arghakhanchi
मिति:
*स्थानीय निर्वाचन २०७४ ! Local Election 2074 *
भर्खरै
थप समाचार
बिज्ञापनहरु Advertisements
banner
banner
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
banner
 
विश्व समाचार
पेरिसको सेन नदीमा ३० वर्ष यताकै ठूलो बाढी, जनजीवन प्रभावित(२०७३ ज्येष्ड २२, शनिवार)
फ्रान्समा बाढीले गर्दा मेट्रो रेल सेवासहित अरु अत्यावश्यक सेवा बन्द भएको छ । पेरिसको सेन नदीमा पानीको सतह ३० वर्ष यताकै उच्च भएको छ । यसका कारण मेट्रो रेल सेवा प्रभावित भएको हो । यस्तै पेरिसमा रहेको संग्रहालय बन्द गरिएको र त्यहाँ रहेका सामग्रीलाई सुरक्षित स्थानमा लगिएको समाचार संस्था एएफपीले जनाएको छ ।
भूमध्यसागरमा करिब सात सय आप्रवासी बोकेको डुंगा डूब्यो, सयौ वेपत्ता(२०७३ ज्येष्ड २२, शनिवार)
भूमध्यसागरमा करीब सात सय आप्रवासी बोकेको एउटा डुंगा डूबेको छ । डुंगामा रहेका मध्ये ३४० जनालाई बचाइए पनि अरु सबै वेपत्ता रहेको ग्रीसका अधिकारीहरुले जानकारी दिएका छन् । समुन्द्रबाट नौं वटा शव पनि निकालिएको खबर छ । करिब सात सय मानिस चढेको अनुमान गरिएको उक्त डुंगा ग्रीसको क्रेट द्वीपको दक्षिण ७५ माइल टाढा फेला परेको हो ।
भारतको उत्तरप्रदेशमा अतिक्रमित जमिन खाली गराउन परिचालित प्रहरीमाथि स्थानीयको आक्रमणमा मारिनेको संख्या २४(२०७३ ज्येष्ड २१, शुक्रवार)
 भारतको उत्तरप्रदेशस्थित मथुरामा अतिक्रमित जमिन खाली गराउन परिचालित प्रहरीमाथि स्थानीयको आक्रमणमा मारिनेको संख्या २४ पुगेको छ । घटनामा एक एसपी पनि मारिएका छन् । अतिक्रमित जमिन खाली गराउन पुगेको प्रहरी टोली र स्थानीयबीच झडप भइरहेका बेला एक्कासि गोली चलेको बताइएको छ । 
जापानको घना जंगलमा आफ्नै आमाबाबुले छाडेपछि बेपत्ता भएका सात वर्षीय एक बालक ६ दिनपछि सकुशल फेला(२०७३ ज्येष्ड २१, शुक्रवार)
 उत्तरी जापाको घना जंगलमा आफ्नै आमाबाबुले छाडेपछि बेपत्ता भएका सात वर्षीय एक बालक ६ दिनपछि सकुशल फेला परेका छन् । जापानी संचारमाध्यमका अनुसार उक्त जंगलमा भालुको बिगबिगी छ । योमातो नाम गरेका ती बालकलाई उनकै अभिभावकले गत शनिबार जंगलमा लगेर छाडेका थिए । सवारी साधन तथा मानिसहरुलाई जथाभावी ढुंगा हानेको भन्दै योमातोका आमाबुवाले उनलाई सजाय स्वरुप जंगलमा लगेर छाडेका थिए ।  
महाराष्ट्रको पुलगाउँमा भारतीय सेनाको हातहतियार डिपोमा आगलागी हुँदा कम्तिमा १७ जनाको मृत्यु(२०७३ ज्येष्ड १८, मंगलवार)
