arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
विश्व समाचार
अमेरिकी सेनाद्वारा लिबियास्थित आईएसको पकड रहेको क्षेत्रमा हवाई आक्रमण(२०७३ श्रावण १८, मंगलवार)
अमेरिकी सेनाले लिबियास्थित इस्लामिक अतिबादी संगठन आईएसको पकड रहेको क्षेत्रमा हवाई आक्रमण गरेको छ । लिबियाको बन्दरगाह रहेको सिर्त शहरमा गरिएको हवाई आक्रमणका कारण थुप्रै आइएस कार्यकर्ता मारिएको र उक्त क्षेत्र क्षतविक्षत भएको अमेरिकी रक्षा मन्त्रालय पेन्टागनले जनाएको छ ।
डोनाल्ड ट्रम्पद्वारा प्रतिस्पर्धी डेमोक्रेटिक हिलारी क्लिन्टनलाई सैतानको संज्ञा(२०७३ श्रावण १८, मंगलवार)
अमेरिकामा रिपब्लिकन पार्टीका तर्फबाट राष्ट्रपतिका उम्मेदवार डोनाल्ड ट्रम्पले प्रतिस्पर्धी डेमोक्रेटिक पार्टीकी नेतृ हिलारी क्लिन्टनलाई सैतानको संज्ञा दिएका छन् । पेन्सेल्भेनियामा आयोजित र्‍यालीलाई सम्बोधन गर्दै ट्रम्पले क्लिन्टन सैतान हुन् भने । उनले बर्नी स्यान्डर्सले सैतानसँग सम्झौता गरेको आरोपसमेत लगाए ।
सिरियाको इदलिब प्रान्तमा रसियाली सैनिक विमान आक्रमण गरी खसाल्दा सबै पाँच जनाको मृत्यु (२०७३ श्रावण १७, सोमवार)
द्वन्द्वपीडित सिरियाली नागरिकका लागि खाद्यान्नलगायत अति आवश्यकीय सामान प्रचिन शहर अलेप्पो पु-याएर फर्किँदै गरेको रसियाली सैनिक विमानलाई सिरियाको इदलिब प्रान्तमा आक्रमण गरी खसाल्दा विमानमा यात्रारत तीन जना चालक दलका सदस्यसहित दुई जना अन्य सरकारी अधिकारीको सोमबार मृत्यु भएको रसियाली प्रशासन केन्द्र क्रेमलिनले बताएको छ  । 
सिरियाको एक प्रसूति अस्पतालमा हवाई आक्रमण(२०७३ श्रावण १५, शनिवार)
सिरियाको एक प्रसूति अस्पतालमा हवाई आक्रमण गरिएको छ । सेभ द चिल्ड्रेनको सहयोगमा सञ्चालित उत्तर पश्चिमी इडलिब प्रान्तमा रहेको प्रसुति अस्पतालमा हवाई आक्रमण गरिएको हो ।
टर्कीका राष्ट्रपतिद्वारा आफ्नो अपमान गरेको विषयसँग सम्बन्धित दुई हजार मुद्दा फिर्ता लिने घोषणा(२०७३ श्रावण १५, शनिवार)
टर्कीका राष्ट्रपति रिसेप तैयप एर्दोगानले आफ्नो अपमान गरेको विषयसँग सम्बन्धित दुई हजार मुद्दा फिर्ता लिने घोषणा गरेका छन् । असफल सत्ता कब्जाका क्रममा मारिएका एक सयभन्दा बढी व्यक्तिको सम्झनामा राजधानी अंकारामा गरिएको कार्यक्रममा राजनीतिक सदभाव स्वरुप यो मुद्दा फिर्ता लिइएको घोषणा उनले गरे । 
इन्डोनेसियामा लागू औषध तस्करीमा संलग्न रहेको भन्दै चार जनालाई मृत्युदण्ड(२०७३ श्रावण १४, शुक्रवार)
इन्डोनेसियामा लागू औषध तस्करीमा संलग्न रहेको भन्दै चार जनालाई मृत्युदण्ड दिइएको छ । लागू औषध तस्करीकै आरोपमा अन्य १० जना जेल मै छन् । उनीहरुलाई पनि मृत्युदण्डको सजाय दिने वा नदिनेबारे भने खुलाइएको छैन ।
