गणेश चुदाली
अर्घाखाँची टाईम्स अर्घाखाँची प्रतिनिधि
स्वीस सरकार विकास नियोगको आर्थिक सहयोगमा एकीकृत कार्यक्रम साचालन भइरहेको दोलखा जिल्लाको भीरकोट पुरानो गाउँ माझी बस्तीमा २० वटा शौचालय बनिरहेको छ । पुरानो गाउँ माझी बस्तीका २६ घरमध्ये २० परिवारका लागि शौचालय बनाउन चाहिने सामान सहयोगस्वरुप पाएपछि स्थानीयवासी शौचालय बनाउन जुटिरहेका छन् ।
शौचालय निर्माणका लागि आवश्यक सिमेन्ट रड पाइप र प्यान ग्रामीण स्वास्थ्य विकास परियोजना आरएचडिपि ले उपलब्ध गराएको हो । अहिलेसम्म ११ वटा शौचालयको भवन पूरा भइसकेकेा छ । त्यसैगरी शौचालयका लागि आवश्यक जस्ता पाता असल शासन समन्वय समितिको पहलमा जिल्ला विकास समितिले उपलब्ध गराउने भएको छ । यही असार १५ गतेसम्ममा पुरानो गाउँ माझी बस्तीलाई दिशामुक्त गाउँ घोषणा गर्ने कार्यक्रम रहेको छ ।
जेष्ठ २५ गते, २०६७ मा प्रकाशित