भारतको महाराष्ट्र राज्यस्थित पुलगाउँमा रहेको भारतीय सेनाको केन्द्रिय हातहतियार डिपोमा मंगलबार बिहान आगलागी हुँदा दुईजना सैन्य अधिकृतसहित कम्तिमा १७ जनाको मृत्यु भएको छ । त्यहाँका तैनाथ रहेका एक सैन्य अधिकृतका अनुसार आगलागीमा परी घाइते भएका मध्ये धेरैको अवस्था चिन्ताजनक छ । 
पाकिस्तानमा परिवार नियोजनसम्बन्धी सम्पूर्ण विज्ञापनमा प्रतिबन्ध(२०७३ ज्येष्ड १६, आइतवार)
पाकिस्तानमा परिवार नियोजनसम्बन्धी सम्पूर्ण विज्ञापनमा प्रतिबन्ध लगाइएको छ । पाकिस्तानको विद्युतीय सञ्चार नियमक निकायले यस्ता विज्ञापनले अवोध बालबालिकामा नकारात्मक उत्सुत्कता बढाएको जनगुनासो आएको भन्दै विज्ञापनमा प्रतिबन्ध लगाएको जनाएको छ ।
इराकी सेनाद्वारा आईएसको नियन्त्रणमा रहेको फलुजामा महत्वपूर्ण सफलता प्राप्त(२०७३ ज्येष्ड १६, आइतवार)
इराकी सेनाले इस्लामिक अतिवादी समुह आईएसको नियन्त्रणमा रहेको फलुजामा महत्वपूर्ण सफलता प्राप्त गरेको छ । फलुजा नजिक कर्मा शहरमा आईएसको पहिलो रक्षा घेरा तोड्दै सेनाले आफ्नो नियन्त्रण कायम गरेको सरकारी दाबी छ । तर शहर भने मृत प्रायः देखिएको बीबीसीले जनाएको छ । संघर्षका कारण शहरमा एक जना पनि सर्वसाधारण नभएको र भवनहरु पूर्ण ध्वस्त भएका छन् ।
को हुन् तालिबानका नयाँ नेता ?(२०७३ ज्येष्ड १४, शुक्रवार)
अफगानिस्तान तालिबानले आफ्नो नयाँ नेतामा मौलवी हिब्तुल्लाह अखुम्जादालाई नियुक्त गरेको छ । तालिबानले नेता अमिर मुल्ला मुख्तर मन्सुरको अमेरिकी ड्रोन आक्रमणमा ज्यान गएको पुष्टी गर्दै उनका सहयोगी अखुम्जादालाई प्रमुखमा नियुक्त गरेको घोषणा गरेको हो । नेता मन्सुरको पाकिस्तानको बलुचिस्तान प्रान्तको सीमा नजिक रहेको कन्धारको मरुभूमिमा ज्यान गएको अफगानिस्तानले बुधबार जारी गरेको वक्तव्यमा उल्लेख छ ।

फ्रान्समा विवादास्पद श्रम सुधारसम्बन्धी कानुनको विरोधमा सुरु गरेको आन्दोलनको असर बढ्दै(२०७३ ज्येष्ड १३, विहीवार)
फ्रान्समा विवादास्पद श्रम सुधारसम्बन्धी कानुनको विरोधमा सुरु गरेको आन्दोलनको असर बढ्दै गएको छ । देशभरका पेट्रोलियम पदार्थ प्रशोधन केन्द्रका मजदुरले काम ठप्प पारी हड्ताल गरीरहेको बेला आज आणविक उर्जा केन्द्रमा समेत हड्ताल आव्हान गरिएको छ ।  
कोलम्बियाको दुर्गम उत्तरी क्षेत्रबाट तीन जना पत्रकार वेपत्ता(२०७३ ज्येष्ड १३, विहीवार)
