इराकको पूर्वी दियाला प्रान्तमा भएको दुईवटा बम विस्फोटबाट तीन जनाको मृत्यु

इराकको पूर्वी भागमा पर्ने दियाला प्रान्तमा आज दुई पटक बम विस्फोट गराइएका छन्। यसबाट तीन जनाको मृत्यु हुनुका साथै अन्य सोह्र जना घाइते भएका छन्।

                दियाला प्रान्तको प्रहरी क्षेत्रका अनुसार आज बिहान दियाला प्रान्तको सदरमुकाम बाक्युबा शहरको केन्द्रमा रहने एउटा रमाइलो सडकमा बम राखिएको एउटा गाडीलाई विस्फोट गराइयो। यसबाट तीन जनाको मृत्यु भएको छ। यसका अतिरिक्त तीन जना प्रहरीलगायत चौधजना घाइते भएका छन्। यसबाट प्रहरी क्षेत्रको एउटा गाडी पनि ध्वस्त भएको छ।

                प्रहरी क्षेत्रले यस पटकको आक्रमण दियाला प्रान्तका प्रमुखको रक्षा टोलीको गाडीलाई लक्षित गरिएको हो भन्दै बम विस्फोटन हुँदा उक्त टोलीका सदस्यहरु नजिकको एउटा रेस्टुराँमा खाना खाइरहेको कुरा जनाएको छ।

                आज बाक्युबादेखि तीस किलोमिटर पूर्वमा पर्ने एउटा गाउँको सडक छेउमा पनि बम विस्फोट गराइयो। यसबाट दुई जना प्रहरी घाइते भएका छन्।