सैनिक 'कु' को प्रयासलाई साथ दिएको आरोपमा टर्की सरकारद्वारा १३१ वटा सञ्चारमाध्यममाथि प्रतिबन्ध(२०७३ श्रावण १३, विहीवार)
दुई हप्ताअघि भएको असफल सैनिक 'कु' को प्रयासलाई साथ दिएको आरोपमा टर्की सरकारले १ सय ३१ वटा सञ्चारमाध्यममाथि प्रतिबन्ध लगाएको छ । सरकारले समाचार संस्था, टेलिभिजन, दैनिक पत्रपत्रिका, म्यागजिन तथा प्रकाशक गरी १ सय ३१ वटा सञ्चारमाध्यम बन्द गराएको अन्तर्राष्ट्रिय सञ्चारमाध्यमहरुले जनाएका छन् ।
भारतको आसाममा भारी बर्षापछि आएको बाढीमा परी १० जनाको मृत्यु(२०७३ श्रावण १२, बुधवार)
भारतको आसाममा भारी बर्षापछि आएको बाढीमा परी १० जनाको मृत्यु भएको छ । आसाम र अरुणाञ्चल प्रदेशमा आएको बाढीका कारण १७ लाख मानिस प्रभावित बनेका छन् । आसामको १९ जिल्लाका २६ सय ५३ गाउँ डुबानमा परेका छन् । त्यहाँका कयौं सर्वसाधारण बेपत्ता छन् ।
अमेरिकामा हिलारी राष्ट्रपतिका लागि पहिलो महिला उम्मेदवार(२०७३ श्रावण १२, बुधवार)
अमेरिकी राष्ट्रपतिका लागि डेमोक्र्याटिक पार्टीले हिलारी क्लिन्टनलाई उम्मेदवार बनाएको छ । क्लिन्टन अमेरिकी इतिहासमा राष्ट्रपतिका लागि पहिलो महिला उम्मेदबार बनेकी छिन् । फिलाडल्फियामा डेमोक्रेटिक पार्टीको राष्ट्रिय सम्मेलनले राष्ट्रपति पदका लागी हिलारी क्लिन्टनको नाम अनुमोदन गरेसंगै उनी पहिलो महिला उम्मेदवार बनेकी हुन् ।
मलावीमा सय बढी बालिकासँग यौनसम्बन्ध बनाएका एड्स संक्रमित व्यक्तिलाई पक्राउ (२०७३ श्रावण १२, बुधवार)
दक्षिणपूर्वी अफ्रिकी मुलुक मलावीमा सयभन्दा बढी बालिकासँग यौनसम्बन्ध बनाएका एड्स संक्रमित एक व्यक्तिलाई प्रहरीले पक्राउ गरेको छ । केही दिनअघि अन्तर्राष्ट्रिय संचारमाध्यममा उनका बारेमा समाचार प्रकाशित भएपछि राष्ट्रपति पिटर मुथारिकाले कानुनी कारवाहीका लागि निर्देशन दिएका थिए । 
भारतमा विद्यार्थी चढेको भ्यान र रेल एक-आपसमा ठोक्किँदा १० जना विद्यार्थीको मृत्यु(२०७३ श्रावण १०, सोमवार)
भारतमा विद्यार्थी चढेको भ्यान र रेल एक-आपसमा ठोक्किँदा १० जना विद्यार्थीको मृत्यु भएको छ । भारतको उत्तर प्रदेशको बाराणसीमा सोमबार बिहान भएको दुर्घटनामा ९ जना घाइते भएका छन् । स्कुल भ्यानले सन्तुलन गुमाएपछि रेलसँग ठोक्किँदा दुर्घटना भएको भारतीय सन्चारमाध्यमहरुले जनाएका छन् ।
अफगानिस्तानमा आत्मघाती बिस्फोटमा ८० जना मारिएपछि एक दिने शोकको घोषणा(२०७३ श्रावण ९, आइतवार)