कोलम्बियाको दुर्गम उत्तरी क्षेत्रबाट तीन जना पत्रकार वेपत्ता भएका छन् । कोलम्बियाको उत्तरी क्याटाटुम्बो क्षेत्रबाट केही दिन अघि स्पेसिन पत्रकार सालुद हर्नान्डेज वेपत्ता भएकी थिइन् । उनी हराएकोबारे समाचार खोज्न गएका कोलम्बिया टिभी नेटवर्क आर.सि.एन. का पत्रकार डिएगो डिपाब्लोस तथा क्यामरेम्यान कार्लोस मेलो पनि वेपत्ता भएका हुन् ।
अफगानिस्तानका तालिबान नेता अमेरिकी हवाई आक्रमणमा मारिए(२०७३ ज्येष्ड ९, आइतवार)
अफगानिस्तानका तालिबान नेता मुल्ला अख्तर मंन्सूर अमेरिकी हवाई आक्रमणमा मारिएको आशंका गरिएको छ । अमेरिकी रक्षा मन्त्रालयका अनुसार पाकिस्तान र अफगानिस्तानको सीमामा अमेरिकी सेनाले गरेको हवाई आक्रमणमा उनी मारिएका हुन् । आक्रमणका लागि अमेरिकी राष्ट्रपति बराक ओबामाले नै अनुमति दिइएको बताइएको छ ।
बंगलादेशमा समुद्री आँधी र वर्षाका कारण जनजीवन प्रभावित(२०७३ ज्येष्ड ९, आइतवार)
बंगलादेशमा समुद्री आँधी र वर्षाका कारण जनजीवन प्रभावित भएको छ । रोआनु नाम दिइएको आँधीमा परेर मृत्यु हुनेको संख्या २४ पुगेको छ । पाँच लाख मानिसलाई सुरक्षित स्थानमा लगिसकिएको छ । धेरैजसो बन्दरगाह बन्द गरिएको छ भने देशभर विद्युत आपूर्ति बन्द भएको छ ।
इजिप्ट एअर विमानको खोजीकाक्रममा भूमध्यसागरमा भेटिएका वस्तुहरुको तस्वीर सार्वजनिक(२०७३ ज्येष्ड ९, आइतवार)
इजिप्टको सेनाले गत विहीबारबाट हराइरहेको इजिप्ट एअर विमानको खोजीकाक्रममा भूमध्यसागरमा भेटिएका वस्तुहरुको तस्वीर शनिबार सार्वजनिक गरेको छ । यसरी सार्वजनिक गरिएका तस्वीरमा लाइफ ज्याकेट, सिटका भाग र इजिप्ट एअरलाई स्पस्ट बुझाउने वस्तुहरु रहेको बीबीसीले जनाएको छ । तर, विमानको ब्ल्याक बक्स  भने भेटिएको छैन ।
भारतको बिहारमा गुट्खा र पान मसलामासमेत प्रतिबन्ध(२०७३ ज्येष्ड ९, आइतवार)
भारतको बिहारमा गुट्खा र पान मसलामासमेत प्रतिबन्ध लगाइएको छ । शनिबार देखि एक वर्षको लागि गुट्खा र पान मसलामा प्रतिबन्ध लगाइएको भारतीय सञ्चार माध्यमले जनाएका छन् ।
डोनाल्डा ट्रम्पले बेलायती प्रधानमन्त्री क्यामरुनसँग आफ्नो सम्बन्ध राम्रो नहुने संकेत दिए(२०७३ ज्येष्ड ४, मंगलवार)
अमेरिकी राष्ट्रपतिका रिपब्लिकन पार्टीका उम्मेदवार डोनाल्डा ट्रम्पले बेलायती प्रधानमन्त्री डेभिड क्यामरुनसँग आफ्नो सम्बन्ध राम्रो नहुने संकेत दिएका छन् । अमेरिकामा मुस्लिमलाई रोक लगाउनुपर्ने ट्रम्पको भनाईलाई मुर्खतापूर्ण अभिव्यक्ति भन्दै क्यामरुन र नवनिर्वाचित मेयर सादिक खानले गरेको कटाक्षप्रति ट्रम्पले आफू राष्ट्रपति चुनिएमा बेलायती प्रधानमन्त्री क्यामरुनसँग राम्रो सम्बन्ध नहुने बताएका हुन् ।
