arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
विश्व समाचार
अफगानिस्तानको विभिन्न ठाउँमा भएको सुरक्षा कारबाहीमा ७८ जना आतंककारी मारिए(२०७४ आषाढ २४, शनिवार)
अफगानिस्तानको विभिन्न ठाउँमा भएको सुरक्षा कारबाहीमा ७८ जना आतंककारी मारिएका छन् । गत २४ घन्टामा भएका कारवाहीमा ती आतंककारी मारिएका हुन् । सुरक्षा कारबाहीका क्रममा ७८ आतंककारी मारिनुको साथै अन्य ४३ जना घाइते भएको गृह मन्त्रालयद्वारा शनिबार (आज) जारी विज्ञप्तिमा जानकारी दिइएको हो ।
बिहारका पूर्वमुख्यमन्त्री लालुप्रसाद यादवको घरमा छापा बिहारका पूर्वमुख्यमन्त्री लालुप्रसाद यादवको घरमा छापा(२०७४ आषाढ २३, शुक्रवार)
भारतको केन्द्रीय अनुसन्धान ब्यूरो (सीबीआई)ले राष्ट्रिय जनता दलका प्रमुख तथा बिहारका पूर्व मुख्यमन्त्री लालुप्रसाद यादवको पटनास्थित घरसहित १२ स्थानमा छापा मारेको छ ।

पाकिस्तानमा तेल ट्यांकरमा आगलागी हुँदा कम्तीमा १२३ जनाको मृत्यु(२०७४ आषाढ ११, आइतवार)
पाकिस्तानमा तेल ट्यांकरमा आगलागी हुँदा कम्तीमा १२३ जनाको मृत्यु भएको छ । पाकिस्तानको एक सरकारी टेलिभिजनलाई उद्धृत गर्दै बीबीसीले जनाएअनुसार बहावपुर सहरमा तेल ट्यांकर पल्टिएर भएको आगलागीमा १२३ जनाको मृत्यु भएको हो । दुर्घटनामा ७५ जना भन्दा बढी घाइते भएका छन् । घाइतेहरुको सहरकै भिक्टोरिया अस्पतालमा उपचार भइरहेको छ ।
चीनको दक्षिण-पश्चिमी प्रान्त सिचुआनमा पहिरो जाँदा १ सय ४० भन्दा बढी मानिस बेपत्ता(२०७४ आषाढ १०, शनिवार)
चीनको दक्षिण-पश्चिमी प्रान्त सिचुआनमा पहिरो जाँदा १ सय ४० भन्दा बढी मानिस बेपत्ता भएका छन् । एउटा पहाडै खसेर गएको पहिरोमा सिनमो गाउँका झन्डै ४० घर पुरिएको स्थानीय अधिकारीहरुलाई उदृत गर्दै अन्तर्राष्ट्रिय सञ्चारमाध्यमहरुले जनाएका छन् ।
दार्जिलिङमा चर्किएको गोर्खाल्यान्ड आन्दोलनकाक्रममा एकजना सुरक्षाकर्मीसहित तीनजनाको मृत्यु(२०७४ आषाढ ३, शनिवार)
दार्जिलिङमा चर्किएको गोर्खाल्यान्ड आन्दोलनकाक्रममा एकजना सुरक्षाकर्मीसहित तीनजनाको मृत्यु भएको छ । ठूलो संख्यामा प्रदर्शनकारी घाइते भएका छन् । गोर्खा जनमुक्ति मोर्चाका प्रमुख विमल गुरुङको कार्यालयमा प्रहरीले छापा मारेको विरोधमा शनिबार मोर्चाका कार्यकर्ता प्रदर्शनमा उत्रिएका थिए । यसपछि दार्जिलिङ आसपासको क्षेत्रमा हिंसा भड्किएको थियो ।
लन्डनस्थित २४ तले टावरमा भएको आगलागीबारे छानविन गर्न आदेश(२०७४ आषाढ २, शुक्रवार)
