arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
विश्व समाचार
भारतको राजधानी नयाँदिल्लीलगायतका सहरहरुमा मास्कको अभाव(२०७३ कार्त्तिक २६, शुक्रवार)
भारतको राजधानी नयाँदिल्लीलगायतका सहरहरुमा मास्कको अभाव हुन थालेको छ । नयाँदिल्लीको प्रदुषण एक दशकयताकै खराब अवस्थामा पुगेपछि सर्वसाधरणलाई मास्क लगाउन सल्लाह दिइएको छ । तर, दिल्लीका अधिकांश पसलहरुमा मास्कको अभाव भएको छ । मास्क किन्न सर्वसाधारणहरु घन्टौं लाइनमा बस्न बाध्य छन् ।
इराकको मोसुलनजिकको गाउँमा अज्ञात व्यक्तिले गोली प्रहार गरी ६ जनाको हत्या गरे(२०७३ कार्त्तिक २६, शुक्रवार)
इराकको मोसुलनजिकको गाउँमा अज्ञात व्यक्तिले गोली प्रहार गरी ६ जनाको हत्या गरेका छन् । इराकको मोसुल सहरनजिकको सुरा र क्वायरा गाउँमा प्रहरीको भेषमा गएको व्यक्तिले उनीहरुको हत्या गरेको बुझिएको छ । मोसुल सहर इस्लामिक अतिवादी समूह आइएस को कब्जाबाट मुक्त गर्न इराक, अमेरिका र अरब लिगको गठबन्धन सेनाले अभियान चलाइरहेकोबेला यो घटना भएको हो ।
अमेरिकामा डोनाल्ड ट्रम्प राष्ट्रपतिमा निर्वाचित भएपछि भएको विरोध प्रदर्शनका क्रममा पाँचजना घाइते(२०७३ कार्त्तिक २६, शुक्रवार)
अमेरिकामा डोनाल्ड ट्रम्प राष्ट्रपतिमा निर्वाचित भएपछि भएको विरोध प्रदर्शनका क्रममा पाँचजना घाइते भएका छन् । अमेरिकाको सियाटलमा बुधबार राति भएको आन्दोलनका क्रममा गोली प्रहारमा परी उनीहरु घाइते भएका हुन् ।

अमेरिकी राष्ट्रपतिमा डोनाल्ड ट्रम्प विजयी(२०७३ कार्त्तिक २४, बुधवार)
 
अमेरिकी राष्ट्रपतिमा डोनाल्ड ट्रम्प विजयी भएका छन् । रिपब्लिकन पार्टीका ट्रम्प डेमोक्रेट पार्टीकी उम्मेदवार तथा आफ्ना निकटतम प्रतिश्पर्धी हिलारी क्लिन्टनलाई हराउँदै विश्वकै शक्तिशाली मुलुक अमेरिकाको राष्ट्रपतिमा निर्वाचित भएका हुन् ।
भारतमा हजार र पाँच सयका नोटलाई बजारमा चलाउन प्रतिबन्ध (२०७३ कार्त्तिक २३, मंगलवार)
 भारतले जाली नोटको कारोबारलाई निरुत्साहित गर्नका लागि मंगलबार राति १२ बजेबाट हजार र पाँच सयको नोटलाई बजारमा चलाउन पूर्णरुपमा रोक लगाउने निर्णय गरेको छ । भारतीय प्रधानमन्त्री नरेन्द्र मोदीले राष्ट्रको नाममा सम्बोधन गर्दै उक्त घोषणा गरेका हुन् । प्रधानमन्त्री मोदीका अनुसार सर्वसाधारणले नोभेम्बर १० देखि डिसेम्बर ३० सम्ममा हजार र पाँचसयका नोट बैंक वा हुलाक कार्यालयमा गएर साटिसक्नुपर्ने छ । 
अमेरिकामा ४५औं राष्ट्रपति चुन्नका लागि निर्वाचनको मतदान(२०७३ कार्त्तिक २३, मंगलवार)
अमेरिकामा राष्ट्रपति निर्वाचनको मतदान सुरु भएको छ । ४५औं राष्ट्रपति चुन्नका लागि अमेरिकी जनता मतदानमा सहभागी भइरहेका हुन् । पूर्वी राज्यहरुबाट मतदान सुरु भएको हो भने पश्चिमी राज्यहरुमा केही समयपछि मतदान सुरु हुनेछ । राष्ट्रपति पदको यस महासंग्राममा चारजना उम्मेदवार मैदानमा भएपनि मुख्यतः रिपब्लिकन पार्टीका डोनाल्ड ट्रम्प र डेमोक्रेटिक पार्टीकी हिलारी क्लिन्टनबीच नै प्रतिस्पर्धा रहेको छ ।
