arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
नेकपा एमाले र नेकपा माओवादी केन्द्रको संयुक्त बाम गठबन्धनको सरकार केपी शर्मा ओलीको नेतृत्वमा पाँच वर्ष चल्दा ठीक कि आधा समय अर्थात साढे २ वर्षपछि नेकपा माओवादी केन्द्रका पुष्पकमल दाहालको नेतृत्वमा पुन: आलोपालो सरकारको निरन्तरता दिन ठीक ?

आलोपालो ठीक
ओलीको निरन्तरता ठीक
थाहा भएन
हुनेवाला केही होइेन

भोट दिनुहोस् परिणाम हेर्नुहोस्
पुराना मत परिणामहरु
PropellerAds
बिज्ञापनहरु
 
राजनिती

प्रतिनिधिसभा र प्रदेशसभा २०७४: देशभर मतगणना जारीtext size increase   text size decrease   Print    rss (२०७४ म‌सिर २२, शुक्रवार)



मंसिर १० गते भएको पहिलो चरणको प्रतिनिधिसभा र प्रदेश सभा निर्वाचनको मतपरिणाम क्रमश सार्वजनिक हुँदैछ।

अहिलेसम्म प्रतिनिधिसभामा ६ जनाले जित हात पारेका छन् भने प्रदेश सभा जित्ने १२ उम्मेदवार छन्।

प्रतिनिधिसभामा वाम गठबन्धनले ५ सिट जितेको छ। बझाङ, मुस्ताङ, मनाङमा र म्याग्दीमा वाम गठबन्धनका एमाले उम्मेदवारले जितेका छन्। पूर्वीरुकुममा माओवादी उम्मेदवारले जित हात पारेका छन्।

स्वतन्त्र उम्मेदवारले हुम्लाबाट जितेर १ सिट ल्याएका छन्। उनी माओवादी केन्द्रका बागी उम्मेद्वार हुन्। तर, कांग्रेसले अहिलेसम्म एउटै सिट हात पार्न सकेको छैन।

प्रदेश सभामा पनि गठबन्धनले १०  सिट जितेको छ। एक सिट कांग्रेस र एक सिट कांग्रेसले जितेको छ।

मुस्ताङका २, मनाङको १, पूर्वी रुकुमका २, म्याग्दीका २, डोल्पामा १ र बझाङमा २ र  हुम्लामा १ गरि १० सिट वाम गठबन्धनले प्रदेशमा जितेको छ। त्यस्तै, मनाङको प्रदेश सभा ‘क’ मा कांग्रेस र ‘ख’ मा स्वतन्त्र उम्मेदवारले जितेका छन्।

यी हुन् प्रतिनिधिसभामा जित्ने ५ उम्मेदवार

मुस्ताङ – प्रेम प्रसाद तुलाचन (एमाले)

उनले ३ हजार ५ सय ४४ मत पाएका छन्। उनका निकटतम प्रतिद्वन्द्वी कांग्रेसका रोमी गौचन थकालीले ३ हजार १ सय ८१ मत पाएका छन्। गौचन २०७० सालको संविधान सभामा मुस्ताङबाटै सांसद पद जितेका थिए।

बझाङ – भैरवहादुर सिंह (एमाले)

वाम गठबन्धन उम्मेदवार सिंह २८ हजार ८ सय ८१ मत प्राप्त गरि विजयी भएका छन्। उनले  नेपाली कांग्रेसका पृथ्वीबहादुर सिंहलाई ५ हजार ६ सय ५९ मतान्तरले हराएका छन्।

कांग्रेसका पृथ्वीबहादुर सिंहले २३ हजार २ सय २२ मत प्राप्त गरेका थिए।

हुम्ला – छक्कबहादुर लामा (स्वतन्त्र)

स्वतन्त्र उम्मेदवार छक्कबहादुर लामा प्रतिनिधि सभामा विजयी भएका छन्। लामाले निकटतम प्रतिद्वन्द्वी कांग्रेसका मङ्गलबहादुर शाहीलाई ४७ मतान्तरले हराएका हुन्। उनी नेकपा माओवादी केन्द्रका बागी उम्मेद्वार हुन्।

पूर्वी रुकुम–  कमला रोका (नेकपा माओवादी केन्द्र)

वाम गठबन्धनका तर्फबाट माओवादी केन्द्रकी उम्मेदवार रोकाले १० हजार ४ सय ३४ मत प्राप्त गरि विजयी भएकी हुन्। निकटतम प्रतिद्वन्द्वी नेपाली कांग्रेसका हरिशंकर घर्ती मगरलाई ६ हजार २८ मतअन्तरले पराजित गरेकी छन्। मगरलाई जम्मा  ४ हजार ४ सय ६ मत मात्रै प्राप्त भएको छ।

