मिस वर्ल्ड २०१२ मा चीनकी वेन जिया यू
(२०६९ भाद्र ४, आइतवार)
चीनकी वेन जिया यू विश्व सुन्दरी बनेका छिन् । चीनमा शनिबार सम्पन्न फाइनलमा १ सय १६ देशका सुन्दरीहरुलाई पछि पार्दै यूले विश्व सुन्दरीको ताज जितेकी हुन् । फस्ट रनर अप वेल्सी र सेकेण्ड रनर अप अष्ट्रेलियाकी सुन्दरीले बनेकी छिन् । मिस वर्ल्डबाट कुनै न कुनै उपाधि लिएर फर्किने आशा गरिएकी मिस नेपाल सृष्टि श्रेष्ठले अघिल्ला प्रतियोगीहरुकै नियत भोगिन् । उनी उत्कृष्ट १५ मा पनि परिनन् । बीच ब्युटी प्रतिस्पर्धाको १४ औं स्थानमा रहेपनि उनले सो उपाधि जित्न सकिनन् । चीनको ओर्डसमा शनिबार साँझ भएको ६२ औं मिस वर्ल्डमा आयोजक राष्ट्रकै सुन्दरीले उपाधि जितेकी हुन् । वेल्स सुन्दरी फस्ट रनर अप भइन् भने अष्ट्रेलियाली सुन्दरी सेकेन्ड रनर अप भइन् । उत्कृष्ट सातमा उनीहरुसहित जमैका, भारत, दक्षिणी सुडान र ब्राजिका सुन्दरी परेका थिए ।
ओर्डस, चीन । विश्व सुन्दरी प्रतियोगिताको ६२ औं श्रृंखलाको उपाधि चिनियाँ सुन्दरीले जितेकी छिन् । चीनको ओर्डोसमा भएको सुन्दरी प्रतियोगितामा १ सय १५ राष्ट्रका सुन्दरीलाई पछि पार्दै चीनकी सुन्दरी वेन जिया ऊले उपाधि जितेकी हुन् ।
फस्ट रनर अपमा वेल्स र सेकेन्ड रनर अपको उपाधि अष्ट्रेलियाकी सुन्दरीले जितेका छन् । यसअघि भारत, चीन, ब्राजिल,अष्ट्रेलिया, वेल्स, साउथ सुडान र जमैकन सुन्दरी फाइनल चरणमा पुगेका थिए ।
मिस सोसियल मिडिया र ब्यूटि विथ द पर्पसको उपाधि भारतीय सुन्दरी भान्या मिश्राले, बिच ब्यूटी वेल्सकी सुन्दरीले, स्पोर्टस् एण्ड फिटनेशको उपाधि स्विडेनकी सुन्दरीले, पर्फर्मिङ्ग ट्यालेन्टको उपाधि चिनियाँ सुन्दरीले र टप मोडलको उपाधि वेल्सकी सुन्दरीले जितेका छन् ।
नेपाली सहभागी सृष्टि श्रेष्ठ भने शीर्ष १५ बाटै बाहिरिएकी छिन् । सृष्टि बिच ब्यूटीको शीर्ष १० मा समेत पर्न सफल भए पनि उपाधि भने जितिनन् । कुनै समय शीर्ष १४ मा रहेकी सृष्टि त्यसपछि भने राम्रो प्रदर्शन नहुँदा शीर्ष १५ बाट बाहिरिएकी थिइन् ।
सन् १९९४ देखि नेपालले पनि सहभागीता जनाइरहेकामा चीनमा रहेकी सृष्टि सबैभन्दा सफल सहभागी मानिन्छिन् । केही बर्षदेखि बेलायतमा बस्दै आएकी २३ वर्षीया श्रृष्टि नर्सिङ्ग गर्दैछिन् । यसअघि कुनै पनि नेपालीले शीर्ष ३० भित्र पर्न सकेका थिएनन् ।
सन् २०१३ को विश्व सुन्दरी प्रतियोगिता ईन्डोनेसियाको बालीमा हुँदैछ ।