हङकङमा सन् २०१४ को बृहत प्रजातान्त्रिक आन्दोलनपछि पहिलो पटक उच्च चिनियाँ अधिकारीको भ्रमण (२०७३ ज्येष्ड ४, मंगलवार)
हङकङमा सन् २०१४ को बृहत प्रजातान्त्रिक आन्दोलनपछि पहिलो पटक उच्च चिनियाँ अधिकारीले भ्रमण गरेका छन् । यसैका लागि सुरक्षा व्यवस्था अत्यन्तै कडा बनाइएको छ । प्रजातन्त्र समर्थक समूहको प्रदर्शन गर्ने योजनापछि शहरमा ६ हजारभन्दा बढी प्रहरी परिचालन गरिएको स्थानीय प्रशासनले जनाएको छ ।
आइएसद्वारा धमाधम बालबालिकालाई सैन्य तालिम(२०७३ ज्येष्ड ४, मंगलवार)
अन्तर्राष्ट्रिय आतंकवादी संगठन इस्लामिक स्टेट (आइएस) ले धमाधम बालबालिकालाई सैन्य तालिम दिइरहेको छ । आइएसले अत्याधुनिक हतियार चलाउन बालबालिकालाई तालिम दिएरहेको भिडियो सार्वजनिक भएको छ । इन्डोनेसिया, फिलिपिन्स, मलेसिया लगायतका मुलुकबाट लगिएका बालबालिकालाई सिरियामा आइएसले सैन्य तालिम दिएको हो ।
कोलम्बियाको टर्बो सहरमा ८ टन लागूऔषध कोकिन बरामद(२०७३ ज्येष्ड ३, सोमवार)
कोलम्बियाको टर्बो सहरमा प्रहरीले करिब ८ टन लागूऔषध कोकिन बरामद गरेको छ । यो कोकिन अहिलेसम्म त्यहाँ बरामद गरेको सबैभन्दा ठूलो परिमाणको भएको बताइएको छ । उत्तर पश्चिमी तटीय सहर टर्बोमा लगाइएको केराखेतीमा कोकिनलुकाएर राखिएको अवस्थामा प्रहरीले फेलापारेको थियो ।
दक्षिणी यमनमा भएको एक आत्मघाती हमलामा २५ जनाको मृत्यु(२०७३ ज्येष्ड २, आइतवार)
दक्षिणी यमनमा भएको एक आत्मघाती हमलामा २५ जनाको मृत्यु भएको छ । मुकाला सहरस्थित प्रहरी मूख्यालयमा हमला भएको हो । सुरक्षा अधिकारीहरुका अनुसार प्रहरीमा भर्ना हुनका लागि युवाहरु लामबद्ध रहेको समयमा आत्मघाती विस्फोट हुँदा २५ जनाको मृत्यु भएको हो ।
अमेरिकी राष्ट्रपति ओबामालाई ह्वाइट हाउसअगाडि झुन्ड्याउनुपर्ने अभिव्यक्ति दिनेमाथि कारबाही प्रक्रिया(२०७३ ज्येष्ड २, आइतवार)
अमेरिकी सरकारले राष्ट्रपति  बाराक ओबामालाई ह्वाइट हाउसअगाडि झुन्ड्याउनुपर्ने भन्ने जस्तो घृणित अभिव्यक्ति दिने एन्थोनी सेनेकालमाथि कारबाही प्रक्रिया थालेको छ । आफूलाई अमेरिकी राष्ट्रपतिका उम्मेदवार डोनाल्ड ट्रम्पका सहयोगी बताउने सेनेकालले  ओबामा दुश्मनको एजेन्ट  भएको र उनलाई अघिल्लो कार्यकालमै  ह्वाइहाउसअगाडि नै गोली हानिदिनुपर्ने थियो  भन्ने अभिव्यक्ति दिएका थिए । 
