arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
प्रतिनिधिसभा र प्रदेशसभा निर्वाचनपछि कसले सरकार बनाउला ?

बाम गठबन्धन
नेपाली कांग्रेस
थाहा भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
जिल्ला समाचार

सुपा देउरालीमा आउने धार्मिक पर्यटकको संख्यामा वृद्धि, नयाँ वर्षको दिन १२ हजार बढीले दर्शन गरेtext size increase   text size decrease   Print    rss (२०७४ वैशाख ५, मंगलवार)

प्रेम आचार्य 

सन्धिखर्क, अर्घाखाँची  । प्रसिद्ध धार्मिकस्थल सुपा देउरालीमा आउने धार्मिक पर्यटकको संख्यामा वृद्धि भएको छ । एक वर्ष पहिलाको तुलनामा आजभोलि आउने दर्शनार्थीको संख्यामा दोब्बरभन्दा बढीले वृद्धि भएको छ । विगत वर्षमा दैनिक दुई सयदेखि एक हजार जनाले दर्शन तथा पुजाआजा गर्ने गरेकोमा अहिले दैनिक एक हजारदेखि दुई हजार जनाले दर्शन गर्ने मन्दिर संरक्षण समितिका अध्यक्ष पृतम थापाले बताउनुभयो ।


नयाँ वर्षको पहिलो दिन १२ हजारभन्दा बढीले दर्शन गरेको र उक्त दिन मन्दिरमा एक लाख नौ हजार आठ सय रुपैयाँ भेटी उठेको उहाँको भनाइ छ ।नेपाललाई मन्दिरैमन्दिरको देश भनेर विदेशीले चिन्ने गर्छन् । यहाँ धेरै मन्दिर छन् । मासिक रूपमा करोडौं भेटी उठ्ने मन्दिर पनि छन् । मन्दिरमा उठेको भेटी कहाँ खर्च हुन्छ भन्ने खासै लेखाजोखा हुँदैन ।केही ठूला र देशका प्रमुख मन्दिरमा बेलाबेलामा देवीदेवताको नाममा श्रद्धापूर्वक चढाएको भेटी दुरुपयोग हुने गरेको, मन्दिरका पुजारी र सञ्चालकले हिनामिना गरेको सुन्न सकिन्छ ।

सुपा देउराली मन्दिरसम्म आउने केबुलकार, पश्चिममा सिद्ध मन्दिर आउने पुल तथा साहसिक पदमार्गको निर्माण गर्न सके यो नेपालको प्रमुख धार्मिक तथा पर्यटकीयस्थल बन्न सक्छ ।


जिल्लाको सन्धिखर्क नगरपालिका वडा नं. ७ खाँचीकोटमा रहेको धार्मिक तथा ऐतिहासिक महत्व बोकेको सुपा देउराली मन्दिर पनि धेरै भेटी संकलन हुने मन्दिरमध्ये पर्छ । यहाँ उठेको भेटीबाट विकास निर्माणका काम भइरहेका छन् । मन्दिरमा चढाइएको भेटीबाट आदर्श मावि खाँचीकोटमा ६ जना र शान्ति निमावि सीतापुरमा चार शिक्षक राखिएका छन् । भेटीबाट संकलित रकममध्ये मासिक रूपमा आदर्श मावि र शान्ति निमाविलाई एक लाख २० हजार उपलब्ध गराइएको मन्दिर व्यवस्थापन समितिका सचिव यादव घिमिरेले बताउनुभयो । यस्तै सन्धिखर्कमा रहेको पाणिनी वेद्विद्या श्रमका लागि वार्षिक एक लाख २० हजार उपलब्ध गराउने उहाँको भनाइ छ ।


'विद्यालयसँगै अन्य विकास निर्माणका काममा पनि सहयोग पुर्‍याउने गरेका छौं', उहाँले भन्नुभयो । खानेपानी लिफ्टिङ, मोटरबाटो निर्माणजस्ता विकास निर्माणका काम भएका छन् । 'विभिन्न खाले जटिल विरामीको उपचार खर्चमासमेत सहयोग पुर्‍याउँदै आएका छौं । यस मन्दिरमा गएको वर्ष ६० लाख रुपैयाँ आम्दानी भएको थियो । यस वर्ष बढेर ८० लाख पुग्ने मन्दिरका सचिव यादवले बताउनुभयो । मन्दिरको दर्शन गर्न अर्घाखाँची, कपिलवस्तु, दाङ, प्युठान, गुल्मी, रूपन्देहीबाट बढी मात्रामा पर्यटक आउने गर्छन् । भारतको उत्तर प्रदेश, विहारबाटसमेत धार्मिक पर्यटक सुपा देउरालीमा दर्शन गर्न आउने गरेका छन् । यो नेपालकै प्रसिद्ध मन्दिर हो ।


विद्यालय चलाउन कठिन भएको समयमा मन्दिरको भेटीबाट प्राप्त रकमले शिक्षक राखेर विद्यालय सञ्चालन गर्दा धेरै सहज भएको आदर्श मावि खाँचीकोटका प्रधानाध्यापक डिल्लीराज थापाले बताउनुभयो । 'मन्दिरबाट सहयोग नमिलेको भए यो विद्यालय प्रावि नै रहने थियो', उहाँले भन्नुभयो, 'विद्यालयलाई यो अवस्थासम्म ल्याउन पाउँदा हामी निकै खुसी छौं ।'

