जेष्ठ २४ गते, २०६७ मा प्रकाशितसर्लाही, जेष्ठ २४ – हतियार र लागुपदार्थ सहित प्रहरीले सोमबार सर्लाहीको ढुंग्रेखोला गाबिसबाट तीन युवालाई पक्राउ गरेको छ ।
उनीहरुको साथबाट एकथान नलकटुवा बन्दुक, एक राउण्ड गोली र ब्राउन सुगर बरामद भएको प्रहरीले जनाएको छ ।
पक्राउ पर्नेमा ढुंग्रेखोला गाबिस-६ का २१ वर्षीय काला लामा, १८ वर्षीय बण्ठा परियार र २१ वर्षीय विनोद चौधरी छन् । उनीहरु लागु पदार्थ सेवन गर्ने र बेचबिखन गर्ने गिरोहमा संलग्न भएको इलाका प्रहरी कार्यालय हरिऔनका प्रहरी निरीक्षक कृष्णप्रसाद शर्माले जानकारी दिए ।
लागु पदार्थको कारोबारसंगै मोटरसाइकल र यात्रु बसमा लुटपाट गर्ने अपराध समेत उनीहरुले गर्दै आएको प्रहरीले जनाएको छ । प्रहरी निरीक्षक शर्माले निकै समयदेखि उनीहरुको खोजी भइरहेको जानकारी दिए ।
अन्य समाचारहरु
