arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
नेकपा एमाले र नेकपा माओवादी केन्द्रको संयुक्त बाम गठबन्धनको सरकार केपी शर्मा ओलीको नेतृत्वमा पाँच वर्ष चल्दा ठीक कि आधा समय अर्थात साढे २ वर्षपछि नेकपा माओवादी केन्द्रका पुष्पकमल दाहालको नेतृत्वमा पुन: आलोपालो सरकारको निरन्तरता दिन ठीक ?

आलोपालो ठीक
ओलीको निरन्तरता ठीक
थाहा भएन
हुनेवाला केही होइेन

भोट दिनुहोस् परिणाम हेर्नुहोस्
पुराना मत परिणामहरु
PropellerAds
बिज्ञापनहरु
 
राष्ट्रिय समाचार

प्रधानमन्त्री देउवाको पश्चिम क्षेत्रको भ्रमण कार्यक्रम २८ गतेबाट, ८० सीट जित्ने दावी text size increase   text size decrease   Print    rss (२०७४ कार्त्तिक २७, सोमवार)

world news

ललितपुर, २७ कार्तिक । नेपाली कांग्रेसका सभापति तथा प्रधानमन्त्री शेरबहादुर देउवाले यही कार्तिक २८ गतेदेखि पश्चिम नेपालको भ्रमण गर्नुहुने भएको छ ।

नेपाली कांग्रेसको केन्द्रीय निर्वाचन परिचालन समितिका संयोजक तथा नेपाली कांग्रेसका केन्द्रीय सदस्य बालकृष्ण खाँणले सोमबार नेपाली कांग्रेसको केन्द्रीय कार्यालय सानेपामा आयोजित पत्रकार सम्मेलनमा सो जानकारी दिनुभएको छ ।

संयोजक तथा केन्द्रीय सदस्य खाँणले दिनुभएको जानकारी अनुसार कार्तिक २८ गते प्रधानमन्त्री नेपालगञ्ज प्रस्थान  गर्नुहुनेछ । सोही दिन उहाँले सुरक्षा निकाय र प्रशासनिक निकायका प्रमुखहरुसंग शान्ति सुरक्षा र अन्य विषयमा छलफल गर्नुहुनेछ । सोही दिन प्रधानमन्त्रीले अन्य दलका प्रतिनिधि, लोकतान्त्रिक गठबन्धनका प्रतिनिधि सहित स्थानीय नेताहरु र नेपाली कांग्रेसका सो क्षेत्रका उम्मेदवार तथा कार्यकर्ताहरुसंग पनि भेटघाट गर्नुहुनेछ ।

प्रधानमन्त्री देउवा २९ गते धनगढी पुग्ने कार्यक्रम छ । सो दिन उहाँले पार्टीका उम्मेद्वार तथा नेता र कार्यकर्ताहरुसंग भेटघाट गर्नुहुनेछ ।  सोहि दिन प्रधानमन्त्रीले अन्य पार्टीका नेता,कार्यकर्तासंग सम्वाद गर्नुहुनेछ । सो दिन प्रधानमन्त्री तथा पार्टी सभापति देउवाले धनगढीमा अन्य पार्टीबाट नेपाली कांग्रेसमा प्रवेश गर्ने राजनीतिकर्मीहरुलाई स्वागत गर्ने कार्यक्रम पनि रहेको छ । 

सो दिन उहाँले सुदूर पश्चिमाञ्चलका प्रशासक र सुरक्षा निकायका प्रमुखहरुसंग क्षेत्रको शान्ति,सुव्यवस्था र सुरक्षाका बारेमा छलफल गर्नुहुने कार्यक्रम रहेको छ  ।

३० गते प्रधानमन्त्री देउवा गृह जिल्ला डँडेलधुरा पुग्ने कार्यक्रम छ ।

प्रधानमन्त्री देउवाले गृहजिल्लालाई नै मुकाम बनाएर सुदूर पश्चिमाञ्चलका विभिन्न जिल्लाको निर्वाचन अभियानलाई गति दिदै आमसभाहरुलाई संबोधन गर्ने कार्यक्रम रहेको छ । नेपाली कांग्रेस केन्द्रीय निर्वाचन परिचालन समितिका संयोजक एवम् केन्द्रीय सदस्य बालकृष्ण खाँणका अनुसार प्रधानमन्त्री देउवाले मंसिर १ गते दार्चुला र बैतडीका चुनावी सभाहरुलाई संबोधन गर्ने कार्यक्रम छ । 

