arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
राजनिती

एउटा गाउँपालिका जित्न चार/पाँच करोड खर्च भएको छ : दाहालtext size increase   text size decrease   Print    rss (२०७४ श्रावण २४, मंगलवार)

world news

नेकपा माओवादी केन्द्रका अध्यक्ष पुष्पकमल दाहालले पैसा हुनेलेमात्रै निर्वाचन जित्नसक्ने अवस्था आएको भन्दै सबै वर्ग र क्षेत्रका जनताले जित्नसक्ने निर्वाचन प्रणाली बनाउनुपर्नेमा जोड दिएका छन् ।

नेकपा माओवादी केन्द्र प्रदेश नम्बर३ अन्तर्गत्का केन्द्रीय महाधिवेशन आयोजक समिति सदस्यका लागि मंगलबार राजधानीमा आयोजना गरिएको प्रशिक्षण कार्यक्रमलाई सम्बोधन गर्दै उनले अहिलेको निर्वाचन प्रणालीले गरिब, उत्पीडितले निर्वाचन जित्न नसक्ने भएकाले निर्वाचन प्रणाली बदल्नुपर्ने बताए ।

अध्यक्ष दाहालले भने–‘भर्खरै ६ प्रदेशमा स्थानीय तहको निर्वाचन सम्पन्न भएको छ । एउटा गाउँपालिका जित्न रु चार/पाँच करोड खर्च भएको छ, यो सामान्य कुरा होइन । बिहानबेलुका छाक टार्न मुस्किल हुनेले क्षमता र जनविश्वास भएर पनि निर्वाचन जित्न सक्दैनन् ।

धनीलेमात्र जित्ने, प्रतिभा एवं जनसमर्थन भएरपनि गरिबले हार्ने निर्वाचन प्रणाली कायम भएकाले यसलाई बदल्नुको विकल्प छैन’–उनले भने–‘पार्टीबीच चुनावमा प्रतिस्पर्धा हुने पूर्ण समानुपातिक प्रणालीलेमात्र निर्वाचनमा देखिएको आर्थिक अराजकता र विकृतिलाई रोक्न सकिन्छ ।

उनले माओवादी र देशभक्तको एकताको नेतृत्व माओवादी केन्द्रले गर्नुपर्नेमा जोड दिँदै भने–‘माओवादी धारका सबै शक्ति निर्वाचन लड्यौं । तर, जनताले हामी सबैलाई मिल भन्ने सन्देश दिएका छन् । अब मिल्नुको कुनै विकल्प छैन ।

नेपाली जनताले एकताका लागि पहल गर भन्ने सन्देश दिएको उल्लेख गर्दै उनले जनआवाजलाई बुझेर सबै माओवादी धार र देशभक्त एक हुनुको विकल्प नरहेको बताए ।

आफ्नो पार्टीको मूल समस्या वैचारिक अस्पष्टता र संगठनात्मक समस्या नै भएको जानकारी दिँदै उनले विचारमा धारिलो भएपछि संगठनलाई गतिशील बनाउन सक्नेगरी आवश्यक तयारी गरिएको छ’–भने ।

माओवादी नभएको भए स्थानीय तह र निर्वाचन दुवै नहुने भन्दै उनले भने–‘हामी नभएको भए स्थानीय तह हुँदैनथ्यो, निर्वाचन पनि हुँदैनथ्यो । तर, यसलाई उल्टाउने कोसिस पनि भइरहेको छ ।

प्रतिगामी शक्तिको बल पुग्यो भने संघीय लोकतान्त्रिक गणतन्त्र नै उल्टाउने र त्यही आडमा धर्मनिरपेक्षतालगायतका परिवर्तनका एजेन्डासमेत धरापमा पार्ने खेल भइरहेको अध्यक्ष दाहालको कथन थियो ।

राष्ट्रिय समाजवादकै नारा दिएर जर्मनीमा फासीवादको अभ्यास भएकोभन्दै उनले मुलुकमा पनि राष्ट्रियताका नाममा पहाडी र मधेसीको नाममा खेल्न खोजिएको बताए ।