इराकको मोसुलमा इराकी सेनाले टाउको काटिएको अवस्थामा एक सयवटा शव बरामद(२०७३ कार्त्तिक २३, मंगलवार)
इराकको मोसुल शहरनजिकै एक विद्यालयबाट इराकी सेनाले टाउको काटिएको अवस्थामा एक सयवटा शव बरामद गरेको छ । मोसुल शहरनजिकै रहेको हमाम अल अली शहरको कृषि विद्यालयबाट सेनाले ती शव बरामद गरेको हो । बरामद गरिएका शव सर्वसाधारणको भएको सेनाले जनाएको छ । 
अमेरिकी राष्ट्रपति पदको चुनाव नजिकिँदै गर्दा क्लिन्टन र ट्रम्पबीच आरोप-प्रत्यारोप, क्लिन्टनको लोकप्रियता घट्यो(२०७३ कार्त्तिक २०, शनिवार)
आगामी मंगलबार हुने अमेरिकी राष्ट्रपति पदको चुनाव नजिकिँदै गर्दा राष्ट्रपतिका दुई उम्मेदवार हिलारी क्लिन्टन र डोनाल्ड ट्रम्प अन्तिम चुनावी प्रचार-प्रसारमा जुटेका छन् । अमेरिकाको पेन्सिलभेनिया, ओहायो, मिसिगन र पीट्सवर्गलगायतका राज्यमा भएको अन्तिम चुनावी प्रचारमा दुई प्रत्यासीबीच आरोप-प्रत्यारोप चलेको छ ।
राष्ट्रपतिलाई पदत्याग गर्न दबाब दिने उद्देश्यले भेनेजुएलाका प्रमुख प्रतिपक्षी दलहरूद्वारा देशभरी विशाल विरोध प्रदर्शन(२०७३ कार्त्तिक १२, शुक्रवार)
राष्ट्रपति निकोलास मडुरोलाई पदत्याग गर्न दबाब दिने उद्देश्यले भेनेजुएलाका प्रमुख प्रतिपक्षी दलहरूले देशभरी विशाल विरोध प्रदर्शन गरेका छन् । १२ घण्टे आम हड्ताल गर्न आह्वान गर्दै प्रदर्शनकारी प्रतिपक्षी नेताहरूले आगामी दिनहरूमा लगातार आन्दोलन गर्ने थप कार्यक्रम पनि अघि सारेका छन् ।
आप्रपासीहरु सवार एक डुंगा लिबियाको तटीय क्षेत्रमा दुर्घटना हुँदा ९० भन्दा बढी व्यक्ति वेपत्ता(२०७३ कार्त्तिक १२, शुक्रवार)
आप्रपासीहरु सवार एक डुंगा लिबियाको तटीय क्षेत्रमा दुर्घटना हुँदा ९० भन्दा बढी व्यक्ति वेपत्ता भएका छन् । तटीय गार्डका प्रवक्ताले पत्रकार सम्मेलन गरी डुंगामा एक सय २९ जना सवार रहेका र त्यसमा २९ जनालाई भने उद्धार गरिएको जानकारी दिएका छन् । बेपत्ता रहेका यात्रुमा तीन महिला र एक बालकसमेत रहेको बताइएको छ ।
भारत र पाकिस्तानबीचको सम्बन्ध चिसिदैं, एकअर्काको एक-एक कर्मचारीलाई देश निकाला(२०७३ कार्त्तिक १२, शुक्रवार)
भारत र पाकिस्तानबीचको सम्बन्ध चिसिदैं गएको समयमा दुबै मुलुकले एकअर्काको एक-एक कर्मचारीलाई देश निकाला गरेका छन् । बिहीबार भारतले पाकिस्तानी उच्चयोगका एक कर्मचारीलाई २९ अक्टोबरसम्ममा भारत छाड्न आदेश दिएको थियो । लगत्तै पाकिस्तानले पनि इस्लामावादस्थित भारतीय उच्चायोगका एक कर्मचारीलाई देश निकाला गरेको छ ।
इराकको मोसुलनजिक बासिका शहरलाई कब्जामा लिएर बसेका इस्लामिक स्टेट आइएसमाथि भीषण कारबाही सुरु(२०७३ कार्त्तिक ८, सोमवार)
