पौड्यालले मुख्य सचिवको पदभार सम्हाल्दै           (२०६९ श्रावण २३, सोमवार)

 काठमाडौं, २२ साउन कायममुकायम मुख्य सचिव लीलामणि पौड्यालले आजबाट पदभार सम्हाल्दैछन् । मुख्य सचिव माधव घिमिरेले हिजोदेखि सेवाबाट अवकाश पाएपछि मन्त्रिपरिषद्ले गरेको निर्णयन अनुसार पौड्यालले आजबाट पदभार ग्रहण गर्न लागेका हुन् ।
 
विहान एक कार्यक्रमकाबीच पौड्यालले पदभार सम्हाल्ने मन्त्रिपरिषदका् कार्यालयले जनाएको छ । पदभारग्रहणपछि विहान ११ बजे सबै मन्त्रालय र संवैधानिक निकायका सचिवहरुलाई मुख्य सचिव पौड्यालले निर्देशन दिने कार्यक्रम तय गरिएको छ ।
 
 २०६३ साउन २२ मा निजामति प्रशासनको उच्च पदमा बढुवा हुनुभएका घिमिरलेले तीन वर्षको पदावधि पूरा गरेर अवकाश पाएका हुन् । घिमिरे विदामा बसेपछि साउन १४ मा बसेको नेपाल सरकार मन्त्रिपरिषद्को बैठकले आजदेखि लागुहुनेगरी पौड्याललाई मुख्य सचिवमा बढुवा गरेको थियो ।
 
पौड्याललाई कायममुकायम मुख्य सचिव छनौट गर्ने प्रक्रिया गलत भएकोभन्दै मुख्य सचिवको दावीगर्दै आएका पाँच जना सचिवहरुले राजिनामा दिएका थिए ।