arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
प्रतिनिधिसभा र प्रदेशसभा निर्वाचनपछि कसले सरकार बनाउला ?

बाम गठबन्धन
नेपाली कांग्रेस
थाहा भएन

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
जिल्ला समाचार

रातदिन सन्धिखर्क, खाचिकोट, ढिकुराका सबै जंगलमा एम्बुस थापेर बाघ खोजी कार्य जारी, गाउँलेहरु झाडी काटेर सरसफाई अभियानमा (तस्बिर सहित)text size increase   text size decrease   Print    rss (२०७४ आश्विन २३, सोमवार)

प्रेम खड्का

ढिकुरा, अर्घाखाँची ( अर्घाखाँचीडट्कम) । बाघ मार्न तथा नियन्त्रण गर्न लागि चितवनबाट आएको राष्ट्रिय निकुञ्जको विज्ञ सहित नेपाली सेना, नेपाल प्रहरी लगायतको टोलीले खाचिकोट, ढिकुरा सम्मको सबै जंगलमा निरन्तर एम्बुस थापेर खोजी कार्य जारी राखेको छ । रातको समयमा एम्बुस थापेर बाघ मार्न तथा नियन्त्रण गर्ने योजना अनुरुप विभिन्न ठाउँमा एम्बुस पोइन्ट खडा गरिएको छ । 


आज सोमबार ढिकुराको टोडेहार, खाचिकोट लगायतका जंगलमा बाघ खोज्न परिचालन भएता पनि फेला पार्न सकिएन ।   साथै आज पनि राती नेपाली सेना, नेपाल प्रहरी, स्थानियबासीको टिमले सन्धिखर्क, खाचिकोट, ढिकुराका जंगलमा बाख्रा राखी एम्बुस पोइन्ट खडा गरेर बसेका छन् । फरक-फरक स्थानमा १५, २० जनाको टोलीले बाख्रा राख्ने, बाख्रा खाने आएको बेलामा त्यही सुट गर्ने योजना बनाएको छ । 

बाघ आतंक बढ्दै गएपछि र दर्जन बालबालिकाको ज्यान गएपछि जिल्ला प्रशासन कार्यालय, जिल्ला प्रहरी कार्यालय र जिल्ला बन कार्यालयकाे  पहलमा बाघ मार्न तथा नियन्त्रण गर्न चितवनबाट राष्ट्रिय निकुञ्जको विशेषज्ञको ४ जना टोली शुक्रबार सन्धिखर्क आईपुगेको थियो ।


यस्तो छ बाघ मार्ने रणनीति एवम जनशक्ती परिचालन र स्थान:- 

(१) सन्धिखर्कको कुर दुवार मुकुन्द सरको घर मुनी नजिकको क्षेत्रमा सुरक्षा टोली बस्ने ।
(२) ढिकुराको सैनडाँडा तल टिमुरे खोलामा चितवनबाट आएको विज्ञ टोली बस्ने जसको लागि समुदायसँग छलफल गरिने । 
(३) सन्धिखर्कको दुवार भन्दा माथि गणपतिको घर नजिक पानी पोखरी बासधारीमा चितवनबाट आएको विज्ञ टोली बस्ने जसको लागि समुदायसँग छलफल गरिने ।
(४) पियालेखोला ढिकुराको लागि समुदायसँग छलफल गरिने र नयाँ रणनिती बनाईने । 
(५) साविक सन्धिखर्क -८ पोखराका नेटामा सुरक्षा टोली बस्ने । 
(६) सन्धिखर्कको कुर बुढारे खरयान आसपास क्षेत्रमा खोर राख्ने । 
(७) सन्धिखर्कको भालुखोला आसपासको लागि स्कुलमा समुदायसँग छलफल गरि नयाँ रणनिती बनाईने (अर्घाखाँचीडट्कम) ।