कुर्द सेनाले उत्तरी इराकको मोसुलनजिक बासिका शहरलाई कब्जामा लिएर बसेका इस्लामिक स्टेट आइएसमाथि भीषण कारबाही सुरु गरेको छ । एक राजमार्गलाई कब्जामा लिएर बसेका आइएसका कार्यकर्तालाई धपाउन कुर्द सेनाले कारबाही सुरु गरेको हो । कुर्द सेनाले राजमार्ग कब्जामा लिएर आइएसले गतिविधि बढाइरहेको ठहरसहित कारबाही सुरु गरेको जनाएको छ । आइएसविरुद्धको आक्रमणमा टर्कीका सेना पनि सहभागी छन् ।
भारतको ओडिसामा प्रहरीसँगको मुठभेडमा १८ जना माओवादी लडाकु मारिए(२०७३ कार्त्तिक ८, सोमवार)
भारतको ओडिसास्थित मलकानगिरी जिल्लामा प्रहरीसँगको मुठभेडमा १८ जना माओवादी लडाकु मारिएका छन् । घटनास्थलबाट प्रहरीले ठूलो संख्यामा हतियार तथा गोलाबारुद बरामद गरेको छ । आज बिहान ६ बजे कियासिर बेगानगी जंगलमा भएको मूठभेडमा उनीहरु मारिएका हुन् ।
क्यालिफोर्नियामा पर्यटक बस र ट्रक एकापसमा ठोक्किँदा भएको दुर्घटना, १३ जनाको मृत्यु(२०७३ कार्त्तिक ८, सोमवार)
दक्षिणी क्यालिफोर्नियाको प्रमुख राजमार्गमा आइतबार एक पर्यटक बस र ट्रक एकापसमा ठोक्किँदा भएको दुर्घटनामा परी कम्तीमा १३ जनाको मृत्यु भएको छ । सो दुर्घटानमा परी अरु ३१ जना घाइते भएका अधिकारीले जानकारी दिएका छन् । दुर्घटना भएको अवस्थामा सबै यात्री सुतिरहेका होलान् भन्दै क्यालिफोर्निया राजमार्गका प्रहरी प्रमुख जिम आबेलेले भावुक हुँदै बताएका छन् ।
पाकिस्तानमा भारतीय फिल्म रेडियो तथा टेलिभिजन माथि प्रतिबन्ध (२०७३ कार्त्तिक ४, विहीवार)
           
'ब्रिक्स'को आठौं सम्मेलन भारतका गोवामा सम्पन्न(२०७३ कार्त्तिक १, सोमवार)
उदाउँदो अर्थतन्त्र भनेर मानिने देशहरु ब्राजिल, रसिया, भारत, चीन र दक्षिण अफ्रिकासम्बद्ध संगठन 'ब्रिक्स'को आठौं सम्मेलन भारतका गोवामा  सम्पन्न भएको छ । सो सम्मेलन यही अक्टोबार १५ र १६ मा भारतको गोवामा भएको थियो । उक्त सम्मेलनले गोवा घोषणापत्र पनि जारी गरेको छ ।
ब्राजिलको एक कारागारमा भएको झडपमा २५ जना कैदीबन्दी मारिए(२०७३ कार्त्तिक १, सोमवार)
ब्राजिलको एक कारागारमा भएको झडपमा २५ जना कैदीबन्दी मारिएका छन् । घटनामा थुप्रै कैदी घाइते भएका छन् । ब्राजिलको बोया भिस्टामा रहेको कारागारमा एक सेक्सनका कैदी बन्दीले अर्को सेक्सन तोडफोड गर्ने क्रममा झडप शुरु भएको हो ।
डोनाल्ड ट्रम्पले आफ्नो प्रतिस्पर्धी हिलारी क्लिन्टनलाई लागुऔषध परीक्षण गर्न माग गरे(२०७३ आश्विन ३०, आइतवार)
अमेरिकाको राष्ट्रपति पदका उम्मेदवार डोनाल्ड ट्रम्पले आफ्नो प्रतिस्पर्धी हिलारी क्लिन्टनलाई लागुऔषध परीक्षण गर्न माग गरेका छन् । अमेरिकी राष्ट्रपति पदका लागि दुई सशक्त प्रत्यासी उम्मेदवार हिलारी रोधाम क्लिन्टन र डोनाल्ड ट्रम्पबीच आगामी प्रत्यक्ष टेलिभिजन बहस कार्यक्रम भन्दाअगाडि हिलारीको परीक्षण हुनुपर्ने शनिबार ट्रम्पले माग गरेका हुन् ।