अफगानिस्तानमा आत्मघाती बिस्फोटमा ८० जना मारिएपछि एक दिने शोकको घोषणा गरिएको छ । राष्ट्रपति असरफ घानीले घटनाको निन्दा गर्दै यसको बदला लिने पनि बताएका छन् । निहत्था जनतालाई निशाना बनाउँदै गरिएको आक्रमण निकै नै क्रूर र निन्दनीय भएको भन्दै राष्ट्रपति घानीले आईएसले यसको बदला चुकाउनु पर्ने प्रतिक्रिया दिए ।
जर्मनीको म्युनिखस्थित एक सपिङ सेन्टरमा आक्रमणकारीले अन्धाधुन्ध गोली चलाएर ९ जनाको हत्या गरे(२०७३ श्रावण ९, आइतवार)
जर्मनीको म्युनिखस्थित एक सपिङ सेन्टरमा आक्रमणकारीले अन्धाधुन्ध गोली चलाएर ९ जनाको हत्या गरेको छ । घटनामा अरु २० जनाभन्दा बढी घाइते भएका छन् । मारिनेमा एक आक्रमणकारी पनि रहेको जर्मनी प्रहरीलाई उधृत गर्दै समाचार संस्थाहरुले जनाएका छन् ।
काबुलमा भएको आत्मघाती आक्रमणमा कम्तिमा ६१ जनाको मृत्यु(२०७३ श्रावण ८, शनिवार)
अफगानिस्तानको राजाधानी काबुलमा शनिबार भएको आत्मघाती आक्रमणमा कम्तिमा ६१ जनाको मृत्यु भएको छ । अफगानिस्तानको स्वास्थ्य मन्त्रालयकाअनुसार आक्रमणमा २०० जनाभन्दा बढी व्यक्ति घाइते भएका छन् ।
चीनको उत्तरी र दक्षिणी क्षेत्रमा भीषण वर्षापछिको बाढीमा परी कम्तिमा ७८ जनाको मृत्यु(२०७३ श्रावण ८, शनिवार)
चीनको उत्तरी र दक्षिणी क्षेत्रमा भीषण वर्षापछिको बाढीमा परी कम्तिमा ७८ जनाको मृत्यु भएको छ । सिन्ह्वा समाचार एजेन्सीले बाढीमा अझै धेरै मानिस हराइरहेकाले मृतकको संख्या बढ्नसक्ने आशंका गरेको छ । बाढीबाट बढी प्रभावित हेवेइ र हेनान प्रान्तमा हजारौं घर बगाएको छ ।
हिलारी क्लिन्टनले उपराष्ट्रपति पदका लागि उम्मेदवार चुनिन्(२०७३ श्रावण ८, शनिवार)
अमेरिकी राष्ट्रपति पदको निर्वाचनका लागि डेमोक्रेटिक पार्टीका उम्मेदवार हिलारी क्लिन्टनले उपराष्ट्रपति पदका लागि उम्मेदवार चुनेकी छिन् । भर्जिनियाका सिनेटर टिम केनलाई उपराष्ट्रपति पदका लागि उनले मनोनयन गरेकी हुन् । यसको औपचारिक घोषणा भने आज गरिने ट्वीटरमार्फत् उनले जानकारी दिइन् ।
जर्मनीको म्युनिखस्थित सपिङ सेन्टरमा भएको गोलाबारीले फेरि युरोपलाई त्रास र असुरक्षा(२०७३ श्रावण ८, शनिवार)
जर्मनीको म्युनिखस्थित ओलिम्पिया सपिङ सेन्टरमा शुक्रबार राति भएको गोलाबारीले फेरि युरोपलाई त्रास र असुरक्षाको अनुभूति दिलाएको छ । आक्रमणकारी इरानीमूलको रहेको बताइएको छ । युरोपमा एकपछि अर्को आक्रमणपछि आप्रबासी र शरणार्थीका लागि कठीन अवस्था सुरु भएको अड्कन गर्न थालिएको छ ।
भारतीय सेनाको सैन्य बिमान बंगालको खाडी क्षेत्रमा सम्पर्कबिहीन(२०७३ श्रावण ७, शुक्रवार)
भारतीय सेनाको सैन्य बिमान बंगालको खाडी क्षेत्रमा सम्पर्कबिहीन भएको छ । बिमानमा २० भन्दा बढी मानिस सवार छन् । बिमान सम्पर्कबिहीन भएको भारतीय वायू सेनाले पुष्टि गरेको छ ।           