 गाउँलेहरु झाडी काटेर सरसफाई अभियानमा

सन्धिखर्क नगरपालिका वार्ड नम्बर ७ प्रगतिनगर भालुखोला, कुर, ढिकुरामा स्थानियबासीहरुले आफ्ना घरगोठमा रहेका जंगल- झाडी कटेर सरसफाई अभियान शुरु गरेका छन् । 


घरगोठका झाडीमा बाघ आएर लुक्न सक्ने र आक्रमण गर्न सक्ने भन्दै झाडी काटेर सरसफाई शुरु गरेका हुन् । यहाँका गाउँलेहरु साँझपरेपछि बाहिर निस्कन सकेका छैनन् । 

उता चितवनबाट आएको राष्ट्रिय निकुञ्जको विज्ञ सहित नेपाली सेना, नेपाल प्रहरी लगायतको टोलीले खाचिकोट, ढिकुरा सम्मको सबै जंगलमा निरन्तर एम्बुस थापेर खोजी कार्य जारी राखेपछि स्थानियबासीमा बाघ नियन्त्रण हुनेमा कुरामा आशा पलाएको छ । यहाँका स्थानियबासीहरु खुशीयाली छन् । 


पछिल्लो पटक आश्विन १६ गते सोमबार सन्धिखर्क नगरपालिका वार्ड नम्बर २ को कुर बेहोरेका अशोक नेपालीकी ८ वर्षिया  छोरी प्रशन्ना नेपालीलाई बाघले खाएपछि पुन: सेना प्रहरी सन्धिखर्कको बेहोरेको जंगल,  कुर बेल्दारा देखि खाचिकोट, ढिकुरा सम्मको सबै जंगलमा परिचालन भएका थिए । 

बाघ मार्नका लागि ३० आर्मी र ३० प्रहरी गरि ६० जनाको टोली जंगल क्षेत्रमा परिचालन गरिएको छ । जिल्ला सुरक्षा समितिको निर्णयबाट चितुवा मार्न टोली परिचालन भएका हुन् । अर्घाखाँची जिल्लाको ईतिहासमा बाघ मार्न नेपाली सेना परिचालन गरिएको पहिलो घटना हो । 


बाघ आतंक बढ्दै गएपछि खाचिकोट, ढिकुरा, नुवाकोट, सन्धिखर्क, किमडाँडा लगायतका स्थानिय बासिन्दा त्रसित भएका छन् । यस पटक प्रहरी प्रशासनले पुन: बढी सकृयता देखाएको छ । यस अघि पनि गत भाद्र २७, मंगलवार सन्धिखर्क नगरपालिका वार्ड नम्बर ७ प्रगतीनगर ( साविक खाचिकोट - ६ भालुखोला बाजाबारी) का रमेश के.सी र निर्मला के.सीका ४ वर्षिय कान्छो छोरो मनिष केसीलाई बाघले खाएकोपछि २,३ दिन सेना, प्रहरी परिचालन गरियता पनि केही उपलब्धी हुन सकेको थिएन । 


पछील्लो पटक खाचिकोटको भालुखोलामा बच्चा खाएको १५ दिन नहुँदै आश्विन ११, बुधवार बुधवार भुमिकास्थान नगरपालिका वार्ड नम्बर ९ ढिकुरा ढोडेनी-खान्दुलामा आफ्नो घरभन्दा माथि मोटरबाटोमा खेली खेलिरहेको बेला बाघले राम बहादुर सुनार र कमला सुनारका ११ वर्षिय छोरा गोपाल सुनारलाई गम्भिर घाईते बनाएको थियो ।

अर्घाखाँचीमा बाघ आतङ्कले जिल्लावासी त्रसित भई रहेका छन् ।  पटक-पटक बाघको आक्रमणबाट अबोध बालबालिकाको ज्यान जाँदा समेत बाघ मार्न प्रशासन लागी नपरेको गुनासो जिल्लाबासीको छ । बाघले वर्षेनी बालबालिकाको ज्यान लिन थालेपछि यस क्षेत्रका नागरिक चिन्तित बनेका छन् । बालबालिकाहरु त्रासमा छन् । उनीहरुल स्कुल जान पनि डराइरहेका छन् । स्थानीय जगंल क्षेत्रमा घास दाउरा गर्न र गाइवाख्रा चराउन लैजान पनि डराइरहेका छन् । 


