arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
जिल्ला समाचार

अर्घाखाँचीमा जनप्रतिनिधि योजनाका बजेट छुट्याउन व्यस्त text size increase   text size decrease   Print    rss (२०७४ भाद्र १८, आइतवार)


वीरेन्द्र केसी कान्तिपुर 
 
सन्धिखर्क, अर्घाखाँची । अर्घाखाँचीमा जनप्रतिनिधि योजनाका बजेट छुट्याउन व्यस्त छन् । 

जिल्लाका ६ स्थानीय तहमा कृषि, पशुपालन, पर्यटन, जलस्रोत र जडीबुटीलाई नै समृद्धिका आधार मानिएको छ । मालारानी गाउँपालिका अध्यक्ष बालकृष्ण आचार्यले उत्पादन बाहिरी देशसम्म पुर्‍याउने सपना बोकेका छन् । गापामा कफी खेती, वन र टिमुर खेती प्रशस्त छ । जिल्लाबाट बर्सेनि १२ टन कफी जापान, अमेरिका, कोरियालगायत देशमा निर्यात भइरहेको छ । आम्दानीको स्रोत कफीबाट आत्मनिर्भर बनाउने, फलफूल, बेमौसमी तरकारी, बीउबिजन, पशुपालन, सिँचाइको व्यवस्था, टोलमा पुगेका सडकलाई कालोपत्रे गरी गाउँको उत्पादन सहजै बजारसम्म पुर्‍याउने उनको पहिलो योजना हो । खरको छानो भएका घरलाई जस्तापाता अनुदान दिन तथ्यांक संकलन सुरु भएको छ । सबैलाई सहकारीमा आबद्ध बनाएर सामूहिक रूपमा उत्पादनमा लगाउने र विदेशबाट फर्किएका युवाले सञ्चालन गर्ने कृषि फर्मलाई अनुदानको व्यवस्था गरिने उनले बताए । 

सन्धिखर्क नगरपालिका प्रमुख कमलप्रसाद भुसालले सन्धिखर्क–अर्घा दरबार केबुलकार सञ्चालन गर्ने सपना देखेका छन् । त्यसका लागि अध्ययनसमेत सुरु भएको छ । सन्धिखर्क र शीतगंगा नगरको सिमानामा रहेको सुपादेउराली मन्दिरमा तीर्थालुको संख्या बर्सेनि बढ्दो छ । उनीहरूलाई नरपानी, खाँचीकोट र अर्घा दरबारसम्म लैजाने लक्ष्य जनप्रतिनिधिको छ । सुविधा खोज्दै तराई र सहरमा बसाइँ सर्नेको अत्यधिक चापले गाउँ रित्तिँंदै गएका छन् । रोजगारी खोज्दै बिदेसिने युवालाई रोकेर कृषि, उत्पादन र पर्यटन क्षेत्रमा लगाउन खेतबारी बाँझो राख्न नपाइने नीति नगरसभाबाट बनाइने उपप्रमुख ठाकुरकुमार विकले बताए । यही नगरभित्र अर्घाभगवती विमानस्थल शिलान्यास भएको छ । 'सम्भावना धेरै छन्,' उनले भने, 'जनप्रतिनिधिको काम गर्ने मनोबल उच्च राख्ने वातावरण राज्यले गर्नुपर्छ ।' एक घर एक स्वरोजगार बनाउन उत्पादनमा युवालाई आकर्षित गरिने उनले बताए । 

शीतगंगा नगर भौगोलिक रूपले विकट भए पनि धेरै स्रोत छन् । २ सय ४० मेगावाट विद्युत् निकाल्न सकिने नौमुरे जलविद्युत् परियोजना यहीँ छ । 'नगरभित्र कृषि, पर्यटन, जलस्रोत, जडीबुटी, जंगल, लघुवित्त नै समृद्धिका हाम्रा आधार बन्न सक्छन्,' नगरप्रमुख सूर्यप्रसाद अधिकारीले भने, 'पशुपालन, मसलाबालीमा पनि प्रख्यात छ । सम्भावनाअनुसार काम गर्छौं ।' जनताको ठूलो अपेक्षा रहेकाले पाँच वर्षभित्र समृद्ध नगर बनाउने उनको सपना छ । 