मंसिर २ गते प्रधानमन्त्री देउवाले बझाङ्ग र बाजुराका आमसभाहरुलाई संबोधन गर्नुहुनेछ । जिल्ला भ्रमणका अवसरमा प्रधानमन्त्री देउवाले जिल्लाको शान्ति सुरक्षाको अवस्थाका बारेमा प्रशासक र सुरक्षाकर्मीहरुसंग जानकारी लिनुका अतिरिक्त नेपाली कांग्रेस र लोकतान्त्रिक गठबन्धनका नेता र कार्यकर्ताहरुसंग पनि भेटघाट गर्ने कार्यक्रम रहेको छ ।

प्रधानमन्त्री त्यसपछि रुकुम,रोल्पा जाजरकोट, जुम्ला, हुम्ला र मुगुका चुनावी सभाहरुलाई संबोधन गर्न पनि जाने कार्यक्रम रहेको छ तर दिन भने निर्धारित भएको छैन ।

८० सीट जित्ने दावी 

नेपाली कांग्रेसको केन्द्रीय निर्वाचन परिचालन कमिटिका संयोजक समेत रहनुभएका नेपाली कांग्रेसका केन्द्रीय सदस्य खाँणले निर्वाचनको प्रचार अभियान प्रारम्भ भएपछि विपक्षी दलहरुको तुलनामा नेपाली कांग्रेसको स्थिति झन सुदृढ हुँदै गएको बताउनुभएको छ ।

उहाँले पहिले ८० सीट जित्ने दावी गरिएकोमा त्यसमा केही थपिने स्थिति रहेको बताउनुभयो ।

उहाँँले प्रधानमन्त्री तथा पार्टी सभापतिले २५ गते ताप्लेजुङ्गबाट आरम्भ गर्नुभएको चुनावी अभियानको निकै राम्रो प्रभाव परेको पनि बताउनुभयो । “चुनावी परिचालन र सभापतिको भ्रमण पछि जनताको समर्थन बढेर आएको छ ” नेता खाँणले भन्नुभयो ।

नेता खाँणले प्रधानमन्त्रीको प्रचार अभियानले स्थानीय जनताका समस्याहरुको संबोधनलाई सहज बनाएको र मतदातासंगको साक्षात्कारले पार्टीप्रतिको विश्वास अभिबृद्धि हुन गएको पनि दावी गर्नुभयो । उहाँले संविधानको रक्षा, नागरिक अधिकारको रक्षा, स्थानीय विकास, कृषि प्रविधि र आधुनिकीकरण,धार्मिक स्वतन्त्रता र पर्यटन विकासका बारेमा नेपाली कांग्रेसको धारणा स्पष्ट पार्न ती सभाहरु अत्यन्तै फलदायी भएको जिकीर गर्नुभयो ।

ताप्लेजुङ्गमा अलैची खेतिको अनुसन्धान र बजार विस्तारको लागि केन्द्र स्थापना गर्ने पाँचथरमा किराँत धार्मिक गुरु फाल्गुणानन्दको तपोभूमिलाई व्यवस्थित तवरले विकास गरी संसारभर कीर्ति फैलाउन विकास समिति गठन गर्न नेपाली कांग्रेसले प्रतिबद्धता व्यक्त गरेको पनि बताउनुभयो । उहाँले स्थानीय र  रणनीतिक सडकहरुको स्तरोन्नति, पर्यटकीय र धार्मिक स्थलहरुको संरक्षण र सम्बर्धनका विषयलाई पनि नेपाली कांग्रेसले गम्भीरतापूर्वक समाधान गर्ने वचनबद्धता व्यक्त गरेको पनि बताउनुभयो ।
पार्टी एकताबद्ध भएर मैदानमा नेपाली कांग्रेसको केन्द्रिय निर्वाचन परिचालन समितिका संयोजक खाँणले पार्टी अहिले एकताबद्ध भएर चुनावमा होमिएको पनि बताउनुभयो ।

