नेपालका लागि अमेरिकाका नवनियुक्त राजदूत बोडीद्धारा राष्ट्रपतिसमक्ष आफ्नो ओहोदाको प्रमाणपत्र प्रस्तुत           (२०६९ भाद्र २६, सोमवार)

काठमाडौं । नेपालका लागि अमेरिकाका नवनियुक्त राजदूत पिटर डब्लु बोडीले आज राष्ट्रपति डा. रामबरण यादवसमक्ष आफ्नो ओहोदाको प्रमाणपत्र प्रस्तुत गरेका छन् ।


राष्ट्रपति भवन शितल निवासमा आयोजित समारोहमा उनले अन्य ५ देशका राजदूतसँगै ओहोदाको प्रमाणपत्र प्रस्तुत गरेका हुन् ।

ओहोदाको प्रमाणपत्र प्रस्तुत गर्ने अन्य देशका राजदूतहरुमा कतारका राजदूत अहमद जसिम मोहम्मद अलि हल हमार, हंगेरीका जानोस तेरेन्यी, तान्जानियाका जोन विलियम हर्वर्ट किजाजी, युक्रेनका अलेक्जान्डर सेचेन्को र आयरल्याण्डका फेइलिम म्याक लाउग्लीन छन् ।

समारोहमा प्रधानसेनापति, राष्ट्रपति कार्यालयका सचिव, परराष्ट्र सचिव लगायतको उपस्थिति थियो । RSS