इरानी नागरिक हजयात्रामा साउदी अरब जान नपाउने(२०७३ ज्येष्ड २, आइतवार)
हजयात्राका क्रममा इरानी नागरिकको सुरक्षा व्यवस्थासम्बन्धी सम्झौता गराउने प्रयास असफल भएको इरानले जनाएको छ । एएफपी समाचार एजेन्सीका अनुसार साउदी अरबसँग भएको छलफल निष्कर्षहीन भएसँगै यस वर्ष इरानी नागरिकले हजयात्रा गर्न नपाउने भएको इरानी अधिकारीले जनाएका छन् ।
विश्वकै सबैभन्दा वृद्धि महिलाको ११६ वर्षमा निधन(२०७३ ज्येष्ड १, शनिवार)
 विश्वकै सबैभन्दा वृद्धि महिला सुसान्नाह मुसात जोन्सको बिहीबार निधन भएको छ । उनी११६ वर्षकी थिइन्। लसएन्जेल्सस्थित जेरन्टोलोजी (वृद्धवृद्धामा लाग्ने रोग अध्ययन विज्ञान) रिसर्च ग्रुपका वरिष्ठ चिकित्सक रोवर्ट योङले भन्नुभयो, जोन्सको बुकलिस्थित बिहीबार मृत्यु भएको छ। 
बंगलादेशमा चट्याङ लागेर ५० जनाभन्दा बढीको मृत्यु(२०७३ ज्येष्ड १, शनिवार)
बंगलादेशमा चट्याङ लागेर ५० जनाभन्दा बढीको मृत्यु भएको छ । बंगलादेशका विभिन्न भागमा दुई दिनयता चट्याङ लागेर मर्नेमा धेरैजसो खेतमा काम गरिरहेका किसान भएको त्यहाँको प्रहरीले जनाएको छ । राजधानी ढाकामामात्रै दुई विद्यार्थीको मृत्यु भएको छ । गत मार्चयतामात्रै चट्याङ लागेर करिब ९० जनाको मृत्यु भैसकेको छ ।
पाकिस्तान अदालतद्धारा पूर्वराष्ट्रपति मुसर्रफलाई भगौडामा सूचीमा राख्दै ३० दिनभित्र अदालतमा उपस्थित हुन आदेश (२०७३ वैशाख ३०, विहीवार)
पाकिस्तानको विशेष अदालतले पूर्वराष्ट्रपति परवेज मुसर्रफलाई भगौडामा सूचीमा राख्नुका साथै ३० दिनभित्र अदालतमा उपस्थित हुन आदेश दिएको छ । राजद्रोहका मुद्दा खेपिरहेका मुसर्रफ स्वास्थ्य परीक्षणका लागि दुबईमा छन् । बयानका लागि अदालतले बारम्बार आदेश दिएपनि बेवास्ता गरेको भन्दै मुसर्रफलाई ३० दिनभित्र अदालतमा उपस्थित हुन फेरि आदेश जारी गरिएको हो । 
ब्राजिलका राष्ट्रपति डिल्मा रुसेफद्धारा महाअभियोग प्रक्रियाको सामना(२०७३ वैशाख ३०, विहीवार)
ब्राजिलका राष्ट्रपति डिल्मा रुसेफले महाअभियोग प्रक्रियाको सामना गर्नुपर्ने भएको छ । त्यहाँको सिनेटले विहीबार रुसेफलाई निलम्बन गर्ने र महाअभियोग प्रक्रिया अगाडि बढाउने पक्षमा निर्णय गरेको हो । रुसेफमाथि सन् २०१४ को निर्वाचनमा बजेट घाटा लुकाउन अवैधरुपमा वित्तिय गतिविधि गरेको आरोप लगाइएको छ । तर, उनले आरोप अस्वीकार गर्दै आएकी छन् ।