उहाँले पार्टीले निर्वाचन परिचालनका लागि केन्द्रमा आफ्नो संयोजकत्वमा निर्वाचन परिचालन समिति गठन गरेको र त्यस अन्तरगत प्रचारप्रसार समन्वय उपसमिति, शान्तिसुरक्षा उपसमिति, आर्थिक समृद्धि तथा विकास उपसमिति, मतदाता शिक्षा उपसमिति, राष्ट्र सेवक समन्वय उपसमिति, जनसम्पर्क समन्वय उपसमिति, कलाकर्मी र खेलाडी परिचालन उपसमिति, आचार संहिता अनुगमन उपसमिति लगायत विभिन्न राजनीतिक र प्राविधिक उपसमितिहरु बनाइएको पनि बताउनुभयो । 

उहाँले सबै उपसमितिहरुले कार्यादेश अनुरुप जिम्मेवारीपूर्वक काम सम्पन्न गर्ने विश्वास व्यक्त गर्दै यो निर्वाचनलाई सुव्यवस्थित ढंगले परिचालन गरेर नेपाली कांग्रेस र लोकतान्त्रिक गठबन्धनको पक्षमा बहुमत आउने विश्वास व्यक्त गर्नुभयो । 

नेता खाँणले पहिलो चरणको निर्वाचन हुने ३२ वटा जिल्लामा परिचालन समितिका सदस्यहरुलाई केन्द्रीय प्रतिनिधिहरुको रुपमा खटाइएको र उहाँहरुले जिल्लामा समन्वय कायम गर्दै पार्टीलाई परिचालन गरेर नेपाली कांग्रेसका उम्मेद्वारहरुलाई विजयी बनाउन प्रभावकारी भूमिका खेल्नुहुने विश्वास व्यक्त  गर्नुभयो । उहाँले भन्नुभयो,“उहाँहरुले जिल्ला समिति मातहतका सबै तहलाई गतिशीलताका साथ परिचालन गर्नुहुनेछ । नेपाली कांग्रेसका उम्मेदवारलाई विजयी बनाउन महत्वपूर्ण भुमिका खेल्नुहुनेछ ।”
केन्द्रीय प्रतिनिधिहरुले पार्टीलाई स्थानीय मतदान केन्द्रसम्म नै गतिशील बनाएर लोकतन्त्रको पक्षमा क्रियाशील गराउने विश्वास गर्दै भन्नुभयो आधिकारिक भातृ र शुभेच्छुक संस्था बाहेक अन्य व्यवसायिक संगठनहरुको सहयोग र सद्भाव लिन पनि उहाँहरुको क्रियाशीलता रहनेछ ।

नेता खाँणले नेपाली कांग्रेस अहिले खसेका मतहरु बदर नहोस भनेर गम्भीर भएको पनि उल्लेख गर्नुभयो । गत स्थानीय निर्वाचनमा झण्डै १ दशमलव ७ प्रतिशत म तबदर भएको थियो । 

केन्द्रीय प्रतिनिधिहरुलाई लोकतान्त्रिक गठबन्धनका लागि बलियो आधार तयार पार्न अन्य पार्टीका नेताकार्यकर्तासंग सम्बाद गर्ने जिम्मेवारी पनि दिइएको उहाँले बताउनुभयो । उहाँले सञ्चारकर्मीहरुसंगको सम्बन्ध सहज बनाउन जिल्ला जिल्लामा प्रचार समिति र त्यस अन्तरगत मिडिया सेन्टर स्थापना गर्न पनि पत्राचार भैसकेको पनि बताउनुभयो ।

नेता खाँणले पार्टीका घोषणापत्र सहित आधिकारिक समाचार सन्देशहरु सञ्चारकर्मीलाई उपलब्ध गराउन केन्द्रमा स्थापना गरिएको मिडिया सेन्टर सञ्चालनमा आइसकेको  पनि बताउनु भयो ।
नेपाली कांग्रेसले पहिलो चरणको निर्वाचन हुने ३२ जिल्लाका प्रतिनिधिसभाका ३७ सीट मध्ये ३५ स्थानमा आफ्ना उम्मेदवार उठाएको छ । भने प्रदेशसभाका ७४ सीट मध्ये ८ वटा गठबन्धनका अन्य दलहरुलाई दिएर ६६ सीटमा आफ्ना उम्मेदवार उठाएको छ । 