बेलायतकी प्रधानमन्त्री टेरेजा मेले पश्चिम लण्डनको २४ तले एक भवनमा भएको आगलागीबारे छानविन गर्न आदेश दिएकी छन् । घटनालाई दुःखद भन्दै प्रधानमन्त्री मेले यसबारे अनुसन्धान हुनुपर्ने बताइन् । दुर्घटनास्थलको भ्रमण गर्दै प्रधानमन्त्री मेले यसबारे बृहत र सार्वजनिक रुपमा अनुसन्धान गर्न आदेश दिएकी हुन् ।
बेलायतमा आतंकवादी हमलाको त्रासका बीच आमनिर्वाचन(२०७४ ज्येष्ड २५, विहीवार)
बेलायतमा बिहीबार आमनिर्वाचन हुँदैछ । सो निर्वाचनका लागि बिहीबार मतदान खुलेको समाचारमा जनाइएको छ । केही समययतादेखि बेलायतमा आतङ्ककारी हमलाको त्रास बढ्दो छ । त्यसैले यस निर्वाचनका विषयमा पनि सुरक्षाका विषयलाई लिएर विभिन्न प्रश्न जन्मिएका थिए ।

इरानकाे संसद र आयातोल्लाह खोमेनीको समाधिस्थलमा भएको अातंकवादी आक्रमण(२०७४ ज्येष्ड २४, बुधवार)
इरानको संसद र राजधानी तेहरानस्थित आयातोल्लाह खोमेनीको समाधिस्थलमा भएको दुई छुट्टाछुट्टै हमलामा परेर १२ जनाको मृत्यु भएको छ भने कयौं घाइते भएका छन्। यस्तै तेस्रो हमलालाई भने इरानी सुरक्षाकर्मीले निस्तेज पारेको बताइएको छ।
साउदी, इजिप्ट, युएई, बहराइन र यमनद्वारा कतारसँग कुटनीतिक सम्बन्ध विच्छेदको घोषणा (२०७४ ज्येष्ड २२, सोमवार)
 साउदी अरब, बहराइन, संयुक्त अरब इमिरेट्स, इजिप्ट र यमनले कतारसँग कुटनीतिक सम्बन्ध विच्छेद गरेको सोमबार विहान घोषणा गरेका छन् । कतारले आंतकवादलाई प्रोत्साहन दिएको आरोप लगाउँदै यी देशहरुले कतारसँग सम्बन्ध विच्छेद गरेको घोषणा गरेका हुन् । युएईले कतारी कुटनीतिकलाई ४८ घण्टाभित्र आफ्नो देश छोड्न अनुरोध गरेको छ । 
अफ्रिकाको उत्तरी निजेरमा पानी पिउनै नपाएर ४४ जनाको मृत्यु(२०७४ ज्येष्ड १९, शुक्रवार)
अफ्रिकाको उत्तरी निजेरमा पानी पिउनै नपाएर ४४ जनाको मृत्यु भएको छ । निजेरको मरुभूमिमा यात्रारत एक गाडी बिग्रँदा अलपत्र परेका यात्रुको मृत्यु भएको रेडक्रसले जनाएको हो । ६ जनाले भने मरुभूमिबाट नजिक पर्ने दिरकू गाउँ पुगेर आफ्नो ज्यान बचाएका थिए । बच्ने सबै महिला भएको जनाइएको छ ।
श्रीलङ्कामा मनसुन-पूर्वको भीषण वर्षातपछिको बाढी पहिरोबाट १४६ को मृत्यु, पाँच लाख विस्थापित(२०७४ ज्येष्ड १४, आइतवार)
 श्रीलङ्कामा मनसुन-पूर्वको भीषण वर्षातपछिको बाढी र पहिरोमा परेका कारण पाँच लाख व्यक्ति विस्थापित हुनु परेको र अझै कतिपय जोखिमयुक्त स्थितिमा गुजारा चलाइ रहेका छन्।  सेनाको मातहतमा सञ्चालित उद्धारकार्यको क्रममा शनिबार करिब पाँच लाखभन्दा बढी जनतालाई बाढी पहिरो प्रभावित क्षेत्रबाट सुरक्षित स्थानमा सारिएको छ। 
इजिप्टले लिवियाका जिहादी समुहको शिविरमा भीषण आक्रमण(२०७४ ज्येष्ड १३, शनिवार)