बाघ आतङ्कले जिल्लावासी त्रसित भईरहे पनि सुरक्षाको प्रत्याभुति दिलाउन असफल भएको आरोप खेपिरहेको प्रहरी प्रशासन बाघ मार्नका लागि बिशेष प्रहरी, सेना भदौको अन्त्य तिर २,३ दिन परिचालन गरेको थियो ।  

जिल्लामा गएको २,३ वर्ष भित्र लगभग एक दर्जन बालबच्चाको बाघको आक्रमणबाट ज्यान गएको छ । अर्घाखाँचीको ईतिहासमा यसरी बाघले मानविय क्षती पुराएको पहिलो पटक हो । 


बाघ आतंक बढ्दै गएपछि खाचिकोट, ढिकुरा, नुवाकोट, सन्धिखर्क, किमडाँडा लगायतका स्थानिय बासिन्दाले जिल्ला प्रशासन कार्यालयमा २,३ वर्ष देखि बारम्बार  जिउधनको रक्षाको लागि आग्रह गरिरहेका छन् । उनिहरुले नरभक्षी बाघलाई पक्रिएर जनताको शान्तिसँग बाँच्न पाउने अधिकार सुरक्षित गर्न माग गरेता पनि जिल्लामा २,३ वर्षको अवधिमा कयौ प्रमुख जिल्ला अधिकारी, प्रहरी प्रमुख आए तर ति सबैले जनताको समस्या कहिलै सुनेनन् । यस जिल्लामा कुनै निकायले यसलाई चासो देखाएनन् ।  


यस अगाडि पनि बाघ मार्नु पर्ने व्यापक गुनासो आएपछि बाघ मार्नका लागि प्रशासनले २,४ दिन प्रहरी परिचालन गराएता पनि उपलब्धी शुन्य रहेको छ । अर्घाखाँची नेपालको अन्य भेगमा भन्दा बढी बाघले आतङ्क मच्चाएको जिल्ला हो । विधालय आउँदा जाँदा होस् कि साँझ विहान घरको आगनमा खेल्दा होस् यहाँ बच्चाहरुको सुरक्षा छैन ।  
 

उता सन्धिखर्क, खाचिकोट, ढिकुरा लगायतका स्थानियबासीले अर्घाखाँचीमा निरन्तर बाघको आक्रमणबाट ठुलो मानविय क्षती भएपछि जिल्लालाई संकटग्रस्त क्षेत्रको घोषणा गर्न माग गरेका छन् । सरकारले बाघलाई पक्रन वा मार्नको निम्ती पहल नगरे गाउँ छाड्न बाध्य हुने उनिहरुको भनाई छ ।

०७० भदौ १७ मा भुमिकास्थान नगरपालिका ८ का ३ वर्षिय बालक नारायण नेपाली, ०७० कार्तिकमा भुमिकास्थान ८ कै ६ वर्षिय उमेश नेपाली, ०७१ वैशाख ४ गते सन्धिखर्क ८ किमडाँडाका डेढ वर्षिय बालक युवराज मरासिनी, ०७१ जेठ २२ गते सन्धिखर्क नगरपालिका २ कुर का छ वर्षिय बालक शुसिल आचार्यको ज्यान लिएको थियो । ०७१ भदौ १९ गते सन्धिखर्क नगरपालिका ८ की १० वर्षिया बालिका सुजता विक, ०७१ मंसिर २६ गते सन्धिखर्क ८ का तिन वर्षिय बालक सुमन नेपालीको ज्यान लिएको थियो । यस्तै ०७३ वैशाख २९ गते भुमिकास्थान ८ नुवाकोटका ढाइ वर्षिय बालक आरम्भ गैरे को ज्यान लियो । ०७३ भदौमा सन्धिखर्कको खाँचीकोटमा ८ वर्षिया बालिका अस्मिता मुखिया र ५ वर्षिया ललिता विकको ज्यान लिएको थियो । यो बीचमा पाँच जना बालबालिका बाघको आक्रमणबाट घाइते भएका छन् ।