म्याग्दी– भुपेन्द्र थापा (एमाले)

म्याग्दीमा पनि वाम गठबन्धनको तर्फबाट एमाले उम्मेदवार थापाले जित हात पारे। उनले २२ हजार १ सय ७० मत ल्याएका छन्। उनका निकटतम प्रतिद्वन्दि कांग्रेसका खम बहादुर गर्बुजा हुन्।

मनाङ – पाल्देन छोपाङ गुरुङ

मनाङबाट प्रतिनिधि सभा सदस्यमा एमालेका पाल्देन छोपाङ गुरुङ विजयी भएका छन्।

उनले २ हजार ३ सय मत पाएका छन्।। पाल्देनका प्रतिष्पर्धी कांग्रेसका टेकबहादुर गुरुङले २०२१ मत ल्याए। मनाङमा पहिलो पटक एमालेले जितेको हो।

प्रदेश सभा जित्ने उम्मेदवार

हुम्ला

प्रदेश सभा (क) –  दल रावल

उनी वामगठबन्धनका तर्फबाट एमाले उम्मेदवार हुन्।  आफ्ना निकटम प्रतिद्वन्दी कांग्रेसका थानबहादुर रोकायालाई ५ हजार ५ सय मतले पराजित गरेका छन्।

रावलले ७ हजार १ सय ५८ मत  ल्याएका छन् भने रोकायाले १ हजार ८ सय ११ मत पाएका छन्।

बझाङ

प्रदेश सभा (क) – अर्जुन थापा

थापा वामगठबन्धनका तर्फबाट, उम्मेदवार हुन्।  १६ हजार ८ सय ६८ मत ल्याएका थिए भने कांग्रेसका चन्द्रदेवी जोशीले १३ हजार १ सय ९७ मत ल्याए ।अर्जुन थापाले जोशीलाई ३ हजार ६ सय ७१ मत अन्तरले पराजित गरे ।

प्रदेश सभा (ख) – देवकी मल्ल

वामगठबन्धनमा देवकी मल्ले १६ हजार ७ सय ४३ मत ल्याईन् भने कांग्रेसका नरेशबहादुर सिंह १४ हजार २ सय ४२ मत ल्याएका थिए । तर, मल्लले सिंहलाई २ हजार ५ सय १ मतले पराजित गरिन् ।

रुकुम

पूर्व प्रदेशसभा (क)- तेजबहादुर वली

वली वाम गठबन्धनका माओवादी उम्मेदवार हुन्।  उनले ५ हजार ४ सय २७ मत प्राप्त गरि निर्वाचित भएका छन्। वलीका निकतम प्रतिद्वन्द्वी नेपाली कांग्रेसका दुतकुमार पुनले २ हजार १ सय ४४ मत प्राप्त गरेका थिए।

प्रदेश सभा (ख) – पूर्णबहादुर घर्ती

घर्ति पनि वाम गठबन्धनका  तर्फबाट माओवादी उम्मेदवार हुन्। ले ५ हजार ८ सय १६ मत प्राप्त गरि विजयी भएका छन्। उनका निकटतम प्रतिस्पर्धी नेपाली कांग्रेसका दत्तबहादुर बस्नेतले ३ हजार १ सय ११ मत प्राप्त गरेका छन्।

डोल्पा

प्रदेश सभा (क) – नन्दसि‌ह बुढा

वामगठबन्धनका तर्फबाट उनी एमालेका उम्मेदवार हुन्।

५ हजार ४ सय ९० मत ल्याएर उनले विजय प्राप्त गरेका छन्। बुढाका निकटतम प्रतिद्वन्द्वी नेपाली कांग्रेसका बेगमसिंह ठकुरीले १ हजार २ सय १३ मत ल्याएका छन्।

मनाङ

प्रदेशसभा (क)- चिन्तबहादुर घले।

उनी नेपाली कांग्रेसका उम्मेदवार हुन्।

घलेले ९ सय २८ मत ल्याएर विजयी भएका छन्। भने वाम गठबन्धका दोर्जे डडुल गुरुङले ८९६ मत ल्याए।

प्रदेशसभा (ख)- राजीव गुरूङ

गुण्डा नाइके भनेर चिनिएका राजीव गुरूङ (दीपक मनाङे) यहाँका स्वतन्त्र उम्मेदवार हुन्।

मनाङेले १ हजार ४ सय १० मत पाए भने उनका प्रतिष्पर्धी कांग्रेसका कर्मा गुरूङले १ हजार २० मत ल्याएका छन्।

