arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
प्रतिनिधिसभा र प्रदेशसभा निर्वाचनपछि कसले सरकार बनाउला ?

बाम गठबन्धन
नेपाली कांग्रेस
थाहा भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
जिल्ला समाचार

अर्घाखाँचीमा आकाशबाट पानी परेपछि खानेपानीको दु:ख टर्योtext size increase   text size decrease   Print    rss (२०७४ आषाढ ३०, शुक्रवार)


वीरेन्द्र केसी कान्तिपुर   

बल्कोट, अर्घाखाँची । बल्कोटकी अस्मिता खनाललाई अहिले त्यति पानीको दु:ख छैन । वर्षायाम भएकाले आकाशबाट पानी परेपछि खानेपानीको दु:ख टरेको हो । घण्टौं पैदल हिँडेर गाग्रीमा पानी त बोक्नुपर्छ । तर, हिउँदमा दैनिक तीन/चार गाग्री बोक्नुपर्थ्यो । अहिले एक गाग्री ल्याए पुग्छ । 

'घर छेउमा दुईवटा घैंटा छन्,' उनले भनिन्, 'घरको छानोको पानी त्यही घैंटोमा संकलन गर्छौं । त्यसले भाँडा माझ्न, भंैसीलाई सुवाउन र खाना पकाउन काम लाग्छ । पिउनका लागि एक गाग्री बोके पुग्छ ।' सिमेन्टको घैंटोले वर्षाभर कुवाबाट पानी बोक्ने दु:ख छुटकारा भएको छ । हिउँदका बेला घंैटा रित्ता हुन्छन् । दैनिक पाँच/छ घण्टा समय खर्चेर डोकोमा पानी बोक्नुपर्छ, उनले भनिन् ।

केरुंगाका मोहन खनालले वर्षाभर कुवा धाउँदैनन् । आकाशबाट पानी पर्दा गाग्री, छाउला, ग्यालेन, ड्रम, बाल्टी आँगनमा थापेर भर्छन् । 'आकाशबाट सीधै झरेको पानीले पिउन र खाना पकाउँछु,' उनले भने, 'एउटा आठ र अर्को १० हजार लिटर अट्ने घैंटो छ । आकाशे पानीले भरिन्छन् । हिउँद लागेपछि रित्तिन्छन् ।' कुवाबाट एक गाग्री पानी ल्याउन एक घण्टा पैदल हिँड्नुपर्छ । 

'दिनमा पाँच गाग्रीसम्म उतार्छु,' उनले भने, 'वर्षाभर भुइँ घाँस र पानीको त्यत्ति दु:ख नभएपछि दुइटा भैंसी पाल्छु । वर्षा सकिएपछि पानी र घाँसको अभाव हुन्छ । त्यसपछि एउटा मात्रै भैंसी पाल्छु ।' साँझपख आकाशमा कालो बादल देखा परेपछि आँगनमा गाग्री, ताउला, कचौरासम्म थापेर राखिन्छ । राति पानी परे त बिहान भाँडा भरिन्छन् । नपरेको रात खाली हुन्छन् । कहिलेकाहीं रातमा पानी थाप्न राखेका भाँडासमेत चोरी हुन्छन्, उनले भने । 

विभिन्न गैरसरकारी संस्थाले एक दशकअघि घैंटा निर्माण गरिदिएपछि गाउँलेलाई राहत भएको छ । केहीले पशुलाई पोखरीमा पुर्‍याएर पानी खुवाउने गर्छन् । ‘वर्षामा थाप्लोबाट नाम्लो हट्छ,’ उदय विकले भने, ‘आकाशकै पानीको भर हुन्छ । कुवाको पानीमा यत्तिकै पिउँदा पेट दुख्ने र पखाला लाग्ने गर्छ, उमालेरै खानुपर्छ । तर, आकाशको पानी पिउँदा स्वास्थ्यलाई केही असर गरेको छैन ।’ जिल्लाको धेरैजसो भूगोल मध्यतराईजस्तै भएकाले ठूला नदी र पानीका मुहान धेरै छैनन् । केही गाउँमा हिउँदमा सिँचाइ कुलोको सुविधा भए पनि बल्कोट, केरुंगा, चिदिका, छत्रगन्ज, गोखुंगालगायत अधिकांश गाउँमा पिउने पानीको दु:ख छ । हिउँदमा धेरैजसो महिलालाई पानी बोक्ने सास्ती हुन्छ । पुरुष जति वैदेशिक रोजगार र स्वदेशमै अन्य पेसा र व्यवसायमा व्यस्त हुन्छन् । महिलाले घरको काम गर्नुपर्ने हुँदा पानी बोक्नैपर्ने हुन्छ । 

