ४५ जना सैनिक मारिए(२०७३ म‌सिर २६, आइतवार)
यमनको सैनिक क्याम्पमा इस्लामिक अतिवादी संगठन आइएसले गराएको बम विस्फोटमा ४५ जना सैनिक मारिएका छन् । अदन शहरमा रहेको सैनिक क्याम्पमा तलव लिन लाइन बसेका सेनामाझ आत्मघाती विस्फोट गराइएको यमनी अधिकारीहरुले बताएका छन् । 
टर्कीको इस्तानबुलमा गराइएका दुई वटा बम विस्फोटमा कम्तिमा २९ जनाको मृत्यु(२०७३ म‌सिर २६, आइतवार)
टर्कीको इस्तानबुलमा गराइएका दुई वटा बम विस्फोटमा कम्तिमा २९ जनाको मृत्यु भएको छ । घटनामा १ सय ६६ जना घाइते भएका छन् । पहिलो बम विस्फोट इस्तानबुलस्थित एक रंगशाला बाहिर गराइएको थियो । दंगा नियन्त्रित प्रहरीको बसलाई लक्षित गरी गराइएको कार बम विस्फोटमा थुप्रै सवारी साधनमा क्षति पुगेको छ ।
गाम्बियाका निरंकुश नेता याया जाम्मेद्वारा राष्ट्रपतीय चुनावमा भएको आफ्नो हार अस्वीकार(२०७३ म‌सिर २५, शनिवार)
अफ्रिकी मुलुक गाम्बियाका निरंकुश नेता याया जाम्मेले राष्ट्रपतीय चुनावमा भएको आफ्नो हार अस्वीकार गरेका छन् । यो महिनाको सुरुमा सम्पन्न चुनावको नतिजा स्वीकार गरेको एक सातापछि चुनावमा अस्वीकार्य अनियमितता भएको भन्दै जाम्मेले नयाँ चुनावको आह्वानसमेत गरेका छन् ।
दक्षिण कोरियाकी राष्ट्रपति विरुद्धको महाअभियोग प्रस्ताव दुई तिहाइले पारित(२०७३ म‌सिर २४, शुक्रवार)
दक्षिण कोरियाकी राष्ट्रपति पार्क गियुन हेइविरुद्धको महाअभियोग प्रस्ताव दुई तिहाइले पारित भएको छ । भ्रष्टाचारको आरोप लागेकी राष्ट्रपति पार्कविरुद्ध राष्ट्रियसभामा भएको मतदानमा प्रस्तावको पक्षमा २३४ र विपक्षमा ५६ मत परेको थियो ।
पाकिस्तानको कराँचीमा एउटा होटलमा आगलागी हुँदा कम्तीमा ११ जनाको मृत्यु(२०७३ म‌सिर २०, सोमवार)
पाकिस्तानको व्यापारिक सहर कराँचीमा सोमबार बिहान एउटा होटलमा आगलागी हुँदा कम्तीमा ११ जनाको मृत्यु भएको छ । पाकिस्तानी संचारमाध्यमका अनुसार आगलागीमा परी अन्य ७० जना घाइते भएका छन् । घाइतेमध्ये ३० जनाको अवस्था गम्भीर रहेको बताइएको छ ।
चीनमा भएको एक सडक दुर्घटनामा कम्तीमा १८ व्यक्तिको मृत्यु(२०७३ म‌सिर १७, शुक्रवार)
चीनमा शुक्रबार भएको एक सडक दुर्घटनामा कम्तीमा १८ व्यक्तिको मृत्यु भएको स्थानीय सन्चारमाध्यमले जानकारी दिएको छ । करिब २० यात्री सवार रहेका उक्त मिनिबस चीनको मध्यप्रान्त हुबेइको इझौउबाट वहानतर्फ गइरहेको र एक तालमा खस्दा कम्तिमा १८ व्यक्तिको मृत्यु भएको राज्यद्वारा सन्चालित सीसीटीभीले शुक्रबार नै सो जानकारी दिएको छ ।
ब्राजिलको एक फुटबल टिमसहित ८१ जना सवार विमान दुर्घटना हुँदा ७६ जनाको मृत्यु(२०७३ म‌सिर १४, मंगलवार)
ब्राजिलको एक फुटबल टिमसहित ८१ जना सवार विमान मंगलबार कोलम्बियामा दुर्घटना हुँदा ७६ जनाको मृत्यु भएको छ । बोलिभियाबाट ७२ जना यात्रु र ९ जना चालकदलका सदस्यसहित उडेको विमान कोलम्बियाको मेडेलिन सहरनजिक दुर्घटना भएको हो ।
डोनाल्ड ट्रम्पद्वारा हालै निधन भएका क्यूवाली कम्युनिस्ट नेता फिडेल कास्ट्रोलाई बर्बर तानाशाहको संज्ञा(२०७३ म‌सिर १२, आइतवार)
नवनिर्वाचित अमेरिकी राष्ट्रपति डोनाल्ड ट्रम्पले हालै निधन भएका क्यूवाली कम्युनिस्ट नेता फिडेल कास्ट्रोलाई बर्बर तानाशाहको संज्ञा दिएका छन् । एक बर्बर तानाशाहको निधन भएको भन्दै उनले अब क्यूवा स्वतन्त्र भविष्यतर्फ अघि बढ्ने विश्वास व्यक्त गरेका छन् ।