थाइल्याण्डका राजा भूमिवोल अदुल्यादेजको ८८ वर्षको उमेरमा निधन(२०७३ आश्विन २७, विहीवार)
थाइल्याण्डका राजा भूमिवोल अदुल्यादेजको बिहीबार उपचारको क्रममा ८८ वर्षको उमेरमा निधन भएको थाइ दरबारले जनाएको छ । थाइल्याण्डका राजा भूमिवोल विश्वकै सबैभन्दा लामो समय शासन गर्ने राजा थिए । दरबारले उनको मृत्युको कारण खुलाएको भने छैन । उनले ७० वर्षसम्म थाइल्याण्डमा शासन गरेका थिए ।
         
डोनाल्ड ट्रम्पले महिलाविरुद्ध आपत्तिजनक अभिव्यक्तिमा माफी मागेपनि आफ्नै पार्टीका वरिष्ठहरुको साथ गुमाउन थाले(२०७३ आश्विन २३, आइतवार)
अमेरिकी राष्ट्रपति निर्वाचनमा रिपब्लिकन उम्मेदवार डोनाल्ड ट्रम्पले महिलाविरुद्ध आपत्तिजनक अभिव्यक्ति दिएकोमा प्रष्टीकरण दिँदै माफी मागेपनि आसन्न निर्वाचनमा एकपछि अर्को गर्दै आफ्नै पार्टीका वरिष्ठहरुको साथ गुमाउन थालेका छन् । 
यसवर्षको नोवेल शान्ति पुरस्ककार कोलम्बियाका राष्ट्रपति सान्तोषलाई(२०७३ आश्विन २१, शुक्रवार)
यसवर्षको नोवेल शान्ति पुरस्ककार कोलम्बियाका राष्ट्रपति जुआँ म्यानुअल सान्तोषलाई प्रदान गरिने भएकाे छ । फार्क विद्रोहीसँग शान्तिवार्ता गरी कोलम्बियामा शान्ति स्थापना गर्न महत्वपूर्ण भूमिका निर्वाह गरेकोमा उनलाई यो पुरस्कार प्रदान गर्ने निर्णय गरेको नोबेल समितिले जनाएको छ।
भारतसँगको बढ्दो तनावसँगै पाकिस्तानको सैन्य शक्ति सतर्क अवस्थामा(२०७३ आश्विन १९, बुधवार)
भारतसँगको बढ्दो तनावसँगै पाकिस्तानले आफ्नो सैन्य शक्तिलाई सतर्क अवस्थामा राख्न थालेको छ । यस क्रममा पाकिस्तानी वायुसेनाले युद्धाभ्यास गर्ने भएको छ । पाकिस्तानी वायुसेनाको युद्धाभ्यासलाई ध्यानमा राख्दै पाकिस्तानले लाहोर र कराँचीको हवाईमार्ग ८ अक्टोबरदेखि बन्द गर्ने भएको छ । व्यावसायिक उडानका लागि लाहोर र कराँचीको हवाईमार्ग १३ दिनका लागि बन्द गरिने भएको पाकिस्तानी अधिकारीहरुको भनाइ छ ।
हैंटीमा आएको मैथ्यु नामक समुद्री आँधीले जनजीवन अस्तव्यस्त(२०७३ आश्विन १९, बुधवार)
क्यारेबियन मुलुक हैंटीमा आएको मैथ्यु नामक समुद्री आँधीले त्यहाँको जनजीवन अस्तव्यस्त भएको छ । आँधीका कारण थुप्रैको ज्यान गएको छ । भारी बर्षा र आँधीपछि आएको बाढीका कारण हैंटीको तटीय क्षेत्र डुबानमा परेको छ । प्रतिघण्टा २ सय ४० किलोमिटरको दरले आएको आँधीका कारण कयौं घरका छाना उडाउनुका साथै जताजतै बिजुलीका पोल र रुख ढल्दा सडक अबरुद्ध बनेको छ ।
रुसद्वारा सिरियामा आक्रमण जारी राख्ने घोषणा(२०७३ आश्विन १४, शुक्रवार)
रुसले सिरियाको विद्रोही नियन्त्रित एलेप्पो शहरको पूर्वी क्षेत्रमा आक्रमण जारी राख्ने जनाएको छ । अमेरिकाले आक्रमण रोक्न गरेको आग्रहको बेवास्ता गर्दै रुसले विद्रोही नियन्त्रित क्षेत्रमा कारबाही जारी राख्ने जनाएको हो ।