म्याग्दी

प्रदेशसभा (क) –  विनोद केसी

वामगठबन्धनका तर्फबाट माओवादी उम्मेदवार केसी

१४ हजार ७ सय ४ मत ल्याई  विजयी भएका हुन्। उनका प्रतिद्वन्द्वी राप्रपाका भीमप्रसाद गौचनले १२ हजार १ स ७५ मत ल्याएका छन्।

प्रदेशसभा (ख)-  नरदेवी पुन मगर

वाम गठबन्धनकी एमाले उम्मेदवार नरदेवी पुन ले १० हजार ८ सय ६८ मत ल्याएर विजयी भएकी छन्। कांग्रेसका अमलाल फगामी पुनले ७ हजार ९ सय ९० मत प्राप्त गरेका छन् ।

मुस्ताङ

प्रदेशसभा ( क)- इन्द्र धारा डादु विष्टले

वामगठबन्धनका एमाले उम्मेदवार हुन्। उनले १ हजार १ सय २७ मत ल्याएर विजयी भएका छन्। उनका निकटतम प्रतिद्वन्द्वी मिक्युर बहादुर गुरूङले ६ सय ५७ मत ल्याए।

प्रदेश सभा (ख)- महेन्द्र प्रसाद थकाली।

वामगठबन्धनका एमाले उम्मेदवार थकालीले २ हजार ५ सय ८४ मत ल्याएर विजयी भएका हुन्। उनका निकटतम प्रतिद्वन्द्वी कांग्रेसका छिरिङ दावा गुरूङले २ हजार २ सय ५९ मत पाएका छन्।

अन्य समाचार, भिडियो तस्बिरको लागि तल क्लिक गर्नुस्:
  प्रतिक्रिया दिनुहोस्       साथीलाई पठाउनुहोस्
तपाईंको पूरा नाम :
तपाईंको ईमेल :
साथीको ईमेल :
सन्देश :
       
अन्य राजनिती
तीन वटा प्रदेशका सबै जिल्लामा निर्वाचन मतगणना जारी
दोस्रो चरणको स्थानीय निर्वाचन उत्साहजनक शन्तिपूर्ण रुपमा सम्पन्न, तीन वटा प्रदेशको निर्वाचनमा ७०.५ प्रतिशत मत खस्यो
दोस्रो चरणको स्थानीय निर्वाचनको मतदान जारी
आज दोस्रो चरणको स्थानीय निर्वाचन
दोस्रो चरणको स्थानीय निर्वाचन ! ६४ लाख ३२ हजार ७ सय ६५ मतदाता सहभागी हुँदै
दोस्रो चरण अन्तर्गत स्थानीय निर्वाचनको मौन अवधि ! सामाजिक संजाल वा कुनै माध्यमबाट प्रचार गर्न नपाइने
दोस्रो चरणको स्थानीय निर्वाचनको सुरक्षा तयारीबारे छलफल
२ नम्बर प्रदेश बाहेकका दोस्रो चरणको निर्बाचन हुने जिल्लामा चुनाबी रौनक बढ्यो
प्रदेश नम्बर नम्बर १, ५ र ७ का ३ सय ३४ स्थानीय चुनावको लागि उम्मेदवारी दर्ता
दोस्रो चरणको निर्वाचन तयारी पूरा, उम्मेदवारी दर्ताको लागि बिहान ८ बजेदेखि दिउँसो ४ बजेसम्म
चुनावको मिति चौथोपटक सरेपछि प्रदेश नम्बर २ का मतदाता दिक्क
प्रदेश नम्बर २ मा असोज २ गते मात्र चुनाव, तीन वटा प्रदेशमा असार १४ मै हुने
स्थानीय निर्वाचनका लागि राजनीतिक वातावरण बनाउन दलहरुलाई प्रमुख निर्वाचन आयुक्तको आग्रह
असार १४ गते हुने दोस्रो चरणको निर्वाचनको तयारी अन्तिममा
असार १४ गतेको स्थानीय निर्वाचन कुनैपनि हालतमा सार्न नसकिने प्रमुुख निर्वाचनको भनाई
प्रधानमन्त्री देउवाद्वारा दोस्रो चरणको स्थानीय निर्वाचनअघि संशोधन गर्न सम्भव नहुने स्पस्ट
दोस्रो चरणको स्थानीय निर्वाचन तयारी पूरा, ९० लाख बढी मतदाता
स्थानीय निर्वाचनका बेला सीमा नाका असार ११–१४ गते ७२ घन्टाका लागि बन्द
दरबार हत्याकाण्डको १६ वर्ष, रहस्य अझै खुलेन
दोस्रो चरणमा निर्वाचन हुने पूर्वाञ्चलका ७ सय ९२ मतदानस्थल सुरक्षाका दृष्टिले अति समवेदनशील
http://go.oclaserver.com/afu.php?zoneid=1465736