बुटवलजेठ १ । लुम्बिनी प्रादेशिक माच नेपालको सोमबार बुटवलमा सम्पन्न केन्द्रीय समितिको बैठकले लुम्बिनी प्रदेशको अबिलम्ब घोषणा गर्न सरकारसंग जोडदार माग गर्दै लुम्बिनी प्रदेशमा आवद्ध हुन चाहाने लुम्बिनी अाचल लगायत यस आसपासका वासिन्दाहरुलाई माच सँग सम्पर्क गर्न आह्वान गरेको छ ।

लुम्बिनी अाचलसँग जोडिएको जिल्ला प्यूठान लुम्बिनी प्रदेशमा हुनु पर्छ भन्ने मान्यता स्थानीय वासिन्दाहरुको रहेकाले माचको केन्द्रीय सदस्यमा प्यूठानका पूर्व जि।वि।स। उपसभापति रमेशराज भण्डारी मनोनित हुनुभएको छ । यसै गरी केन्द्रीय समितिमा मनोनित हुनेहरुमा बाबुराम चौधरी निलकण्ठ गौतम राजु गुङ्ग विमला पन्थी भिम तुलाचन सरिता आचार्य टंक पराजुली देवी भण्डारी परशुराम चौधरी गणेश थापा मगर हुनुहुन्छ ।

 

यस्तै गरी बैठकले देवेन्द्र घिमिरे बालकृष्ण चापागाई कमल गौतम तिलक आचार्यबुटवल झपेन्द्र जि।सी।पाल्पा कमल श्रेष्ठगुल्मी रमेशराज भण्डारीप्यूठान नरेन्द्रकुमार क्षेत्रीअर्घाखाँची भविन्द्र पोखरेलकपिलवस्तु वृहस्पति अधिकारीनवलपरासी लगायतको केन्द्रीय  सचिवालय गठन गरेको छ ।

 

बैठकले लुम्बिनी प्रदेशको अवधारणा तयार गर्नका तिलक आचार्य झपेन्द्र जि।सी। देवी भण्डारीलाई जिम्मेवारी दिने निर्णय गरेको छ । यस्तै बैठकले कार्यालय व्यवस्थापनमा टंक पराजुली सिद्धिचरण भट्टराई लगायतलाई जिम्मेवारी दिएको छ । साथै बैठकले विभिन्न जिल्ला र क्षेत्र गरी १५ स्थानमा शाखा गठन गर्ने निर्णय गरेको छ ।

यस्तै गरी २०६९ जेठ ३ गते माचको आयोजनामा वृहत लुम्बिनी प्रदेशको  अवधारण पत्र प्रस्तुत गर्ने गरी बुटवलको मिडियाचोकमा विहान ८ बजे सडक पत्रकार सम्मेलन  गर्ने निर्णय गरेको छ । त्यस्तैगरी जेठ ५ गते ५ बजे लुम्बिनी प्रदेश घोषणाको माग गर्दै पुष्पलाल पार्कबाट जनर् याली शुरु गरी  मिडियाचोकमा जनसभा गर्ने भएको  र  सो जनसभामा लुम्बिनी प्रदेशका पक्षधर सम्पूर्ण जनसमुदायलाई  उपस्थितिकालागि आव्हान गरिएको छ । 

 
बैठकले लुम्बिनी प्रदेश भन्नाले उत्तरमा हिमाली क्षेत्र दामोदर कुण्ड मुक्तिनाथ कालिगण्डकी आसपासका जिल्ला र  क्षेत्र सेतीबेणी राम्दी देवघाट त्रिवेणी रामग्राम लुम्बिनी कपिलवस्तु राप्तीनदी स्वर्गद्वारी प्यूठान हुँदै उत्तरमा हिमाल लगाएतको क्षेत्रलाई समेटी लुम्बिनी प्रदेश घोषणा गर्नु पर्ने माग पनि अघि सारेको छ ।

माचका संयोजक बालकृष्ण चापागाईको अध्यक्षतामा बसेको सो बैठकले लुम्बिनी प्रादेशिक माच नेपालद्वारा ँलुम्बिनी प्रदेशमा यहाँहरुलाई हार्दिक स्वागत गर्दछौं  भन्ने नारालाई मूख्य-मूख्य नाकाहरुमा भित्तेलेखन तथा होडिङ्गबोर्डमार्फत प्रचार-प्रसार गर्ने  निर्णय पनि गरेको छ ।