भारतीय र पाकिस्तानी सैनिकबीच दोहोरो गोली हानाहान, कम्तीमा दुईजना पाकिस्तानी सैनिकको मृत्यु(२०७३ आश्विन १३, विहीवार)
भारत र पाकिस्तानको सीमानामा पर्ने भारत प्रशासित क्षेत्र जम्मु-कास्मिरमा विहीबार भारतीय र पाकिस्तानी सैनिकबीच दोहोरो गोली हानाहान हुँदा कम्तीमा दुईजना पाकिस्तानी सैनिकको मृत्यु भएको छ । स्थानीय समयानुसार विहीबार बिहान २ः३० बजेबाट सुरु भएको दोहोरो भिडन्त बिहान ८ बजेसम्म चलेको थियो । भारतीय सेनाले विहीबारको दोहोरो हमलाबारे पुष्टि गरेको छ ।
पाकिस्तानका पूर्व राष्ट्रपति मुशर्रफद्वारा पाकिस्तानलाई भुटान र नेपालजस्तो नठान्न भारतलाई चेतावनी (२०७३ आश्विन १२, बुधवार)
पाकिस्तानका पूर्व राष्ट्रपति परवेज मुशर्रफले पाकिस्तानलाई भुटान र नेपालजस्तो नठान्न भारतलाई चेतावनी दिएका छन् । भारतीय टेलिभिजन च्यानल आजतकसँग कुरा गर्दै मुशर्रफले भने, पाकिस्तानलाई भुटान र नेपालजस्तो ठान्ने गल्ती भारतले नगरोस्, पाकिस्तान एक शक्तिशाली देश हो । 
इजरायलका पूर्व राष्ट्रपति शिमोन पेरेजको निधन(२०७३ आश्विन १२, बुधवार)
इजरायलका पूर्व राष्ट्रपति शिमोन पेरेजको निधन भएको छ । लामो समय इजरायलको राजनीतिमा सक्रिय रहेका ९३ वर्षीय पेरेज दुई साता अघि मुटुसम्बन्धी समस्याका कारण अस्पताल भर्ना गरिएका थिए । अस्पतालमा उपचाररत अवस्थामै बुधबार बिहान उनको निधन भएको हो ।
अमेरिकामा पहिलो टेलिभिजन बहसमा 'ट्रम्पभन्दा क्लिनटन राम्रो'(२०७३ आश्विन १२, बुधवार)
अमेरिकामा आगामी नोभेम्बरमा हुने राष्ट्रपति चुनावका लागि सोमबार भएको पहिलो प्रत्यक्ष टेलिभिजन बहस भएको छ । सो बहसमा धेरै मतदाताले डेमोक्रयाटिक पार्टीकी उम्मेदवार हिलारी क्लिन्टनलाई मन पराएको विभिन्न सर्वेक्षणहरुले देखाएका छन् ।
सिरियाको एलेप्पो शहरमा गरिएको हवाई आक्रमणमा फेरि २७ जना मारिए(२०७३ आश्विन ८, शनिवार)
सिरियाको एलेप्पो शहरमा गरिएको हवाई आक्रमणमा फेरि २७ जना मारिएका छन् । सरकार र विद्रोहीबीचको संघर्षमा सर्वसाधारण मारिने क्रम तीब्र बनेको छ । विद्रोहीको नियन्त्रणमा रहेको एलेप्पोमा सरकारी सेनाले कब्जा जमाएको घोषणा गरेको केही घण्टापछि फेरि गरिएको हवाई आक्रमणमा उनीहरु मारिएका हुन् ।
उत्तर कोरियाद्वारा ठूलो शक्तिको रकेट मेसिन सफलतापूर्वक परीक्षण(२०७३ आश्विन ४, मंगलवार)
उत्तर कोरियाले ठूलो शक्तिको रकेट मेसिन सफलतापूर्वक परीक्षण गरेको जनाएको छ । संयुक्तराज्य अमेरिकाको पूर्वीसमुद्रतर्फ लक्षित गरेर परीक्षण गरेको उत्तर कोरियाको आधिकारिक सन्चारमाध्यमले जनाएको छ । उत्तर कोरिया सरकारद्वारा सन्चालित समाचार समिति केसीएनएले लेखेको छ- पूर्वी अमेरिकातर्फको दूरी झन्डै १२ हजार किलोमिटर छ, त्यसैले उत्तर कोरियाले आफ्नो क्षमता देखाउँदै छ ।