टर्कीमा सैन्य 'कू'को प्रयासलाई पूर्णरुपमा नियन्त्रण गरिएको दाबी(२०७३ श्रावण १, शनिवार)
टर्कीका राष्ट्रपति रेसिप तैयिप एर्दोगानले सैन्य 'कू'को प्रयासलाई पूर्णरुपमा नियन्त्रण गरिएको दाबी गरेका छन् । टर्कीमा सैनिकहरुको एउटा समूहले सत्ता आफ्नो हातमा लिएको घोषणा गरेको केही घन्टामै राष्ट्रपतिले त्यो प्रयास असफल भएको र सरकारले त्यसलाई नियन्त्रणमा लिएको दाबी गरेका हुन् ।
फ्रान्सको नीस शहरमा लरीले किचेर कम्तिमा ८४ जनाको मृत्यु(२०७३ आषाढ ३१, शुक्रवार)
फ्रान्सको नीस शहरमा लरीले किचेर कम्तिमा ८४ जनाको मृत्यु भएको छ । बास्टिल डे मनाउन भेला भएकाहरुको भीडभाडयुक्त क्षेत्रमा लरीबाट किचिएर उनीहरुको मृत्यु भएको हो । घटनामा कयौं घाइते भएका छन् । घाइतेमध्ये केहीको अवस्था गम्भीर रहेको बताइएको छ ।
मलेसिया र सिंगापुर जोड्नका लागि उच्चगतिको रेल निर्माणसम्बन्धी सम्झौतामा हस्ताक्षर(२०७३ आषाढ ३०, विहीवार)
मलेसिया र सिंगापुर जोड्नका लागि उच्चगतिको रेल निर्माणसम्बन्धी सम्झौतामा हस्ताक्षर हुने भएको छ । यी दुई देशबीच बहुप्रतिक्षित यस रेल सम्झौतामा अब चाँडै नै सम्झौता हुने जानकारी यसअघिदेखि नै दिइएको थियो । बिहीबार मलेसियाका स्थानीय सन्चारमाध्यमहरुले सो समाचार सार्वजनिक गरेका राजधानी क्लालालम्पुरबाट प्राप्त भएको समाचारमा जनाइएको छ ।
इयुबाट बाहिरिएपछि बेलायतले विश्वमा आफ्नो छुट्टै र साहसी भूमिका निर्वाह गर्ने: टेरेसा मे(२०७३ आषाढ ३०, विहीवार)
टेरेसा मे बेलायतको नयाँ प्रधानमन्त्री बनेकी छन् । डेबिड क्यामरुनले प्रधानमन्त्री पदबाट राजीनामा दिएपछि कन्जरभेटिभ पार्टीकी नेतृ टेरेसा नयाँ प्रधानमन्त्री बनेकी हुन् । बेलायत युरोपियन युनियनबाट बाहिरिने पक्षमा मतदान भएपछि क्यामरुनले राजीनामा दिएका हुन् ।
दक्षिणी सूडानमा संघर्ष विरामको घोषणा(२०७३ आषाढ २८, मंगलवार)
दुई नेताप्रति वफादार सेनाको सनकमा अनाहकमा दुई सयजना मारिएपछि दक्षिणी सूडानमा संघर्ष विरामको घोषणा गरिएको छ । राष्ट्रपति सल्वा कीर र उपराष्ट्रपति रीक मचारले राजधानी जुबामा विहीवारदेखि चलेको संघर्ष रोक्ने घोषणा गरेका हुन् । गोली हानाहानबाट सुरु भएको दुई पक्षीय भिडन्त तोप, ट्यांक र हेलिकोप्टर प्रयोग गर्ने अवस्थासम्म पुगेको थियो
थेरेसा मे बेलायतको भावी प्रधानमन्त्री बन्ने निश्चित(२०७३ आषाढ २८, मंगलवार)
थेरेसा मे बेलायतको भावी प्रधानमन्त्री बन्ने निश्चित भएको छ । उनका निकट प्रतिष्पर्धी रहेका आन्द्रेय लेड्समले आफनो दाबेदारी फिर्ता लिएपछि थेरेसालाई प्रधानमन्त्री बन्ने बाटो खुलेको हो । बेलायतको कन्जरभेटिभ पार्टीका यी दुई नेताबीच आगामी सेप्टेम्बर ९ मा प्रतिस्पर्धा हुने तय भएकोमा लेड्समले आफनो नाम फिर्ता लिएपछि थेरेसा मे प्रधानमन्त्रीका लागि एक्लो दाबेदार बनेका छन् ।