पाणिनि गाउँपालिकाको नियालीमा छुर्पी, पोखराथोक, खिदिम, पटैटी र मैदानमा बेमौसमी तरकारी उत्पादन भइरहेको छ । विदेशबाट फर्किएका युवाले कृषिबाट मनग्य आम्दानी भएपछि भिसा रद्द गराएका छन् । यहाँ उत्पादित वस्तु दैनिक जिप, ट्रक र बसमा पाल्पाको तानसेन र बुटवल बजार पुग्छ । बाटो कच्ची छ । वर्षामा अलि असहज हुन्छ । तानसेन-पोखराथोक-खिदिम सडक कालोपत्रे गर्ने गापा अध्यक्ष अच्युत गौतमको पहिलो योजना छ । मुहानको पानी पुग्ने गाउँसम्म सिँचाइ सुविधा पुर्‍याएर कृषि उत्पादन सहज बनाउने उनले बताए । खिदिमबाट दैनिक ५ सय लिटर दूध तानसेन जान्छ । पणेनामा जिल्लाकै धेरै सुन्तला उत्पादन हुन्छ । पढेलेखेका युवासमेत सुन्तला खेतीमा सक्रिय छन् । वर्षमा झन्डै तीन करोड रुपैयाँ बराबरको सुन्तला बाहिरिन्छ । अण्डा, बोइलर कुखुरा, दूध, सुन्तला खेती विस्तार, अन्नखेतीमा आधुनिकीकरण गरेर समृद्ध बनाउने योजना रहेको गौतमले बताए ।  

  • KP Pandey २०७४ भाद्र २०, मंगलवार

    छत्रदेव गाउँपालिकाको योजना बजेट के भैरहेको छ समचार रिपोर्टिँग होस।   
अन्य समाचार, भिडियो तस्बिरको लागि तल क्लिक गर्नुस्:
  प्रतिक्रिया दिनुहोस्       साथीलाई पठाउनुहोस्
तपाईंको पूरा नाम :
तपाईंको ईमेल :
साथीको ईमेल :
सन्देश :
       
अन्य जिल्ला समाचार
सन्धिखर्क नगरपालीकामा रहेका स्वास्थ्य संस्थाहरुमा अब औषधी अभाव नहुने
सन्धिखर्कको शान्ति बगैचाको सार्वजनिक शौचालय र सडक बिजोग, नेताहरुको चुनाव जित्न चिल्ला गफ र खोक्रा भाषण मात्र
अर्घाखाँचीमा निर्वाचन सुरक्षाका लागि म्यादी प्रहरी कार्यक्षेत्रमा खटिए (भिडियो-तस्बिर सहित)
कांग्रेसको चुनाव प्रचार प्रसार कार्यक्रम १ को अर्घातोष, भगवती र २ को नरपानीमा सम्पन्न
वामगठबन्धनको वाङ्गलामा वामगठबन्धनको चुनावी सभा सम्पन्न (तस्बिर सहित)
वाम गठबन्धनद्वारा मालारानी ८ मा चुनावी प्रचारमा तिव्रता (तस्बिर सहित)
अर्घाखाँचीमा राष्ट्रिय प्रजातन्त्र पार्टीले कांग्रेसलाई समर्थन गर्ने
सिद्धाराका मतदाता मंसिर २१ गते हुने चुनावको अघिल्लै दिन मतदान केन्द्र पुग्ने तयारीमा
पाणिनी बहुमुखी क्याम्पस सन्धिखर्कले मार्सिक शुल्क बृद्धि फिर्ता नगरे विधार्थीहरुले आल्दोलन गर्ने
वाम गठबन्धनको मालारानी ४ मा महिला-युवाको चुनावी भेला सम्पन्न
छत्रदेव गाउंपालिकाको वार्ड नं १ र नुवाकोटको लम्चीमामा राष्ट्रिय जनमोर्चाको चुनावी सभा सम्पन्न
भुमिकास्थान नगरपालिकाको नुवाकोट गनेरिबोट कमलीपोखरामा जीप दुर्घटना, १४ जना घाइते (तस्बिर र घाइतेको नामावली सहित)
अर्घाखाँचीमा तपाईंको मतदान केन्द्र कहाँ पर्‍यो, मतपत्र यस्तो हुनेछ (सम्पूर्ण विवरण सहित)
सन्धिखर्कमा त्रिबेणी बचत तथा ऋण सहकारी संस्था लिमिटेडको छैठौं बार्षिक उत्सव तथा स्थापना दिवस सम्पन्न
पणेना र अर्घामा राष्ट्रिय जनमोर्चाको चुनावी सभा सम्पन्न
कांग्रेस अर्घाखाँचीको चुनावी प्रचारप्रसार कार्यक्रम २ को खिल्जी, असुरकोट र १ को ठुलापोखरामा सम्पन्न
मतदाता रिझाउन नेताहरु गाउँगाउँमा, वाम गठवन्धनको चुनावी सभा बाँगीको गुराँसे, भण्डार र आरुखोर सम्पन्न (तस्बिर सहित)
त्रिबेणी सहकारी संस्था सन्धिखर्कको आयोजनामा सम्पन्न बक्तित्व कलामा ज्ञान प्रकास मावि सल्लीकोट प्रथम (तस्बिर सहित)
पाणिनी गाँउपालिकाको लहरेधाराले निर्वाचन वहिस्कार गर्ने संभावना वढ्यो स्थानीयवाँसी आक्रोशित
जलुके र धारापानीका बिभिन्न ठाउँमा राष्ट्रिय जनमोर्चाको चुनावी सभा सम्पन्न
http://go.oclaserver.com/afu.php?zoneid=1465736