दोस्रो चरणमा  निर्वाचन हुने ४५ जिल्लाका १ सय २८ सीटमा १० अरुलाई समर्थन गर्दै नेपाली कांग्रेसले १ सय १८ सीटमा आफ्नो उम्मेदवारी दिएको छ ।

नेता खाँणले चुनावी शैलीमा पनि परिवर्तन ल्याएको र  नेपाली कांग्रेसप्रतिको  समर्थन बढ्दै गएको पनि दावी गर्नुभयो । 

अन्य समाचार, भिडियो तस्बिरको लागि तल क्लिक गर्नुस्:
  प्रतिक्रिया दिनुहोस्       साथीलाई पठाउनुहोस्
तपाईंको पूरा नाम :
तपाईंको ईमेल :
साथीको ईमेल :
सन्देश :
       
अन्य राष्ट्रिय समाचार
फागुन १२, १३ र १४ गते हात्तीपाइले रोगविरुद्धको औषधि खुवाइने
काठमाडौंका ६ स्थानमा जुलुस, प्रदर्शन, धर्ना, घेराउ वा विरोध प्रदर्शनका कार्यक्रम गर्न नपाइने
राष्ट्रियसभा सदस्यमा तीनजनाको मनोनयन
एमाले र माओवादी केन्द्रबीच पार्टी एकता गर्ने सहमति, सातबुँदे सहमतिमा हस्ताक्षर
फागुन २१ गते संघीय संसदको अधिवेशन आह्वा‍न
कपिलबस्तुको नेपाल-भारत सीमा क्षेत्र मर्यादपुर खुनुवा क्षेत्रमा बृहत सरसफाइ
प्रधानमन्त्रीद्वारा सुखी नेपाली र समृद्धि नेपाल अपरिहार्य उल्लेख
संघीय संसदमा १३ समिति रहने गरी संसद् नियमावलीको प्रारम्भिक मस्यौदा तयार
प्रदेश ७ का मुख्यमन्त्री भट्टलगायत मन्त्रीहरुद्वारा पदभार ग्रहण
एमाले र माओवादी केन्द्रबीच पार्टी एकताको गाँठो अझै फुक्न सकेन
मध्यमर्स्याङ्दी जलविद्युत् आयोजना मर्मतका लागि दश दिन बन्द हुने
राष्ट्रिय जनमोर्चाका चित्रबहादुर केसीद्दारा एमाले र माओवादी केन्द्रबीच एकता हुन नसक्ने उल्लेख
पूर्ववर्ती सरकारले राष्ट्रिय सभा सदस्य मनोनयनका लागि सिफारिस गरेका तीन जनाको नाम फिर्ता लिने तयारी
प्रदेश नम्बर–६ मा वाम गठबन्धनका दुई दलबीच मन्त्रालयको भागबन्डा टुंगो
काठमाडौंका भूकम्पपीडितलाई २५ लाख ऋण २ प्रतिशत ब्याजदरमा दिन पहल
कैलालीको गोदावरीमा बस दुर्घटना, दुई दर्जन बढी घाइते
अबको दुई दिनभित्र मन्त्रिमन्डल विस्तार हुने
सिन्धुलीको भद्रकाली सडकखन्डमा जिप दुर्घटना, चारजनाको मृत्यु, १८ जना गम्भीर घाइते
प्रदेश नम्बर–३ को स्थायी राजधानी हेटौंडाबाट अन्यत्रै सार्नुपर्ने सांसदहरुको माग
नवनियुक्त प्रधानमन्त्री ओलीद्दारा निर्वाचन सम्पन्न गराउन योगदान दिने सम्पूर्ण नागरिक र मतदातालाई आभार व्यक्त
http://go.oclaserver.com/afu.php?zoneid=1465736