नयाँ वर्ष २०६९ को अवसरमा के भन्छन नेताहरु:-           (२०६९ वैशाख २, शुक्रवार)

मेरो धेरै समय राजनीतिमा नै बित्नेछ। तर त्यसबाट समय निकालेर श्रीमती, छोरी र गाउँका साथीभाइसँग रमाइलो गर्नेछु। २०६९ सालमा कांग्रेसको कार्यक्रममा लगभग २२ जिल्लासम्म पुग्नेछु। आफ्ना गीत कम्पोज गर्नेछु र निबन्धसंग्रहलाई फाइनल गर्नेछु।
विश्वप्रकाश शर्मा, नेता, नेपाली कांग्रेस

२०६९ सालमा राजनीतिमा नै बढी संलग्न रहनेछु। बैशाख १ गते सांस्कृतिक कार्यक्रममा जान्छुु। त्यसपछि महिनाभरि शान्तिप्रक्रियामा केन्द्रित रहनेछु। जेठ १४ मा संविधान आएपछि राज्य पुर्नसंरचनाका काममा व्यस्त हुनेछु।
भीम रावल, नेता, नेकपा एमाले

शान्ति र संविधानको काम अगाडि बढाउने प्रक्रियामा नै व्यस्त रहनेछु। जेठ १४ मा नयाँ संविधान आएपछि अरू योजना र काम निर्धारित हुनेछन्। नयाँ संविधान आएपछि जिम्मेवारी पाएअनुसार काम गर्नेछु।
रमेश लेखक, नेता, नेपाली कांग्रेस

जनताका संकल्प
गत वर्ष गरेका गल्तीहरूलाई सुधार्ने कोसिस गर्छु। वर्षभरि मुड अफ हुने गल्ती गर्दिनँ।
सुवासजंग ठकुरी,थापाथली
चाँडै रिसाउने बानी छ मेरो। यो वर्षदेखि यो बानी त्याग्छु।
कला पौडेल, मैतीदेवी
जनताको सेवा गर्छु। हामी ट्राफिक प्रहरीको योबाहेक अर्को प्रण के हुन्छ र?
राम चौरासिया, ट्राफिक प्रहरी
म धेरै बोल्छु। यो वर्षदेखि कम बोल्छु।
उमा खत्री,भिमसेनगोला

जाँडरक्सी छोड्छु।
भुवन निरौला,ज्ञानेश्वर

झर्कोफर्को गर्न स्वभावलाई चटक्कै छोडिदिन्छु।
बिजु गुरुङ, महांकाल
साभार : शुक्रवार