गोखुंगा सिमेदेउरालीमा कुवाबाट तीन घण्टा उकालोमा पानी बोक्न नसक्नेले लिटरको २ रुपैयाँमा किनेर खान बाध्य छन् । वर्षांैदेखि यहाँ खानेपानीको समस्या उस्तै छ । दिनहुँ पानी बोक्दा ढाड, घुँडा र पिठ्युँ दुख्ने अधिकांश महिला रोगी भएको देउरालीकी विमला घिमिरेले बताइन् । 'सक्दाको दिन त आफैं बोक्छु,' उनले भनिन्, 'बिरामी भएका बेला किनेर खान्छु ।' लिटरको दुई रुपैयाँ पर्छ । सिमेदेउराली साविकको गोखुंगा गाविस र छिमेकी प्युठानको अल्गामाझलगायतका गाउँको केन्द्र हो । व्यापारिक ठाउँ भएकाले पानीको दु:खकै कारण कसैले बसाइँसराइ गरेका छैनन् । जनसंख्या बढ्दो छ । यहाँका ६० घरमा करिब तीन सय जनसंख्या रहेको छ । करिब ३० घरपरिवारले मात्रै व्यापार व्यवसाय गर्छन् । वर्षामा आकाशे पानी भाँडा र घैंटामा संकलन गर्दा राहत मिल्छ । हिउँदमा बिहानै ३ बजे उठेर कुवामा लाइन लाग्नुपर्छ, उनले भनिन् । 

सबै घरमा ५ देखि १० हजार लिटर पानी अटने घैंटा छन् । वर्षामा हिलो र चिप्लो हुने भएकाले कुवामा धाउँदैनन् । अकाशे पानीकै भर भएको उनले बताइन् । धेरै बस्तीमा मुहानका स्रोत नभएकाले खोलाबाट लिफ्टमार्फत डाँडोमा पानी तान्ने र ट्यांकीमा संकलन गरेर वितरण गर्नुको विकल्प नभएको जिल्ला खानेपानी कार्यालय प्रमुख सुरतकुमार बमले बताए । सञ्चालित योजनामध्ये ८० प्रतिशत खानेपानीका योजना लिफ्ट प्रविधिका भएको र धमाधम काम भइरहेको उनले बताए । भर्खरै सम्पन्न स्थानीय तहको निर्वाचनबाट जनप्रतिनिधि चुनिएका छन् । भोट माग्दा खानेपानीको दु:ख हटाइदिन्छौं भन्ने वाचा गरेकाले गाउँले आशावादी छन् ।

अन्य समाचार, भिडियो तस्बिरको लागि तल क्लिक गर्नुस्:
  प्रतिक्रिया दिनुहोस्       साथीलाई पठाउनुहोस्
तपाईंको पूरा नाम :
तपाईंको ईमेल :
साथीको ईमेल :
सन्देश :
       
अन्य जिल्ला समाचार
पोखराथोकमा सूचनाको हक सम्वन्धी अभिमुखिकरण कार्यक्रम सम्पन्न
बुटवललाई प्रदेश नम्बर ५ को अस्थायी राजधानी तोकेपछि सन्धिखर्कमा दिपावली
नेविसंघ अर्घाखाँचीको बैठक महत्वपूर्ण निर्णय गर्दै सम्पन्न
सन्धिखर्कको सालारुख जगतामा ट्याक्सी दुर्घट्ना, २ जना घाइते (तस्बिर सहित)
अर्घाखाँचीमा नर्सको आन्दोलनका कारण अस्पताल प्रभावित
सन्धिखर्कमा पत्रकार भेटघाट, कसैले चाहदैमा पार्टी एकता नरोकिंने डिलाराम आचार्यको भनाई
खिदिममा सूचनाको हक सम्वन्धी अभिमुखिकरण कार्यक्रम सम्पन्न
सन्धिखर्कमा २० अौ भुकम्प सुरक्षा दिबस मनाइयो
अर्घाखाँचीमा निर्माणका कामहरु अगाडि सक्नेगरि अगाडि बढाउन सरोकारवालालाई निर्माण ब्यबसायी संघका अध्यक्षको अाग्रह
अर्घाखाँचीको सन्धिखर्क स्थित त्रिवेणीधाममा माघेसंक्रान्ती बिशेष कृषि मेला प्रदर्शनी तथा सास्कृतिक कार्यक्रम सम्पन्न ।
अर्घाखाँची समाज जापानद्दारा धारापानी साना औवलका क्यान्सर पिडितलाई आर्थिक सहयोग
पाणिनी ४ धौराली मावीमा आर्थिक हिनामिना
सन्धिखर्कमा साथी बचत तथा ऋण सहकारी संस्थाको पाँचौ साधारणसभा तथा दोस्रो अधिवेशन सम्पन्न, अध्यक्षमा धर्मराज भुसाल चयन
अर्घाखाँची संयुक्त बाम गठबन्धन रुपन्देहीद्दारा बुटवलमा जनप्रतिनिधीहरुलाई सम्मान
सन्धिखर्क ८ मा महिला स्वास्थ्य स्वयं सेविकाहरुलाई तालिम
सन्धिखर्कमा प्रदिप ज्ञवालीसँग संयुक्त पत्रकार सम्मेलन, एमाले र माओवादी केन्द्र बीचको पार्टी एकता पक्रिया अन्तिम चरणमा पुगेको भनाई
पणिनीमा नमूना बचत तथा ऋण सहकारी सस्थाको १४औ साधारण सभा सम्पन्न
सन्धिखर्कको बाँगी खाेलामा सरसफाइ कार्यक्रम सम्पन्न
सन्धिखर्कका नगरप्रमुख भुसालद्दारा समुन्नत र नमुना नगरपालिका बनाउने अाफ्नो प्रतिबद्धता कार्यान्यन तर्फ उन्मुख भएको उल्लेख
भुमिकास्थान ३ ले आगामी वर्षको मंसिर १५ मा पुर्ण सरसफाइ उन्मुख वडा घाेषणा गर्ने
http://go.oclaserver.com/afu.php?zoneid=1465736