इराकको बग्दादमा कारबम विस्फोट हुँदा कम्तिमा ६४ जना मारिए(२०७३ वैशाख २९, बुधवार)
इराकको राजधानी बग्दादको उत्तरी क्षेत्रस्थित सदर बजारमा बुधबार कारबम विस्फोट हुँदा कम्तिमा ६४ जना मारिएका छन् । विस्फोटमा परी अरु ८७ जनाभन्दा बढी घाइते भएका छन् । घाइतेहरुको अवस्था गम्भीर रहेकाले मृतकको संख्या बढ्नसक्ने अनुमान गरिएको छ । शियाहरुको बाहुल्य रहेको सहरमा बिहानको व्यस्त समयमा विस्फोट गराइएको थियो । विस्फोटका कारण आसपासका भवन र सवारी-साधन ध्वस्त भएका छन् । 
भारतको असममा अस्पतालले एचआइभी संक्रमित रगत बिरामीलाई दियो(२०७३ वैशाख २९, बुधवार)
भारतको असम जिल्लामा एक सरकारी अस्पतालले एचआइभी संक्रमित रगत बिरामीलाई दिएको पीडित परिवारको आरोप छ । कामरुप जिल्लाको हाजोबाट आएका बिरामी बच्चाका पिताले यस्तो आरोप लगाएका हुन् । गत वर्ष उपचारका लागि छोरालाई जीएमसी मेडिकल कलेज भर्ना गरेको जनाउँदै उनले त्यतिबेला सोही अस्पतालको ब्लड बैंकबाट पटक-पटक रगत लगेर छोरालाई दिइएको बताए । संक्रमित रगत दिइएकै कारण आफ्नो छोरा एचआइभी संक्रमणको सिकार भएको उनको आरोप छ ।
आईएसका एक मुख्य कमान्डर अमेरिकी गठबन्धन सेनाले गरेको कारबाहीमा मारिए(२०७३ वैशाख २८, मंगलवार)
इस्लामिक अतिवादी संगठन आईएसका एक मुख्य कमान्डर अमेरिकी गठबन्धन सेनाले गरेको कारबाहीमा मारिएका छन् । इराकको अनबर प्रान्तमा गरिएको आक्रमणमा आइएसका मुख्य कमान्डर अबु वाहिव मारिएको अमेरिकी रक्षा मन्त्रालयले जनाएको छ । वाहिव अल कायदा इराकका पूर्व सदस्य पनि हुन् । उनी गत शुक्रबार अनबरमा भएको आक्रमणका क्रममा मारिएको पेन्टागनले जनाएको छ ।
अफगानिस्तानमा तालिवानका ६ लडाकुलाई मृत्युद(२०७३ वैशाख २८, मंगलवार)
अफगानिस्तानमा तालिवानका ६ लडाकुलाई मृत्युदण्ड दिइएको छ । सन् २०१४ मा अशरफ घनी सत्तामा आएपछि पहिलो पटक विद्रोही तालिवानका लडाकुलाई सरकारले मृत्युदण्ड दिएको हो । राष्ट्रपति कार्यालयका अनुसार आम नागरिक र सार्वजनिक सुरक्षाविरुद्ध गम्भीर अपराध गरेका कारण ती ६ लडाकुलाई मृत्युदण्ड दिइएको हो ।
उत्तर कोरियाद्वारा बीबीसीका संवाददातालाई स्वदेश फिर्ता (२०७३ वैशाख २७, सोमवार)
उत्तर कोरियाले त्यहाँ रहेका बीबीसीका संवाददातालाई स्वदेश फर्काएको छ । बीबीसी संबाददाता रुपर्ट विंगफिल्ड हेयससहित तीनजनाको टोलीलाई उत्तर कोरियाली सुरक्षाकर्मीले हिरासतमा लिइ आठ घन्टाको सोधपुछ गरी स्वदेश फर्काएको जनाइएको छ ।