arghakhanchi
मिति:
*स्थानीय निर्वाचन २०७४ ! Local Election 2074 *
भर्खरै
थप समाचार
बिज्ञापनहरु Advertisements
banner
banner
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
banner
 
जिल्ला समाचार

अर्घाखाँचीमा द्वन्द्वकालमा बन्दुक बोकेका उम्मेदवारtext size increase   text size decrease   Print    rss (२०७४ आषाढ ६, मंगलवार)


वीरेन्द्र केसी कान्तिपुर 

सन्धिखर्क, अर्घाखाँची । कुनै बेला सशस्त्र युद्धमा सामेल लडाकुलाई शान्तिपूर्ण राजनीतिक प्रतिस्पर्धा जटिल लागेको छ । उनीहरू 'बुलेट र ब्यालेट' शक्तिबीच भिन्नता छुट्याउँदै छन् । भन्छन्, 'बुलेटको राजनीतिभन्दा ब्यालेटको राजनीति गाह्रो ।'

ठाकुर कुमार विक २०५५ मा भूमिगत भएका थिए । ०५६ मा सुरक्षाकर्मीको गोली प्रहारबाट जोगिए । ०५७ मा अर्घाबाट पक्राउ परेपछि साढे ८ महिना जेलमा बिताए । सुरक्षाकर्मीले किशोरलाई पक्राउ गरेपछि तत्कालीन माओवादीले कांग्रेसका जिल्ला नेता श्यामनाथ घिमिरेलाई अपहरण गरी डेढ महिना भूमिगत राखेको थियो । त्यति बेला कांग्रेस र माओवादीबीच दुवैलाई बचाउने सहमति बन्यो । कांग्रेसले विकलाई गुल्मी जेलबाट छुटाएर अर्घातोषको डाँडाकटेरीमा ल्याएर माओवादीलाई बुझायो र घिमिरेलाई पनि माओवादीले कांग्रेसलाई जिम्मा लगाए । 

अहिले संयोग यस्तो जुट्यो, कांग्रेस नेता कमलप्रसाद भुसालसँग सन्धिखर्क नगरपालिका मेयरको चुनावमा विक भिड्दै छन् । 'नछुटाएको भए मरिन्थ्यो या बाँचिन्थ्यो थाहा छैन, नयाँ जीवन पायौं । त्यसपछि २०५८ मा जनमुक्ति सेनाको प्लाटुन कमिसार कमान्डरको जिम्मा पाएँ,' विकले भने, 'त्यति बेला हाम्रो एउटै लक्ष्य हुन्थ्यो, दुश्मनलाई कसरी पराजित गर्ने । 

फौजी र राजनीतिक ढंगले पुरानो सत्तालाई विस्थापित गरी जनसत्ता स्थापना गर्ने,' उनले भने । ०५९ मा जिल्ला सेक्रेटरी भएका विक अहिले माओवादी केन्द्रको जिल्ला संयोजक छन् । उतिबेला हातमा बन्दुक र क्रान्तिको मात्रै सोचाइ हुने गरेकामा अहिले कसरी धेरै मत ल्याएर चुनाव जित्ने भन्ने ध्यान रहेको उनले बताए । माओवादी केन्द्रका तर्फबाट विक सन्धिखर्क नगर प्रमुखमा भिड्न मतदाताको घरदैलोमा पुगेर मत माग्न व्यस्त छन् । 

'युद्धका बेला जनसरकार थियो,' उनले भने, 'सत्ता, सेना, जनअदालत र जनता थिए । धेरैसँग समन्वय गर्नुपर्ने थिएन, आदेश पालना हुन्थ्यो । अहिले पहिलोपटक चुनाव लड्दै छु । धेरै मतदातालाई चित्त बुझाएर जनताको मतले जित्नुपर्नेछ ।' युद्ध र चुनाव फरक छन् । तर, जनसरकार र युद्धजस्तो सहज चुनाव छैन । 'नगरभित्रका सबै जनताको घरदैलोमा पुग्दै छु,' उनले भने, 'मतदाताले सहानुभूति देखाएका छन्, युद्धका बेला पुरानो सत्ताका सुरक्षाकर्मीको आक्रमण रक्षात्मक ढंगले पराजित गथ्र्यौं । तर, चुनावी आक्रमणलाई रणनीतिक ढंगले जित्नुपर्ने रहेछ,' उनले भने । 

२०५९ र ०६१ मा जिल्ला सदरमुकाम आक्रमण गर्नमा योजनाकारमध्ये विक एक थिए । थुप्रै भिडन्तमा परेको उनले बताए । 'युद्धका बेला बन्दुक र क्रान्तिबाट देश परिवर्तन गर्न सकिन्छ भन्ने थियो, शान्ति प्रक्रियापछि गणतन्त्र र संघीयताका मुद्दा सफल भए,' उनले भने, 'अब नगर र गाउँबस्तीको विकास र स्मार्ट सिटी बनाउँछु भन्दै भोट मागेको छु ।' स्थानीय तहको चुनावमा ३ नगर र ३ गाउँपालिकामा द्वन्द्वकालमा बन्दुक बोकेका केही व्यक्ति उम्मेदवार भएका छन् । 