इजिप्टले लिवियाका जिहादी समुहको शिविरमा भीषण आक्रमण गरेको छ । राष्ट्रपति अब्दुल फतह अल सीसीले २८ जना कप्टिक इसाई मारिने गरि शुक्रवार गरिएको आक्रमणको जवाफमा आतंककारीको शिविरमा आक्रमण गरिएको बताए ।

अफगानिस्तानमा एक जना फिनिस महिलाको हत्या, सुरक्षागार्डको शीर छेदन (२०७४ ज्येष्ड ७, आइतवार)
अफगानिस्तानको एउटा गेष्ट हाउसमा अज्ञात ब्यक्तिले गोली प्रहार गरी एक जना फिनिस महिलाको हत्या गर्नुका साथै सुरक्षागार्डको शीर छेदन गरेका छन् । राजधानी काबुलस्थित गेष्ट हाउसमा प्रवेश गर्नु अघि ती व्यक्तिले गेष्ट हाउसका सुरक्षा गार्डको टाउको काटेको बताइएको छ । त्यसपछि सोही गेष्ट हाउसमा रहेकी फिनल्याण्डकी महिलाको अपहरण गरी हत्या गरेर अपराधी फरार भएको जनाइएको छ ।
इमानुएल म्याक्रोँद्वारा फ्रान्सको राष्ट्रपतिका रुपमा पदभार ग्रहण (२०७४ वैशाख ३१, आइतवार)
फ्रान्सको इतिहासमा सबैभन्दा कम उमेरमा राष्ट्रपतिमा हालै निर्वाचित भएका इमानुएल म्याक्रोँले आइतबार पद तथा गोपनियताको सपथग्रहण गरेका छन् ।

अफगानिस्तानमा भएका सुरक्षा कारबाहीमा परी ७१ जना लडाकू मारिए(२०७४ वैशाख २६, मंगलवार)
अफगानिस्तानका विभिन्न ठाउँमा पछिल्लो २४ घण्टामा भएका सुरक्षा कारबाहीमा परी ७१ जना लडाकू मारिएका अफगान गृह मन्त्रालयले मंगलबार (आज) जानकारी दिएको छ । सुरक्षा कारबाहीका क्रममा ३५ जना घाइते भएका र सात जनालाई नियन्त्रणमा लिएको रक्षा मन्त्रालयद्वारा जारी वक्तव्यमा जनाइएको छ । उनीहरुबाट नियन्त्रणमा लिइएका हतियार तथा विस्फोटक पदार्थ पनि सुरक्षाकर्मीले नष्ट गरेका छन् ।
भारतको एउटा विद्यालयका झन्डै २०० जना विद्यार्थी रासायनीक ग्यास फैलिएर बिरामी भएपछि अस्पताल भर्ना(२०७४ वैशाख २३, शनिवार)
भारतको एउटा विद्यालयका झन्डै २०० जना विद्यार्थी शनिबार (आज) अस्पताल भर्ना भएका छन् । विद्यालयमा पढाइ भइरहेकाबेला रासायनीक ग्यास फैलिएर बिरामी भएपछि उनीहरुलाई अस्पतालमा भर्ना गरिएको प्रहरीले जनाएको छ ।
बेलायती महारानी एलिजाबेथ द्वितीयका पति राजकुमारले सन्न्यास लिने(२०७४ वैशाख २१, विहीवार)
बेलायती महारानी एलिजाबेथ द्वितीयका पति राजकुमार फिलिपले आगामी अगष्टपछि राजकीय जिम्मेवारीबाट सन्न्यास लिने भएका छन् । बर्किङघम दरबारले बिहीबार घोषणा गरेअनुसार द ड्युक अफ एडिनवर्ग, राजकुमार फिलिप आफैंले यस्तो निर्णय लिएको र त्यसमा महारानी एलिजावेथको समर्थन रहेको छ । 
पाकिस्तानमा चारजना आतंककारीलाई फासीको सजाय(२०७४ वैशाख २०, बुधवार)
पाकिस्तानमा चारजना आतंककारीलाई बुधबार फासीको सजाय दिइएको छ । आतंकवादमा संलग्नता रहेको आरोपमा ती चार आतंककारीलाई फाँसी दिइएको पाकिस्तानी सैनिक स्रोतले जानकारी दिएको छ ।