राष्ट्रवादका नाममा नश्लवाद हुँदै फासीवादको अभ्यास गर्न खोजिएको भन्दै उनले अन्ध राष्ट्रवादले मुलुकलाई नै दुर्घटनामा लैजाने भयानक खतरा रहेको उल्लेख गरे ।

माओवादीसँग सहकार्य गर्ने शक्तिले प्रत्यक्ष निर्वाचित कार्यकारी प्रमुख मान्नुपर्ने र आफैंले मानेको एजेन्डा फेर्ने नैतिक अधिकारसमेत कांग्रेसएमालेलाई नभएको स्पस्ट पारे ।

हिमाल, पहाड र तराईमधेसलाई जोड्नसक्ने एजेन्डा भनेकै प्रत्यक्ष निर्वाचित कार्यकारी प्रमुखको एजेन्डा रहेको उनको कथन थियो ।

प्रशिक्षण कार्यक्रममा नेताहरु नारायणकाजी श्रेष्ठ, रामबहादुर थापा, अग्नि सापकोटा, पम्फा भुसाल, हितमान शाक्य, विश्वभक्त दुलाल, नारायण दाहाल, सूर्य सुवेदी, अञ्जना बिशंखेलगायतको उपस्थिति थियो । राससलाई उदृत गर्दै इमेजखबरले लेखेको छ ।

 

           

अन्य समाचार, भिडियो तस्बिरको लागि तल क्लिक गर्नुस्:
  प्रतिक्रिया दिनुहोस्       साथीलाई पठाउनुहोस्
तपाईंको पूरा नाम :
तपाईंको ईमेल :
साथीको ईमेल :
सन्देश :
       
अन्य राजनिती
दोस्रो चरणमा निर्वाचन हुने पूर्वाञ्चलका ७ सय ९२ मतदानस्थल सुरक्षाका दृष्टिले अति समवेदनशील
स्थानीय निर्वाचन मिति सर्दै जाँदा सर्वसाधारण मतदाता निराश
असार ९ गते हुने भनिएको दोस्रो चरणको स्थानीय निर्वाचन १३ गतेपछि हुने
दोस्रो चरणको चुनाव असार ९ गते
जेठ ३१ गते हुने दोस्रो चरणको स्थानीय निर्वाचनको सम्पूर्ण तयारी पूरा, सबै ठाउँमा सामग्री र सुरक्षाकर्मीहरु पुगिसके
स्थानीय निर्वाचनमा भएको भनिएको धाँधली छानबिनका लागि समिति गठन
दोस्रो चरणको स्थानीय तहको निर्वाचनप्रति जनता उत्साहित
स्थानीय तहको नयाँ संख्या अनुसार जेठ ३१ गते निर्वाचन संभव नभएको निर्वाचन आयोगको भनाई
राष्ट्रपतिबाट सहमतीय सरकार गठनका लागि आह्वान
निर्वाचन आयोगद्वारा स्थानीय तह थप गर्दा जेठ ३१ मा चुनाव गर्न गाह्रो हुने सरकारलाई जानकारी
निर्वाचन आयोगद्वारा जेठ ३१ गते हुने दोस्रो चरणको स्थानीय निर्वाचनको तयारी तीव्र
संबिधान संशोधन बिना नै मधेसमा निर्बाचन हुन्छ : खनाल
मतगणना जारी ! सार्वजनिक परिणाममा एमाले अगाडि
मतगणना जारी ! २५० स्थानको परिणाम सार्वजनिक, कांग्रेस र एमालेबीच तीव्र प्रतिस्पर्धा कायमै
स्थानीय निर्वाचनको मतगणना जारी, अहिलेसम्म तीन हजार २८५ प्रतिनिधि निर्वाचित
मतपरिणाममा एमाले र कांग्रेसबीच तीव्र प्रतिस्पर्धा
दाहालले राजीनामा दिने, कामचलाउ बजेट यही सरकारले ल्याउने
स्थानीय निर्वाचनको मतगणना जारी
पहिलो चरणको स्थानीय निर्वाचन छिटपुट घटना बाहेक शान्तिपूर्ण र उत्साहजनक रुपमा सम्पन्न, ७१ प्रतिशत मत खस्यो
निर्वाचन उत्साहप्रद, मतदान जारी
http://go.oclaserver.com/afu.php?zoneid=1465736