बेलायतले दोस्रोपटक महिला प्रधानमन्त्री पाउने करिब निश्चित(२०७३ आषाढ २४, शुक्रवार)
बेलायतले दोस्रोपटक महिला प्रधानमन्त्री पाउने करिब निश्चित देखिएको छ । कन्जरभेटिभ पार्टीका नेता एवं प्रधानमन्त्री डेभिड क्यामरुनले राजीनामा दिएपछि रिक्त रहेको पदमा नेता चुन्नेक्रममा दुई महिला नेतृबीच निकट प्रतिस्पर्धा देखिएकाले मार्गरेट थ्याचरपछि बेलायतले दोस्रोपटक महिला प्रधानमन्त्री पाउने करिब निश्चित बनेको हो ।
ताइवानमा आँधीमा परी दुईजनाको मृत्यु, ६६ जना घाइते(२०७३ आषाढ २४, शुक्रवार)
ताइवानमा आँधीमा परी दुईजनाको मृत्यु भएको छ भने अरु ६६ जना घाइते भएका छन् । 'नेपारतक' नामक आँधीका कारण राजधानी ताइपेयीलगायत अरु सहरका १५ हजार घर-परिवार विस्थापित भएका छन् । आँधीका कारण हवाई र यातायात सेवासमेत अवरुद्ध बनेका छन् ।
ईदका अवसरमा सिरियामा ७२ घण्टाका लागि एकतर्फी युद्धविराम घोषणा(२०७३ आषाढ २३, विहीवार)
सिरियामा सरकारले ७२ घण्टाका लागि एकतर्फी युद्धविराम घोषणा गरेको छ । मुस्लिमहरुको पवित्र धार्मिक चाड ईदका अवसरमा सिरियाई सेनाले एकतर्फी युद्ध विरामको घोषणा गरेको त्यहाँको सरकारी सञ्चारमाध्यमले जनाएको हो ।
अमेरिकामा प्रहरीको गोलीबाट काला जातिको व्यक्ति मारिएपछि तनाव(२०७३ आषाढ २२, बुधवार)
अमेरिकाको लुजियाना राज्यमा गोरा जातिका प्रहरीको गोली लागि एकजना काला जातिको व्यक्तिको मृत्यु भएको भिडियो सार्वजनिक भएपछि व्यापक विरोध चर्किएको छ । राज्यको राजधानी वाटोन रगमा ३७ वर्षीय एल्टन स्टर्लिङले एउटा पसलबाहिर बन्दुक लिएर सर्वसाधरणलाई आतंकित पारेपछि प्रहरीले उनलाई गोली हानेको बताइएको छ ।
यमनको एडेनमा अवस्थित विमानस्थलमा रहेका सैनिक प्रमुख कार्यालयहरुमा संदिग्ध जिहादीहरुद्वारा कब्जा(२०७३ आषाढ २२, बुधवार)
यमनको दोस्रो ठूलो सहर एडेनमा अवस्थित विमानस्थलमा रहेका सैनिक प्रमुख कार्यालयहरुमा संदिग्ध जिहादीहरुले बुधबार कब्जा गरेका छन् । साउदी अरेबिया समर्थित सरकार रहेको यस देशमा भएको यस सैन्य शिविर कब्जापछिको आक्रमणमा कम्तीमा १० जना सैनिकको मृत्यु भएको छ । 
साउदी अरेबियाको मदिनामा आत्मघाती बम विस्फोट(२०७३ आषाढ २१, मंगलवार)
इस्लाम धर्मावलम्बीको सबैभन्दा पवित्र स्थानको रुपमा लिइने साउदी अरेबियाको मदिनामा आत्मघाती बम विस्फोट भएको छ । मदिनामा रहेको पैगम्बर मुहम्मदको मस्जिद नजिक आत्मघाती आक्रमणकारीले आफूलाई विस्फोट गराएको स्थानीय सञ्चारमाध्यमहरुले जनाएका छन् ।
http://go.oclaserver.com/afu.php?zoneid=1465736