अन्य समाचार, भिडियो तस्बिरको लागि तल क्लिक गर्नुस्:
  प्रतिक्रिया दिनुहोस्       साथीलाई पठाउनुहोस्
तपाईंको पूरा नाम :
तपाईंको ईमेल :
साथीको ईमेल :
सन्देश :
       
अन्य जिल्ला समाचार
खिल्जीको बेल्बोटमा लागेको आगलागी नियन्त्रणमा (तस्बिर सहित)
छत्रदेव ७ काे ढिकुरामा भैलाे खेलेर उठेको रकमबाट पधेरा कुवा संरक्षण
केरुंगाकी शान्ता र वाङ्लाका विजयको दाइजो गरगहना बिनानै विवाह, विहे खर्च सबै बाढी पीडितलाई सहयोग
मालारानी गाउँपालिका वडा नं ३ का अध्यक्ष जीवन चौहानको स्वास्थ्य अवस्था स्थिर, बाबुको निधन
भूमिकास्थानको पकले मेयलपोखरीमा मोटरसाइकल दुर्घटना हुँदा २ जना घाइते
अर्घाखाँचीमा समानुपातिकतर्फ राष्ट्रिय जनमोर्चाका धेरै भोट् सूर्य र गोलाकारभित्र हसिया हथौडामा परे
पाणिनी बहुमुखी क्याम्पसमा शुल्क वृद्धि गरेको विरोधमा तालाबन्दी
अर्घाखाँचीमा समानुपातिकतर्फको मतगणना जारी | प्रतिनिधिसभामा काँग्रेस अगाडि, प्रदेश सभामा एमाले अगाडि (सबै दलका मत विवरण सहित)
अर्घाखाँचीमा प्रदेश सभा क्षेत्र नम्बर १, २ का यि उम्मेद्वारको जमानत जफत भयो (विवरण सहित)
अर्घाखाँचीमा ५ जना प्रतिनिधिसभा उम्मेद्वारको जमानत जफत (विवरण सहित)
मालारानी गाउँपालिका वडा नं ३ का अध्यक्ष जीवन चौहान रुपन्देहीमा दुर्घटना परी गम्भीर घाइते
सन्धिखर्कमा वाम गठबन्धनको विजयी -र्याली, सभा सम्पन्न (भिडियो, तस्बिर सहित)
संयुक्त वाम गठबन्धनले आज सन्धिखर्कमा विजयी जुलुश सहित सभा गर्ने
अर्घाखाँचीमा वाम गठबन्धनको क्लिन स्वीप
अर्घाखाँचीबाट प्रदेश सभा क्षेत्र नम्बर २ मा रामजी प्रसाद घिमिरे विजयी
अर्घाखाँचीबाट प्रदेश सभा क्षेत्र नम्बर १ मा चेतनारायण आचार्य विजयी
त्रिशुली नदीमा बस दुर्घट्ना परि बेपत्ता मध्ये फेरि अर्घाखाँचीका एक जनाको शब फेला
अर्घाखाँचीबाट प्रतिनिधि सभा सदस्यमा बाम गठबन्धनका टोप बहादुर रायमाझी विजयी
अर्घाखाँचीमा प्रदेशसभा क्षेत्र नम्बर-१, २ मा बामगठबन्धन एमालेको अग्रता, मतगणना जारी
अर्घाखाँचीमा प्रतिनिधि सभा सदस्यमा बाम गठबन्धनका टोप बहादुर रायमाझी विजयी नजिक
http://go.oclaserver.com/afu.php?zoneid=1465736