भूमिकास्थान नगरको उपमेयरमा छमकुमारी खनाल, मालारानी गाउँ प्रमुखमा प्रकाश ज्ञवाली, पाणिनि गाउँमा जाकिर हुसेन, उपमा विमला घिमिरे, शीतगंगा-१४ को वडाअध्यक्षमा जुद्धबहादुर दर्लामी, ११ मा विष्णु परियार, सन्धिखर्क नगर ५ को वडा सदस्यमा धर्मराज भुसाल चुनावी मैदानमा छन । सबैका आ-आफ्नै अनुभव छन् । 

अन्य समाचार, भिडियो तस्बिरको लागि तल क्लिक गर्नुस्:
  प्रतिक्रिया दिनुहोस्       साथीलाई पठाउनुहोस्
तपाईंको पूरा नाम :
तपाईंको ईमेल :
साथीको ईमेल :
सन्देश :
       
अन्य जिल्ला समाचार
सिद्धाराका गाउँमा बिजुली पुगेको छैन, मोटरबाटो छैन ! सधैं आश्वासन मात्र
पाणिनी गाउँपालिकाकाे केन्द्र दुर्गाफाटमा: कांग्रेस उम्मेदवार
अर्घाखाँचीमा तालमेलले खोसिए नेत्रीका अवसर
अर्घाखाँची पुरै चुनाव केन्द्रीत, आफु २४ सै घण्टा ड्युटीमा रहेको मुख्य निर्वाचन अधिकृतको भनाई
नरपानीका जुम्ल्याहा दाजुभाई सन्धिखर्क नगरपालिका - ६ को वार्ड अध्यक्षमा प्रतिस्पर्दा
गोरसिंगेमा १९ बर्षिया युवतीलाई अर्घाखाँचीका दुई युवाद्वारा सामूहिक बलात्कार, दुवै एमाले, कांग्रेस कार्यकर्ता
अर्घाखाँचीका कृष्ण ३ बर्षपछि विदेशबाट घर फर्किदा न श्रीमति साथमा न पैसा हातमा
बल्कोट प्राथमिक स्वास्थ्य केन्द्रमा ३ डाक्टर, औषधिको कमि छैन
पाणिनीको मैदानमा कांग्रेसको चुनावी प्रसारमा गएको जिप दुर्घट्ना हुँदा १ जनाको मृत्‍यु, कयौ घाइते
शीतगंगा नगरपालिकाको सिमलपानीमा चुनावी नारा भोट दिनुस् तपाईंको पुर्जा बनाइदिन्छौं
बल्कोट र केरुंगामा खानेपानी सहज बनाइदिने आश्वासन बाँडेर मत तान्ने होडबाजी
एमाले भूमिकास्थानका उम्मेदवारहरुद्वारा उम्मेदवारी दर्ता, विपक्षी तालमेलका बावाजुत कार्यकर्ता उत्साहित
अर्घाखाँचीमा विप्लव नेपाल कम्युनिस्ट पार्टीेका जिल्ला सचिवालय सदस्य चौहान गिरफ्तार
१८ हजार मतदाता रहेकाे भुमिकास्थान नगरपालिकामा राष्ट्रिय जनमोर्चाद्वारा ठुलो शक्ति प्रदर्शन सहित उम्मेदवारी दर्ता, ७ हजार बढीको उपस्थिती
अर्घाखाँचीमा शान्तीपुर्ण तवरमा उम्मेद्धारी दर्ता सम्पन्न, दुई तहमा कांग्रेस माओवादीले प्रमुखमा उम्मेद्धार उठाएन (उम्मेदवारको नामावली सहित)
एमाले सन्धिखर्कका उम्मेदवाहरुद्वारा उम्मेद्वारी दर्ता, आकाशमा पनि फहरायो सुर्य चिन्ह अंकित झण्डा
भुमिकास्थान नगरपालिकामा राष्ट्रिय जनमोर्चाद्वारा आफ्नो उम्मेदवारी दर्ता, हजारौं समर्थकहरुको उपस्थिती (तस्बिर सहित)
राष्ट्रिय जनमोर्चाले अर्घाखाँचीभर आफ्नो उम्मेदवारी दर्ता गरायो
अडगुरीका अण्डा व्यवसायीको वार्षिक कारोबार एक करोड २६ लाख रुपैयाँ
अर्घाखाँचीमा निर्वाचनको लागि सम्पूर्ण तयारी पूरा, उम्मेदवारी दर्ता भोली बिहान ८ बजेदेखि ४ बजेसम्म (सम्पूर्ण विवरण सहित)