पहिले समायोजन रोजेर हाल सरकारले दिएको मौका अनुसार स्वेच्छिक अवकाशमा जान चाहेका माओवादी लडाकुहरुको विदाई प्रक्रिया आजदेखि शुरु हुदैछ । विभिन्न शिविरबाट पार्टी नेतृत्वसँग छलफल गर्न आएका लडाकु कमाण्डरहरुबीच हिजो भएको बैठकमा लडाकुको विदाई गर्ने अभियान शुरु गर्ने निर्णय भएको थियो ।

लडाकुको सामायोजकका लागि सातै बटा शिविरमा विशेष समिति अन्तर्गतको सचिवालयको टोली शिविरमा पुगेर लडाकुहरुसँग छलफल गरिसकेको छ । नेतृत्वसंग छलफल गर्न काठमाडौ आएका कमाण्डरहरु शिविरमा पुग्नासाथ विदाई प्रक्रिया शुरु हुने भएको छ । यसैबीच, तेश्रो डिभिजनमा भएको आर्थिक अनियमितता पारदर्शी हुनु पर्ने माग गर्दै चितवन बन्दको आब्हान गर्ने वर्हिगमित लडाकुका २ जनालाई प्रहरलिे पक्राउ गरेको छ । प्रहरीले बन्द गराउदै हिडेका बहिर्गमीत जनमुक्ति सेनाका चितवन ईन्चार्ज अग्नी राई र कमान्ड ईन्चार्ज ज्वाला नेपाललाई पक्राउ गरेको छ । उनीहरुले पछिल्लो समय शिविरमा नौं करोड भन्दा वढीको हिसावकिताव गोलमाल गरिएको भन्दै विरोध गरेका हुन् । हिजो उनीहरुले तेस्रो डिभिजनमा धर्ना दिएका थिए ।

समायोजन रोजेका ९ हजार ७ सय ५ जना लडाकु रहेपनि सात बुदे सहमति अनुसार बढीमा ६ हजार ५ सय लडाकु मात्र नेपाली सेनामा समायोजन हुने भएकाले फेरि लडाकुलाई स्वेच्छिक अबकाश रोज्न लगाइएको हो ।चैतको ३० गतेभित्र समायोजनको काम सक्न दलहरुबीच सहमति भएको छ ।