अफगानिस्तानको विभिन्न प्रान्तमा सुरक्षा कारबाहीमा कम्तीमा ४३ जना विद्रोही लडाकूको मृत्यु(२०७४ वैशाख १८, सोमवार)
अफगानिस्तानको विभिन्न प्रान्तमा शनिबार साँझदेखि सुरु भएको सुरक्षा कारबाहीमा कम्तीमा ४३ जना विद्रोही लडाकूको मृत्यु भएको अफगानी गृहमन्त्रीले आइतबार बताएका छन् ।
अफगानिस्तानमा तालिवान आतंककारीद्वारा 'वसन्तऋतु आक्रामक' नामक आक्रमणको घोषणा (२०७४ वैशाख १५, शुक्रवार)
अफगानिस्तानमा शुक्रबार (आज) तालिवान आतंककारी समूहले वसन्त ऋतुको सुरुवातसँगै 'वसन्तऋतु आक्रामक' नामक आक्रमणको घोषणा गरेका छन् । गत हप्ताअगाडि अफगानिस्तानको बाल्ख प्रान्तको मजार ए सरिफ सहरको बाहिरी इलाकामा रहेको एक सैनिक शिवीरमा गरेको भीषण आक्रमणपछि तालिवानले आक्रामक आक्रमणको घोषणा गरेका हुन् ।

अमेरिकी क्रुज मिसाइल पानी जहाजले रक्षा प्रणालीका लागि तैनाथी सुरु(२०७४ वैशाख १३, बुधवार)
अमेरिकाले दक्षिण कोरियामा पठाएको क्रुज मिसाइल पानी जहाजले रक्षा प्रणालीका लागि तैनाथी सुरु गरेको छ । यद्दपी दक्षिण कोरियाका स्थानीय जनताले भने अमेरिकी कदम प्रति चिन्ता ब्यक्त गर्दै मिसाइल पानी जहाज तैनाथीको बिरोध गरेको छ ।
भेनेजुएलामा सरकार विरोधी प्रदर्शनमा तीन जना मारिए(२०७४ वैशाख ७, विहीवार)
भेनेजुएलामा सरकार विरोधी प्रदर्शनमा तीन जना मारिएका छन् । राष्ट्रपति निकोलश मदुरोको सरकारविरुद्ध दक्षिण अमेरिकी मुलुक भेनेजुएलामा लगातारजसो विपक्षीले प्रदर्शन गर्दै आएका छन् । राजधानी कराकसमा एक किशोर र कोलम्बियाको सीमानजिकको सान क्रिटोबालमा प्रहरीले हानेको गोली लागेर एक महिला मारिएका हुन् ।
बाबरी मस्जिद विध्वंश मामलामा भारतीय जनता पार्टीका वरिष्ठ नेता आडवानीसहित शीर्ष नेतामाथि मुद्दा दर्ता(२०७४ वैशाख ६, बुधवार)
बाबरी मस्जिद विध्वंश मामलामा भारतको सर्वोच्च अदालतले सत्तारुढ भारतीय जनता पार्टीका वरिष्ठ नेता लालकृष्ण आडवानीसहित शीर्ष नेतामाथि मुद्दा दर्ता गर्न आदेश दिएको छ । आपराधिक षडयन्त्र रचेको आरोपमा मुरली मनोहर जोशी, उमा भारती लगायत १० नेताविरुद्ध मुद्दा दायर गर्न अदालतले बुधबार आदेश दिएको हो । 
अमेरिकी राष्ट्रपति ट्रम्पद्वारा विदेशी कामदारलाई नियन्त्रण गर्ने कार्यकारी आदेशमा हस्ताक्षर(२०७४ वैशाख ६, बुधवार)
अमेरिकी राष्ट्रपति डोनाल्ड ट्रम्पले विदेशी कामदारलाई नियन्त्रण गर्ने कार्यकारी आदेशमा हस्ताक्षर गरेका छन् । यो हस्ताक्षरसंगै  एच वन भिसा कार्यक्रमको समीक्षा पनि सुरु हुनेछ । ट्रम्पको कार्यकारी आदेश एच वन भिसा कार्यक्रमलाई नियन्त्रण गर्ने सुरुवात मानिएको छ ।
