नेपालमा वार्षिक ९० अर्व रुपैयाँ बराबरको धान उत्पादन हुने एक तथ्याङ्ग सार्वजनिक    
(२०६९ आषाढ १४, बुधवार)
नेपालमा वार्षिक ९० अर्व रुपैयाँ बराबरको धान उत्पादन हुने एक तथ्याङ्ग सार्वजनिक भएको छ । कृषि विभागले आज राजधानीमा पत्रकार सम्मेलन गरी यस्तो जानकारी दिएको हो ।
आर्थिक वर्ष २०६४–०६५ मा धानको उत्पादकत्व २ दशमलव ७ प्रतिशत रहेकोमा ०६८–०६९ मा आईपुग्दा उत्पादकत्व ३ दशमलव ३ प्रतिशतले बढेको छ ।
नेपालमा धानको उत्पादकत्व क्षमता प्रति हेक्टर ५ मेट्रिकटन हुँदाहुंदै पनि साधन र स्रोतको अभावका कारण धानको उत्पादकत्व बृद्धि हुन नसकेको कृषि विभागको भनाइ छ ।
पत्रकार सम्मेलनमा आगामी असार १५ गते नवौं राष्ट्रिय धान दिवश तथा रोपाईं महोत्सव आयोजना गरिने पनि जानकारी दिइएको थियो । कृषि मन्त्रालय, कृषि विभाग र संस्कृति मन्त्रालयको संयुक्त आयोजनामा काठमाडौंको काभ्रेस्थली गाबिसमा रोपाई महोत्सव आयोजना गरिन लागेको हो । RSS | 