मन्दिर व्यवस्थापन समितिले यहाँ उठेको रकम दुरुपयोग नगरी मन्दिर सञ्चालन, विद्यालय सञ्चालन, विकास निर्माण, विरामीको उपचारमा सहयोग गर्दै आएको बताएको छ । सुपा देउराली मन्दिर वरिपरिको वातावरणलाई व्यवस्थित गरी प्रचारप्रसारमा ध्यान दिनुपर्ने उहाँले बताउनुभयो । 'मन्दिरको भेटी विद्यालयजस्तो सामाजिक संस्थालाई दिनु राम्रो कार्य हो' उहाँले भन्नुभयो ।


सुपा देउराली मन्दिरको शिरसम्म पुग्न सकिने केबुलकार र साहसिक पदमार्ग बनाउन सके यहाँ पर्यटन व्यवसायबाट राम्रो आम्दानी लिन सकिने सहायक प्रमुख जिल्ला अधिकारी नारायण खत्रीले बताउनुभयो । सुपाको पूर्वमा रहेको भैंसी मेलामा मन्दिर, पश्चिममा सिद्ध मन्दिर आउने पुल तथा साहसिक पदमार्गको निर्माण गर्न सके नेपालकै प्रसिद्ध धार्मिक तथा पर्यटकीयस्थल बनाउन सकिने उहाँले बताउनुभयो ।


 सुपा देउराली पर्यटकीय गन्तव्य बनिसकेको छ । सन्धिखर्क-गोरुसिंगे सडक खण्डसँगै जोडिएकाले पनि यसको महत्व बढ्दो छ ।
सुपा देउरालीको दर्शन गरेपछि मनले चिताएको पुग्ने धार्मिक विश्वास छ । कडा चट्टानका बीच निर्माण भएको सडक र त्यही सडकको छेउमा मन्दिर छ ।

सुपा देउराली नजिकैको नरपानी डाँडाको मनोरम दृष्यले पर्यटकलाई लोभ्याउँछ । नरपानी डाँडा चिसो हावा र पानीले प्रसिद्ध छ । यहाँबाट धेरै हिम शृंखला देख्न पाइन्छ । गर्मीमा पनि चिसो हुने हुँदा तराईबाट गर्मी छल्न पर्यटक यहाँ आउने गर्छन् । यहाँ भारतबाट आउने पर्यटकको संख्यामा पनि वृद्धि भएको छ ।

अन्य समाचार, भिडियो तस्बिरको लागि तल क्लिक गर्नुस्:
  प्रतिक्रिया दिनुहोस्       साथीलाई पठाउनुहोस्
तपाईंको पूरा नाम :
तपाईंको ईमेल :
साथीको ईमेल :
सन्देश :
       
अन्य जिल्ला समाचार
खिल्जीको बेल्बोटमा लागेको आगलागी नियन्त्रणमा (तस्बिर सहित)
छत्रदेव ७ काे ढिकुरामा भैलाे खेलेर उठेको रकमबाट पधेरा कुवा संरक्षण
केरुंगाकी शान्ता र वाङ्लाका विजयको दाइजो गरगहना बिनानै विवाह, विहे खर्च सबै बाढी पीडितलाई सहयोग
मालारानी गाउँपालिका वडा नं ३ का अध्यक्ष जीवन चौहानको स्वास्थ्य अवस्था स्थिर, बाबुको निधन
भूमिकास्थानको पकले मेयलपोखरीमा मोटरसाइकल दुर्घटना हुँदा २ जना घाइते
अर्घाखाँचीमा समानुपातिकतर्फ राष्ट्रिय जनमोर्चाका धेरै भोट् सूर्य र गोलाकारभित्र हसिया हथौडामा परे
पाणिनी बहुमुखी क्याम्पसमा शुल्क वृद्धि गरेको विरोधमा तालाबन्दी
अर्घाखाँचीमा समानुपातिकतर्फको मतगणना जारी | प्रतिनिधिसभामा काँग्रेस अगाडि, प्रदेश सभामा एमाले अगाडि (सबै दलका मत विवरण सहित)
अर्घाखाँचीमा प्रदेश सभा क्षेत्र नम्बर १, २ का यि उम्मेद्वारको जमानत जफत भयो (विवरण सहित)
अर्घाखाँचीमा ५ जना प्रतिनिधिसभा उम्मेद्वारको जमानत जफत (विवरण सहित)
मालारानी गाउँपालिका वडा नं ३ का अध्यक्ष जीवन चौहान रुपन्देहीमा दुर्घटना परी गम्भीर घाइते
सन्धिखर्कमा वाम गठबन्धनको विजयी -र्याली, सभा सम्पन्न (भिडियो, तस्बिर सहित)
संयुक्त वाम गठबन्धनले आज सन्धिखर्कमा विजयी जुलुश सहित सभा गर्ने
अर्घाखाँचीमा वाम गठबन्धनको क्लिन स्वीप
अर्घाखाँचीबाट प्रदेश सभा क्षेत्र नम्बर २ मा रामजी प्रसाद घिमिरे विजयी
अर्घाखाँचीबाट प्रदेश सभा क्षेत्र नम्बर १ मा चेतनारायण आचार्य विजयी
त्रिशुली नदीमा बस दुर्घट्ना परि बेपत्ता मध्ये फेरि अर्घाखाँचीका एक जनाको शब फेला
अर्घाखाँचीबाट प्रतिनिधि सभा सदस्यमा बाम गठबन्धनका टोप बहादुर रायमाझी विजयी
अर्घाखाँचीमा प्रदेशसभा क्षेत्र नम्बर-१, २ मा बामगठबन्धन एमालेको अग्रता, मतगणना जारी
अर्घाखाँचीमा प्रतिनिधि सभा सदस्यमा बाम गठबन्धनका टोप बहादुर रायमाझी विजयी नजिक
http://go.oclaserver.com/afu.php?zoneid=1465736