अमेरिकी युद्धपोत कोरियाली प्रायद्वीपमा परिचालन(२०७३ चैत्र २७, आइतवार)
अमेरिकी सेनाले आफ्नो जल सेनाको कार्ल भिन्सन स्ट्राइक समूहलाई कोरियाली प्रायद्विपमा परिचालन गरेको छ । उत्तर कोरियाको मिसाइल कार्यक्रमबाट बढेको तनाबकाबीच अमेरिकाले युद्धक जहाज परिचालन गरेको हो । कार्ल भिन्सन स्ट्राइक समूहले युद्धक लगायतका विभिन्न विमान राख्ने क्षमता राख्छ ।
सिरियामाथि मिसाइल आक्रमण गरेपछि राष्ट्रसंघद्वारा परिस्थिति अरु बिग्रनसक्ने भन्दै चिन्ता व्यक्त (२०७३ चैत्र २६, शनिवार)
अमेरिकाले सिरियामाथि मिसाइल आक्रमण गरेपछि संयुक्त राष्ट्रसंघले परिस्थिति अरु बिग्रनसक्ने भन्दै चिन्ता व्यक्त गरेको छ । संयुक्त राष्ट्रसंघका महासचिव एन्टोनियो गुटेरेसले अवस्था अरु बिग्रन नदिनेतर्फ सचेत रहन आग्रह गरेका हुन् । अमेरिकी आक्रमणलाई सिरियाले भने गैरजिम्मेवार र हतारमा उठाएको कदम भनेको छ ।
स्वीडेनको स्टकहोममा गोली चल्दा पाँचजनाको मुत्यु(२०७३ चैत्र २६, शनिवार)
स्वीडेनको स्टकहोम सहरमा लरी (ट्रक)ले ठक्कर दिएलगत्तै गोली चल्दा शुक्रबार पाँचजनाको मुत्यु भएको छ । स्वीडेनका सन्चारमाध्यमकाअनुसार शुक्रबार स्टकहोमको मुख्य भागमा रहेको एक स्टोरमा ठूलो लरी जोतिएपछि आक्रमणकारीहरुले गोली चलाएका थिए ।
रुसको सेन्ट पिटर्सबर्गस्थित मेट्रो स्टेसनमा विस्फोट हुँदा कम्तीमा १० जनाको मृत्‍यु(२०७३ चैत्र २१, सोमवार)
रुसको सेन्ट पिटर्सबर्गस्थित मेट्रो स्टेसनमा सोमबार विस्फोट हुँदा कम्तीमा १० जनाको ज्यान गएको छ । सेन्ट पिटर्सबर्गको मेट्रोरेलमा विस्फोट भएको रुसी अधिकारीहरुले बताएका छन् । विस्फोटमा दर्जनौं घाइते भएका छन् । विस्फोटलगत्तै मेट्रो स्टेसन खाली गराइएको छ । जसका कारण सयौं यात्री अलपत्र परेका छन् ।
पाकिस्तानको पन्जाब प्रान्तको धार्मिकस्थलमा २० जनाको हत्या(२०७३ चैत्र २०, आइतवार)
पाकिस्तानको पन्जाब प्रान्तको सरगोधा सहरनजिक धार्मिकस्थलमा २० जनाको हत्या भएको छ । मारिनेमा १७ पुरुष र तीन महिला छन् । सुफी समुदायका महम्मद अली गुजारका अनुयायीहरु सहभागी रहेको कार्यक्रममा आक्रमण हुँदा अरु कैयौं घाइते भएका छन् ।
भारतका झन्डै २०० अर्धसैनिक प्रहरी जवान विषाक्त खानाका कारण अस्पताल भर्ना(२०७३ चैत्र २०, आइतवार)
भारतका झन्डै २०० अर्धसैनिक प्रहरी जवान विषाक्त खानाका कारण अस्पताल भर्ना भएका छन् । भारतको दक्षिणी क्षेत्रमापर्ने केरला राज्यमा भएको एक तालिममा खाना खाएपछि प्रहरीहरु विरामी भएपछि अस्पताल भर्ना गरिएको हो ।
http://go.oclaserver.com/afu.php?zoneid=1465736